ირანის კრიზისის შემდეგ ტრამპი უკრაინის ომზე გადაერთო

Visa (NYSE: V) ხელოვნურ ინტელექტთან ინტეგრირებულ კომერციაში უსაფრთხო ტრანზაქციების უზრუნველსაყოფად OpenAI-ისთან სტრატეგიულ თანამშრომლობას იწყებს, რის შედეგადაც OpenAI-ის პლატფორმებზე შეუფერხებელი და სანდო გადახდების შესრულება გახდება შესაძლებელი. კომპანიებმა ამის შესახებ სან-ფრანცისკოში გამართულ „Visa-ს გადახდების ფორუმზე“ განაცხადეს. პარტნიორობის ფარგლებში Visa ხელმისაწვდომს გახდის თავის გლობალურ ქსელს, ავტორიზაცია-ვერიფიკაციის სისტემებსა და უსაფრთხოების ინფრასტრუქტურას, რათა ხელოვნურ ინტელექტთან ინტეგრირებული კომერცია გახდეს კომფორტული და მომხმარებლებსა და ბიზნესებს შეუფერხებლად ურთიერთობისა და ტრანზაქციების განხორციელების შესაძლებლობა მიეცეთ.თანამშრომლობა უფრო მასშტაბური ინიციატივის, Visa Intelligent Commerce-ის ნაწილია, რომელიც ახალ ციფრულ გარემოში უსაფრთხო გადახდების შესაძლებლობათა გაფართოებას ისახავს მიზნად. ამასთან, Visa და OpenAI ერთობლივად შეისწავლიან ბიზნესში ინოვაციური ტექნოლოგიის პრაქტიკულად გამოყენების სხვადასხვა გზას, მათ შორის Codex-ის მხარდაჭერით შექმნილ დეველოპერულ ინსტრუმენტებს და, ასევე, მეტად ავტომატიზებულ და საუბარზე დაფუძნებულ სამუშაო პროცესს, მაშინ, როცა ხელოვნური ინტელექტი ციფრული ინტერაქციების სულ უფრო მნიშვნელოვანი ნაწილი ხდება.პარტნიორობის ფარგლებში Visa-ს გადახდების ეკოსისტემა ინტეგრირდება OpenAI-ის პლატფორმებთან, რაც დეველოპერებსა და მერჩანტებს მისცემს შესაძლებლობას, უფრო მარტივად მიიღონ ხელოვნური ინტელექტის მიერ ინიციირებული Visa-ს გადახდები. Visa OpenAI-ისთან ერთად უზრუნველყოფს საბაზისო ქსელს და ტოკენიზაციისა და რისკების მართვის შესაძლებლობებს, რაც სანდო და უსაფრთხო ტრანზაქციების წინაპირობაა.ტრანზაქციების განხორციელებისას მკაფიოდ იქნება განსაზღვრული მომხმარებელთა მიერ გაცემული უფლებამოსილების საზღვრები, პოლიტიკა და უსაფრთხოების ზომები, როგორიცაა ხარჯვის ლიმიტი, სავაჭრო კატეგორიები ან სავალდებულო დამოწმებები. ტრანზაქციებისას გამოიყენება ტოკენიზებული Visa-ს მონაცემები, ასევე რეალურ დროში ავტორიზაცია და თაღლითობის მონიტორინგი, რაც ხელს შეუწყობს ახალი, ხელოვნურ ინტელექტთან ინტეგრირებული გადახდების უსაფრთხოებასა და მომხმარებელთა დაცვას.