კახეთის გზების განვითარებისთვის საქართველო AIIB-ისგან €158.5 მლნ-ს მიიღებს

აგვისტოში ელექტროენერგიის მოხმარება შემცირდა2026 წლის აგვისტოში ადგილობრივი მოხმარება 3.6%-ით შემცირდა და 1.3 ტვტ.სთ შეადგინა.მოხმარება შემცირდა როგორც საცალო სეგმენტში (-3.5% წ/წ), ისე პირდაპირ მომხმარებლებში (-4.2% წ/წ) და აფხაზეთის რეგიონში (-3.1% წ/წ).Galt & Taggart-ის შეფასებით, 5 აგვისტოს ორსაათიანი სისტემური გათიშვის გავლენა თვის ჯამურ მოხმარებაზე უმნიშვნელო იყო.ამასთან, აღრიცხულ კლებაზე გავლენა იქონია მიკრო სიმძლავრის სადგურების გამომუშავებამაც, რომელიც სტატისტიკაში მოხმარებას აკლდება. ანალიტიკოსების შეფასებით, ამ გამომუშავების გათვალისწინებით, 2026 წლის აგვისტოში ელექტროენერგიის მოხმარება წლიურად 1.7%-ით შემცირდებოდა, ოფიციალურად აღრიცხული 3.6%-ის ნაცვლად.8 თვის ჭრილში კი, მიკრო სიმძლავრის სადგურების გამომუშავების გათვალისწინებით, მოხმარება წლიურად 4.4%-ით გაიზრდებოდა, ნაცვლად ოფიციალურად აღრიცხული 2.7%-ისა.„შესაბამისად, მოხმარების დინამიკა ნაწილობრივ ასახავს მომხმარებლების მიერ საკუთარი გენერაციით მოთხოვნის დაკმაყოფილებასაც“, – აღნიშნავს Galt & Taggart.ჰიდროგენერაცია გაიზარდა, თბოსადგურებმა მიწოდების 23.8% უზრუნველყვეს2026 წლის აგვისტოში ჰიდროგენერაცია 4.9%-ით გაიზარდა და 1.0 ტვტ.სთ შეადგინა.ენგურ-ვარდნილის გამომუშავების 39.8%-იანი კლება სხვა რეგულირებული ჰესების (+82.0% წ/წ) და დერეგულირებული ჰესების (+39.5% წ/წ) ზრდამ დააკომპენსირა.ქარისა და მზის სადგურების გამომუშავება 43.6%-ით, 0.012 ტვტ.სთ-მდე გაიზარდა. ეს ახალი 10.8 მგვტ მზისა და 18.8 მგვტ ქარის სიმძლავრეების დამატების ფონზე მოხდა.თბოსადგურებმა აგვისტოს ჯამური მიწოდების 23.8% უზრუნველყვეს, მაშინ როდესაც 2025 წლის აგვისტოში მათი წილი 23.0% იყო. მათი გამომუშავება წლიურად თითქმის უცვლელი დარჩა და 0.2%-ით შემცირდა.აგვისტოში მუშაობდნენ გარდაბანი 1, მტკვარი ენერგია და თბილსრესის თბოსადგურები. რამდენიმე დღე მუშაობდა ჯიფაუერიც. „გარდაბანი 2“ გეგმიური რემონტის გამო გაჩერებული იყო.Galt & Taggart-ის შეფასებით, თბოგენერაციის საჭიროება რამდენიმე სისტემურმა ფაქტორმა განაპირობა, მათ შორის „იმერეთის“ ხაზის გადატვირთვისა და სისტემური გათიშვის რისკის შემცირების საჭიროებამ, ენგურ-ვარდნილის შემცირებული გამომუშავების ჩანაცვლებამ და სისტემისთვის საჭირო რეზერვების უზრუნველყოფამ.ანგარიშის მიხედვით, ენგურ-ვარდნილის გამომუშავების კლება შესაძლოა ივლის-აგვისტოს სისტემური გათიშვების შემდეგ წარმოქმნილ ტექნიკურ შეზღუდვებს უკავშირდებოდეს.8 თვეში ელექტროენერგიის ექსპორტი 51.9%-ით შემცირდაGalt & Taggart-ის შეფასებით, 2026 წლის საექსპორტო სეზონმა საექსპორტო ბაზრების დივერსიფიცირების საჭიროება გამოკვეთა.2026 წლის საექსპორტო სეზონი მაისიდან ივლისის ჩათვლით გაგრძელდა. წლის 8 თვეში ელექტროენერგიის ექსპორტი რაოდენობრივად 51.9%-ით შემცირდა და 243 გვტ.სთ შეადგინა, ხოლო ექსპორტიდან მიღებული შემოსავალი 53.8%-ით შემცირდა და 10.7 მლნ აშშ დოლარი შეადგინა.