წლიური ინფლაცია 5.6%-მდე დაჩქარდა

ფაშინიანმა ამის შესახებ ხუთშაბათს გამართულ ბრიფინგზე განაცხადა, სადაც რუსეთის პრეზიდენტ ვლადიმერ პუტინთან ბიშკეკში გამართული შეხვედრა შეაფასა.„განვიხილეთ რკინიგზის საკითხი. არსებობს ურთიერთგაგება, რომ ეს საკითხი უნდა გადაწყდეს. არსებული ვითარება დიდხანს ვერ გაგრძელდება და გადაწყვეტილების მიღებაა საჭირო“, – განაცხადა ფაშინიანმა.მისი თქმით, სომხურ და რუსულ მხარეებს ესმით, რომ პრობლემის ერთ-ერთი შესაძლო გადაწყვეტა რკინიგზის კონცესიის უფლების მესამე ქვეყნისთვის მიყიდვაა, თუ ეს ქვეყანა ორივე მხარისთვის მისაღები იქნება.„ეს საუკეთესო გამოსავალია. ჩემთვის სხვა ვარიანტები არარეალისტურია“, – აღნიშნა სომხეთის პრემიერ-მინისტრმა.ფაშინიანის თქმით, რუსეთმა სომხეთის რკინიგზის კონცესიის უფლება დაახლოებით 400 მილიონ დოლარად შეიძლება გაყიდოს.სომხეთის რკინიგზის ინფრასტრუქტურას კომპანია „სამხრეთ კავკასიის რკინიგზა“ მართავს, რომელიც რუსეთის სახელმწიფო კომპანია „რუსეთის რკინიგზის“ შვილობილი კომპანიაა. კონცესიის შეთანხმება 2008 წელს გაფორმდა.ფაშინიანი: თუ რუსეთი 102-ე სამხედრო ბაზის გაყვანას გადაწყვეტს, სომხეთი წინააღმდეგი არ იქნებაფაშინიანმა ასევე განაცხადა, რომ სომხეთი რუსეთის 102-ე სამხედრო ბაზის ქვეყანაში ყოფნას სასიცოცხლოდ აუცილებელ პირობად არ მიიჩნევს და მოსკოვის მიერ მისი გაყვანის წინააღმდეგი არ იქნება.„ჩვენ არ მიგვაჩნია, რომ სომხეთში 102-ე სამხედრო ბაზის ყოფნას სასიცოცხლო მნიშვნელობა აქვს. თუ რუსეთი გადაწყვეტს სამხედრო ბაზის სომხეთის ტერიტორიიდან გაყვანას, ჩვენ წინააღმდეგი არ ვიქნებით. თუმცა, თუ დარჩენის სურვილს გამოთქვამს, მზად ვართ, ეს საკითხიც განვიხილოთ. ამასთან, მთელი ამ პერიოდის განმავლობაში ჩვენ ეს საკითხი არასდროს დაგვიყენებია“, – განაცხადა ფაშინიანმა.ფაშინიანის განცხადებას წინ უძღოდა რუსეთის პრეზიდენტის პოზიცია. ვლადიმერ პუტინმა განაცხადა, რომ მოსკოვი მზად არის, სომხეთიდან სამხედრო ბაზა „თუნდაც ხვალ“ გაიყვანოს, თუ ერევანი მიიჩნევს, რომ მისი არსებობა აღარ არის საჭირო.პუტინის თქმით, რუსეთი სომხეთს საკუთარ სამხედრო ყოფნას თავს არ მოახვევს.

