კოსი ალიევთან ევროპასა და სამხრეთ კავკასიას შორის ვაჭრობის გაფართოებაზე შეთანხმდა

მისივე თქმით, მთავრობის ეფექტიანობის დეპარტამენტი 2025 წლის მეორე ნახევრიდან შეიქმნა, ასევე რეფორმირდა შესყიდვების სამსახური, კერძოდ შესყიდვებს დაემატა ბაზრის კვლევის ელემენტი და ამ ორი დეპარტამენტის მეშვეობით მთავრობის ადმინისტრაცია არაერთ უმნიშვნელოვანეს რეფორმას ახორციელებს.ლევან ჟორჟოლიანმა ხაზი გაუსვა ახალ ინიციატივებს, კერძოდ ცენტრალიზებული შესყიდვების ორგანოს შექმნას, ბაზრის კვლევის ელექტრონული მოდულს (MRS), რომელიც პირველი იანვრიდან ამოქმედდა და სამშენებლო ფასების რეფორმას, რომელიც მიმდინარე წელს დასრულდება.„მნიშვნელოვანია, რომ თუ ადრე მთავრობის ადმინისტრაცია ითანხმებდა მხოლოდ ავტომობილების, კომპიუტერული ტექნიკისა და ავეჯის შესყიდვას, დაემატა უმნიშვნელოვანესი - სამშენებლო მიმართულება და მასზე ზედამხედველობა, წინასწარი შეთანხმება, ვიდრე გამოცხადდება სამშენებლო პროექტები და ტენდერები. მარტო ინფრასტრუქტურის სამინისტროს ბიუჯეტს თუ ავიღებთ - 4 მლრდ-ის შესყიდვებზეა საუბარი, ასევე დაემატა სპეცტანსაცმლის შესყიდვები და ა.შ. ანუ გაფართოვდა წრე იმ კოდებისა, რომელსაც ითანხმებს მთავრობის ადმინისტრაცია. ჯამში, შესყიდვების დეპარტამენტისა და მთავრობის ადმინისტრაციის ეფექტიანობის დეპარტამენტის მუშაობის შედეგად, მხოლოდ 6 თვეში, საქმიანობის ეფექტმა მოგვცა 300 მლნ ლარამდე დაზოგვის შესაძლებლობა. მთავრობის ადმინისტრაცია ამ ორი დეპარტამენტის მეშვეობით ახორციელებს ძალიან მნიშვნელოვან რეფორმებს, ჩვენ შევედით ინიციატივით, მათ შორის, პარლამენტში და შეიქმნა ცენტრალიზებული შესყიდვების ორგანო, რომელიც გაეშვება 2026 წლის პირველი ივნისიდან, ძალიან მნიშვნელოვანი სიახლეები გვექნება ამ მიმართულებით. ასევე, ინფრასტრუქტურის სამინისტროსთან ერთად ჩვენ განვაახლეთ „თეთრი სიის" კონცეფცია, სპეცწესების რეფორმირება მოხდა მთლიანად. პირველი იანვრიდან გაეშვა MRS სისტემა, ეს არის ბაზრის კვლევის ელექტრონული მოდული. ჩვენ ასევე სამშენებლო ფასების რეფორმა დავიწყეთ. მნიშვნელოვანია, რომ ამ მიმართულებით იყო საკმაოდ ბევრი პრობლემა, როგორც სამშენებლო კომპანიებისთვის, ისე სახელმწიფო შემსყიდველი ორგანიზაციებისთვის და ამ ნაწილშიც აქტიურად ვმუშაობთ. მიმდინარე წელს ამ რეფორმას დავასრულებთ. გვექნება ძალიან საინტერესო ინიციატივები, რომელთაც შევიტანთ პარლამენტში 2026 წლის გაზაფხულის სესიაზე და მთლიანად მიმართული იქნება შესყიდვებისა და ანტიკორუფციული კანონმდებლობებისკენ", - განაცხადა ლევან ჟორჟოლიანმა.

