მიიღეთ 20%-იანი ქეშბექი extra -ზე საქართველოს ბანკის AmEx ბარათით გადახდისას

კამპანიის განმავლობაში, სტუდიო ლიბერთის პრემიუმ ნაკრების მფლობელები შეძლებენ პერსონალური ბანკირის მომსახურების ფარგლებში გახსნან ვადიანი ანაბარი ბანკის მიერ დადგენილ საპროცენტო განაკვეთს +0.5%-დან 1.5%-მდე სარგებლით - ინდივიდუალურად განსაზღვრული პირობით ვალუტისა და ვადიანობის მიხედვით. ვადიანი ტიპის ანაბრის გახსნა შესაძლებელია ლარში, აშშ დოლარსა და ევროში, ხოლო საპროცენტო სარგებლის მიღება მომხმარებელს შეუძლია სურვილისამებრ, ყოველთვიურად ან ვადის ბოლოს.სტუდიო ლიბერთის პრემიუმ ნაკრების შეძენა შესაძლებელია როგორც დისტანციურად - ვებგვერდის, ან მობაილ ბანკის საშუალებით, ასევე, სტუდიოს უნიკალურ სივრცეში თბილისსა და ქუთაისში. პრემიუმ ნაკრების შეძენისას, მომხმარებელს აქვს შესაძლებლობა ისარგებლოს პირადი ბანკირის მომსახურებით და სტუდიოს ყველა უპირატესობით, მათ შორის - მაღალი კლასის Visa Platinum/MC World Elite ბარათებით, განსაკუთრებული პირობებით საბანკო პროდუქტებზე, სტუდიოს მულტიფუნქციურ სივრცეზე წვდომით, სამოგზაურო უპირატესობებით და სპეციალური შეთავაზებებით.ვადიანი ანაბრების პირობების შესახებ დეტალური ინფორმაცია ხელმისაწვდომია სტუდიო ლიბერთის ვებგვერდზე: studioliberty.geგახდი სტუდიოსტუდიო ლიბერთი ლიბერთის პრემიუმ ბანკინგის მიმართულებაა - პირველი მრავალფუნქციური სივრცე საქართველოში, რომელიც შექმნილია პირადი და ბიზნეს ინტერესების თანაკვეთაზე. სტუდიო ლიბერთის მომხმარებლები სარგებლობენ პერსონალური ბანკირის მომსახურებით, იღებენ საბანკო და lifestyle პროდუქტებზე მორგებულ ექსკლუზიურ შეთავაზებებს და პრემიუმ მომსახურებას როგორც პირადი, ასევე ბიზნეს ფინანსებისთვის.ლიბერთი ერთ-ერთი უმსხვილესი ბანკია საქართველოში, რომელიც 1.7 მილიონზე მეტ ფიზიკურ პირსა და 50,000-ზე მეტ მცირე და საშუალო ბიზნესს ემსახურება ქვეყნის მასშტაბით.www.studioliberty.ge აბაშიძის 70, თბილისი | გრიშაშვილის 19, ქუთაისისტუდიო ლიბერთი - შენი წარმატებული ცხოვრებისთვის(R)

