სარეზერვო ოქროს ფასი მილიარდს მიუახლოვდა

პროექტის ჯამური ღირებულება ₾20 მლნ-ია, საქართველოს ბანკის მიერ განხორციელებული ინვესტიცია კი ₾12 მლნ-ს შეადგენს.აღნიშნული პროექტის ფარგლებში დედოფლისწყაროში 240 ჰა. ფართობ ტერიტორიაზე ნუშის ბაღები გაშენდა. ინვესტიცია ნერგების შესყიდვას, სარწყავი სისტემისა და ბაღის გაშენებისთვის ინფრასტრუქტურის განვითარებას მოხმარდა. კომპანია მოსავლის ევროპაში, ემირატებში, ინდოეთსა და სხვა საერთაშორისო ბაზრებზე ექსპორტს გეგმავს.„Farmways-ის მიზანია ხელი შევუწყოთ, განვავითაროთ და გარდავქმნათ აგროსექტორი საქართველოში.  თანამედროვე ტექნოლოგიების დანერგვით, საერთაშორისო ინვესტიციების მოზიდვით და დამატებითი ღირებულების მქონე კულტურების მოყვანით, ჩვენ ვქმნით ახალ სამუშაო ადგილებს, ვზრდით ექსპორტს და ვაძლიერებთ საქართველოს პოზიციას გლობალურად, საერთაშორისო ბაზრებზე. საქართველოს ბანკთან პარტნიორობა გვეხმარება დასახულ მიზანს უფრო სწრაფად მივაღწიოთ - განვავითაროთ აგროსექტორი, დავნერგოთ თანამედროვე მიდგომები და ქვეყნის ეკონომიკურ განვითარებაში მნიშვნელოვანი წვლილი შევიტანოთ“, - განაცხადა გიორგი სანიკიძემ, Farmway-ის გენერალურმა დირექტორმა.„საქართველოს ბანკი აგრო ბიზნესების გაძლიერებას და წახალისებას აგრძელებს. კომპანია Farmway-სთან პარტნიორობის ფარგლებში, კახეთში ნუშის ბაღები გაშენდა. 2025 წელს, დაახლოებით 120 ჰა. ფართობზე დაირგო ნუშის ნერგები, მეორე ნაწილის დარგვა კი 2026 წელს იგეგმება. კომპანია საბოლოოდ, სრულ მსხმოიარობაში 1440 ტონა ნუშის მოსავლის აღებას და მის საერთაშორისო ბაზრებზე რეალიზაციას აპირებს. მიგვაჩნია, რომ მსგავსი პროექტების განხორციელება ახალ სამუშაო ადგილებს ქმნის და აძლიერებს რეგიონებს. გვინდა, წარმატებები ვუსურვოთ გუნდს, ჩვენ კი არ ვჩერდებით და ვაგრძელებთ აგრო სექტორის გაძლიერებას“, - განაცხადა საქართველოს ბანკის კორპორაციული გაყიდვების სექტორის უფროსმა, ნინო აფციაურმა. (R)

