„სომხეთის ელექტროქსელებში“ ჩხრეკას ატარებენ

შეთავაზება მოქმედებს Glovo-ს აპლიკაციის ნებისმიერ კატეგორიაში, ნებისმიერი ოდენობის თანხის შეკვეთაზე. მთავარია, ტრანზაქციებს შორის ინტერვალი არ იყოს 10 წუთზე ნაკლები.შეთავაზების განმავლობაში, მომხმარებლებს 50 ლარი ერთგულ ყულაბაში ერთჯერადად დაუბრუნდებათ, საიდანაც თანხის გადარიცხვა თიბისის ნებისმიერ საკუთარ ანგარიშზე შეუძლიათ.აღნიშნული შეთავაზების დეტალური პირობები იხილეთ ბმულზე.ასევე 7 ივლისიდან, 6 თვის განმავლობაში, ახალი თიბისი კონცეპტ ბარათების და ერთგული საკრედიტო ბარათების მომხმარებლებს Glovo Prime-ის გამოწერისას, გადახდილი თანხის 100% მომენტალურად დაუბრუნდებათ, რაც იმას ნიშნავს, რომ მიტანის სერვისს, სრულიად უფასოდ შეიძენენ.Glovo Prime-ის შეთავაზების დეტალური პირობების სანახავად გადადით  ბმულზე.აიღეთ ახალი თიბისი კონცეპტ ბარათი და ისარგებლეთ განსაკუთრებული შეთავაზებებით.

1751970290

უწყების ცნობით, ეკონომიკის მინისტრის მოადგილე ირაკლი ნადარეიშვილი ჩინეთის სახალხო რესპუბლიკის სამოქალაქო ავიაციის ადმინისტრაციის დელეგაციას შეხვდა, რომელსაც ჩინეთის სამოქალაქო ავიაციის ადმინისტრაციის დირექტორის მოადგილე ხან ძუნი ხელმძღვანელობდა.სამინისტროს ინფორმაციის თანახმად, შეხვედრაზე განიხილეს საქართველოსა და ჩინეთს შორის სამოქალაქო ავიაციის სფეროში თანამშრომლობის გაღრმავებასთან დაკავშირებული საკითხები. მათ შორის, ფრენების სიხშირეთა გაზრდისა და ახალი ავიამიმართულებების დამატების შესაძლებლობა.ეკონომიკის მინისტრის მინისტრის მოადგილემ, ირაკლი ნადარეიშვილმა განაცხადა, რომ ჩინეთთან სტრატეგიული პარტნიორობა დადებითად აისახება ორი ქვეყნის ეკონომიკურ თანამშრომლობაზე, მათ შორის, ისეთ სექტორებში, როგორიცაა სამოქალაქო ავიაცია, სადაც ზრდადია როგორც ფრენების სიხშირე, ასევე მგზავრთნაკადი.„ჩვენ დაინტერესებული ვართ ჩინეთთან ურთიერთობის მეტი გაღრმავებით სამოქალაქო ავიაციის სექტორში. როგორც ქართული, ისე ჩინური ავიაკომპანიების მხრიდან გამოხატულია მზარდი ინტერესი საქართველოსა და ჩინეთის საავიაციო ბაზრების ათვისების და ოპერირების გაფართოების კუთხით. ქვეყნებს შორის უვიზო მიმოსვლის ამოქმედებამ მნიშვნელოვნად შეუწყო ხელი ორ ქვეყანას შორის მგზავრთნაკადის ზრდას,“ - განაცხადა ირაკლი ნადარეიშვილმა.ეკონომიკის სამინისტროს ცნობით, შეხვედრაზე აღინიშნა, რომ 2024 წელს ორ ქვეყანას შორის საჰაერო გზით გადაყვანილ იქნა 57 184 მგზავრი, რაც 2023 წელთან შედარებით 45%-იან ზრდას წარმოადგენს. რაც შეეხება მიმდინარე წლის პირველი ხუთი თვის მონაცემებს, საქართველოსა და ჩინეთს შორის გადაყვანილი მგზავრების რაოდენობამ 29 212 შეადგინა, რაც გასული წლის ანალოგიურ პერიოდში გადაყვანილი მგზავრების რაოდენობაზე 91%-ით მეტია.ცნობისთვის, ამჟამად, საქართველოსა და ჩინეთს შორის რეგულარულ სამგზავრო რეისებს ახორციელებენ China Southern Airlines-ი და Air China ურუმჩი - თბილისი - ურუმჩის საჰაერო ხაზზე. ჯამში, სამგზავრო ფრენები კვირაში 10 სიხშირით ხორციელდება.

