აშშ-ის განცხადებით, ირანის პორტების ბლოკადის შედეგად 38 გემი უკან გააბრუნეს

როგორც მთავრობა განმარტავს, აღნიშნული ცვლილებით მოხდება სამართალდამცავი სისტემის ეფექტიანობის ზრდა უწყებათაშორისი კოორდინაციის გაძლიერების გზით ისე, რომ სამართალდამცავი ორგანოების ინსტიტუციური დამოუკიდებლობა შენარჩუნებული იქნება.მისივე ინფორმაციით, ცვლილებით უზრუნველყოფილი იქნება სამართალდაცვითი ფუნქციების მქონე სამსახურების საქმიანობის სინქრონიზაცია, შესაბამისი გადაწყვეტილებების მიღების დაჩქარება, აუცილებელი საკანონმდებლო ცვლილებების დროული მომზადება და დინამიურ გამოწვევებზე ეფექტური და დროული რეაგირება.“ქვეყნის განვითარების ნებისმიერ ეტაპზე სამართალდამცავი ორგანოების გამართულ, ურთიერთშეთანხმებულ ფუნქციონირებას განსაკუთრებული მნიშვნელობა ენიჭება.საზოგადოების განვითარებასთან ერთად, იცვლება დანაშაულის ხერხები და საშუალებები. შესაბამისად, მუდმივ დახვეწასა და ტრანსფორმაციას საჭიროებს სამართალდამცავი სფეროს მარეგულირებელი პოლიტიკა, დანაშაულთან ბრძოლის მიდგომები და მეთოდები.არსებული სამთავრობო სტრუქტურა სამართალდამცავი ორგანოების კოორდინაციის სისტემურ მექანიზმს არ ითვალისწინებს. ამავე დროს, სამართალდაცვითი ფუნქციები გადანაწილებულია რამდენიმე უწყებაში. აღნიშნული უწყებების ოპერატიული კოორდინაციის ამ მნიშვნელოვანი სფეროს ეფექტიანობის გაზრდის მიზნით, საჭიროა არსებობდეს ერთიანი სტრატეგიული მაკოორდინირებელი უწყება მთავრობის შემადგენლობაში, ვინაიდან საქართველოს კანონმდებლობით, საქართველოს მთავრობა იღებს ზომებს საზოგადოებრივი უსაფრთხოების უზრუნველსაყოფად. იგი ეროვნული უსაფრთხოების პოლიტიკის დაგეგმვის მაკოორდინირებელი უწყებაა.ცვლილება უზრუნველყოფს სამართალდამცავ ორგანოებს შორის თანამშრომლობის გაძლიერებას. ერთობლივი ოპერაციების დაგეგმვის ხელშეწყობას, ინფორმაციის გაცვლის სტანდარტების დანერგვას. მეორე მხრივ, მათი საქმიანობის ეფექტიანობის შეფასებას, პრობლემური მიმართულებების იდენტიფიცირებას. ასევე, მთავრობის კონსტიტუციური უფლებამოსილების ფარგლებში, სახელმწიფო მინისტრი განახორციელებს კოორდინაციას საქართველოს პროკურატურასთან, სახელმწიფო აუდიტის სამსახურსა და სასამართლო ხელისუფლებასთან.აღნიშნული ცვლილებით უზრუნველყოფილი იქნება სამართალდაცვითი ფუნქციების მქონე სამსახურების საქმიანობის სინქრონიზაცია, შესაბამისი გადაწყვეტილებების მიღების დაჩქარება, აუცილებელი საკანონმდებლო ცვლილებების დროული მომზადება და დინამიურ გამოწვევებზე ეფექტური და დროული რეაგირება“, - ნათქვამია კანონის პროექტზე თანდართულ განმარტებით ბარათშისამართალდამცავი ორგანოების კოორდინაციის საკითხებში სახელმწიფო მინისტრის თანამდებობის შექმნის შემდეგ, პოსტს მამუკა მდინარაძე დაიკავებს. პარლამენტს სახელმწიფო უსაფრთხოების სამსახურის პოსტიდან ვადაზე ადრე გადადგომის შესახებ მდინარაძის წერილობითი განცხადება უკვე წარედგინა.

