მონაცემებში ძირითადად საუბარია რეგიონულ დეველოპერებზე. მათ შორის გაკოტრებულად გამოცხადდნენ ყაზანის „სამშენებლო კომპანია აკ ბარსი“, ჩელიაბინსკის „ვიუსოტა“, სურგუტის „სალაირი“, პერმის „ზვეზდა-2013“, კრასნოიარსკის KDSK და ნოვოსიბირსკის „ავანგარდსტროი“.დეველოპერები გაკოტრების ერთ-ერთ მთავარ მიზეზად მოთხოვნის შემცირებას და დაფინანსების მაღალ ღირებულებას ასახელებენ.„როდესაც შეკვეთების საკმარისი რაოდენობა არ არის, სამშენებლო ორგანიზაციებს მიმდინარე ვალდებულებების შესრულება უჭირთ – გადასახადებისა და ხელფასების გადახდა, კრედიტების მომსახურება, წინასწარი დაფინანსების გარეშე კონტრაქტებით ნაკისრი ვალდებულებების შესრულება და ა.შ.“, – განაცხადა ნოვოსიბირსკის ოლქის სამშენებლო ორგანიზაციების ასოციაციის პრეზიდენტმა მაქსიმ ფედორჩენკომ.მისი თქმით, სექტორში სამუშაოების მოცულობა მცირდება ეკონომიკაში საინვესტიციო აქტივობის მნიშვნელოვანი (10%-მდე) შემცირების, საბიუჯეტო მშენებლობის კლებისა და საცხოვრებელ უძრავ ქონებაზე მოთხოვნის მკვეთრი ვარდნის გამო. სხვადასხვა რეგიონში საცხოვრებელზე მოთხოვნა 30-50%-ით და მეტად შემცირდა.ფედორჩენკოს პროგნოზით, საბოლოოდ საცხოვრებელი ფართების ექსპლუატაციაში გაშვების მოცულობაც დაახლოებით იმავე მასშტაბით შემცირდება.სამშენებლო კომპანიების გაკოტრების ზრდა დაადასტურა „Intermark“-ის მმართველმა პარტნიორმა დმიტრი ხალინმაც. მან მიმდინარე პროცესს „არცთუ სასიამოვნო“ სიგნალი უწოდა და აღნიშნა, რომ მდგომარეობას მშენებლობის თვითღირებულების ინფლაციაზე სწრაფი ზრდაც ამძიმებს.ხალინის თქმით, დამატებით ფაქტორად იქცა ობიექტების ჩაბარების დაგვიანებისთვის დაგროვილი ჯარიმებიც, რომელთა საერთო მოცულობამ უკვე 100 მილიარდ რუბლს ($1,8 მლრდ) მიაღწია.კომპანია „მეტრიუმის“ კომერციულმა დირექტორმა დმიტრი პროსკურინმა გაკოტრებების მნიშვნელოვანი ზრდა „სოციალურ-ეკონომიკური ვითარების გაუარესების ინდიკატორად“ შეაფასა.მისი თქმით, სერიოზული ფინანსური პრობლემები აქვს, მათ შორის, უმსხვილეს დეველოპერ „სამიოლიოტსაც“, თუმცა, პროსკურინის ინფორმაციით, კომპანიის გაკოტრების საფრთხემ „პრაქტიკულად გადაიარა“.სექტორში არსებულ პრობლემებს რუსეთის მშენებლობის სამინისტროშიც აღიარებენ. უწყების ხელმძღვანელმა ირეკ ფაიზულინმა ადრე განაცხადა, რომ რიგ რეგიონებში საცხოვრებელი ფართების ექსპლუატაციაში გაშვების გეგმების შეუსრულებლობის რისკები არსებობს.მათ შორის დასახელდა ამურის, ლიპეცკის, კურსკის, ორიოლის, ულიანოვსკისა და ტომსკის ოლქები, პეტერბურგი, ხანტი-მანსიისკის ავტონომიური ოლქი, ბაშკორტოსტანი და მორდოვეთი, ასევე ლუგანსკისა და ზაპოროჟიეს ოლქების რუსეთის მიერ ოკუპირებული ნაწილები.ექსპერტები სამშენებლო ბაზარზე ზეწოლის გაგრძელებას ელოდებიან მანამ, სანამ დაკრედიტების ღირებულება მაღალი რჩება.პროსკურინის შეფასებით, დეველოპერული აქტივობის შესამჩნევი აღდგენისთვის რუსეთის ცენტრალური ბანკის ძირითადი განაკვეთი 10-11%-მდე უნდა შემცირდეს.უძრავი ქონების ბაზრის პროფესიონალთა ასოციაცია REPA-ს თანადამფუძნებელი და GMK-ის დამფუძნებელი სერგეი რაზუვაევი მიიჩნევს, რომ არსებული პირობების შენარჩუნების შემთხვევაში პრობლემური კომპანიების რაოდენობა კვლავ გაიზრდება, ხოლო საცხოვრებელი ფართების ექსპლუატაციაში გაშვების მოცულობა შემცირდება.

