ლონდონის ბირჟაზე სამივე ქართულმა კომპანიამ დამაჯერებელი ზრდა აჩვენა

ბრალი წარედგინა 18 პირს, მათგან დაკავებულია 8.საგამოძიებო მოქმედებების შედეგად, დანაშაულში მხილებული პირებისგან ამოღებულია სარეალიზაციოდ განკუთვნილი, სხვადასხვა დასახელების, ჯამში 18 185 კოლოფი უაქციზო სიგარეტი, რომლის საერთო საბაზრო ღირებულებაა 117 780  ლარი.გამოძიება მიმდინარეობს საქართველოს სისხლის სამართლის კოდექსის მე-200 მუხლით, რაც სასჯელის სახით ითვალისწინებს თავისუფლების აღკვეთას 4-დან 6 წლამდე.

1770029455

პროექტის ჯამური ღირებულება 1.5 მილიონი ლარია და ის სრულად საქართველოს ბანკის მიერ განხორციელებული ინვესტიციაა.შპს პომ 2021 წელს დაარსდა. კომპანიამ 10 ჰექტარზე ჰოლანდიური ნერგებითა და საერთაშორისო სტანდარტების დაცვით ინტენსიური ვაშლის ბაღი გააშენა. 2023 წელს კომპანია შემნახველი მიმართულებით გაფართოვდა. 2025 წელს კი თანამედროვე სამაცივრე მეურნეობის მშენებლობა დაასრულა.ახალი სამაცივრე მეურნეობა 600 ტონა ვაშლის შესანახად არის გათვლილი, რაც კომპანიას შესაძლებლობას აძლევს, პროდუქციის რეალიზება არა მხოლოდ მოსავლის აღების პერიოდში, არამედ ყველა სეზონზე მოახდინოს.“შპს პომ ბაზარზე მაღალი ხარისხის პროდუქციით გამოირჩევა. 10 ჰა-ზე მოყვანილი ვაშლის რაოდენობა და ხარისხი იმ შედეგს იძლევა, რასაც ხშირად გაცილებით დიდ ფართობზე გაშენებული ბაღები ვერ უზრუნველყოფს. სამაცივრე მეურნეობა კი კონკურენტული უპირატესობის მოპოვებაში გვეხმარება. ის დამატებით შესაძლებლობას გვაძლევს პროდუქციის რეალიზება ნებისმიერ სეზონზე მოვახდინოთ.  საქართველოს ბანკთან თანამშრომლობა ჯერ კიდევ საწყის ეტაპზე, ვაშლის ბაღის გაშენებისას დავიწყეთ და მას შემდეგ ჩვენი სანდო ფინანსური პარტნიორია.  სამომავლოდ კიდევ უფრო გაფართოებას ვგეგმავთ. ეს გულისხმობს, როგორც ახალი ბაღების გაშენების, ისე დამატებითი სამაცივრე ინფრასტრუქტურის შექმნის მიმართულებით, რაც შესაძლებლობას მოგვცემს გავზარდოთ წარმოების მოცულობა და კონკურენტუნარიანობა”, - განაცხადა შპს პომ-ის დირექტორმა, ლადო მეშველიანმა.

