შემოსავლების სამსახურის უფროსმა აზერბაიჯანის ელჩთან საზღვრის კვეთის პროცედურების გამარტივება განიხილა

თიბისის 33-წლიანი გზა დიდწილად განსაზღვრა კომპანიის გამორჩეულმა კორპორაციულმა კულტურამ და კულტურის ხუთმა ელემენტმა, რომლებიც კომპანიის დნმ-ის განუყოფელი ნაწილია: გუნდურობა, მომხმარებელზე ორიენტირებულობა, მიზანსწრაფულობა, გამბედაობა და მოუსვენრობა.თიბისის განვითარების ისტორიის თითოეული ეტაპი სწორედ ამ ღირებულებებს ეხმიანება.გუნდურობა თიბისის წარმატების საფუძველი თავიდანვე გახდა. 1992 წელს, მაშინ, როდესაც ქვეყანაში 200-ზე მეტი ბანკი არსებობდა, თიბისის გუნდმა შეძლო და მოკლე დროში ქვეყნის წამყვანი ბანკების ათეულში დაიმკვიდრა ადგილი. ეს არ იყო ერთი ან ორი ადამიანის შედეგი — წარმატების უკან ძლიერი გუნდი იდგა.მომხმარებელზე ორიენტირებულობა განსაკუთრებით მკაფიოდ გამოჩნდა 2000–2010 წლებში. ამ პერიოდში თიბისიმ გააფართოვა საქმიანობის არეალი და საბანკო პროდუქტებთან ერთად დაიწყო მომხმარებელთა საჭიროებებსა და ინტერესებზე მორგებული პროდუქტების და სერვისების, ახალი შესაძლებლობების შექმნა. კულტურის ეს ელემენტი სრულ თანხვედრაშია კომპანიის მისიასთან - გავუმარტივოთ ადამიანებს ცხოვრება.მიზანსწრაფულობამ განსაზღვრა 2011–2020 წლების განვითარება. ამ წლებში თიბისიმ შემოიერთა რესპუბლიკა და კონსტანტა ბანკები, შექმნა ციფრული ეკოსისტემა — თინეთი, თიბისი დაზღვევა და თიბისი ლიზინგი, 2014 წელს კი ლონდონის საფონდო ბირჟაზე გავიდა, რაც კომპანიისთვის საერთაშორისო აღიარების მნიშვნელოვანი ეტაპი გახდა.გამბედაობა მიზანსწრაფულობის ბუნებრივი გაგრძელებაა. სწორედ ამ გამბედაობის შედეგად, 2020 წელს თიბისი უზბეკეთის ბაზარზე გავიდა და წარმოუდგენელი სისწრაფით ვითარდება. ის, რაც ერთ დროს შეუძლებელ მისიად მიიჩნეოდა, ახლა რეალობაა და თიბისი დღეს საერთაშორისო კომპანიაა მილიონობით მომხმარებლით და მუდმივად მზარდი მასშტაბით.თიბისის კულტურის კიდევ ერთი მნიშვნელოვანი ელემენტია მოუსვენრობა — მიღწეულით არასდროს დაკმაყოფილება და ინოვაციურობისაკენ მუდმივი სწრაფვა. თიბისის ტექნოლოგიურობა და ციფრული განვითარება სწორედ მოუსვენრობის შედეგია. ამავე სულისკვეთების გაგრძელებაა თიბისის ახალი სათაო ოფისი - თანამედროვე, ტექნოლოგიური, მდგრადობის სტანდარტებით შექმნილი, ადამიანებზე ორიენტირებული, რეგიონში გამორჩეული არქიტექტურული და სამუშაო სივრცე - სადაც სულ მალე თიბისის ბრენდის ისტორიის ახალი თავი დაიწერება.თიბისიში გვჯერა, რომ ბრენდისა და მომხმარებლის ურთიერთობა ორმხრივი გზაა. ჩვენ არა მხოლოდ ვიღებთ, არამედ ვაბრუნებთ - მადლიერების ნიშნად, ვქმნით შესაძლებლობებს ჩვენი  მილიონობით ერთგული მომხმარებლისთვის და ჩვენი წვლილი შეგვაქვს საზოგადოების განვითარებაში. თიბისის სოციალური პასუხისმგებლობის პროექტები განათლების, ბიზნესის მხარდაჭერის, მდგრადი განვითარების, კულტურის სფეროს მხარდაჭერისა და სპორტის ხელშეწყობის მიმართულებით - საუკეთესოდ ეხმიანება თიბისის ძირითად გზავნილს - მთავარია გჯეროდეს.დღეს თიბისის წარმატების ისტორიას ქმნის 25 მილიონი მომხმარებელი და 14 000 თიბისელი საქართველოსა და უზბეკეთში, ვისაც სჯერა საკუთარი შესაძლებლობებისა და საერთო მიზნების. თავდაჯერების, მიზანსწრაფულობის, მოუსვენრობისა და გამბედაობის 33 წელი — ეს არის თიბისის გზა დღემდე და საფუძველი მომავალი გამარჯვებებისთვის. (R)