1788429381

როგორც Vesti.az წერს, ბერსეს განცხადებით, ევროპის გეოპოლიტიკური ცენტრი ჩრდილოეთის 39-ე პარალელის გასწვრივ აღმოსავლეთისკენ გადაადგილდება და ეს ღერძი ევროპის საბჭოს ოთხ წევრ სახელმწიფოზე – აზერბაიჯანზე, სომხეთზე, საქართველოზე და თურქეთზე გადის.„ევროპის გეოპოლიტიკური ცენტრი აღმოსავლეთისკენ, ჩრდილოეთის 39-ე პარალელის გასწვრივ ინაცვლებს. ეს ღერძი ოთხ წევრ სახელმწიფოზე გადის“, – განაცხადა ბერსემ.საქართველოს მზარდი როლი ევროპის უსაფრთხოებაშიევროპის საბჭოს გენერალური მდივნის შეფასებით, საქართველო, აზერბაიჯანი, სომხეთი და თურქეთი ერთდროულად რამდენიმე მნიშვნელოვანი გეოპოლიტიკური პროცესის გადაკვეთაზე მდებარეობს.მისი თქმით, ამ პროცესებს შორისაა ომი უკრაინაში, კონფლიქტები ახლო აღმოსავლეთში, ასევე ცენტრალურ აზიაში მიმდინარე პოლიტიკური და ეკონომიკური ცვლილებები, რომელთა მასშტაბიც ევროპას ჯერ სრულად არ აქვს გააზრებული.ამ კონტექსტში საქართველოს მდებარეობა განსაკუთრებით მნიშვნელოვანია, რადგან ქვეყანა ევროპასა და სამხრეთ კავკასიას შორის ერთ-ერთ მნიშვნელოვან დამაკავშირებელ რგოლს წარმოადგენს და რეგიონში მიმდინარე სატრანსპორტო, ენერგეტიკულ და სავაჭრო პროცესებში მონაწილეობს.ბაქოსა და ერევნის ურთიერთობებიბერსემ განსაკუთრებული ყურადღება აზერბაიჯანსა და სომხეთს შორის ურთიერთობებსაც დაუთმო.მისი განცხადებით, ვაშინგტონის დეკლარაციის ხელმოწერიდან ერთი წლის შემდეგ ბაქოსა და ერევანს რეალური შესაძლებლობა აქვთ, მიღწეული პროგრესი მდგრად მშვიდობად აქციონ.ამასთან, მისი თქმით, სომხეთმა და თურქეთმაც გადადგეს ნაბიჯები ურთიერთობების ნორმალიზების მიმართულებით.ევროპის უსაფრთხოება თურქეთის გარეშე წარმოუდგენელიაევროპის საბჭოს გენერალურმა მდივანმა ასევე ხაზი გაუსვა თურქეთის განსაკუთრებულ როლს. თურქეთი ევროპის საბჭოს წევრი ქვეყნების შორის ყველაზე მრავალრიცხოვანი სახელმწიფოა და ნატოს წევრებს შორის სიდიდით მეორე შეიარაღებული ძალები ჰყავს.„ამ კონტინენტზე უსაფრთხოებაზე, მათ შორის დემოკრატიულ უსაფრთხოებაზე, სერიოზული საუბარი თურქეთის გარეშე შეუძლებელია“, – განაცხადა ბერსემ.მისი შეფასებით, მდგრადი მშვიდობისთვის მხოლოდ მთავრობებს შორის შეთანხმება საკმარისი არ არის. ამისთვის აუცილებელია საზოგადოებებს შორის ნდობა, ადამიანის უფლებების პატივისცემა და ისეთი ინსტიტუტების არსებობა, რომლებიც შერიგების პროცესის მხარდაჭერას შეძლებენ.ბერსემ ასევე გააფრთხილა ევროპის საბჭოს წევრი ქვეყნები, რომ საერთო ევროპული სამართლებრივი სივრცის ძალა ყველა სახელმწიფოს მიერ მისი ნორმების თანაბრად დაცვაზეა დამოკიდებული. მისი თქმით, ამისთვის ასევე აუცილებელია ნდობა, გამჭვირვალობა და ორმაგი სტანდარტების არქონა.

