ადგილობრივი ექსპორტის წილმა მთლიან ექსპორტში 60%–ს გადააჭარბა

2026 წლის ივლისთან შედარებით ფასები 4.6%-ით გაიზარდა სამთო-მოპოვებითი მრეწველობისა და კარიერების დამუშავების ჯგუფზე, რამაც 0.34 პ.პ.-ით იქონია ზეგავლენა ჯამური ინდექსის ცვლილებაზე. ამავე პერიოდში ფასები შემცირდა დამამუშავებელი მრეწველობის პროდუქციის ჯგუფზე (-0.2%), რამაც -0.15 პ.პ. შეიტანა მთლიანი ინდექსის ცვლილებაში. გარდა ამისა, ფასების 6.8%-იანი ზრდა დაფიქსირდა ელექტროენერგიის, აირის, ორთქლის და კონდიცირებული ჰაერის ჯგუფზე, რომლის წვლილმაც თვის ჯამური ინდექსის ცვლილებაში 0.67 პ.პ.- შეადგინა.საქსტატის მონაცემებით, 12–თვიან პერიოდში ინდექსის ფორმირებაზე ძირითადი გავლენა იქონია ფასების ცვლილებამ შემდეგ პროდუქტებზე: სამთო-მოპოვებითი მრეწველობა და კარიერების დამუშავება: ფასები გაზრდილია 20.1%-ით, რაც მთლიანი ინდექსის ცვლილებაზე 1.34 პ.პ.-ით აისახა. ჯგუფში აღსანიშნავია ფასების მატება ლითონის მადნებზე (22.9%); დამამუშავებელი მრეწველობის პროდუქცია: ფასები გაიზარდა 5.1%-ით, რამაც მთლიანი ინდექსის ზრდაზე 4.02 პ.პ.-ით მოახდინა გავლენა. ფასები გაიზარდა კვების პროდუქტებზე (5.7%) და ძირითად ლითონებზე (10.1%); ელექტროენერგია, აირი, ორთქლი და კონდიცირებული ჰაერი: ფასები გაიზარდა 2.6%-ით, რამაც მთლიანი ინდექსის წლიურ ცვლილებაზე 0.28 პ.პ.-ით იქონია გავლენა; წყალმომარაგება, კანალიზაცია, მომსახურება ნარჩენების მართვით და რეკულტივირებით: ფასები გაიზარდა 6.3%-ით, რამაც მთლიან ინდექსზე 0.2 პ.პ.-ით იქონია გავლენა.

1789978764

2026 წლის იანვარ-აგვისტოში ათი უმსხვილესი საექსპორტო პარტნიორი ქვეყნის წილმა საქართველოს მთლიან ექსპორტში 68.8% შეადგინა. უმსხვილესი საექსპორტო სამეული შემდეგნაირად ჩამოყალიბდა: ყირგიზეთი - $577.6 მლნ ჩინეთი - $543.7 მლნ რუსეთი - $500.7 მლნ საქსტატის მონაცემებით, 2026 წლის იანვარ-აგვისტოში ათი უმსხვილესი საიმპორტო პარტნიორი ქვეყნის წილმა საქართველოს მთლიან იმპორტში 70.2% შეადგინა. პირველ სამეულში შედის: თურქეთი - $1.9 მლრდ რუსეთი - $1.5 მლრდ აშშ - $1.5 მლრდ 2026 წლის იანვარ-აგვისტოში ათი უმსხვილესი სავაჭრო პარტნიორი ქვეყნის წილმა საქართველოს მთლიან საგარეო სავაჭრო ბრუნვაში 65.7% შეადგინა. ქვეყნის უმსხვილესი სავაჭრო პარტნიორები არიან: თურქეთი - $2.24 მლრდ ჩინეთი - $2 მლრდ რუსეთი - $2 მლრდ საქსტატის მონაცემებით, 2026 წლის იანვარ-აგვისტოში სასაქონლო ჯგუფებიდან საექსპორტო ათეულში პირველი ადგილი მსუბუქმა ავტომობილებმა დაიკავა $1.34 მლრდ-ით, რაც მთელი ექსპორტის 24.9%-ს შეადგენს. მეორე ადგილს იკავებს ნავთობი და ნავთობპროდუქტები $688.9 მლნ-ით (მთლიანი ექსპორტის 12.7%), ხოლო მესამე ადგილზეა ძვირფასი ლითონების მადნები და კონცენტრატები $403.1 მლნ-ით (7.4%).უმსხვილესი საიმპორტო სასაქონლო ჯგუფი 2026 წლის იანვარ-აგვისტოში წარმოდგენილი იყო მსუბუქი ავტომობილების სახით, რომლის იმპორტმა $2.36 მლრდ და მთელი იმპორტის 18.9% შეადგინა. მეორე ადგილს იკავებს ნავთობი და ნავთობპროდუქტები $1.16 მლრდ-ით (იმპორტის 9.3%), ხოლო მესამე ადგილზეა სამკურნალო საშუალებები $468.4 მლნ-ით (იმპორტის 3.7%).

