ნავთობის ფასები იზრდება: Azeri Light – $132.35 ბარელზე

30 აპრილიდან 3 მაისის ჩათვლით, თბილისი რიგით 29-ე ჯაზფესტივალს მასპინძლობს. ფესტივალი კ. მარჯანიშვილის სახელობის თეატრსა და თათუზა ჯაზკლუბში ჩატარდება  და ტრადიციულად, მსოფლიო დონის ჯაზშემსრულებლებს გააერთიანებს. 30 აპრილი: ჯაზის მე-15 საერთაშორისო დღე - ლუკა თოფურია და მეგობრები | თათუზა ჯაზკლუბი*იუნესკოს მიერ დაწესებულ ჯაზის საერთაშორისო დღეს წელს მსოფლიოს 190 ქვეყანა აღნიშნავს, მასპინძელი ქალაქი ჩიკაგო იქნება 1 მაისი - მარკ რიბოს კვარტეტი (Marc Ribot Quartet “Hurry Red Telephone”) | მარჯანიშვილის თეატრი 2 მაისი - კინგა გლიკი (Kinga Glyk) | მარჯანიშვილის თეატრი 3 მაისი - ფრედ ჰერშის ტრიო (Fred Hersch Trio) | მარჯანიშვილის თეატრი 1-2 მაისი - კენედი ადმინისტრეიშენის ჯემსეიშენი (Kennedy Administration) | თათუზა ჯაზკლუბი. ფესტივალის ორგანიზატორია „ისთერნფრომოუშენსი“ ტრადიციული წარმდგენი კი თიბისი კონცეპტია. თიბისი კონცეპტის წინასწარი გაყიდვის ფარგლებში, მხოლოდ თიბისი კონცეპტის Mastercard სადებეტო ბარათის მფლობელებს, 3 მაისის ჩათვლით, შესაძლებლობა აქვთ, ბილეთები 25%-იანი ფასდაკლებით შეიძინონ ბმულზე.წინასწარი გაყიდვის შემდეგ, თიბისი კონცეპტის Mastercard სადებეტო ბარათებზე გავრცელდება 20%-იანი ფასდაკლება. *შეთავაზება არ ვრცელდება თიბისი კონცეპტის საკრედიტო ბარათებზე.2011 წლიდან თიბისი კონცეპტი სისტემურად უჭერს მხარს საქართველოში ჯაზფესტივალების სერიას, რაც მნიშვნელოვნად უწყობს ხელს თანამედროვე მუსიკის განვითარებასა და საერთაშორისო კულტურული პროცესების გაძლიერებას. სწორედ, თიბისი კონცეპტის მხარდაჭერით რეგიონში ყველაზე მასშტაბური მუსიკალური მოვლენები შეიქმნა და განვითარდა. მათ შორისაა შავი ზღვის და თბილისის ჯაზფესტივალები, კახეთის ჯაზისა და ღვინის ფესტივალი „Jazz & Wine Kakheti“, ასევე ზამთრის ჯაზფესტივალი, რომელმაც, 2024 წელს, გუდაურში აიღო სტარტი და წელს პირველად ბაკურიანის სცენაზე გადაინაცვლა. (R)

1775036257

„როსნეფტის“ გენერალურმა დირექტორმა იგორ სეჩინმა, პრეზიდენტ ვლადიმერ პუტინის დიდი ხნის მოკავშირემ, ასევე აღნიშნა, რომ გასულ წელს რუსეთის ნავთობის ინდუსტრია ნეგატიური გეოპოლიტიკური ფაქტორებისა და მკაცრი შიდა მაკროეკონომიკური პირობების „იდეალურ შტორმში“ აღმოჩნდა.სეჩინის თქმით, წელს ნავთობზე არსებული მაღალი ფასები, რომელიც ახლო აღმოსავლეთში არსებულმა კონფლიქტმა კიდევ უფრო გაზარდა, დიდწილად კომპენსირდება ფრახტის (გადაზიდვის) ტარიფების, დაზღვევისა და სხვა ხარჯების ზრდით.LSEG-ის მონაცემებით, რომლებიც 1988 წლის ივნისიდან იწარმოება, Brent-ის მარკის ნავთობის ფიუჩერსებმა მარტის უახლოესი მიწოდების ვადით რეკორდულ ყოველთვიურ 64%-იან ზრდას მიაღწია.ამერიკული ეტალონური სორტი, West Texas Intermediate, ერთ თვეში დაახლოებით 52%-ით გაძვირდა, რაც ყველაზე დიდი ნახტომია 2020 წლის მაისის შემდეგ.„როსნეფტის“ გენერალურმა დირექტორმა განაცხადა, რომ მარტში ბალტიისპირეთის პორტებიდან ინდოეთში რუსული ნავთობის გადაზიდვის ტარიფებმა ბარელზე 20 დოლარს გადააჭარბა, რაც 10-ჯერ აღემატება 2022 წლის დასაწყისში რუსეთიდან ევროპაში ნავთობის მიწოდების ხარჯებს.2025 წლის 23 ოქტომბერს ამერიკის შეერთებულმა შტატებმა სანქციები დააწესა რუსეთის უმსხვილესი ნავთობკომპანიების - „როსნეფტისა“ და „ლუკოილის“, ასევე მათი შვილობილი კომპანიების წინააღმდეგ.