1770980814

თბილისი (GBC) - „თეგეტა მოტორს ბაქომ“ და Tegeta Construction Equipment-მა, რომელიც ბრიტანული ბრენდის JCB-ს რეგიონული წარმომადგენელია, აზერბაიჯანი მსოფლიო მწარმოებლის ტექნიკით მოამარაგეს.  ორ სახელმწიფო ტენდერში გამარჯვების შედეგად ქვეყანაში 100 ერთეული სპეციალური დანიშნულების ტექნიკა შევიდა. პროექტის საინვესტიციო მოცულობა 10 მილიონ აშშ დოლარს სცდება, რაც მას რეგიონში ერთ-ერთ ყველაზე მსხვილ გარიგებად აქცევს. უმაღლესი ხარისხის ექსკავატორ-დამტვირთველები და მუხლუხა ექსკავატორები აზერბაიჯანის სამელიორაციო სისტემების განვითარების პროცესში უკვე ჩაერთო. სამუშაოები მთელი ქვეყნის მასშტაბით მიმდინარეობს.დღეისათვის „თეგეტა ჰოლდინგი“ კავკასიის რეგიონში ექსკავატორ-დამტვირთველების რეალიზაციის კუთხით ბაზრის 50%-იან წილს ფლობს, ხოლო უშუალოდ აზერბაიჯანში ეს მაჩვენებელი 60%-ს სცდება.გიორგი ბერიძე, „თეგეტა ჰოლდინგის“ სპეციალური დანიშნულების ტექნიკის მიმართულების მთავარი ოფიცერი: „თეგეტასთვის“ უდიდესი პასუხისმგებლობა იყო ამ მასშტაბის სახელმწიფო ტენდერებში მონაწილეობა. საქმე სტრატეგიული მნიშვნელობის ინფრასტრუქტურის განვითარებას ეხება, შესაბამისად, აზერბაიჯანს მკაცრი პირობები და შემჭიდროებული ვადები ჰქონდა. დაახლოებით ერთი თვის პერიოდში 100 ერთეული ტექნიკით დაკომპლექტებული ავტოპარკი უნდა მიგვეწოდებინა. ჩვენს პარტნიორ JCB-სთან ერთად წარმატებით ვმართეთ სრული ლოგისტიკური ჯაჭვი, ტრანსპორტირებიდან დაწყებული, ტექნიკური გამართვით დასრულებული. შეირჩა ისეთი სპეციფიკური კომპლექტაცია, რომელიც ზუსტად პასუხობს დამკვეთის მოთხოვნებს, აზერბაიჯანის სამუშაო გარემოსა და რელიეფს.JCB-ს ტექნიკა ინოვაციური ტელემატიკური სისტემებით არის აღჭურვილი, რაც სატრანსპორტო საშუალებების სრულ დისტანციურ მონიტორინგსა და სამუშაოების უწყვეტობას განსაზღვრავს. შედეგად, მაღალი კონკურენციის მიუხედავად, ჩვენ საუკეთესო პირობების შეთავაზება შევძელით და ისეთი პროექტის აღსრულებაში ჩავერთეთ, რომელიც მეზობელი ქვეყნის სასოფლო-სამეურნეო და ინფრასტრუქტურულ პოტენციალზე პირდაპირ აისახება. ეს წარმატება კიდევ ერთხელ ადასტურებს „თეგეტას“ მყარ პოზიციას რეგიონში და იმ ნდობას, რომელსაც საერთაშორისო პარტნიორები ჩვენ მიმართ იჩენენ”. სპეცტექნიკის მიმართულებით რეკორდული მოცულობის პროექტის ფარგლებში,  მიწოდების პროცესი Tegeta Construction Equipment-მა გასული წლის დეკემბერში დაასრულა. თითოეული ერთეული მანქანა