ყველაზე პრეტენზიული საცალო კლიენტია

დღევანდელი მატჩი ქართველი ქომაგებისთვის განსაკუთრებული მნიშვნელობისაა - ეროვნული ნაკრების კაპიტანი, გურამ კაშია, საქართველოს ნაკრების მაისურით ბოლო შეხვედრას გამართავს.გურამ კაშია ეროვნული გუნდის ისტორიაში ყველაზე მეტი მატჩის ჩატარების რეკორდსმენია. რუმინეთთან შეხვედრა მისთვის 129-ე მატჩი იქნება ეროვნული ნაკრების შემადგენლობაში. კაშია წლების განმავლობაში საქართველოს ნაკრების ერთ-ერთი მთავარი ლიდერი და სიმბოლო იყო, ხოლო მისი კაპიტნობით ეროვნულმა გუნდმა ისტორიაში პირველად ევროპის ჩემპიონატის საგზური მოიპოვა.ეროვნულ ნაკრებში კაშიას დებიუტი 2009 წელს შედგა. მას შემდეგ მან არაერთი მნიშვნელოვანი მატჩი ჩაატარა, გუნდის ლიდერად ჩამოყალიბდა და საკუთარი პროფესიონალიზმით, შრომისმოყვარეობითა და თავდადებით ქართველი გულშემატკივრების განსაკუთრებული სიყვარული დაიმსახურა.დღევანდელი შეხვედრა არა მხოლოდ საერთაშორისო ამხანაგური მატჩია, არამედ შესაძლებლობაა, ფეხბურთის გულშემატკივრებმა მადლობა გადაუხადონ კაპიტანს იმ წლებისთვის, რომლებმაც ქართული ფეხბურთის უახლესი ისტორიის ერთ-ერთი ყველაზე მნიშვნელოვანი ეპოქა შექმნა.მატჩი 21:00 საათზე დაიწყება. ვუგულშემატკივროთ საქართველოს ეროვნულ ნაკრებს და ერთად გავაცილოთ გუნდის კაპიტანი.საქართველოს ბანკი საქართველოს ეროვნული საფეხბურთო ნაკრების მთავარი სპონსორია.

1780405107

ბაქო-თბილისი-ყარსის ახალი სარკინიგზო ხაზი ოფიციალურად გაიხსნა. ღონისძიებას საქართველოს პრემიერ-მინისტრი ირაკლი კობახიძე,  ეკონომიკისა და მდგრადი განვითარების მინისტრი მარიამ ქვრივიშვილი, აზერბაიჯანის ციფრული განვითარებისა და ტრანსპორტის მინისტრი რაშად ნაბიევი, თურქეთის ტრანსპორტისა და ინფრასტრუქტურის მინისტრი აბდულქადირ ურალოღლუ, ასევე სამთავრობო და კერძო სექტორის წარმომადგენლები ესწრებოდნენ.ბაქო-თბილისი-ყარსის ახალი სარკინიგზო ხაზი  ისტორიული მნიშვნელობის ინფრასტრუქტურული პროექტია, რომელიც ქმნის დამატებით გამტარუნარიანობას რეგიონში, მნიშვნელოვნად უწყობს ხელს სატვირთო ნაკადების მარშრუტების დივერსიფიცირებას და აძლიერებს რეგიონის დაკავშირებადობას. სარკინიგზო ხაზი სრულიად ახალ ინფრასტრუქტურას მოიცავს:  რეაბილიტაცია-რეკონსტრუქცია ჩაუტარდა 153 კმ-ს და  აშენდა 27 კმ სიგრძის ახალი, ევროპული სტანდარტების სარკინიგზო ხაზი.აღსანიშნავია, რომ ბაქო-თბილისი-ყარსის რკინიგზა 2017 წლიდან სატესტო რეჟიმში ოპერირების მიუხედავად, ტვირთების მზარდ ტრენდს ინარჩუნებდა. არსებუილი პროგნოზით, მისი სრულად ამოქმედების შემდეგ  ტვირთების გადაზიდვა 1 მლნ ტონიდან 5 მლნ ტონამდე უნდა გაიზარდოს. საქართველოს რკინიგზა აღნიშნულ მონაკვეთზე ექსკლუზიური ოპერატორი იქნება.(R)