1790330586

Politico-ს ცნობით, შექმნილი ვითარება რთულ მდგომარეობაში აყენებს იმ ქვეყნებს, რომელთაც ამ მიმართულებით წინსვლა სურთ. სახელმწიფო დეპარტამენტის ყოფილი ოფიციალური პირების შეფასებით, თუ შეერთებული შტატები, სადაც უმსხვილესი AI ლაბორატორიების დიდი ნაწილი მდებარეობს, პროცესში არ ჩაერთვება, გლობალური ინიციატივების ეფექტიანობა მკვეთრად შეზღუდული იქნება.გაეროს უშიშროების საბჭოს შეხვედრაზე ამერიკული წამყვანი AI კომპანიების ხელმძღვანელებმა მოდელების უსაფრთხოების რისკებზე ისაუბრეს. OpenAI-ის აღმასრულებელმა დირექტორმა სემ ოლტმენმა და Anthropic-ის ხელმძღვანელმა დარიო ამოდეიმ საერთაშორისო თანამშრომლობისა და საერთო გლობალური სტანდარტების შემუშავების აუცილებლობას გაუსვეს ხაზი.პარალელურად, 22-მა ქვეყანამ, ფინეთისა და ნორვეგიის ლიდერობით, მიიღო დეკლარაცია, რომელიც AI-ის უსაფრთხოებაზე გლობალური საზედამხედველო რეჟიმის შექმნას მოითხოვს. თუმცა, დოკუმენტს ხელი არ მოაწერა ორმა მთავარმა მოთამაშემ - შეერთებულმა შტატებმა და ჩინეთმა.ევროპელი დიპლომატები და ოფიციალური პირები პირად საუბრებში აღნიშნავენ, რომ ვაშინგტონის უარი გლობალური მმართველი ორგანოს შექმნაზე დიდ უკმაყოფილებას იწვევს. საფრანგეთის პრეზიდენტმა ემანუელ მაკრონმა გაეროში გამოსვლისას მოუწოდა მსოფლიოს, არ გახდნენ „ორი დიდი მსოფლიო სახელმწიფოს ვასალები“ AI-ის პრობლემების მოგვარებისას და მხარი დაუჭირა ღია კოდის მქონე (open-source) პლატფორმების განვითარებას.ექსპერტების შეფასებით, აშშ-ის პოზიციის გათვალისწინებით, გაეროს დონეზე ხელოვნური ინტელექტის გლობალური რეგულირებისა და ხელშეკრულებების გაფორმების პროცესს საკმაოდ რთული და ხანგრძლივი გზა ელის.