აღჭურვილია უნიკალური JCB Live Link ტელემატიკური სისტემით, რაც სამელიორაციო კომპანიას ავტოპარკის ციფრული მართვის საშუალებას აძლევს. აღნიშნული სისტემის დახმარებით ექსკავატორ-დამტვირთველებისა და მუხლუხა ექსკავატორების მთელი ფლიტი რეალურ დროში კონტროლდება. მათ შორის, ტექნიკური გამართულობა, ოპერატორების მუშაობის ხარისხი, საწვავის ხარჯი თუ გადაადგილების ტრაექტორია. ამ პროცესს, აზერბაიჯანულ მხარესთან ერთად, Tegeta Construction Equipment-ის Live link Uptime ცენტრიც აკვირდება, საიდანაც ტექნიკის მონიტორინგი მთელი რეგიონის მასშტაბით მიმდინარეობს. ნებისმიერი მცირე შეფერხების შემთხვევაშიც კი რეაგირება მყისიერია, რაც ტექნიკის გაჩერების რისკებს მინიმუმამდე ამცირებს. დამატებითი გარანტიაა მობილური ჯგუფების მომსახურება. TGM Baku-ს 5-ზე მეტი საველე ტექნიკური გუნდი 24/7-ზე რეჟიმში ოპერირებს. შედეგად, კომპანია არა მხოლოდ ტექნიკის მიწოდებას, არამედ ფლიტის სრულ მხარდაჭერას უზრუნველყოფს.  JCB, როგორც ბრენდი, რომელმაც 1953 წელს უნიკალური და უნივერსალური პროდუქტი - ექსკავატორ-დამტვირთველი შექმნა, გლობალური ბაზრის წილის თვალსაზრისით მსოფლიო ლიდერობას კვლავაც ინარჩუნებს და მომხმარებელს სთავაზობს ტექნიკას, რომელშიც დანერგილია ინოვაციური და მოწინავე ტექნოლოგიები, რომლებზეც არაერთი პატენტის მფლობელი სწორედ JCB. კონკურენტებთან შედარებით, ბრიტანული პრემიუმ ხარისხის ტექნიკა 15-20%-ით ნაკლებ საწვავს მოიხმარს. ამასთან ერთად, გამოირჩევა მაღალი პროდუქტიულობით და სამუშაოებს 20-25%-ით უფრო სწრაფად ასრულებს. რაც შეეხება გამძლეობას, სპეცტექნიკის სრული რესურსი, სერიოზული შეფერხების გარეშე, მინიმუმ 10 000-საათიან უწყვეტ მუშაობაზეა გათვლილი.კავკასიის რეგიონში პოზიციების მუდმივი გაძლიერებითა და ინოვაციური სერვისების დანერგვით Tegeta Construction Equipment განაგრძობს ინფრასტრუქტურული პროგრესის მხარდაჭერას და მზად არის, კიდევ უფრო მასშტაბური გამოწვევები მიიღოს როგორც ადგილობრივ, ისე რეგიონულ ბაზრებზე.„თეგეტა ჰოლდინგის“ შვილობილი კომპანია Tegeta Construction Equipment ბაზარზე 2007 წლიდან ოპერირებს. ის ბრიტანული უმსხვილესი სამშენებლო ტექნიკის ბრენდის, JCB-ს, ოფიციალური იმპორტიორია საქართველოსა და ამიერკავკასიაში. კომპანია მომხმარებელს სთავაზობს სამშენებლო და საგზაო ტექნიკას სრული საგარანტიო მომსახურებით, ასევე ნებისმიერი სამშენებლო ტექნიკის სერვისსა და სათადარიგო ნაწილებს.(R)