1789978179

ნახშირბადის ბოჭკო საკვანძო მასალაა დრონის კორპუსისა და შიდა კონსტრუქციების სიმტკიცისა და სიმსუბუქის უზრუნველსაყოფად.ექსპერტების შეფასებით, კარბონის წარმოების ეს ზრდა რუსეთს საშუალებას მისცემს, წელიწადში დამატებით 28 000 ერთეული „გერანის“ ტიპის (რომელიც ირანულ „შაჰედს“ ეფუძნება) საბრძოლო დრონი აწარმოოს. ეს არსებული წარმოების 78%-იან ზრდას ნიშნავს, ამჟამად უკრაინის ოფიციალური შეფასებით, რუსეთს წელიწადში 36 000-ზე მეტი კამიკაძე დრონის გამოშვება შეუძლია.ბიზნეს-გეგმები, საპროექტო ნახაზები და ტექნიკური დოკუმენტაცია თავდაპირველად უკრაინის უსაფრთხოებისა და თანამშრომლობის ცენტრმა (USCC) მოიპოვა. დოკუმენტების ავთენტურობა დაადასტურეს როგორც უკრაინის მთავრობამ, ისე აშშ-ის წარმომადგენელთა პალატის სპეციალურმა კომიტეტმა.თანამგზავრული ფოტოების ანალიზი აჩვენებს, რომ „ალაბუგა-ვოლოკნოს“ არსებული ქარხნის მიმდებარედ გამოყოფილი ტერიტორია სამშენებლოდ უკვე გაწმენდილია და ახალი საწარმოს საძირკვლის მომზადება მიმდინარეობს. ვაშინგტონში ბაზირებული „მეცნიერებისა და საერთაშორისო უსაფრთხოების ინსტიტუტის“ (ISIS) დამფუძნებლის, დევიდ ოლბრაითის განცხადებით, პროექტის 2027-2029 წლებში დასასრულებლად რუსეთს სწრაფი ტემპით მშენებლობა სჭირდება.გარდა ამისა, დოკუმენტები აჩვენებს, რომ „როსატომი“ გეგმავს ააგოს თანამედროვე PAN-ქარხანა (პოლიაკრილონიტრილი - კარბონის დასამზადებელი ქიმიური პრეკურსორი), რათა შეამციროს ჩინეთიდან იმპორტზე დამოკიდებულება და წარმოება სრულად გადაიტანოს ქვეყნის შიგნით.ქარხანა „ალაბუგა-ვოლოკნო“ და მისი მშობელი კომპანია UMATEX სანქცირებულია დიდი ბრიტანეთის, აშშ-ისა და დასავლეთის სხვა ქვეყნების მიერ. მიუხედავად ამისა, ირკვევა, რომ მიმდინარე წლის დასაწყისში საწარმომ ჩინური სახელმწიფო კორპორაციიდან შენიღბული გზით მიიღო 46 ტონა ნახშირბადის ბოჭკოს ქიმიკატები. ვაშინგტონში ჩინეთის საელჩომ განაცხადა, რომ არ ფლობს ინფორმაციას გაფართოების გეგმებზე და ორმაგი დანიშნულების პროდუქციის ექსპორტს მკაცრად აკონტროლებს.სამხედრო ანალიტიკოსები აღნიშნავენ, რომ კამიკაძე დრონები მოსკოვს საშუალებას აძლევს განახორციელოს მასირებული იერიშები უკრაინის ღრმა ზურგში მდებარე ობიექტებზე და გადატვირთოს საჰაერო თავდაცვის სისტემები.თუმცა, USCC-ის ხელმძღვანელის, სერჰი კუზანისა და ვაშინგტონის CSIS-ის ექსპერტების შეფასებით, ალაბუგას სპეციალურ ეკონომიკურ ზონაში დრონების წარმოების გაფართოება ცდება მხოლოდ უკრაინის ფრონტის მასშტაბებს. ეს არის გრძელვადიანი გამოწვევა მთელი ევროპისთვის. რუსეთი უკვე იყენებს რეაქტიული ძრავის მქონე გაუმჯობესებულ დრონებს და ამოწმებს ნატოს აღმოსავლეთ ფლანგის (მათ შორის პოლონეთისა და რუმინეთის) რეაგირებას, რაც მიუთითებს იმაზე, რომ კრემლი ევროპასთან გრძელვადიანი დაპირისპირებისთვის ემზადება.

