Anthropic-ისა და OpenAI-ს AI მოდელები ტესტირებისას ადამიანების მოტყუებასა და კიბერშეტევაში ჩართვას ცდილობდნენ

პროგრამა მოიცავს როგორც კაპიტალის დაბრუნებას აქციონერებისთვის (აქციების გამოსყიდვისა და საჭიროების შემთხვევაში, დივიდენდების სახით), ასევე ახალ ინვესტიციებს საქართველოსა და სომხეთში. პროგრამის პირველი ეტაპი იქნება $50 მლნ-ის აქციების გამოსყიდვისა და გაუქმების პროგრამა. დირექტორთა საბჭოს მოლოდინით, ₾1 მლრდ-იანი პროგრამის მინიმუმ ნახევარი კაპიტალის დაბრუნებას მოხმარდება.სომხეთში საინვესტიციო შესაძლებლობებთან დაკავშირებით, კომპანია სულ უფრო მეტად განიხილავს საქართველოსა და სომხეთს, როგორც მსგავსი ეკონომიკური ზრდის მქონე ბაზრებს, სადაც შესაძლებელია ურთიერთშემავსებელ ბიზნესებში ინვესტირება. GCAP უკვე მონაწილეობს სომხეთის ეკონომიკურ ზრდაში Lion Finance Group-ის მიერ Ameriabank-ში განხორციელებული ინვესტიციის, ასევე სააფთიაქო ქსელის გაფართოების მეშვეობით, რომელიც ქვეყანაში უკვე 23 ფილიალს აერთიანებს.შემდგომ განცხადებებს აქციების გამოსყიდვის ახალი ეტაპების, შესაძლო შესყიდვებისა და კაპიტალის განაწილების სხვა ინიციატივების შესახებ ჯგუფი ეტაპობრივად გამოაქვეყნებს პროგრამის განხორციელების პროცესში, 2029 წლის ბოლომდე.ახალი პროგრამის გამოცხადებას წინ უძღოდა GCAP-ის ბალანსის მნიშვნელოვანი გაძლიერება. კომპანიამ სრულად გაათავისუფლა ჰოლდინგის დონეზე არსებული ვალი, რის შედეგადაც, მიმდინარე აქციების გამოსყიდვის პროგრამის დასრულებისა და ვალდებულებების დაფარვის შემდეგ, GCAP-ის დონეზე დაახლოებით ₾310 მლნ-ის ლიკვიდობა იქნება ხელმისაწვდომი. ამასთან, კომპანია ელოდება ძლიერი თავისუფალი ფულადი ნაკადების გენერირებას კერძო პორტფელური კომპანიებიდან მზარდი დივიდენდების, ასევე Lion Finance Group-ში 14.9%-იანი წილიდან მიღებული დივიდენდების წყალობით, რაც, კომპანიის შეფასებით, 2029 წლის ბოლომდე მნიშვნელოვან დამატებით ფულად რესურსს შექმნის.ამ ფაქტორების გათვალისწინებით, დირექტორთა საბჭომ განაახლა კაპიტალის განაწილების პოლიტიკა. ყველა ახალი საინვესტიციო შესაძლებლობა შეფასდება იმ ალტერნატივასთან შედარებით, რასაც კომპანიის საკუთარი აქციების გამოსყიდვა და არსებული პორტფელის მიმართ დამატებითი ინვესტირება წარმოადგენს. თუმცა, რადგან ბოლო კვარტალებში GCAP-ის აქციების ფასისა და წმინდა აქტივების ღირებულებას (NAV) შორის დისკონტი მნიშვნელოვნად შემცირდა, ახალი შერჩევითი ინვესტიციები შედარებითი ამონაგების თვალსაზრისით უფრო მიმზიდველი გახდა და კომპანიისთვის გრძელვადიანი ზრდის დამატებით შესაძლებლობას ქმნის.კომპანიის განცხადებით, ბოლო სამი წლის განმავლობაში NAV ერთ აქციაზე საშუალოდ დაახლოებით 34%-ით იზრდებოდა ყოველწლიურად, რაც პორტფელური კომპანიების მიერ შექმნილ მაღალ ღირებულებას ასახავს.