1777279931

სტატისტიკური დინამიკა აჩვენებს, რომ 2021 წლის შემდეგ (₾4.62 მლნ) სექტორის სახელმწიფო დაფინანსება 137,2%-ით არის გაზრდილი. მიუხედავად იმისა, რომ 1 კგ ალექსანდროულსა და მუჯურეთულზე სუბსიდიის განაკვეთი ბოლო ოთხი წლის განმავლობაში 4 ლარზე სტაბილურად ნარჩუნდება, ჯამური ბიუჯეტის ზრდა წარმოების მასშტაბების გაფართოებასა და გაძვირებულ ლოგისტიკურ ხარჯებს უკავშირდება.სუბსიდირებას აქვს მოკლევადიანი ეკონომიკური ეფექტი, ამას უყვება GBC-ის რაჭველი მეღვინე, რომელიც სააგენტომ ანონიმურობის დაცვით პირობით ჩაწერა. “2020 წლიდან ვსარგებლობთ სუბსიდირებით. საწარმოსთვის ეს კარგია, რადგან ყიდულობს ყურძენს იაფად, 8 ლარის მაგივრად საწარმო იხდის 4 ლარს. ფაქტობრივად ნახევარ ფასში ყიდულობს. ყურძნის ხარისხზე ეს დადებითად არ აისახება, იმ პირობით, რა პირობითაც სუბსიდია გაიცემა. ფერმერს გარანტირებული აქვს, რომ ყურძენს გაყიდის. პრაქტიკულად რთულია კარგი ხარისხის ყურძენი იყიდო და იყიდო ბევრი, რადგან მევენახეზე მთავრობის მიერ გაცემულ სუბსიდიას აქვს ეკონომიკური ეფექტი, ისინი ცდილობენ, რაოდენობაში ბევრი მოიყვანონ და არ აქცევენ ხარისხს ყურადღებას.ჩემი აზრით, ყველანაირ ყურძენზე ერთი სასუბსიდიო ფასი არ უნდა არსებობს. უნდა გაკონტროლდეს საჰექტრო მოსავლიანობა, რომ დაბალი ხარისხი არ მივიღოთ. კონტროლს უნდა დაექვემდებაროს ყურძნის კონდიციაც, რომ იყოს ჯანსაღი შესაბამისი შაქრიანობით.ყველაზე ცუდი არის ის, რომ ღვინოს ვერ ვყიდით და ნამატი პროდუქტი გვაქვს. გარდა სუბსიდიისა, სახელმწიფომ 2025 წელს ძალიან დიდი რაოდენობით ყურძენი თავად შეისყიდა. ანუ, მოთხოვნა არ იყო ამ ყურძენზე და მოთხოვნა, რომ არ იყო ეგაა ცუდი. სახელმწიფოს არ უნდა უწევდეს ამ ყურძნის შეძენა. მაგრამ რომ არა სუბსიდირება, მოთხოვნის არ ქონის შემთხვევაში ძალიან ბევრ ფერმერს დარჩებოდა გაუყიდავი მოსავალი”, - აღნიშნავს რაჭველი მეღვინე GBC-სთან საუბარში და იქვე დასძენს, რომ "რაჭა-ლეჩხუმის მეღვინეობის სექტორის მთავარი გამოწვევა არა ყურძნის შესყიდვა, არამედ ღვინის რეალიზაციაა. ერთ-ერთი მეღვინე აღნიშნავს, რომ მარნებს უფრო მეტად ესაჭიროებათ დახმარება გაყიდვების, ბაზრის მოძიებისა და პოზიციონირების მიმართულებით, ვიდრე ყურძნის შესყიდვაში".მიუხედავად იმისა, რომ 1 კგ ყურძენზე (ალექსანდროული და მუჯურეთული) სუბსიდია 3-დან 4 ლარამდე გაიზარდა და ბოლო ოთხი წლის განმავლობაში სტაბილურად ნარჩუნდება, დარგის ექსპერტები მიიჩნევენ, რომ ეს არ ნიშნავს ფერმერთა წმინდა მოგების ზრდას. გაზრდილი სუბსიდია ძირითადად გაძვირებული თვითღირებულების კომპენსირებას ხმარდება.ანალიტიკოსების შეფასებით, 2025 წლის „ბიუჯეტური ნახტომი“ აძლიერებს ფერმერთა მოწყვლადობას, რადგან რაჭა-ლეჩხუმის მევენახეობა სულ უფრო მეტად ხდება სახელმწიფო დონაციაზე დამოკიდებული, რაც გრძელვადიან პერსპექტივაში დარგის მდგრადობისთვის რისკის შემცველია.