1775033803

აკრძალული ნივთების სრული ჩამონათვალიგარემოს დაცვისა და სოფლის მეურნეობის სამინისტროს განმარტებით, აკრძალვა ეხება შემდეგ პროდუქციას: ჩანგლები, დანები, კოვზები და ჩხირები თეფშები, საწრუპები და სასმლის მოსარევები პოლისტიროლისგან (EPS) დამზადებული სასურსათო კონტეინერები, ჭიქები და მათი თავსახურები. აღსანიშნავია, რომ ამ ნივთების იმპორტი და წარმოება ქვეყანაში 2026 წლის იანვრიდან უკვე აკრძალული იყო, დღეიდან კი შეზღუდვა სარეალიზაციო ქსელზეც გავრცელდა.კიდევ ერთი სიახლე სახელმწიფო უწყებებს ეხება: მათ ეკრძალებათ პლასტმასის ჭიქების, კონტეინერებისა და 3 ლიტრამდე მოცულობის ბოთლებში ჩამოსხმული სასმელების სახელმწიფო შესყიდვა. გამონაკლისი დაიშვება მხოლოდ თავდაცვის ძალების საჭიროებებისთვის.სანქციები და კონტროლირეგულაციის დარღვევა გამოიწვევს ბიზნესის დაჯარიმებას: პირველ ჯერზე - 1 000 ლარი და პროდუქციის კონფისკაცია განმეორებით - 2 000 ლარი და პროდუქციის კონფისკაცია კონტროლს სურსათის ეროვნული სააგენტო, გარემოსდაცვითი ზედამხედველობის დეპარტამენტი და შემოსავლების სამსახური განახორციელებენ. შეზღუდვა არ ვრცელდება იმ პროდუქციაზე, რომელიც საქართველოში ექსპორტის მიზნით იწარმოება.

1775030373

ოთხშაბათს გამართულ მუნიციპალიტეტის მთავრობის სხდომაზე კალაძემ აღნიშნა, რომ პრეტენდენტებს შორის სამი თურქული და ერთი ჩინური კომპანიაა. პროექტი, რომელიც აზიის განვითარების ბანკის (ADB) შესყიდვის წესების შესაბამისად ხორციელდება, სახელმწიფო ბიუჯეტიდან ფინანსდება.„ოთხივე პრეტენდენტი წარმოადგენს საკმაოდ მსხვილ და გამოცდილ კომპანიას, რომელთაც არაერთი ანალოგიური პროექტი აქვთ განხორციელებული. დაწყებულია დოკუმენტაციის დეტალური ანალიზი, რის შემდეგაც გამოვლინდება გამარჯვებული და გაფორმდება ხელშეკრულება“, — განაცხადა კალაძემ.პროექტის ძირითადი პარამეტრები შემდეგია: მარშრუტი: დიდი დიღმის მე-3 და მე-4 მიკრორაიონებიდან მეტროსადგურ „დიდუბემდე“. სიგრძე: დაახლოებით 7.5 კილომეტრი. ინფრასტრუქტურა: 11 გაჩერება და დეპო, რომელიც 11 ერთეულ ტრამვაის მოემსახურება. ვადები: პროექტი სამეტაპიანია (კონცეფცია, დეტალური პროექტირება, მშენებლობა) და მისი დასრულების ჯამური ვადა 36 თვეს შეადგენს. ახალი სატენდერო პროცესი მას შემდეგ დაიწყო, რაც 2025 წლის ოქტომბერში გამოცხადებული პირველი ტენდერი ტექნიკური პარამეტრების კორექტირების აუცილებლობის გამო შეწყდა.ტრამვაის ხაზის მშენებლობა თბილისის სატრანსპორტო განვითარების გეგმის ნაწილია, რომელიც დანიურმა საკონსულტაციო კომპანია Ramboll-მა მოამზადა. პროექტის მიზანი დიდი დიღმის მჭიდროდ დასახლებული რაიონის ქალაქის სატრანსპორტო ქსელში ინტეგრირება და მგზავრობის დროის შემცირებაა.საქართველოში ტრამვაის სისტემა წინა ხელისუფლების პერიოდში სრულად იქნა დემონტირებული, რაც წინამდებარე პროექტს დამოუკიდებელი საქართველოს ისტორიაში პირველ მსგავს წამოწყებად აქცევს.