1765204893

რა შესაძლებლობებს ქმნის საქართველოს ბანკის სტუდენტებისთვის?საქართველოს ბანკის 350-ზე მეტი სტიპენდიატი 21 ადგილობრივ უნივერსიტეტშისაქართველოს ბანკი მესამე წელია სტიპენდიების პროგრამას ახორციელებს, რომლის ფარგლებშიც შესაძლებლობას აძლევს სტუდენტებს, 21 ადგილობრივ უნივერსიტეტში მიიღონ სწავლის სრული ან ნაწილობრივი დაფინანსება. გამარჯვებულებს უნივერსიტეტები თავად ირჩევენ, რაც მათ მიერ შემუშავებულ კრიტერიუმებზეა დამოკიდებული.ამასთან, საქართველოს ბანკის ინიციატივით, ასევე შეიქმნა გიორგი ჩახავას სახელობის სტიპენდია მომავალი არქიტექტორებისთვის, რომელიც ოთხი ადგილობრივი უნივერსიტეტის არქიტექტურის სტუდენტებისთვის ქმნის სწავლის სრული ან ნაწილობრივი დაფინანსების მიღების შესაძლებლობას.ინიციატივის ფარგლებში უკვე გამოვლინდა საქართველოს ბანკის 350-ზე მეტი სტიპენდიატი.საქართველოს ბანკის 56 სტიპენდიატი დიდ ბრიტანეთში, აშშ-სა და გერმანიაშიიმ ახალგაზრდებს, რომლებსაც სამაგისტრო საფეხურზე სწავლის გაგრძელება დიდ ბრიტანეთში, აშშ-სა და გერმანიაში სურთ, საქართველოს ბანკი შესაძლებლობას აძლევს, მოიპოვონ ბანკის სტიპენდია და მიიღონ სწავლისა და ცხოვრების სრული დაფინანსება.სწავლა დიდ ბრიტანეთში – 10 წელზე მეტია, საქართველოს ბანკი CHEVENING-ის სასტიპენდიო პროგრამის პარტნიორია. პროექტის ფარგლებში, ფინანსური ინსტიტუტი ყოველწლიურად საკუთარ რჩეულებს ასახელებს და მათ ბრიტანეთის წამყვან უნივერსიტეტებში სამაგისტრო საფეხურზე სწავლას და მასთან დაკავშირებულ ყველა საჭირო ხარჯს სრულად უფინანსებს.პროგრამის ფარგლებში უკვე გამოვლინდა 34 სტიპენდიატი.სწავლა ამერიკაში – 2014 წლიდან საქართველოს ბანკი Fulbright-ის პროგრამის მხარდამჭერია, რაც ნიშნავს იმას, რომ ფინანსური ინსტიტუტი ყოველწლიურად საკუთარ გამარჯვებულებს ავლენს და მათ აშშ-ში როგორც სწავლის, ასევე ცხოვრების ხარჯებს სრულად უფინანსებს.Fulbright-ის ფარგლებში უკვე გამოვლინდა საქართველოს ბანკის 16 სტიპენდიატი.სწავლა გერმანიაში – კრეატიული ინდუსტრიით დაინტერესებული ახალგაზრდებისთვის, საქართველოს ბანკი, Miami Ad School-თან თანამშრომლობით, ნიკა გუჯეჯიანის სახელობის სასტიპენდიო პროგრამას ახორციელებს, რომლის ფარგლებში ყოველწლიურად ერთ გამარჯვებულს ავლენს.ინიციატივის ფარგლებში უკვე გამოვლინდა 6 სტიპენდიატი.საქართველოს ბანკის და MAC Georgia-ს 68 სტიპენდიატი UniGrant-ის პროგრამაში2025 წლიდან საქართველოს ბანკი, MAC Georgia-სთან ერთად UniGrant-ის პროექტს ახორციელებს, რომლის ფარგლებშიც სტუდენტებს აძლევს შესაძლებლობას, მიიღონ სწავლისა და საცხოვრებელი ხარჯების სრული ან ნაწილობრივი დაფინანსება, ინდივიდუალური საჭიროებისამებრ.წელს უკვე გამოვლინდა საქართველოს ბანკის 68 სტიპენდიატი.ამასთან, საქართველოს ბანკი ფინანსური განათლების ამაღლების მიზნით არაერთ პროექტს ახორციელებს, მათ შორის, მართავს ტრენინგებს მშობლებისთვის, სტუდენტებისთვის და მასწავლებლებისთვის. ასევე, უნივერსიტეტებთან თანამშრომლობის ფარგლებში, შესაძლებლობას აძლევს მათ, დანერგონ ფინანსური განათლების კურსი, რომელიც მორგებული იქნება როგორც უნივერსიტეტის, ასევე სტუდენტების საჭიროებებზე, ინტერესებსა და სპეციფიკაზე.საქართველოს ბანკის მიერ განხორციელებული პროექტების შესახებ დეტალური ინფორმაციის მისაღებად ეწვიეთ ვებგვერდს ganatleba.bog.ge(R)