1789976611

თბილისი (GBC) - ქომაგობა სტადიონის კარებთან არც იწყება და არც მთავრდება. ის 90-წუთიან სანახაობაზე მეტია - საერთო ემოცია და იდენტობა, რომელიც ფეხბურთელებსა და გულშემატკივრებს ერთ გუნდად აერთიანებს. სწორედ ეს მუხტია, რაც თამაშის დროს ქალაქის რიტმს ცვლის.„ოდესმე ყოფილხართ ცარიელ სტადიონზე? დადექით ცარიელი სტადიონის შუაგულში და მოუსმინეთ - არაფერია ცარიელ სტადიონზე უფრო ცარიელი. არაფერია მაყურებლის გარეშე დარჩენილ ტრიბუნებზე უფრო ჩუმი“, - ურუგვაელი პუბლიცისტის, ედუარდო გალეანოს ეს სიტყვები კიდევ ერთხელ გვარწმუნებს გულშემატკივრობის ძალაში.ახლა, როცა ერთა ლიგის პირველი ოფიციალური მატჩი ახლოვდება, გულდასაწყვეტია, რომ ეროვნული ნაკრები პირველ შეხვედრას ჩრდილოეთ ირლანდიასთან ცარიელი ტრიბუნების წინაშე გამართავს. თუმცა, როცა ჩვენი ფეხბურთელები მოედანზე შენი ქვეყნის სახელით გადიან, გუნდის მარტო დატოვება უბრალოდ წარმოუდგენელია. ეს სიჩუმე დიდ ხმაურად უნდა იქცეს, ჩვენი მხარდაჭერა კი - მოედანზე გადავიდეს.ქართველ გულშემატკივარს არაერთხელ გვიმღერია ჩვენი ფეხბურთელებისთვის - „შენთანა ვარ, ნურაფრის გეშინიაო“. ახლაც იგივე გამეორდება. 25 სექტემბერს, 17:00 საათიდან, „დინამო არენასთან“, ქუჩაში მოწყობილტრიბუნაზე ქართველი ქომაგებმა  ჩვენს ფეხბურთელებს  გაამხნევებენ, რათა საკუთარი ენერგია მოედანზე გაატანონ.ეს ყველაფერი იმისთვის, რომ მოკლე თუ შორეული გადაცემების, გატანილი გოლის დროს თუ ტაიმებს შორის შესვენებისას, ფეხბურთელებმა იგრძნონ, რომ მარტო არასოდეს არიან. რომ ახსოვდეთ: ჩვენ ყოველთვის მათთან ვართ.მართალია, ამ ფორმატით მხოლოდ ერთი მატჩი ჩატარდება - წინ კიდევ 5 თამაშია, მაგრამ ამას დიდი მნიშვნელობა არ აქვს. ჩვენთვის თითოეული შეხვედრა მნიშვნელოვანია და ყველა ბრძოლაში ერთიანობაა საჭირო.ჰოდა, კიდევ ერთხელ გახსენებთ: 25 სექტემბერს, 17:00 საათიდან, საქართველოს ქომაგები იკრიბებიან „დინამო არენასთან“ სპეციალურად მოწყობილ ტრიბუნებზე, რომ დახვდნენ ნაკრების ავტობუსს და უგულშემატკივრონ საქართველოს.ქომაგობა არ ჩერდება!(R)