1770979388

ბუნებრივი ღვინოების საერთაშორისო გამოფენაში RAW Wine Paris ქვევრის ღვინის მწარმოებელი 9 მარანი მონაწილეობდა, ხოლო ღვინისა და ალკოჰოლიანი სასმელების მასშტაბურ საერთაშორისო გამოფენაზე Wine Paris ქართული ღვინის მწარმოებელი 30-მდე კომპანიის პროდუქცია იყო წარმოდგენილი.Wine Paris მსოფლიო მასშტაბით ერთ-ერთი ყველაზე მნიშვნელოვანი გამოფენაა ღვინის ინდუსტრიაში, სადაც, ტრადიციულად, ათასობით ვიზიტორთან ერთად, თავს იყრიან ღვინის პროფესიონალები, იმპორტიორები და მედიის წარმომადგენლები. ღვინისა და ალკოჰოლიანი სასმელების ასევე ერთ-ერთი გამორჩეული საერთაშორისო გამოფენაა RAW Wine, სადაც მაღალი ხარისხის ბუნებრივი, ორგანული და ბიოდინამიური ღვინოების მწარმოებლები იკრიბებიან. გამოფენის ორგანიზატორია ცნობილი ღვინის მაგისტრი საფრანგეთიდან იზაბელ ლეგერონი. გამოფენების მიმდინარეობისას, ღვინის ეროვნული სააგენტოს თავმჯდომარე ლევან მეხუზლამ და სააგენტოს თავმჯდომარის მოადგილე თამთა ყველაიძემ შეხვედრები გამართეს სხვადასხვა ქვეყნის მარკეტინგული კომპანიების წარმომადგენლებთან. გამოფენას Wine Paris საქართველოს საგანგებო და სრულუფლებიანი ელჩი საფრანგეთის რესპუბლიკაში, ირაკლი ყურაშვილი დაესწრო. გამოფენაზე Wine Paris ქართულ სტენდს ეწვია და ქართული ღვინოები დააგემოვნა ვაზისა და ღვინის საერთაშორისო ორგანიზაციის (OIV) პრეზიდენტმა ჯონ ბარკერმა.„მიმდინარე წლის ღვინის გამოფენები ტრადიციულად დაიწყო პარიზით. ორივე გამოფენა ქართველი მეღვინეებისთვის ძალიან მნიშვნელოვანია. ქართული სტენდი მუდმივად ხალხმრავალი იყო ვიზიტორებითა და პროფესიონალებით. აქ გამართული შეხვედრები და დამყარებული კონტაქტები ქართველ მეღვინეებს დაეხმარება ახალი სავაჭრო პარტნიორების მოზიდვასა და ღვინის ექსპორტის გაზრდაში.ღვინის ეროვნული სააგენტო მიმდინარე წელსაც გააგრძელებს ქართველი მწარმოებლების მხარდაჭერას როგორც ტრადიციულ გამოფენებზე მონაწილეობის მისაღებად, ასევე მათი პროდუქციის წარსადგენად სხვადასხვა ფორმატის მნიშვნელოვან ღონისძიებაზე“, - აღნიშნა ღვინის ეროვნული სააგენტოს თავმჯდომარე ლევან მეხუზლამ.

1770977999

შალვა პაპუაშვილის განცხადებით, ილიას უნივერსიტეტის იმ წარმომადგენლებმა, რომლებიც რეფორმას აპროტესტებენ, საკუთარ კეთილსინდისიერებაზე უნდა იფიქრონ, რადგან მათი „მთავარი გამომქომაგებელი“ პატიმრობაში მყოფი ექსპრეზიდენტია. პარლამენტის თავმჯდომარემ მიანიშნა, რომ პროტესტის უკან სააკაშვილის გუნდის ინტერესები დგას.პაპუაშვილმა უმაღლესი განათლების სისტემას „პრობლემური“ უწოდა და მხარი დაუჭირა პრინციპს - „ერთი ქალაქი, ერთი ფაკულტეტი“. მისი თქმით, ეს მიდგომა იმდენად ლოგიკურია, რომ მას მხოლოდ სუბიექტური ინტერესების მქონე პირები თუ შეეწინააღმდეგებიან."რადიო თავისუფლების" ინფორმაციით, თუ გასულ წელს ილიას სახელმწიფო უნივერსიტეტს საბაკალავრო პროგრამებზე 4 207 სტუდენტის მიღება შეეძლო, წელს ეს კვოტა საგანგაშოდ, 300 ადგილამდე შემცირდა. ეს ნიშნავს, რომ უნივერსიტეტის მისაღები კონტინგენტი 14-ჯერ, ანუ 92%-ით მცირდება.ამჟამად, უნივერსიტეტში 17 295 სტუდენტი ირიცხება, თუმცა მომავალი წლიდან სასწავლებლის ფუნქციონირება კითხვის ნიშნის ქვეშ დგება, რადგან არსებული 36 საგანმანათლებლო პროგრამიდან მას მხოლოდ 16 რჩება, ისიც სიმბოლური კვოტებით (თითო პროგრამაზე საშუალოდ 10-30 ადგილი).რომელი პროგრამები აღარ იარსებებს „ილიაუნში“? მთავრობის გადაწყვეტილებით, უნივერსიტეტს სრულად ჩამოერთვა უფლება, მიიღოს სტუდენტები ქვეყანაში ყველაზე მოთხოვნად და სტრატეგიულ მიმართულებებზე.2025-2026 სასწავლო წლიდან უქმდება მიღება შემდეგ პროგრამებზე: სოციალური მეცნიერებები: ფსიქოლოგია, სოციოლოგია, პოლიტიკის მეცნიერება, საერთაშორისო ურთიერთობები; ბიზნესი და სამართალი: სამართლის ფაკულტეტი და ბიზნესის ადმინისტრირების ყველა მიმართულება (მენეჯმენტი, ტურიზმი, ფინანსები); ჰუმანიტარული და სახელოვნებო: ფილოსოფია, არქეოლოგია, არქიტექტურა, კინომცოდნეობა და მუსიკა; ტექნოლოგიები: კომპიუტერული მეცნიერების ინგლისურენოვანი პროგრამა. დარჩენილ 16 პროგრამას შორის მხოლოდ ვიწრო სპეციალობებია, როგორიცაა ფიზიკა, მათემატიკა და რამდენიმე საინჟინრო მიმართულება, თუმცა ადგილების მინიმალური რაოდენობა ამ პროგრამების სიცოცხლისუნარიანობასაც ეჭვქვეშ აყენებს.ექსპერტთა ნაწილი ამ ნაბიჯს უნივერსიტეტის მიზანმიმართულ დასუსტებად და აკადემიური თავისუფლების შეზღუდვად აფასებს.

