საქართველოს Web Summit -ზე ეროვნული პავილიონით წარდგა

ღონისძიების მონაწილეებს მისასალმებელი სიტყვებით მიმართეს საქართველოს ფინანსთა მინისტრის მოადგილემ ცოტნე ყავლაშვილმა, საქართველოს ეროვნული ბანკის პირველმა ვიცე-პრეზიდენტმა ეკატერინე მიქაბაძემ და სამსახურის (SARAS) უფროსმა დავით მჭედლიძემ. მათ პროფესიული დღე მიულოცეს ბუღალტრებსა და აუდიტორებს და ხაზი გაუსვეს პროფესიის მნიშვნელობას ქვეყნის ეკონომიკური განვითარებისა და სისტემისადმი ნდობის განმტკიცების პროცესში.ღონისძიებაზე აღინიშნა, რომ ათწლიანი რეფორმის შედეგად საქართველოში ჩამოყალიბდა საერთაშორისო სტანდარტებზე დაფუძნებული ბუღალტრული აღრიცხვის, ანგარიშგებისა და აუდიტის მარეგულირებელი და საზედამხედველო სისტემა. განსაკუთრებული ყურადღება დაეთმო ფინანსური ანგარიშგების კულტურის დამკვიდრებას, ვინაიდან ანგარიშგება მხოლოდ კანონმდებლობით განსაზღვრულ ვალდებულებად აღარ აღიქმება და ბიზნესის მართვისა და გადაწყვეტილებების მიღების განუყოფელ ნაწილად იქცა. ხაზი გაესვა სანდო ფინანსური ინფორმაციის მნიშვნელობას კაპიტალის ბაზრის განვითარებისთვის, ინვესტორთა ნდობის განმტკიცებისა და ბიზნესისთვის ფინანსურ რესურსებზე ხელმისაწვდომობის გაუმჯობესებისთვის.ღონისძიების ფარგლებში დავით მჭედლიძემ სამსახურის ათწლიანი საქმიანობის ძირითადი მიღწევები შეაჯამა. რეფორმის ერთ-ერთ მნიშვნელოვან შედეგად დასახელდა ფინანსური ანგარიშგების საჯაროობისა და ხელმისაწვდომობის ზრდა. REPORTAL.GE-ის მეშვეობით შეიქმნა ფინანსური ინფორმაციის საჯარო ციფრული ბაზები, რომლებიც დაინტერესებულ პირებს საწარმოთა ფინანსური მონაცემების და სხვა მნიშვნელოვანი ინფორმაციის მოძიებისა და დამუშავების შესაძლებლობას აძლევს.მნიშვნელოვანი შედეგები დაფიქსირდა ფინანსური ანგარიშგების ხარისხის გაუმჯობესების მიმართულებითაც. სამსახურის მიერ განხორციელებული მიმოხილვებისა და შემდგომი რეაგირების შედეგად, განმეორებითი მიმოხილვისას გამოვლენილი შეუსაბამობების გამოსწორების მაჩვენებელმა 76% შეადგინა.ამასთან, განვითარდა აუდიტის ხარისხის ზედამხედველობის სისტემა. 2025 წლის მონაცემებით, აუდიტის ბაზრის დაფარვამ, შემოსავლების მიხედვით, პირველადი ხარისხის მონიტორინგის შემთხვევაში 99%, ხოლო განმეორებითი მონიტორინგის შემთხვევაში 95% შეადგინა. მონიტორინგის შედეგად გამოვლენილი შეუსაბამობების გამოსწორების მაჩვენებელმა კი 58%-ს მიაღწია.შეჯამდა ფულის გათეთრებისა და ტერორიზმის დაფინანსების აღკვეთის (AML/CFT) მიმართულებით განხორციელებული სამუშაოც. 2023 წელს სამსახურში შესაბამისი სტრუქტურული ერთეული შეიქმნა, განვითარდა სამართლებრივი და საზედამხედველო მექანიზმები, ხოლო 2026 წლიდან დაიწყო რისკზე დაფუძნებული მიდგომით ანგარიშვალდებული პირების ინსპექტირება და რისკების ანგარიშგების სისტემის განვითარება.