1789976013

პრაქტიკულად აღარ არსებობს არც დროის გამოყოფის და არც სხვა ტიპის ბარიერი -დღესვე შეგიძლიათ, პატარა ნაბიჯებით დაიწყოთ თქვენი შვილების დიდი სურვილებისა და მიზნების მხარდაჭერისთვის მზადება.ანაბრის გახსნა შესაძლებელია 0 ლარით, მინიმალური შენატანისა და ყოველთვიური საკომისიოს გარეშე - ლარში, დოლარში, ევროში და ფუნტში. თანხის შეტანის პერიოდულობა და ოდენობა კი სრულად თქვენს სურვილზეა დამოკიდებული.დაგროვების პროცესის კიდევ უფრო გასამარტივებლად, შესაძლებელია ავტომატური გადარიცხვის დაყენებაც - ყოველკვირეულად ან ყოველთვიურად, თქვენთვის სასურველი თანხით.საბავშვო ანაბარი იხსნება მშობლის ან ოფიციალური მეურვის მიერ, მინიმუმ 2 წლის ვადით ბავშვის სრულწლოვანებამდე.როგორ გახსნათ საბავშვო ანაბარი მობაილბანკიდან? თუ არასრულწლოვანი შვილი უკვე რეგისტრირებული გყავთ თქვენს მობაილბანკში, შედით საბავშვო სივრცეში და გახსენით ანაბარი რამდენიმე წამში. თუ თქვენი შვილის სივრცე მობაილბანკში ჯერ არ არის რეგისტრირებული, პირველ ეტაპზე დაამატეთ მისი მონაცემები მობაილბანკში, შემდეგ კი საბავშვო სივრციდან გახსენით ანაბარი. დაიჯერეთ, რომ დიდი მიზნების მიღწევა ყოველდღიურად გადადგმული პატარა ნაბიჯებით  უფრო რეალური ხდება. სანამ თქვენი და თქვენი შვილების სურვილები და მიზნები მიუღწეველ ან რთულად გასამკლავებელ დიდ ხარჯებად იქცევა, დაიწყეთ მათი ასრულებისთვის ზრუნვა დღესვე - გახსენით საბავშვო ანაბარი პირდაპირ თიბისი მობაილბანკიდან და იყავით მზად მომავლისთვის. (R)