1765972187

ამის შესახებ მინისტრის მოადგილემ სააგენტოს „აწარმოე საქართველოში" კაპიტალის ბაზრის მხარდაჭერის პროგრამის ფარგლებში, საბროკერო კომპანია „ფორსაით ბროკერსის" მხარდაჭერით მიკროსაფინანსო ორგანიზაცია „რიკო ექსპრესის" მიერ 200 მლნ ლარის ობლიგაციების ემისიის ღონისძიებაზე განაცხადა. როგორც ნადარეიშვილმა აღნიშნა, კაპიტალის ბაზრის რეფორმა მოიცავს როგორც საკანონმდებლო ჩარჩოს მომზადებას, ასევე ბიზნესის ხელშეწყობის ინსტრუმენტებს, რომელიც სახელმწიფოს მხრიდან კაპიტალის ბაზრის განვითარების მიმართულებით სააგენტოს „აწარმოე საქართველოში" მეშვეობით დაინერგა. ირაკლი ნადარეიშვილის ინფორმაციით, პარლამენტი საგაზაფხულო სესიაზე განიხილავს საკანონმდებლო პაკეტს ფაქტორინგის, უძრავი ქონების ტრასტების და სხვა პრიორიტეტული მიმართულებების შესახებ. „2025 წლის  ბოლოსთვის, ჯამურად, სახელმწიფოს მხრიდან 900 მლნ ლარის ფასიანი ქაღალდების ემისია იქნება მხარდაჭერილი", - აღნიშნა ირაკლი ნადარეიშვილმა.მინისტრის მოადგილემ ასევე აქცენტი გააკეთა ბიზნესის ხელშეწყობის კიდევ ერთ ინსტრუმენტზე, რომელიც მცირე და საშუალო მეწარმეობის განვითარებას შეეხება. ირაკლი ნადარეიშვილის თქმით, 2026 წლის იანვარში მთავრობა გამოაცხადებს კონკურსს მცირე და საშუალო ბიზნესის ზრდის ფონდის აქტივების მართვაზე. "ეს იქნება კონკურსი, სადაც ჩვენ შევარჩევთ აქტივების მმართველს. ფონდის ფორმირებაში სახელმწიფო, როგორც ერთ-ერთი ინვესტორი, მიიღებს მონაწილეობას. ასევე შემუშავებული გვაქვს პროგრამა, რომელიც ხელს შეუწყობს საინვესტიციო ფონდების განვითარებას. ჩვენ გვაქვს ძალიან სწრაფად მზარდი ეკონომიკა და კერძო სექტორი, რომელსაც კაპიტალის მოზიდვაში მეტი მოქნილობა სჭირდება. მიმდინარე წლის ბოლოსთვის სავალო ფასიანი ქაღალდების აქტიური პორტფელი გადააჭარბებს 5.5 მლრდ ლარს, საიდანაც ნახევარზე მეტი კორპორაციული ობლიგაციებს უჭირავს, რაც ამ ბაზრის აქტიურ განვითარებაზე მეტყველებს," - აღნიშნა მინისტრის მოადგილემ.ირაკლი ნადარეიშვილმა ასევე დადებითად შეაფასა ის გარემოება, რომ ემისიის გამოშვებას ორგანიზება სწორედ არასაბანკო საბროკერო კომპანიამ გაუწია. მისი თქმით, მნიშვნელოვანია, რომ კაპიტალის ბაზარზე დივერსიფიცირება ამ კუთხითაც  ხდება, რაც ხელს შეუწყობს ზრდასა და დინამიკურობას.

