რუსეთში გაუჩინარებული სამგზავრო თვითმფრინავის ნამსხვრევები იპოვეს

2025-ის 6 თვეში ვიზიტორების კონტრიბუცია 1.972 მლრდ აშშ დოლარია (H1/2024 – $1.898 მლრდ)ზრდა მნიშვნელოვანწილად მეზობელი რესპუბლიკებიდან (რუსეთის გარდა), ისრაელიდან და ევროკავშირის ქვეყნებიდან ვიზიტორების დანახარჯების მატებით არის განპირობებული.მოსაზღვრე  თურქეთიდან შემოსული მოქალაქეების დანახარჯები 2025-ის II კვარტალში გაზრდილია (Q1/2025 – $107 მლნ, Q2/2025 – $151 მლნ), თუმცა მთლიანად, 2 კვარტლის ანგარიშით, წლიურად კლებაა, 10%-ით.საქართველოში რუსი ვიზიტორების დანახარჯების კლების წლიური მაჩვენებელი 20% -ს აღწევს, რაც სტატისტიკის მეთოდოლოგიის ეფექტია.  ჩვენ ქვეყანაში  1 წელზე მეტი პერიოდით მცხოვრები (ან თუ 1 წელზე მეტი ხნით აპირებენ დარჩენას) რუსი, ისევე როგორც ბელარუსი და უკრაინელი, ვიზიტორად აღარ კლასიფიცირდება და რეზიდენტის კატეგორიაში გადის (სსფ-ს მეთოდოლოგიით. ასეთი  კონტინგენტი, 01.07.2025-ის მდგომარეობით, რუსეთიდან შემოსულების 21%-მდეა, უკრაინელი სტუმრების 20.1% და საქართველოს საზღვარგადმოკვეთილი ბალერუსების 15.3%.სებ-ის სტატისტიკაში „დანარჩენი ქვეყნების“, მ.შ. ჩინეთის და აზიის სხვა ქვეყნების მოგზაურების ქეისი არ  ჩანს.სასურველი ტურისტების, ნაკლებმხარჯველით ჩანაცვლებაზე, ბაზრის რადიკალურ შეცლაზე და წლევანდელი სეზონის უცნაურობებზე მხოლოდ ტუროპერატორები  და სასტუმროების მეპატრონეები საუბრობენ. სატელევიზიო ეთერში მესტიის ერთ-ერთი სასტუმროს („ლაჰილი“) მფლობელმა ლევან დადვანმა განაცხადა, რომ მენიუს შეცვლა მოუწია. იძულებული გახდა ბრინჯი დიდი რაოდენობით დაემატებინა. ევროპელისგან განსხვავებით, რომელსაც ქართული კულტურა, სამზარეულო ხიბლავს, ეთნოტურებში მონაწილოებს, სხვა ტრადიციულ აქტივობებში ერთვება, ჩინელს, სვანური კოშკი, სვანების გადარჩენილი და საუკუნეების განმავლობაში დაცული უნიკალური სამუზეუმო ექსპოზიცია  სულ არ აინტერესებს. არც ჭვიშტარი და კუბდარი.  მითუმეტეს, თაშმიჯაბი და ფეტვიანი ხაჭაპური. უმეტესობა  საუზმეზეც კი უარს ამბობს და მარკეტის არჩევანით კმაყოფილდება. ძირითადად, როგორც დადვანმა თქვა ლაფშით იკვებებიან, სწრაფი მომზადების წვნიანით.