1780404981

ახალი რეგლამენტი გამომდინარეობს სახელმწიფო შესყიდვების შესახებ კანონში შესული ცვლილებებიდან, რომელიც პარლამენტმა დაჩქარებული წესით გასული კვირის ბოლოს დაამტკიცა. მთავრობის განმარტებით, რეფორმის მიზანი ინფრასტრუქტურული პროექტების კონტრაქტების დადების, მათი შემდგომი მართვისა და კონტრაქტორთა გაუთვალისწინებელი დანახარჯების დაფარვის პროცესის გაუმჯობესებაა. ახალი წესები ჩაანაცვლებს 2014 წლიდან მოქმედ რეგულაციას.დოკუმენტის მიხედვით, სამშენებლო, სამონტაჟო და სპეციალური სამუშაოებისთვის გეგმური მოგების ზღვრული მაჩვენებელი 8%-ით განისაზღვრა. აღნიშნული პროცენტი პირდაპირი და ზედნადები ხარჯების ჯამს დაერიცხება, თუმცა მასში მოწყობილობა-დანადგარების ღირებულება არ გაითვალისწინება.მთავრობამ ასევე დაადგინა ზედნადები ხარჯების ზღვრული ნორმები სხვადასხვა ტიპის სამუშაოებისთვის: სტანდარტული სამშენებლო სამუშაოები: პირდაპირი დანახარჯების 14.1% სახელმწიფო საიდუმლო მნიშვნელობის ობიექტები: 15.1% გვირაბები და მეტროპოლიტენი (გარკვეული კატეგორია): 27.1% სპეციალური სამშენებლო და სამონტაჟო სამუშაოების შემთხვევაში, ზედნადები ხარჯები ხელფასის ფონდზე დაირიცხება. კერძოდ, ელექტროსამონტაჟო სამუშაოებისთვის ზღვრული ნორმა 87%-ს შეადგენს, ხოლო აეროპორტების საჰაერო მოძრაობის მართვის სისტემების მონტაჟისთვის - 99%-ს.ამასთან, რეგლამენტით განისაზღვრა გაუთვალისწინებელი ხარჯების ბიუჯეტიც, რომელიც პროექტის სირთულის მიხედვით 3%-დან 10%-მდე მერყეობს: 10%-იანი ზღვარი: ჰიდროელექტროსადგურები, მეტროპოლიტენები, გვირაბები, დიდი ხიდები და სხვა ტექნიკურად რთული ობიექტები; 7%-იანი ზღვარი: მეტალურგიული, ქიმიური და ნავთობგადამმუშავებელი საწარმოები, ასევე რეკონსტრუქცია-რეაბილიტაციის პროექტები; 5%-იანი ზღვარი: საზოგადოებრივი შენობები და ინფრასტრუქტურული ობიექტების უმეტესობა; 3%-იანი ზღვარი: საცხოვრებელი სახლების მშენებლობა. დოკუმენტი დამატებით არეგულირებს დროებითი შენობა-ნაგებობების, საწყობისა და მომარაგების, ასევე ზამთრის პერიოდში მუშაობის დამატებითი ხარჯების ასახვის წესებს. ახალი ზღვრული ნორმები სავალდებულო იქნება სახელმწიფო უწყებებისთვის ელექტრონული ტენდერების საწყისი სავარაუდო ღირებულების განსაზღვრისას, ხოლო პრეტენდენტებსა და მიმწოდებლებს ხარჯთაღრიცხვების მომზადება სწორედ ამ რეგლამენტის მიხედვით მოუწევთ.