1790237614

Reuters-ის ცნობით, აზიის, ახლო აღმოსავლეთისა და აფრიკის უმსხვილეს იმპორტიორებს მიწოდების უზრუნველყოფა სულ უფრო უჭირთ. ივლისიდან მოყოლებული, საზღვაო გემებსა და პორტების ინფრასტრუქტურაზე თავდასხმებმა შავი ზღვის აუზში ტვირთების გადაზიდვა თითქმის შეაჩერა.ლოგისტიკურმა შეზღუდვებმა ბაზარზე ფასების ნახტომი გამოიწვია: ჩიკაგოს ბირჟაზე ფიუჩერსების ღირებულება ივნისის მინიმუმიდან 40%-ით გაიზარდა და ბოლო 3.5 წლის მაქსიმუმს მიაღწია. ალტერნატიული ექსპორტიორების ფიზიკური ფასებიც იზრდება, რაც მსოფლიოს მოწყვლადი ქვეყნებისთვის სურსათის ახალი ინფლაციის საფრთხეს ქმნის.„შავი ზღვა მარცვლეულის გადაზიდვისთვის კრიტიკული რეგიონია. თუ მყიდველები ვერ შეძლებენ პროდუქციის გატანას, მათ მოუწევთ მარაგების სხვაგან მოძიება, რაც ფასებს კიდევ უფრო მაღლა დასწევს“, - აცხადებს Saxo Bank-ის საქონლის სტრატეგიის ხელმძღვანელი ოლე ჰანსენი.Kpler-ის მონაცემებით, სექტემბერში რუსული ხორბლის ექსპორტი 1 მილიონ ტონამდე შემცირდება (გასული წლის 5 მილიონი ტონიდან), ხოლო უკრაინა დაახლოებით 1 მილიონ ტონას გააგზავნის - შარშანდელი მაჩვენებლის ნახევარს.შექმნილი დეფიციტი ყველაზე მძიმედ აზიას დაატყდება თავს, სადაც ადგილობრივი მარაგები იწურება. მსოფლიოში მე-2 უმსხვილესმა იმპორტიორმა - ინდონეზიამ. ამ თვეში შავი ზღვიდან მხოლოდ 60,000 ტონა მიიღო (გასული წლის სექტემბრის ნახევარი მილიონი ტონის სანაცვლოდ). ინდონეზიელი ფქვილის მწარმოებლები იძულებულნი არიან ალტერნატივებს მიმართონ და ავსტრალიურ ხორბალში 20%-ით – 25%-ით მეტს იხდიან, ვიდრე ადრე შავი ზღვის ტვირთებში იხდიდნენ.მსოფლიოს უმსხვილესი მყიდველი - ეგვიპტე - სექტემბერ-ოქტომბერში რუსეთისა და უკრაინისგან შარშანდელი მოცულობის მეათედზე ნაკლებს მიიღებს. ეგვიპტის მომარაგების სამინისტროში აცხადებენ, რომ ქვეყანა წყაროების დივერსიფიკაციას ახდენს და საფრანგეთსა და ევროპის სხვა მომწოდებლებს მიმართავს.ექსპერტების შეფასებით, კონკურენცია საზღვაო ტვირთებზე წლის ბოლომდე, სამხრეთ ნახევარსფეროში მოსავლის აღებამდე გაძლიერდება, მანამდე კი ხორბლის მსოფლიო ბაზარზე მაღალი ფასები შენარჩუნდება.