1751967280

მორიგი შეხვედრა რუსთავის ახალგაზრდობის სასახლეში გაიმართა. ახალგაზრდებს ცესკოს თავმჯდომარე გიორგი კალანდარიშვილი შეხვდა.შეხვედრაზე ცესკოს თავმჯდომარემ ისეთ მნიშვნელოვან საკითხებზე ისაუბრა, როგორიცაა ახალგაზრდების მონაწილეობის მნიშვნელობა და როლი საარჩევნო პროცესში, დეზინფორმაცია, როგორც საარჩევნო  პროცესის მთავარი და ამავდროულად გლობალური გამოწვევა და მასთან ბრძოლის სტრატეგია, 4 ოქტომბერს გასამართი მუნიციპალიტეტის ორგანოთა არჩევნები. შეხვედრის დასასრულს გაიმართა დისკუსია.  ახალგაზრდებს ჰქონდათ შესაძლებლობა პასუხები მიეღოთ მათთვის საინტერესო და აქტუალურ კითხვებზე.„როგორც ყოველთვის, ახალგაზრდებთან შეხვედრა განსაკუთრებული ინტერესითა და ინფორმირებულობით გამოირჩევა, როგორც ცესკოს მხრიდან ინფორმაციის მიწოდების, ისე მათი მხრიდან უკუკავშირის მიღების თვალსაზრისით. ამ შეხვედრების მთავარი მიზანი ერთი მხრივ,  საარჩევნო საკითხებთან დაკავშირებით  ახალგაზრდების ინფორმირება და მათი ცნობიერების ამაღლებაა, მეორე მხრივ კი, მათი გააქტიურებისა და ჩართულობის ხელშეწყობა. მნიშვნელოვანია, საარჩევნო პროცესებში მათი, როგორც აქტიური მოქალაქეების ჩართულობა, ასევე ახალგაზრდების უფრო მეტი წარმომადგენლობა და მონაწილეობა სხვადასხვა პროექტსა თუ საარჩევნო კომისიებში“,- აღნიშნა გიორგი კალანდარიშვილმა.პროექტი - „საქართველოს ახალგაზრდული მრჩეველთა საბჭოები - იდეიდან ცვლილებამდე“ ცენტრალური საარჩევნო კომისიის, სსიპ ახალგაზრდობის სააგენტოსა და საქართველოს ახალგაზრდული მრჩეველთა საბჭოების ასოციაციის მჭიდრო თანამშრომლობით სხვადასხვა რეგიონში ეტაპობრივად მიმდინარეობს. პროექტის ფარგლებში ახალგაზრდებთან უკვე გაიმართა სამი შეხვედრა. შემდეგი შეხვედრა დაგეგმილია აჭარაში.(R)