„ხელოვნური ინტელექტი იმაზე სიღრმისეულად გარდაქმნის კომერციას, ვიდრე ეს ინტერნეტმა ან მობილურმა ტექნოლოგიამ შეძლო“, – აღნიშნა Visa-ს პროდუქტისა და სტრატეგიის განყოფილების მმართველმა, ჯეკ ფორესტელმა, – „მაშინ, როცა AI-აგენტები ეკონომიკის აქტიური მონაწილეები ხდებიან, Visa-ს მიზანი სანდო, უსაფრთხო და შეუფერხებელი ტრანზაქციების უზრუნველყოფა არის. OpenAI-ის მსგავს პარტნიორებთან ჩვენ სწორედ ამგვარ ინფრასტრუქტურას ვაშენებთ“.„კომერცია აღმოჩნდება იმაზე გაცილებით მეტ ადგილას და მეტი გზით, ვიდრე ეს დღეს ხდება და ხელოვნური ინტელექტი უფრო მეტად დაეხმარება ადამიანებს იმ ამოცანების შესრულებაში, რაც ფულს უკავშირდება – დაწყებული შესყიდვებითა და გადახდებით, დამთავრებული მეტად რთული ტრანზაქციებით“, – განაცხადა OpenAI-ის კომერციული პარტნიორობების ხელმძღვანელმა, მარკო მარჰუსმა, – „Visa Intelligent Commerce-თან ინტეგრირებით ჩვენ ვქმნით ინფრასტრუქტურას, რომლის მეშვეობითაც უსაფრთხო, გამჭვირვალე და მომხმარებლის მიერ გაკონტროლებული ხელოვნურ ინტელექტთან ინტეგრირებული ტრანზაქციები განხორციელდება. ეს ადამიანებს მისცემს საშუალებას, მეტად გამოიყენონ AI-აგენტები და, ამასთან, სრულად იყვნენ დარწმუნებულები, რომ გადახდები უსაფრთხოდ და დაცულად შესრულდება“. Visa-ს შესახებVisa (NYSE: V) მსოფლიო ლიდერი ციფრული გადახდების სფეროში. Visa 200-ზე მეტ ქვეყანაში ამუშავებს ტრანზაქციებს, კერძოდ მომხმარებლებს, ბიზნესს, ფინანსურ ინსტიტუტებსა და სამთავრობო ორგანიზაციებს შორის. ჩვენი მისიაა, დავაკავშიროთ მსოფლიო ინოვაციური,მოსახერხებელი, საიმედო და უსაფრთხო გადახდების ქსელის მეშვეობით, რომელიც ინდივიდუალური პირების, ბიზნესისა და ეკონომიკის კეთილდღეობას უწყობს ხელს. ჩვენ გვჯერა, რომ ეკონომიკაში ხელმისაწვდომობის გაფართოება ყველასთვის, ქმნის საფუძველს მთელს მსოფლიოში ადამიანთა კეთილდღეობისთვის და მომავალში ფულის გლობალური მოძრაობის საწინდარია. გაიგეთ მეტი ვებგვერდზე Visa.com.ge. 