1790159511

POLITICO-ს ცნობით, ჯაშუშობის ბრალდებით დაკავებული რაიანი ერთადერთი ფრანგი პატიმარი იყო აზერბაიჯანის პრეზიდენტის მიერ შეწყალებულ პირთა შორის.Financial Times-ის ინფორმაციით, უსმანოვის სანქციების სიიდან ამოღება ფარული გარიგების ნაწილი გახდა, რომლის მთავარი პირობაც აზერბაიჯანში დაკავებული საფრანგეთის მოქალაქეების გათავისუფლება იყო. პარიზმა ბოლო პერიოდში მნიშვნელოვნად გააძლიერა თავისი პოზიციები სამხრეთ კავკასიაში სომხეთის მხარდასაჭერად, რომელიც ათწლეულებია აზერბაიჯანთან კონფლიქტში იმყოფება.საფრანგეთს ერთი კვირის განმავლობაში შეჩერებული ჰქონდა უკრაინის მხარდამჭერი ევროკავშირის ინდივიდუალური სანქციების მთელი ჩარჩოს განახლება, სანამ უსმანოვისთვის სანქციების მოხსნის მოთხოვნა არ დაკმაყოფილდა. საფრანგეთის საგარეო საქმეთა სამინისტროში განაცხადეს, რომ ეს ნაბიჯი ეროვნული უსაფრთხოების ინტერესებიდან გამომდინარეობდა.გადაწყვეტილება მკაცრად გააკრიტიკა უკრაინის საგარეო საქმეთა მინისტრმა ანდრიი სიბიჰამ. მან უსმანოვისა და საბანკო მაგნატის, მიხაილ ფრიდმანის სანქციების სიიდან ამოღებას „სამარცხვინო და გაუმართლებელი“ უწოდა.თავის მხრივ, ევროპულ საქმეთა საკითხებში საფრანგეთის მინისტრმა, ბენჟამენ ჰადადმა POLITICO-სთან ინტერვიუში აღნიშნა, რომ მიღწეული შეთანხმება ევროპული სოლიდარობის დასტურია:„ჩვენ ვიტოვებთ ძალიან მტკიცე, ერთიან ფრონტს რუსეთის წინააღმდეგ სანქციების საკითხში. წევრ ქვეყნებს შორის არსებობს ეროვნული უსაფრთხოებისა და სხვა სახის პრიორიტეტები, თუმცა მთავარი ის არის, რომ კიდევ ერთხელ ვაჩვენეთ ჩვენი ერთიანობა და გადაწყვეტილება, მოვახდინოთ ეკონომიკური ზეწოლა რუსეთზე“, - განაცხადა ჰადადმა.

1790155974

ბირჟის ინფორმაციით, ცვლილებები 1 ოქტომბრიდან ამოქმედდება. ეს ინდექსის შემადგენლობის ყველაზე მასშტაბური გადახედვა იქნება მას შემდეგ, რაც ბირჟამ, ექვსი წლის წინ, საფონდო ბაზრისთვის ახალი წესები შემოიღო.გასულ კვირას თურქეთის ხელისუფლებამ ბაზრის სტაბილურობის შესანარჩუნებლად ზომები მიიღო მას შემდეგ, რაც საინვესტიციო ფონდებში ლიკვიდობის დეფიციტმა ძირითადი საფონდო ინდექსის მკვეთრი ვარდნა გამოიწვია.კერძოდ, ხელისუფლებამ რამდენიმე საინვესტიციო ფონდის ლიკვიდაცია მოითხოვა. გარდა ამისა, გამოძიების ფარგლებში რამდენიმე პირი დააკავეს. გამოძიება მას შემდეგ დაიწყო, რაც ზოგიერთმა ფონდმა ინვესტორების მიერ თანხების დაბრუნების მოთხოვნების დაკმაყოფილება ვერ შეძლო.BIST 100-ის ინდექსი გასულ კვირაში 8%-ით დაეცა, სამშაბათს კი მისი ვარდნა 0.9%-ს შეადგენდა.ამ თვის დასაწყისში თურქეთის მარეგულირებლებმა ასევე შეცვალეს თავისუფალ მიმოქცევაში არსებული აქციების წილის (free float) გამოთვლის მეთოდოლოგია.ბირჟის ინფორმაციით, ძირითად ინდექსს, მათ შორის, დატოვებენ ფინანსური კომპანიები Destek Finans და Katilimevim. ამასთან, ინდექსში დაბრუნდებიან კონგლომერატი Anadolu Grubu Holding და სწრაფი კვების რესტორნების ქსელის ოპერატორი TAB Gida.ჯამში, BIST 100-ის ინდექსის შემადგენლობაში 27 კომპანია შეიცვლება.