1751966195

მოთხოვნა2025 წლის მაისში, საჯარო რეესტრის მონაცემებით, გაყიდული ბინების რაოდენობამ 3,325 შეადგინა, აქედან:• მეორად ბაზარზე გაყიდვები წლიურად 6.5%-ით გაიზარდა, თუმცა ჯამურად 2025 წლის 5 თვეში გაყიდვების მაჩვენებელი წლიურად 6.4%-ითაა შემცირებული.• პირველად ბაზარზე გაყიდვები, რაზეც გავლენას დაგვიანებული რეგისტრაციები ახდენს, წლიურად 2.2%-ით გაიზარდა.გალტ & თაგარტის მიერ ჩატარებული დეველოპერების გამოკითხვის შედეგებიც (რომელიც პირველადი ბაზრის ტენდენციებს რეალურ დროში ასახავს) მეორადი ბაზრის მსგავს სურათს აჩვენებს. 2025 წლის მაისში გაყიდვები პირველად ბაზარზე 6.4%-ით გაიზარდა 2025 წლის 4 თვის საშუალო მაჩვენებელთან შედარებით. ჯამურად, 2025 წლის 5 თვეში, გაყიდვები გასული წლის მსგავს ნიშნულზე შენარჩუნდა.2025 წლის 5 თვეში, თბილისში სულ 15,865 ბინა გაიყიდა და ჯამურმა ღირებულებამ 1.2 მლრდ აშშ დოლარი შეადგინა (+2.6% წ/წ).მიწოდება2025 წლის მაისში ნებართვა გაიცა 25 საცხოვრებელ პროექტზე, რომელთა ჯამური საცხოვრებელი ფართი 202,697 მ 2 -ს შეადგენდა (-18.3% წ/წ). ჯამურად, 2025 წლის 5 თვეში გაცემული ნებართვების მოცულობა წლიურად 1.1%-ით შემცირდა.ფასები2025 წლის მაისში პირველად ბაზარზე კვადრატული მეტრის საშუალო ფასი თვიურად 0.1%-ით შემცირდა და 1,331 აშშ დოლარი შეადგინა. ამასთან, მეორადი ბაზრის ახალ პროექტებში (რაც 2013 წლიდან გაცემული ნებართვებით აშენდა) ფასი გასულ თვესთან შედარებით 0.2%-ით შემცირდა და 1,253 აშშ დოლარი შეადგინა.ქირამაისში, თბილისში საშუალო ზომის ბინის (50-60 მ 2 ) ქირის ფასი თვეში მცირედით, 2.0%-ით შემცირდა და კვადრატულზე 9.3 აშშ დოლარი შეადგინა.ივნისში გალტ & თაგარტმა ჩაატარა სისტემური დეველოპერების გამოკითხვა, რომელიც მოიცავდა 135-ზე მეტ საცხოვრებელ პროექტს თბილისში (ჯამურად პირველადი ბაზრის დაახლოებით 45%-ს).კვლევის შედეგებზე დაყრდნობით:• 2025 წლის მაისში გაყიდული ბინების რაოდენობა 2025 წლის 4 თვის საშუალო გაყიდვებთან შედარებით 6.4%-ით გაიზარდა. ამასთან, გაყიდვები მაისში წლიურად 48.1%-ით გაიზარდა, რაც 2024 წლის მაისის რეკორდულად დაბალი ბაზითაა გამოწვეული. ჯამურად, 2025 წლის 5 თვეში, გაყიდვები გასული წლის 5 თვის მსგავს ნიშნულზე შენარჩუნდა.• პროექტებში, რომლებიც 2025 წელს სრულდება, ბინების 81% უკვე გაყიდულია. გაყიდვების უმეტესი ნაწილი დეველოპერების მიერ შეთავაზებული შიდა განვადებებით განხორციელდა.• 2025 წლის 5 თვეში ისრაელის მოქალაქეების წილმა ჯამურ გაყიდვებში 11% შეადგინა.