1770028984

თორნტონმა აღნიშნა, ლიბერალური დემოკრატიის კონცეფცია მდგომარეობს იმის მიღებაში, რომ ერთ დღეს მმართველი პარტია დამარცხდება არჩევნებში და სწორედ ეს არის მიუღებელი ივანიშვილისთვის.„ჰელსინკის კომისიაში ჩემი მთავარი გზავნილი იქნება, რომ თავიდანვე არსებობდა ფატალური ხარვეზი „ქართული ოცნების“ დემოკრატიული მთავრობის იდეაში - „ქართული ოცნების“ ლიდერი და მისი დამფინანსებელი რუსი ოლიგარქი, ბიძინა ივანიშვილია, რომელსაც არანაირი ერთგულება არ აქვს ლიბერალური დემოკრატიის ან დასავლეთის მიმართ. ამგვარად, მიუხედავად იმისა, რომ „ქართული ოცნება“ იყო ფართო კოალიცია, რომლის შემადგენლობაში იყვნენ ნამდვილად პროდემოკრატიული, პროდასავლური პარტიები და ადამიანები, ეს დიდხანს არ გაგრძელდა. ლიბერალური დემოკრატიის კონცეფცია მდგომარეობს იმის მიღებაში, რომ ერთ დღეს მმართველი პარტია დამარცხდება არჩევნებში და სწორედ ეს არის მიუღებელი ივანიშვილისა და მისი მიმდევრებისთვის.ასევე, შევეხები საქართველოში დემოკრატიული უკუსვლის პირველ ნიშნებს, რომელთა შორის ზოგიერთმა თავი ჯერ კიდევ 10 წლის წინ იჩინა, რომელთა შორის არის არალიბერალური პოლიტიკა, ნულოვანი გამჭვირვალობა, უსაფრთხოების სამსახურების მხრიდან თვალთვალი, სასამართლო რეფორმის ჩავარდნა, სამოქალაქო საზოგადოებაზე თავდასხმა, „გავრილოვის ღამე“ და „უცხოური აგენტების კანონის“ გატანა, დეზინფორმაციული კამპანიები, მასობრივი დაშინება, ხარვეზებით ჩატარებული არჩევნები, ევროკავშირის გაწევრიანების პროცესიდან უკან დახევა და უკრაინაში რუსეთის სრულმასშტაბიანი შეჭრის შემდეგ, უკრაინის ნაცვლად რუსეთისთვის მიმხრობა, რუსეთის საომარი ძალისხმევისთვის დახმარების გაწევა, მისთვის სანქციებისთვის თავის არიდების გზის როლის შესრულებით. ვისაუბრებ იმაზე, როგორ ცდილობდა „ქართული ოცნება“ ოპოზიციის აკრძალვას, ასევე, მრავალ პოლიტიკურ პატიმარზე და პროტესტის მონაწილეების წინააღმდეგ ძალადობაზე. პანელზე გაზიარებული იქნება, რომ ახლა „ქართული ოცნების“ უახლოესი მოკავშირეები არიან რუსეთი, ირანი და ჩინეთი და ის, თუ როგორ იღიმიან „ქართლი ოცნების“ ლიდერები „ჰამასთან“ გადაღებულ ფოტოებში. რა თქმა უნდა, ყველა პანელისტი განიხილავს უახლეს კანონმდებლობას, რომელიც არღვევს საქართველოს საერთაშორისო და კონსტიტუციურ ადამიანის უფლებების ვალდებულებებს“, - განაცხადა თორნტონმა.