1785922288

Euromoney Awards for Excellence ერთ-ერთი ყველაზე პრესტიჟული საერთაშორისო ჯილდოა, რომელიც ფინანსურ ინსტიტუტებს მსოფლიოს სხვადასხვა რეგიონში მიღწეული შედეგებისა და განხორციელებული ინიციატივების საფუძველზე აფასებს. საერთაშორისო დონეზე, კორპორატიული სოციალური პასუხისმგებლობის მიმართულებით წლების განმავლობაში ჯილდოებს იღებდნენ ისეთი ფინანსური ინსტიტუტები, როგორებიცაა Morgan Stanley, HSBC, BCI. 2025 წელს ცენტრალური და აღმოსავლეთ ევროპის რეგიონის საუკეთესო ბანკად კი Erste Bank დასახელდა. წელს, ცენტრალური და აღმოსავლეთი ევროპის რეგიონში კორპორატიული სოციალური პასუხისმგებლობის კატეგორიაში საუკეთესო ბანკად საქართველოს ბანკი დასახელდა. ფინანსური ინსტიტუტი Euromoney-ს ჟიურის მიერ რეგიონის წამყვან ბანკებთან ერთად შეფასდა. გამოცემა ჯილდოს იმ ფინანსურ ინსტიტუტებს ანიჭებს, რომლებიც საზოგადოებისთვის გრძელვადიანი, პოზიტიური გავლენის შექმნასა და მდგრადი განვითარების ხელშეწყობაში განსაკუთრებულ როლს ასრულებენ. საქართველოს ბანკისთვის ადამიანების მხარდაჭერა და მათი პოტენციალის რეალიზებისთვის შესაძლებლობების შექმნა ბიზნესსტრატეგიის მნიშვნელოვანი ნაწილია. სწორედ ამ მიზნით ბანკი 40-ზე მეტ საგანმანათლებლო, სოციალურ, გარემოსდაცვით და მეწარმეობის მხარდამჭერ პროექტს ახორციელებს და უჭერს მხარს, რომელთა ბენეფიციართა რაოდენობა 500 000-ს აჭარბებს.ბანკის კორპორატიული სოციალური პასუხისმგებლობის ინიციატივები ოთხ ძირითად მიმართულებას აერთიანებს: განათლებაზე ხელმისაწვდომობის გაზრდას, ფინანსური განათლების ხელშეწყობას, ახალგაზრდებისა და მეწარმეების გაძლიერებას, გარემოსა და კულტურის მხარდაჭერას. ამ ინიციატივების მიზანია, შექმნას გრძელვადიანი შესაძლებლობები, რომლებიც ხელს უწყობს როგორც ადამიანების, ისე ქვეყნის მდგრად განვითარებას.„Euromoney-ს მიერ მონიჭებული აღიარება ჩვენთვის განსაკუთრებით მნიშვნელოვანია, რადგან ადასტურებს, რომ ჩვენ მიერ შექმნილი ინიციატივები და მათი გავლენა საზოგადოებაზე, საერთაშორისო დონეზეც გამორჩეულად ფასდება.საქართველოს ბანკში გვჯერა, რომ ბიზნესის წარმატება მხოლოდ ფინანსური შედეგებით არ იზომება - ის იმ შესაძლებლობებითაც განისაზღვრება, რომელსაც ადამიანებისთვის ვქმნით. სწორედ ამიტომ, ჩვენი კორპორატიული პასუხისმგებლობის სტრატეგია ორიენტირებულია ისეთი ინიციატივების განხორციელებაზე, რომლებიც ადამიანებს განათლების, პროფესიული განვითარების, მეწარმეობისა და ახალი შესაძლებლობების აღმოჩენაში ეხმარება.დღეს 40-ზე მეტ პროექტს ვახორციელებთ და ვუჭერთ მხარს. მათ შორისაა საქართველოს ბანკის სტიპენდიების პროგრამა, თანამედროვე ბიბლიოთეკები - იდეათეკები, STEM განათლების მხარდამჭერი პროექტები, ფინანსური განათლების ინიციატივები, გარემოს დაცვის პროგრამები და არაერთი სხვა ინიციატივა, რომლებიც ყოველწლიურად ასიათასობით ადამიანს აძლევს განვითარების შესაძლებლობას. ჩვენ არ ვჩერდებით - მომავალშიც გავაგრძელებთ ისეთი პროექტების შექმნას, რომლებიც ადამიანებს საკუთარი პოტენციალის სრულად რეალიზებაში დაეხმარება", - აღნიშნავს ანა ლომთაძე, საქართველოს ბანკის კორპორატიული სოციალური პასუხისმგებლობის მიმართულების ხელმძღვანელი.ინფორმაციისთვის, Euromoney Awards for Excellence მსოფლიოს საბანკო ინდუსტრიის ერთ-ერთ ყველაზე პრესტიჟულ საერთაშორისო ჯილდოდ მიიჩნევა და უკვე 30 წელზე მეტია მსოფლიოს მასშტაბით გამორჩეულ ფინანსურ ინსტიტუტებს ავლენს.(R)