1780399182

მთავრობის მეთაურის შეფასებით, აღნიშნული სარკინიგზო ხაზი კიდევ უფრო აახლოებს ევროპასა და აზიას და აძლიერებს რეგიონის სტრატეგიულ როლს გლობალურ სავაჭრო და ლოგისტიკურ ქსელში. კობახიძემ ხაზგასმით აღნიშნა, რომ პროექტი საქართველოს, აზერბაიჯანისა და თურქეთის სტრატეგიული პარტნიორობისა და სამაგალითო თანამშრომლობის შედეგია.ბაქო-თბილისი-ყარსის ახალი სარკინიგზო ხაზის საქართველოს მონაკვეთი რეგიონში ერთ-ერთი უმსხვილესი ინფრასტრუქტურული პროექტია. მისი საერთო სიგრძე მარაბდიდან თურქეთის საზღვრამდე 180 კილომეტრს შეადგენს. პროექტის ფარგლებში, რეაბილიტაცია და რეკონსტრუქცია ჩაუტარდა 153 კმ არსებულ ლიანდაგს, ხოლო 27 კმ სიგრძის სარკინიგზო ხაზი სრულიად ახალი, თანამედროვე სტანდარტებით აშენდა.სარკინიგზო მარშრუტი 2017 წლიდან დღემდე სატესტო რეჟიმში ფუნქციონირებდა. ამ პერიოდის განმავლობაში, საპილოტე რეჟიმში გადაიზიდა 1.8 მილიონ ტონაზე მეტი ტვირთი, მათ შორის 90 ათასამდე კონტეინერი. პრემიერ-მინისტრის განცხადებით, სატვირთო გადაზიდვების მზარდი დინამიკა მკაფიოდ ადასტურებს ამ დერეფნის ეკონომიკურ მიზანშეწონილობას.„ეს პროექტი კიდევ უფრო დიდ მნიშვნელობას იძენს გლობალური გამოწვევებისა და კრიზისების ფონზე, როდესაც საერთაშორისო სავაჭრო მარშრუტების დივერსიფიკაცია და უსაფრთხო სატრანსპორტო ქსელები ეკონომიკური განვითარების უმთავრესი წინაპირობებია“, - განაცხადა ირაკლი კობახიძემ.ბაქო–თბილისი–ყარსის რკინიგზის პროექტი აზერბაიჯანის, საქართველოსა და თურქეთის პრეზიდენტებმა 2005 წელს დააანონსეს. პროექტის მიზანი იყო სამხრეთ კავკასიის გავლით ევროპისა და აზიის დამაკავშირებელი ახალი სატრანსპორტო დერეფნის შექმნა, რომელიც სომხეთის ტერიტორიას გვერდს აუვლიდა.რკინიგზის საერთო სიგრძე დაახლოებით 827 კილომეტრია, საიდანაც 213 კილომეტრი საქართველოს ტერიტორიაზე გადის. სატესტო და შეზღუდული სატვირთო ექსპლუატაცია ხაზზე 2017 წლიდან მიმდინარეობდა.პროექტის თავდაპირველი ღირებულება დაახლოებით 600 მილიონ დოლარად იყო შეფასებული, თუმცა მშენებლობის პროცესში ხარჯები მნიშვნელოვნად გაიზარდა. საერთაშორისო ფინანსურმა ინსტიტუტებმა, მათ შორის მსოფლიო ბანკმა და ევროპის რეკონსტრუქციისა და განვითარების ბანკმა, პროექტის დაფინანსებაზე უარი განაცხადეს, რის გამოც მისი ფინანსური ტვირთი ძირითადად აზერბაიჯანმა, საქართველომ და თურქეთმა აიღეს.ყველაზე მსხვილი ფინანსური წვლილი აზერბაიჯანმა შეიტანა. ბაქომ საქართველოს მონაკვეთის მშენებლობისა და მოდერნიზაციისთვის თავდაპირველად 200 მილიონი დოლარის შეღავათიანი კრედიტი გამოყო, მოგვიანებით კი დაფინანსება 775 მილიონ დოლარამდე გაზარდა. თანხები აზერბაიჯანის სახელმწიფო ნავთობის ფონდიდან (SOFAZ) გაიცა.საქართველოს ტერიტორიაზე განხორციელებული სამუშაოები მოიცავდა მარაბდა–ახალქალაქის არსებული ხაზის რეაბილიტაციას, ახალქალაქი–კარწახის ახალი მონაკვეთის მშენებლობას და ახალქალაქში სპეციალური სადგურის მოწყობას, სადაც საბჭოთა და ევროპული ლიანდაგების განსხვავებული სტანდარტების გამო მატარებლების გადაყვანა ხდება.თურქეთმა საკუთარი ხარჯებით ააშენა ყარსი–კარწახის 76-კილომეტრიანი მონაკვეთი, ხოლო აზერბაიჯანმა დააფინანსა საკუთარი ინფრასტრუქტურის განვითარება და საქართველოს მონაკვეთის ძირითადი ნაწილი.2023–2024 წლებში საქართველოს მონაკვეთზე დამატებითი მოდერნიზაცია ჩატარდა, რის შედეგადაც რკინიგზის წლიური გამტარუნარიანობა 1 მილიონი ტონიდან 5 მილიონ ტონამდე გაიზარდა. გრძელვადიან პერსპექტივაში დერეფნის საპროექტო ტევადობა 17 მილიონ ტონამდეა განსაზღვრული.BTK დღეს შუა დერეფნის (Middle Corridor) ერთ-ერთ მთავარ კომპონენტად განიხილება, რომელიც ჩინეთიდან და ცენტრალური აზიიდან ევროპისკენ მიმავალ ტვირთებს რუსეთის ტერიტორიის გვერდის ავლით გადაადგილების შესაძლებლობას აძლევს.