კლების მიზეზად Galt & Taggart თურქეთის ბაზარზე შემცირებულ ფასებს ასახელებს, რაც, თავის მხრივ, თურქეთში გაზრდილ ჰიდრო და მზის გენერაციას უკავშირდება.8 თვის ექსპორტად აღრიცხული მოცულობის 30.4% აზერბაიჯანთან ტექნიკურ გაცვლას წარმოადგენდა, ხოლო დანარჩენი 69.6% თურქეთში განხორციელებულ ექსპორტზე მოდიოდა. ამ მოცულობის ნახევარი ესკოს ბარტერს წარმოადგენდა.ამასთან, საქართველოში საჭირო გახდა ჭარბი ჰიდროგენერაციის ტექნიკური შეზღუდვა. Galt & Taggart-ის შეფასებით, მოცულობამ დაახლოებით 0.5 ტვტ.სთ შეადგინა, რაც 8 თვის ჯამური განახლებადი გენერაციის 6.1%-ია.ანალიტიკოსების შეფასებით, ზაფხულის შედეგები აჩვენებს, რომ საინვესტიციო კლიმატი სისტემის საჭიროებებს უნდა მოერგოს.„ახალი პროექტების მხარდაჭერისას, მეტი მნიშვნელობა უნდა მიენიჭოს გამომუშავების სეზონურობასა და სისტემის საიმედოობაში მათ წვლილს, რაც CFD-ის პირობებსა და ტარიფებშიც უნდა აისახოს“, – აღნიშნავს Galt & Taggart.აგვისტოში კომერციული იმპორტი და ექსპორტი არ განხორციელებულა2026 წლის აგვისტოში ელექტროენერგიის კომერციული იმპორტი და ექსპორტი არ განხორციელებულა.აგვისტოს ელექტროენერგიის ბალანსში აზერბაიჯანთან იმპორტისა და ექსპორტის თითქმის თანაბარი მოცულობები დაფიქსირდა. ანგარიშის მიხედვით, აღნიშნული ნაკადები ტექნიკური ხასიათისაა და ენერგოსისტემების სინქრონული პარალელური მუშაობის უზრუნველყოფას ემსახურება.2026 წლის აპრილიდან ტექნიკური ნაკადები იმპორტისა და ექსპორტის სახით ცალ-ცალკე აღირიცხება, მაშინ როდესაც მანამდე მხოლოდ წმინდა მოცულობა აისახებოდა.აგვისტოში ტექნიკური იმპორტის საშუალო შეწონილი ფასი 6.5 აშშ ცენტი/კვტ.სთ იყო.საბალანსო ელექტროენერგიის ფასი 6.5 ცენტამდე გაიზარდა2026 წლის აგვისტოში საბალანსო ელექტროენერგიის მოცულობა 15.7%-ით შემცირდა და 0.3 ტვტ.სთ შეადგინა, რაც იმპორტის მოცულობის წლიურმა შემცირებამ გამოიწვია.საბალანსო ელექტროენერგიის საშუალო შეწონილი ფასი 4.7%-ით გაიზარდა, ლარში კი ზრდამ 1.4% შეადგინა. ფასი 6.5 ცენტი/კვტ.სთ გახდა.Galt & Taggart-ის მიხედვით, ფასის წლიური ზრდა საბალანსო ელექტროენერგიის მიწოდების სტრუქტურის ცვლილებამ განაპირობა.აგვისტოში საქართველოს ენერგეტიკულ ბირჟაზე ელექტროენერგიით ვაჭრობა არ განხორციელებულა.8 თვეში მოთხოვნამ 10.35 ტვტ.სთ შეადგინა2026 წლის 8 თვის განმავლობაში ელექტროენერგიის მოთხოვნამ 10.35 ტვტ.სთ შეადგინა, რაც წლიურად 0.4%-იანი კლებაა.ადგილობრივი მოხმარება 9.76 ტვტ.სთ იყო და 2.7%-ით გაიზარდა. ექსპორტმა 0.24 ტვტ.სთ შეადგინა და 51.9%-ით შემცირდა, ხოლო დანაკარგები 0.35 ტვტ.სთ-მდე, 8.3%-ით შემცირდა.მიწოდების მხარეს ჰიდრო, ქარისა და მზის გენერაციამ 7.65 ტვტ.სთ შეადგინა, რაც 3.9%-იანი კლებაა. თბოსადგურების გამომუშავება 1.53 ტვტ.სთ იყო და 14.2%-ით გაიზარდა, იმპორტმა კი 1.18 ტვტ.სთ შეადგინა და 6.2%-ით მოიმატა.1 ოქტომბრიდან დღიური ბაზრის ფუნქციონირება შეჩერდება2026 წლის 8 სექტემბერს „საქართველოს ელექტროენერგიის ბაზრის კონცეფციაში“ შეტანილი ცვლილების მიხედვით, ელექტროენერგიის დღიური ბაზრის ფუნქციონირება 2026 წლის 1 ოქტომბრიდან 2027 წლის 1 ივლისამდე შეჩერდება.ამ პერიოდში დღით-ადრე ბაზარი ჩვეულებრივ რეჟიმში გააგრძელებს ფუნქციონირებას.Galt & Taggart-ის ანგარიშის მიხედვით, დღიური ბაზრის ფუნქციონირების შეჩერების მიზეზი ამ ბაზარზე ტრანზაქციების არარსებობა გახდა.