1785917410

თიბისის ჯილდოები გადაეცა შემდეგ ნომინაციებში:  საუკეთესო AI ჩატბოტი და ვირტუალური ასისტენტი; ხელოვნური ინტელექტის ყველაზე ინოვაციური გამოყენება სამომხმარებლო დაკრედიტებისა და საკრედიტო რისკების მართვაში;  ხელოვნური ინტელექტის საუკეთესო გამოყენება რისკების მართვაში.  ამავე ნომინაციებში, თიბისი საქართველოს მასშტაბითაც საუკეთესოდ დასახელდა. ჯილდოები თიბისის ხელოვნური ინტელექტის მიმართულებით განხორციელებული ინოვაციური პროექტებისთვის გადაეცა, რომლებიც მომხმარებლის გამოცდილების გაუმჯობესებას, საბანკო პროცესების გამარტივებასა და გადაწყვეტილებების მიღების სისწრაფის ზრდას ემსახურება. 2026 წელს, ეს თიბისის მორიგი მნიშვნელოვანი საერთაშორისო აღიარებაა. Global Finance-მა თიბისი ცენტრალური და აღმოსავლეთ ევროპის ყველაზე ინოვაციურ ბანკად დაასახელა; ხოლო წლის განმავლობაში, ბანკმა არაერთი საერთაშორისო ჯილდო მიიღო სამომხმარებლო გამოცდილების, ინოვაციებისა და თიბისის მობაილბანკის მიმართულებით.ეს აღიარებები ადასტურებს, რომ თიბისი თანმიმდევრულად ნერგავს ინოვაციებს და ხელოვნურ ინტელექტს იყენებს არა მხოლოდ პროცესების ავტომატიზაციისთვის, არამედ იმისთვის, რომ ყოველდღიური საბანკო მომსახურება კიდევ უფრო სწრაფი, მარტივი და კომფორტული გახადოს.Global Finance-ის AI in Finance Awards იმ ბანკებსა და ფინანსურ ინსტიტუტებს აჯილდოებს, რომლებიც ხელოვნურ ინტელექტს წარმატებით იყენებენ სამომხმარებლო, კორპორაციული და საინვესტიციო საბანკო მომსახურების განვითარებისთვის. (R)

