ნოემბერში ინფლაციამ 10.4% შეადგინა

კურსის ფარგლებში, შეხვედრა 25 აპრილს, 13:00 საათზე გაიმართება. დასწრების მსურველებმა, უნდა გაიარონ რეგისტრაცია ბმულზე.შეხვედრას ეკონომისტი და ოპერაციების მკვლევარი, ლევან ფავლენიშვილი გაუძღვება.ტრენინგზე განვიხილავთ სტუდენტებისთვის საინტერესო თემებს ფინანსური განათლებიდან: ბიუჯეტირებას, შემოსავლებს, ხარჯებს, ემოციურ ფაქტორებს, ანაბარს, დანაზოგს... (საკითხები:: ბიუჯეტირება, ფულის ფსიქოლოგია, ხარჯვის ემოციური ფაქტორები, პროცენტი, ანაბარი, ემოციების გავლენა დანაზოგებზე)ტრენინგის დასრულების შემდეგ მონაწილეებს გადაეცემა სერტიფიკატები.ლევან ფავლენიშვილი ეკონომისტი და ოპერაციების მკვლევარია, რომელსაც აქვს ISET-ის მაგისტრის ხარისხი ეკონომიკაში. ის ასევე არის ედინბურგის უნივერსიტეტის, მათემატიკის სკოლის მეცნიერებათა მაგისტრის ხარისხი ოპერაციების კვლევაში.ლევანი 2014 წლიდან ასწავლის სხვადასხვა უნივერსიტეტში რამდენიმე საგანს: ეკონომიკის პრინციპები, საერთაშორისო ეკონომიკა, საერთაშორისო ფინანსები, გარემოსა და ბუნებრივი რესურსების ეკონომიკა, ეკონომეტრიკა და ხარჯთ-სარგებლიანობის ანალიზი.2021 წელს ლევანმა კოლეგებთან ერთად დააარსა საქართველოს ეკონომიკური წიგნიერების ინიციატივა (GELi), რომელსაც ის ხელმძღვანელობდა 2024 წლამდე და რომლის ფარგლებშიც საქართველოში ეკონომიკური და ფინანსური წიგნიერების გავრცელებისთვის ბევრი პროექტი გაუკეთებია.ამასთან, 2026 წელს ფინანსური წიგნიერების სასერტიფიკატო კურსების ფარგლებში, შეხვედრები გაიმართება სამ განსხვავებულ ჯგუფთან: სტუდენტებთან, მასწავლებლებთან და სკოლის მოსწავლეების მშობლებთან. თითოეული კურსი მორგებული იქნება ინდივიდუალური ჯგუფის ინტერესებსა და საჭიროებებზე. შეხვედრები ჩატარდება როგორც ფიზიკურ, ასევე ონლაინ ფორმატში და მათ მაღალკვალიფიციური ლექტორები გაუძღვებიან. 