1765204501

მთავარი სირთულე მაინც ბიზნესის წამოსაწყებად პირველი ნაბიჯის გადადგმაა. ამ დროს, ახალბედა მეწარმეებს უამრავი კითხვა უჩნდებათ, ამ კითხვებზე სწორი პასუხები მათ შეცდომებისგან აზღვევს.მოდი, ვნახოთ, რა კითხვებს სვამენ ყველაზე ხშირად დამწყები ბიზნესები. 1. რა თანხაა საჭირო საქმის დასაწყებად?ჯადოსნური ფორმულა არ არსებობს, თუმცა, ინვესტიციის რაოდენობის განსაზღვრისას, უნდა გაითვალისწინო შემდეგი ხარჯები: ტექნიკა, ინვენტარი, რემონტი, მარკეტინგული და პირველი რამდენიმე თვის საოპერაციო ხარჯები. ბიზნესი პირველ 3–6 თვეს იშვიათად მუშაობს სრული დატვირთვით, ამიტომ ეს ფაქტორი აუცილებლად გასათვალისწინებელია.2. როდის ამოვიღებ ჩადებულ ფულს? ეს კითხვა ყოველთვის ლეგიტიმურია. თუ არ იცი, როდის ამოიღებ ფულს, შეიძლება საერთოდ ვერ ამოიღო. დავუშვათ, 20 000-ლარიანი დანაზოგით პოპულარული ყავის „დრაივი“ გახსენი. ცოტა ხანში კი ასეთი  შედეგი გაქვს - შემოსავალი 7 000 ლარი, ხარჯები (ქირა, პროდუქტი, კომუნალურები, თანამშრომელი) - 5 000 ლარი. გამოდის, რომ შენი წმინდა მოგება 2 000 ლარია. ინვესტიციის ამოსაღებად კი ეს მარტივი ფორმულა გამოგადგება: ინვესტიცია თვიურ წმინდა მოგებაზე უნდა გაყო. შენს შემთხვევაში - 20 000/2000 =10 თვე. გამოდის, რომ ჩადებულ თანხას 10 თვეში ამოიღებ, რეალური მოგება კი, ამის შემდეგ დაიწყება.3. როგორ განვსაზღვრო პროდუქტის ან მომსახურების ფასი?ჯერ, ზუსტად უნდა დაითვალო, რა გიჯდება შენი პროდუქტის ან მომსახურების შექმნა. ამაში შედის მასალა, დრო, შრომა, მიწოდება, კომუნალურები, მარკეტინგული ხარჯები. ეს თანხა იქნება ის მინიმუმი, რომლის ქვემოთაც უბრალოდ ვერ ჩამოხვალ. შემდეგ კი აუცილებლად ნახე, რა ღირს მსგავსი პროდუქტი ბაზარზე. კონკურენტების ფასი მოგცემს წარმოდგენას, თუ რა თანხის გადასახდელად არის მზად მომხმარებელი. ბოლოს კი, დაფიქრდი: რა ღირებულებას აძლევს შენი პროდუქტი მომხმარებელს. თუ უკეთეს შედეგს ან უფრო სწრაფ მომსახურებას აძლევ, შეგიძლია უფრო მაღალი ფასი დააწესო.თუ კარგი იდეაც გაქვს, ბიზნესგეგმაც დაწერე და ბანკის მხარდაჭერის ეტაპამდე მიხვედი, აუცილებლად დაგაინტერესებს:4. რას აქცევს ინვესტორი/ბანკი ყველაზე დიდ ყურადღებას?ინვესტორი და ბანკი ყველაზე დიდ ყურადღებას აქცევს იმას, რამდენად სიცოცხლისუნარიანი, რეალისტურად დაგეგმილი და მართვადი არის შენი ბიზნესი. ფინანსური პროგნოზები უნდა იყოს ზუსტი და არგუმენტირებული, ხოლო ბიზნესმოდელი კი გასაგები და შემოსავლიანი. ამას შემდგომ ემატება გუნდის კომპეტენციაც. მარტივად: მათ სურთ დაინახონ, რომ შენი იდეა ნამდვილად იმუშავებს, შეძლებ ვალდებულებების შესრულებას და პროექტი გრძელვადიანად მომგებიანი იქნება.5.Word-ის დოკუმენტი ჯობია თუ პრეზენტაცია (Pitch Deck)?დამწყები ბიზნესისთვის Pitch Deck თითქმის ყოველთვის უფრო ეფექტიანია, რადგან დროის მცირე მონაკვეთში გსურს ინვესტორის დარწმუნება. Word-ის დოკუმენტი საჭიროა მხოლოდ როგორც დამატებითი მასალა, სადაც სრულად ახსნი ტექნიკურ დეტალებს.როგორც ხედავ, მარტო არ ხარ და მსგავსი და კიდევ უამრავი კითხვა ბევრ დამწყები ბიზნესის წარმომადგენელს უტრიალებს თავში. თუ ყურადღებით იქნები, ქალაქში მალე სხვა კითხვებზე პასუხებსაც ნახავ.და, გახსოვდეს - თუ იცი, ვის დაუსვა კითხვები, სწორ პასუხებსაც აუცილებლად მიიღებ.(R)