1781597316

სანქციების პაკეტი, რომელიც 70 ახალ სუბიექტს მოიცავს, ასევე შეეხო სადაზღვევო კომპანია Rosgosstrakh-ს, Evofinance Mosnarbank-სა და Wildberries Bank-ს. ეს ზომები ნაწილია ბრიტანეთის მცდელობისა, გააძლიეროს ზეწოლა იმ ფინანსურ და ლოგისტიკურ ქსელებზე, რომლებიც, მისი განცხადებით, კრემლს უკრაინის ომში ეხმარება.„ეს სანქციები მიმართულია იმ გემების, ფულისა და აქტორების წინააღმდეგ, რომლებიც მხარს უჭერენ რუსეთის სამხედრო ეკონომიკას და, თავის მხრივ, საფრთხეს უქმნიან ევროპულ უსაფრთხოებას“, - განაცხადა პრემიერ-მინისტრმა კირ სტარმერმა, რომელიც საფრანგეთში დიდი შვიდეულის (G7) სამიტს ესწრება.შეზღუდვები ვრცელდება 20-ზე მეტ ნავთობტანკერსა და თხევადი ბუნებრივი აირის (LNG) რამდენიმე გემზე. მთავრობის განცხადებით, ეს არის პირველი შემთხვევა, როდესაც G7-ის ქვეყანამ სანქციები დააწესა რუსეთის Arctic LNG 2 პროექტთან დაკავშირებული გემების წინააღმდეგ.მთავრობის მონაცემებით, ბრიტანეთს დღემდე სანქცირებული აქვს „ჩრდილოვანი ფლოტის“ თითქმის 600 გემი, ხოლო მარტში სტარმერმა სამხედროებს მისცა უფლება, ავიდნენ და დააკავონ ის გემები, რომლებიც ეჭვმიტანილები არიან დასავლური შეზღუდვების გვერდის ავლით რუსული ნავთობის ექსპორტის ხელშეწყობაში. ბრიტანეთის მიერ განხორციელებული პირველი ოპერაციის ფარგლებში, ბრიტანელმა კომანდოსებმა კვირას ლა-მანშის სრუტეში სანქცირებული „ჩრდილოვანი ფლოტის“ ნავთობტანკერი დააკავეს.ახალი სანქციები ასევე მიმართულია იმ ქსელის წინააღმდეგ, რომელსაც ბრიტანეთი რუსეთის სამხედრო დაზვერვის შესყიდვების ქსელად ახასიათებს. აღნიშნული ქსელის ცენტრია კომპანია Neptune Co Ltd, რომელსაც ლონდონი რუსეთის თავდაცვის სექტორისთვის დასავლური ტექნოლოგიების ფარულად შეძენაში ადანაშაულებს.

