ფხენიანმა ბირთვული პოტენციალის მქონე პირველი საესკადრო ნაღმოსანი შეიარაღებაში მიიღო

როგორ იცვლება ჯარიმები სიჩქარის გადაჭარბებაზე?მიღებული ცვლილებებით, სიჩქარის გადაჭარბების სანქციების სისტემა უფრო დიფერენცირებული ხდება. აღსანიშნავია, რომ ჯარიმების დიდი ნაწილი, რომელიც ახლა მცირდება, მიმდინარე წლის 1-ელი მაისიდან იყო გაზრდილი.ახალი ტარიფები შემდეგნაირად განაწილდა: 15-დან 30 კმ/სთ-მდე გადაჭარბება: 50 ლარი (100 ლარის ნაცვლად); 30-დან 50 კმ/სთ-მდე გადაჭარბება: 100 ლარი (ნაცვლად ძველი სისტემისა, სადაც 40 კმ/სთ-მდე ჯარიმა 100 ლარი იყო, ხოლო 40 კმ/სთ-ზე მეტზე - 300 ლარი); 50 კმ/სთ-ზე მეტით გადაჭარბება: ჯარიმა უცვლელი რჩება და კვლავ 300 ლარს შეადგენს. მწვანე ნარგავების დაზიანებაზე სანქციები რამდენჯერმე მცირდებასაკანონმდებლო ცვლილების კიდევ ერთი ნაწილი ეხება საგზაო-სატრანსპორტო შემთხვევის შედეგად მუნიციპალიტეტის საზღვრებში მწვანე ნარგავების დაზიანებას ან თვითნებურ განადგურებას. ამ მიმართულებით სანქციები რამდენჯერმე შემსუბუქდა, განსაკუთრებით კი დედაქალაქში: თბილისის საზღვრებში: ნარგავების დაზიანება პირველ ჯერზე 500 ლარით დაჯარიმდება (5 000 ლარის ნაცვლად), ხოლო განმეორებით ჩადენა - 1 000 ლარით (10 000 ლარის ნაცვლად). სხვა მუნიციპალიტეტებში: ჯარიმა პირველ ჯერზე განისაზღვრა 500 ლარით (2 000 ლარის ნაცვლად), ხოლო განმეორებით - 1 000 ლარით (5 000 ლარის ნაცვლად). შეღავათები დისტრიბუციისთვის: მოძრაობა ავტობუსის ზოლებშიცვლილებების თანახმად, სადისტრიბუციო მანქანებს ღამის საათებში, კერძოდ 01:00 საათიდან 06:00 საათამდე, ოფიციალურად ეძლევათ უფლება, იმოძრაონ ან გაჩერდნენ ავტობუსის ზოლში (Bus Lane) ტვირთის გადმოზიდვის მიზნით.კონკრეტულ წესებსა და კრიტერიუმებს, თუ რომელ სტანდარტებს უნდა აკმაყოფილებდეს სადისტრიბუციო ტრანსპორტი ამ უფლებით სარგებლობისთვის, შინაგან საქმეთა მინისტრი სპეციალური ბრძანებით დაადგენს.

1782382318

ორგანიზატორების განცხადებით, ფორუმი ორი ქვეყნის სახელმწიფო უწყებების ხელმძღვანელებსა და ბიზნესწრეების წარმომადგენლებს შორის პირდაპირი დიალოგის პლატფორმა გახდება.ღონისძიების მთავარი მიზანი ორმხრივი თანამშრომლობის გაღრმავება, საინვესტიციო სფეროში გამოცდილების გაცვლა და სავაჭრო-ეკონომიკური კავშირების გაფართოებაა.ფორუმის ფარგლებში უზბეკური მხარე ქვეყნის საინვესტიციო პოტენციალს წარადგენს და უცხოელ პარტნიორებს მოქმედ სამართლებრივ გარემოს, ინვესტორებისთვის არსებულ შეღავათებსა და სახელმწიფო მხარდაჭერის მექანიზმებს გააცნობს.დელეგატები ასევე გაეცნობიან უზბეკეთის სახელმწიფო პოლიტიკის პრიორიტეტულ მიმართულებებს, რომლებიც საინვესტიციო კლიმატის გაუმჯობესებასა და ბიზნესის უფლებების დაცვას უკავშირდება.პანელური დისკუსიებისა და B2B შეხვედრების ფარგლებში განსაკუთრებული ყურადღება დაეთმობა სტრატეგიული პარტნიორობის პერსპექტივებს სოფლის მეურნეობის, ელექტროტექნიკური მრეწველობისა და თანამედროვე სამშენებლო მასალების წარმოების სფეროებში.ფორუმის მონაწილეები ასევე განიხილავენ ერთობლივი საინვესტიციო პროექტების განხორციელებისა და ახალი კომერციული შესაძლებლობების განვითარების პერსპექტივებს.