1753463965

ციფრული სასაჩუქრე ბარათის გაგზავნა სასურველ ადრესატთან მობილბანკით, მომენტალურად, მხოლოდ მობილურის ნომრის მითითებითაა შესაძლებელი. გარდა ამისა, შესაძლებელია სასაჩუქრე ბარათის პერსონალიზება და დიზაინის შერჩევა, მისალოც წერილთან ერთად.City Mall-ის ციფრული ვაუჩერის, ერთ-ერთი მთავარი უპირატესობა ის არის, რომ ადრესატს შესაძლებლობა აქვს, არა კონკრეტულ მაღაზიაში, არამედ, მთლიანად სავაჭრო ცენტრში იშოპინგოს და მრავალფეროვან არჩევანზე ჰქონდეს წვდომა. ვაუჩერის მფლობელს მისი გამოყენება როგორც City Mall საბურთალოს, ისე გლდანის ფილიალში შეუძლია.„მოხარული ვართ, რომ მობილბანკში ციფრული სასაჩუქრე ბარათების მოდული კიდევ უფრო იზრდება. მომხმარებლებისთვის კომფორტული, სწრაფი და მრავალფეროვანი მომსახურების შეთავაზება ჩვენი ერთ-ერთი პრიორიტეტია. City Mall-ის ციფრული სასაჩუქრე ბარათის დამატებით, ჩვენ მომხმარებლებს შესაძლებლობას ვაძლევთ, საყვარელი ადამიანებს მრავალფეროვანი არჩევანი  შესთავაზონ და ამით გაახარონ“, – აღნიშნავენ საქართველოს ბანკში.ცნობისთვის, შეძენილი სასაჩუქრე ბარათის დამატება ციფრულ საფულეში, ე.წ. Wallet-შია შესაძლებელი. მისი გაგზავნა კი შესაძლებელია ნებისმიერ ადამიანთან, იმისდა მიუხედავად, სარგებლობს თუ არა ადრესატი საქართველოს ბანკის მობილბანკით. სითი მოლის პარტნიორ მაღაზიებში სასურველი ნივთის საფასურის სასაჩუქრე ბარათით გადახდა კი Wallet-იდანვე იქნება შესაძლებელი.გადმოწერე მობილბანკი და გააგზავნე ციფრული სასაჩუქრე ბარათები მარტივად.

1753451904

კვიპროსის რესპუბლიკაში საქართველოს საელჩო არსებული ვითარებიდან გამომდინარე, საელჩოს ცხელი ხაზის ნომერს ავრცელებს.„პაფოსისა და ლიმასოლის მუნიციპალიტეტებში, ასევე კვიპროსის ცენტრალურ მაღალმთიან რეგიონში, კვლავ მიმდინარეობს მასშტაბური ხანძარსაწინააღმდეგო სამუშაოები.გთხოვთ, არსებული რთული ვითარებიდან გამომდინარე, გაითვალისწინოთ, რომ საქართველოს საელჩოს ცხელი ხაზი მუშაობს უწყვეტ რეჟიმში: +357 96 808844“, - აღნიშნულია საელჩოს მიერ გავრცელებულ ინფორმაციაში.

1753448871

არადეკლარირებული საქონლის საერთო საბაჟო ღირებულებამ 38 546 ლარი შეადგინა.სამართალდამრღვევი საქართველოს მოქალაქის საქმის მასალები, შემდგომი რეაგირების მიზნით, საქართველოს ფინანსთა სამინისტროს საგამოძიებო სამსახურს გადაეცა, ხოლო 2 კანონდამრღვევი მოქალაქე საბაჟო კოდექსის 168-ე მუხლის I ნაწილის შესაბამისად, ჯამში 17 875 ლარით დაჯარიმდნენ.