1789975164

თბილისი (GBC) – ციფრული გადახდების გლობალურმა ლიდერმა, Visa-მ (NYSE: V), A2A Protect-ის გაუმჯობესებული ვერსია წარადგინა. მისი მეშვეობით ბანკებს ანგარიშებს შორის თაღლითობის აღკვეთა მომხმარებლის ანგარიშიდან თანხის მოხსნამდე შეუძლიათ. სიახლეებს შორისაა თაღლითობის ერთიანი ქულა, Visa-ს მიერ Featurespace ტექნოლოგიის ბაზარზე გამოყენების პირველი შემთხვევა, რომელიც ფინანსურ ინსტიტუტებს თაღლითობისა და ცრუ განგაშის შემთხვევების შესამცირებლად უფრო სწრაფ და მკაფიო სიგნალებს აწვდის.ანგარიშებს შორის (A2A) გადახდების პოპულარობა მთელ მსოფლიოში იზრდება. პროგნოზის მიხედვით, 2028 წლისთვის 5.8 ტრილიონს გადააჭარბებს, რაც 2024 წლის მონაცემზე 160%-ით მეტია.[1] A2A Protect იყენებს მოწინავე ხელოვნურ ინტელექტსა და ტრანსფერულ სწავლებას, რის საფუძველზეც ბანკები გლობალური A2A ტრანზაქციების შესახებ კრიტიკულად მნიშვნელოვან ინფორმაციას დაუყოვნებლივ იღებენ ისე, რომ თვეების განმავლობაში საკუთარი მონაცემების დამუშავება ან სხვა ბანკების ლოდინი არ სჭირდებათ. ეკოსისტემაში ჩართულ ბანკებს სამომავლო საფრთხეების უკეთ აღმოსაჩენად ქსელური დონის სიგნალების ინტეგრირებაც შეუძლიათ.„თაღლითები ნებისმიერი ტიპის გადახდებზე ნადირობენ, ამიტომ ფინანსური დაწესებულებებისთვის აუცილებელია რისკის შესახებ გაფრთხილება მაქსიმალურად სწრაფად მიიღონ ისე, რომ ლეგიტიმური გადახდები არ შეფერხდეს“, - ამბობს უოლტერ ლირონი, Visa-ს ვიცე-პრეზიდენტი, Value-Added Services-ის ხელმძღვანელი CEMEA-ს რეგიონში. – „ბანკებისთვის თაღლითობის მეტი მცდელობის უფრო სწრაფად აღმოსაჩენად უსაფრთხოების დამატებითი რგოლის შესაქმნელად A2A Protect აერთიანებს Visa-ს ცოდნასა და Featurespace-ის ტექნოლოგიას“.ინფორმაციის გაცვლის ქსელში ჩართულ ფინანსურ დაწესებულებებს A2A Protect ინფორმაციას აწვდის თაღლითობის ახალი კერებისა და კოორდინირებული თაღლითობის შესახებ. ცალკეული ბანკებისთვის ამის შემჩნევა ძნელია, ერთიან ეკოსისტემაში კი საფრთხეების აღმოჩენა მარტივდება. ამგვარად, ფინანსური დაწესებულებები რისკებს უფრო ადრე და ნათლად დაინახავენ, რაც მათ თაღლითობის მცდელობების ავტორიზაციამდე დაფიქსირებაში დაეხმარებათ.ბანკების უკვე არსებულ სისტემებში A2A Protect-ის ინტეგრირება სულ ერთი API-ს მეშვეობით ხდება, რაც დანერგვის დროსა და სირთულეს ამცირებს. თითოეული გაფრთხილება მოიცავს სასაუბრო ენაზე ახსნილ ინფორმაციას განგაშის მიზეზის შესახებ. შესაბამისად, თაღლითობის წინააღმდეგ ბრძოლა სწრაფად, ლეგიტიმური მომხმარებლების შეფერხების გარეშე მიმდინარეობს.Visa-ს მხრიდან თაღლითობის წინააღმდეგ ბრძოლის შესახებ მეტი ინფორმაციისთვის იხილეთ Visa.com/security.Visa-ს შესახებVisa (NYSE: V) მსოფლიო ლიდერი ციფრული გადახდების სფეროში. Visa 200-ზე მეტ ქვეყანაში ამუშავებს ტრანზაქციებს, კერძოდ მომხმარებლებს, ბიზნესს, ფინანსურ ინსტიტუტებსა და სამთავრობო ორგანიზაციებს შორის. ჩვენი მისიაა, დავაკავშიროთ მსოფლიო ინოვაციური,მოსახერხებელი, საიმედო და უსაფრთხო გადახდების ქსელის მეშვეობით, რომელიც ინდივიდუალური პირების, ბიზნესისა და ეკონომიკის კეთილდღეობას უწყობს ხელს. ჩვენ გვჯერა, რომ ეკონომიკაში ხელმისაწვდომობის გაფართოება ყველასთვის, ქმნის საფუძველს მთელს მსოფლიოში ადამიანთა კეთილდღეობისთვის და მომავალში ფულის გლობალური მოძრაობის საწინდარია. გაიგეთ მეტი ვებგვერდზე visa.com.ge.

