სები სავალუტო ვაჭრობაში ორნიშნა წილს ინარჩუნებს

მებაჟე ოფიცრების მიერ, საქართველოს მოქალაქეების, როგორც ფიზიკური, ასევე კუთვნილი ბარგის დეტალური დათვალიერების შედეგად ჯამში - 205 გრამი ოქროს საიუველირო ნაკეთობები აღმოაჩინეს.არადეკლარირებული საქონლის საერთო საბაჟო ღირებულებამ 49 900 ლარი შეადგინა.ორივე კანონდამრღვევი მოქალაქის მიმართ, საქმის მასალები შემდგომი რეაგირების მიზნით, საქართველოს ფინანსთა სამინისტროს საგამოძიებო სამსახურს გადაეგზავნა.

1786713323

შუალედური არჩევნებისთვის ჯამში შვიდი საარჩევნო უბანი გაიხსნება, მათ შორის ოთხ საარჩევნო უბანზე გამოყენებული იქნება ელექტრონული ვერიფიკაციისა და ხმის მთვლელი აპარატები. ამომრჩევლები აღნიშნული მუნიციპალიტეტების საკრებულოების 4 მაჟორიტარ წევრს აირჩევენ. ამ დროისათვის ამომრჩეველთა რაოდენობა 2201- ია.დღეს გამართულ სხდომაზე ცესკომ 3 ოქტომბრის შუალედური არჩევნების საარჩევნო ღონისძიებათა გრაფიკი დაამტკიცა, ასევე განსაზღვრა არჩევნებთან დაკავშირებული სხვადასხვა მნიშვნელოვანი საკითხი. მათ შორის მიიღო განკარგულებები 3 ოქტომბრის შუალედური არჩევნებისთვის შექმნილი საუბნო საარჩევნო კომისიების ხელმძღვანელ პირთა და წევრთა შესარჩევი კონკურსის ჩატარების წესის, საკონკურსო პირობების, ვადებისა და არჩევის წესის განსაზღვრის თაობაზე, №18 ახმეტის, №24 დმანისის, №25 წალკისა და №53 ვანის საოლქო საარჩევნო კომისიების დროებითი წევრების შესარჩევი კონკურსების გამოცხადებისა და სამდივნოს შექმნის შესახებ, ელექტრონული საშუალებების გამოყენებით ჩატარებული კენჭისყრის/არჩევნების აუდიტის დადასტურების წესის განსაზღვრის შესახებ და ა.შ.საარჩევნო ადმინისტრაციამ გადაწყვეტილების მიღებისთანავე დაიწყო კანონმდებლობით განსაზღვრული საარჩევნო პროცედურების განხორციელება. დღეიდან მოქმედებს ყველა ის საკანონმდებლო მოთხოვნა, დაშვება თუ აკრძალვა, რაც შუალედური არჩევნების დანიშვნას უკავშირდება. ასევე, დღეიდან ამოქმედდა წინასაარჩევნო კამპანიის (აგიტაციის) წარმოების წესები და საბიუჯეტო თანხების, თანამდებობრივი ან სამსახურებრივი მდგომარეობის გამოყენების აკრძალვასთან დაკავშირებული ნორმები.საარჩევნო ადმინისტრაცია მოუწოდებს არჩევნებში ჩართულ ყველა მხარეს, საარჩევნო პროცესის თითოეული ეტაპი განახორციელონ კანონმდებლობის მოთხოვნების შესაბამისად და ყურადღება მიაქციონ დადგენილ ვადებს.ამასთანავე, არჩევნებში მონაწილეობით დაინტერესებულ სუბიექტებს შევახსენებთ, რომ საკრებულოს შუალედურ არჩევნებში მონაწილეობის მიზნით პარტია, რომელიც რეგისტრირებული იყო ბოლო საპარლამენტო არჩევნებისას ან არჩევნების დანიშვნის დღისთვის ჰყავს წარმომადგენელი საქართველოს პარლამენტში; აგრეთვე პარტია, რომელმაც რეგისტრაცია გაიარა მუნიციპალიტეტის ორგანოთა ბოლო არჩევნებში მონაწილეობისთვის, განცხადებით მიმართავს ცესკოს არაუგვიანეს 17 აგვისტოსი (არაუგვიანეს 47-ე დღისა).იმავე ვადაში ცესკოს განცხადებით მიმართავს პარტია, რომელიც ვერ აკმაყოფილებს ზემოაღნიშნულ პირობას. ასეთ პარტიას ცესკო განცხადების მიღებისთანავე გადასცემს პარტიის მხარდამჭერთა სიის ნიმუშს მხარდამჭერთა ხელმოწერების შესაგროვებლად. იმავე ვადაში შესაბამის საოლქო საარჩევნო კომისიას განცხადებით მიმართავს ამომრჩეველთა საინიციატივო ჯგუფი.ასევე, გვსურს შევახსენოთ მედიას,  საერთაშორისო ორგანიზაციებს და ადგილობრივ არასამთავრობო ორგანიზაციებს, რომლებიც დაინტერესებული არიან აღნიშნული პროცესის დაკვირვებითა და გაშუქებით, დროულად გაიარონ კანონმდებლობით განსაზღვრული პროცედურები ცენტრალურ ან შესაბამის საოლქო საარჩევნო კომისიებში რეგისტრაციისა და აკრედიტაციის მისაღებად, რათა არჩევნების გაშუქებასა და დაკვირვებაში მონაწილეობა შეუფერხებლად შეძლონ.აკრედიტაციის მისაღებად შესაბამის საარჩევნო კომისიაში განაცხადის წარდგენის ბოლო ვადა მედიის და ადგილობრივი დამკვირვებელი ორგანიზაციების წარმომადგენლებისთვის 23 სექტემბერია (18:00 სთ), ხოლო საერთაშორისო სადამკვირვებლო ორგანიზაციებმა ცესკოს 26 სექტემბრის (18:00 სთ.) ჩათვლით უნდა მიმართონ.