ის, „ქართული ოცნების“ მიერ მიღებულ საკანონმდებლო ცვლილებებსა გამოეხმაურა და აღნიშნა, რომ ხშირად მედიისა და სამოქალაქო საზოგადოების დადუმება არის „უკანასკნელი ლურსმანია ავტოკრატიული რეჟიმის კუბოზე“.„ქართულმა ოცნებამ“ ასევე აღიარა, რომ სამოქალაქო საზოგადოება და დამოუკიდებელი მედია დემოკრატიის უკანასკნელი ბასტიონია და ახლა მათი გაქრობა სჭირდებათ. უკანასკნელი ბასტიონების დადუმება და განსხვავებული აზრისთვის ნებისმიერი სივრცის ჩაკეტვა ხშირად უკანასკნელი ლურსმანია ავტოკრატიული რეჟიმის კუბოზე. ყველა ეს კანონი სწორედ ამას ემსახურება, მათ შორის, ქართველი ხალხისთვის დიდი ხნის წინ მოპოვებული სიტყვისა და შეკრების თავისუფლების წართმევას“, - განაცხადა თორნტონმა.თორნტონის თქმით, მისი ხმა ერთია იმ ხმათა გუნდში, რომელიც საუბრობს, რომ „საქართველო პრორუსული „ქართული ოცნების“ პირობებში ავტორიტარიზმში გადაეშვა“.„როდესაც საკუთარი თავის დაცვა არ შეგიძლია მიზეზზე, ფაქტსა და ლოგიკაზე დაყრდნობით, თავს ესხმი გზავნილის გამავრცელებელსა და მის რეპუტაციას.ჩემი ხედვები არაფრით განსხვავდება მათი მოსაზრებებისგან, ვინც თვალს ადევნებს საქართველოს, ან არის დემოკრატიისა და ადამიანის უფლებების ექსპერტი - მე ვარ მხოლოდ ერთი ხმა ხმათა გუნდში, რომელიც ამბობს, რომ საქართველო პრორუსული „ქართლი ოცნების“ პირობებში ავტორიტარიზმში გადაეშვა. მე თუ არ ვიქნებოდი სპიკერი, ჩემს ადგილს ვიღაც სხვა დაიკავებდა და იტყოდა ზუსტად იმავე რაღაცებს. ასე რომ, როგორც ვხვდები, „ქართულ ოცნებას“ დასჭირდება სრულად დემოკრატიული სამყაროს დისკრედიტება, რის გაკეთებას ცდილობენ კიდეც - აყენებენ რა შეურაცხყოფას ევროკავშირისა და ამერიკელ დიპლომატებს, ცდილობენ ყველას დისკრედიტებას დაწყებული ევროკომისიიდან და ეუთოდან, აშშ-ის კონგრესმენებითა და ევროპელი პარლამენტარებით გაგრძელებული, ეძახიან რა დასავლეთს „გლობალური ომის პარტიას“ და ა.შ. მსოფლიოში ვერც ერთი შეურაცხყოფა ვერ შეცვლის ფაქტებს და ვერ გადაიტანს ყურადღებას სიმართლიდან“, - განაცხადა ლორა თორნტონმა.წყარო: ინტერპრესნიუსი