1765192994

მათ შორის: საცხოვრებელი სეგმენტის ინდექსი წინა თვესთან შედარებით შემცირდა 0.02%-ით, ხოლო წინა წლის შესაბამის თვესთან შედარებით გაიზარდა 6.1%-ით არასაცხოვრებელი სეგმენტის ინდექსი წინა თვესთან შედარებით გაიზარდა 1.3%-ით, ხოლო წინა წლის შესაბამის თვესთან შედარებით 7.5%-ით სამოქალაქო სეგმენტის ინდექსი წინა თვესთან შედარებით გაიზარდა 0.3%-ით, ხოლო გასული წლის შესაბამის თვესთან შედარებით 1.4%-ით საქსტატის მონაცემებით, 2025 წლის ოქტომბერში მშენებლობის ღირებულების ინდექსი წინა თვესთან შედარებით 0.3%-ით გაიზარდა. აღნიშნული ცვლილება, ძირითადად, განპირობებული იყო მშენებლობის დარგში დაქირავებით დასაქმებულთა საშუალო თვიური ნომინალური ხელფასის 1.7%-იანი ზრდით, რამაც 0.45 პ.პ. შეიტანა ჯამური ინდექსის ცვლილებაში.წინა წლის შესაბამის თვესთან შედარებით მშენებლობის ღირებულების ინდექსი გაიზარდა 4.3%-ით. ინდექსის ზრდა, უმეტესწილად, გამოწვეული იყო მშენებლობის დარგში დაქირავებით დასაქმებულთა საშუალო თვიური ნომინალური ხელფასის 16.2%-იანი მატებით და სხვა ხარჯების კატეგორიის 5.2%-იანი ზრდით, რამაც შესაბამისად, 4.03 და 0.32 პ.პ. შეიტანა ჯამური ინდექსის ცვლილებაში.ამასთან, 2022 წლის თებერვალთან შედარებით მშენებლობის ღირებულების ინდექსი გაიზარდა 25.2%-ით.