1789974551

მებაჟე ოფიცრებს პროფესიული დღე მიულოცეს ფინანსთა მინისტრმა, ლაშა ხუციშვილმა, ასევე შემოსავლების სამსახურის ხელმძღვანელმა, მამუკა ბარათაშვილმა, ამავე უწყების უფროსის პირველმა მოადგილემ, მიხეილ ჩოკოშვილმა და საბაჟო დეპარტამენტის უფროსმა, კიაზო ახალაიამ.საბაჟო დეპარტამენტის თანამშრომელთა პროფესიულ დღესთან დაკავშირებით, ფინანსთა სამინისტროს შემოსავლების სამსახურის მიერ დაწესებული სპეციალური/საპატიო სამკერდე ნიშნები, განსაკუთრებული დამსახურებისთვის პირველად უწყების ისტორიაში გადაეცათ საბაჟო დეპარტამენტის იმ თანამშრომლებს, რომლებმაც წლების განმავლობაში, სამსახურებრივი მოვალეობის შესრულებისას მაღალი პროფესიონალიზმი გამოავლინეს. აღნიშნული ჯილდოს დაწესება არის ახალი ტრადიციის დასაწყისი და ღირსეული სამსახურის დაფასების მიზნით, მებაჟე-ოფიცრების დაჯილდოება მომავალშიც გაგრძელდება.შემოსავლების სამსახურის ხელმძღვანელმა, მამუკა ბარათაშვილმა საბაჟო დეპარტამენტის თანამშრომლებს პროფესიული დღე მიულოცა და აღნიშნა, რომ კანონმდებლობის აღსრულებისა და ეკონომიკურად განვითარებული, ძლიერი სახელმწიფოს მშენებლობაში მათ უმნიშვნელოვანესი მისია აკისრიათ.,,ძვირფასო მებაჟე ოფიცრებო, ნება მიბოძეთ, მოგილოცოთ და უდიდესი მადლობა გადაგიხადოთ სამსახურებრივი მოვალეობის ღირსეულად შესრულებისთვის. მოგეხსენებათ, საბაჟო დეპარტამენტი აქტიურად თანამშრომლობს კოლეგა უწყებებთან, რისთვისაც ვსარგებლობ შესაძლებლობით და მადლობას ვუხდი მათ პარტნიორობისთვის. დღევანდელ დღეს განსაკუთრებულად მივულოცავ მათ, ვინც ამ წუთებშიც ასრულებს სამსახურებრივ მოვალეობას საქართველოს სხვადასხვა საზღვარზე არსებულ საბაჟო კონტროლის ზონებში და იმ თანამშრომლებს, რომლებიც პროფესიული საქმიანობის წარმატებით შესრულებისთვის დაჯილდოვდებიან. გისურვებთ ჯანმრთელობას, წინსვლას თქვენ პროფესიულ საქმიანობაში და კვლავაც გპირდებით უპირობო მხარდაჭერას", - განაცხადა მამუკა ბარათაშვილმა.ფინანსთა სამინისტროს შემოსავლების სამსახურის საბაჟო დეპარტამენტის თანამშრომელთა პროფესიული დღის თარიღი დაკავშირებულია მნიშვნელოვან მოვლენასთან, კერძოდ ეროვნული საბჭოს მიერ, 1918 წლის 30 აგვისტოს მიღებული იქნა კანონი - „საბაჟო დაწესებულებათა მოწყობის შესახებ", რომელიც ძალაში შევიდა იმავე წლის 20 სექტემბერს და შესაბამისად, ფუნქციონირება დაიწყო დამოუკიდებელი საქართველოს საბაჟო ორგანომ. 2022 წელს, ფინანსთა მინისტრის ბრძანებით პროფესიული დღე დაწესდა ეროვნულ დონეზეც და 2026 წლის 20 სექტემბერს, უკვე მეოთხედ აღინიშნება ეს თარიღი. ამ დღის დაწესება მიზნად ისახავს მებაჟის პროფესიის მხარდაჭერასა და დაფასებას.პროფესიულ დღესთან დაკავშირებულ ღონისძიებას ესწრებოდნენ შემოსავლების სამსახურის სტრუქტურული ერთეულების ხელმძღვანელი პირები, ასევე საბაჟო დეპარტამენტის თანამშრომლები და პარტნიორი უწყების წარმომადგენლები.(R) 