1790583424

ფესტივალი ურბანული კულტურის სხვადასხვა მიმართულებას მუსიკას, ქუჩის ცეკვასა და ვიზუალურ ხელოვნებას ერთ სივრცეში გააერთიანებს და სტუმრებს ჰიპ-ჰოპის კულტურასთან დაკავშირებულ მრავალფეროვან გამოცდილებას შესთავაზებს.Tbilisi Hip-Hop Festival-ის მუსიკალური პროგრამის მთავარი არტისტი ბრუკლინელი Talib Kweli იქნება, ჰიპ-ჰოპის სცენის ერთ-ერთი გამორჩეული ფიგურა. ის ცნობილია Mos Def-თან ერთად შექმნილი საკულტო პროექტით Black Star და სოციალური თემატიკით გამორჩეული შემოქმედებით.ფესტივალზე ასევე წარდგებიან სამხრეთ ლონდონის რეპ-სცენის გამორჩეული ხმა FLOHIO, თანამედროვე ქართული ჰიპ-ჰოპის  წამყვანი არტისტები TAHA, Kay G და Mush One, ასევე სხვა სპეციალური სტუმრები.ფესტივალის პროგრამა სხვადასხვა შოუქეისსაც მოიცავს, მათ შორის Sioni Hi-Fi Soundsystem-სა და Red Bull Dance Your Style-ის Street Dance Showcase-ს. Graffiti Battle-ის ფარგლებში კი არტისტები ნამუშევრებს მაყურებლის თვალწინ შექმნიან. ადგილზე ასევე ჩატარდება producer battle.ამასთან ერთად, ფესტივალის კულტურულ ზონაში წარმოდგენილი იქნება ფოტოგამოფენა „50 Iconic Moments of Hip-Hop History“, რომელიც ჰიპ-ჰოპის ნახევარსაუკუნოვან ისტორიას და ჟანრის საკულტო მომენტებს გააცოცხლებს. ასევე მოეწყობა ფილმების ჩვენების სივრცე, სადაც დღის განმავლობაში ჰიპ-ჰოპ კულტურასთან დაკავშირებულ ქართულ და უცხოურ დოკუმენტურ და მხატვრულ ფილმებს აჩვენებენ.ფესტივალის ტერიტორიაზე სტუმრებს ასევე დახვდებათ Food Court, ბარი და სხვადასხვა გასართობი და ინტერაქციული სივრცე.ღონისძიების შესახებ დამატებითი ინფორმაციისა და ბილეთების სანახავად ეწვიეთ ბმულს.(R)