1770974773

ნეტგაზეთმა აშშ-ს სახელმწიფო დეპარტამენტს ჰკითხა, რა გავლენა შეიძლება ჰქონდეს საქართველო-ირანს შორის ამჟამად არსებულ ურთიერთობებს აშშ-სთან საქართველოს ურთიერთობებზე და უფრო ფართო რეგიონულ პოლიტიკურ საკითხებზე.GBC უცვლელად გთავაზობთ აშშ-ს სახელმწიფო დეპარტამენტის მიერ ნეტგაზეთისთვის გამოგზავნილ პასუხს:„ამერიკის შეერთებული შტატები 33 წლის განმავლობაში იყო საქართველოსა და ქართველი ხალხის რჩეული პარტნიორი. ჩვენ კვლავაც ვრჩებით საქართველოს დამოუკიდებლობის, სუვერენიტეტისა და ტერიტორიული მთლიანობის მტკიცე მხარდამჭერებად.ამერიკის შეერთებული შტატები საქართველოსთან კონსტრუქციულ ურთიერთობას ესწრაფვის.სამშვიდობო შეთანხმება, რომელსაც პრეზიდენტმა ტრამპმა სომხეთსა და აზერბაიჯანს შორის შუამავლობით მიაღწია, ტრანსფორმაციულ შესაძლებლობებს სთავაზობს მთელ სამხრეთ კავკასიას. საქართველოს შეუძლია როგორც საკუთარი წვლილი შეიტანოს, ისე დიდი სარგებელი მიიღოს იმ სტაბილურობისა და კეთილდღეობისგან, რომელსაც ეს შეთანხმება ხდის შესაძლებელს.ჩვენ გავაგრძელებთ საქართველოს მთავრობასთან ურთიერთობას იმ საკითხებზე, რომლებიც გავლენას ახდენს ჩვენს ორმხრივ ურთიერთობებსა და საქართველოში არსებულ პოლიტიკურ გარემოზე.ჩვენ ასევე განვიხილავთ იმ კონკრეტულ ნაბიჯებს, რომლებიც საქართველოს მთავრობამ შეიძლება გადადგას ჩვენს ქვეყნებს შორის ურთიერთობების განმტკიცებისა და წინსვლის მიმართ სერიოზული დამოკიდებულების დასადასტურებლად“, – ნათქვამია სახელმწიფო დეპარტამენტის პრესსპიკერის მიერ გამოგზავნილ პასუხში.

