სერბეთის რესპუბლიკის პრემიერი გადადგა

Prosus-თან გაფორმებული შეთანხმების შედეგად, TBC Uzbekistan-ს ექნება წვდომა ახალ მომხმარებელთა სეგმენტებზე OLX UZ-ის მეშვეობით, რომელიც უზბეკეთის მე-6 ყველაზე პოპულარული ვებსაიტია. OLX Uzbekistan-ს ჰყავს 5.4 მილიონი აქტიური მომხმარებელი თვეში და 2.2 მილიონი აქტიური განცხადება, რაც მას ლიდერად აქცევს მომსახურებების, საქონლის, ავტომობილებისა და უძრავი ქონების სეგმენტებში და ემსახურება ქვეყნის ინტერნეტმომხმარებელთა 20%-ზე მეტს.TBC PLC-ის განცხადებით,  ეს გარიგება მნიშვნელოვანი ეტაპია უზბეკეთის სწრაფად მზარდი ტექნოლოგიური სექტორისთვის და წარმოადგენს ერთ-ერთ ყველაზე მასშტაბურ M&A გარიგებას ქვეყანაში ბოლო 30 წლის განმავლობაში.OLX UZ-ის შესაძენად TBC Bank Group-მა Titan Investments-თან ერთად შექმნა ერთობლივი საწარმო (JV) - საერთაშორისო საინვესტიციო ჰოლდინგი, რომელსაც მხარს უჭერენ წამყვანი საერთაშორისო ინსტიტუციური ინვესტორები, საინვესტიციო ფონდები და სუვერენული ფონდი ახლო აღმოსავლეთიდან. ერთობლივი საწარმო შეიძენს OLX Uzbekistan-ის 100%-ს, სადაც TBC Bank Group ფლობს 50% + 1 აქციას, ხოლო Titan Investments-ს ეკუთვნის დარჩენილი წილი.გარიგება მარეგულირებლის თანხმობის მიღებას ექვემდებარება. TBC Bank Group გეგმავს უკვე მომგებიანი OLX Uzbekistan-ის სრულად ინტეგრირებას TBC Uzbekistan-ის ეკოსისტემაში. ხოლო, OLX Uzbekistan-ი საქმიანობას თავისი ჩამოყალიბებული ბრენდის ქვეშ განაგრძობს.ჯგუფის განცხადებით, Titan Investments-ის გუნდს გააჩნია ღრმა ექსპერტიზა მაღალი ზრდის ციფრულ კომპანიებში ინვესტირებასა და მასშტაბირებაში, მათ შორის ონლაინ განცხადებების პლატფორმებში. ერთობლივი საწარმო საშუალებას მისცემს ჯგუფს გამოიყენოს Titan-ის გამოცდილება, მაშინ როცა TBC Uzbekistan კონცენტრირდება OLX Uzbekistan-ში ციფრული საბანკო პროდუქტების ინტეგრაციაზე და ახალი პროდუქტების ერთობლივ განვითარებაზე.TBC PLC-ის თქმით, ეს შესყიდვა დამატებით სინერგიას გააჩენს TBC Uzbekistan-ისთვის, ცენტრალური აზიის ციფრული საბანკო ეკოსისტემისთვის, რომელიც უკვე 21 მილიონ უნიკალურ რეგისტრირებულ მომხმარებელს აღწევს და წარმოადგენს TBC Group-ის სტრატეგიის ნაწილს - მომგებიანი ზრდის გაგრძელების მიმართულებით.აღნიშნული გარიგება 2025 წლის ივნისში გაფორმებულ შეთანხმებას მოჰყვა, რომლის მიხედვითაც TBC Bank Group-მა შეიძინა საკონტროლო პაკეტი BILLZ-ის, საცალო მართვის SaaS პლატფორმაში უზბეკეთში.  „ჩვენი ეკოსისტემა ითვლის 21 მილიონ უნიკალურ რეგისტრირებულ მომხმარებელს, რაც უზბეკეთის მოსახლეობის ნახევარზე მეტს წარმოადგენს. ჩვენ სწრაფად განვაგრძობთ ზრდას, ვაძლევთ ჩვენს მომხმარებლებს შესაძლებლობას, მარტივად მოაგვარონ როგორც ფინანსური, ისე ცხოვრებისეული საჭიროებები. OLX Uzbekistan-ის შეძენა ჩვენი გაფართოვებისა და დივერსიფიკაციის სტრატეგიის ლოგიკური გაგრძელებაა: ჩვენ ვამატებთ ახალ მომხმარებლებს, შევდივართ ახალ სეგმენტებში და ვზრდით მომხმარებელთა ჩართულობას“, - აცხადებს TBC Uzbekistan-ის CEO ნიკა ქურდიანი.TBC Uzbekistan-ის საქმიანობას TBC Digital ჰოლდინგი მართავს რომელიც 80%-ით ეკუთვნის TBC Bank Group-ს, ხოლო 10-10% EBRD-სა და IFC-ს. ამ გარიგებაზე TBC Bank Group-ის ერთადერთ M&A მრჩევლად TBC Capital-ი მოქმედებს.