1753444577

სების ცნობით, 2025 წლის 25 ივლისს, American Express-მა გავრცელებულ ინფორმაციაში დაადასტურა, რომ კომპანია მზად არის საკუთარი საგადახდო სქემა გახსნას საქართველოში მოქმედი ყველა შესაბამისი საფინანსო ინსტიტუტისთვის. ამავე ინფორმაციის მიხედვით, კომპანიას განზრახული აქვს ითანამშრომლოს იმ ბანკებთან, რომლებიც გამოთქვამენ ინტერესს American Express-თან გლობალური ქსელის ბარათების ემისიასა და ექვაირინგზე საქართველოში.American Express-ის გადაწყვეტილება საგადახდო სქემის გახსნის შესახებ გადადგმული მნიშვნელოვანი ნაბიჯია საქართველოს საგადახდო ინდუსტრიაში ეფექტიანი კონკურენციის წახალისებისკენ, აცხადებენ სებში.რეგულატორისთვის აღსანიშნავია, ამ პროცესში საქართველოს ეროვნული ბანკის როლი, რომელიც მისთვის მინიჭებული მანდატის შესაბამისად, საფინანსო სექტორში კონკურენციის კანონმდებლობის ეფექტიან აღსრულებას უზრუნველყოფს.საქართველოს საგადახდო კანონმდებლობა, რომლის კონცეპტუალურ საფუძველს ევროკავშირის საგადახდო კანონმდებლობასთან ჰარმონიზაცია წარმოადგენს, უდიდეს მნიშვნელობას ანიჭებს საგადახდო სისტემებსა და საგადახდო სქემებზე ობიექტური, პროპორციული და არადისკრიმინაციული წვდომის გარანტირებასა და საფინანსო ინსტიტუტებს შორის საგადახდო სფეროში კონკურენციის გაძლიერებას.