1781596605

კურსს უძღვება ქრისტინე ლორთქიფანიძე, კვლევისა და საკონსულტაციო მომსახურების კომპანია „ანოვას“ თანადამფუძნებელი.კურსის ფარგლებში მონაწილეები გაეცნობიან: ბაზრის სეგმენტაციასა და მიზნობრივი მარკეტის შერჩევას მომხმარებლის ქცევის განმსაზღვრელ ფაქტორებს მომხმარებლის გამოცდილების (CX) კვლევის ინსტრუმენტებსა და მეტრიკებს ორგანიზაციულ კვლევებსა და თანამშრომლებისგან მიღებული ინსაითების გამოყენებას HR მეტრიკებსა და პერფორმანსის ანალიტიკას მონაცემებზე დაფუძნებული ლიდერშიფის კულტურის ჩამოყალიბებას Businesscourse.ge საქართველოს ბანკის საგანმანათლებლო პლატფორმაა, რომელიც ბიზნესით დაინტერესებულ ადამიანებს 70-ზე მეტ სრულად დაფინანსებულ კურსს სთავაზობს. პლატფორმაზე უკვე 100,000-ზე მეტჯერ დარეგისტრირდნენ ხოლო სასწავლო პროგრამები მუდმივად ახლდება თანამედროვე ბიზნესის საჭიროებების შესაბამისად.(R)

1781595727

საქმიანობის სახეების მიხედვით შედარებით მაღალი ხელფასი დაფიქსირდა შემდეგ დარგებში: საფინანსო და სადაზღვევო საქმიანობები - 5 952.5 ლარი (წინა წლის შესაბამის პერიოდთან შედარებით გაიზარდა 7.9%-ით) ინფორმაცია და კომუნიკაცია - 4 290.7 ლარი (გაიზარდა 3.1%-ით); სამთო-მოპოვებითი მრეწველობა და კარიერების დამუშავება - 3 230.4 ლარი (გაიზარდა 11.8%-ით); პროფესიული, სამეცნიერო და ტექნიკური საქმიანობები - 3 186 ლარი (გაიზარდა 7.1%-ით). 1Q26-ში ქალების საშუალო ხელფასი 1 901.8 ლარი, ხოლო კაცების - 2 836 ლარი იყო. ხელფასების წლიურმა ზრდამ ქალებში 157.7 ლარი (9%) შეადგინა, ხოლო კაცებში - 234.7 ლარი (9%). საქმიანობის სახეების მიხედვით კაცების ხელფასი თითქმის ყველა სექტორში აღემატებოდა ქალების ხელფასს.საქსტატის მონაცემებით, 1Q26-ში სამეწარმეო (ბიზნეს) სექტორში დაქირავებით დასაქმებულთა საშუალო თვიური ხელფასი გაიზარდა 166.3 ლარით (7.7%) და 2 335.9 ლარი შეადგინა. საქმიანობის სახეების მიხედვით ყველაზე მაღალი ხელფასი დაფიქსირდა ინფორმაციის და კომუნიკაციის (4 358.6 ლარი, წინა წლის შესაბამის პერიოდთან შედარებით გაიზარდა 2.4%-ით) და პროფესიულ, სამეცნიერო და ტექნიკურ საქმიანობებში (3 632.7 ლარი, გაიზარდა 6.8%-ით).1Q26-ში არასამეწარმეო და საფინანსო სექტორში საშუალო თვიური ხელფასი გასული წლის შესაბამის პერიოდთან შედარებით 242.8 ლარით (11.2%) გაიზარდა და 2 413.7 ლარი შეადგინა. საქმიანობის სახეების მიხედვით შედარებით მაღალი ხელფასი აქვთ საფინანსო და სადაზღვევო საქმიანობებში დასაქმებულებს.საშუალო ხელფასის სიდიდის მიხედვით რეგიონებში ლიდერია თბილისი და მცხეთა მთიანეთი. 