1786709937

შემოსავლების სამსახური ეკონომიკური საქმიანობის განმახორციელებელ პირებს შეახსენებს, რომ აღნიშნული ქმედება წარმოშობს გადასახადების გადახდისგან თავის არიდების რისკებს და მოუწოდებს დაქირავებულ პირთან შრომითი კონტრაქტის გაფორმებისთანავე, კანონმდებლობის შესაბამისად მოახდინონ მათი ასახვა „დაქირავებულ პირთა რეესტრში"."აქვე განვმარტავთ, რომ საქართველოს საგადასახადო კოდექსის მე-12 მუხლის შესაბამისად, უწყების მიერ ,,დაქირავებულ პირთა რეესტრში" ასახული მონაცემების სისწორის შესწავლა მკაცრ მონიტორინგს ექვემდებარება", - ნათქვამია შემოსავლების სამსახურის მიერ გავრცელებულ განცხადებაში.

1786707426

ცაგურიას აღნიშვნით, აგვისტოდან თბილისი-ბათუმისა და ბათუმი-თბილისის მიმართულებით მგზავრობის დრო 4 საათამდე შემცირდა, მკვეთრად გაუმჯობესდა სერვისი და აქტიურ ფაზაშია სამგზავრო სადგურების რეაბილიტაციის პროცესიც.„მგზავრთა უფლებების დაცვა განსაკუთრებით მნიშვნელოვანია, რის გამოც ამ დოკუმენტის მიღება ძალიან სწორი და დროული ნაბიჯია. დარწმუნებული ვარ, ეს კიდევ უფრო მეტად დაგვეხმარება მომსახურების ხარისხის გაუმჯობესებაში“, - განმარტავს დაჩი ცაგურია.ამასთან, „საქართველოს რკინიგზამ“ 10 ახალი სამგზავრო მატარებლის შესყიდვის პროცედურები დაიწყო, პარალელურად კი 5 სამგზავრო მატარებლის რეაბილიტაცია მიმდინარეობს. უახლოეს მომავალში სამგზავრო რეისები სწორედ განახლებული შემადგენლობებით შესრულდება.