1776180240

ცვლილება შედის ძლიერი ავთენტიფიკაციის და ფინანსური ორგანიზაციების მომსახურებისას მომხმარებელთა უფლებების დაცვის წესში.სებ-ის ინფორმაციით, ეს ხელს შეუწყობს მოწყვლადი სეგმენტის, >60 წლის მომხმარებლის დაცვას თაღლითური სქემებისგან.ახალი რეგულაცია მონიტორინგის მექანიზმებში ზომების დამატებას გულისხმობს, რისი დანერგვის ვალდებულებაც ფინანსურ ორგანიზაციას დაეკისრება, 60 წელს გადაცილებულებზე ზრუნვისთვის. (შესაძლო თაღლითური ქმედების შედეგად ელექტრონული გადახდის ოპერაციის შესრულების პრევენციისთვის).კერძოდ, საგადახდო სერვისის პროვაიდერმა დროებით უნდა შეაჩეროს (ან სადაც შეუძლებელია, უარი თქვას) მომხმარებლის ინიცირებული ელექტრონული გადახდის ოპერაცია, თუ ის რისკიანია.რისკიანის კვალიფიკაცია ენიჭება >500 ლარიან ტრანზაქციას; თუ გადახდა დაკავშირებულია თაღლითობის მაღალი რისკის პროფილის საქმიანობებთან, მ.შ. ონლაინ სავაჭრო ე.წ. „ფორექსთან“, საინვესტიციო, სათამაშო ბიზნესთან ან კრიპტოვალუტასთან დაკავშირებულ საქმიანობებთან; ან თუ გამოვლენილია მომხმარებლისთვის  უჩვეულო ხარჯვისა და ქცევის თავისებურება.რისკიანი ოპერაციისას პროვაიდერი ვალდებული ხდება დაუკავშირდეს მომხმარებელს, მისი ინფორმირებისთვის. რომ გაანალიზებაში დაეხმაროს და არ გახდეს თაღლითების მანიპულაციის მსხვერპლი. რისკიანი ან/და საეჭვო ტრანზაქცია 48 სთ გახანგრძლივდება. ამასობაში მომხმარებელი ჩამოყალიბდება, როგორ მოიქცეს, გადაიფიქროს თუ დაუდასტუროს მომსახურე ორგანიზაციას თავისი ტრანზაქცია, რომელიც დასრულდება "ზეგ". თუმცა უნდა ყოფილიყო მყისიერი.სებ-ის ინფორმაციით, შუა ხნის მოქალაქეების კონტროლზე აყვანის და საკუთარი ანგარიშების მართვაზე მონიტორინგის შემცველი რეგულაციები ეფუძნება საუკეთესო საერთაშორისო პრაქტიკას ,ახალი წესი სექტემბრიდან ამოქმედდება და ბარათით გადახდებზე გავრცელდება."კიდევ ერთხელ აღვნიშნავთ, რომ მომხმარებელთა, განსაკუთრებით კი საპენსიო ასაკის სეგმენტის უფლებების დაცვა, ეროვნული ბანკისთვის ერთ-ერთ მნიშვნელოვან ამოცანას წარმოადგენს. სწორედ აქედან გამომდინარე, ეროვნული ბანკი მუდმივად ცდილობს ფინანსურ სექტორში არსებული გარემოს გაუმჯობესებას, მათ შორის, ფინანსურ სექტორში ნდობის, სტაბილურობისა და გამჭვირვალობის უზრუნველყოფის გზით.ეროვნული ბანკი სამომავლოდაც განაგრძობს თაღლითობის რისკების მონიტორინგს და საჭიროების შემთხვევაში, მოახდენს ეფექტიან რეაგირებას".

1776179961

ცვლილების შესახებ, თიბისის და საქართველოს ბანკის კლიენტი წინასწარ იყო ინფორმირებული. ლიბერთის მომხმარებელმა კი გადახდის ახალი სქემის ამოქმედებამდე 1 დღით ადრეც არ იცის რა იცვლება. იმიტომ რომ არც ცხელი ხაზის ოპერატორმა იცის. კეთილის მსურველს კი არ აძლევს დაკვალიანების შესაძლებლობას, რომ სხვა მომხმარებელიც შეცდომაში არ შეიყვანოს.თიბისის და საქართველოს ბანკის ინფორმაციით, საერთაშორისო არხებში სადებეტო ბარათით ლარში (GEL) გადახდისას, 15 აპრილიდან, მაქსიმალურ საკომისიო 10 ლარით განისაზღვრება (1.5%, max ₾10). 5 ლარიანი შენაძენი საკომისიოს გარეშეა.საერთაშორისო ელექტრონული კომერციით ან/ პოს-ტერმინალზე სადებეტო ბარათით გადახდისას, 1.5% საკომისიო მოქმედებს მხოლოდ ლარზე. ანგარიშსწორების უცხოური ვალუტის (USD, EUR, GBP ...) არჩევისას საკომისიო 0%-ია. ცვლილება ეხება ყველაზე ყველაზე პოპულარულ საიტს, სადაც WizzAir-ის ავიაბილეთი იყიდება. ბანკი ტრანზაქციისას ყურადღების მობილიზებას გვირჩევს. გადახდის პროცესში მომხმარებლისთვის თვალსაჩინო იქნება მხოლოდ ტრანზაქციის თანხა, საკომისიოს გარეშე. შესაბამისი საკომისიო ჩამოიჭრება ტრანზაქციისგან დამოუკიდებლად.ამასთან, უცხოური სავაჭრო/მომსახურების ობიექტის მიერ მომხმარებლის ანგარიშზე ტრანზაქციის თანხის დაბრუნების (რეფანდის) შემთხვევაში, საკომისიო უკან არ ბრუნდება.