1777279476

ეს მოხდა მას შემდეგ, რაც აშშ-ის პრეზიდენტმა დონალდ ტრამპმა შაბათს განაცხადა, რომ ვაშინგტონმა გააუქმა პაკისტანში დელეგაციის გაგზავნის გეგმა, სადაც ირანელ კოლეგებთან მოლაპარაკებები უნდა გამართულიყო.ენერგორესურსების გლობალური მიწოდება ირანის ომის დაწყების დღიდან ძლიერი ზეწოლის ქვეშაა, რადგან კონფლიქტის გამო ჰორმუზის სრუტე - უმნიშვნელოვანესი წყლის გზა, ფაქტობრივად ჩაიკეტა.ირანის საგარეო საქმეთა მინისტრმა სეიდ აბას არაღჩიმ კვირას განაცხადა, რომ ომანთან, მათ მეზობელთან სრუტის გასწვრივ, მიმდინარეობს „მნიშვნელოვანი დისკუსიები ორმხრივ საკითხებსა და რეგიონულ მოვლენებზე“.მან სოციალურ ქსელში დაწერა: „ჩვენი ყურადღება გამახვილებული იყო უსაფრთხო ტრანზიტის უზრუნველყოფის გზებზე, რაც სასარგებლო იქნება ყველა ძვირფასი მეზობლისთვის და მსოფლიოსთვის. ჩვენი მეზობლები ჩვენი პრიორიტეტია“.ირანის სახელმწიფო საინფორმაციო სააგენტო „ირნას“ (Irna) ცნობით, არაღჩი ორშაბათს სანქტ-პეტერბურგში ჩავიდა „რუსეთის პრეზიდენტ ვლადიმერ პუტინთან შეხვედრისა და მოლაპარაკებების გამართვის მიზნით“.მსოფლიოს ნედლი ნავთობისა და თხევადი ბუნებრივი აირის (LNG) დაახლოებით მეხუთედი, როგორც წესი, სწორედ ჰორმუზის სრუტეზე გადის. Brent-ის მარკის ნავთობის ფასი 10%-ზე მეტით გაიზარდა მას შემდეგ, რაც გასულ კვირას ტრამპმა გამოაცხადა, რომ გაახანგრძლივებდა თეირანთან ცეცხლის შეწყვეტის შეთანხმებას, რათა მის ხელმძღვანელობას „ერთიანი წინადადების“ წარდგენის შანსი ჰქონოდა.სოფი ჰუინმა, BNP Paribas-ის პორტფელის მენეჯერმა და სტრატეგმა, განაცხადა, რომ სრუტის ხანგრძლივმა ჩაკეტვამ შესაძლოა გავლენა იქონიოს ყველაფრის ფასზე - „ნაგვის პარკებიდან დაწყებული, მედიკამენტებით დამთავრებული“.„ვფიქრობ, ჩვენ სათანადოდ ვერ ვაფასებთ იმ მასშტაბებს, თუ რა პროდუქტებზე შეიძლება იმოქმედოს ნავთობის დეფიციტმა. ჩვენ ხომ ნედლ ნავთობს კი არ მოვიხმართ, არამედ პროდუქტებს“, - განუცხადა მან BBC-ის გადაცემა Today-ს.მისი თქმით, თუ სრუტე კიდევ რამდენიმე კვირა დარჩება ჩაკეტილი, შედეგები „მიწოდების ჯაჭვის თვალსაზრისით მართლაც შორს მიმავალი იქნება“.სინგაპურის მენეჯმენტის უნივერსიტეტის ეკონომიკის ლექტორმა, გო ჯინგ რონგმა აღნიშნა, რომ ნავთობის ტრეიდერები ნაკლებად რეაგირებენ ბოლო სათაურებზე და ელოდებიან კონფლიქტის განმუხტვის „სარწმუნო“ მტკიცებულებებს.„ვფიქრობ, ტრეიდერებს სურთ კონკრეტული მტკიცებულებები და არა მხოლოდ მყიფე და შექცევადი შეთანხმება ცეცხლის შეწყვეტის შესახებ“, - თქვა გომ.ტრამპმა შაბათს Truth Social-ის პოსტში დაწერა, რომ ისლამაბადში აშშ-ის წარმომადგენლების გაგზავნაზე „ძალიან ბევრი დრო იხარჯებოდა მგზავრობაში“ და ეს იყო „ზედმეტი სამუშაო“.პრეზიდენტმა დასძინა, რომ თეირანის ხელმძღვანელობაში „არის უზარმაზარი შიდა დაპირისპირება და დაბნეულობა“. „არავინ იცის, ვინ არის პასუხისმგებელი, მათ შორის არც თავად მათ“, - თქვა მან. „გარდა ამისა, ყველა კარტი ჩვენს ხელშია, მათ კი არაფერი აქვთ! თუ საუბარი სურთ, საკმარისია უბრალოდ დარეკონ!“აზიის ბირჟებზე აქციების ფასები კვლავ იზრდებოდა და ზოგიერთმა მთავარმა საფონდო ბაზარმა რეკორდულ მაჩვენებლებს მიაღწია, მიუხედავად იმისა, რომ კონფლიქტის დასაწყისში ფასები მკვეთრად დაეცა.იაპონიის Nikkei 225 ინდექსი ორშაბათს 1,7%-ით გაიზარდა, რამაც კიდევ უფრო გაზარდა გასულ თვეში დაფიქსირებული თითქმის 14%-იანი მატება.სამხრეთ კორეის Kospi ბოლო ერთ თვეში 20%-ზე მეტით გაიზარდა, ორშაბათს კი მატებამ 2,5% შეადგინა.იაპონიის და სამხრეთ კორეის საფონდო ბირჟებმა თავიდან დიდი დარტყმა მიიღეს, რადგან მათი ეკონომიკა დიდწილად არის დამოკიდებული ყურის რეგიონიდან ენერგომატარებლების მიწოდებაზე.