1753444194

თიბისი კაპიტალის მთავარი ეკონომისტი განახლებაში წერს: „ჩვენი მკითხველისთვის ცნობილია, რომ, როგორც ბოლო თვეების განმავლობაში არაერთხელ აღვნიშნეთ, სწორედ ძლიერი წმინდა სავალუტო შემოდინებები წარმოადგენს ლარის მხარდამჭერი სამი მთავარი ფაქტორიდან ერთ-ერთს. ბალანსის გაუმჯობესება ასევე მიანიშნებს, რომ მეორე კვარტალში მოსალოდნელია მიმდინარე ანგარიშის დეფიციტის შემცირებაც, რომელიც პირველ კვარტალში, სეზონური ფაქტორების გამორიცხვით, მშპ-ის 6.7%-მდე გაიზარდა. სავალუტო ნაკადების ყველაზე დიდი წყარო კვლავ ევროკავშირია, რომელზეც მეორე კვარტალში ჯამური შემოდინებების 20.3% მოდიოდა, ნაცვლად პირველი კვარტფლის 21.7%-ისა.საკუთრივ ბალანსის გაუმჯობესება კი განპირობებულია როგორც უფრო ძლიერი სავალუტო შემოდინებებით, ასევე - შესუსტებული გადინებით. სახელდობრ, ივნისის მდგომარეობით, საგარეო ვაჭრობაში კვლავ ნარჩუნდება ბოლო თვეებისათვის დამახასიათებელი დინამიკა - ექსპორტი ძლიერი რჩება მეტწილად ავტომობილების რეექსპორტის ხარჯზე, ხოლო იმპორტის ზრდა სუსტია, მათ შორის სწორედ ავტომობილების შემცირებული იმპორტის შედეგადაც. კერძოდ, აშშ დოლარში გამოხატული საქონლის ექსპორტი ივნისში წლიურად 10.4%-ით გაიზარდა (წლის პირველ 6 თვეში ზრდა - 13.7%), ხოლო იმპორტი - მხოლოდ 0.9%-ით (5.8%-ით 6 თვეში, იანვრის ერთჯერადი ფაქტორის გამორიცხვით).ავტომობილების რეექსპორტისა და იმპორტის ურთიერთსაპირისპირო დინამიკას სავარაუდოდ ხელს უწყობს ქვეყანაში საექსპორტოდ შემოტანილი ავტომობილების მოცულობითი მარაგის დაგროვებაც, რომელიც ნაწილობრივ მაინც აკმაყოფილებს არსებულ მოთხოვნას. ამ ფონზე, წლიურად შემცირება ფიქსირდება ადგილობრივი ექსპორტის ისეთ ტრადიციულად მნიშვნელოვან კატეგორიებში, როგორებიცაა ღვინო და ფეროშენადნობები, თუმცა, ადგილობრივი ექსპორტი წლის პირველ 6 თვეში მაინც გაიზარდა 6.4%-ით, რაშიც ძირითადი წვლილი ძვირფასი ლითონების, ბოსტნეულის, ხილის, თხილეულის, მინერალური წყლებისა და გამაგრილებელი სასმელების გაზრდილმა ექსპორტმა შეიტანა.გაუმჯობესება გრძელდება ფულადი გზავნილების დინამიკაში, რომელიც ივნისში 12.2%-ით გაიზარდა. გზავნილებში ევროკავშირის წილი ბოლო 12 თვის განმავლობაში თითქმის უცვლელად ნარჩუნდება ისტორიულ მაქსიმუმზე და 46%-ს უტოლდება. ასევე პიკზეა შემოდინებების წილი ამერიკის შეერთებული შტატებიდანაც, საიდანაც საქართველო გზავნილების თითქმის 19%-ს იღებს. 2022 წლიდან მზარდი ტენდენციით ხასიათდება ისრაელიც, თუმცა მეორე კვარტალში ამ ქვეყნიდან მიღებული შემოდინებების წილი მარტში დაფიქსირებული 8.8%-დან 7.6%-მდე შემცირდა. რაც შეეხება რუსეთს, წილი ფულად გზავნილებში მიმდინარე წლის იანვარში ისტორიულ მინიმუმამდე - 10.5%-მდე შემცირდა, ხოლო, ივნისის მდგომარეობით, მცირედით გაიზარდა და 13.0%-ს მიაღწია.ამავდროულად, ტურიზმიდან შემოსავლების წლიურმა ზრდამ მეორე კვარტალში 5% შეადგინა, რაც პირველი კვარტლის მაჩვენებელს მცირედით აღემატება (2.3%), ახლო აღმოსავლეთის კონფლიქტიდან გარკვეული დროებითი უარყოფითი ეფექტის მიუხედავად. მათ შორის, ევროკავშირიდან შემოსავლებმა მთლიან ზრდაში 3.3 პროცენტული პუნქტის წვლილი შეიტანა. გარდა ამისა, მეორე კვარტალში ევროკავშირის წილმა ტურიზმიდან ჯამურ შემოსავლებში 15.2%-ს მიაღწია, რაც 2021 წლის მე-3 კვარტლის შემდეგ ყველაზე მაღალი მაჩვენებელია. სიდიდით მეორე იყო წლიურ ზრდაში კონტრიბუცია ისრაელიდან, მიუხედავად იმისა, რომ, სეზონურად შესწორების შემთხვევაში, ისრაელიდან შემოსავლები პირველ კვარტალთან შედარებით