1751964604

ვორკშოპს გაუძღვება ტატა მომცემლიძე, Cluster Product Owner საქართველოს ბანკის მონაცემთა ანალიტიკის დეპარტამენტში. მას AI-ზე დაფუძნებული ბიზნესპროცესების ოპტიმიზაციასა და ავტომატიზაციაში მრავალწლიანი გამოცდილება აქვსაღსანიშნავია, რომ გასულ თვეში ამ თემაზე ჩატარებულ ვორკშოპზე - 200-ზე მეტი ბიზნესის წარმომადგენელი დარეგისტრირდა.რატომ უნდა დაესწროთ ვორკშოპს?• გაეცნობით, როგორ გამოიყენოთ AI მომხმარებლის გამოცდილების გასაუმჯობესებლად;• ისწავლით ხელოვნური ინტელექტის ეფექტურად დანერგვას მცირე და საშუალო ბიზნესში;• გაიგებთ, როგორ ვითარდებოდა გენერაციული მოდელები და რა განსხვავებაა მათ შორის;• იხილავთ მაგალითებს რეალური კომპანიებიდან — როგორ იყენებენ AI-ს ოპერაციული ამოცანების გამარტივებისთვის;• შეისწავლით პრაქტიკულ ინსტრუმენტებსა და მეთოდებს;• გაიღრმავებთ ცოდნას მონაცემთა დაცვისა და სისტემის უსაფრთხოების მიმართულებით.ღონისძიება  ინტერაქციულ ფორმატში ჩატარდება, რაც მონაწილეებს შესაძლებლობას მისცემს, ჩაერთონ დისკუსიაში, სპიკერსდაუსვან კითხვები  და განიხილონ კონკრეტული ბიზნეს საჭიროებები.ღონისძიება  საქართველოს ბანკის ინოვაციურ სივრცეში, 4B ფილიალში, ალ. ყაზბეგის N15, 9 ივლისს, 17:00 – 19:00 საათზე ჩატარდებაღონისძიებაზე რეგისტრაციისთვის ეწვიეთ საქართველოს ბანკის ვებგვერდს.ღონისძიება საქართველოს ბანკის ბიზნეს 360° პლატფორმის ნაწილია — ინიციატივა, რომელიც აერთიანებს საგანმანათლებლო ღონისძიებებს, პრაქტიკულ რესურსებსა და სხვა მრავალ აქტივობას, რაც ბიზნესს ზრდასა და განვითარებაში ეხმარება.

1751963694

დოკუმენტების მიხედვით, სამუშაო ჯგუფში ჩართული იქნება სოფლის მეურნეობის სამინისტროს სისტემაში შემავალი უწყებები, შინაგან საქმეთა სამინისტროს და საჭიროების შემთხვევაში მევენახეობის ზონების შესაბამისი რეგიონებში სახელმწიფო რწმუნებულები.ღვინის კომპანიებს, რომლებიც 2025 წლის რთველზე კახეთში დაკრეფილ ყურძენს მიიღებენ და გადაამუშავებენ, ვალდებული არიან ელექტრონული ფორმით გაიარონ რეგისტრაცია რთვლის საკოორდინაციო შტაბში.გარდა ამია, ღვინის კომპანიებმა ყურძნის მიღება-ჩაბარება უნდა განახორციელონ ელექტრონული სასწორით აღჭურვილ ყურძნის მიმღებ პუნქტებში. გამონაკლისია მხოლოდ ის კომპანიები, რომლებიც 100 ტონაზე ნაკლებ ყურძენს ჩაიბარებენ.ღვინის ეროვნულ სააგენტოს კი 20 ერთეულამდე ყურძნის წვენის ნიმუშის ამღები დანადგარების შესყიდვა დაევალა იმისთვის, რომ ჩასაბარებელი ყურძნის ხარისხის შემოწმება მოხდეს.