1790582091

კამპანიის ფარგლებში, ჯამში 72,000 ლარი გათამაშდა - 62 მომხმარებელმა ყოველდღიური გათამაშების ფარგლებში 1,000 ლარი მოიგო, ხოლო ერთმა მომხმარებელმა სუპერპრიზი - 10,000 ლარი მიიღო.გათამაშებაში მონაწილეობის მისაღებად მომხმარებლებს მიღებული გზავნილი საქართველოს ბანკის მობილბანკით ან ინტერნეტბანკით უნდა გაენაღდებინათ. თითოეულ განაღდებულ 150 ლარზე მომხმარებელი გათამაშების ერთ ბილეთს იღებდა. გათამაშებაში ჩართვა საზღვარგარეთ მცხოვრებ მომხმარებლებსაც შეეძლოთ - ამისთვის მათ გზავნილი საკუთარ თავთან უნდა გამოეგზავნათ და თანხა მობილბანკის ან ინტერნეტბანკის საშუალებით გაენაღდებინათ.„გზავნილების გათამაშების ფარგლებში მომხმარებლებს შესაძლებლობა მივეცით, თანხის მიღებასთან ერთად, ფულადი პრიზებიც მოეგოთ. მოხარული ვართ, რომ კამპანიის ფარგლებში ჯამში 72,000 ლარი გავათამაშეთ და არაერთ მომხმარებელს დამატებითი სარგებლის მიღების შესაძლებლობა მივეცით. მომავალშიც გავაგრძელებთ ისეთი ინიციატივების შეთავაზებას, რომლებიც მომხმარებლებისთვის კიდევ უფრო მეტ შესაძლებლობას შექმნის“, - განაცხადა საქართველოს ბანკის ემიგრანტების საბანკო მომსახურების დეპარტამენტის დირექტორმა, მარიამ ბექაურმა.ინფორმაციისთვის,საქართველოს ბანკის გზავნილები მომხმარებლებს საშუალებას აძლევს, თანხა სწრაფად, უსაფრთხოდ და კომფორტულად მიიღონ საკუთარ ანგარიშზე. სერვისი მობილბანკსა და ინტერნეტბანკშია ინტეგრირებული და მომხმარებლებს გზავნილის მიღებასთან ერთად, სტანდარტულთან შედარებით, უკეთესი კურსით კონვერტაციის შესაძლებლობასაც სთავაზობს.

1790365548

საინფორმაციო შეხვედრაში მონაწილეობა მიიღეს IT/ტექნოლოგიების, სამშენებლო და დეველოპერული, არქიტექტურისა და დიზაინის, სამედიცინო, საავტომობილო და სხვა სექტორებში მომუშავე კომპანიებმა.საერთაშორისო ბიზნესგამოფენა „საქართველო – უზბეკეთი: აბრეშუმის გზა“ 2026 წლის 7-8 ოქტომბერს ტაშკენტში, JW Marriott Tashkent-ში გაიმართება. ღონისძიების მთავარი ორგანიზატორია გაყიდვების ასოციაცია, ხოლო მისი ადგილობრივი პარტნიორები არიან The Europe-Uzbekistan Association for Economic Cooperation (EuroUZ) და უზბეკეთის სავაჭრო-სამრეწველო პალატა.გამოფენის მიზანია საქართველოსა და უზბეკეთს შორის ბიზნესკავშირების გაღრმავება, ქართული კომპანიებისთვის უზბეკეთის ბაზრის შესაძლებლობების გაცნობა და ახალი საერთაშორისო პარტნიორობების შექმნის ხელშეწყობა. ღონისძიება 2,000-მდე კორპორაციული სექტორის წარმომადგენელს უმასპინძლებს, ხოლო მასში სხვადასხვა ინდუსტრიის 50-მდე ქართული კომპანია მიიღებს მონაწილეობას.