1788425962

ბიზნესის ბრუნვა და პროდუქციის გამოშვება2026 წლის II კვარტალში ბიზნეს სექტორის პროდუქციის გამოშვების მოცულობა 25.7 მილიარდი ლარით განისაზღვრა, რაც წლიურად 10.7%-ით მეტია.ბიზნეს სექტორის ბრუნვის 69.8% მსხვილ ბიზნესზე მოდიოდა, 11.6% – საშუალო, ხოლო 18.6% – მცირე ბიზნესზე.პროდუქციის მთლიან გამოშვებაში კი მსხვილი ბიზნესის წილი 48.6% იყო, საშუალო ბიზნესის – 23.6%, მცირე ბიზნესის – 27.8%.საანგარიშო პერიოდში საწარმოების მიერ განხორციელებულმა საქონლისა და მომსახურების მთლიანმა ყიდვებმა 32.5 მილიარდი ლარი შეადგინა, რაც გასული წლის შესაბამის პერიოდთან შედარებით 4.9%-იანი ზრდაა. გადასაყიდად განკუთვნილი საქონლისა და მომსახურების ყიდვები 19.4 მილიარდ ლარამდე გაიზარდა, წლიური ზრდა კი 9.3% იყო.ბიზნესში დასაქმებულთა რაოდენობა გაიზარდა2026 წლის II კვარტალში ბიზნეს სექტორში დასაქმებულთა საშუალო რაოდენობამ 828.4 ათასი ადამიანი შეადგინა, რაც წლიურად 4.1%-ით მეტია.დასაქმებულთა 56.2% კაცი, ხოლო 43.8% ქალი იყო.დასაქმებულთა მთლიან რაოდენობაში მსხვილი ბიზნესის წილი 42.6%-ს შეადგენდა, საშუალო ბიზნესის – 19.7%-ს, მცირე ბიზნესის კი 37.7%-ს.დაქირავებულთა რაოდენობამ 768.6 ათასი ადამიანი შეადგინა, რაც გასული წლის შესაბამის პერიოდთან შედარებით 3.1%-ით მეტია.ამასთან, საწარმოთა დანახარჯებმა პერსონალზე 5.83 მილიარდი ლარი შეადგინა და წლიურად 10.3%-ით გაიზარდა.საშუალო ხელფასი 2 471.5 ლარამდე გაიზარდა2026 წლის II კვარტალში ბიზნეს სექტორში დაქირავებით დასაქმებულთა საშუალო თვიური ხელფასი 2 471.5 ლარი იყო, რაც წინა წლის შესაბამის პერიოდთან შედარებით 153.8 ლარით მეტია.ქალების საშუალო თვიურმა ხელფასმა 1 944.9 ლარი შეადგინა და წლიურად 161.4 ლარით გაიზარდა.საწარმოთა ზომის მიხედვით საშუალო თვიური ხელფასი შემდეგნაირი იყო: მსხვილი ბიზნესი – 2 622.8 ლარი; საშუალო ბიზნესი – 2 918.9 ლარი; მცირე ბიზნესი – 1 972.3 ლარი. რომელ დარგებზე მოდის ბიზნესის ბრუნვის ყველაზე დიდი წილიბიზნეს სექტორის ბრუნვის სტრუქტურაში ყველაზე დიდი, 36.5%-იანი წილი ხელოვნების, გართობისა და დასვენების დარგს ეკავა.მეორე ადგილზე იყო ვაჭრობა, ავტომობილებისა და მოტოციკლების რემონტის ჩათვლით, 32.4%-იანი წილით.შემდეგ მოდიოდა: დამამუშავებელი მრეწველობა – 8.1%; ტრანსპორტი და დასაწყობება – 4.8%; მშენებლობა – 4.8%; ინფორმაცია და კომუნიკაცია – 3.4%; სხვა დარგები – 10%. პროდუქციის გამოშვებაში მრეწველობა ლიდერობსბიზნეს სექტორის პროდუქციის გამოშვების სტრუქტურაში ყველაზე დიდი წილი დამამუშავებელ მრეწველობას ჰქონდა – 20.5%.მას მოჰყვებოდა ვაჭრობა – 18%, მშენებლობა – 14.4%, ტრანსპორტი და დასაწყობება – 9.8%, ხოლო ინფორმაცია და კომუნიკაცია – 8.9%.დანარჩენ დარგებზე პროდუქციის მთლიან გამოშვებაში 28.4% მოდიოდა.ვაჭრობა დასაქმების მთავარი წყაროადასაქმებულთა რაოდენობის მიხედვით ბიზნეს სექტორში ყველაზე დიდი წილი ვაჭრობის დარგს ჰქონდა – 29.5%.შემდეგ მოდიოდა დამამუშავებელი მრეწველობა – 11.3% და ჯანდაცვისა და სოციალური მომსახურების საქმიანობები – 9.1%.მნიშვნელოვანი წილი ეკავა ასევე ტრანსპორტისა და დასაწყობების დარგს – 8.1%, მშენებლობას – 7.6%, ინფორმაციასა და კომუნიკაციას – 6.4%, ხოლო განთავსებისა და საკვების მიწოდების საქმიანობებს – 5.7%.დასაქმების 65% თბილისზე მოდისბიზნეს სექტორში დასაქმებულთა განაწილებაში რეგიონებს შორის მკვეთრად ლიდერობს თბილისი – ქვეყნის ბიზნეს სექტორში დასაქმებულთა 65% დედაქალაქზე მოდიოდა.რეგიონების მიხედვით შემდეგი სურათი იყო: აჭარის ა.რ. - 9.7%; იმერეთი - 6.5%; ქვემო ქართლი - 5.3%; სამეგრელო-ზემო სვანეთი - 3.5%; კახეთი - 3%; შიდა ქართლი - 2.2%; მცხეთა-მთიანეთი - 1.8%; სამცხე-ჯავახეთი - 1.6%; გურია - 0.9%; რაჭა-ლეჩხუმი და ქვემო სვანეთი - 0.3%.