მცირედით შენელდა. ახლო აღმოსავლეთის კონფლიქტის საქართველოს ეკონომიკაზე ზეგავლენის რეალურ დროში შეფასება, რომელიც შეზღუდული ხანგრძლივობისა და მასშტაბის ეფექტზე მიუთითებდა, კვლავ ძალაში რჩება: არარეზიდენტების უნაღდო ხარჯები ტურისტულ კატეგორიებში ცეცხლის შეწყვეტის შესახებ შეთანხმების შემდგომ ზრდის ტენდენციით ხასიათდება, ხოლო ისრაელიდან Google-ის საძიებო სისტემაში საქართველოს შესახებ ძებნათა სიხშირე, კონფლიქტის პერიოდში ვარდნის შემდეგ, თვალსაჩინოდ გაიზარდა და ივლისში ბოლო ოთხი თვის მაქსიმალურ ნიშნულს მიაღწია. ზრდაში კონტრიბუციების კუთხით, აგრეთვე გამოვყოფთ აზერბაიჯანს, ხოლო, საპირისპიროდ, კლების კუთხით ყველაზე დიდი წილი რუსეთსა და თურქეთზე მოდიოდა. მართალია, ოფიციალური მონაცემები მხოლოდ კვარტალური სიხშირითაა ხელმისაწვდომი, მაგრამ ჩვენი საპროგნოზო მოდელის თანახმად, ივნისში ტურიზმიდან ჯამური შემოსავლები, სეზონურად შესწორების შემთხვევაში, თვიურად თითქმის უცვლელი იყო, თუმცა ივლისში უფრო მზარდი ტენდენცია იკვეთება.გარდა უცხოური ვალუტის წმინდა შემოდინებისა, ლარის მხარდამჭერი სხვა ფაქტორების კუთხით, აღსანიშნავია, რომ აშშ დოლარი მსოფლიო ბაზარზე კვლავ სუსტი რჩება, ხოლო დეპოზიტების უკან ლარში კონვერტაციების მიმდინარე დინამიკა ივლისში შედარებით შერეულ სურათს აჩვენებს. პარალელურად, ჩვენი შეფასებით, სებ-მა ივნისში, წინა თვეების მსგავსად, საკმაოდ დიდი მოცულობით აშშ დოლარი შეიძინა და ამავე მიმართულებით ინტერვენციებს ივლისშიც განაგრძობს.რაც შეეხება უახლეს ინდიკატორებს, ჯამური უნაღდო დანახარჯები ივნისსა და ივლისში დაახლოებით ერთ დონეზე ნარჩუნდება, რამაც, ზედიზედ სამთვიანი მატების შემდეგ, წლიური ზრდის შენელება გამოიწვია. დინამიკა მსგავსია მიგრანტების დანახარჯების კუთხითაც, ხოლო, როგორც ზემოთ აღინიშნა, არარეზიდენტების ხარჯვაში, რომელიც ტურისტული შემოსავლების რეალურ დროში შეფასებისთვის გამოიყენება, ივლისში გაუმჯობესება ფიქსირდება.გასული თვეების ტენდენციები მეტწილად ნარჩუნდება სამომხმარებლო ფასების დინამიკაშიც. ინფლაცია კვლავ მზარდია და ივნისის მდგომარეობით წლიურად 4.0%-ს უტოლდება. აჩქარება შეინიშნება წინა თვესთან შედარებითაც, თუმცა ეს მაჩვენებელი დიდწილად მოლოდინების შესაბამისია. ფასების ზრდის მთავარ განმაპირობებელ ფაქტორად კვლავ სურსათი რჩება, მაგრამ ივნისში შედარებით მაღალი იყო მომსახურების ინფლაციაც. ამ კუთხით აღსანიშნავია, რომ ივლისსა და აგვისტოში ამოიწურება ინტერნეტის გადასახადის კლების ეფექტიც, რომელიც ჯამურ ინფლაციას დაახლოებით 0.4 პროცენტული პუნქტით ამცირებს.აღსანიშნავია ისიც, რომ ფასების ზრდა სამომხმარებლო კალათაში შემავალი კატეგორიების უმეტესობაში ფიქსირდება და არაა განპირობებული რომელიმე ცალკეული საქონლისა თუ მომსახურების გაძვირებით. ამასთან, შერეული წარმოების საქონლის ინფლაცია ივნისში 7.2%-ია, ხოლო ადგილობრივი წარმოების პროდუქტების ინფლაცია - 5.2%, რაც მნიშვნელოვნად აღემატება ეროვნული ბანკის 3%-იან სამიზნე მაჩვენებელს. შესაბამისად, რომ არა იმპორტული კატეგორიის დაახლოებით 2%-იანი დეფლაცია, რაშიც მნიშვნელოვანი წვლილი ნავთობის გლობალურად გაიაფებას შეაქვს, სამომხმარებლო ფასების ზრდა კიდევ უფრო გამოკვეთილი იქნებოდა. ამ ფონზე, შეიძლება ითქვას, რომ ინფლაცია სულ უფრო მეტადაა განპირობებული ადგილობრივი ფაქტორებით, ეს კი, მათ შორის, ივნისში გაზრდილ მომსახურების ინფლაციაში აისახა, რაც გასაკვირი არ არის, ეკონომიკურ აქტივობასთან ისტორიულად ყველაზე მაღალი კორელაციის გათვალისწინებით“.