1765967567

დეკემბრის თვის შეთავაზების ფარგლებში, 16-დან 31 დეკემბრის ჩათვლით, სესხის სხვა ბანკიდან  პორტირების შემთხვევაში, მომხმარებლებს ერთგულ ყულაბაში მაქსიმუმ 500 ქულა დაერიცხებათ (სესხის პორტირებიდან მაქსიმუმ 1 კვირის ვადაში), რომლის გადატანაც ლარის საბანკო ანგარიშზე დარიცხვისთანავე შეუძლიათ.  აღნიშნული შეთავაზება მომხმარებლებს სესხის წინსწრებად დაფარვის საკომისიოს ნაწილობრივ დაფარვას გაუმარტივებს და შეღავათიან სესხის პირობებთან ერთად, დამატებით სარგებელს მიიღებენ.კონკრეტულად რამდენი ერთგული ქულა დაერიცხება მომხმარებელს ყულაბაში?სესხის თანხა 100,000 ლარამდე - 150 ქულასესხის თანხა  100,000-დან 200,000 ლარამდე - 200 ქულასესხის თანხა 200,000 ლარიდან - 500 ქულაუზრუნველყოფილი სამომხმარებლო სესხის დეტალურ პირობებს გაეცანით ბმულზე.სესხის აღება შესაძლებელია თიბისის ნებისმიერ ფიზიკურ ფილიალში ან  ქოლცენტრში დარეკვით (0322 27 27 27) და განაცხადის დისტანციურად შევსებით.ისარგებლე უზრუნველყოფილი სესხით ეფექტური 15,9%-დან - არ მოგერიდოს, მოითხოვე ზარი მარტივად პირდაპირ მობაილბანკიდან და მიიღე შენს საჭიროებებზე მაქსიმალურად მორგებული პირობები.(R)

1765966865

თითოეული ღონისძიების ფარგლებში, სუპერმარკეტებსა და გაყიდვების ობიექტების საპრომოციო ღვინოებისთვის განკუთვნილ სივრცეში, სადეგუსტაციოდ წარმოდგენილი იყო სამი სხვადასხვა კომპანიის ხუთი სახეობის ქართული ღვინო. CORUS SYSTEMS INC-ის ორგანიზებით, მაისის, ივნისის, სექტემბრის, ოქტომბრისა და ნოემბრის თვეებში, ქართული ღვინის 100-ზე მეტი წარდგენა გაიმართა, დეგუსტაციები გრძელდება დეკემბრის თვეშიც.მსგავსი ფორმატის ღონისძიებები ორიენტირებულია მომხმარებელზე და  მიზანი ქართული ღვინის საექსპორტო ბაზრების დივერსიფიკაცია და გაყიდვების ზრდის ხელშეწყობაა.დეგუსტაციების პარალელურად, ბოლო 3 თვეში, აშშ-ში ქართული ღვინის წარდგენა არაერთ ღონისძიებაზე გაიმართა: ქართული ღვინის მასშტაბურ დეგუსტაციაზე Wines of Georgia Grand Tasting (ლოს-ანჯელესი), ღვინის საერთაშორისო ფესტივალზე Karakterre (ნიუ-იორკი), ღვინის საერთაშორისო გამოფენაზე „Orange Glou Fair“ (ნიუ-იორკი), ქართული ქარვისფერი ღვინის პირველი ფესტივალზე Amber Georgia (ნიუ-იორკი), ბუნებრივი ღვინოების საერთაშორისო გამოფენაზე RAW Wine NYC (ნიუ-იორკი), San Diego Food + Wine Festival (სან-დიეგო), ქართული ღვინის შესახებ ვრცელი სიუჟეტი მოამზადა აშშ-ში ერთ-ერთმა ყველაზე პოპულარულმა ღვინის შოუმ - V is for Vino.ამერიკის შეერთებული შტატები ქართული ღვინის ერთ-ერთ სტრატეგიულ საექსპორტო ბაზარს წარმოადგენს. ღვინის ეროვნული სააგენტოს მხარდაჭერით, 2013 წლიდან მიმდინარე მიზანმიმართულმა მარკეტინგულმა აქტივობებმა მნიშვნელოვნად შეუწყო ხელი როგორც ქართული ღვინის ცნობადობის, ისე ექსპორტის ზრდას აშშ-ში. 