1786706858

დუგინის განცხადებით, დასავლეთის ქვეყნებთან ომი „უბრალოდ სავარაუდო კი არა, თითქმის გარდაუვალია“, ხოლო მისი ბირთვულ ომად გადაქცევის ალბათობა „ძალიან მაღალია“.„რუსეთის მეგაპოლისები, სადაც მთელი ცხოვრება, მრეწველობა და ეკონომიკაა თავმოყრილი, წერტილოვანი დარტყმებისთვის მიმზიდველ სამიზნედ იქცევა. ამიტომ საჭიროა ქალაქების, განსაკუთრებით კი მეგაპოლისების, დაუყოვნებლივი და მასობრივი განსახლება“, – განაცხადა დუგინმა.მისი თქმით, ადამიანები, რომლებსაც საკუთარი მიწა აქვთ, „შეუდარებლად მეტ შვილს აჩენენ, ვიდრე ქალაქებში მცხოვრებლები“.„დიდი ქალაქები აღარ იქნება – არც მოსკოვი, არც სანქტ-პეტერბურგი, არც ეკატერინბურგი. ადამიანები მიწაზე მშვიდად საცხოვრებლად წავლენ. მაღალსართულიანი შენობები კი, მაგალითად, ფერმებს შეიძლება გადაეცეს ბიტკოინის მაინინგისთვის. იქ იცხოვრონ კომპიუტერებმა, იცხოვრონ რობოტებმა“, – პროგნოზირებს დუგინი.დუგინი აშშ-ის, ევროკავშირისა და კანადის სანქცირებულთა სიებშია. მანამდე ის ძალოვანი სტრუქტურების – შინაგან საქმეთა სამინისტროს, ФСБ-სა და „როსგვარდიის“ თანამშრომლებს „ღვთის მიერ გამოგზავნილებად“ აღქმას მოუწოდებდა. ასევე ამტკიცებდა, რომ დასავლეთში შექმნილი საყოფაცხოვრებო ტექნიკა, მათ შორის ყავის საფქვავები და ელექტროქურები, რუს მოქალაქეებს უთვალთვალებს.უკრაინაზე „ორეშნიკის“ რაკეტებით განხორციელებული დარტყმების შემდეგ დუგინმა მოსახლეობას „სასწრაფოდ მონათვლისკენ“ მოუწოდა, რადგან, მისი თქმით, სამყაროს აღსასრული ახლოვდებოდა.2026 წლის მარტში დუგინი სახელმწიფოს მხრიდან მოქალაქეებზე კონტროლის გაძლიერების მოწოდებით გამოვიდა და თავად ადამიანებს ურჩევდა, თავიანთი ტანჯვა გარდაუვალ რეალობად მიეღოთ.„ჩვენ, რუსები, ისტორიაში ყოველთვის ვიტანჯებოდით. ასეთია ჩვენი ბედი. ჩვენ დიდი ხალხი ვართ და თუ ვინმეს უსამართლოდ მოექცნენ, ეს მხოლოდ თავმდაბლობისა და დიდებისთვისაა“, – აცხადებდა დუგინი.ივლისში დუგინი ფრონტზე მოსკოველების მობილიზაციასაც ითხოვდა, რომლებიც, მისი შეფასებით, ტბებთან მშვიდ ცხოვრებას აგრძელებენ, და მათ „ჭიანჭველებს“ ადარებდა.დუგინის განცხადებით, რუსეთი დასავლეთთან „წმინდა სახალხო ომს“ აწარმოებს, რომელიც შესაძლოა „კაცობრიობის აღსასრულით“ დასრულდეს.