1769079366

თიბისი კაპიტალის ანალიტიკოსების აზრით, მიმდინარე ანგარიშის გაუმჯობესებაში წამყვან როლს მომსახურების ექსპორტის ზრდა ასრულებს, მათ შორის, უპირველეს ყოვლისა, ინფორმაციისა და კომუნიკაციის სექტორიდან. ასევე გამოსაყოფია, ერთი მხრივ, იმპორტის ზრდის ტემპის შენელება, ხოლო, მეორე მხრივ, ფულადი გზავნილებისა და ტურისტული შემოსავლების მატება. რეინვესტიციების ჩათვლით, პროგნოზის თანახმად, მიმდინარე ანგარიშის ჯამური დეფიციტი 2025 წელს მშპ-ის 2.7%-ს მიაღწევს, რაც აგრეთვე ყველაზე დაბალი მაჩვენებელია.გასული წლის მეორე ნახევრიდან ეკონომიკური ზრდა შენელდა, რაც გრძელვადიანი ტენდენციის ირგვლივ ნორმალიზების ჩვენს მოლოდინებთან თანხვედრაშია. რაც შეეხება 2026 წელს, ეკონომიკური ზრდის პერსპექტივისთვის მნიშვნელოვან ფაქტორად რუსეთ-უკრაინის ომი რჩება. კონფლიქტის დასრულების სცენარში საქართველოს ეკონომიკაზე როგორც დადებითი, ასევე უარყოფითი მხრივ მრავალი ფაქტორი იმოქმედებს, თუმცა წმინდა ეფექტი, ჩვენი შეფასებით - რაც, შესაძლოა, მიმდინარე მდგომარეობით, საბაზრო კონსენსუსი არ არის - გარკვეულწილად მაინც უარყოფითი იქნება. ამდენად, 2026 წელს ეკონომიკური ზრდა საბაზო სცენარში, დაახლოებით, 4.5%-ს შეადგენს.თიბისი კაპიტალის აზრით, ლარის კურსის კუთხით, 2025 წელს გამყარების მიმართულებით სამი ძირითადი ფაქტორი მოქმედებდა: დოლარის გლობალური სისუსტე, გაზრდილი წმინდა სავალუტო შემოდინებები და ქვეყნის შიგნით უცხოურ ვალუტაზე მოთხოვნის კლება, რაც დეპოზიტების ლარიზაციისა და სესხების დოლარიზაციის ზრდაში აისახა. ლარის მხარდამჭერი გარემოს ფონზე, სებმა გასულ წელს, ჩვენი შეფასებით, $2.5 მილიარდი შეიძინა. შედეგად, მთლიანმა სავალუტო რეზერვებმა $6.2 მილიარდი შეადგინა, ხოლო წმინდა რეზერვებმა, ასევე ჩვენი შეფასებით - $3.2 მილიარდი.ამასთან, თიბისი კაპიტალის წონასწორობის მოდელების თანახმად, 2025 წელს ლარი როგორც დოლართან, ასევე სავაჭრო პარტნიორებთან მიმართებით ზედმეტად არის გაუფასურებული, რაც, ცალკე აღებული, ლარის გამყარების არგუმენტია. თუმცა საყურადღებოა, რომ ომის დასრულების სცენარი, როგორც ზემოთ აღინიშნა, სავალუტო ნაკადების გარკვეულ რეორიენტაციას მოიაზრებს, რაც გაცვლითი კურსისთვის მოკლევადიან პერიოდში ნეგატიური ფაქტორია. ამ სცენარში მოსალოდნელია სავალუტო კონვერტაციებიც, თუმცა, სავალუტო რეზერვების შევსების ფონზე, ასევე გასათვალისწინებელია სების მიმდინარე პოლიტიკა, რომელიც ლარის ჭარბი მერყეობის შეზღუდვას გულისხმობს. მთლიანობაში, თიბისი კაპიტალის საბაზო სცენარით, 2026 წელს ლარი მხოლოდ მცირედით გაუფასურდება.ინფლაციის მხრივ, ნოემბრიდან, პროგნოზის შესაბამისად, შემცირება გამოიკვეთა და დეკემბერში ფასების წლიურმა ზრდამ 4% შეადგინა. თიბისი კაპიტალის პროგნოზით, მიმდინარე წლის დასაწყისში ინფლაცია გაიზრდება, მარტიდან კი, ნაწილობრივ საბაზო ეფექტების გათვალისწინებით, შენელებას განაგრძობს და წლის ბოლოს 3.5%-ს მიაღწევს. ამ კუთხით ასევე საყურადღებოა გაზაფხულიდან, ერთი მხრივ, ელექტროენერგიის ტარიფის შესაძლო ზრდა და მეორე მხრივ, სურსათის ფასების შესაძლო კორექტირება, რასაც, რა თქმა უნდა, ინფლაციის პროგნოზზე მნიშვნელოვანი გავლენა ექნება.

