გამოცემის ინფორმაციით, პროექტები მოიცავს როგორც ჩინეთის მდიდარ სანაპირო ტექნოლოგიურ ჰაბებს, ისე ქვეყნის დასავლეთით მდებარე შორეულ პროვინციებს. ეს ფაქტი ცხადყოფს, თუ რამდენად ღრმად არის ინტეგრირებული Nvidia-ს ტექნოლოგიები ჩინეთის ხელოვნური ინტელექტის (AI) ინფრასტრუქტურაში, მაშინ როცა თავად ამერიკული კომპანია აცხადებს, რომ საექსპორტო კონტროლმა ის ჩინეთის მონაცემთა ცენტრების ბაზრიდან ფაქტობრივად გამოთიშა.Reuters-ის მიმოხილვა გამოქვეყნდა ერთი დღის შემდეგ, რაც Nvidia-ს თანადამფუძნებელმა და აღმასრულებელმა დირექტორმა, ჯენსენ ჰუანგმა, რომელიც საექსპორტო შეზღუდვების შერბილების აქტიური მომხრე იყო, სკანდალის ფონზე თანამდებობა დატოვა. ანალიტიკოსების შეფასებით, ჰუანგის წასვლამ შესაძლოა კიდევ უფრო გაზარდოს რისკები იმ ჩინური კომპანიებისთვის, რომლებიც აშშ-ის სანქციების გამკაცრების ფონზე მიწოდების ჯაჭვის შეფერხების წინაშე დგანან.Reuters-ის მიერ იდენტიფიცირებულ პროექტებს შორისაა ფუძიანის პროვინციაში დაგეგმილი 6.2 მილიარდი იუანის ($873 მლნ) ღირებულების AI გამომთვლელი ცენტრი, რომელიც კომერციულ პარტნიორებს ეძებს და სპეციფიკაციაში Nvidia H100 ჩიპებს უთითებს. გარდა ამისა, შენსის პროვინციაში სახელმწიფო საინჟინრო ჯგუფ Sinomach-ის შვილობილმა კომპანიამ მოიპოვა კონტრაქტი 3 მილიარდი იუანის ღირებულების ცენტრის პროექტში, რომელიც ასევე H100 და H200 პროცესორების გამოყენებას ითვალისწინებს.მსგავსი მასშტაბის პროექტები ხორციელდება ჩინეთის სხვა რეგიონებშიც. კერძოდ, ძილინის პროვინციაში 2.26 მილიარდი იუანის ღირებულების პროექტი აერთიანებს Nvidia H100 პროცესორებსა და ჩინური წარმოების ჩიპებს, ხოლო ინვესტიციის დაახლოებით 80%-ის დაფინანსება საბანკო სესხებით იგეგმება. შიდა მონღოლეთში კი 1.5 მილიარდი იუანის პროექტის ფარგლებში დაგეგმილია 625 ერთეული Nvidia H200 სერვერის დამონტაჟება, სადაც პირველი ფაზის ფარგლებში ორი შენობის მშენებლობა უკვე დაწყებულია.გარდა დაგეგმილი ობიექტებისა, რიგი პროექტები უფრო წინწასულ ეტაპზეა ან უკვე ფუნქციონირებს. განსუს პროვინციაში ივლისში გაფორმდა 1.16 მილიარდი იუანის სამშენებლო კონტრაქტი ცენტრისთვის, სადაც დაახლოებით 3,072 ერთეული Nvidia H100 და H200 პროცესორის განთავსება იგეგმება, თუმცა სატენდერო დოკუმენტებით უცნობია, მიწოდებულია თუ არა ჩიპები. ამასთან, ძიანსუს პროვინციაში ქალაქ უსის მთავრობამ განაცხადა, რომ Nvidia H800 პროცესორებზე მომუშავე გამომთვლელი კლასტერი უკვე ექსპლუატაციაშია. ანალოგიური H800 კლასტერი აშენდა ფუძიანშიც, კომპანია Damingcheng-ის მონაწილეობით.ამერიკულ ჩიპებზე მოთხოვნა ჩინურ კვლევით ინსტიტუტებშიც ფიქსირდება: შენჟენის უნივერსიტეტმა სამი ერთეული H100 ჩიპი შეიძინა, ხოლო აშშ-ის შავ სიაში მყოფმა ჩრდილო-დასავლეთის პოლიტექნიკურმა უნივერსიტეტმა - ორი ერთეული H200 პროცესორი.ექსპერტების შეფასებით, მსგავსი გეგმები აჩვენებს ჩინელი დეველოპერების ძლიერ დამოკიდებულებას ამერიკულ ტექნოლოგიებზე. აშშ-ის მხრიდან სავაჭრო შეზღუდვების შემდგომი გამკაცრება კი პროექტების გაჭიანურების, ხარჯების ზრდის ან ადგილობრივ ალტერნატივებზე იძულებითი გადაწყობის რისკებს ქმნის.