1770023894

"მოსალოდნელია, რომ ისრაელი და ეგვიპტე მგზავრთა რაოდენობაზე ლიმიტებს დააწესებენ", - წერს Reuters.ისრაელმა სასაზღვრო პუნქტზე კონტროლი 2024 წლის მაისში, ღაზის ომის დაწყებიდან დაახლოებით ცხრა თვის შემდეგ დაამყარა. თავად ომი კი ოქტომბრის დროებითმა ზავმა შეაჩერა, რომელიც აშშ-ის პრეზიდენტის, დონალდ ტრამპის შუამავლობით იქნა მიღწეული. რაფაჰის გახსნა ტრამპის ფართო გეგმის პირველი ფაზის მნიშვნელოვანი პირობა იყო, რომელიც ისრაელსა და "ჰამასის" მებრძოლებს შორის საომარი მოქმედებების შეწყვეტას ითვალისწინებს.ისრაელის უსაფრთხოების სამსახურის წარმომადგენლის თქმით, ევროპული მონიტორინგის ჯგუფები უკვე მივიდნენ გამშვებ პუნქტზე, რომელიც „ამჟამად გახსნილია მოსახლეობის გადაადგილებისთვის, როგორც შესვლის, ისე გასვლის მიზნით“.ისრაელის თავდასხმის პირველი ცხრა თვის განმავლობაში (რომელიც 2023 წლის 7 ოქტომბერს, სამხრეთ ისრაელზე „ჰამასის“ თავდასხმის საპასუხოდ დაიწყო), პალესტინელებს ძირითადად შეეძლოთ ეგვიპტეში რაფაჰის გავლით გაქცევა. პალესტინელი მაღალჩინოსნების თქმით, ომის დაწყების შემდეგ ღაზა დაახლოებით 100 000-მა ადამიანმა დატოვა, მათი უმეტესობა პირველი ცხრა თვის განმავლობაში წავიდა. ზოგიერთის გამგზავრება დახმარების ჯგუფებმა დააფინანსეს, სხვებმა კი ეგვიპტეში სხვადასხვა მხარეებს ქრთამი გადაუხადეს გასვლის ნებართვის მისაღებად.ისრაელმა რაფაჰის პუნქტი მას შემდეგ ჩაკეტა, რაც მისმა ძალებმა ამ მხარეში რეიდი განახორციელეს. ასევე ჩაიკეტა „ფილადელფის დერეფანი“, რომელიც ღაზა-ეგვიპტის საზღვრის გასწვრივ მდებარეობს.ჩაკეტვამ გადაჭრა მნიშვნელოვანი გზა დაჭრილი და დაავადებული პალესტინელებისთვის, რომლებსაც სამედიცინო დახმარების მიღება ღაზის გარეთ სჭირდებოდათ. ბოლო ერთი წლის განმავლობაში მხოლოდ რამდენიმე ათას ადამიანს მიეცა საშუალება ისრაელის გავლით მესამე ქვეყნებში სამკურნალოდ წასულიყო, თუმცა გაეროს მონაცემებით, საზღვარგარეთ მკურნალობას კიდევ ათასობით ადამიანი საჭიროებს.რაფაჰის გახსნის მიუხედავად, ისრაელი კვლავ უარს ამბობს უცხოელი ჟურნალისტების დაშვებაზე, რომლებსაც ომის დაწყებიდანვე აკრძალული აქვთ ღაზაში შესვლა. ომმა ტერიტორიის დიდი ნაწილი ნანგრევებად აქცია. ღაზის დაახლოებით 2 მილიონი პალესტინელი ძირითადად დროებით კარვებსა და დაზიანებულ სახლებში, განადგურებული ქალაქების ნანგრევებში ცხოვრობს.ისრაელის უზენაესი სასამართლო ამჟამად განიხილავს უცხოური პრესის ასოციაციის (FPA) სარჩელს, რომელიც მოითხოვს ჟურნალისტების ღაზაში ისრაელიდან შეშვებას. სამთავრობო იურისტები აცხადებენ, რომ ჟურნალისტების დაშვებამ შესაძლოა საფრთხე შეუქმნას ისრაელელ ჯარისკაცებს და თავად რეპორტიორებს.FPA ამ არგუმენტებს უარყოფს და აცხადებს, რომ საზოგადოება მოკლებულია დამოუკიდებელი ინფორმაციის სასიცოცხლო წყაროს. ისინი ასევე მიუთითებენ იმ ფაქტზე, რომ ომის დაწყებიდან ანკლავში მრავალი ჰუმანიტარული და გაეროს თანამშრომელი იქნა დაშვებული.ტრამპის გეგმა ღაზისთვის, რომელიც ახლა მეორე ფაზაშია, ითვალისწინებს მმართველობის გადაცემას პალესტინელი ტექნოკრატებისთვის, „ჰამასის“ მიერ იარაღის დაყრას და ისრაელის ჯარების გაყვანას ტერიტორიიდან მისი აღდგენის პარალელურად.