1769078527

ტრამპმა ასევე გააუქმა დამატებითი ტარიფების მუქარა იმ ევროპელი მოკავშირეების მიმართ, რომლებიც ეწინააღმდეგებოდნენ მის დაჟინებულ მოთხოვნას გრენლანდიის დაუფლების შესახებ და აღნიშნა, რომ ამერიკული საკუთრების დასამტკიცებლად ძალას არ გამოიყენებდა. ეს "დათმობები" ტრამპმა 21 იანვარს საღამოს Truth Social-ზე გაკეთებული განცხადებით დააგვირგვინა. მან აღნიშნა, რომ NATO-ს გენერალურ მდივან მარკ რუტესთან ერთად „ჩამოაყალიბა მომავალი შეთანხმების ჩარჩო გრენლანდიასთან და ფაქტობრივად მთელ არქტიკულ რეგიონთან დაკავშირებით“. თუმცა, თავად ჩარჩოს დეტალებზე არ უსაუბრია. ტრამპმა დასძინა: „ეს გადაწყვეტილება, თუ ის აღსრულდება, იქნება ბრწყინვალე როგორც აშშ-ისთვის, ისე NATO-ს ყველა წევრი ქვეყნისთვის“. აშშ-ის პრეზიდენტის განცხადებას წინ უძღოდა ბრიუსელში, NATO-ს წევრი ქვეყნების უმაღლესი სამხედრო ოფიცრების შეხვედრა, სადაც მათ ტერიტორიული კომპრომისის შესაძლებლობა განიხილეს.The New York Times-თან ინტერვიუში, დასავლელმა მაღალჩინოსნებმა თქვეს, რომ რუტე მთელი კვირის განმავლობაში ცდილობდა კომპრომისის პოვნას, თუმცა მათ არ იცოდნენ, იყო თუ არა ტრამპის მიერ გამოცხადებული ჩარჩოს ნაწილი იდეა, რომელიც სამხედრო ბაზებისთვის გრენლანდიის მცირე მონაკვეთებზე აშშ-ის გარკვეულ სუვერენიტეტს გულისხმობდა.ერთ-ერთმა ოფიციალურმა პირმა, რომელიც შეხვედრას ესწრებოდა, ეს კონცეფცია კვიპროსში არსებულ ბრიტანულ ბაზებს შეადარა, რომლებიც ბრიტანეთის ტერიტორიად ითვლება. მეორე ოფიციალურმა პირმა The New York Times-თან დაადასტურა, რომ გრენლანდიის მოდელად სწორედ კვიპროსში ბრიტანეთის სუვერენული ბაზები განიხილებოდა. ტრამპის მიერ გამოცხადებული შეთანხმების დეტალების შესახებ დასმულ კითხვაზე NATO-მ განცხადებით უპასუხა: „მოლაპარაკებები დანიას, გრენლანდიასა და აშშ-ს შორის გაგრძელდება იმის უზრუნველსაყოფად, რომ რუსეთმა და ჩინეთმა ვერასდროს მოიკიდონ ფეხი გრენლანდიაში. არც ეკონომიკურად, არც სამხედრო თვალსაზრისით“.რუტეს შესაძლო შეთანხმების დეტალები არ გაუსაჯაროებია. მისმა პრესსპიკერმა ელისონ ჰარტმა კი განაცხადა, რომ რუტეს „დავოსში ტრამპთან შეხვედრისას სუვერენიტეტთან დაკავშირებული არანაირი კომპრომისი არ შეუთავაზებია“.ამ ეტაპისთვის, The New York Times-თან დანიის პრემიერ-მინისტრის აპარატს კომენტარი არ გაუკეთებია. დანიის პარლამენტის გრენლანდიელმა წევრმა უარყო ტრამპის ნათქვამი NATO-სთან პოტენციური გარიგების შესახებ. „ის, რასაც ამ დღეებში ტრამპის განცხადებებში ვხედავთ, სრული აბსურდია. NATO-ს არავითარი მანდატი არ აქვს, რომ ჩვენს გარეშე აწარმოოს მოლაპარაკება“, - დაწერა მან სოციალურ ქსელში და იქვე დასძინა: „არაფერი ჩვენს შესახებ, ჩვენს გარეშე. იქმნება სრული გაუგებრობა“.