ღონისძიების მნიშვნელოვანი ნაწილი დაეთმო პროფესიული ორგანიზაციების წვლილს ათწლიანი რეფორმის განხორციელებაში. აღინიშნა მათი როლი საერთაშორისო სტანდარტების პრაქტიკაში დანერგვის ხელშეწყობაში, პროფესიული განათლებისა და კვალიფიკაციის ამაღლებაში, გამოცდილების გაზიარებასა და პროფესიული საზოგადოების განვითარებაში.პროფესიის განვითარებაში შეტანილი წვლილისა და მრავალწლიანი თანამშრომლობისთვის SARAS-მა სიმბოლური ჯილდოებით ოთხი პროფესიული ორგანიზაცია დააჯილდოვა: საქართველოს პროფესიონალ ბუღალტერთა და აუდიტორთა ფედერაცია (ბაფი), წარმომადგენელი ლავრენტი ჭუმბურიძე; საქართველოს აუდიტორთა, ბუღალტერთა და ფინანსურ მენეჯერთა პროფესიული ფედერაცია, წარმომადგენელი იური პაპასქუა; ბუღალტერთა კავშირი, წარმომადგენელი ტატა ბერიძე; ბუღალტერთა კლუბი „ფორუმი“, წარმომადგენელი გოჩა ხარჩილავა. ღონისძიების ფარგლებში პროფესიული ორგანიზაციების წარმომადგენლებმაც მიმართეს დამსწრე საზოგადოებას და ისაუბრეს სფეროში განხორციელებულ ცვლილებებზე, არსებულ გამოწვევებსა და პროფესიული საზოგადოების განვითარების პერსპექტივებზე.SARAS-ის ორგანიზებით ბუღალტრისა და აუდიტორის პროფესიული დღე წელს ფართომასშტაბური ღონისძიების ფორმატში აღინიშნა. სამსახური გეგმავს აღნიშნული ფორმატის მომავალ წლებშიც გაგრძელებას, რათა პროფესიული დღე მიღწეული შედეგების შეჯამების, გამოცდილების გაზიარებისა და პროფესიული თანამშრომლობის გაძლიერების ყოველწლიურ შესაძლებლობად იქცეს.

1794401918

პროგრამის ფარგლებში მონაწილეები სხვადასხვა ტიპის ტექნიკას უშუალოდ ეცნობიან, სწავლობენ ავტომობილის აგებულებასა და მუშაობის პრინციპებს, იკვლევენ ძრავის, ელექტრომობილისა და მძიმე ტექნიკის თავისებურებებს. სასწავლო პროცესი ინტერაქციულ და პრაქტიკულ აქტივობებს ეფუძნება: მოზარდები თავად ერთვებიან ტექნიკურ პროცესებში, ატარებენ ცდებს და მიღებულ გამოცდილებას თეორიულ ცოდნას უკავშირებენ.როგორც „თეგეტა აკადემიის“ დირექტორი ირინა წეროძე აღნიშნავს, საშაბათო სკოლის პროგრამა მოზარდების ინტერესებისა და ასაკობრივი თავისებურებების გათვალისწინებით შეიქმნა. მისი მიზანია, ბავშვებს მისცეს შესაძლებლობა, ადრეული ასაკიდან აღმოაჩინონ ტექნიკური სფეროს შესაძლებლობები, განივითარონ პრაქტიკული უნარები და თავად გამოსცადონ, რამდენად საინტერესო შეიძლება იყოს ინჟინერია.ირინა წეროძე, „თეგეტა აკადემიის“ დირექტორი: „პროგრამის შექმნის საფუძველი სწორედ ბავშვების ბუნებრივი ინტერესები გახდა. 