1789964880

მან, ასევე, წარმატებები უსურვა შემოსავლების სამსახურისა და საბაჟო დეპარტამენტის ახალ ხელმძღვანელებს მომავალ საქმიანობაში და აღნიშნა, რომ მათი გამოცდილება მნიშვნელოვან წვლილს შეიტანს სამსახურის განვითარებაში.ლაშა ხუციშვილმა, კიდევ ერთხელ, გაუსვა ხაზი თანამედროვე საბაჟოს როლს ქვეყნის ეკონომიკური ინტერესების დაცვის საქმეში.„თანამედროვე საბაჟო გაცილებით მეტია, ვიდრე მხოლოდ საბაჟო-სასაზღვრო კონტროლი. ეს მოიცავს ქვეყნის ეკონომიკური უსაფრთხოების დაცვას, კონკურენტუნარიანობის შენარჩუნებას, ასევე, კანონშესაბამისი საქმიანობის წახალისებას, როგორც საერთაშორისო ვაჭრობის, ასევე საქართველოს გლობალური როლიდან გამომდინარე. საქართველოს აქვს მნიშვნელოვანი ლოგისტიკური და სატრანზიტო ფუნქცია. აქედან გამომდინარე, მებაჟე-ოფიცრების მუშაობა მნიშვნელოვანია იმისთვის, რომ საქართველომ ეს ფუნქცია წარმატებით განახორციელოს", - განაცხადა ფინანსთა მინისტრმა, ლაშა ხუციშვილმა.როგორც მან აღნიშნა, საბაჟო სამსახურმა ბოლო წლებში წარმატებებს მიაღწია, როგორც ტექნოლოგიური, ისე პროფესიული განვითარების მიმართულებით. მისი თქმით, უწყების მიზანია მუდმივად ვითარდებოდეს საუკეთესო საერთაშორისო პრაქტიკის შესაბამისად.„მებაჟე-ოფიცრებო, თქვენი 24-საათიანი მუშაობით, ყოველი ახალი დღე საქართველოსთვის წინგადადგმული ნაბიჯია. ეს მნიშვნელოვანია, არა მხოლოდ საბაჟოს, არამედ ქვეყნის განვითარებისთვის", - აღნიშნა ფინანსთა მინისტრმა, ლაშა ხუციშვილმა.მან დეპარტამენტის თანამშრომლებს პროფესიული განვითარების მიმართულებით მხარდაჭერა გამოუცხადა და იმედი გამოთქვა, რომ მათი მუშაობის მაღალი პროფესიული სტანდარტი მომავალშიც შენარჩუნდება.(R)

1789914480