1790148900

Politico-ს ცნობით, ამის შესახებ განცხადება კარნიმ ნიუ-იორკში, გაეროს გენერალური ასამბლეის კულუარებში გააკეთა. კანადის პრემიერმა ხაზი გაუსვა იმ მძიმე ვითარებას, რომელშიც ჰამასის ქმედებების გამო ისრაელის მოსახლეობაც იმყოფება.„ღაზაში უზარმაზარი ადამიანური ტანჯვა გრძელდება. პარალელურად, ისრაელელები კვლავ ეგზისტენციალური საფრთხის პირობებში ცხოვრობენ. ჰამასის, ირანისა და მისი მარიონეტული ჯგუფების მხრიდან“, - განაცხადა კარნიმ და დასძინა, რომ „ორი სახელმწიფოს პრინციპის“ (Two-state solution) საერთაშორისო მხარდაჭერა ეფექტიანობას დაკარგავს, თუ ეს პირობები შენარჩუნდება.აღნიშნული განცხადება დიდი ბრიტანეთის პრემიერ-მინისტრ ენდი ბერნჰემთან, საფრანგეთის პრეზიდენტ ემანუელ მაკრონსა და საუდის არაბეთის საგარეო საქმეთა მინისტრ პრინც ფაისალ ბინ ფარჰანთან შეხვედრამდე გაკეთდა. შეხვედრის მთავარი თემა „ორი სახელმწიფოს პრინციპის“ განხილვა და გაეროს უშიშროების საბჭოს 2803-ე რეზოლუციის განხორციელება იყო, რომელიც რეგიონული კონფლიქტის დასრულების აშშ-ის მიერ მხარდაჭერილ გეგმას ითვალისწინებს.ორი კვირის წინ კანადა, საფრანგეთი და დიდი ბრიტანეთი სხვა ქვეყნებთან ერთად შეთანხმდნენ, რომ გადადგამენ ნაბიჯებს მდინარე იორდანეს დასავლეთ სანაპიროზე მდებარე ისრაელის დასახლებებიდან საქონლის იმპორტის აკრძალვის მიმართულებით.კარნიმ აღნიშნა, რომ ეს არის „პრაგმატული და პრაქტიკული ნაბიჯები“ ორი სახელმწიფოს პრინციპის პერსპექტივის შესანარჩუნებლად.კანადამ გასულ წელს ოფიციალურად ცნო პალესტინის სახელმწიფოებრიობა. მიმდინარე წლის ივნისში კი ოტავამ დამატებით $100 მლნ-ის დახმარება გამოყო იმ ორგანიზაციებისთვის, რომლებიც დასავლეთ სანაპიროსა და ღაზაში გადაუდებელ სასურსათო და სამედიცინო მომსახურებას უზრუნველყოფენ.

1790147727

თუმცა, როცა საქმეში ჯეკი ჩანი ერთვება, ყველაზე ჩვეულებრივი სიტუაციებიც კი შეიძლება ნამდვილ თავგადასავლად იქცეს. ახალი კამპანიის პირველი სარეკლამო რგოლი 22 სექტემბერს გამოვა.სარეკლამო კამპანიის იდეა ჯეკი ჩანის Kaspi.kz-თან გაცნობის შემდეგ გაჩნდა. კომპანიის ხელმძღვანელმა და თანადამფუძნებელმა მიხეილ ლომთაძემ ჯეკი ჩანს შესთავაზა, Kaspi.kz-ის ერთ-ერთი საყვარელი მომხმარებელი გამხდარიყო და მას პერსონალური Kaspi Gold-ის ბარათი აჩუქა.ყაზახეთში მსახიობი ასევე მონაწილეობს ფილმ „ღვთის ჯავშანი: ულტიმატუმის“ გადაღებებში, რომლის გენერალური პარტნიორიც Kaspi.kz-ია.მიხეილ ლომთაძე, Kaspi.kz-ის ხელმძღვანელი და თანადამფუძნებელი: „ძალიან გვიხარია, რომ ჯეკი ჩვენი ერთ-ერთი მომხმარებელი გახდა, ახლა კი ახალი სარეკლამო კამპანიის გმირიცაა. ვიმედოვნებთ, ეს ისტორია ჩვენს მომხმარებლებს კარგ განწყობას შეუქმნის“.როგორი იქნება ჟაკეჟანის მომდევნო დღე ყაზახეთში, კამპანიის შემქმნელები ჯერჯერობით არ ამხელენ.