1780397333

სამთავრობო პროგრამის შესრულებაზე ანგარიშის მიხედვით, მიმდინარე წლის პირველ ოთხ თვეში მკვეთრი ზრდა დაფიქსირდა ევროკავშირის მიმართულებით, სადაც ექსპორტის ღირებულებამ $84 მლნ-ს მიაღწია, რაც 2025 წლის ანალოგიურ პერიოდთან შედარებით 37%-ით მეტია.მზარდი დინამიკა წინა წლის რეკორდული მაჩვენებლების გაგრძელებაა. 2025 წელს საქართველოდან მსოფლიოს 110 ქვეყანაში სულ $1.8 მლრდ-ს ღირებულების აგროსასურსათო პროდუქცია იქნა ექსპორტირებული, რაც 2024 წლის მონაცემებს 10%-ით აღემატება. მათ შორის, ევროკავშირის ბაზარზე ექსპორტი წლიურად 36%-ით გაიზარდა და $245 მლნ შეადგინა.საქართველოს აგროსასურსათო ექსპორტის სტრუქტურაში წამყვან პოზიციებს კვლავ ყურძნის ნატურალური ღვინოები და სპირტიანი სასმელები იკავებს. 2025 წელს ამ მიმართულებით სულ 550 მილიონი აშშ დოლარის პროდუქცია გავიდა: მსოფლიოს 71 ქვეყანაში $268 მლნ-ს ღირებულების 90 მილიონამდე ლიტრი ღვინო, ხოლო 55 ქვეყანაში - $282 მლნ-მდე ღირებულების 41 მილიონი ლიტრი სპირტიანი სასმელი.ზრდის ტენდენცია ნარჩუნდება 1Q26-შიც, სადაც მსოფლიოს 51 ქვეყანაში რეალიზებულია $53.2 მლნ-ს ღირებულების 17.3 მილიონი ლიტრი ქართული ღვინო. გასული წლის პირველ კვარტალთან შედარებით, ექსპორტირებული ღვინის რაოდენობა 5%-ით, ხოლო ღირებულება 7%-ით არის გაზრდილი.