1765962038

რეგულატორში აცხადებენ, რომ როგორც მოსალოდნელი იყო, სების ცენტრალური სცენარის შესაბამისად, ინფლაციის ტემპმა ნორმალიზაცია დაიწყო და ნოემბრის მდგომარეობით 4.8 პროცენტი შეადგინა. ამავდროულად, გრძელვადიანი ინფლაციური მოლოდინები სტაბილურად მიზნობრივი მაჩვენებლის ფარგლებში ნარჩუნდება, რაც შედარებით ხისტი ფასების ინდიკატორებში ვლინდება. კერძოდ, საბაზო ინფლაციამ, რომელიც სამომხმარებლო კალათიდან მაღალი მერყეობით გამორჩეულ სურსათის, ენერგომატარებლებისა და სიგარეტის ფასებს გამორიცხავს, 2.3 პროცენტი შეადგინა. ასევე, მიზნობრივ დონესთან ახლოს, 2.6 პროცენტის ფარგლებშია მომსახურების ინფლაცია. მიმდინარე, მიზნობრივ 3 პროცენტზე, მაღალ ინფლაციას კვლავ სურსათის ფასები განაპირობებს, რაც ნაწილობრივ წინა წლის დაბალი საბაზო ეფექტისა და ეგზოგენური ფაქტორების ასახვაა. ცენტრალური სცენარის თანახმად, სხვა თანაბარ პირობებში, სურსათის ფასების ზრდას ინფლაციაზე მხოლოდ დროებითი გავლენა ექნება და მისი ეფექტები ეტაპობრივად ამოიწურება. ამავდროულად, მთლიანი მოთხოვნაც, მოლოდინების შესაბამისად, ეტაპობრივად უბრუნდება გრძელვადიან ტრენდს, რაც ფასებზე მოთხოვნის მხრიდან წნეხს არბილებს. ზემოაღნიშნულიდან გამომდინარე, ცენტრალური სცენარის მიხედვით, 2025 წელს ინფლაცია საშუალოდ 4 პროცენტი იქნება, ხოლო 2026 წლის მეორე კვარტალიდან მიზნობრივ მაჩვენებელს დაუახლოვდება და წლიურად საშუალოდ 3.5 პროცენტს გაუტოლდება.მაღალი გაურკვევლობის გათვალისწინებით, ინფლაციაზე ზრდის მიმართულებით მოქმედი რისკები უფრო გამოკვეთილია, თუმცა ასევე, კვლავ ნარჩუნდება შემცირების მიმართულებით მოქმედი რისკებიც. აქედან გამომდინარე, მონეტარული პოლიტიკის კომიტეტმა (მპკ) ცენტრალურ სცენართან ერთად განიხილა როგორც მაღალინფლაციური, ისე დაბალინფლაციური რისკების სცენარები და გადაწყვეტილების მიღებისას მხედველობაში მიიღო სხვადასხვა მიმართულებით მოქმედი რისკები.მაღალინფლაციური რისკის სცენარი, რომელიც მპკ-მ განიხილა, ერთი მხრივ, მოქნილი ფასების ინფლაციის (მეტწილად, სურსათის) ხანგრძლივად მაღალ დონეზე შენარჩუნებას მოიაზრებს. თავის მხრივ, მთლიანი ინფლაციის მიზნობრივიდან ხანგრძლივად გადახრამ შესაძლოა ინფლაციურ მოლოდინებზე ზრდის მიმართულებით იმოქმედოს. ასევე ამ სცენარით, გლობალურად მიმდინარე მოვლენების ფონზე, საერთაშორისო ბაზრებზე ნედლეული პროდუქტების ფასების ცვლილებაც საყურადღებო ფაქტორად