1769075940

საქმის მოკვლევის შედეგად, სააგენტომ დაადგინა, რომ მოვაჭრემ ვერ შეასრულა ნივთის ნაკლის აღმოფხვრასთან დაკავშირებული ვალდებულებები, ასევე ვერ უზრუნველყო მომხმარებლის მიერ შეძენილი პროდუქციის ხელშეკრულებით შეთანხმებულ პირობებში მოყვანა. ამასთან, მოვაჭრემ უგულებელყო მომხმარებლის უფლება  - დისტანციური ვაჭრობისას, ყოველგვარი საფუძვლის მითითების გარეშე, 14-დღიან ვადაში ნივთის უკან დაბრუნების მოთხოვნაზე.მომხმარებლების განცხადებით, მოვაჭრეს არ განუხორციელებია არანაირი ქმედება მათი დარღვეული უფლების აღსადგენად.შპს „ადას" წინააღმდეგ საქმის შესწავლა თავდაპირველად პირობითი ხელშეკრულების გაფორმებით დასრულდა, რომლის ფარგლებშიც მოვაჭრეს დაევალა, საქმიანობის შიდა პოლიტიკის შეცვლა და იმ მომხმარებელთა უფლებების აღდგენა, რომელთაც, სავარაუდოდ, წარსულში არსებული სავაჭრო პოლიტიკის შედეგად ზიანი მიადგათ, თუმცა გამომდინარე იქიდან, რომ მოვაჭრემ დაკისრებული ვალდებულებები ვერ შეასრულა, GCCA-მა მის მიმართ, კანონის შესაძლო დარღვევის ფაქტზე, საქმის შესწავლა ხელახლა დაიწყო. შპს „ადამ" არც განახლებული წარმოების ფარგლებში უზრუნველყო მასზე დაკისრებული ვალდებულებების შესრულება, რის შედეგადაც კომპანია 31 185 ლარით დაჯარიმდა.