1777275565

AAWE-ს ანგარიში, რომელიც აშშ-ის აღწერის ბიუროსა და USA Trade Online-ის მონაცემებს ეყრდნობა, ასახავს იმ ეფექტურ სატარიფო განაკვეთებს, რომლებიც წლის განმავლობაში იმპორტირებული ღვინის ღირებულებაზე იქნა დაკისრებული.ქართული ღვინისთვის დაწესებული 7%-იანი ტარიფი უფრო დაბალია, ვიდრე ევროპული ღვინის მწარმოებელი წამყვანი ქვეყნების მაჩვენებლები. მაგალითად:ამასთან, რეგიონის სხვა ქვეყნებთან შედარებით, საქართველოდან იმპორტირებული ღვინო ოდნავ მაღალი ტარიფით იბეგრება, ვიდრე სომხური (6.7%) ან მოლდოვური (3.7%) პროდუქცია. ყველაზე შეღავათიანი პირობებით კი აშშ-ის ბაზარზე მექსიკა (0.0%) და კანადა (0.3%) სარგებლობენ.AAWE-ს განმარტებით, 2025 წლის განმავლობაში ტარიფების ცვლილებაზე გავლენა იქონია რამდენიმე ფაქტორმა, მათ შორის ევროკავშირის ქვეყნებისთვის დაწესებულმა დამატებითმა შეზღუდვებმა (IEEPA).

1777226897

ვორქშოპი დაეთმობა თანამედროვე ტექნოლოგიების როლს სოფლის მეურნეობისა და აგრობიზნესის განვითარებაში. მონაწილეები მიიღებენ პრაქტიკულ ცოდნას იმ ინოვაციურ მიდგომებზე, რომლებიც ბიზნესებს ეფექტიანობის ზრდაში, რესურსების უკეთ მართვასა და მდგრადი განვითარების მიმართულებით წინსვლაში ეხმარება.შეხვედრის ფარგლებში განიხილება: AgriTech ტექნოლოგიების მნიშვნელობა თანამედროვე სოფლის მეურნეობაში მწვანე ტექნოლოგიები და მდგრადი წარმოების პრაქტიკა  რესურსების ეფექტიანი მართვა აგრობიზნესში ინოვაციების გამოყენება ბიზნესის ზრდისა და განვითარებისათვის ვორკშოპის მონაწილეებს შესაძლებლობა ექნებათ, იმსჯელონ აგრობიზნესში ტექნოლოგიური სიახლეების დანერგვის რეალურ შესაძლებლობებზე და მიიღონ პრაქტიკული რეკომენდაციები საკუთარი საქმიანობისთვის.ღონისძიება 27 აპრილს, 17:00 საათზე საქართველოს ბანკის 4B სივრცეში გაიმართება.საქართველოს ბანკი, ბიზნეს 360˚-ის ფარგლებში, აგრძელებს შეხვედრების სერიას, რომლის მიზანია მეწარმეებისა და ბიზნესების მხარდაჭერა ცოდნის გაზიარებით, პრაქტიკული გამოცდილებისა და თანამედროვე ტენდენციების გაცნობით.(R)