1786706128

„რეზერვების დაგროვება, სხვა ფაქტორებთან ერთად, S&P-ის მიერ 7 აგვისტოს საქართველოს სუვერენული საკრედიტო რეიტინგის პერსპექტივის სტაბილურიდან პოზიტიურამდე გადახედვის ერთ-ერთი საფუძველი იყო. სააგენტოს შეფასებით, საგარეო ბუფერების შემდგომი გაძლიერება სამომავლოდ, შესაძლოა, რეიტინგის გაზრდის ერთ-ერთი წინაპირობა გახდეს.ამავდროულად, მთლიანი მოცულობის მიღმა რამდენიმე გარემოებაა საყურადღებო. კერძოდ: ა) სებ-ის სავალუტო შესყიდვები თავად რეზერვების ზრდას მნიშვნელოვნად აღემატება; ბ) წმინდა რეზერვები მთლიანზე უფრო სწრაფად გაუმჯობესდა; გ) პარალელურად იზრდება თავად შესაბამისობის ნორმის დონეც.2025 წლის დასაწყისიდან 2026 წლის ივლისის ჩათვლით სებ-ის წმინდა სავალუტო შესყიდვებმა, ჩვენი შეფასებით, დაახლოებით, 5.0 მილიარდი აშშ დოლარი შეადგინა: 2.4 მილიარდი აშშ დოლარი 2025 წელს და 2.5 მილიარდი აშშ დოლარი 2026 წლის პირველ შვიდ თვეში. მიმდინარე წელს საშუალო თვიური შესყიდვა 360 მილიონ აშშ დოლარამდე იყო, აპრილ-ივლისში კი 500 მილიონ აშშ დოლარს აჭარბებდა. შესყიდვების საერთო მოცულობასა და რეზერვების ზრდას შორის სხვაობა სხვა პარალელურ ტრანზაქციებს უკავშირდება, მათ შორის კომერციული ბანკების სარეზერვო მოთხოვნების შემცირებას, მთავრობის ოპერაციებსა და საგარეო ვალის მომსახურებას.  ამდენად, ინტერვენციების მოცულობა რეზერვების ზრდაში პირდაპირ არ ითარგმნება.მკითხველისთვის ცნობილია, რომ სავალუტო ბაზარზე ბოლო თვეებში სიჭარბე ფიქსირდება, რაც სებ-ის შესყიდვების ძირითადი მხარდამჭერი ფაქტორია. მიმდინარე ანგარიშის ბალანსი, რეინვესტირებული შემოსავლების გამორიცხვით, ზედიზედ ოთხი კვარტალია, დადებითია, მიმდინარე წლის პირველი კვარტლის ჩათვლით. ჩვენი შეფასებით, ტენდენცია მეორე და მესამე კვარტლებშიც ნარჩუნდება. რეზერვების ზრდაში წვლილი ოქრომაც შეიტანა, რომლის ფასიც, აგვისტოს მდგომარეობით, 2024 წლის მარტში პირველი შესყიდვის შემდეგ, დაახლოებით, გაორმაგდა. თიბისი კაპიტალის შეფასებით, მართალია, ბოლო ერთი წლის ჭრილში ოქროს ფასის მკვეთრ ზრდაში მოკლევადიანი ფაქტორების წვლილის უგულებელყოფა არ შეიძლება, თუმცა ტენდენცია დიდწილად სტრუქტურულ ფაქტორებს უკავშირდება.ამავდროულად, ივლისის ბოლოსთვის 5 მილიარდ აშშ დოლარს მიაღწია წმინდა რეზერვების ჩვენმა შეფასებამ, რომელიც მთლიანი მოცულობიდან  კომერციული ბანკების სავალდებულო რეზერვებს, სსფ-ის კრედიტსა და განაწილებულ ნასესხობის სპეციალურ უფლებებს (SDR) გამორიცხავს. შედეგად, წმინდა რეზერვების წილი ჯამურ მაჩვენებელში 66.6%-მდე გაიზარდა, რაც სულ მცირე 2015 წლის შემდეგ - საიდანაც მონაცემები არის ხელმისაწვდომი - ყველაზე მაღალი ნიშნულია.რაც შეეხება სსფ-ის შესაბამისობის ნორმას, ის ეკონომიკის პოტენციურ სავალუტო საჭიროებებს აერთიანებს და მიღებულ ნიშნულს მთლიან რეზერვებს ადარებს. ეს ყველაზე გავრცელებული საერთაშორისო საზომია და ქვეყნებს შორის შედარების გაკეთების საშუალებას იძლევა. თუმცა, გასათვალისწინებელია ორი გარემოება. პირველი, შესაბამისობის ნორმა მთლიან რეზერვებს ეყრდნობა, ნაცვლად წმინდა რეზერვებისა, რომლებიც, ჩვენი შეფასებით, უკეთ ასახავს საჭიროების შემთხვევაში ხელმისაწვდომი რესურსის მოცულობას. აგრეთვე, ნორმა წლის განმავლობაში დაფიქსირებულია - ცვლილებები გადახედვის შემდეგ წინა თვეებზეც ვრცელდება - და ყოველწლიურად ხელახლა დგინდება. შედეგად, მთელი წლის ცვლილება ხშირად ერთ თვეში აისახება - მაგალითად, 2025 წლის იანვარში შესაბამისობის ნორმასთან შეფარდება 10.5 პროცენტული პუნქტით შემცირდა მაშინ, როცა თავად რეზერვები პრაქტიკულად არ შეცვლილა.