1769068616

გამოძიებით დადგინდა, რომ ბრალდებული 2025-2026 წლებში ყიდულობდა სხვადასხვა დასახელების ბრენდულ ვადაგასულ პროდუქტს, რომელიც უნდა გამოეყენებინა ცხოველების საკვებად.დაკავებული პირი, კუსტარულად დამზადებული ბეჭდის მეშვეობით, პროდუქციას ვარგისობის ვადას უცვლიდა და აღნიშნული პროდუქტის რეალიზაციას, ლაგოდეხის მუნიციპალიტეტის სოფელ ქვემო გურგენიანში, საკუთარი საცხოვრებელი სახლის ეზოდან ახდენდა.გამოძიების პროცესში დაგეგმილი ოპერატიულ-სამძებრო ღონისძიებების ფარგლებში, ბრალდებულისგან შეძენილი იქნა ბრენდირებული ვადაგასული პროდუქცია.ჩხრეკის შედეგად, ბრალდებულის საცხოვრებელი სახლის ეზოში არსებული სასაწყობე ფართიდან და ავტომანქანიდან ამოღებულია დიდი ოდენობით სხვადასხვა დასახელების ბრენდული ვადაგასული პროდუქცია, ვარგისიანობის ვადის შესაცვლელად კუსტარულად დამზადებული ბეჭედი, ასევე ვადაგასული პროდუქციის რეალიზაციის შედეგად მიღებული ფულადი თანხა.საქმეზე გამოძიება მიმდინარეობს საქართველოს სისხლის სამართლის კოდექსის 198-ე მუხლის პირველი ნაწილით.ფინანსთა სამინისტროს საგამოძიებო სამსახური აგრძელებს აქტიურ საგამოძიებო მოქმედებებს სიცოცხლისა და ჯანმრთელობისათვის საფრთხის შემცველი ვადაგასული პროდუქციის გამოვლენისა და ამოღების მიზნით.

1769068302

მთავრობის ადმინისტრაციის მიერ გავრცელებული ინფორმაციის მიხედვით, როგორც დეპარტამენტი განმარტავს, კრიტერიუმების გამკაცრება განაპირობა არსებულმა პრაქტიკამ, როდესაც ცალკეულ შემთხვევებში, არ შესრულდა სახელმწიფო შესყიდვის ხელშეკრულებით ნაკისრი ვალდებულებები, შესაბამისად სახელმწიფო სახსრები არამიზნობრივად დაიხარჯა, შემსყიდველი ორგანიზაციები კი მნიშვნელოვნად დაზარალდნენ.„შესაბამისად, გამკაცრდა „თეთრ სიაში“ მოხვედრის კრიტერიუმები, როგორც შესრულებული პროექტების, ასევე წარმოსადგენი რეკომენდაციების მიმართულებით.ამასთან, მომდევნო სამი წლის განმავლობაში, ეტაპობრივად გაიზრდება წარმოსადგენი საბანკო გარანტიების მოცულობა, ხოლო 2029 წელს დაგეგმილია „თეთრი სიის“ სრულად გაუქმება. აღნიშნული ცვლილება ხელს შეუწყობს სახელმწიფო სახსრების მიზნობრივად განკარგვას, ასევე აამაღლებს მიმწოდებელთა მზაობას, კეთილსინდისიერად და ჯეროვნად შეასრულონ ნაკისრი ვალდებულებები, რათა უწყვეტად ისარგებლონ „თეთრი სიით“ მინიჭებული შეღავათებით“, - აღნიშნულია ანგარიშში.

1769066355

ობლიგაციები დენომინირებულია აშშ დოლარში. განთავსების აგენტია G&T.ობლიგაციებს საკრედიტო რეიტინგი არ აქვს (ემიტენტის რეიტინგი:BB / სტაბილური პერსპექტივით Fitch Ratings-ისგან, Ba2 / ნეგატიური პერსპექტივით Moody’s-ისგან).ემიტენტს დაგეგმილი აქვს ფასიანი ქაღალდების საქართველოს საფონდო ბირჟის სისტემაში დალისტვაც.