1794567278

შეთანხმება თავდაცვისა და უსაფრთხოების სფეროში თანამშრომლობის გაღრმავებას, ორმხრივი ვაჭრობისა და ინვესტიციების ზრდას, განახლებადი ენერგეტიკის განვითარებასა და შუა დერეფნის გაძლიერებას ითვალისწინებს.მხარეები ასევე ითანამშრომლებენ ფინანსურ ბაზრებზე, მწვანე დაფინანსების, მცირე და საშუალო ბიზნესის მხარდაჭერისა და ენერგოუსაფრთხოების მიმართულებით. სტრატეგიული პარტნიორობის ფარგლებში ყოველწლიური შეხვედრები გაიმართება თანამშრომლობის პროგრესისა და სამომავლო პრიორიტეტების შესაფასებლად.

1794562429

სამიტის მთავარი თემები უკრაინაში მიმდინარე ომი და ევროპაში რუსეთის ჰიბრიდული კამპანიები იქნება.აშშ-ის პრეზიდენტის სპეციალური წარმომადგენლები ჯარედ კუშნერი და სტივ უიტკოფი ირლანდიაში რუსეთის პრეზიდენტ ვლადიმერ პუტინთან ხანმოკლე ვიზიტის შემდეგ ჩავლენ.უკრაინის პრეზიდენტი ვოლოდიმირ ზელენსკი დელეგაციებთან რამდენიმე ორმხრივ შეხვედრას გამართავს და პლენარულ სხდომებში მიიღებს მონაწილეობას. ის ასევე დაესწრება ღონისძიებას „უკრაინის მეგობრები“ (Friends of Ukraine), რომელსაც ირლანდიის პრემიერ-მინისტრი მიჰოლ მარტინი და დიდი ბრიტანეთის პრემიერ-მინისტრი ენდი ბერნემი უხელმძღვანელებენ.ტელეარხის კორესპონდენტის ინფორმაციით, ირლანდიის პოლიცია გაძლიერებულ მზადყოფნაშია მოყვანილი და „ყველა შესაძლო სცენარისთვის“ ემზადება. ამის მიზეზი ირლანდიის, დიდი ბრიტანეთისა და იტალიის ასობით სკოლაში გუშინ დილით ბომბის არსებობის შესახებ გავრცელებული ცრუ შეტყობინებები გახდა.სამიტის დღის წესრიგში ასევე შედის ეკონომიკური კონკურენტუნარიანობის, ენერგეტიკული უსაფრთხოებისა და მიგრაციის საკითხები. მოსალოდნელია იტალიის, დანიისა და დიდი ბრიტანეთის ერთობლივი განცხადების გამოქვეყნებაც.