12-14 წლის ასაკში მოზარდების ნაწილს უკვე მოსწონს კონსტრუქციების აწყობა, სხვადასხვა მექანიზმის მუშაობის შესწავლა, ხელსაწყოებთან ურთიერთობა და ავტომობილები. მიუხედავად ამისა, საქართველოში აქამდე არ არსებობდა ისეთი სასწავლო  პროგრამა, რომელიც ამ ბავშვებს საინჟინრო მიმართულებით ინტერესების გაღრმავებისა და შესაბამისი ცოდნის მიღების შესაძლებლობას მისცემდა.სწორედ ამ საჭიროების საპასუხოდ შეიქმნა საშაბათო სკოლა, სადაც მოზარდები უშუალოდ პროფესიონალებისგან რეალურ ტექნიკურ გარემოში ეცნობიან ძრავის, სავალი ნაწილისა და სპეცტექნიკის მუშაობის პრინციპებს. 12-14 წელი ამ გამოცდილების მისაღებად მნიშვნელოვანი ასაკია, რადგან ამ პერიოდში ბავშვებს უკვე მეტ-ნაკლებად ჩამოყალიბებული აქვთ ინტერესები და შეუძლიათ, უკეთ განსაზღვრონ, რომელი მიმართულება იზიდავთ - ტექნიკური თუ ჰუმანიტარული“.ახალგაზრდა ინჟინერთა საშაბათო სკოლის საპილოტე სემესტრი 9 შაბათს, ჯამში, 27 საათს მოიცავს. სასწავლო პროგრამა რამდენიმე პრაქტიკულ და თემატურ მოდულად არის დაყოფილი:მექანიკა და ძრავები - გადაცემათა სისტემების აწყობა და შიგაწვის ძრავების მუშაობის პრინციპების აღმოჩენა;მომავლის ტექნოლოგიები - ეკოლოგია, ელექტრომობილები, სენსორები და ხელოვნური ინტელექტი (AI) ავტომობილებში;დიაგნოსტიკა და უსაფრთხოება - გაუმართაობის აღმოჩენა მინიშნებებით, დამუხრუჭებისა და უსაფრთხოების სისტემების ტესტირება;მძიმე ტექნიკა - მოდული „გიგანტების ძალა“, რომლის ფარგლებშიც ბავშვები სპეცტექნიკას გაეცნობიან და სიმულაციურ აპარატსაც გამოცდიან.გარდა ამისა, ყოველ შეხვედრაზე გაიმართება თამაში „სიტყვების ავტოფარეხი“, რომლის საშუალებითაც მოზარდები ავტონაწილების ქართულ ტერმინოლოგიას შეისწავლიან და ტექნიკურ ლექსიკას გაიმდიდრებენ.ლაშა ჯუღელი, „ექსელენს ჰაბის“ დირექტორი: „მნიშვნელოვანია, ბავშვებს ადრეული ასაკიდანვე გავუღვივოთ ინტერესი ავტოინჟინერიისა და ტექნიკური პროფესიების მიმართ, განსაკუთრებით იმის გათვალისწინებით, რომ ამ მიმართულებით კვალიფიციურ კადრებზე მოთხოვნა მუდმივად იზრდება. საშაბათო სკოლა მოზარდებს შესაძლებლობას აძლევს, პრაქტიკული გამოცდილებით აღმოაჩინონ საკუთარი ინტერესები და სამომავლო პროფესიული არჩევანის შესახებ წარმოდგენა ადრეულ ეტაპზევე შეიქმნან. ამასთანავე, პროგრამა მხოლოდ ტექნიკური ცოდნის მიღებას არ ემსახურება - სასწავლო პროცესში ბავშვები გუნდური მუშაობის, ანალიტიკური აზროვნებისა და პრობლემების დამოუკიდებლად გადაჭრის უნარებსაც ივითარებენ.