1790073888

მისი თქმით, ევროკავშირის ინსტიტუტებმა და ცენტრისტულ-მემარჯვენე „ევროპის ხალხთა პარტიამ“ (EPP) „სიმამაცე უნდა გამოიჩინონ“ და ითანამშრომლონ ევროპარლამენტში შემავალ ულტრამემარჯვენე ფრაქცია „პატრიოტებთან“, ისევე, როგორც ეს 2022 წელს, რომში მელონის გამარჯვების შემდეგ მოხდა.„საფრანგეთის რესპუბლიკის მიმართ «სანიტარიული კორდონის» (პოლიტიკური ბოიკოტის) გამოყენება შეუძლებელია“, - აღნიშნა პროკაჩინიმ. მისი თქმით, ლე პენი და ჟორდან ბარდელა, რომელიც ლე პენის პრეზიდენტობის შემთხვევაში, სავარაუდოდ, პრემიერ-მინისტრი გახდება, მელონის მსგავსად პრაგმატული პოლიტიკოსები არიან და ეროვნულ ინტერესებს საფრანგეთის ევროკავშირიდან გაყვანის გარეშე დაიცავენ.politico-ს ცნობით, ლე პენის შესაძლო გამარჯვება ევროპაში მემარჯვენე ძალების პოზიციებს კიდევ უფრო გაამყარებს და EPP-ს აიძულებს მოძებნოს გზა მემარჯვენე მთავრობებთან თანამშრომლობისთვის.ევროპარლამენტის 2024 წლის არჩევნების შემდეგ, EPP სულ უფრო ხშირად ეყრდნობა მემარჯვენე ფრაქციების ხმებს, რათა გააუქმოს ევროკავშირის მკაცრი „მწვანე რეგულაციები“ (Green Deal) და გაამკაცროს მიგრაციული პოლიტიკა.პროკაჩინის თქმით, ECR-ის დეპუტატები მზად არიან შეასრულონ არაოფიციალური მედიატორის როლი EPP-სა და „პატრიოტების“ ჯგუფს შორის, ხოლო 2029 წლის არჩევნებამდე მთავარ პრიორიტეტად „მწვანე შეთანხმების“ გადახედვა და ევროპის ბიზნეს-კონკურენტუნარიანობის ამაღლება რჩება.

1790063889

პოლონეთის პარლამენტში გამოსვლისას ტუსკმა აღნიშნა, რომ NATO-ს, უკრაინისა და პოლონეთის დაზვერვის მონაცემებზე დაყრდნობით, მომავალი შემოდგომა-ზამთრის პერიოდში „ყველაზე სავარაუდო სცენარი“ რუსეთის მხრიდან აგრესიის გაძლიერებაა, როგორც უკრაინის, ისე მისი მოკავშირეების, განსაკუთრებით პოლონეთის წინააღმდეგ.პოლონეთის პრემიერის შეფასებით, კრემლის სტრატეგიული მიზანი „NATO-ს ერთიანობის დასუსტება“ და წევრი ქვეყნების იმაში დარწმუნებაა, რომ ალიანსის მე-5 მუხლი კოლექტიური თავდაცვის შესახებ უფრო თეორიული ცნებაა, ვიდრე პრაქტიკულად მომუშავე მექანიზმი. რუსული ჰიბრიდული თავდასხმები, ჯაშუშობა და საჰაერო სივრცის დარღვევები სწორედ იმ ზღვარს ამოწმებს, თუ რა ჩაითვლება პირდაპირ შეიარაღებულ თავდასხმად.„არსებობს რეალური რისკი იმისა, რომ დრონები ან სხვა ტიპის რაკეტები აღმოსავლეთ ფლანგზე მდებარე NATO-ს ერთ ან რამდენიმე ქვეყნის ტერიტორიაზე შეიჭრას და ზიანი მიაყენოს. ოფიციალური ნარატივი კი იქნება ის, რომ ეს იყო უბედური შემთხვევა და არავის აქვს საფუძველი, NATO-ს მხრიდან რაიმე სახის საპასუხო რეაგირება განიხილოს“, - განაცხადა ტუსკმა.მან ასევე ყურადღება გაამახვილა დასავლეთში არსებულ პოლიტიკურ განწყობებზეც და აღნიშნა, რომ ევროპასა თუ შეერთებულ შტატებში ყველა პოლიტიკოსი არ არის მზად მე-5 მუხლით გათვალისწინებული ვალდებულებების დაუყოვნებლივ შესასრულებლად. ტუსკის თქმით, ზოგიერთი პოლიტიკური ჯგუფი „უბრალოდ მიზეზს ელოდება“, რათა კონფლიქტის შემთხვევაში პოლონეთის ან ბალტიისპირეთის ქვეყნების დაცვაზე უარი თქვას.ამასთან, პოლონეთის პრემიერ-მინისტრმა ხაზგასმით აღნიშნა, რომ მომავალი თვეები უკრაინისთვის „ტრაგიკულად კრიტიკული“ იქნება. მოსალოდნელია, რომ რუსეთი გააძლიერებს მაღალი ინტენსივობის იერიშებს უკრაინის მსხვილ ქალაქებზე, საწყობებზე, რკინიგზის ინფრასტრუქტურასა და თავდაცვისთვის კრიტიკულად მნიშვნელოვან ლოგისტიკურ ობიექტებზე.ბოლო პერიოდში მსგავსი თავდასხმები განსაკუთრებით ინტენსიური გახდა დასავლეთ უკრაინაში, პოლონეთის საზღვართან ახლოს, სადაც რუსეთმა რეაქტიული დრონების გამოყენება გაზარდა.