1794477939

ამის შესახებ რუსეთის საგარეო საქმეთა მინისტრმა სერგეი ლავროვმა მოსკოვში, კუხოს წევრი ქვეყნების საგარეო საქმეთა, თავდაცვის მინისტრებისა და უშიშროების საბჭოების მდივნების სამშაბათის შეხვედრის შემდეგ გამართულ პრესკონფერენციაზე განაცხადა.ლავროვის განმარტებით, საკითხი კუხოს წევრ სახელმწიფოთა მეთაურების სამიტზე განიხილება, რომელიც ხვალ, 11 ნოემბერს კრემლში გაიმართება.„თუმცა, ხაზგასმით აღვნიშნავ, რომ ამის შემდეგაც სომხეთს კუხოს ფარგლებში ყველა უფლება შეუნარჩუნდება, მათ შორის უსაფრთხოების უზრუნველყოფის უფლება“, – განაცხადა რუსეთის საგარეო უწყების ხელმძღვანელმა.ამასთან, სომხეთს ოფიციალურად არ დაუწყია არც კუხოდან გასვლის პროცედურა და არც დამოუკიდებელ სახელმწიფოთა თანამეგობრობიდან (დსთ) გასვლის საკითხი დაუყენებია, მიუხედავად იმისა, რომ ქვეყანა კუხოს სტრუქტურებში მონაწილეობას ფაქტობრივად გაყინულ რეჟიმში აგრძელებს.ამის შესახებ დსთ-ის გენერალურმა მდივანმა სერგეი ლებედევმა კოლექტიური უსაფრთხოების საკითხებზე საერთაშორისო ფორუმის ფარგლებში განაცხადა.კითხვაზე, განუცხადებია თუ არა სომხეთს დსთ-დან გასვლის სურვილის შესახებ, ლებედევმა უპასუხა, რომ ასეთი განცხადება არ მიუღიათ.„არა. პირადად პრემიერ-მინისტრმაც მითხრა და ბევრმა სხვამაც, რომ ისინი დსთ-ში რჩებიან. ჩვენ არცერთი განცხადება არ მოგვისმენია, რომ ისინი გასვლას აპირებენ“, — განაცხადა ლებედევმა.

1794311855

ჩრდილოეთის რკინიგზის პრესსამსახურის ინფორმაციით, ინციდენტი ჩერემუხა–ვილედის მონაკვეთზე მოხდა.არხანგელსკის ოლქის გუბერნატორის ალეკსანდრ ციბულსკის განცხადებით, შემთხვევა დილის 05:10 საათზე, ვილედის სადგურთან მოხდა. მისი თქმით, ჩამოინგრა სარკინიგზო ხიდის მალი.ხიდის ჩამონგრევის გამო სულ მცირე რვა სამგზავრო მატარებლის მოძრაობა შეფერხდა.შემთხვევის მიზეზი ამ დროისთვის უცნობია.