1770971265

„ვფიქრობ, ტრამპისთვის არ არსებობს იმაზე დიდი გამარჯვება, ვიდრე რუსეთსა და უკრაინას შორის ომის დასრულებაა“, - განაცხადა ზელენსკიმ.სახელმწიფოს მეთაურმა დასძინა, რომ ტრამპისთვის ყველაზე ხელსაყრელი სიტუაცია ომის აშშ-ის შუალედურ არჩევნებამდე დასრულებაა. გამოცემა ამტკიცებს, რომ ზელენსკიმ „კარგად იცის, რა აძლევს მოტივაციას ტრამპს“. თუმცა, სტატიის ავტორი ასევე აღნიშნავს, რომ უკრაინის პრეზიდენტი „რეალისტია იმის ალბათობასთან დაკავშირებით, რომ ტრამპი რეალურად აიძულებს რუსებს კომპრომისზე წასვლას“.The Atlantic-ის ჟურნალისტი წერს, რომ იმ ერთი საათის განმავლობაში, რომელიც მან ზელენსკისთან გაატარა, პრეზიდენტმა გამოავლინა თვისება, „რომელიც წლების და ათწლეულების განმავლობაში, მისი ხასიათის მთავარი შტრიხი იყო - გარე ზეწოლისადმი წინააღმდეგობის გაწევის ჯიუტი, ზოგჯერ გამაღიზიანებელი ჩვევა“.„თუ ზელენსკის ეტყვით, რომ მან რაღაც უნდა გააკეთოს, ის, სავარაუდოდ, პირიქით მოიქცევა“, - თქვა The Atlantic-თან ზელენსკის ერთ-ერთმა ძველმა მრჩეველმა, რომელიც სხვების მსგავსად გამოცემასთან ანონიმურობის დაცვით საუბრობდა.The Atlantic-ის ჟურნალისტი დასძენს, რომ ზელენსკის უახლოესი გარემოცვის ზოგიერთი წევრი სულ უფრო მეტად ნერვიულობს, რომ შეთანხმების ფანჯარა იხურება და უკრაინა მრავალწლიანი საბრძოლო მოქმედებებით დაიტანჯება, თუ ამ გაზაფხულზე ომის შეწყვეტაზე შეთანხმება ვერ მოხერხდება.„მაგრამ ზელენსკიმ მითხრა, რომ მას ურჩევნია საერთოდ არ დადოს შეთანხმება, ვიდრე აიძულოს საკუთარი ხალხი, მიიღოს არახელსაყრელი პირობები. ოთხწლიანი ინტენსიური საბრძოლო მოქმედებების შემდეგაც კი, ის ამბობს, რომ მზად არის განაგრძოს ბრძოლა, თუ ეს აუცილებელია ღირსეული და ხანგრძლივი მშვიდობის უზრუნველსაყოფად.„უკრაინა არ წააგებს“, - ხაზგასმით აღნიშნა ზელენსკიმ.4-5 თებერვალს აბუ-დაბიში გამართული სამმხრივი მოლაპარაკებების შედეგად გამოქვეყნებული კომიუნიკეს თანახმად, აშშ-ის, უკრაინისა და რუსეთის დელეგაციებმა განიხილეს ზავის იმპლემენტაციის მეთოდები და საბრძოლო მოქმედებების შეწყვეტის მონიტორინგი.აბუ-დაბის მოლაპარაკებების შედეგად, აშშ და რუსეთი შეთანხმდნენ მაღალ დონეზე სამხედრო დიალოგის განახლებაზე.სააგენტო Reuters იტყობინება, რომ აშშ-ისა და უკრაინის დელეგაციებმა განიხილეს ამბიციური მიზანი - მარტში რუსეთსა და უკრაინას შორის სამშვიდობო შეთანხმების დადება. თუმცა, ვინაიდან ტერიტორიებთან დაკავშირებით შეთანხმება ჯერ არ არსებობს, ვადებმა შესაძლოა გადაიწიოს.24 თებერვალს 4 წელი სრულდება, რუსეთის მიერ უკრაინის წინააღმდეგ სრულმასშტაბიანი ომის დაწყებიდან.