1776164703

ფინანსთა სამინისტროს პრეს–სამსახურის ცნობით, შეხვედრაზე განხილულ იქნა საქართველოსა და აზიის ინფრასტრუქტურის საინვესტიციო ბანკს შორის თანამშრომლობის საკითხები ისეთი მიმართულებებით, როგორებიცაა: საქართველოს დაკავშირებადობის გაძლიერება, ენერგეტიკა და მდგრადი განვითარების ხელშეწყობა.ფინანსთა მინისტრმა AIIB-ის მთავარ საინვესტიციო ოფიცერს გააცნო მიმდინარე პერიოდის მაკროეკონომიკური პარამეტრები და საშუალოვადიანი პროგნოზები.გარდა ამისა, საუბარი შეეხო საქართველოში მიმდინარე და დაგეგმილ მსხვილ ინფრასტრუქტურულ პროექტებს და შემდგომი თანამშრომლობის საკითხებს.შეხვედრას დაესწრნენ ფინანსთა მინისტრის მოადგილე ეკატერინე გუნცაძე და სახელმწიფო ვალის მართვის დეპარტამენტის ხელმძღვანელი ირაკლი კაჭარავა.

1776163945

ნათია თურნავამ აღნიშნა, რომ საქართველო მომზადებულია ახალი გეოპოლიტიკური გამოწვევებისთვის, რადგან ქვეყანა დღეს ძლიერი ეკონომიკური პოზიციებით ხვდება გლობალურ შოკებს და საჭიროებს საერთაშორისო პარტნიორებთან ერთობლივ მუშაობას რისკების მინიმიზაციისთვის.,,ეს შეხვედრები იმ დროს იმართება, როდესაც ყველას აწუხებს ახალი გამოწვევა - გეოპოლიტიკური დაძაბულობა ირანთან დაკავშირებით, რომელიც გავლენას ახდენს გლობალურ ეკონომიკაზე და სავარაუდოდ, ნაწილობრივ საქართველოს ეკონომიკაზეც. კარგია, რომ ჩვენ მომზადებულები ვხვდებით ამ შოკს, რადგან გვაქვს ისტორიულად მაქსიმალური საერთაშორისო სავალუტო რეზერვები, ძლიერი ფისკალური მდგომარეობა და მყარი ეკონომიკური ზრდა", - აღნიშნა ნათია თურნავამ.საქართველოს ეროვნული ბანკის პრეზიდენტის განცხადებით, დელეგაცია შეხვედრებს ინვესტორებთანაც გამართავს, რათა საქართველოს მიმართ არსებული მაღალი ნდობა კიდევ უფრო გაიზარდოს.„ვისარგებლებთ შემთხვევით და გავმართავთ ე.წ road show-ს ფინანსთა სამინისტროსთან ერთად. შევხვდებით გლობალურ ინვესტორებსა და დიდ ფონდებს. საქართველოს მიმართ საკმაოდ მაღალი ნდობა არსებობს და გვინდა რომ ჩვენი პრეზენტაციით ეს ნდობა კიდევ უფრო გავზარდოთ", - აღნიშნა ნათია თურნავამ.ვაშინგტონში საერთაშორისო სავალუტო ფონდისა და მსოფლიო ბანკის ტრადიციული საგაზაფხულო შეხვედრები დაიწყო, რომელშიც მონაწილეობენ საერთაშორისო სავალუტო ფონდისა და მსოფლიო ბანკის მმართველები და ალტერნატიული მმართველები, მსოფლიოს უმრავლესი ქვეყნის საფინანსო სექტორის წარმომადგენლები, ცენტრალური ბანკების მმართველები, ფინანსთა მინისტრები და კერძო სექტორის აღმასრულებლები.

1776161307

შეხვედრაზე ყურადღება დაეთმო მსოფლიო ბანკის დაფინანსებით მიმდინარე პროექტებს ეკონომიკის სხვადასხვა სექტორში (ენერგეტიკა, საგზაო ინფრასტრუქტურა, ადამიანური კაპიტალის განვითარება და სხვა)განხილულ იქნა ეკონომიკური ზრდისა და სწორი ფისკალური/მონეტარული პოლიტიკის შედეგად საქართველოს მიერ ბოლო წლებში მიღწეული შედეგები და დაგეგმილ მსხვილ ინფრასტრუქტურული პროექტებთან მიმართებით ბანკთან თანამშრომლობის საკითხები.შეხვედრას დაესწრნენ ფინანსთა მინისტრის მოადგილეები გიორგი კაკაურიძე, ეკატერინე გუნცაძე, საქართველოს ელჩი ამერიკის შეერთებულ შტატებში თამარ ტალიაშვილი,  ფინანსთა სამინისტროს სახელმწიფო ვალის მართვისა და საბიუჯეტო დეპარტამენტების ხელმძღვანელები  ირაკლი კაჭარავა და ნათია გულუა.