1781595151

რუსული გამოცემის სტატიაში ნათქვამია, რომ ე.წ. კანონის თანახმად, დე ფაქტო ხელისუფლების ორგანოები ეტაპობრივად აფხაზურ ენაზე უნდა გადასულიყვნენ, თუმცა რეალურად ე.წ. სახელმწიფო უწყებებსა და ე.წ. პარლამენტში ძირითად სამუშაო ენად კვლავ რუსული რჩება. რუსულ ენაზე მიმდინარეობს დოკუმენტბრუნვის ძირითადი ნაწილიც.2027 წლის 1 იანვრიდან ძალაში უნდა შევიდეს ცვლილებები ე.წ. საარჩევნო კანონმდებლობაში, რომლის მიხედვითაც „პარლამენტის“ დეპუტატობის ყველა კანდიდატს აფხაზური და რუსული ენების ცოდნა მოეთხოვება. ცვლილებები ჯერ კიდევ 2022 წელს მიიღეს, თუმცა ადგილობრივი პოლიტიკოსებისა და აკადემიური წრეების წარმომადგენლების თქმით, ბოლო წლების განმავლობაში აფხაზური ენის ცოდნის დონე მნიშვნელოვნად არ გაუმჯობესებულა.ოკუპირებული აფხაზეთის ე.წ. მეცნიერებათა აკადემიაში გამართულ შეხვედრაზე მეცნიერებმა აღნიშნეს, რომ ეროვნული ენის დაცვის საკითხი სახელმწიფოს მუდმივი პოლიტიკის ნაწილი უნდა იყოს და არა მხოლოდ საარჩევნო კამპანიების დროს გააქტუალურებული თემა.ოკუპირებული აფხაზეთის სტრატეგიული კვლევების ინსტიტუტის დირექტორმა ვიაჩესლავ ჩირიკბამ განაცხადა, რომ ბოლო წლებში ენის საკითხი პოლიტიზებული გახდა. მისი თქმით, საჭიროა ენის ცოდნის დონეების განსაზღვრა და მკაფიო კრიტერიუმების შემუშავება, თუმცა ამ პროცესში ზედმეტი სიმკაცრისგან თავის შეკავებაც აუცილებელია.აფხაზურ საზოგადოებაში ფართოდ არის გავრცელებული მოსაზრება, რომ აფხაზური ენა კრიზისულ მდგომარეობაშია. ადგილობრივი ინტელიგენციის წარმომადგენლები აცხადებენ, რომ თუ არსებული ტენდენცია გაგრძელდება, მომავალ ათწლეულებში აფხაზური ენის მატარებელთა რაოდენობა შესაძლოა მკვეთრად შემცირდეს.სტატიაში აღნიშნულია, რომ ენის საკითხი აფხაზეთში განსაკუთრებული პოლიტიკური და ისტორიული მნიშვნელობის მატარებელია. ავტორი იხსენებს 1978 წლის მოვლენებს, როდესაც აფხაზური საზოგადოების ნაწილი საბჭოთა საქართველოს ხელმძღვანელობის ენობრივ პოლიტიკას აპროტესტებდა.ამავე დროს, სტატიაში ხაზგასმულია, რომ საქართველოს ხელისუფლება რეგულარულად მიუთითებს საქართველოს კონსტიტუციის ნორმაზე, რომლის თანახმადაც აფხაზეთის ავტონომიურ რესპუბლიკაში აფხაზური ენა, ქართულთან ერთად, სახელმწიფო ენის სტატუსით სარგებლობს. საქართველოს მოქმედი კონსტიტუციის მიხედვით, საქართველოს სახელმწიფო ენა ქართულია, ხოლო აფხაზეთის ავტონომიურ რესპუბლიკაში სახელმწიფო ენად ასევე აღიარებულია აფხაზური ენა.ავტორის შეფასებით, აფხაზურ საზოგადოებაში დღემდე მიმდინარეობს დისკუსია იმაზე, თუ რამდენად უნდა იყოს ენა ეროვნული იდენტობის მთავარი საფუძველი. ერთი მხრივ, არსებობს შიში, რომ ენის პოზიციების შემდგომი შესუსტება აფხაზური კულტურისა და თვითმყოფადობის დაკარგვის რისკს გაზრდის, ხოლო მეორე მხრივ, ენობრივი მოთხოვნების გამკაცრებამ შესაძლოა კვალიფიციური სპეციალისტების სახელმწიფო მართვის სისტემიდან გამოთიშვა და ახალგაზრდების მიგრაციის ზრდა გამოიწვიოს.