1765192566

წყალმომარაგების სისტემა მოიცავს როგორც ქალაქის არსებულ ქსელებს, ისე მაგისტრალურ მილსადენებს,  რომლებიც სასმელი წყლის მომხმარებლამდე ტრანსპორტირებას ჟინვალის წყალსაცავიდან და ხრამის სათავე ნაგებობიდან უზრუნველყოფენ. მათი სტრატეგიული მნიშვნელობიდან გამომდინარე, კომპანიამ 2025 წელს კიდევ უფრო გააძლიერა პრევენციული მონიტორინგის ღონისძიებები - გარე რისკების შეფასებისა და მაგისტრალების ცალკეული მონაკვეთების მდგომარეობის განსაზღვრის მიზნით. დასრულდა 400 კმ სიგრძის მაგისტრალური მილსადენების მდგომარეობისა და რისკების შეფასების კვლევა, ასევე დამონტაჟდა 30 ჰიდროფონი, რომლებიც უზრუნველყოფენ შესაძლო დაზიანების ან რისკის შესახებ წინასწარი შეტყობინების მიღებას.2025 წლის განმავლობაში ჯორჯიან უოთერ ენდ ფაუერმა უკვე დაასრულა 135 სარეაბილიტაციო თუ ინფრასტრუქტურული პროექტი, 105 პროექტი კი შესრულების ეტაპზეა.დასრულებული პროექტებიდან აღსანიშნავია: ჭავჭავაძის გამზირის წყალმომარაგების სისტემის სრული რეაბილიტაციის მეორე ეტაპი რუსთავი, ხრამის მაგისტრალის სრული რეაბილიტაციის მეორე ეტაპი აწყურის ქუჩის წყალმომარაგების სისტემის სრული რეაბილიტაცია ალექსიძის ქუჩის წყალმომარაგების სისტემის სრული რეაბილიტაცია ევდოშვილის ქუჩის წყალმომარაგების სისტემის სრული რეაბილიტაცია რუსთავი, ჭყონდიდელის დასახლების წყალარინების ქსელის რეაბილიტაცია მცხეთა, აღმაშენებლის ქუჩის მაგისტრალური მილსადენის რეაბილიტაცია სამგორის სათავე ნაგებობის სატუმბი სადგურის რეაბილიტაცია ზემო პლატოს სატუმბე სადგურისა და სამგორის გამწმენდი ნაგებობის ტუმბო-აგრეგატების რეაბილიტაცია ღრმაღელის გამწმენდი ნაგებობის სალექრების რეაბილიტაცია სამგორის პირველი აწევის სატუმბე სადგურის ელექტრომომარაგების სისტემის რეაბილიტაცია რუსთავის მეორე აწევის სატუმბო სადგურის რეაბილიტაცია მიმდინარე პროექტებია: სამგორის სათავე ნაგებობის პირველი, მეორე და მესამე რიგის ფილტრების რეაბილიტაცია ბახტრიონის სატუმბე სადგურის რებილიტაცია საიათნოვასა და ისპაჰანლის ქუჩების წყალარინების ქსელების რეაბილიტაცია ინოვაციების ქუჩის წყალარინების ქსელის რეაბილიტაცია დიღმის საცდელი მეურნეობის წყალარინების ქსელების განაშენიანების პროექტი რუსთავი, ფალიაშვილის ქუჩის წყალარინების ქსელის რეაბილიტაცია 2025 წლის ერთ-ერთ განსაკუთრებულ პროექტს წარმოადგენს წყალმომარაგების სისტემაში წნევის რეგულირების პროგრამა. მისი ფარგლებში ქსელზე დამონტაჟდა 15 წნევის რეგულატორი და 33 ჩამკეტ-მარეგულირებელი ურდული. განხორციელდა 171 კმ სიგრძის წყალმომარაგების ქსელში წნევის ოპტიმიზაცია, რაც საერთო ჯამში 65,758 აბონენტის მომსახურების გაუმჯობესებას უზრუნველყოფს. წნევის რეგულირების შედეგად მნიშვნელოვნად შემცირდა ქსელის დაზიანებებისა და წყლის დანაკარგების რაოდენობა, გაუმჯობესდა საოპერაციო და ქსელის სტაბილური ფუნქციონირების მაჩვენებლები. პროექტი უკვე განხორციელდა ისანი–სამგორის არეალში, ხოლო ნაძალადევში სამუშაოები წლის ბოლომდე დასრულდება. შემდეგ ეტაპებზე დაგეგმილია სამუშაოების შესრულება გლდანი–ნაძალადევისა და ვაკე–საბურთალოს რაიონებში.ჯორჯიან უოთერ ენდ ფაუერის მიერ, მიმდინარე წლის ბოლომდე დაგეგმილი პროექტები, მიზნად ისახავს თბილისის, რუსთავისა და მცხეთის მოსახლეობისთვის წყალმომარაგების სერვისის მნიშვნელოვნად გაუმჯობესებას, წყალმომარაგების ქსელზე დაზიანებების რაოდენობის, წყალმომარაგების შეზღუდვის არეალებისა და ხანგრძლივობის შემცირებას.(R)