რჩება. განსაკუთრებით გეოპოლიტიკური ვითარების გამწვავების პირობებში, ნავთობის ფასების მოსალოდნელი დინამიკა ცენტრალურთან შედარებით უფრო მაღალი იქნება, რაც ადგილობრივ ბაზარსაც გადმოეცემა. ეკონომიკური ფრაგმენტაციის მოსალოდნელზე მეტად გააქტიურებაც კვლავ ინფლაციურ რისკად რჩება, რადგანაც მან შესაძლოა მიწოდების ჯაჭვებზე უარყოფითი გავლენა მოახდინოს და გლობალურად გაზარდოს ინფლაცია. ამ რისკების რეალიზება მონეტარული პოლიტიკის განაკვეთის გამკაცრებას მოითხოვს.მეორე მხრივ, მონეტარული პოლიტიკის კომიტეტმა განიხილა დაბალინფლაციური რისკების სცენარი, რომლის რეალიზების შემთხვევაში ფუნდამენტური პროცესები მონეტარული პოლიტიკის განაკვეთის უფრო დაბალ ტრაექტორიას მოითხოვს, ვიდრე ცენტრალური სცენარი. კერძოდ, მიმდინარე ეტაპზე ადგილობრივი შრომის ბაზრის ტენდენციები ფასებზე შემცირების მიმართულებით მოქმედებს, რაც დაბალინფლაციური სცენარის განვითარების შესაძლებლობებს აძლიერებს. ამავდროულად, დოლარის სუსტი პოზიციის ხანგრძლივად შენარჩუნება, საერთაშორისო ბაზრებზე სურსათის კლებადი ტენდენციასთან ერთად, იმპორტირებული პროდუქტების დაბალი ინფლაციის გზით, მთლიან ინფლაციაზე შემცირების მიმართულებით იმოქმედებს.მაკროეკონომიკური ანალიზისა და ზემოხსენებული სცენარების განხილვის შედეგად, მპკ-მ ოპტიმალურად მიიჩნია ზომიერად გამკაცრებული მონეტარული პოლიტიკის შენარჩუნება და მონეტარული პოლიტიკის განაკვეთი, უცვლელად, 8 პროცენტზე დატოვა. მონეტარული პოლიტიკის განაკვეთის შემდგომი ცვლილება დამოკიდებული იქნება მომავლის განახლებულ მონაცემებსა და რისკების რეალიზებაზე. ცენტრალური სცენარის შესაბამისად, მხოლოდ მას შემდგომ, რაც მიმდინარე ერთჯერადი ფაქტორები ამოიწურება და ინფლაცია დაუახლოვდება მიზნობრივ დონეს, ეროვნული ბანკი გააგრძელებს მონეტარული პოლიტიკის ნორმალიზებას. თუმცა, თუ სხვადასხვა ერთჯერადი ფაქტორების ზეგავლენის შედეგად ინფლაცია მიზნობრივზე მაღალ დონეზე ხანგრძლივად შენარჩუნდა, მპკ მზად არის არსებული მკაცრი პოზიციის მოსალოდნელზე ხანგრძლივად შეინარჩუნოს და, საჭიროების შემთხვევაში, უფრო მეტად გაამკაცროს.საქართველოს ეროვნული ბანკი ყველა ინსტრუმენტს გამოიყენებს ფასების სტაბილურობის შესანარჩუნებლად, რაც იმას ნიშნავს, რომ ფასების საერთო დონის ზრდა საშუალოვადიან პერიოდში 3 პროცენტთან ახლოს იქნება.მონეტარული პოლიტიკის კომიტეტის შემდეგი სხდომა 2026 წლის 11 თებერვალს ჩატარდება.