1753441277

უწყების ცნობით, ფინანსთა სამინისტროს შემოსავლების სამსახურის საბაჟო დეპარტამენტის უფროსის მოვალეობის შემსრულებელმა მიხეილ ჩოკოშვილმა, ასევე საერთაშორისო ურთიერთობათა დეპარტამენტის ხელმძღვანელმა სამსონ ურიდიამ, საქართველოს შინაგან საქმეთა სამინისტროსა და სახელმწიფო უსაფრთხოების სამსახურის წარმომადგენლებმა მონაწილეობა მიიღეს 24 ივლისს, ქალაქ ერევანში გამართულ სამუშაო შეხვედრაში, რომელიც საქართველოსა და სომხეთის რესპუბლიკას შორის საბაჟო გამშვები პუნქტის ერთობლივი გამოყენების პროექტის განხილვას დაეთმო.სამუშაო შეხვედრაზე მხარეებმა ორ ქვეყანას შორის ფიზიკური პირების/სატრანსპორტო საშუალებების მიერ, საზღვრის კვეთის მიმართულებით თანამშრომლობის შესაძლებლობები განიხილეს და  2013 წლის 17 იანვარს დადებული  „სახმელეთო საბაჟო გამშვები პუნქტების ერთობლივი გამოყენების შესახებ" საქართველოს მთავრობასა და სომხეთის რესპუბლიკის მთავრობას შორის გაფორმებული შეთანხმებით გათვალისწინებულ საკითხებზე იმსჯელეს.ვიზიტის ფარგლებში, საქართველოს მხრიდან ერთობლივი კომიტეტის თავმჯდომარემ, საბაჟო დეპარტამენტის უფროსის მოვალეობის შემსრულებელმა მიხეილ ჩოკოშვილმა ხელი მოაწერა დოკუმენტს, რომლითაც განისაზღვრა სამუშაო ჯგუფების შემადგენლობა.მისი თქმით, პროექტის განხორციელება ხელს შეუწყობს,  საბაჟო ადმინისტრაციებს შორის ეფექტურ თანამშრომლობას, უსაფრთხოების მოთხოვნების აღსრულებასა და გაზრდილი ტვირთნაკადის პირობებში კანონიერ ვაჭრობას.აღნიშნული უწყებათაშორისი ვიზიტი აზიის განვითარების ბანკის (ADB) მხარდაჭერით გაიმართა. მხარეებმა გამოთქვეს მზადყოფნა მომავალშიც გააგრძელონ აქტიური თანამშრომლობა.