1782381981

Reuters-ის ინფორმაციით, უკრაინული დრონების თავდასხმებისა და რიგი ნავთობგადასამუშავებელი ქარხნების გაუთვალისწინებელი სარემონტო სამუშაოების გამო, ცენტრალურ რუსეთში ბენზინის წარმოება ივნისის ბოლოსთვის წლიურ ჭრილში დაახლოებით 25%-ით შემცირდება.ამავე დროს, ყაზახეთმა ევრაზიული ეკონომიკური კომისიის ფარგლებში მიიღო გადაწყვეტილება, გააუქმოს საბაჟო გადასახადი მესამე ქვეყნებიდან საწვავის იმპორტზე, რათა საჭიროების შემთხვევაში შიდა ბაზარზე საწვავის მიწოდება გაიზარდოს. ყაზახეთის ვაჭრობისა და ინტეგრაციის ვიცე-მინისტრის ჟანელ კუშუკოვას განცხადებით, მთავარი პოტენციური მიმწოდებელი ამ შემთხვევაში ჩინეთია.მისივე თქმით, შეღავათები შეეხება ბენზინს, დიზელს და საავიაციო საწვავს.ფორმალურად, ასტანა აცხადებს, რომ ქვეყანა სრულად არის უზრუნველყოფილი ბენზინითა და დიზელით და ჩინური საწვავის იმპორტის გამარტივება მხოლოდ სარეზერვო მექანიზმის შექმნას ემსახურება. თუმცა გადაწყვეტილების დროის გათვალისწინებით, რეგიონში უკვე გაჩნდა კითხვა, ხომ არ შეიძლება ყაზახეთი რუსული ბაზრისთვის ჩინური ბენზინის ერთგვარ სატრანზიტო არხად იქცეს.განსაკუთრებით იმის ფონზე, რომ ჩინეთის ნავთობგადასამუშავებელი ინდუსტრია ბოლო წლებში მნიშვნელოვნად დაეყრდნო რუსული წარმოშობის იაფ ნავთობს. დასავლური სანქციების შემდეგ მოსკოვი ჩინეთს ნავთობს მსოფლიო ფასებთან შედარებით მნიშვნელოვანი ფასდაკლებით აწვდის, რის შედეგადაც ჩინურმა ქარხნებმა კონკურენტუნარიანი საწვავის წარმოების შესაძლებლობა მიიღეს.თუ რუსეთში საწვავის დეფიციტი გაღრმავდება, ხოლო ყაზახეთში ჩინური საწვავის იმპორტი გაიზრდება, არ არის გამორიცხული, რომ რეგიონში საწვავის ახალი ლოგისტიკური სქემა ჩამოყალიბდეს, რომლის ფარგლებშიც რუსეთში ნაწილობრივ ჩინური ბენზინი მოხვდება, მათ შორის ყაზახეთის გავლით.ამ ეტაპზე არც მოსკოვს და არც ასტანას მსგავსი სქემის არსებობა ოფიციალურად არ დაუდასტურებიათ. თუმცა ენერგეტიკული ბაზრის ექსპერტები ყურადღებას ამახვილებენ იმაზე, რომ რუსეთში საწვავის დეფიციტისა და ჩინური საწვავის იმპორტის ლიბერალიზაციის ერთდროულად განვითარება მნიშვნელოვან გეოეკონომიკურ კითხვებს აჩენს ევრაზიული ენერგეტიკული ბაზრის მომავალი კონფიგურაციის შესახებ.