1780394100

ამის შესახებ თბილისის პროკურორმა გიორგი მიქაიამ სამშაბათს გამართულ სპეციალურ ბრიფინგზე განაცხადა.გამოძიებით დადგინდა, რომ აშშ-ში საემიგრაციო პოლიტიკის გამკაცრებისა და საზღვრის გადაკვეთის გაძნელების ფონზე, საქართველოს ოთხმა მოქალაქემ ორგანიზებული ჯგუფი ჩამოაყალიბა. ისინი ამერიკაში თავშესაფრის მსურველ საქართველოს მოქალაქეებს ე.წ. „ქეისების“ შექმნას, მტკიცებულებების შეგროვებასა და სასამართლოში მხარდაჭერას ჰპირდებოდნენ. დანაშაულებრივი ჯგუფის წევრები თავშესაფრის მაძიებელთათვის არარსებულ ისტორიებს იგონებდნენ, თითქოს მათ საქართველოში პოლიტიკური შეხედულებებისა თუ სექსუალური ორიენტაციის გამო დევნიდნენ.ამ ყალბი ისტორიების დამზადებისა და „გამყარებისთვის“ ჯგუფი მოქალაქეებისგან სოლიდურ თანხებს იღებდა, კერძოდ: ყალბი „ქეისის“ შედგენა - 1 000-დან 1 500 აშშ დოლარამდე ყალბი ოფიციალური დოკუმენტების დამზადება - 3 000 აშშ დოლარი საქმის წარმოება და წარმატებით დასრულება - დამატებით 6 000-დან 8 000 აშშ დოლარამდე თითოეული პირისგან გარდა ამისა, ჯგუფის წევრები აშშ-ის საემიგრაციო პატიმრობაში მყოფ ქართველებსაც ჰპირდებოდნენ დახმარებას, რა გზითაც 4 მოქალაქის კუთვნილ 10 000 აშშ დოლარს დაეუფლნენ, თუმცა პირობა არ შეასრულეს. დაჯგუფება მოქალაქეებს კანადის ვიზების ყალბი დოკუმენტებით უზრუნველყოფასაც სთავაზობდა.ერთობლივი გამოძიების ფარგლებში გამოვლინდა მეორე ორგანიზებული ჯგუფიც, რომელიც სოციალური ქსელებით აშშ-ის ვიზის მიღების მსურველებს ეძებდა. მათ 65 მოქალაქეს საელჩოში წარსადგენად ყალბი დოკუმენტები დაუმზადეს, რის სანაცვლოდაც ვიზის მიღების შემდეგ ხელზე 112 000 აშშ დოლარი აიღეს.მას შემდეგ, რაც აშშ-ის საელჩომ დოკუმენტების ნაწილი გადაამოწმა და სიყალბე აღმოაჩინა, ყველა იმ მოქალაქეს, ვისაც დანაშაულებრივი ჯგუფი ეხმარებოდა, ვიზა გაუუქმდა. მიუხედავად ამისა, 2025 წლის იანვრიდან 2026 წლის თებერვლის ჩათვლით, ამ ჯგუფმა მოქალაქეებისგან ფინანსური სარგებლის სახით მაინც მოასწრო 142 786 აშშ დოლარის, 15 095 ლარისა და 1 560 ევროს მიღება.ბრალდებულებს ბრალი ედებათ თაღლითობაში (დიდი ოდენობით, ჯგუფურად), ყალბი დოკუმენტების დამზადება-გასაღებასა და უცხო ქვეყანაში მცდარი ინფორმაციით თავშესაფრის მიღების ორგანიზებაში. აღნიშნული მუხლები სასჯელის სახედ და ზომად 9 წლამდე ვადით თავისუფლების აღკვეთას ითვალისწინებს. პროკურატურა ცხრავე ბრალდებულის მიმართ პატიმრობის შეფარდების შუამდგომლობით სასამართლოს უახლოეს ხანში მიმართავს. გამოძიება გრძელდება სხვა ეპიზოდებში მონაწილე პირთა გამოვლენის მიზნით.