1765959395

კომუნალ ბუტიკ სასტუმროების კონცეფციაც ასეთია: თბილისის ისტორიულ უბნებში, თელავსა და ქუთაისში მდებარე ოთხივე  მათგანს ინდივიდუალური სტილი, იმ ქალაქისთვის დამახასიათებელი ესთეტიკა და სამზარეულო აქვს.როდესაც სტუმარმასპინძლობის სფეროში მრავალწლიანი გამოცდილება დაუგროვდა და 2017 წელს,  საკუთარი საქმის წამოწყება გადაწყვიტა, კაწა სამსონაძემ ზუსტად იცოდა, რომ ერთ სასტუმროზე არ გაჩერდებოდა.„ჩემი და მეუღლის ჩანაფიქრი თავიდანვე იყო, რომ საქართველოს საუკეთესო კუთხეებში life style, ბუტიკ სასტუმროები მოგვეწყო. იმ პერიოდში, მსგავსი ნიშა არ არსებობდა და ჩვენი წამოწყებაც მოთხოვნადი აღმოჩნდა. როდესაც პირველი სასტუმროს კარი სტუმრებისთვის გაიღო, ბაზარმა გვაჩვენა, რომ ეს სწორი გადაწყვეტილება იყო“, - გვიყვება კაწა, რომელიც კომუნალის თითოეული სივრცის კონცეფციის დამუშავებაში დიდ ენერგიას დებს. ამიტომაა, რომ ყველა მათგანი ერთი მხრივ ინდივიდუალური ხელწერით გამოირჩევა, მეორე მხრივ კი, ბრენდის საერთო ხედვის ნაწილია.კონცეპტუალური რესტორნებისა და ბუტიკ სასტუმროების ქსელი - Communal Hotels თიბისი ბიზნესდაჯილდოების ფინალისტი და მესამე ადგილის მფლობელი გახდა ნომინაციაში - „საუკეთესო პროდუქტი“. „ერთია, როგორ გაფასებენ სტუმრები  და მეორეა - პროფესიონალი ჟიურის თვალით დანახული შენი ბიზნესი. ნამდვილად საინტერესო გამოწვევა და გამოცდილება იყო. კარგი შანსი აღმოჩნდა სხვა კუთხით დაგვენახა ის პროდუქტი, რომელსაც ვქმნით“, - ამბობს კაწა.ფრაზა და ემოცია,რომელსაც სტუმრები ყველაზე ხშირად იმეორებენ კი ისაა, რომ მათ თავი სახლში იგრძნეს. ადამიანი კი მხოლოდ სახლში გრძნობს თავს კომფორტულად და უსაფრთხოდ. დაბრუნებაც ხომ ასეთ ადგილას გინდება? ფაქტიც ასეა: უცხოელი თუ ქართველი სტუმრებიც კვლავ უბრუნდებიან კომუნალის სასტუმროს.„პატარა სივრციდან გამომდინარე, ადამიანები ერთად დიდ დროს ატარებენ. საუბრობენ, აზრებს ცვლიან. ეს კამერულობა ურთიერთობებს ქმნის. თუ ვინმესთან კომუნიკაცია არ გსიამოვნებს, კომუნალი ნამდვილად ვერ გახდება შენთვის საყვარელი ადგილი“.კომუნალის ისტორია აჩვენებს, რომ მკაფიო ხედვა და ადამიანებზე ორიენტირებული მიდგომა ბუტიკ სასტუმროს კონცეფციას რეალურ ღირებულებად აქცევს. ეს არის ბრენდი, რომელიც ზრდას სიჩქარით კი არა, ხარისხით ზომავს. თავადაც ამბობენ, რომ ყოველი მომდევნო პროექტი წინასთან შედარებით უკეთესია.(R)