1782380483

აშშ-ის პრეზიდენტმა ჟურნალისტებს განუცხადა, რომ ბერნემი „სავარაუდოდ, არ გახსნის ჩრდილოეთის ზღვას“ ნავთობის მოპოვებისთვის და დასძინა, რომ „გაერთიანებული სამეფო კვდება“. ეს მიანიშნებს, რომ „ლეიბორისტული პარტიის“ ახლად არჩეულ დეპუტატს ტრამპთან, შესაძლოა, რთული ურთიერთობა ჰქონდეს.ბერნემი წარსულში ტრამპის მიმართ კრიტიკული პოზიციით გამოირჩეოდა. მიმდინარე თვეში, მეიკერფილდში საარჩევნო კამპანიის დროს, მან ამერიკულ პოლიტიკას „პოლარიზებული“ და „მომწამვლელი“ უწოდა.როდესაც 2021 წელს მომიტინგეები აშშ-ის კაპიტოლიუმში შეიჭრნენ, ბერნემმა სოციალურ ქსელ X-ში დაწერა: „ნებისმიერ ბრიტანელ პოლიტიკოსს, რომელიც ტრამპს ყურადღებას აქცევდა, ახლა უნდა რცხვენოდეს“.ოთხშაბათს დასმულ კითხვაზე, თუ რა იცოდა ბერნემის შესახებ, ტრამპმა უპასუხა: „არ ვიცი, ვფიქრობ, ვნახე, რომ ის, როგორც ჩანს, რომელიღაც ქალაქის მერი იყო“.„მსმენია, რომ ის უკიდურესად ლიბერალია, უკიდურესად. ეს ნიშნავს, რომ ის, სავარაუდოდ, არ გახსნის ჩრდილოეთის ზღვას“.2024 წლის ნოემბერში ტრამპის საპრეზიდენტო არჩევნებში გამარჯვების შემდეგ, სტარმერი მასთან მომრიგებლური მიდგომის პოვნას ცდილობდა და თავდაპირველად შექებაც დაიმსახურა არაპროგნოზირებად პრეზიდენტთან მოხერხებული მანევრირებისთვის, თუმცა მათი ურთიერთობა ირანის კონფლიქტის გამო გაუარესდა.The Guardian წერს, რომ ბერნემის გზა დაუნინგ სთრითის 10 ნომრისკენ (პრემიერ-მინისტრის პოსტისკენ) საკმაოდ ღია ჩანს, ვინაიდან „ლეიბორისტულ პარტიაში“ სხვა პოტენციური კანდიდატები თითქმის არ განიხილებიან.

1782380176

პარლამენტის სპიკერმა აღნიშნა, რომ 2022 წელს გარკვეული ძალები საქართველოს რუსეთთან ესკალაციისკენ უბიძგებდნენ, რასაც მძიმე შედეგები მოჰყვებოდა, თუმცა ხელისუფლებამ ქვეყანა ამ სცენარს აარიდა.„თავისთავად ეს იმ ოკუპაციის მიმდინარე შედეგებია, რომელიც თავის დროზე „ნაციონალური მოძრაობის“ უგუნური და გარედან წაქეზებული პოლიტიკის შედეგად დადგა. სწორედ ეს არის საქართველოს ხელისუფლების ამოცანა, რომ ოკუპაცია არ გადაიზარდოს ანექსიაში. ამისკენ გვიბიძგებდნენ - 2022 წელს რომ რუსეთის წინააღმდეგ ესკალაციაზე გვიბიძგებდნენ, ამის შედეგი რაც იქნებოდა, ყველა ხვდებოდა. რა თქმა უნდა, მნიშვნელოვანია, რომ ეს გამოწვევა, რომელიც ოკუპაციის სახით გვაქვს, რაც შეიძლება მალე დასრულდეს“, - განაცხადა შალვა პაპუაშვილმა.კითხვაზე, თუ რატომ არ არის ხელისუფლება რუსეთის ანექსიური პოლიტიკის მიმართ ისეთივე კრიტიკული, როგორიც ევროკავშირის მიმართ, პაპუაშვილმა უპასუხა, რომ „ქართულმა ოცნებამ“ სამართლებრივ დონეზე მნიშვნელოვან წარმატებას მიაღწია. კერძოდ, სტრასბურგის სასამართლომ დოკუმენტურად დაადგინა რუსეთის ეფექტური კონტროლი, რაც პოლიტიკურ ენაზე სწორედ ოკუპაციას ნიშნავს.ამასთან, ჟურნალისტის კითხვაზე, თუ რა შედეგი მოიტანა ხელისუფლების პოლიტიკამ და ე.წ. „დუმილმა“, პარლამენტის თავმჯდომარემ აღნიშნა, რომ ყველა გამოწვევას სათანადო პასუხი ეცემა.„ყველა გამოწვევას აქვს სათანადო პასუხი და სათანადო ინსტრუმენტი გამოიყენება. იქ, სადაც საჭიროა სიტყვით რეაგირება - ვიყენებთ სიტყვის რეაგირებას. იქ, სადაც საჭიროა საქმით რეაგირება - არის საქმით რეაგირება. სწორედ ამის შედეგია დღეს ის, რომ საქართველო ეკონომიკურად ყველაზე მზარდი, უსაფრთხოების მხრივ ყველაზე დაცული და პოლიტიკურად ყველაზე მყარი ქვეყანაა რეგიონში“, - აღნიშნა პაპუაშვილმა.საკითხი ეხება ოკუპირებულ ცხინვალის რეგიონში განვითარებულ მოვლენებს. კერძოდ, ე.წ. პრეზიდენტი ალან გაგლოევი თანამდებობიდან გადადგა და რუსეთის პრეზიდენტის, ვლადიმერ პუტინის მრჩეველი გახდა. მანამდე, პუტინსა და გაგლოევს შორის გამართულ შეხვედრაზე მხარეებმა კრემლში 9 მაისს ხელმოწერილი „ღრმა ინტეგრაციის შესახებ შეთანხმების“ რეალიზაცია განიხილეს. მოგვიანებით, რუსეთის პრეზიდენტის პრესმდივანმა, დიმიტრი პესკოვმა განაცხადა, რომ ოკუპირებულ რეგიონში ე.წ. მთავრობის ცვლილება ცხინვალის რუსეთის შემადგენლობაში შესაძლო შესვლას არ უკავშირდება.