1751960619

ახალი დაზღვევის სერვისი სრულად ინტეგრირებულია TBC Uzbekistan-ის ფართო ეკოსისტემაში და ხელმისაწვდომია TBC UZ საბანკო აპლიკაციის საშუალებით.საწყის ეტაპზე შეთავაზება მოიცავს სესხის სიცოცხლის დაზღვევას, ხოლო მომავალში გაფართოვდება და მოიცავს პირადი დაზღვევის სრულ სპექტრს.TBC დაზღვევა უზბეკეთში პირველად აპრილში, 2025 წელს, საცდელად გაეშვა, მას შემდეგ რაც მარტში მიიღო სიცოცხლის დაზღვევის ლიცენზია უზბეკეთის პერსპექტიული პროექტების ეროვნული სააგენტოსგან.TBC-ის განცხადებით, ეს ნაბიჯი წარმოადგენს TBC Uzbekistan-ის სტრატეგიის გაგრძელებას - გააფართოოს თავისი პროდუქტების ასორტიმენტი და გააძლიეროს ლიდერის პოზიცია ცენტრალურ აზიაში, როგორც წამყვანმა ციფრულმა საბანკო ეკოსისტემამ.TBC Uzbekistan-ის რეგისტრირებული მომხმარებლების რაოდენობა უკვე ქვეყნის მოსახლეობის 50%-ს აჭარბებს, ხოლო 1Q25-ში შემოსავლები და სესხების პორტფელი გასული წლის ანალოგიურ პერიოდთან შედარებით გაორმაგდა. ბოლო წლის განმავლობაში TBC Uzbekistan-მა წარადგინა არაერთი ახალი პროდუქტი, მათ შორის: Salom სადებეტო ბარათი, Osmon საკრედიტო ბარათი, მცირე და საშუალო ბიზნესის საბანკო და სასესხო სერვისები. „დაზღვევა ჩვენთვის ეკოსისტემის ბუნებრივი გაგრძელებაა - პროდუქტი, რომელიც მომხმარებლებს აძლევს მეტ თავდაჯერებულობას და ფინანსურ კონტროლს. TBC დაზღვევის გაშვებით ჩვენ მიზანმიმართულად ვაფართოებთ ჩვენს ციფრულ საბანკო ეკოსისტემას, უზრუნველვყოფთ, რომ თითოეული ახალი პროდუქტი ავსებდეს ერთმანეთს და ზრდიდეს მთლიანად მომხმარებლისთვის შექმნილ ღირებულებას. დაზღვევა იქნება ამ გზის მნიშვნელოვანი ნაწილი“, - აცხადებს TBC Uzbekistan-ის CEO  ნიკა ქურდიანი. 