1781594871

ეროვნული ნაკრების წევრები და ოლიმპიადის გამარჯვებულები 12 ივნისს, თიბისი კონცეპტში გამართულ ღონისძიებაზე ოფიციალურად დაჯილდოვდნენ. ეროვნული AI ოლიმპიადის და საქართველოს ნაკრების მთავარი მხარდამჭერია თიბისი.ასტანაში, 103 ქვეყნის მონაწილეებს შორის გამარჯვების მოპოვებას შეეცდებიან  საქართველოს ნაკრების წევრები: ვ. კომაროვის ფიზიკა-მათემატიკის #199 საჯარო სკოლის მოსწავლეები -  მათე რეხვიაშვილი, ნიკოლოზ გეგენავა, გიორგი მაისურაძე, ლუკა ბერიკელაშვილი, ანტონი ინგოროყვა, გიორგი ცქიტიშვილი, ნიკოლოზ კილაძე - გ. ზალდასტანიშვილის სახელობის ამერიკული აკადემიის მოსწავლე და ნიკოლოზ ყიფშიძე 136-ე საჯარო სკოლის მოსწავლე.„თიბისისთვის მნიშვნელოვანია ისეთი შესაძლებლობების შექმნა, რომლებიც ახალ თაობას ცოდნის გაღრმავებასა და საკუთარი პოტენციალის სრულად რეალიზებაში ეხმარება. გვიხარია, რომ ეროვნული AI ოლიმპიადის მხარდაჭერით ახალი თაობის განვითარებაში შეგვაქვს წვლილი. გვჯერა, რომ სწორედ ასეთი ნიჭიერი და მიზანდასახული ახალგაზრდები განსაზღვრავენ მომავლის ტექნოლოგიურ პროგრესს და საერთაშორისო ასპარეზზე წარმატებით წარმოაჩენენ საქართველოს“, - მაკუნა თავბერიძე, თიბისის მარკეტინგის და ბრენდის გამოცდილების ლიდერი.საქართველომ საერთაშორისო AI ოლიმპიადაში პირველად 2025 წელს მიიღო მონაწილეობა და პირველივე წელს ქვეყნისთვის პირველი მედალი მოიპოვა. ეროვნული AI ოლიმპიადა საქართველოს ტექ ოლიმპიადების ჰაბის ნაწილია, რომელიც თიბისის მხარდაჭერით და ბიზნესისა და ტექნოლოგიების უნივერსიტეტის (BTU) ორგანიზებით შეიქმნა. ტექ ოლიმპიადების ჰაბი ტექნოლოგიური განათლების განვითარებასა და ახალგაზრდა ტალანტების აღმოჩენა-გაძლიერებას ემსახურება. ჰაბი უზრუნველყოფს მოსწავლეების მომზადებას, ეროვნული ნაკრებების შერჩევასა და მათ მონაწილეობას ინფორმატიკისა და AI-ს საერთაშორისო ოლიმპიადებში, რითაც ხელს უწყობს ახალ თაობაში ტექნოლოგიური უნარების განვითარებას და აძლიერებს საქართველოს წარმომადგენლობას საერთაშორისო ასპარეზზე„ქვეყნის ტექნოლოგიური ეკოსისტემის განვითარებისთვის და ახალ თაობაში ციფრული უნარების გაძლიერებისთვის, ტექ ოლიმპიადების ჰაბი უპრეცედენტო მნიშვნელობის ინიციატივაა. ბიზნესისა და ტექნოლოგიების უნივერსიტეტში ჰაბის დაფუძნება ერთის მხრივ წარმოაჩენს საქართველოს ეროვნული ნაკრებების დიდ საოლიმპიადო შედეგებს, მეორეს მხრივ კი მიზნად ისახავს უფრო მეტი ახალგაზრდას ჩართვას, მომზადება და გადამზადების პროგრამების და ბანაკების უზრუნველყოფას, სხვადასხვა რეგიონების დაფარვას და მოსწავლეთა საუკეთესო პოტენციალის დემონსტრირებას, მსოფლიოს ყველაზე პრესტიჟულ ტექ ოლიმპიადებში“, - ნინო ენუქიძე, ბიზნესისა და ტექნოლოგიების უნივერსიტეტის რექტორი.მონაწილეების ოლიმპიადისთვის მომზადებასა და სპეციალური კურსის შექმნაზე საქართველოს ხელოვნური ინტელექტის ასოციაციამ (GAIA) იზრუნა. ინტენსიური, რვათვიანი მომზადების პროცესმა მოსწავლეებს საშუალება მისცა, არა მხოლოდ AI-ის საფუძვლებს დაუფლებოდნენ, არამედ საერთაშორისო ასპარეზისთვის საჭირო უნარებიც განევითარებინათ.„AI ოლიმპიადა ყველაზე მნიშვნელოვანი საქართველოში ახალი თაობის პროფესიონალების განვითარებისთვისაა. კურსის და ეროვნული ოლიმპიადის მონაწილეები და ნაკრების წევრები არამხოლოდ საფუძვლიან ცოდნას იძენენ, არამედ ხედავენ, რამდენად ბევრი შესაძლებლობა მოჰყვება AI-ის განვითარებას. მათ კი შეუძლიათ, განვითარების ნაწილი და შემქმნელებიც იყვნენ.ჩვენი პარტნიორობა თიბისისთან სწორედ ამ შესაძლებლობების და ჩვენი მოსწავლეების პოტენციალის საერთო ხედვას ეფუძნება. ქართველ ახალგაზრდებსაც შეუძლიათ, მსოფლიო დონის AI პროფესიონალები გახდნენ და თავისი წვლილი შეიტანონ ტექნოლოგიის განვითარებაში“, - გიგი გიორგაძე, GAIA-ს დირექტორი.დიდი მიზნებისკენ მიმავალ გზაზე მთავარი საკუთარი თავის რწმენაა - რწმენა იმის, რომ შეგიძლია. თიბისის განათლების პროგრამები კი სწორედ იმ შესაძლებლობებს ქმნის, რომლებიც ადამიანებს ეხმარება, თავიანთი ამბიციები და მისწრაფებები რეალობად აქციონ, განვითარდნენ და საკუთარი პოტენციალი საერთაშორისო ასპარეზზეც წარმოაჩინონ.(R)