1782377766

საერთაშორისო სავალუტო რეზერვები ქვეყნის მაკროეკონომიკური სტაბილურობის მნიშვნელოვანი გარანტორია. შესაბამისად, სებ-ი ყოველთვის კონცენტრირებულია რეზერვების შევსებაზე, რასაც ადასტურებს ბანკის გაცხადებული პოლიტიკა. როდესაც ბაზარი ამის შესაძლებლობას იძლევა ეროვნული ბანკი ქვეყნის საერთაშორისო რეზერვებს ზრდის.კერძოდ, მაისში სებ-მა Bmatch პლატფორმაზე განხორციელებული ინტერვენციების შედეგად სავალუტო რეზერვები 632.9 მლნ აშშ დოლარით შეავსო. ხოლო, 2026 წლის იანვარ-მაისში ჯამურმა წმინდა შესყიდვამ 1,465.8 მლნ აშშ დოლარი შეადგინა.2026 წლის სებ-ის მიერ განხორციელებული სავალუტო ინტერვენციები ასე გამოიყურება: იანვარი - Bmatch-ით წმინდა შესყიდვა $86.6 მლნ თებერვალი - Bmatch-ით წმინდა შესყიდვა $429.3 მლნ მარტი - Bmatch-ით წმინდა გაყიდვა $16.2 მლნ  აპრილი - Bmatch-ით წმინდა შესყიდვა $333.3 მლნ  მაისი - Bmatch-ით წმინდა შესყიდვა  $632.9 მლნ  საქართველოს ეროვნული ბანკი სავალუტო ბაზარზე განხორციელებული ოპერაციების შესახებ განახლებულ მონაცემებს 2026 წლის 27 ივლისს გამოაქვეყნებს.