1780390104

სტატისტიკის მიხედვით, 2025 წელს მოლდოვამ საქართველოში 9.55 მილიონი ლიტრი ღვინის ექსპორტი განახორციელა, რითაც მოცულობის თვალსაზრისით მხოლოდ ბელარუსსა და რუმინეთს ჩამორჩება. თუმცა, საქართველო რეიტინგის პირველ ოცეულში გამოირჩევა ლიტრზე ყველაზე დაბალი ფასით - $0.57-ით 1 ლიტრზე, რაც მოლდოვის მსოფლიო საექსპორტო საშუალო ფასზე ($1.51) თითქმის სამჯერ ნაკლებია.საქართველოში ექსპორტირებული 9.55 მილიონი ლიტრი ღვინის საერთო ღირებულებამ $5.49 მლნ შეადგინა. ღირებულების მიხედვით, საქართველო რეიტინგში მე-6 ადგილზეა, თუმცა ლიტრზე $0.57-იანი ნიშნულით რეიტინგში ყველაზე იაფ ბაზარს წარმოადგენს.შედარებისთვის, რუმინეთი მოლდოვისთვის ყველაზე შემოსავლიანი პარტნიორია – 15.64 მილიონ ლიტრ მოლდოვურ ღვინოში $43.4 მლნ გადაიხადა და 1 ლიტრის საშუალო ფასი $2.78-ს შეადგენს. მოცულობით პირველ ადგილზე მყოფ ბელარუსზე კი მოლდოვის მთლიანი საექსპორტო რაოდენობის თითქმის მესამედი - 31.97 მილიონი ლიტრი მოდის, თუმცა იქ ლიტრის ფასი დაბალია და $0.78-ს შეადგენს (ჯამური ღირებულება $25.05 მლნ).მოცულობითა და ღირებულებით სხვა მოწინავე პოზიციებზე არიან პოლონეთი (3.99 მლნ ლიტრი, $1.91/1ლ) და ჩეხეთი (4.49 მლნ ლიტრი, $1.67/1ლ). კვლევის მიხედვით, მოლდოვურ ღვინოში ლიტრზე ყველაზე მაღალ ფასს იაპონია ($3.17), ჩინეთი ($2.98), ნიგერია ($2.8) და რუმინეთი ($2.78) იხდიან.საერთო ჯამში, 2025 წელს მოლდოვამ მსოფლიო ბაზარზე $148.73 მლნ-ის ღირებულების 98.38 მილიონი ლიტრი ღვინის ექსპორტი განახორციელა, რაც გლობალურად ლიტრზე საშუალოდ $1.51-ს უდრის. მონაცემები აჩვენებს, რომ საქართველო მოლდოვისთვის მნიშვნელოვანი რაოდენობრივი ბაზარია, თუმცა დაბალფასიან სეგმენტს მიეკუთვნება.

1780388878

ჩვენი ქსელის ინჟინრები დაუღალავად მუშაობდნენ და ბოლო ორ თვეში, ქსელს 25 საბაზო სადგური შემატეს: 11 დიდი (მაკრო) სადგური განთავსდა: გურიაში, აჭარაში, იმერეთში, რაჭაში, შიდა ქართლსა და თბილისში. ეს სადგურები ზრდის დაფარვის ზონას და განსაკუთრებით შესამჩნევია გზაში, მგზავრობისას - ზარები უკეთ ხორციელდება და ინტერნეტიც უფრო სტაბილურია. 14 მცირე (მიკრო) სადგური დავამატეთ თბილისის იმ დატვირთულ უბნებში, სადაც მანამდე კავშირი წყდებოდა: გლდანში, ვარკეთილში, თემქაზე, ლოტკინზე, ნუცუბიძესა და ბელიაშვილზე. ისინი ქსელს დატვირთულ საათებში აძლიერებენ, როცა ბევრი ადამიანი ერთდროულად სარგებლობს ინტერნეტით. სიახლე გვაქვს თბილისშიც. იმ უბნებში, სადაც ასიათასობით ადამიანი ცხოვრობს და მუშაობს, არსებული სადგურები განვაახლეთ: გლდანში, საბურთალოზე, დიდ დიღომში, თემქაზე, დიღმის მასივში, ორთაჭალაში, ორხევში, ვაზისუბანში, ლისზე, სოფელ დიღომში, ვარკეთილში, კრწანისში, ლილოში, აეროპორტის დასახლებაში, დიდუბესა და სანზონაში. პრაქტიკაში ეს ნიშნავს: ონლაინ კონტენტი და ვიდეოები სწრაფად იტვირთება ვიდეოზარები არ წყდება ფაილების ატვირთვა-გადმოწერა გაცილებით სწრაფია ქსელი უძლებს დიდ დატვირთვას ხალხმრავალ ადგილებშიც კი. ქსელის განახლების შედეგები ისახება მომხმარებლის შეფასებებზეც - 2026 წლის პირველ კვარტალში მომხმარებლის კმაყოფილება 12 თვის მანძილზე 72%-ით გაიზარდა.(R)

1780387384