1790344140

26 სექტემბერს, 18:00 საათზე, თიბისი კონცეპტის მულტიფუნქციურ სივრცეში ამირ კაკაბაძის შემოქმედებისადმი მიძღვნილი წიგნის პრეზენტაცია გაიმართება. გამოცემა ქართველი მხატვრის 85 წლის იუბილეს ეძღვნება და მისი მრავალფეროვანი შემოქმედებითი მემკვიდრეობის ერთ სივრცეში თავმოყრასა და ახალი თაობისთვის გაცნობას ემსახურება.წიგნი დავით კაკაბაძის ფონდმა, თიბისის მხარდაჭერით გამოსცა. გამოცემა აერთიანებს ამირ კაკაბაძის შემოქმედების მნიშვნელოვან ნაწილს და მკითხველს მხატვრის სამყაროსა და მის განსხვავებულ შემოქმედებით ხედვასთან კიდევ ერთხელ შეხვედრის შესაძლებლობას აძლევს.პრეზენტაციაზე წიგნის შესახებ ისაუბრებენ დავით კაკაბაძის ფონდის დირექტორი მარიამ კაკაბაძე, ხელოვნებათმცოდნეობის დოქტორი ხათუნა ხაბულიანი და მხატვარი მანანა არაბული.ამირ კაკაბაძე (1941–2015) - ქართველი მხატვარი, რომლის მრავალფეროვანი შემოქმედება აერთიანებს ფერწერას, გრაფიკას, კოლაჟსა და პოპ-არტს.  იგი ცნობილი ქართველი მხატვრების დავით კაკაბაძისა და  ეთერ ანდრონიკაშვილის ოჯახში დაიბადა.1967 წელს დაამთავრა თბილისის სამხატვრო აკადემია, შემდეგ კი სწავლა ასპირანტურაში გააგრძელა ფერწერისა და თეატრალურ-დეკორატიული ხელოვნების მიმართულებით .  სხვადასხვა წლებში მუშაობდა თეატრსა და კინოში, აფორმებდა სპექტაკლებსა და ფილმებს თბილისში და მოსკოვში.1965 წლიდან ამირ კაკაბაძე მონაწილეობდა საგამოფენო პროექტებში და მართავდა პერსონალურ გამოფენებს საქართველოში და მსოფლიოს სხვადასხვა ქვეყანაში. მისი ნამუშევრები წარმოდგენილია საქართველოსა და სხვადასხვა ქვეყნის მუზეუმებსა და კერძო კოლექციებში.საიუბილეო კატალოგის რედაქტორია მარიამ კაკაბაძე, ტექსტის ავტორი - ხათუნა ხაბულიანი, ხოლო ვიზუალური კონცეფციისა და დიზაინის ავტორია მანანა არაბული.დასწრება თავისუფალია!მისამართი: თიბისი კონცეპტი, მარჯანიშვილის #7, მე-4 სართული.(R)