1782375420

შეხვედრის ფარგლებში მხარეებმა განიხილეს საქართველოს ეკონომიკის მიმდინარე მდგომარეობა და მაკროეკონომიკური პერსპექტივები. ყურადღება გამახვილდა ახლო აღმოსავლეთში განვითარებულ მოვლენებთან დაკავშირებულ რისკებსა და მათ შესაძლო გავლენაზე საქართველოს ეკონომიკაზე. ასევე, მიმოიხილეს საბანკო სექტორის მდგრადობა და განვითარების ტენდენციები, ზედამხედველობის ჩარჩო, ფინანსური სექტორის ციფრული ტრანსფორმაცია და კიბერუსაფრთხოების საკითხები.ნინო ჯელაძემ ხაზი გაუსვა ADB-ის მნიშვნელოვან როლს დაფინანსების გამოყოფისა და ექსპერტიზის გაზიარების კუთხით. ასევე, აღნიშნა რომ მიუხედავად მიმდინარე გეოპოლიტიკური მოვლენების ფონზე გაზრდილი გაურკვევლობისა, საქართველოს ფინანსური სისტემა მდგრადობას ინარჩუნებს და ეკონომიკის დაკრედიტებას შეუფერხებლად განაგრძობს. ბანკები კაპიტალისა და ლიკვიდობის ჯანსაღ მაჩვენებლებს ინარჩუნებენ, ხოლო საკრედიტო დანაკარგები ისტორიულად დაბალ დონეზეა.  ამავდროულად, საკრედიტო აქტივობა მდგრად დონეზეა და 2026 წლის აპრილის მდგომარეობით 14.1% შეადგინა.შეხვედრა ინფორმაციისა და გამოცდილების გაცვლის ფორმატში წარიმართა და მხარეებმა სამომავლო თანამშრომლობის გაგრძელების მზაობა დაადასტურეს.

1782375098

კონკურსში მონაწილეობისთვის მსურველებმა უნდა გადმოწერონ GUPSPORT-ის აპლიკაცია, გაიარონ რეგისტრაცია, სრულად შეავსონ პროფილი და 15 ივლისის ჩათვლით ატვირთონ საფეხბურთო ვიდეო ჰეშთეგით #sCoolApp.კონკურსში მონაწილეობის მიღება 6-დან 16 წლამდე ასაკის ახალგაზრდებს შეუძლიათ. მონაწილეებმა უნდა ატვირთონ ორიგინალური ვიდეო, რომელიც მათ მიერ არის გადაღებული და რეალურ საფეხბურთო მომენტებს ასახავს. მონაწილეებს შესაძლებლობა აქვთ წარმოადგინონ როგორც ვარჯიშისა და ტექნიკის ამსახველი კადრები, ისე თამაშის გამორჩეული ეპიზოდები - ეფექტური ფინტები, დრიბლინგები, შთამბეჭდავი გოლები თუ მეკარის დასამახსოვრებელი სეივები.ფინალისტების შერჩევისას ჟიური ვიდეოებს რამდენიმე კრიტერიუმის მიხედვით შეაფასებს, მათ შორის: საფეხბურთო უნარები, კრეატიულობა, ვიდეოში გადმოცემული ემოცია, გამარჯვების ჟინი და ნამუშევრის ტექნიკური ხარისხი.შესარჩევი პროცესი რამდენიმე ეტაპად გაიმართება. 16-20 ივლისს ჟიური ატვირთულ ვიდეოებს შეაფასებს და 10 ფინალისტს გამოავლენს. 21 ივლისიდან კი GUPSPORT-ის პლატფორმაზე ხმის მიცემა დაიწყება, სადაც გამარჯვებულს მომხმარებლები გამოავლენენ.დაჯილდოების ცერემონია 1 აგვისტოს გაიმართება, სადაც გამარჯვებულს მთავარი პრიზი, Sony PlayStation 5 გადაეცემა.დამატებითი ინფორმაციის მისაღებად და კონკურსში ჩასართავად ეწვიეთ GUPSPORT-ის აპლიკაციას.GUPSPORT არის სპორტის ტალანტების ქსელი - ინოვაციური პლატფორმა, რომელიც სპორტსმენებს კარიერულ განვითარებაში ეხმარება. ეს არის სივრცე, სადაც ტალანტების აღმოჩენა და შერჩევა მონაცემებზეა დაფუძნებული და არა გეოგრაფიულ საზღვრებზე ან პირად კონტაქტებზე.გაპსპორტზე ახალგაზრდა სპორტსმენებს შეუძლიათ შექმნან საკუთარი სპორტული პასპორტი - ვერიფიცირებული პროფილი, სადაც გროვდება მათი სტატისტიკა, ვიდეოები, განვითარების დინამიკა და მიღწევები. ამ ინფორმაციის გაზიარება შესაძლებელია როგორც კონკრეტულ პროფესიონალებთან - სკაუტებთან, აგენტებთან და კლუბებთან, ისე უფრო ფართო აუდიტორიასთან, მათ შორის გულშემატკივრებთან.(R)

1782375095