1788422281

მადუროს ადვოკატების, ბარი პოლაკისა და ანა ესტევაოს მიერ წარდგენილ 60-გვერდიან მემორანდუმში აღნიშნულია, რომ აღნიშნული სისხლისსამართლებრივი დევნა უპრეცედენტოა და არღვევს საერთაშორისო ჩვეულებითი სამართლისა და საერთო სამართლის (common law) ფუნდამენტურ პრინციპებს, რომლებიც სახელმწიფოს მეთაურებს იურისდიქციისგან იცავს.აშშ-ის ძალების მიერ იანვარში ჩატარებული ოპერაციისა და მისი დაკავების შემდეგ, მადურომ და მისმა მეუღლემ, სილვია ფლორესმა წარდგენილი ნარკოტერორიზმისა და ნარკოტიკებით ვაჭრობის ბრალდებები არ აღიარეს. მადურო თავის თავს „გატაცებულ პრეზიდენტსა და სამხედრო ტყვეს“ უწოდებს. მისი სასამართლო პროცესი მომავალ ზაფხულს არის დაგეგმილი.დაცვის მხარე ხაზგასმით აღნიშნავს, რომ ტრამპის ადმინისტრაციის განცხადებები მადუროს არალეგიტიმურობის შესახებ მხოლოდ „პოლიტიკური აქტია“ და სამართლებრივად რელევანტური არ არის. ადვოკატების განმარტებით, იმუნიტეტით სარგებლობისთვის საკმარისია ის ფაქტი, რომ მადურო პრეზიდენტის უფლებამოსილებას ახორციელებდა, როგორც, სულ მცირე, ქვეყნის დე ფაქტო ლიდერი.გარდა ამისა, დაცვის მხარე აცხადებს, რომ ბრალდებაში აღწერილი ქმედებები წარმოადგენდა სუვერენული სახელმწიფოს სახელით განხორციელებულ ოფიციალურ აქტებს. საკუთარი პოზიციის გასამყარებლად ადვოკატებმა აშშ-ის უზენაესი სასამართლოს გასული წლის გადაწყვეტილებაც მოიხმეს საპრეზიდენტო იმუნიტეტის შესახებ, რომლის მიხედვითაც სასამართლოებს არ აქვთ უფლება გამოიკვლიონ პრეზიდენტის მოტივები იმის დადგენისას, თუ რა ითვლება ოფიციალურ ქმედებად.

1788412174

სებ-ის ინტერაქტიული სტატისტიკით, მთლიანი დაკრედიტების წლიური ზრდაა 14.7%Y.Y. სამომხმარებლო სესხები კი წლიურად  20.74%-ით არის გაზრდილი. მ.შ. ლარში +21.7%Y.Y, უცხოურ ვალუტაში +10.3%-მდე.ბანკების მთლიან პორტფელში სამომხმარებლო სესხების წილი კვლავ მზარდია. სებ-ის საფინანსო სექტორის მიმოხილვით  21.8% -ს შეადგენს (L/Y – 19.2%) 16.473 მლრდ ლარიდან მხოლოდ 1.243 მლრდ ლარის ეკვივალენტია უცხოურ ვალუტაში.