1770023403

პარტიის განცხადებით, „თუ „ქართული ოცნება“ საკუთარ ტელეარხზეც ვერ გაბედავს სატელიტი პარტიების გარეშე დებატებზე დაჯდომას, ეს კიდევ ერთი შეცდომა იქნება“.„დებატებზე ჩვენი პოზიცია ცალსახაა - დებატები დემოკრატიის განუყოფელი ნაწილია და ჩვენ ყოველთვის მზად ვართ საჯარო და ღია დისკუსიისთვის. ამიტომ ვართ დღეს პარლამენტში. დებატებზე უარი სამწუხაროდ “ოცნებამ” თავადვე თქვა, განსაკუთრებით წინასაარჩევნოდ, განსხვავებული აზრისთვის დახურა საკუთარი ტელევიზიები და აქცია პროპაგანდისტულ ტელეარხებად.რა თქმა უნდა, ჩვენ მივესალმებით ამ არხებზე დებატების გახსნას. თუმცა შევახსენებთ ხელისუფლებას, რომ დებატების მნიშვნელობას ფორმატი და შინაარსი განაპირობებს. ის, რაც „რუსთავი 2-მა“ 2 თებერვლის დებატების სახით შემოგვთავაზა, სადაც „ოცნებას“ საკუთარი სატელიტი პარტიების დასწრება სჭირდება - დებატების ნაცვლად ფარსი და პროპაგანდის გაგრძელებაა.თუ „ოცნება“ საკუთარ ტელეარხზეც ვერ გაბედავს სატელიტი პარტიების გარეშე დებატებზე დაჯდომას, ეს კიდევ ერთი შეცდომა იქნება.კიდევ ერთხელ ვადასტურებთ - ჩვენ მზად ვართ ერთი ერთზე ან ნებისმიერ სხვა შესაბამის ფორმატში პირდაპირ ეთერში დავუჯდეთ დებატებზე მმართველი პარტიის წარმომადგენლებს საქართველოს მოქალაქეებისთვის ნებისმიერ აქტუალურ საკითხზე სასაუბროდ, ნებისმიერ ტელევიზიაში“, - აღნიშნულია პარტია „გახარია-საქართველოსთვის“ მიერ გავრცელებულ განცხადებაში.1-ელ თებერვალს ირაკლი კობახიძემ კიდევ ერთხელ განაცხადა, რომ მზადაა ნებისმიერ თემასთან, მათ შორის, განათლების საკითხთან დაკავშირებით ყველასთან გამართოს დებატები.პარტია „გახარია საქართველოსთვის“ ოფიციალურად დააფუძნა 2021 წლის 29 მაისს, "ქართული ოცნების" ყოფილი პრემიერ–მინისტრის გიორგი გახარიას მიერ. მანამდე, 2017 წლის 13 ნოემბრიდან – 2019 წლის 3 სექტემბრამდე იგი იყო საქართველოს შინაგან საქმეთა მინისტრი და ვიცე-პრემიერი. 2019 წლის 3 სექტემბრიდან – 2021 წლის 18 თებერვლამდე, გიორგი გახარიას ეკავა საქართველოს პრემიერ-მინისტრის პოსტი.2021 წლის 18 თებერვალს გახარია მოულოდნელად გადადგა. მიზეზად დაასახელა შეუთანხმებლობა გუნდთან ნიკა მელიას (მაშინდელი „ნაციონალური მოძრაობის“ თავმჯდომარე) დაკავების საკითხზე. მან აღნიშნა, რომ კანონის აღსრულება არ უნდა ხდებოდეს მოქალაქეების უსაფრთხოების რისკის ფასად.ამ ნაბიჯის შემდეგ ბიძინა ივანიშვილმა მას საჯაროდ უწოდა „მოღალატე“, რამაც საბოლოოდ გაწყვიტა კავშირი გახარიასა და „ქართულ ოცნებას“ შორის.გიორგი გახარიაზე სისხლისსამართლებრივი დევნა ოფიციალურად 2025 წლის 12 ნოემბერს გამოცხადდა. საქმე ეხება 2019 წლის მოვლენებს, კერძოდ, „გავრილოვის ღამეს“ და ე.წ. ჩორჩანას ეპიზოდებს. 2025 წლის 13 ნოემბერს, თბილისის სასამართლომ ჩორჩანას საქმეზე მას დაუსწრებლად წინასწარი პატიმრობა შეუფარდა.მედიაში გავრცელებული ინფორმაციით, გახარია ამჟამად გერმანიაში იმყოფება. 

1770020689

"ინსტრუმენტების არასათანადო სტერილიზაციის გამო საქმიანობა შეუჩერდა 2 კლინიკას. დაფიქსირდა ასევე ვაქცინების შენახვის წესის დარღვევა, არარეგისტრირებული, ვადაგასული და უვარგისად მიჩნეული პრეპარატების გამოყენება, საქმიანობა ეკონომიკურ საქმიანობათა რეესტრში რეგისტრაციის გარეშე, რის გამოც ბიზნესოპერატორები დაჯარიმდნენ.სურსათის ეროვნული სააგენტო კლინიკებში, ვეტაფთიაქებსა და ზოომაღაზიებში სახელმწიფო კონტროლს უწყვეტ რეჟიმში ახორციელებს. მიმდინარე წელს 1500-მდე ვეტერინარულ კონტროლს დაქვემდებარებული ობიექტის შემოწმებაა დაგეგმილი", - ნათქვამია სურსათის ეროვნული სააგენტოს განცხადებაში. 