1794307523

ვაშინგტონის მონოპოლია და ევროპული შფოთვამას შემდეგ, რაც დონალდ ტრამპი თეთრ სახლში დაბრუნდა, პუტინთან პირდაპირი კონტაქტი აღადგინა და კიევისთვის ფინანსური დახმარება შეაჩერა, ევროპამ სამშვიდობო პროცესზე გავლენა ფაქტობრივად დაკარგა. ტრამპის წარმომადგენლის, სტივ ვიტკოფის მიერ სანქტ-პეტერბურგში პუტინთან შეხვედრამ და მისი „ჰუმანიტარად“ მოხსენიებამ ჩრდილოეთ ევროპის ლიდერები აიძულა იმოქმედონ, რათა ვაშინგტონი მოსკოვთან ერთადერთ დასავლელ მომლაპარაკებლად არ დარჩენილიყო.„ჩვენ მჭიდროდ ვთანამშრომლობთ ევროპელ პარტნიორებთან უკრაინის მხარდასაჭერად, მაგრამ ერთადერთი ხმა, რომელიც მოსკოვამდე აღწევს, ვაშინგტონიდან მოდის... ილუზიაა იმაზე ფიქრი, რომ ეს ომი ევროპის მოსკოვთან დიალოგის გარეშე დასრულდება“, - განუცხადა ნორვეგიის პრემიერ-მინისტრმა იონას გარ სტორემ POLITICO-ს.მოლაპარაკების დეტალები და მოკავშირეების მწვავე რეაქციაგამოცემის ინფორმაციით, საუბრისას სტუბმა და სტორემ პუტინს ვოლოდიმირ ზელენსკის გზავნილები გადასცეს, რომ ტერიტორიული საკითხები მხოლოდ პირისპირ, ლიდერების დონეზე უნდა განიხილებოდეს და მანამდე აუცილებელია დეესკალაცია. პუტინმა განაცხადა, რომ აბუ-დაბის შეხვედრისთვის მომლაპარაკებლებს მოამზადებდა, თუმცა ნორვეგიული მხარე არ ელის, რომ ეს ნაბიჯი დიდ გარღვევას მოიტანს.სატელეფონო ზარს ჩრდილოეთ ევროპისა და ბალტიისპირეთის ქვეყნების მხრიდან მკვეთრი კრიტიკა მოჰყვა: დანიის პრემიერ-მინისტრმა მეტე ფრედერიქსენმა განაცხადა, რომ სკეპტიკურადაა განწყობილი ცალკეული ინიციატივების მიმართ და ევროპამ ერთიანობა უნდა შეინარჩუნოს. ესტონეთის პრემიერ-მინისტრის, კრისტენ მიხალის თქმით, ევროპა არ უნდა ირგებდეს შუამავლის როლს და არ უნდა ცდილობდეს „დიქტატორის ასიამოვნოს“. შვედეთის პრემიერ-მინისტრმა ულფ კრისტერსონმა ხაზი გაუსვა, რომ მშვიდობა მხოლოდ „სიძლიერით“ მიიღწევა და არა დაშოშგინების პოლიტიკით. მწვავე რეაქციის ფონზე, უკრაინის პრეზიდენტმა ვოლოდიმირ ზელენსკიმ ნორდიკელი ლიდერები დაიცვა და აღნიშნა, რომ ისინი რეალურად ეხმარებიან უკრაინას. მოწონება გამოხატა მოსკოვმაც - პუტინმა განაცხადა, რომ ევროპაში არიან ძალები, რომელთაც სტრატეგიული დამარცხების ნაცვლად კონსტრუქციული დიალოგი სურთ.ეს ეპიზოდი კიდევ ერთხელ ადასტურებს, რომ აშშ-ის შუალედური არჩევნების შედეგების მიუხედავად, სამშვიდობო პროცესის ტემპს კვლავ დონალდ ტრამპი განსაზღვრავს, ხოლო ევროპა შიდა განხეთქილებისა და ერთიანობის ნაკლებობის გამო პროცესებს მიღმა რჩება.

1794209786

FT-ის შეფასებით, თანამდებობის დატოვების ყველაზე მაღალი რისკის წინაშე პიტ ჰეგსეთი დგას. ის ირანთან არაპოპულარული ომის სახე იყო ამერიკელი საზოგადოებისთვის. პენტაგონში მისმა რეფორმამ კი უკმაყოფილება გამოიწვია, მათ შორის რესპუბლიკელებშიც. ტრამპმა მანამდე განაცხადა, რომ ჰეგსეთის შენარჩუნებას აპირებს, თუმცა აღიარა, რომ მას თავდაცვის მდივნის შეცვლისკენ მოუწოდებენ.გამოცემის ცნობით, თეთრი სახლის ადმინისტრაციის ხელმძღვანელმა სიუზან უაილსმა სიტუაციაზე კონტროლი დაკარგა. მან ვერ შეძლო პრეზიდენტის დარწმუნება იმ ზომების მიღებაში, რომლებიც ინფლაციაზე ირანის კონფლიქტის გავლენას შეამცირებდა.FT-ის თანახმად, ვენსმა პოპულარობის ნაწილი მას შემდეგ დაკარგა, რაც ოჰაიოს გუბერნატორის არჩევნებში დამარცხებული კანდიდატის სკანდალურ სარეკლამო კამპანიას დაუჭირა მხარი. თავად ვენსმა არჩევნებში რესპუბლიკელების მარცხის მიზეზად ირანთან ომი დაასახელა.აშშ-ის სახელმწიფო მდივანი მარკო რუბიო კი 2028 წლის საპრეზიდენტო არჩევნებში რესპუბლიკური პარტიის კანდიდატობისთვის ვენსის პოტენციურ კონკურენტად განიხილება. ამასთან, სახელმწიფო დეპარტამენტმა რუბიოს შესაძლო გადადგომის შესახებ გავრცელებულ ცნობებს „ყალბი ამბები“ უწოდა.