1765189993

Helio AI ქართული სტარტაპია, რომელიც კომპანიებს ადამიანური რესურსის შერჩევის პროცესების ავტომატიზაციაში ეხმარება.Helio AI Recruiting Agent რეკრუტერების ასისტენტია, რომელსაც იუზერის ბრძანებით ვაკანსიების შექმნა და სხვადასხვა არხებში განთავსება შეუძლია. აპლიკანტების ერთ სივრცეში მიღება და ავტომატური გადარჩევა, მათთან კომუნიკაცია, სრული შერჩევის პროცესის რეპორტინგი და ახლა უკვე ონბორდინგი - ერთი სივრციდან არის შესაძლებელი. პლატფორმა 2 წლისაა და მას უკვე 7 ქვეყნიდან 400-ზე მეტი ბრენდი იყენებს.$1-მილიონიანი ინვესტიცია  სტარტაპმა Seed Round-ში საერთაშორისო ფონდებისგან, SABAH.fund-ის ხელმძღვანელობით, DOMiNO Ventures, Axiom, Tetrad VC-ის და ანგელოზი ინვესტორის, Bas Godska-ს მონაწილეობით მიიღო.ინვესტიცია გლობალურ ბაზრებზე კომპანიის აქტიურ ზრდას და მსოფლიოს მასშტაბით რეკრუტინგის პროცესების სრულიად გარდაქმნას მოხმარდება.აღსანიშნავია, რომ 1 წლის წინ ჰელიოს Pre-Seed რაუნდში მონაწილეობდნენ ანგელოზი ინვესტორი, თეიმურაზ ჯაში, საქართველოს ანგელოზი ინვესტორების ქსელი - აქსელი და 500 Global in Eurasia, რომელთა მხარდაჭერაც გადამწყვეტი აღმოჩნდა ჰელიოს მიერ ტექნოლოგიის განვითარებასა და ზრდაში.500 Global in Eurasia 500 Global-ის აქსელერაციის პროგრამაა, რომელიც საქართველოს ბანკთან და საქართველოს ინოვაციების და ტექნოლოგიების სააგენტოსთან (GITA) თანამშრომლობით ხორციელდება.ინიციატივის ფარგლებში, შერჩეული მონაწილეები 12-კვირიან აქსელერაციის პროგრამას გადიან რომელსაც მსოფლიო დონის ექსპერტები უძღვებიან. მონაწილეები იღებენ როგორც თეორიულ ცოდნას, ასევე პრაქტიკულ გამოცდილებას, ამასთანავე, ამყარებენ ახალ კავშირებს, რაც მათ სწრაფ ზრდასა და განვითარებაში ეხმარება.500 Global არის გლობალური ვენჩურული საინვესტიციო კომპანია, რომელიც, $2.4 მლრდ-იან აქტივებს მართავს. იგი ინვესტიციას ახორციელებს სტარტაპებში, რომლებიც ქმნიან სწრაფად მზარდ ტექნოლოგიურ კომპანიებს. 500 Global მჭიდროდ თანამშრომლობს ეკოსისტემის მთავარ მონაწილეებთან და კონსულტაციას უწევს მთავრობებს, შექმნან ისეთი სამეწარმეო ეკოსისტემა, რომელშიც სტარტაპებს ექნებათ სწრაფი განვითარების შესაძლებლობა. დღემდე 500 Global-მა მხარი დაუჭირა 5000-ზე მეტ დამფუძნებელს და 2 900-ზე მეტ კომპანიას, 80+ ქვეყნიდან. მისი პორტფოლიო მოიცავს 35-ზე მეტ კომპანიას, რომელთა ღირებულება $1 მლრდ-ზე მეტია და 160+ კომპანიას, რომელთა ღირებულება $100 მლნ-ს აღემატება (მათ შორის არის კერძო, საჯარო და “exited” კომპანიები). 500 Global-ის გუნდი 25 ქვეყნიდან, 150+ წევრს აერთიანებს, რომლებსაც წამყვან ტექნოლოგიურ კომპანიებში მუშაობის გამოცდილება აქვთ.(R)