აქედან უფრო ზოგადი დაკვირვება გამომდინარეობს. შესაბამისობის ნორმა, როგორც წესი, სწორედ მაშინ იზრდება ყველაზე სწრაფად, როცა სავალუტო შემოდინებები მაღალია - ანუ მაშინ, როცა სებ ყველაზე მეტს ყიდულობს, ვინაიდან იმავე პერიოდში იზრდება დანაზოგებიც, საგარეო ვალდებულებებიც და ექსპორტიც. საპირისპირო მაგალითია ოქრო: მისმა გადაფასებამ რეზერვები გაზარდა, ნორმაზე კი გავლენა არ მოუხდენია. ამდენად, რეზერვების სწრაფი დაგროვება შესაბამისობის მაჩვენებლის ისეთივე სწრაფ გაუმჯობესებას ყოველთვის არ იწვევს.მსგავსი სურათი იკვეთება სხვა საზომებითაც. 2026 წლის ივნისის მდგომარეობით, რეზერვები მიმდინარე იმპორტის, დაახლოებით, 4.0 თვის, ხოლო მომდევნო წლის მოსალოდნელი იმპორტის 3.7 თვის დასაფინანსებლადაა საკმარისი, რაც სტანდარტულ სამთვიან ნიშნულს აღემატება. 2022 წლის შემდეგ ყველაზე მაღალ ნიშნულზეა სსფ-ის სხვა შეფასებაც, რომელიც რეზერვებიდან მომდევნო 12 თვის მოკლევადიან ვალდებულებებს გამორიცხავს, თუმცა ეს მაჩვენებელი უფრო სამომავლო ლიკვიდობის საზომია, ვიდრე - ამჟამად ხელმისაწვდომი ბუფერის.სამომავლო პერსპექტივის მხრივ, რეზერვების დაგროვების კუთხით ცალსახა ორიენტირი არ არსებობს. სსფ-ის შესაბამისობის ნორმის 118.7%-იანი მაჩვენებელი სტანდარტულ 100-150%-იან დიაპაზონშია და სხვა განვითარებადი ქვეყნების საშუალო/მედიანურ მაჩვენებლებთან ახლოსაა. ამასთან, სსფ-ის შეფასებით, საქართველოსთვის - ეკონომიკური თავისებურებების გათვალისწინებით - ოპტიმალურ დიაპაზონად 145-150% მიიჩნევა. აღსანიშნავია, რომ ეს ექსპერტული შეფასებაა და არა ოფიციალური რეკომენდაცია ან სებ-ის მიზნობრივი ნიშნული.მოცემული ნიშნულის საორიენტაციოდ გამოყენების შემთხვევაში, მიმდინარე ნორმის პირობებში 150%-იანი შესაბამისობისთვის საჭირო იქნებოდა რეზერვების 9.5 მილიარდ აშშ დოლარამდე გაზრდა, რაც ბოლო თვეების ტემპით, დაახლოებით, შვიდიდან ათ თვემდე პერიოდს მოითხოვს. თუმცა, როგორც ზემოთ აღინიშნა, იცვლება თავად ნორმაც. გასული წლების საშუალო ან მედიანური ზრდის ტემპის გათვალისწინებით, იმავე დაფარვისთვის საჭირო რეზერვების მოცულობა 2027 წლისთვის, შესაძლოა, დაახლოებით, 10.4-10.9 მილიარდ აშშ დოლარამდე გაიზარდოს. აღსანიშნავია, რომ საქართველოსთვის შესაბამისობის ნორმასთან შეფარდების მაქსიმალური მაჩვენებელი 2011 წელს დაფიქსირდა, 129%-იან ნიშნულზე (სსფ-ის მეთოდოლოგიით).მოცემული გათვლები სხვადასხვა სცენარის საორიენტაციო ანალიზს წარმოადგენს და კონკრეტულ სამიზნე თარიღად ან მოცულობად არ უნდა იყოს აღქმული. პრაქტიკაში, შესყიდვები საგარეო ბალანსსა და ბაზარზე არსებულ სავალუტო შემოდინებებთანაა თანხვედრაში. სამომავლო ტემპიც სწორედ ამ ფაქტორებზე იქნება დამოკიდებული. თიბისი კაპიტალის საბაზო სცენარით, ახლო აღმოსავლეთის კონფლიქტის გამწვავების მიუხედავად, სავალუტო შემოდინებების მხრივ შესამჩნევი დანაკლისი მოსალოდნელი არ არის. უახლესი მონაცემები, პირიქით, ბოლო პერიოდში შემოდინებების აჩქარებაზე მიუთითებს. ამდენად, მოსალოდნელია, რომ მოცულობითი შესყიდვები გაგრძელდება, თუმცა მათი ტემპი, სხვა ფაქტორებთან ერთად, ინფლაციისა და ლარის გაცვლითი კურსის დინამიკაზეც იქნება დამოკიდებული“, – ნათქვამია მაკროეკონომიკურ მიმოხილვაში, რომელიც თიბისი კაპიტალმა პარასკევს გამოაქვეყნა.