1770969601

უარყოფითმა სავაჭრო ბალანსმა 2026 წლის იანვარში $636.6 მლნ შეადგინა, რაც საგარეო სავაჭრო ბრუნვის 39.9%-ია.

1770967190

პარტია „გახარია საქართველოსთვის“ ინფორმაციით, MSC არის მსოფლიოში ერთ-ერთი ყველაზე მნიშვნელოვანი საერთაშორისო ფორუმი, სადაც წელიწადში ერთხელ იკრიბებიან სახელმწიფოს მეთაურები გლობალური უსაფრთხოებისა და საგარეო პოლიტიკის საკითხებზე.„წელს კონფერენციაში, მსოფლიოს სხვა ლიდერებთან ერთად, მონაწილეობას იღებენ აშშ-ს სახელმწიფო მდივანი - მარკო რუბიო, გერმანიის კანცლერი - ფრიდრიხ მერცი, დიდი ბრიტანეთის პრემიერ-მინისტრი - კირ სტარმერი, საფრანგეთის პრეზიდენტი - ემანუელ მაკრონი, პოლონეთის პრემიერ-მინისტრი - დონალდ ტუსკი, ევროკომისიის პრეზიდენტი - ურსულა ფონ დერ ლაიენი და სხვები“, - აღნიშნულია ინფორმაციაში.პარტია „გახარია საქართველოსთვის“ ოფიციალურად დააფუძნა 2021 წლის 29 მაისს, "ქართული ოცნების" ყოფილი პრემიერ–მინისტრის გიორგი გახარიას მიერ.მანამდე, 2017 წლის 13 ნოემბრიდან – 2019 წლის 3 სექტემბრამდე იგი იყო საქართველოს შინაგან საქმეთა მინისტრი და ვიცე-პრემიერი. 2019 წლის 3 სექტემბრიდან – 2021 წლის 18 თებერვლამდე, გიორგი გახარიას ეკავა საქართველოს პრემიერ-მინისტრის პოსტი.2021 წლის 18 თებერვალს გახარია მოულოდნელად გადადგა. მიზეზად დაასახელა შეუთანხმებლობა გუნდთან ნიკა მელიას (მაშინდელი „ნაციონალური მოძრაობის“ თავმჯდომარე) დაკავების საკითხზე. მან აღნიშნა, რომ კანონის აღსრულება არ უნდა ხდებოდეს მოქალაქეების უსაფრთხოების რისკის ფასად.ამ ნაბიჯის შემდეგ ბიძინა ივანიშვილმა მას საჯაროდ უწოდა „მოღალატე“, რამაც საბოლოოდ გაწყვიტა კავშირი გახარიასა და „ქართულ ოცნებას“ შორის.გიორგი გახარიაზე სისხლისსამართლებრივი დევნა ოფიციალურად 2025 წლის 12 ნოემბერს გამოცხადდა. საქმე ეხება 2019 წლის მოვლენებს, კერძოდ, „გავრილოვის ღამეს“ და ე.წ. ჩორჩანას ეპიზოდებს.2025 წლის 13 ნოემბერს, თბილისის სასამართლომ ჩორჩანას საქმეზე მას დაუსწრებლად წინასწარი პატიმრობა შეუფარდა.მედიაში გავრცელებული ინფორმაციით, გახარია ამჟამად გერმანიაში იმყოფება. 

1770965716