1755789245

პროექტის საინვესტიციო ღირებულება 15 მილიონ ლარია, საიდანაც საქართველოს ბანკის წილი 9 150 000 ლარზე მეტია. მეტროპოლ ლისის კონცეფცია ეკოლოგიურად სუფთა გარემოს, თანამედროვე არქიტექტურასა და სრულად განვითარებულ ინფრასტრუქტურას ემყარება. ახალ უბანში 70-მდე ვილა აშენდება, რომელთა ნაკვეთის ფართობი 600 მ²-დან 1,500 მ²-მდეა. მობინადრეებს შესაძლებლობა ექნებათ, სახლის ხუთი განსხვავებული არქიტექტურული დიზაინიდან სასურველი აირჩიონ, რომლის აშენებასაც კომპანია, საჭიროების შემთხვევაში, უზრუნველყოფს.დასახლება მრავალფეროვანი ინფრასტრუქტურით გამოირჩევა, მათ შორისაა: პადელის მოედანი, ღია კინოთეატრი, საბავშვო და სპორტული მოედნები, ველობილიკები და მოსასვენებელი ზონები, დეკორაციული გამწვანება და შადრევნები. პროექტი ასევე ჭკვიან სისტემებს მოიცავს.„მეტროპოლი მომხმარებლებს სთავაზობს ყველა ტიპის საცხოვრებელ, საინვესტიციო და სუბურბანულ უძრავ ქონებას და მათ ინტერესებზე მორგებულ გადაწყვეტებს – უკეთესი ცხოვრებისთვის. მეტროპოლ ლისი კი ჩვენთვის ერთ-ერთი გამორჩეული პროექტია. იგი ლისის ტბის მიმდებარედ, თბილისის ეკოლოგიურად სუფთა და მშვიდ უბანში მდებარეობს, მისი მაცხოვრებლები  კი კეთილმოწყობილი სარეკრეაციო სივრცით ისარგებლებენ. გვინდა, დასახლების სრული ინფრასტრუქტურა თანამედროვე ცხოვრების სტილს მოვარგოთ“, - აღნიშნავს გიორგი მხეიძე, დეველოპერული კომპანია მეტროპოლის გენერალური დირექტორი.“საქართველოს ბანკისთვის მნიშვნელოვანია იმ ინიციატივების მხარდაჭერა, რომლებიც თანამედროვე სტანდარტების საცხოვრებელი გარემოს ჩამოყალიბებას უწყობს ხელს. მიგვაჩნია, რომ მეტროპოლ ლისი სწორედ ასეთი პროექტია და მოხარული ვართ, რომ საქართველოს ბანკის მხარდაჭერით, ეს პროექტი მობინადრეებს გამორჩეულ კომფორტს, უსაფრთხოებასა და ბუნებასთან სიახლოვეს შესთავაზებს, ჩვენ კი, როგორც ბიზნესის მხარდამჭერი ფინანსური ინსტიტუტი არ ვჩერდებით და ვიმედოვნებთ, რომ მომავალში ერთობლივად კიდევ არაერთ საინტერესო პროექტს განვახორციელებთ”, - აღნიშნავს ირაკლი კიკალიშვილი, საქართველოს ბანკის კორპორაციული გაყიდვების სექტორის უფროსი.დეველოპერული კომპანია მეტროპოლი 2022 წლიდან მომხმარებლებს საცხოვრებელი, საინვესტიციო და სუბურბანული უძრავი ქონების მრავალფეროვან არჩევანს სთავაზობს. მეტროპოლი საქართველოს ბანკთან დაარსების დღიდან თანამშრომლობს. აღსანიშნავია, რომ წელს დასრულდა მეტროპოლ ბაგების მშენებლობა, რომელიც ასევე ბანკის მხარდაჭერით განხორციელდა. მეტროპოლი ამჟამად 2,000-ზე მეტ ადამიანს ასაქმებს. სამომავლოდ კი საერთაშორისო ბაზრებზე გაფართოებასა და წარმომადგენლობითი ოფისების გახსნას გეგმავს. 