1793952467

გამოცემა ScienceAlert-ის ცნობით, აღნიშნული ტექნოლოგია ერთდროულად ორ გლობალურ გარემოსდაცვით პრობლემას ჭრის: ორგანული ნარჩენების მართვასა და სამშენებლო ქვიშის მოპოვებით გამოწვეულ ზიანს.მსოფლიოში ყოველწლიურად დაახლოებით 10 მილიარდი კილოგრამი ყავის ნარჩენი წარმოიქმნება, რომლის უმეტესი ნაწილი ნაგავსაყრელებზე ხვდება და სათბურის აირების (მეთანისა და ნახშირორჟანგის) ემისიას იწვევს. მეორე მხრივ, სამშენებლო ბუმის ფონზე, მდინარეების კალაპოტებიდან ქვიშის მოპოვება ეკოსისტემებს სერიოზულ საფრთხეს უქმნის.ორგანული ყავის ნალექის პირდაპირ ბეტონში დამატება შეუძლებელია, რადგან ის გამოყოფს ნივთიერებებს, რომლებიც მასალას ასუსტებს. RMIT-ის მკვლევრებმა გამოიყენეს პიროლიზის პროცესი - ყავის ნარჩენები უჟანგბადო გარემოში, 350°C ტემპერატურაზე გაახურეს, რის შედეგადაც მიიღეს ფოროვანი, ნახშირბადით მდიდარი ბიოჩარი, რომელიც მჭიდროდ ებმის ცემენტის სტრუქტურას.ტექნოლოგიის პრაქტიკული გამოცდა უკვე წარმატებით განხორციელდა: 2024 წელს ავსტრალიაში, ვიქტორიას შტატში (Gisborne), პირველად დაისხა საფეხმავლო ბილიკი ყავის ბიოჩარის ბეტონით. იმავე წელს მსხვილმა ინფრასტრუქტურულმა პროექტმა (Pakenham Roads Upgrade) გამოიყენა აღნიშნული მასალა. კონტრაქტორ BildGroup-ის შეფასებით, მხოლოდ ამ პროექტმა ნაგავსაყრელებიდან დაახლოებით 140 000 ჭიქა ყავის ნალექი ააცილა და 3 ტონაზე მეტი ბუნებრივი ქვიშა დაზოგა. 2025 წლის დასაწყისში RMIT-ის გუნდმა Universities Australia-ს კონკურსში საზოგადოების რჩეულის ჯილდო (People's Choice Problem Solver Award) მოიპოვა. ამჟამად მკვლევრები კომერციალიზაციის პარტნიორთან ერთად მუშაობენ, რათა ყავის ბიოჩარის ბეტონი ფართო სამშენებლო ბაზარზე გამოვიდეს.