1785916461

ე.წ. მთავრობათაშორის შეთანხმებას ხელი მოსკოვში 2025 წლის 27 დეკემბერს მოეწერა. დოკუმენტის ოფიციალური მიზანი სოციალურ-ეკონომიკური თანამშრომლობის გაღრმავება, მოსახლეობის ცხოვრების დონის ამაღლება და ეკონომიკურ-საინვესტიციო აქტივობის ხელშეწყობაა.დაფინანსების მიმართულებები და პირობები სოციალური და კულტურული სფერო: გამოყოფილი ფინანსური დახმარება მიემართება განათლების, ახალგაზრდული პოლიტიკის, ბავშვთა აღზრდის, კულტურული ცვლისა და ტურიზმის პროექტებზე. ძალოვანი სტრუქტურები: შეთანხმება ითვალისწინებს ოკუპირებული რეგიონის ე.წ. საგანგებო სიტუაციების სამინისტროს, პროკურატურისა და სახელმწიფო დაცვის სამსახურის თანამშრომელთა ფულადი სარგოსა და სოციალური გარანტიების გაზრდას. მედიკამენტებით უზრუნველყოფა: დოკუმენტით ასევე განისაზღვრა, რომ ოკუპირებულ ტერიტორიაზე მუდმივად მცხოვრები რუსეთის მოქალაქეებისთვის კუთვნილი მედიკამენტების მიწოდებაზე პასუხისმგებლობა ადგილობრივ დე ფაქტო ხელისუფლებას ეკისრება.

1785916107

უწყების ინფორმაციით, წყალტუბოს რაიონში შეჩერებულ იქნა ერთ-ერთი კომპანიის კუთვნილი ავტოსატრანსპორტო საშუალება, რომელსაც 1 900 კილოგრამი საქონლის ხორცი სატრანსპორტო ზედნადებისა და ვეტერინარულ-სანიტარული სავალდებულო წესების დარღვევით გადაჰქონდა.შემოსავლების სამსახური საგადასახადო საიდუმლოების შემცველი ინფორმაციის გავრცელებისგან თავს იკავებს და კომპანიის დასახელებას არ ასახელებს.სამართალდარღვევის ფაქტზე შედგენილი მასალები შემდგომი რეაგირების მიზნით გადაეცა გარემოს დაცვისა და სოფლის მეურნეობის სამინისტროს სსიპ სურსათის ეროვნულ სააგენტოს.

1785915459

ოპერატიული ინფორმაციის საფუძველზე ჩატარებული ღონისძიების შედეგად გამოვლინდა, რომ რუსეთის ფედერაციის მოქალაქემ, საბაჟო-გამშვები პუნქტი „ყაზბეგი“-ს გავლით, საბაჟო კონტროლისგან მალულად, საქართველოს საბაჟო საზღვარზე გადმოიტანა  713.3 გრამი, 143 817 ლარის საბაჟო ღირებულების ოქროს ზოდები.საქმეზე გამოძიება საქართველოს სისხლის სამართლის კოდექსის 214-ე მუხლის მე-2 ნაწილით მიმდინარეობს, რაც სასჯელის სახით 5-დან 7 წლამდე ვადით თავისუფლების აღკვეთას ითვალისწინებს.