1789712728

კომპანიის განცხადებით, ექვს ცალკეულ ინციდენტში OpenAI-ის აგენტებმა ან დაუმალეს ინფორმაცია ინჟინრებს, ან სწავლებისა და ტესტირების პროცესში საკუთარ თავს მისცეს ინსტრუქცია, რომ ვინმეს ასისტენტად არ ემოქმედათ.OpenAI-მ ასევე წარადგინა ახალი ჩარჩო-სისტემა მსგავსი ინციდენტების (რომლებსაც „ცდომილების/უთანხმოების“ (misalignment) მარცხს უწოდებენ) მეთვალყურეობისთვის, გამოძიებისა და გასაჯაროებისთვის. ტექნოლოგიურ კომპანიას ახლა აქვს ინფორმაციის გამჟღავნების მკაფიო პროცედურა, რომლის მიხედვითაც ნებისმიერ თანამშრომელს შეუძლია დააფიქსიროს მოდელის აცდენის/ცდომილების ფაქტი, რის შემდეგაც შესაძლოა მისი საჯაროდ გამოქვეყნება განიხილონ.AI მოდელების კონტროლიდან გამოსვლამ გლობალური უკმაყოფილება გამოიწვია მას შემდეგ, რაც წამყვანი AI კომპანიების მკვლევრებმა გააფრთხილეს საზოგადოება, რომ ამ ტექნოლოგიამ შესაძლოა კაცობრიობის განადგურება გამოიწვიოს. ხელოვნური ინტელექტის სფეროს ლიდერებმა, მათ შორის Anthropic-ის გენერალურმა დირექტორმა დარიო ამოდეიმ და OpenAI-ის აღმასრულებელმა დირექტორმა სემ ალტმანმა, ინდუსტრიასა და მთავრობებს AI-ის განვითარების ტემპის შენელებისკენ მოუწოდეს.ზაფხულის დასაწყისში, OpenAI-ის ბაზაზე მომუშავე აგენტებმა გაჰაკეს AI კომპანია Hugging Face - ინციდენტი, რომელმაც ყურადღების ცენტრში მოაქცია სატესტო გარემოდან გაქცეული და ღია ინტერნეტში უმართავი დავალებების შემსრულებელი აგენტების პრობლემა.ოთხშაბათს ევროკომისიის პრეზიდენტმა ურსულა ფონ დერ ლაიენმა განაცხადა, რომ ევროპა „სათავეში ჩაუდგება გლობალურ ძალისხმევას“ უახლესი AI სისტემების კონტროლის ქვეშ მოსაქცევად და აღნიშნა, რომ ამ საკითხის განსახილველად AI-ის ძირითად ლაბორატორიებს მიიწვევს.

1789640483