1775027460

ამასთან, საიას თავმჯდომარე, თამარ ონიანი სოციალურ ქსელში წერს, რომ 1-ელ აპრილს საია საზოგადოებას მიაწოდებს მეტ დეტალს საქმის არსის და ევროპული სასამართლოს მიერ დასმული შეკითხვების შესახებ.საიას თავმჯდომარის შეფასებით, კანონი მედია და უფლებადამცველი ორგანიზაციების „შევიწროების იარაღად არის გამიზნული“.„ზუსტად ერთი წლის წინ, 2025 წლის 1 აპრილს, მიიღეს კიდევ ერთი კანონი (FARA), რომელიც სამოქალაქო და მედია ორგანიზაციების, უფლებადამცველების შევიწროების იარაღად არის გამიზნული ქართულ რეალობაში.მათ შორის, სწორედ ამ ცვლილებებმა დააინიცირა სისხლისსამართლებრივი დევნის შესაძლებლობა ამ კონტექსტში პირველად.1 წლის თავზე სტრასბურგის სასამართლო ამ საქმის განხილვას იწყებს.2026 წლის პირველ აპრილს, საზოგადოებას მივაწოდებთ მეტ დეტალს ამ საქმის არსის, და ევროპული სასამართლოს მიერ დასმული შეკითხვების შესახებ“, - წერს ონიანი.

1775023380

ღონისძიება მიზნად ისახავს ქართული ბრენდების მხარდაჭერას, მათი პროდუქციის პოპულარიზაციასა და მომხმარებლებთან უშუალო კავშირის გაძლიერებას.ფესტივალში მონაწილეობას მიიღებს 12 ქართული ბრენდი:

1774965175

STEM სკოლის მეშვიდე ნაკადზე მიღება დასრულდა და გამოვლინდა საუკეთესო შედეგის მქონე საქართველოს ბანკის 47 სტიპენდიატი.წელს პროექტში მონაწილეობის სურვილი 1600-ზე მეტმა ახალგაზრდამ გამოთქვა. შესარჩევი ტესტის შედეგად, მიღებული ქულების მიხედვით კი გამოვლინდა 250 მოსწავლე, რომლებიც სწავლას STEM სკოლაში გააგრძელებენ.განათლების კიდევ უფრო მეტი შესაძლებლობის შესაქმნელად საქართველოს ბანკი ყოველწლიურად საკუთარ სტიპენდიატებს ავლენს. მეშვიდე ნაკადზე საქართველოს ბანკის სტიპენდიატებიდან 32 სრული, 15 კი - 50%-იანი დაფინანსებით ისწავლის STEM სკოლაში.STEM სკოლის შესახებ მეტი ინფორმაციისთვის, ეწვიეთ ბმულს.ინფორმაციისთვის, საქართველოს ბანკისა და კომაროვის STEM სკოლა 2000-ზე მეტ მოსწავლეს აერთიანებს, რომელთაგან 300-ზე მეტი საქართველოს ბანკის სტიპენდიატია.პროექტის ფარგლებში VII-XI კლასის მოსწავლეებს შესაძლებლობა აქვთ, გაიარონ STEM სკოლის ერთწლიანი პროგრამა და მიიღონ როგორც თეორიული, ასევე, პრაქტიკული ცოდნა მეცნიერების, მათემატიკის, ინჟინერიის, ტექნოლოგიების მიმართულებით და დაეუფლონ ყველაზე მოთხოვნად – მომავლის პროფესიების საფუძვლებს.პროექტის ფარგლებში, სასწავლო პროცესი დისტანციურად მიმდინარეობს, რაც შესაძლებლობას აძლევს მოსწავლეებს, გაკვეთილებს ნებისმიერი ლოკაციიდან დაესწრონ.ამასთან, განათლებაზე ხელმისაწვდომობის კიდევ უფრო გასაზრდელად, საქართველოს ბანკი ყოველწლიურად 90 მოსწავლეს უფინანსებს სწავლას - მათგან უმაღლესი ქულის მქონე 60 ახალგაზრდა სწავლის 100%-იან დაფინანსებას, 30 მათგანი კი 50%-იან გრანტს იღებს.საქართველოს ბანკის მიერ განხორციელებული საგანმანათლებლო პროექტების შესახებ დეტალური ინფორმაციის მისაღებად ეწვიეთ ვებგვერდს ganatleba.bog.ge