1765188272

3 დეკემბერს თიბისი კონცეპტის სივრცეში გაიმართა ღონისძიება, სადაც თიბისის გენერალურმა დირექტორმა ვახტანგ ბუცხრიკიძემ, პარტნიორებთან, განათლების სფეროს ექსპერტებთან და თიბისის სხვადასხვა პროექტის მონაწილეებთან ერთად ისაუბრა თიბისი განათლების ხედვაზე, მთავარ მიღწევებსა და განვითარების შესაძლებლობებზე.თიბისისთვის განათლება ყოველთვის პრიორიტეტული მიმართულება იყო. ბოლო სამი წელია კი განათლება მნიშვნელოვან სტრატეგიულ მიმართულებად აქცია. ბრენდის მიზანია, განათლების მიღების მსურველი ადამიანებისთვის, ყველა ბარიერი გაარღვიოს, რათა მათ მიღებული განათლებით შეძლონ ის, რაც აქამდე შეუძლებლად მიაჩნდათ.„გვჯერა, რომ განათლება ცხოვრების გამარტივების ერთ-ერთი საუკეთესო საშუალებაა. ამიტომ, თიბისიში მიზნად დავისახეთ ადამიანებს მივცეთ განათლების შესაძლებლობები და ინსტრუმენტები, დაიჯერონ საკუთარი შესაძლებლობების და გააგრძელონ სვლა დასახული მიზნისკენ. ვასწავლით იმ სფეროებსა და თემებს, რაშიც თიბისის მრავალწლიანი ისტორიის განმავლობაში დიდი გამოცდილება და ექსპერტიზა დაუგროვდა - იქნება ეს ტექი, AI თუ ბიზნეს დისციპლინები. გვინდა დავეხმაროთ ადამიანებსა და ბიზნესებს საქართველოში შეძლონ იმ ცოდნისა და უნარების დაგროვება, რომელიც მათ კარიერულ და აკადემიურ ჰორიზონტს აფართოებს, ამასთანავე მათ საერთაშორისო ასპარეზზე გასვლასა და წარმატების მიღწევაში დაეხმარება“, - ვახტანგ ბუცხრიკიძე, თიბისის გენერალური დირექტორი.თიბისი ტექსკოლა, თიბისი კამუპუსი, AI საოლიმპიადო კურსი, IT აკადემია, რისკების აკადემია და პარტნიორებთან ერთად შექმნილი ტექნოლოგიური განათლების სხვადასხვა პროგრამები, სკოლის მოსწავლეების, სტუდენტებისა და ახალგაზრდა პროფესიონალებისთვის, უზრუნველყოფს ხარისხიანი განათლების მიღებას. თიბისი განათლების პროგრამები, ახალ თაობას, სრულიად უფასოდ აძლევს წვდომას მთელი საქართველოდან შეისწავლონ თანამედროვე ტექნოლოგიები და ბიზნესმიმართულებები, რაც მომავალში მათ მარტივად დასაქმებასა და საკუთარი ბიზნესის წარმატებით მართვაში დაეხმარებათ.ამასთანავე, თიბისი მიზნად ისახავს ბიზნესებს გაუზიაროს დაგროვილი გამოცდილება და შესთავაზოს საგანმანათლებლო შესაძლებლობები, რომლებიც მათ თანამედროვე ბაზართან ადაპტაციაში დაეხმარება. ESG აკადემია, სხვადასხვა მიმართულების ტრენინგები და ბიზნესის განვითარების მხარდამჭერი არაერთი პლატფორმით, თიბისი ბიზნესებს ზრდაში ეხმარება და წინ სვლის საფუძველს აძლევს.ქვეყნის და საზოგადოების წინსვლის ერთ-ერთი მთავარი გზა ადამიანების ინდივიდუალურ მიღწევებშია, რომლებსაც განათლების ხარისხისა და ხელმისაწვდომობის გაზრდა ქმნის. ამიტომ თიბისი განათლების პროექტებით სკოლის მოსწავლეებს, სტუდენტებს, ახალგაზრდა პროფესიონალებსა და ბიზნესის წარმომადგენლებს აძლევს საშუალებას მოემზადონ თანამედროვე სამუშაო ბაზრისთვის, მიიღონ ცოდნა ყველაზე მოთხოვნადი მიმართულებებით და დაეუფლონ მომავლისთვის საჭირო უნარებს. (R)

1765187913

კომპანიამ 2025 წლის 18 ნოემბრიდან ოფიციალურად დაიწყო მუშაობა რესპუბლიკურ საფონდო ბირჟაზე „ტოშკენტ“ საბროკერო ნომრით 503.უზბეკური მედია წერს, რომ TBC Capital–ის შესვლა საფონდო ბირჟაზე ქვეყნის საფონდო ბაზრის განვითარებისადმი დიდი ინტერესის გამომხატველია.ბაზრის ექსპერტების აზრით, TBC Capital–ს შეუძლია მნიშვნელოვანი წვლილი შეიტანოს უზბეკეთის საფინანსო სექტორის გაძლიერებასა და მოდერნიზებაში.

1765183611