1790340208

როგორც სააგენტო „რეპორტი“ აზერბაიჯანის საგარეო უწყებაზე დაყრდნობით წერს, სამინისტრომ ასევე მიუღებლად მიიჩნია ქვეყნის ტერიტორიაზე არსებული გეოგრაფიული და ისტორიული ტოპონიმებისთვის სხვა სახელწოდებების გამოყენება.„აზერბაიჯანი ყოველთვის პატივს სცემდა საქართველოს ტერიტორიულ მთლიანობასა და სუვერენიტეტს. საქართველოს მხრიდან აზერბაიჯანის ტერიტორიული მთლიანობისა და სუვერენიტეტისადმი იგივე დამოკიდებულება ჩვენს ქვეყნებს შორის სტრატეგიული პარტნიორობის ერთ-ერთი უმნიშვნელოვანესი საფუძველია. სწორედ ამიტომ გაუგებარია საქართველოს საპატრიარქოს პოზიცია, რომელიც აზერბაიჯანთან მიმართებით ტერიტორიულ პრეტენზიებს შეიცავს“, – ნათქვამია განცხადებაში.აზერბაიჯანის საგარეო საქმეთა სამინისტროში ხაზგასმით აღნიშნეს, რომ რელიგიურმა ორგანიზაციებმა თავი უნდა აარიდონ ისეთ მიდგომებს, რომლებმაც შესაძლოა ზიანი მიაყენოს აზერბაიჯანისა და საქართველოს ხალხებს შორის საუკუნეების განმავლობაში ჩამოყალიბებულ მეგობრობასა და კეთილმეზობლობას.„ამასთან დაკავშირებით, საქართველოს საპატრიარქოს არ ვურჩევთ, გაიმეოროს სომხური ეკლესიისთვის ცნობილი მიდგომები და მის მაგალითს მიჰყვეს. აზერბაიჯანის ტერიტორიაზე არსებული ყველა ისტორიული, კულტურული და რელიგიური ძეგლი აზერბაიჯანელი ხალხისა და სახელმწიფოს ეროვნული მემკვიდრეობის განუყოფელი ნაწილია“, – განაცხადეს უწყებაში.საქართველოს საპატრიარქომ ქურმუხის წმინდა გიორგის ტაძარში და მის მიმდებარე ტერიტორიაზე მიმდინარე სამუშაოებთან დაკავშირებით განცხადება 24 სექტემბერს გაავრცელა. საპატრიარქოს განცხადებით, ტაძარი დღეს აზერბაიჯანის ტერიტორიაზე მდებარეობს, თუმცა ის საქართველოსა და ეკლესიის ისტორიული და სულიერი მემკვიდრეობის მნიშვნელოვანი ძეგლია.საპატრიარქოს თქმით, მას აზერბაიჯანის შესაბამისი სახელმწიფო უწყებებისგან სამუშაოების შესახებ ინფორმაცია არ მიუღია. უწყებაში ასევე აღნიშნეს, რომ კითხვებს აჩენს როგორც სამუშაოების მიზნები, ისე ქართული კულტურული მემკვიდრეობის ძეგლის ქართულ მხარესთან შეუთანხმებელი რეაბილიტაცია.საპატრიარქო მიიჩნევს, რომ აუცილებელია დადგინდეს, რა სახის სამუშაოები მიმდინარეობს ტაძრის ტერიტორიაზე, რა კვლევებს ეფუძნება ისინი და ვინ ახორციელებს მათ. ამასთან, საპატრიარქომ საქართველოს შესაბამის სახელმწიფო უწყებებს პროცესში ჩართვისა და საკითხზე სათანადო რეაგირებისკენ მოუწოდა.

1790336813

Standard Chartered Bank გლობალური ფინანსური ინსტიტუტია, რომელსაც საერთაშორისო გადახდების, სავაჭრო ფინანსებისა და ტრანზაქციული საბანკო მომსახურებების მიმართულებით ფართო გამოცდილება აქვს.საკორესპონდენტო ანგარიშის გახსნა კი საქართველოს ბანკს შესაძლებლობას აძლევს, გააძლიეროს საერთაშორისო გადარიცხვების ინფრასტრუქტურა, გააუმჯობესოს ტრანზაქციების დამუშავების პროცესები და მომხმარებლებს საერთაშორისო ფინანსურ ოპერაციებთან დაკავშირებული უფრო მოქნილი და ეფექტიანი სერვისები შესთავაზოს. ეს განსაკუთრებით მნიშვნელოვანია იმ მომხმარებლებისთვის, რომლებიც უცხოელ პარტნიორებთან ანგარიშსწორებას, იმპორტ-ექსპორტის ოპერაციებსა და საერთაშორისო სავაჭრო საქმიანობას ახორციელებენ.Standard Chartered Bank-თან თანამშრომლობა საქართველოს ბანკის საერთაშორისო საბანკო ურთიერთობების გაფართოების ნაწილია და კიდევ ერთი ნაბიჯია მომხმარებლებისთვის საერთაშორისო ფინანსურ ბაზრებთან დაკავშირებული შესაძლებლობების განვითარების მიმართულებით.