1753440513

საქართველოს ბანკის ბიზნეს მომხმარებლებისთვის ციფრულ არხში ხელმისაწვდომია განსაკუთრებული პირობები ისეთ სერვისებზე, როგორებიცაა ფინანსური ანალიტიკა, ფინანსური მენეჯმენტი, ფინანსური რეპორტინგი, ბიზნესის დაგეგმვა და სხვა. მათ შორისაა:50%-იანი ფასდაკლება ფინანსური ანალიტიკის პლატფორმაზე - AmadeoAmadeo.ge ინოვაციური ფინტექ პლატფორმაა, რომელიც მცირე და საშუალო ბიზნესებს სრულფასოვან ფინანსურ ანალიტიკას და მარეგულირებელი ანგარიშგების ავტომატიზაციას სთავაზობს. პლატფორმა კომპანიის მფლობელებსა და ბუღალტრებს ინფორმირებული და სწორი ფინანსური გადაწყვეტილებების მიღებაში ეხმარება.Amadeo საქართველოს ბანკის ბიზნეს მომხმარებლებს სერვისების სრულ ჩამონათვალზე 1 წლის განმავლობაში 50%-იან ფასდაკლებას სთავაზობს, თანხის უკან დაბრუნების 3 თვიანი გარანტიით.ვრცლად შეთავაზება იხილეთ აქ40% ფასდაკლება კომპანიის ფინანსურ მომსახურებაზე - ლევერიჯ კონსალტინგილევერიჯ კონსალტინგი ფინანსური საკონსულტაციო კომპანიაა, რომელიც მომხმარებლებს ფინანსური მენეჯმენტის სრულ სერვისებს, პროფესიონალურ მომსახურებას და  კონფიდენციალურობას სთავაზობს.სერვისების ჩამონათვალი მოიცავს ფინანსური მენეჯერის/დირექტორის აუთსორსინგს, ფინანსურ ანალიზსა და დიაგნოსტირებას, ფინანსური პროცესების ოპტიმიზაციას  და სხვა.საქართველოს ბანკის ბიზნესმომხმარებლებს შესაძლებლობა აქვთ ამ და სხვა სერვისებზე 40%-იანი ფასდაკლებით ისარგებლონ.ვრცლად შეთავაზება იხილეთ აქ35% ფასდაკლება ფინანსური მენეჯმენტის ყველა მიმართულებაზე - ფინანსური ლაბორატორიასაკონსულტაციო კომპანია ფინანსური ლაბორატორია 10 წელია, რაც  მომხმარებლებს ბიზნესის საჭირობებზე მორგებულ სრულ ფინანსურ სერვისს სთავაზობს.საქართველოს ბანკის ბიზნეს მომხმარებლებს კი შეუძლიათ ფინანსური მენეჯმენტის სხვადასხვა მიმართულებაზე, 35%-იანი ფასდაკლება მიიღონ. მათ შორის, კომპანიის სრულ ფინანსურ მართვაზე, სტრატეგიულ ფინანსურ დაგეგმვაზე, ბიზნესის შეფასებაზე და სხვა.ვრცლად შეთავაზება იხილეთ აქ20% ფასდაკლება ფინანსური რეპორტინგის მომსახურებაზე - SavvySavvY სპეციალიზებული ბიზნეს საკონსულტაციო კომპანიაა, რომელიც ბიზნესისთვის დამატებით ღირებულებას საკონსულტაციო სერვისების მეშვეობით ქმნის. კომპანია პერსონალიზებული და პრაქტიკული მიდგომით ორგანიზაციებს რთული ბიზნეს გამოწვევების გამკლავებაში ეხმარება.SavvY ბიზნესს სხვადასხვა ტიპის საკონსულტაციო მომსახურებას სთავაზობს მათ შორის: კვლევასა და დაგეგმვას, მხარდაჭერას დაფინანსების მოპოვებაში, ინვესტიციების მართვას  და სხვა. დამწყები ბიზნესები კი, რომლებიც საქართველოს ბანკის მომხმარებლები არიან, ფინანსური მენეჯმენტის მომსახურებაზე  20%-იანი ფასდაკლებით ისარგებლებენ.ვრცლად შეთავაზება იხილეთ აქგარდა ამისა, საქართველოს ბანკი მომხმარებლებს ათობით სხვა ბიზნესის პროდუქტებსა და მომსახურებაზე შეღავათებსა და სპეციალურ პირობებს სთავაზობს. გაიგეთ მეტი შეთავაზებების შესახებ საქართველოს ბანკის ბიზნეს მობილბანკიდან.მეტი ინფორმაციისთვის ეწვიეთ ბმულს ან გადმოწერეთ საქართველოს ბანკის ბიზნეს მობილბანკი. ხოლო თუ ჯერ არ ხართ საქართველოს ბანკის ბიზნეს მომხმარებელი, გახსენით ბიზნეს ანგარიში ონლაინ მარტივად  2 წუთში.

1753437911