1755781099

სურსათის ეროვნული სააგენტო განმარტავს, რომ საპილოტე პროგრამა (მუნიციპალური პროგრამისგან განსხვავებით)  მოიცავს აჭარის  ექვსივე მუნიციპალიტეტს ( ბათუმი, ქობულეთი, ქედა, შუახევი, ხულო, ხელვაჩაური). დღეისათვის, საპილოტე პროგრამის ფარგლებში,ხელვაჩაურის, ქედას  ქობულეთის ,ბათუმის მუნიციპალიტეტიდან აყვანილია და ვეტერინარული მანიპულაციები (იდენტიფიკაცია-რეგისტრაცია,  კასტრაცია/სტერილიზაცია, ვაქცინაცია, დიაგნოსტიკა) ჩაუტარდა 287 ცხოველს. ანალოგიურად,  საპილოტე  პროგრამით გათვალისწინებული ღონისძიებები ტარდება იმერეთის და კახეთის ყველა მუნიციპალიტეტში.საპილოტე პროგრამის ფარგლებში განსაზღვრულია 9000 უპატრონო/მიკედლებული ცხოველის ქუჩებიდან აყვანა და ადგილობრივი თვითმმართველობების მიერ განსაზღვრულ თავშესაფარში გადაყვანა შესაბამისი მანიპულაციების ჩასატარებლად. პროგრამა ხელს შეუწყობს ცხოველების  პოპულაციის მართვას, მათ ჯანმრთელობაზე ზედამხედველობას, ცოფის და სხვა დაავადებების პრევენციას, ამავდროულად, ადამიანების ჯანმრთელობის დაცვას და უსაფრთხოებას.  პროგრამა, პირველ ეტაპზე, აჭარის, იმერეთისა და კახეთის რეგიონებს მოიცავს და ადგილობრივი თვითმმართველობების ჩართულობით ხორციელდება. 

1755774938

"4 ოქტომბერს საქართველოში მუნიციპალიტეტის ორგანოთა მორიგი არჩევნები უნდა გაიმართოს. "სამართლიანმა არჩევნებმა" წინასაარჩევნო პერიოდის დაწყებისთვის ქვეყანაში არსებული გარემო და დემოკრატიული არჩევნების ჩასატარებლად საჭირო პირობების არსებობა შეაფასა.ანგარიშისთვის მნიშვნელოვან გზამკვლევს წარმოადგენდა ევროკავშირის მიერ საქართველოსთვის, როგორც ამ გაერთიანებაში გაწევრების კანდიდატი ქვეყნისთვის, წამოყენებული მოთხოვნა, ჩაატაროს თავისუფალი, სამართლიანი და კონკურენტული არჩევნები."სამართლიანი არჩევნების" მოსაზრებით, ვენეციის კომისიის საარჩევნო ნორმათა კოდექსის ის სამი პირობა, რაც მოიცავს ძირითადი უფლებების პატივისცემას, საარჩევნო კანონმდებლობის სტაბილურობასა და პროცედურული გარანტიების არსებობას, დიდწილად არ არის დაცული, რითაც თავისუფალი, სამართლიანი და კონკურენტული არჩევნების ჩატარების შესაძლებლობა მნიშვნელოვნად არის შეზღუდული.აქედან გამომდინარე, "სამართლიანი არჩევნები" მუნიციპალიტეტის ორგანოთა არჩევნებს სტანდარტული სადამკვირვებლო მისიითა და მეთოდოლოგიით არ დააკვირდება. თუმცა, ორგანიზაცია აგრძელებს მიმდინარე პოლიტიკური და საარჩევნო პროცესების მონიტორინგს და შეფასებას", - ნათქვამია განცხადებაში.