1790331108

საქართველოს ეროვნული ბანკის პირველმა ვიცე-პრეზიდენტმა, ეკატერინე მიქაბაძემ, „რიკო ექსპრესს", თიბისი კაპიტალს, ყველა ჩართულ მხარესა და ინვესტორებს წარმატებული ტრანზაქცია მიულოცა. მისი თქმით, ინვესტორებს სულ უფრო მეტი შესაძლებლობა უჩნდებათ, დანაზოგები უსაფრთხოდ განათავსონ, ხოლო კერძო სექტორს დაფინანსების ალტერნატიულ წყაროებზე ჰქონდეთ წვდომა.„ყოველ წარმატებულ ტრანზაქციას ბაზარზე მნიშვნელოვნად განაპირობებს როგორც კაპიტალის ბაზარზე არსებული, ისე ზოგადად მაკროეკონომიკური სტაბილურობა. ეკონომიკის სტაბილური განვითარება მნიშვნელოვნად ამცირებს ქვეყნის რისკის პრემიას, რაც, რა თქმა უნდა, კერძო სექტორს ფინანსური რესურსების უფრო ხელსაყრელი პირობებით მოზიდვის შესაძლებლობას აძლევს. კაპიტალის ბაზრის განვითარებაში პოზიტიური ტენდენციები შეინიშნება. გასული წელი ბაზარზე ძალიან აქტიური იყო და ბაზრის მონაწილეები წელსაც მაღალი აქტივობით გამოირჩევიან ", - აღნიშნა  ეროვნული ბანკის პირველმა ვიცე-პრეზიდენტმა, ეკატერინე მიქაბაძემ.„ვულოცავ “მიკროსაფინანსო ორგანიზაცია რიკო ექსპრესს” უცხოურ ვალუტაში პირველი ობლიგაციის წარმატებით განთავსებას. ფასიანი ქაღალდების მიმართ ინტერესი საკმაოდ მაღალი იყო, რამაც კომპანიას შესაძლებლობა მისცა, ობლიგაცია კონკურენტული პირობებით განეთავსებინა. მიხარია, რომ უცხოურ ვალუტაში თანხების მოზიდვისთვის პარტნიორად სწორედ თიბისი კაპიტალი აირჩიეს. შედეგად, „რიკო ექსპრესმა“ უკეთეს პირობებში მოახერხა ფულადი რესურსის მოზიდვა, რაც უმნიშვნელოვანესია მათი ბიზნესის განვითარებისთვის. მსგავსი ტრანზაქციებით კომპანიებს ვეხმარებით დაფინანსების წყაროების დივერსიფიკაციაში, ინვესტორების ბაზის გაფართოებასა და რესურსების კონკურენტული პირობებით მოზიდვაში”, - განაცხადა თიბისი კაპიტალის დირექტორმა ოთარ შარიქაძემ.„რიკო ექსპრესის" სამეთვალყურეო საბჭოს თავმჯდომარის, ლაშა ნიკოლაიშვილის განცხადებით, ეს დღე კომპანიისთვის ძალიან მნიშვნელოვანია. მან მადლობა გადაუხადა ეროვნულ ბანკს მხარდაჭერისთვის და ხაზი გაუსვა სებ-ის როლს მიღწეულ შედეგში. „აღსანიშნავია ეროვნული ბანკის როლი, რადგან ბოლო წლების მანძილზე ჩვენი ქვეყნის რეზერვები უპრეცედენტო ნიშნულზე ავიდა. სწორედ ამ ფაქტორებმა გამოიწვია ის, რომ ქვეყანაში საპროცენტო განაკვეთები მცირდება", - აღნიშნა ლაშა ნიკოლაიშვილმა. მისივე თქმით, დღევანდელ პირობებში, როდესაც მსოფლიოში რეფინანსირების განაკვეთი იზრდება, კომპანიამ 3-წლიანი ობლიგაციები 7%-ში განათავსა, რაც ბოლო დროის განმავლობაში ბაზრისთვის უპრეცედენტოა და მეტყველებს იმაზე, რომ ქვეყანაში სტაბილური მდგომარეობაა, ხოლო ინვესტორების მხრიდან მაღალი ნდობაა როგორც ქვეყნის, ისე ქართული კომპანიების მიმართ.“რიკო ექსპრესი“ საქართველოს ბაზარზე თითქმის 30 წელია ოპერირებს და 47%-იანი წილით მიკროსაფინანსო სექტორის ბაზრის ლიდერია. (R)

1790330659