1765958452

„2025 წელი რეკორდული იყო როგორც თბილისის, ასევე ბათუმის საერთაშორისო აეროპორტებისთვის. დეკემბრის დასაწყისში,  ისტორიაში პირველად, თბილისის საერთაშორისო აეროპორტის წლიური მგზავრთნაკადი 5 მილიონ მგზავრს გასცდა, ბათუმში კი ოქტომბერში მილიონ მგზავრს გადავაჭარბეთ.  თბილისის საერთაშორისო აეროპორტში რეკორდული მაჩვენებელი  დაფიქსირდა 12 აგვისტოს, როცა 24 საათში  მოვემსახურეთ 21,959 მგზავრს  და 97 რეისს. ბათუმის საერთაშორისო აეროპორტისთვის რეკორდული იყო  24 აგვისტო, როცა  მივიღეთ და გავაცილეთ  35 რეისი და მოვემსახურეთ 8,446 მგზავრს. აქვე უნდა აღვნიშნო ზრდის პროცენტული მაჩვენებლებიც -  თბილისის აეროპორტში შარშანდელთან შედარებით მგზავრთნაკადი 13%-ით გაიზარდა, პანდემიამდელ  პერიოდთან შედარებით კი  45%-ით. ბათუმის საერთაშორისო  აეროპორტში წლიური ზრდა ამ დროისთვის 30%-ია, პანდემიამდელ პერიოდთან (2019) შედარებით კი 96% - რაც დამეთანხმებით უპრეცედენტოდ მაღალი შედეგია. თბილისისა და ბათუმის აეროპორტებში 2025 წლის მგზავრთნაკადი უკვე აჭარბებს 6,3 მილიონს და ვვარაუდობთ, რომ წლის ბოლომდე ეს რიცხვი  6,6 მილიონამდე გაიზრდება“, - აცხადებს ტავ ჯორჯიას გენერალური მენეჯერი თეა ზაქარაძე.2025 წლის მონაცემებით, თბილისისა და ბათუმის აეროპორტებში 61 ავიაკომპანია 67 მიმართულებით ასრულებს ავიარეისებს. ბოლო 1 წლის განმავლობაში აღნიშნულ აეროპორტებში ოპერირება დაიწყო დამატებით  8 ავიაკომპანიამ. მათ შორის:  Air Serbia, British Airways, Easy Jet, Edelweiss, Transavia France, Vision Air, Fly Khiva, Air Samarkand. 

1765958367

საუბარია ეროვნული ბანკის შესახებ ორგანულ კანონსა და საგადახდო სისტემისა და საგადახდო მომსახურების შესახებ საქართველოს კანონში განხორციელებულ ცვლილებებზე, რომელიც პარლამენტმა გასულ კვირაში მესამე მოსმენით მიიღო და ოთხ ძირითად  მიმართულებას მოიცავს.ცვლილების მიხედვით, საგადახდო ბაზარზე კონკურენციის ხელშეწყობისა და ეფექტიანობის გაზრდის მიზნით, ეროვნული ბანკი საგადახდო მომსახურების პროვაიდერებს ანგარიშსწორების ანგარიშებს გაუხსნის. ანგარიშის ქონა პროვაიდერებს საშუალებას მისცემს, ანგარიშსწორება განახორციელონ კომერციული ბანკების შუამავლობის გარეშე, რაც ამცირებს კომერციულ ბანკებზე დამოკიდებულებას, ხარჯებსა და ოპერაციულ შეზღუდვებს. შედეგად, რეგისტრირებული საგადახდო მომსახურების პროვაიდერების მომხმარებლების გადახდის ოპერაციები შესრულდება უფრო სწრაფად და მოქნილად.აღნიშნული ცვლილებებით, ღია ბანკინგში ჩართულ არასაბანკო ინსტიტუტებს ეძლევათ მეტი შესაძლებლობა, კონკურენცია გაუწიონ კომერციულ ბანკებს, დანერგონ ინოვაციური გადახდის სერვისები და მომხმარებელს შესთავაზონ უფრო სწრაფი, მარტივი და ხელმისაწვდომი მომსახურება.გარდა ამისა, მომხმარებელთა უფლებების დაცვის მიზნით, სების დავების განმხილველი კომისიის სადავო საგნის ღირებულება 50 000-დან 100 000 ლარამდე იზრდება.ამავე ცვლილებების მიხედვით, ვირტუალური აქტივის მომსახურების პროვაიდერები სების სრულ ზედამხედველობას დაექვემდებარებიან.საერთაშორისო სავალუტო ფონდის მისია ალეხანდრო ჰაჟდენბერგის ხელმძღვანელობით 10-16 დეკემბერს იმყოფებოდა საქართველოში. მისიის წევრებმა შეაფასეს ქვეყნის ბოლოდროინდელი ეკონომიკური და ფინანსური მოვლენები, ასევე რეფორმების პრიორიტეტების მიღწევის პროგრესი.

1765958086