1770015991

,,სარფის" საბაჟო გამშვები პუნქტის მებაჟე ოფიცრებმა, ეჭვის საფუძველზე, უცხო ქვეყნის მოქალაქის, როგორც ფიზიკური, ასევე ხელბარგის დეტალური დათვალიერების შედეგად,  საერთო ჯამში, 979 აბი  ნარკოტიკული საშუალება ,,მდმა" და ფსიქოტროპული ნივთიერების (,,პრეგაბალინი") შემცველი 47 კაფსული მედიკამენტი გამოავლინეს.სამართალდამრღვევ მოქალაქეს, 2 შეფუთვად დაფასოებული აკრძალული საშუალებები სხეულის სხვადასხვა ადგილას მალულად ჰქონდა განთავსებული.საქმის მასალები შემდგომი რეაგირების მიზნით, საქართველოს შინაგან საქმეთა სამინისტროს შესაბამის სამსახურს გადაეცა.

1770015180

ფინალურ ეტაპზე ორი მონაწილე Veriko Bazali და WildDoc გადავიდნენ. გამარჯვებულის ვინაობის გასაგებად და მათი ფინალური დავალებების სანახავად ეწვიეთ ვებგვერდს: https://www.youtube.com/@argacherdeინფორმაციისთვის, პროექტის გამარჯვებულის გამოვლენა ჟიურისა და მაყურებლების შეფასების შედეგად მოხდა.მთელი პროექტის განმავლობაში დამწყებ იუთუბერებს აფასებდნენ, გამოცდილებას უზიარებდნენ და ახალ დავალებებს აძლევდნენ უკვე კარგად გამოცდილი და ცნობილი კრეატორები: დათო ალავიძე (ჰიტა), გიორგი მახარაშვილი (საეჭვო კაცი) და ნიკა კაკოიშვილი (კაკო). ამასთან, მუდმივ ჟიურისთან ერთად ყოველ ეპიზოდს ჰყავდა მოწვეული სტუმარი, იუთუბერი მენტორი, რომელიც დამწყებ კრეატორებს საკუთარ გამოცდილებასა და რჩევებს უზიარებდა და დავალების შესრულებაში ეხმარებოდა.„ბოლო წლებში YouTube საქართველოში განსაკუთრებით სწრაფად ვითარდება და იზრდება ინტერესი როგორც მაყურებლების, ისე ბრენდების მხრიდან. სწორედ ამ ტენდენციაზე პასუხად, საქართველოს ბანკთან თანამშრომლობით შეიქმნა პირველი ქართული YouTube რეალითი შოუ Creator. პროექტის რვა ეპიზოდის განმავლობაში მაყურებელს შესაძლებლობა ჰქონდა, გაეცნო საინტერესო მონაწილეები, გაეზიარებინა ცნობილი კრეატორების გამოცდილება და მიეღო პრაქტიკული რჩევები კონტენტის შექმნის შესახებ,“ - აღნიშნავს აჩი ცენტერაძე, Creator-ის პროექტის თანაავტორი.“საქართველოს ბანკი მიზნად ისახავს ქართული YouTube ეკოსისტემის გაძლიერებას და კრეატორების ხელშეწყობას. სწორედ ამ მიზნით შეიქმნა პროექტი Creator, რომელმაც დამწყებ კრეატორებს მისცა შესაძლებლობა, მენტორებისა და ჟიურის წევრების დახმარებით პირველი, მნიშვნელოვანი ნაბიჯები გადაედგათ კონტენტის შექმნის მიმართულებით. ვიმედოვნებთ, რომ Creator იქცა დამატებით ინსპირაციად ადამიანებისთვის და მალე YouTube ეკოსისტემაში კიდევ უფრო მეტ ახალ, საინტერესო კრეატორს ვიხილავთ“, - აღნიშნავს მარიამ ცანავა, საქართველოს ბანკის ბრენდის მიმართულების ხელმძღვანელი.(R)

1769792136