1785912913

PSP-ს მიზანია, მოსახლეობამდე მიიტანოს მთავარი სათქმელი, რომ “უსაფრთხო რუჯი არ არსებობს”.თუ შარშან ბრენდმა გავრცელებულ მითებს სანაპიროზე გამოუცხადა ბრძოლა, წელს ტერიტორია გააფართოვა და გზავნილს ავრცელებს ყველგან, სადაც მზეა. აღმოჩნდა, რომ “მზეს ვერ დაემალები” და ულტრაიისფერმა მავნე გამოსხივებამ შეიძლება მოგვაგნოს ჩრდილშიც, შენობაშიც, მანქანაშიც, ამიტომ მზისგან დამცავი უნდა წავისვათ ყველგან.ამ მისიით ბრენდმა თავად “მზე” აალაპარაკა, კამპანიის სახე, რომელიც ქუჩებში, პარკებში, სკვერებში დადის და ჩრდილში მყოფ ადამიანებსაც კი არ აძლევს მოსვენებას, შეახსენებს, რომ მას ვერსად დაემალები, თუ მზისგან დამცავი არ გისვია.ამის პარალელურად, PSP დაუპარტნიორდა გალფს და ბენზინგასამართ სადგურებზე პირველი SPF Drive შექმნა, ადგილი, სადაც მძღოლებს საწვავის ჩასხმასთან ერთად, შეუძლიათ მზისგან დამცავით დაიმუშაონ ხელები, განსაკუთრებით მარცხენა ხელი, რომელიც ყველაზე ხშირადაა ე.წ. “მძღოლის რუჯის” მსხვერპლი.“ზაფხული მხიარულების, დასვენების, მზის სეზონია და რატომღაც ძალიან მარტივად ვიჯერებთ მითებს, რომელსაც რეალურად ჩვენი კანისთვის და ჯანმრთელობისთვის დიდი ზიანის მოტანა შეუძლია. ჩვენი მიზანია, ჩვენმა მომხმარებელმა სიმართლეს თვალი გაუსწოროს და იცოდეს, რომ რეალურად “უსაფრთხო რუჯი” არ არსებობს. არადა ეს ფრაზა ხშირად რეკლამებიდანაც კი გვესმის. ვეცადეთ კამპანიისთვის ლაღი და მსუბუქი განწყობა შეგვენარჩუნებინა და ამავდროულად ძალიან მნიშვნელოვანი და სერიოზული გზავნილიც მიგვეტანა საზოგადოებამდე”, - აცხადებს PSP -ს მარკეტინგის დირექტორი ანო გოგიჩაძე.კამპანიაზე უკვე ტრადიციულად, PSP-ს პარტნიორმა შემოქმედებითმა სააგენტო Playmakers-მა იმუშავა.(R)

1785912336

2Q26-ის ფინანსური ანგარიშგების მიხედვით, ბანკმა ზრდა ყველა ძირითად მიმართულებაში დააფიქსირა: მთლიანი აქტივები: ₾6.2 მლრდ (ზრდა 43%) საკრედიტო პორტფელი: ₾3.7 მლრდ (ზრდა 22%) დეპოზიტების პორტფელი: ₾4 მლრდ (ზრდა 40%) ზრდის მთავარი დრაივერი ბიზნესის დაფინანსება აღმოჩნდა, იურიდიული პირების საკრედიტო პორტფელი 28%-ით გაიზარდა და ₾2.8 მლრდ შეადგინა, ხოლო ბიზნეს დეპოზიტების მოცულობამ ₾2.3 მლრდ-ს მიაღწია. საცალო მიმართულებით, სესხების მოცულობამ ₾942 მლნ, ხოლო დეპოზიტებმა ₾1.7 მლრდ შეადგინა.საანგარიშო პერიოდში ბანკის აქტივებზე უკუგებამ (ROA) 2.51% შეადგინა, ხოლო საკუთარ კაპიტალზე უკუგებამ (ROE) - 14.05%.ზრდა დაფიქსირდა ჯგუფში შემავალ შვილობილ კომპანიებშიც: „ბბ ლიზინგის“ პორტფელი 8%-ით, ₾48 მლნ-მდე გაიზარდა, ხოლო „ბბ დაზღვევამ“ 6 თვეში ₾9.5 მლნ-ის პრემია მოიზიდა.ბაზისბანკისა და ლიბერთის გენერალური დირექტორის, დავით ცაავას განცხადებით, I ნახევრის შედეგები სწორი სტრატეგიის შედეგია. მან ასევე ხაზი გაუსვა 2026 წლის აპრილში განხორციელებულ გარიგებას, როდესაც ბაზისბანკმა ლიბერთი ბანკის აქციების 95.99% შეიძინა, რაც წლის უმსხვილესი სტრატეგიული ტრანზაქცია გახდა.თავად ლიბერთი ბანკმა 2Q26-ში ₾52.8 მლნ-ის წმინდა მოგება დააფიქსირა, ხოლო მისი აქტივები ₾6.3 მლრდ-ს შეადგენს.

1785911595