1755769949

ლეგენდარულ „ენფილდამდე“ გზა გიორგიმ თიბისისთან ერთად გაიარა; ლივერპულის ქუჩებში გაეცნო ქალაქს, გულშემატკივრებს და ამ საინტერესო თავგადასავალმა კიდევ ერთხელ გაუმყარა რწმენა, რომ ეს ის ადგილია, სადაც არასდროს ივლი მარტო.საკომუნიკაციო ვიდეოში, რომელიც თიბისიმ გიორგი მამარდაშვილთან კოლაბორაციის ფარგლებში მოამზადა და სადაც მამარდას ენფილდისკენ მიმავალი გზაა ასახული, ქართველი მეკარე პირველად, რუკისა და ციფრული ტექნოლოგიების დახმარების გარეშე ცდილობს გაიკვლიოს გზა ლივერპულში და „ენფილდამდე“ მივიდეს. მაყურებელი მამარდას პირველი ლივერპულური ნაბიჯების თანამონაწილე ხდება - მასთან ერთად ეცნობა ქალაქს და იმუხტება პირველი ემოციებით - ის ხომ პირველად მიდის ენფილდ როუდზე.თიბისისა და მამარდას კოლაბორაცია ორივე მხარის ღირებულებებს ეფუძნება. გიორგი მამარდაშვილის კარიერა, მისი აქამდე განვლილი გზა, ახალი თაობის ფეხბურთელებისთვის შთამაგონებელი, სამაგალითო და რწმენის მიმცემია, რომ შეუძლებელიც შესაძლებელია; ხოლო მისი „ლივერპულში“ ხილვა ყველაზე ნათელი მაგალითია იმისა, რომ არ არსებობს არაფერი, რაც არ გამოვა - მთავარია გჯეროდეს. 

1755769218

„სწრაფი კვების სექტორში ახალი სტანდარტების დაწესება — მომხმარებლისთვის ხელმისაწვდომი, თუმცა მაღალი ხარისხის პროდუქტების შეთავაზება, თანამედროვე დიზაინით, მომსახურებითა და დახვეწილი გემოვნური პროფილით“, — აღნიშნავს თამარ ცინცაძე, „გურმან აკადემიის“ დამფუძნებელი.„გურმან აკადემიის“ ყოველდღიურ საქმიანობაში კარგად იგრძნობა, როგორ ერწყმის ერთმანეთს ტექნოლოგიური პროცესების ავტომატიზაცია და ადამიანური კომპონენტი — ყურადღება თითოეულ დეტალზე, სწრაფი რეაგირება მომხმარებლის უკუკავშირებზე და შინაგანი სტანდარტების მუდმივი დახვეწა. როგორც თამარი ამბობს, „გუნდის წევრების განვითარება და მოტივაცია მუდმივი პროცესია, რაც ჩვენი წარმატების ერთ-ერთი ფუნდამენტური საფუძველია”.დღეს ბრენდი უკვე ისეთ პროექტებს აერთიანებს, როგორებიცაა მეღვინეობა და აგრო-ეკო ტურიზმი. ყვარელში შექმნილი კონცეფცია არამარტო ქართულ ტრადიციებს ეყრდნობა, არამედ მჭიდროდ უკავშირდება თანამედროვე ეკოლოგიურ და ტურისტულ ტენდენციებსაც. „ყვარელში ვქმნით უნიკალურ სივრცეს, რომელიც აერთიანებს ბიო მევენახეობას, ტრადიციულ ქვევრის ღვინის წარმოებას და სტუმრებზე ორიენტირებულ აგრო-ეკო ტურიზმს“.სტუმრებს ექნებათ შესაძლებლობა, თავად მიიღონ მონაწილეობა რთველში, დააგემოვნონ კახური სამზარეულო, დააკვირდნენ ღვინის დავარგებას ქვევრში და განიცადონ ის, რასაც ქართულ კულტურას ვუწოდებთ.გარდა ამისა, იგეგმება სრულიად ინოვაციური პროდუქტის — უალკოჰოლო ქვევრის ღვინის წარმოება. „ეს გახდება ჯანსაღი ალტერნატივა მათთვის, ვინც არ მოიხმარს ალკოჰოლს, მაგრამ სურს ღვინის სრული, ავთენტური არომატის დაგემოვნება“.თავის მხრივ, „გურმან აკადემიაში“ საკვები კონცეფციაც არ არის სტანდარტული. აქ ყველაფერს საფუძვლად ადგილობრივი პროდუქტები და სეზონურობა უდევს, ხოლო ვიზუალური მხარე და მომზადების ტექნიკა უკვე თანამედროვე კულინარიული მიდგომების ნაწილია.როგორც თამარი აღნიშნავს, ბრენდის განვითარებაში განსაკუთრებული ადგილი უკავია თიბისის მხარდაჭერას „ჩვენზე მორგებულმა ფინანსურმა პროდუქტებმა, აგრეთვე მეწარმეობის მიმართულებით თიბისის გამოცდილებამ, მოგვცა შესაძლებლობა, გვეზრუნა როგორც სწრაფ გაფართოებაზე, ისე - რთულ და ინოვაციურ პროექტებზე”.„გურმან აკადემია“ უკვე დიდი ხანია, გასცდა მხოლოდ სწრაფი კვების მიმართულებას, ის ქართულ ტრადიციას თანამედროვე სტანდარტებთან აერთიანებს და ამ გზით ქმნის ახალ გამოცდილებას: ავთენტურს, გემრიელს და გრძელვადიანს.