1774961739

მიმდინარე ანგარიშის ფორმირებაში საქონლით ვაჭრობისა და შემოსავლების ანგარიშებს უარყოფითი წვლილი შეაქვს, ხოლო მომსახურებით ვაჭრობასა და მიმდინარე ტრანსფერებს - დადებითი.4Q25-ში მიმდინარე ანგარიშის ყველაზე დიდი კომპონენტი, კვლავ საქონლით ვაჭრობა იყო, რომლის უარყოფითი სალდო წლიურად 6.3%-ით გაიზარდა და $1.9 მლრდ (₾5 მლრდ) შეადგინა.  საქონლის ექსპორტი წლიურად 20.9%-ით, ხოლო იმპორტი 14.7%-ით გაიზარდა.4Q25-ში მიმდინარე ანგარიშის ბალანსის გაუმჯობესება მეტწილად მომსახურების ექსპორტიდან მიღებული შემოსავლების ზრდამ განაპირობა. კერძოდ, მომსახურების პროფიციტი წინა წლის ანალოგიურ პერიოდთან შედარებით, 14.1%-ით, $256.6 მლნ-ით გაიზარდა და $1,038.5 მლნ შეადგინა. აქედან, მოგზაურთა მომსახურების ექსპორტი 4Q25-ში $1.1 მლრდ-ს (2.8 მლრდ ლარი) გაუტოლდა, რაც გასული წლის მაჩვენებელზე 9.2%-ით მეტია.სების ინფორმაციით, მაღალ დონეზე ნარჩუნდება ტრანსპორტირების ექსპორტიდან მიღებული შემოსავლები, რომელმაც 4Q25-ში $418.4 მლნ, მშპ-ს 3.9% შეადგინა. ასევე მნიშვნელოვანია, რომ იზრდება კომპიუტერული და საინფორმაციო მომსახურების ექსპორტიდან მიღებული შემოსავლებიც, რომელმაც 4Q25-ში $357 მლნ, მშპ-ს 3.4% შეადგინა.4Q25-ში წმინდა შემოსავლის ანგარიში -$634.5 მლნ (-₾1.7 მლრდ) იყო. დადებითი წმინდა შრომის ანაზღაურება 18.4 პროცენტით, ხოლო უარყოფითი წმინდა საინვესტიციო შემოსავალი 9.1%-ით გაიზარდა.მიმდინარე ანგარიშის ტრადიციულად დადებითი კომპონენტია მიმდინარე ტრანსფერები, რომლის კრედიტი წლიურად 14.7%-ით გაიზარდა და 4Q25-ში $1 მლრდ-ს (₾2.7 მლრდ) გაუტოლდა. ამ პერიოდში კერძო სექტორის წმინდა ტრანსფერები 15%-ით გაიზარდა $945.4 მლნ-მდე (₾2.6 მლრდ).მიმდინარე ანგარიშის დეფიციტის დაფინანსების ძირითად წყაროს პირდაპირი უცხოური ინვესტიციები წარმოადგენს. წმინდა უცხოურმა პირდაპირმა ინვესტიციებმა, მეოთხე კვარტალში $374.4 მლნ (₾1 მლრდ) შეადგინა, რაც კვარტალური მშპ-ს 3.5%-ია.

1774957672