1788361142

შეთავაზების ფარგლებში, 5 სექტემბერს, მომხმარებლები მეტრომარტში სასურველი ნივთის საქართველოს ბანკის ნაწილ-ნაწილ შეძენისას 30%-იან ქეშბექს მიიღებენ (მაქსიმუმ 200 ლარის).აქცია ვრცელდება მხოლოდ ფიზიკურ მაღაზიებში. ქეშბექი ერთჯერადია და მომხმარებლებს ის სამი სამუშაო დღის განმავლობაში დაუბრუნდებათ.ინფორმაციისთვის, შეთავაზება მხოლოდ 5 სექტემბერს მოქმედებს და არ ვრცელდება iPhone-ის შეძენაზე.მეტრომარტი საქართველოში ტექნიკისა და ელექტრონიკის ქსელია, რომელიც მომხმარებლებს სხვადასხვა კატეგორიის ტექნიკას, მათ შორის სმარტფონებს, ლეპტოპებს, ტელევიზორებსა და სხვა საყოფაცხოვრებო ტექნიკას სთავაზობს.ნაწილ-ნაწილ საქართველოს ბანკის გადახდის მეთოდია, რომელიც მომხმარებლებს შესაძლებლობას აძლევს სასურველი ნივთი შეიძინონ დღესვე, ხოლო თანხა 4 თვეზე თანაბრად გადაანაწილონ ისე, რომ პროდუქტის ჯამური ღირებულება არ გაუძვირდეთ (ეფექტური 0%). ამასთანავე, მომხმარებლებს შეუძლიათ თანხის ნაწილი გადაიხადონ, დარჩენილი კი მომდევნო თვეებზე გადაანაწილონ. შესაბამისად, ნაწილ-ნაწილ გადაიხდით ზუსტად იმდენს, რასაც ერთიანად გადაიხდიდით.

1788355070

გამოძიებით დადგინდა, რომ წარსულში ანალოგიური დანაშაულისთვის ნასამართლევი პირი თამბაქოს ნაწარმს ავტომანქანებში მალავდა და მის საცალო რეალიზაციას ქალაქ ბათუმში, „ბათუმი პლაზას“ მიმდებარე ტერიტორიაზე ახორციელებდა.ჩატარებული ჩხრეკისა და სხვა საგამოძიებო მოქმედებების შედეგად, ამოღებულია დიდი ოდენობით უაქციზო სიგარეტი, რომლის საბაზრო ღირებულება 5 000 ლარს აღემატება.აღსანიშნავია, რომ დაკავებული პირი წარსულში არაერთხელ არის მხილებული მსგავს უკანონო საქმიანობაში. ერთ სისხლის სამართლის საქმეზე მის მიმართ უკვე დამდგარია გამამტყუნებელი განაჩენი, ხოლო მეორე საქმეზე არსებითი განხილვა ბათუმის საქალაქო სასამართლოში მიმდინარეობს.საგამოძიებო მოქმედებების პარალელურად, ბრალდებულისა და სხვა პირების მხრიდან ადგილი ჰქონდა საგამოძიებო სამსახურის თანამშრომლებისთვის საქმიანობის განხორციელებაში ხელის შეშლის ფაქტს, რა დროსაც მათ თანამშრომლებს ფიზიკური და სიტყვიერი შეურაცხყოფა მიაყენეს. 

1788353453

აღნიშნული თანხიდან $3 მილიონი მისი ხელფასი იქნება, ხოლო კიდევ $55 მილიონი – კომპანიის აქციების პაკეტის სავარაუდო ღირებულება, რომელიც ახალ ხელმძღვანელს გადაეცემა.ტერნუსი Apple-ის გენერალურ დირექტორობას 1 სექტემბერს შეუდგა. მანამდე ის კომპანიის აპარატურის განვითარების მიმართულების უფროსი ვიცე-პრეზიდენტი იყო და Apple-ის უმნიშვნელოვანესი პროდუქტების, მათ შორის iPhone-ის, iPad-ისა და Mac-ის შექმნაში მონაწილეობდა.Apple-ის ხელმძღვანელის პოსტზე ტერნუსმა ტიმ კუკი შეცვალა, რომელიც კომპანიას 15 წლის განმავლობაში ხელმძღვანელობდა.კუკი Apple-ის დირექტორთა საბჭოს აღმასრულებელი თავმჯდომარის პოზიციაზე გააგრძელებს მუშაობას. მისი ანაზღაურება დაახლოებით $47 მილიონი იქნება, საიდანაც $2 მილიონი ხელფასზე, დაახლოებით $45 მილიონი კი კომპანიის აქციებზე მოდის.

1788352421