1751958515

ნათია ჯანაშიას და დავით ცეცხლაძის განცხადებას სრულად გთავაზობთ:„საქართველოს შინაგან საქმეთა მინისტრსსაქართველოს გენერალურ პროკურორსსაქართველოს სახელმწიფო უსაფრთხოების სამსახურის ხელმძღვანელსსაქართველოს იუსტიციის მინისტრსმოგესალმებით,ჩვენ, დავით ცეცხლაძე და ნათია ჯანაშია, ბრიტანულ-ქართული აკადემიისა და თბილისის ბრიტანული საერთაშორისო სკოლის დამფუძნებლები, კიდევ ერთხელ მოგმართავთ სასწრაფო რეაგირების მოთხოვნით.უკვე 4 თვეზე მეტი გავიდა მას შემდეგ, რაც ჩვენი სკოლები ირაკლი გილაურისა და მისი ჯგუფის მიერ უკანონოდ არის ოკუპირებული. ამავე პერიოდში არაერთხელ მივმართეთ სამართალდამცავ ორგანოებს გამოძიების დაწყების მოთხოვნით, თუმცა, მიუხედავად თქვენი უწყებების ხელთ არსებული სერიოზული მტკიცებულებებისა, რეალური სამართლებრივი ნაბიჯები დღემდე არ ჩანს.გილაურის მიერ დანაშაულების ჩადენას  ადასტურებს სხვადასხვა მტკიცებულებები(ხელშეკრულებები, ფინანსური დოკუმენტაცია, საჯარო რეესტრის ჩანაწერები, მოწმეთა ჩვენებები), რომლებიც გადავეცით შესაბამის უწყებებს. კონკრეტულად, ირაკლი გილაური და მისი თანამზრახველების ქმედებებში შეინიშნება ისეთი დანაშაულების ნიშნები, როგორიცაა:• ორგანიზებული თაღლითობა და ბრიტანული სკოლების აქტივების უკანონო მიტაცება;• დოკუმენტაციის გაყალბება და საჯარო რეესტრში კორუფციული სქემების განხორციელება;• პოლიციის მობილიზება კორუფციული შეთანხმებით, ძალადობრივი მეთოდებით სკოლების ოკუპაციის უზრუნველსაყოფად;• სკოლის საბიუჯეტო თანხებიდან 3.2 მილიონი ლარის მითვისება და მისი გამოყენება პირადი საკუთრების გასამდიდრებლად;• ინფორმაციის უნებართვო მოპოვება და გადაცემა კონკურენტ სკოლებზე, სკოლების მიზანმიმართული დაზარალება;· გილაურის დავალებით, სკოლების დე ფაქტო ხელმძღვანელის მხრიდან უფლებამოსილების ბოროტად გამოყენებით ხდება სკოლების მიზანმიმართული განადგურება, რითაც გამოუსწორებელი ზიანი ადგება სკოლებს და ჩვენ, დავით ცეცხლაძესა და ნათია ჯანაშიას.დღეს, როდესაც საქართველოს პრემიერ-მინისტრი ღიად აცხადებს კორუფციასთან სისტემური ბრძოლის აუცილებლობას, ასეთ ვითარებაში უსამართლობის და კრიმინალის იგნორირება დაუშვებელია.გაცნობებთ, რომ ირაკლი გილაურისა და საქართველოს კაპიტალის მიმართ საერთაშორისო მასშტაბით გატარებულია შემდეგი  ზომები:• გაერთიანებულ სამეფოში მიმდინარეობს გამოძიება ლონდონის საფონდო ბირჟის რეგულატორების მხრიდან კორპორაციული გაყალბებისა და ბაზრის მანიპულაციის ნიშნებზე;• წამყვანი საერთაშორისო მედია იძიებს გილაურის კავშირებს ტრანსნაციონალურ თაღლითობასთან და კორუფციულ ქსელებთან;მოვითხოვთ:1. დაუყოვნებლივ დაიწყოს სრულმასშტაბიანი სისხლის სამართლის გამოძიება ირაკლი გილაურისა და გიორგი კეთილაძის მიმართ;2. გამოყენებულ იქნეს აღკვეთის უმკაცრესი ღონისძიებები, მათ შორის, წინასწარი პატიმრობა, რათა გამოირიცხოს მტკიცებულებების განადგურება და მოწმეებზე ზეწოლა;3. გამოძიების ფარგლებში სრულად იქნეს გამოვლენილი დანაშაულებრივი ჯგუფის ყველა წევრი და ჩართული სახელმწიფო მოხელე;4. სახელმწიფო უსაფრთხოების სამსახურმა შეაფასოს ირაკლი გილაურისა და მისი კომპანიის ქმედებები, როგორც საფრთხე საქართველოს სტაბილურობისთვის, განათლების სისტემისთვის და საინვესტიციო გარემოსთვის.ჩვენი ბრიტანული  სკოლების ნგრევა, ათობით თანამშრომლის სამსახურიდან გაშვება და ბავშვების იძულებითი სკოლიდან წასვლა არა მხოლოდ კერძო ინტერესების წინააღმდეგ არის მიმართული, არამედ, ასევე, მნიშვნელოვან ზიანს აყენებს საქართველოს საერთაშორისო რეპუტაციას.გთხოვთ, მოახდინოთ დაუყოვნებლივი სამართლებრივი რეაგირება.ჩვენ მზად ვართ, საჭიროების შემთხვევაში დამატებითი მტკიცებულებები წარმოგიდგინოთ“, – ნათქვამია განცხადებაში.  (R)

1751951924