1769005688

კობახიძემ აღნიშნა, რომ ხელისუფლების პრიორიტეტია, მოქალაქეებზე აისახოს ის სიკეთე, რომელსაც ქვეყანა ეკონომიკური ზრდის შედეგად იღებს. მისივე თქმით, ბიზნესი თავისუფალია და თავისუფლად აწარმოებს თავის საქმიანობას"თუმცა ამ შემთხვევაში იმდენად მძიმე სოციალური ტვირთი შემოდის მოსახლეობისთვის, რომ გადავწყვიტეთ, კონსულტაციების საფუძველზე გვეცადა გარკვეული ცვლილებების შეტანა მთლიანად საერთო სურათში. რეალურად არის შემთხვევები, სადაც ორმაგი, სამმაგიც კი არის სხვაობა ფასებს შორის", - თქვა ირაკლი კობახიძემ და იქვე დასძინა, რომ ქსელური მარკეტების წარმომადგენლებთან ერთად სურს იმსჯელოს, თუ რა შეიძლება გაკეთდეს ამ მიმართულებით."როგორ შეიძლება გარკვეული პრაქტიკები შეიცვალოს იმისათვის, რომ მოვახერხოთ ფასების დაწევა. მთლიანობაში ჯამური საშუალო ფასნამატი ჩვენი დაანგარიშებით შეადგენს 86%-ს. ვფიქრობთ, ფასნამატი 86% საკმაოდ მაღალია. ხუთი წლის განმავლობაში მარკეტების რაოდენობა ქვეყანაში არის გაორმაგებული. საქართველოში 100 000 კაცზე 113 მარკეტია, მაშინ, როდესაც გერმანიაში 45-ია იგივე მაჩვენებელი, ავსტრიაში - 62. არის კიდევ უფრო დაბალი მაჩვენებლები. ეს ბუნებრივია, საბოლოო ჯამში, აისახება ფასზე და ტვირთად აწვება მოსახლეობასაც", - განაცხადა ირაკლი კობახიძემ.პრემიერ-მინისტრმა აღნიშნა: მსგავსი ფორმატის შეხვედრები გაიმართება როგორც დისტრიბუტორებთან, ისე ადგილობრივ მწარმოებლებთან. ასევე, კომისია იმუშავებს მედიკამენტებისა და საწვავის ფასებთან დაკავშირებითაც.შეხვედრას მსხვილი საცალო სასურსათო ქსელური მარკეტების 15-მდე წარმომადგენელი დაესწრო.რას ამბობენ ქსელური მარკეტების წარმომადგენლები?„რითეილ ასოციაციის“ აღმასრულებელმა დირექტორმა სოფიო ქაშაკაშვილმა  ირაკლი კობახიძესთან შეხვედრის შემდეგ ჟურნალისტებთან განაცხადა: "ძალიან საქმიანი შეხვედრა ჩატარდა, ვისაუბრეთ სხვადასხვა თემებზე, გავშალეთ ციფრები, მიზეზშედეგობრივი კავშირები. აბსოლუტურად ყველა მზად არის, რომ ინდივიდუალურ თუ ჯგუფურ რეჟიმში გაიაროს ნებისმიერი ციფრი, რაღაც პერიოდის განმავლობაში კიდევ ვიმუშავებთ და შემდგომ გაირკვევა რატომ არის ციფრი მაღალი ან დაბალი".ქაშაკაშვილის თქმით, შეხვედრის დროს გაჟღერდა, რომ ქვეყანაში ადგილობრივი წარმოება უნდა წახალისდეს.„რაიმეს მტკიცების რეჟიმში საუბარი არ ყოფილა. ეს იყო კონსტრუქციული დიალოგი, დაისვა კითხვები როგორც ჩვენი, ისე მათი მხრიდან. გრძელი პროცესია, ერთი შეხვედრის ფარგლებში ვერ გადაწყდება ვერაფერი. თავად ჩვენს სექტორს არაერთხელ უსაუბრია იმ გამოწვევებზე, რომელიც სხვადასხვანაირად აისახება სურსათის ფასზე.