1776161067

ქართულმა მხარემ სსფ-ის მმართველი დირექტორის მოადგილეს ქვეყნის ეკონომიკის განვითარების მაჩვენებლები გააცნო. საუბარი შეეხო მდგრადი ფისკალური პოზიციის და ფასების სტაბილურობის შენარჩუნებისკენ გადადგმულ ნაბიჯებს. ამასთან, ხაზი გაესვა, რომ ახლო აღმოსავლეთში მიმდინარე ბოლოდროინდელი გეოპოლიტიკური დაძაბულობა გლობალურად მნიშვნელოვნად ზრდის გაურკვევლობას და საშუალოვადიან პერიოდში, ინფლაციის მაჩვენებელი დიდწილად იქნება დამოკიდებული გეოპოლიტიკური მოვლენების განვითარებასა და რეგიონში მიმდინარე კონფლიქტების ხანგრძლივობაზე. ასევე აღინიშნა, რომ მსგავსი ტიპის გამოწვევებთან გასამკლავებლად მნიშვნელოვანია, ქვეყანა მათ საკმარისი ბუფერებით შეხვდეს. ამ კონტექსტში, განსაკუთრებული ყურადღება დაეთმო საერთაშორისო რეზერვების დაგროვების პოლიტიკას, რომელიც ეროვნული ბანკის ერთ-ერთ პრიორიტეტს წარმოადგენს. აღნიშნული პოლიტიკის შედეგად, საერთაშორისო რეზერვების დონემ ადეკვატურობის მინიმალურ 100%-იან ზღვარს გადააჭარბა.მხარეებმა ასევე ისაუბრეს სების მონეტარულ პოლიტიკაზე და აღნიშნეს, რომ მონეტარული პოლიტიკის შემდგომი გადაწყვეტილებები არსებული გეოპოლიტიკური ვითარების განვითარების სცენარზე იქნება დამოკიდებული.თავის მხრივ, სსფ-ის მმართველი დირექტორის მოადგილე ბო ლიმ დადებითად შეაფასა სების მიერ მონეტარული პოლიტიკის ახალ სცენარებზე დაფუძნებული მიდგომის დანერგვა, რომელმაც არსებული გეოპოლიტიკური ვითარებისა და ეკონომიკური გამოწვევების პერიოდში განსაკუთრებული მნიშვნელობა შეიძინა. აღნიშნული მიდგომით, გაძლიერდა მონეტარული პოლიტიკის კომუნიკაცია და უფრო გამჭვირვალე გახდა რისკების მართვისა და გადაწყვეტილებების მიღების პროცესი.შეხვედრას ასევე ესწრებოდნენ საქართველოს ეროვნული ბანკის ვიცე-პრეზიდენტები - ეკატერინე მიქაბაძე, ეკატერინე გალდავა და ნინო ჯელაძე, ფინანსთა მინისტრის მოადგილეები - გიორგი კაკაურიძე და ეკატერინე გუნცაძე, საქართველოს ელჩი აშშ-ში თამარ ტალიაშვილი.

1776159272

მხარეებმა მიმოიხილეს ქვეყნის ფისკალური და მონეტარული პოლიტიკა. საუბარი შეეხო მიმდინარე და დაგეგმილ რეფორმებს, საერთაშორისო სავალუტო ფონდთან არსებულ თანამშრომლობასა და სამომავლო გეგმებს.განხილვის თემა იყო საქართველოს მიმდინარე ეკონომიკური მდგომარეობა და ამ მიმართულებით მიღწეული პროგრესი, როგორც მაღალი ეკონომიკური ზრდის, ისე სტაბილური მაკროეკონომიკური და ფისკალური პარამეტრების კუთხით.საუბარი, ასევე, შეეხო მიმდინარე გეოპოლიტიკური გამოწვევების ფონს, მათ შორის, ახლო აღმოსავლეთის კრიზისის გათვალისწინებით ფონდის მიერ შემუშავებულ სცენარებს, გლობალური და რეგიონული ეკონომიკის განვითარების ტენდენციებთან მიმართებით.შეხვედრას დაესწრნენ ფინანსთა მინისტრის მოადგილეები გიორგი კაკაურიძე, ეკატერინე გუნცაძე, საქართველოს ელჩი ამერიკის შეერთებულ შტატებში თამარ ტალიაშვილი, ფინანსთა სამინისტროს სახელმწიფო ვალის მართვის დეპარტამენტის ხელმძღვანელი ირაკლი კაჭარავა,  ეროვნული ბანკის ვიცე-პრეზიდენტები, ეკატერინე მიქაბაძე, ეკატერინე გალდავა, ნინო ჯელაძე, სებ-ის მაკროეკონომიკისა და სტატისტიკის დეპარტამენტის ხელმძღვანელი თამთა სოფრომაძე.

1776157265