1755764558

გამოძიებით დადგინდა, რომ ბრალდებულმა, მატერიალური სარგებლის უკანონოდ მიღების მიზნით, აჭარის რეგიონში, გაასაღა საერთო ჯამში 7 400 აშშ დოლარის ოდენობის 74 ცალი ყალბი 100 დოლარიანი კუპიურა.საგამოძიებო მოქმედებების შედეგად, ყალბი კუპიურები სრულად იქნა ამოღებული.გამოძიება მიმდინარეობს საქართველოს სისხლის სამართლის კოდექსის 212-ე მუხლის მეორე ნაწილით, რაც სასჯელის სახედ და ზომად ითვალისწინებს თავისუფლების აღკვეთას შვიდიდან  ათ წლამდე ვადით.

1755759316

პროგრამა ძალაში იქნება ცხრა თვის განმავლობაში. აქციების შესყიდვა ღია ბაზარზე მოხდება, ხოლო სახაზინო აქციების გაუქმება განხორციელდება ყოველთვიურად. გამოსყიდვის მიზანია სააქციო კაპიტალის შემცირება. პროგრამის ფარგლებში, თითო აქციაზე გადახდილი მაქსიმალური ფასი არ გადააჭარბებს ბოლო დაფიქსირებულ NAV per share მაჩვენებელს.პროგრამა შეესაბამება კომპანიის მიერ 2025 წლის 6 აგვისტოს გამოცხადებულ ₾700 მლნ-ის კაპიტალის დაბრუნების პროგრამას, რომელიც 2027 წლის ბოლომდე გაგრძელდება და მოიცავს კაპიტალის დაბრუნებას (აქციების გამოსყიდვის, დივიდენდების და არსებული $150 მლნ-ის ოდენობის ადგილობრივი ჰოლდინგის ობლიგაციების ვადამდე ადრე დაფარვის გზით).2025 წლის საერთო კრებაზე (AGM) აქციონერების მიერ მინიჭებული უფლებამოსილების შესაბამისად, პროგრამის ფარგლებში გამოსყიდული აქციების მაქსიმალური რაოდენობა შეადგენს 4,620,275 ერთეულს.პროგრამის მმართველი Numis Securities Limited-ია (Deutsche Numis). დახურული პერიოდების განმავლობაში კომპანიასა და მის დირექტორებს არ ექნებათ ცვლილებების შეტანის უფლება და პროგრამა სრულად განხორციელდება Deutsche Numis-ის დისკრეციით.შეგახსენებთ, GCAP-ი MSCI UK Small Cap Index-ში შეიყვანეს. ჩართვა  2025 წლის 26 აგვისტოს სავაჭრო დღის დასრულებისას განხორციელდება. MSCI UK Small Cap ინდექსი აერთიანებს ლონდონის საფონდო ბირჟაზე წარმოდგენილ მცირე კაპიტალის მქონე კომპანიებს. „ინდექსში შეყვანა ასახავს კომპანიის ბოლო პერიოდის ძლიერ სავაჭრო შედეგებს, აქციების გაზრდილ სავაჭრო მოცულობებს და Georgia Capital-ის საბაზრო კაპიტალიზაციის $1 მლრდ-ზე მეტ ნიშნულზე ზრდას“, - განაცხადა GCAP-მა.ცნობისთვის აგვისტოს ანგარიშით, MSCI Global Small Cap Index-ს 194 კომპანია დაემატა, ხოლო 107 გამოვარდა.

1755759065