გაჟღერდა, რომ უნდა წახალისდეს ადგილობრივი წარმოება და სახელმწიფო თავისი მხრიდან მზად არის, რომ ამაში მონაწილეობა მიიღოს. გრძელვადიანი პროგნოზი და გეგმები შემუშავდება დროთა განმავლობაში.ჩვენი ასოციაციის მონაცემები არის საჯარო, ატვირთულია პორტალზე და ნებისმიერ ადამიანს შეუძლია გაეცნოს. ბუნებრივია თუ არა ფასნამატი ამას შემდგომი პროცესები დაგვანახვებს', - განაცხადა სოფიო ქაშაკაშვილმა.„რითეილ ასოციაციის“ აღმასრულებელმა დირექტორმა, ისიც აღნიშნა, რომ კობახიძის ინიციატივა მისასალმებელია იმ კუთხით, რომ როგორც მომხმარებლები ყველანი ვგრძნობთ ფასების საკითხს და თუ ფანჯარა გამოჩნდება, რომელიც ამ მიმართულებას დაარეგულირებს, "რითეილ ასოციაცია" ამას მიესალმება."არსებობს სხვადასხვა მექანიზმები, საგადასახადო პოლიტიკის ლოიალობა, საბანკო შეღავათები, მოგეხსენებათ, რომ მაღალი გადასახადებია საბანკოსი, ვგულისხმობ ბარათით ტერმინალით გადახდისას. ჩვენ, როდესაც ევროპას ვედრებით, ისინი იქ 10-15 წლით წინ არიან ჩვენზე, წარმოებაც ადგილობრივი აქვთ.ბუნებრივი პროცესია, კონკურენცია მაღალია, სექტორი კარგად ვითარდება, კარგი რეგიონული ექსპანსია აქვს, შესაბამისად ყველაფერს დრო სჭირდება.შემდეგ შეხვედრებზე გამოვლინდება ციფრები როგორი იყო - რეალისტური თუ არა“, - თქვა სოფიო ქაშაკაშვილმა. „სმარტისა“ და „ვისოლის“ დირექტორმა ვასილ ხორავამ კი აღნიშნა: "რა თქმა უნდა, მივესალმებით ფასების დაწევას - ჩვენ ვთანამშრომლობთ, ვაწვდით ყველა ინფორმაციას, რაც დასჭირდებათ". მისივე თქმით, დღეს შეხვედრა საცალო ქსელთან გაიმართა და საწვავის ფასის რეგულირებასთან დაკავშირებით საუბარი არ ყოფილა.კონტექსტიირაკლი კობახიძემ 2025 წლის 24 დეკემბერს სოციალურ ქსელში ვიდეომიმართვა გაავრცელა, სადაც ის სამომხმარებლო ფასებთან დაკავშირებით საუბრობს და აცხადებს, რომ საქართველოში ფასები იმაზე მაღალია, ვიდრე ევროპის ქვეყნებში.კობახიძე ამბობს, რომ ფასებს შორის სხვაობას განაპირობებს სადისტრიბუციო კომპანიებისა და მარკეტების მაღალი ფასნამატი, „რომელიც საქართველოს საზღვრიდან დახლამდე საშუალოდ 86%-ს შეადგენს“.კობახიძის თქმით, „პროდუქტზე ფასნამატი და მიმწოდებლისთვის დაკისრებული ფინანსური ტვირთი იმდენად დიდია, რომ ქართველი მწარმოებლებისთვის ხშირად უფრო მოგებიანია, საკუთარი პროდუქცია არა ქართულ მარკეტებში გაყიდონ, არამედ საზღვარგარეთ ექსპორტზე გაიტანონ“.24 დეკემბერს კობახიძემ ამბობდა: „ჩნდება ეჭვი, რომ ბაზრის მოთამაშეები კარტელური პრინციპით მოქმედებდნენ“ და სამართალდამცავ უწყებებს საკითხის სიღრმისეული შესწავლისკენ მოუწოდა.

1769005114