1777044520

ღონისძიებას ლონდონის საფონდო ბირჟამ უმასპინძლა და ერთ სივრცეში გლობალური ფინანსური სექტორის წარმომადგენლები - ფინტექ კომპანიების დამფუძნებლები, ინვესტორები და ფინანსური ინსტიტუტების ხელმძღვანელები გააერთიანა.ღონისძიების ფარგლებში ლევან გომშიაშვილი მონაწილეობდა პანელურ დისკუსიაში თემაზე: „რას ეძებენ საჯარო ბაზრების ინვესტორები ფინტექ სივრცეში?“, სადაც მან, წამყვან საერთაშორისო ფინანსურ ინსტიტუტებთან ერთად, ტექნოლოგიური საბანკო მომსახურების განვითარებასა და ინვესტორთა მოლოდინებზე იმსჯელა.დისკუსიის ფარგლებში ლევან გომშიაშვილმა აღნიშნა, რომ საქართველოს ბანკის მოდელი ერთდროულად აერთიანებს როგორც ტრადიციული ბანკის, ისე ფინტექ კომპანიის მახასიათებლებს, რაც, საბოლოო ჯამში, მომხმარებელზე ორიენტირებული, სწრაფი და ეფექტიანი სერვისების დანერგგვას უზრუნველყოფს.“ჩვენი მიდგომა ეფუძნება ძლიერი საბანკო ინფრასტრუქტურისა და ციფრული ინოვაციის ერთობლიობას, ეს კომბინაცია კი გვაძლევს შესაძლებლობას, შევქმნათ გრძელვადიანი ღირებულება როგორც მომხმარებლებისთვის, ისე ინვესტორებისთვის. Fintech in Focus 2026-ზე ლონდონის საფონდო ბირჟაზე ჩვენი 20-წლიანი წარმატებული საქმიანობისა და FTSE 100-ში გაწევრიანების შესახებ ვისაუბრე. ამგვარი ღონისძიებები მნიშვნელოვანია, რადგან გვაძლევს სივრცეს, აქტიურად ვიყოთ ჩართული გლობალურ დისკუსიებში, გავაძლიეროთ კომუნიკაცია საერთაშორისო ინვესტორებთან და კიდევ უფრო მეტად წარმოვაჩინოთ როგორც საქართველოს ბანკის ტექნოლოგიური შესაძლებლობები, ისე რეგიონის საინვესტიციო პოტენციალი”, - განაცხადა ლევან გომშიაშვილმა. (R)

1777044284

ამჯერად, საქართველოს ბანკმა, პარტნიორ კომპანიებთან ერთად, sCoolApp-ის ტრივიას მარკეტში ახალი ვაუჩერები დაამატა - ბიბლუსის 1,000 ცალი 50 და 20 ლარიანი, XS Toys-ის 100 ლარიანი და პეპელას 50 ლარიანი ვაუჩერები. დაგროვილი მონეტების გამოყენებით მოსწავლეები შეძლებენ შესაბამისი ვაუჩერების მიღებას.შეგახსენებთ, რომ ახალი სეზონზე საქართველოს ბანკი მოსწავლეებს შესაძლებლობას აძლევს, საკუთარი სკოლა დაამატონ და კლასელებთან ერთად იასპარეზონ.მოსწავლეებს შეუძლიათ აპლიკაციაში საკუთარი სკოლის მითითება და კლასელებთან ერთად საერთო შედეგისთვის ბრძოლა.  შეჯიბრების მთავარი პრინციპი ვარსკვლავებზეა დაფუძნებული: მონაწილეებმა ყოველდღიურად ხუთ კითხვას უნდა უპასუხონ, რითაც ვარსკვლავებსა და მონეტებს დააგროვებენ.  სკოლის შედეგი მოსწავლეების საშუალო ვარსკვლავების რაოდენობაზეა დამოკიდებული. სწორედ ამიტომ, წარმატებისთვის თითოეული მოთამაშის ჩართულობა მნიშვნელოვანია.ლიდერბორდზე ქვეყნის მასშტაბით TOP 10 სკოლა გამოჩნდება - რაც თამაშს დამატებით მოტივაციასა და ჯანსაღ კონკურენციას მატებს.თუ თქვენს შვილს sCoolApp ჯერ არ აქვს, გადმოწერეთ მარტივად, ჩაერთეთ თამაშში და მიეცით შანსი, ცოდნა ნამდვილ საგანძურად აქციოს.(R)

1777036802

1777034349