1793867608

1. ევროპა ტრამპის რისხვის მთავარი სამიზნე გახდებასენატში გამარჯვებისა და წარმომადგენელთა პალატის დაკავების შემდეგ, დემოკრატები ტრამპის ადმინისტრაციის წინააღმდეგ მასშტაბურ საპარლამენტო გამოძიებებს დაიწყებენ (მათ შორის ირანის ომზე, FBI-ის მართვასა და ტრამპის ოჯახის ბიზნესებზე). საშინაო ფრონტზე შეზღუდული პრეზიდენტი ეცდება დაამტკიცოს, რომ კვლავ ძლიერი ლიდერია, ამისთვის კი საგარეო პოლიტიკასა და ვაჭრობას გამოიყენებს, სადაც მას მოქმედების ფართო კონსტიტუციური უფლებამოსილება აქვს. მიუნხენის უსაფრთხოების კონფერენციის ყოფილი თავმჯდომარე ვოლფგანგ იშინგერი აფრთხილებს ევროპას, რომ ჰარმონიული ურთიერთობების ნაცვლად, ტრამპის მხრიდან უფრო ხისტ მოთხოვნებსა და უთანხმოებებს უნდა ელოდონ.2. ამოსუნთქვის შესაძლებლობა უკრაინისთვისდემოკრატების მიერ კონგრესის დაკავება გააადვილებს უკრაინისთვის დახმარების პაკეტების ინიცირებას. თუმცა, Chatham House-ის დირექტორის, ბრონუენ მადოქსის განცხადებით, ეს არ ნიშნავს მყისიერ ხსნას: ფინანსური და სამხედრო რესურსების რეალურად ამოქმედებას თვეები ან წლები დასჭირდება. უკრაინას კი საჰაერო თავდაცვის სისტემები (განსაკუთრებით Patriot-ის რაკეტები) რუსული დაბომბვებისგან დასაცავად დაუყოვნებლივ, ამ ზამთარსვე სჭირდება.3. ტრამპისეული „სამშვიდობო შეთანხმება“აშშ-ის ყოფილი დიპლომატის, კურტ ვოლკერის ვარაუდით, ტრამპმა შესაძლოა იგნორირება გაუკეთოს კიევისა და ევროპელი მოკავშირეების პროტესტს და ცალმხრივად დაიწყოს რუსეთისთვის სანქციების მოხსნა და ენერგეტიკული გარიგებების დადება. თუმცა, NATO-დან გამოსვლის ან ევროპაში ამერიკული სამხედრო კონტინგენტის შემცირების კუთხით ვოლკერი მკვეთრ ნაბიჯებს არ ელის, რადგან ამ საკითხში ტრამპს არც დემოკრატების, არც რესპუბლიკელებისა და არც საზოგადოების მხარდაჭერა არ აქვს.4. ენერგომატარებლების ფასების რყევასანამ ტრამპი თეირანთან შეთანხმებას არ მიაღწევს ჰორმუზის სრუტის გახსნის შესახებ, ევროპაში მაღალი ფასები და საცხოვრებელი კრიზისი შენარჩუნდება. Ryanair-ის ხელმძღვანელი მაიკლ ო'ლირი აფრთხილებს, რომ ირანთან კრიზისის მოუგვარებლობის შემთხვევაში, ავიაციას გაზაფხულზე სერიოზული პრობლემები ელის. ტრამპის მხრიდან სამხედრო ოპერაციების განახლება ფასებს კიდევ უფრო გაზრდის, რაც აშშ-შიც არაპოპულარული ნაბიჯი იქნება.5. ვაშინგტონის შიდაპოლიტიკური ქაოსიარსებობს დიდი შანსი, რომ აშშ იმ დონით შთანთქოს შიდაპოლიტიკურმა დაპირისპირებამ და იმპიჩმენტისა თუ ეთიკის საკითხებზე დავებმა, რომ არც თეთრ სახლს და არც კონგრესს საგარეო პოლიტიკისთვის დრო აღარ დარჩეთ. ეს კი ევროპას გლობალური უსაფრთხოების გამოწვევებთან პირისპირ დატოვებს.

1793776037

შეთანხმება 2025 წლის მაისში რუსეთმა, აზერბაიჯანმა, სომხეთმა, ყირგიზეთმა, ტაჯიკეთმა, ბელარუსმა, უზბეკეთმა და ყაზახეთმა გააფორმეს. იგი ითვალისწინებს ინფორმაციის გაცვლას მოქალაქეების შრომითი საქმიანობის, ქონების, საბანკო ანგარიშების, სატრანსპორტო საშუალებების, კომპანიებში წილებისა და სხვა აქტივების შესახებ.შეთანხმების პირობები ყველა მონაწილე ქვეყნისთვის ერთნაირი არ არის. ბელარუსი თანახმაა, გასცეს მხოლოდ ინფორმაცია საბანკო ანგარიშის არსებობის შესახებ, ანგარიშის ნომრისა და მასზე არსებული თანხის გამჟღავნების გარეშე.უზბეკეთმა განაცხადა, რომ არ უპასუხებს იმ მოთხოვნებს, რომლებიც არასასამართლო ორგანოებისა და ნოტარიუსების გადაწყვეტილებებს ეფუძნება. ყაზახეთმა კი საბანკო ინფორმაციის გადაცემას ეროვნული კანონმდებლობით გათვალისწინებული შეზღუდვები დაუწესა.შეთანხმების ამოქმედება რუსეთს საშუალებას აძლევს, დსთ-ის პარტნიორი ქვეყნების მეშვეობით საზღვარგარეთ მცხოვრები საკუთარი მოქალაქეების ფინანსური და ქონებრივი მდგომარეობის შესახებ ინფორმაცია მოიპოვოს.

1793707090