1786704209

ტრანზაქციების რაოდენობის ზრდამ მცირედით გადააჭარბა დანახარჯების ზრდას, რაც იმაზე მიუთითებს, რომ აქტივობა კვლავ ძლიერი იყო, ხოლო ერთ ტრანზაქციაზე საშუალო დანახარჯი უმნიშვნელოდ შემცირდა. ტრანზაქციის საშუალო მოცულობით ორივე კატეგორიაში (სასტუმროები და რესტორნები) აჭარა ლიდერობდა, რასაც თბილისი და კახეთი მოსდევდნენ.რეგიონების მიხედვით დინამიკა კვლავ არაერთგვაროვანია: თბილისი: დედაქალაქში დადებითი დინამიკა ორივე კატეგორიაში შენარჩუნდა. სასტუმროებსა და რესტორნებში გაიზარდა როგორც მთლიანი დანახარჯები, ისე ტრანზაქციის საშუალო მოცულობა. კერძოდ, არარეზიდენტების უნაღდო დანახარჯები სასტუმროებში წლიურად 22%-ით გაიზარდა, ხოლო რესტორნებში განსაკუთრებით ძლიერი ზრდა - 40% დაფიქსირდა. აჭარა: რეგიონში მნიშვნელოვანი ზრდა დაფიქსირდა სასტუმროებში, სადაც უნაღდო დანახარჯები წლიურად 71%-ით გაიზარდა (გაიზარდა როგორც მთლიანი დანახარჯები, ისე ტრანზაქციის საშუალო მოცულობა). რესტორნებში დანახარჯები მხოლოდ 6%-ით გაიზარდა, ხოლო საშუალო ტრანზაქცია შემცირდა, რაც ტრანზაქციების რაოდენობის მატებაზე მიუთითებს. კახეთი: ორივე ხარჯვით კატეგორიაში შემცირდა როგორც მთლიანი უნაღდო დანახარჯები, ისე ტრანზაქციის საშუალო მოცულობა. კლება განსაკუთრებით მკვეთრი სასტუმროებში იყო, სადაც დანახარჯები წლიურ ჭრილში 26%-ით შემცირდა, ხოლო რესტორნებში კლებამ 9% შეადგინა. „თიბისი კაპიტალის“ პროგნოზით, აგვისტოს პიკური სეზონი ხელს შეუწყობს აჭარის სასტუმროებში მაღალი აქტივობის შენარჩუნებასა და თბილისში ზრდის გაგრძელებას, რაც კახეთის მიმდინარე უარყოფით დინამიკას დააბალანსებს.

1786700427

საქმის შესწავლის შედეგად დადგინდა, რომ მოვაჭრე მომსახურების გაუქმების შემთხვევაში, მომხმარებლებისთვის თანხის დაბრუნებას არაგონივრული ვადით აგვიანებდა. გარდა ამისა, დარღვევა გამოიკვეთა ხელშეკრულებით შეთანხმებული მომსახურების მიწოდების ნაწილშიც. კერძოდ, წინასწარ შეთავაზებული და მომხმარებელთა მიერ გაცნობილი კვების მომსახურების პირობები არსებითად განსხვავდებოდა ფაქტობრივად მიწოდებული მომსახურებისგან. სააგენტოს შეფასებით, მომსახურების შესაბამისობა გულისხმობს როგორც წინასწარ შეთავაზებული პირობების დაცვას, ისე მომსახურების სათანადო ხარისხის უზრუნველყოფას. GCCA-ის გადაწყვეტილებით, კანონდარღვევის აღმოფხვრის მიზნით, შპს „ფუდ გალერი ჯორჯიას" დაევალა, ერთი თვის ვადაში აღადგინოს მომხმარებელთა დარღვეული უფლებები და სავაჭრო პოლიტიკა კანონის მოთხოვნებს შეუსაბამოს. კანონმდებლობის შესაბამისად, სააგენტოს გადაწყვეტილების დადგენილ ვადაში შეუსრულებლობის ან არაჯეროვნად შესრულების შემთხვევაში, მოვაჭრეს შეიძლება დაეკისროს ჯარიმა წინა ფინანსური წლის წლიური ბრუნვის არაუმეტეს 2%-ის ოდენობით. 12 თვის განმავლობაში განმეორებითი დარღვევა დაკისრებული ჯარიმის გაორმაგებას გამოიწვევს.

1786697346