1781592002

ღონისძიება ორგანიზებული იყო YTILI | Young Transatlantic Innovation Leaders Initiative-ის სამოქმედო პროექტის ფარგლებში, რომელიც ხორციელდება აშშ-ის სახელმწიფო დეპარტამენტისა და American Councils for International Education-ის მხარდაჭერით.ვორქშოპი ქართველი მეღვინეებისა და ღვინის მწარმოებლებისთვის ჩატარდა და აშშ-ის ბაზარზე ექსპორტის სრული ჯაჭვის გაცნობას დაეთმო. მონაწილეებმა მიიღეს პრაქტიკული ინფორმაცია ბაზარზე შესვლის სტრატეგიების, რეგულაციების, დისტრიბუციის, გაყიდვების პროცესისა და საერთაშორისო პარტნიორებთან თანამშრომლობის შესახებ.ღონისძიების სპეციალური სტუმარი იყო კომპანია Fast Penny Spirits-ის (Amaricano) დამფუძნებელი ჯეიმი ჰანტი, რომლის პროდუქცია დღეს აშშ-ის 9 შტატში იყიდება. მან მონაწილეებს საკუთარი გამოცდილება გაუზიარა და დეტალურად ისაუბრა იმ გამოწვევებსა და შესაძლებლობებზე, რომლებიც აშშ-ის ბაზარზე ოპერირებას ახლავს თან.საქართველოს ბანკისთვის მეღვინეობის მხარდაჭერა ერთ-ერთი პრიორიტეტული მიმართულებაა. ჩვენთვის მნიშვნელოვანია, ხელი შევუწყოთ სექტორის განვითარებას, ცოდნის გაზიარებასა და საერთაშორისო ბაზრებზე ქართული ღვინის პოზიციების გაძლიერებას. მსგავსი შეხვედრები მეღვინეებს აძლევს შესაძლებლობას, მიიღონ პრაქტიკული გამოცდილება და უკეთ მოემზადონ ახალი საექსპორტო ბაზრების ათვისებისთვის“, — განაცხადა ეკატერინე ჭურაძემ, საქართველოს ბანკის არაფინანსური პროდუქტების განვითარების და სუბსიდირებული პროექტების სამსახურის უფროსმა.ღონისძიების პარტნიორები იყვნენ ვაზისუბნის მამული და Aramex Georgia.

1781538651

ევროპული მოგზაურობის ფარგლებში, მაყურებელს კვლავ აქვს შესაძლებლობა, მოისმინოს ისტორიები ადამიანებზე, რომლებიც საკუთარი გამოცდილებით, იდეებითა და ხედვებით ქმნიან ახალს და ინსპირაციას აძლევენ სხვებს.ახალი ეპიზოდის სტუმარია ზაალ ანდრონიკაშვილი, ბერლინის კულტურისა და ლიტერატურის კვლევების ცენტრის მეცნიერ თანამშრომელი.გადაცემა ეთერში 16 ივნისს, 21:00 საათზე YouTube-ზე დაიდება. ეპიზოდის სანახავად ეწვიეთ ბმულს.ინფორმაციისთვის, „გორგილაძის აუტანელი სიმსუბუქის“ მიზანია საზოგადოებისთვის კარგად ნაცნობი და ნაკლებად ცნობილი ადამიანები განსხვავებული კუთხით წარმოაჩინოს. გადაცემის ფორმატი პორტრეტის, ღია დიალოგისა და „ჰარდ თოქის“ სინთეზია, რომლის ფარგლებშიც სტუმრები საუბრობენ თავიანთ გამოცდილებაზე, იდეებზე, საზოგადოებრივ პროცესებსა და პირად ხედვებზე რაც მაყურებელს აძლევს შესაძლებლობას უკეთ გაიაზროს როგორც მათი პერსონა, ისე მათ გარშემო არსებული კონტექსტი.

1781537905