ახალგაზრდა ინჟინერთა საშაბათო სკოლა STEM მიმართულების განსხვავებული საგანმანათლებლო პროექტია. მისი მთავარი უპირატესობა პრაქტიკული გამოცდილება და უშუალო შეხებაა მსოფლიო წამყვანი ბრენდების ტექნიკასთან და დარგის სპეციალისტებთან. მონაწილეებს საშუალება აქვთ, გაეცნონ ისეთ ბრენდებს, როგორებიცაა Porsche, Lamborghini, Toyota, Volvo, JCB და MAN, მოინახულონ სერვისცენტრები და ადგილზე დააკვირდნენ სამუშაო პროცესს. ტრადიციული თეორიული სწავლებისგან განსხვავებით, პროგრამა ბავშვებს „თეგეტას“ ინფრასტრუქტურასა და სპეციალიზებულ სივრცეებში სწავლის შესაძლებლობას აძლევს. ვფიქრობთ, ასეთი გამოცდილება მათთვის განსაკუთრებით საინტერესო და დასამახსოვრებელი იქნება“.კურსის მონაწილეებს „თეგეტა აკადემიის“ ტრენერები, Top Master-ები და ტექნიკური ექსპერტები ასწავლიან. პროგრამის თითოეული მოდული აკადემიის გამოცდილმა ტრენერებმა შეიმუშავეს, რომლებმაც მოზარდებთან მუშაობისთვის სპეციალური მომზადება გაიარეს. პრაქტიკულ შეხვედრებში, ბავშვებთან ერთად, სერვისცენტრების სპეციალისტებიც ჩაერთვებიან.„სასწავლო მოდულების შემუშავებაში „თეგეტა აკადემიის“ განათლების სპეციალისტი და გამოცდილი ტრენერები მონაწილეობდნენ, რომლებიც ზრდასრულთა პროფესიულ მომზადებაზეც მუშაობენ. მოზარდებთან სწავლების სპეციფიკის გათვალისწინებით მათ დამატებითი, სპეციალიზებული ტრენინგი გაიარეს. ამასთანავე, პროგრამის პრაქტიკული ნაწილის ფარგლებში, ბავშვებს თითოეულ სერვისცენტრში დარგის პრაქტიკოსი სპეციალისტებიც გაუზიარებენ საკუთარ ცოდნასა და გამოცდილებას“, - აღნიშნავს ირინა წეროძე.„თეგეტა აკადემიაში“ სწავლა 31 ოქტომბერს დაიწყო. პროგრამის დასრულების შემდეგ მონაწილეები ბრენდირებულ Tegeta Young Engineer Passport-ს მიიღებენ, რომელიც საშაბათო სკოლის გავლის დამადასტურებელი იქნება.„თეგეტა ჰოლდინგის“ შვილობილი კომპანია „თეგეტა აკადემია“ არის ავტორიზებული კოლეჯი, რომელიც 2013 წლიდან ეწევა საგანმანათლებლო და საკონსულტაციო საქმიანობას ტექნიკური მიმართულებებით. „თეგეტა აკადემია“ კომპანიებს ეხმარება, გააუმჯობესონ სერვისები, ხელი შეუწყონ თანამშრომლების პროფესიულ განვითარებას, წვლილი შეიტანონ სამუშაო ძალის განვითარებაში და გაუზიარონ ახალი ცოდნა და საუკეთესო საერთაშორისო პრაქტიკა.(R)

1794398099

სიტყვით გამოსვლისას ეკატერინე მიქაბაძემ ხარისხიანი ფინანსური ანგარიშგებისა და დამოუკიდებელი აუდიტის მნიშვნელობაზე ისაუბრა და აღნიშნა, რომ სანდო ფინანსური ინფორმაცია აუცილებელია ინფორმირებული გადაწყვეტილებების მისაღებად, რისკების სათანადოდ შესაფასებლად, კორპორაციული მართვის გასაუმჯობესებლად და ეკონომიკური გარემოს მიმართ ნდობის გასაძლიერებლად.მისი განცხადებით, ფინანსური ანგარიშგების ხარისხს განსაკუთრებული მნიშვნელობა აქვს ეროვნული ბანკის საზედამხედველო საქმიანობისთვისაც, რადგან ფინანსური ინსტიტუტების მდგომარეობისა და მათთან დაკავშირებული რისკების შეფასება სანდო, სრულყოფილ და საერთაშორისო სტანდარტების შესაბამისად მომზადებულ ინფორმაციას მოითხოვს.“ხარისხიანი ფინანსური ანგარიშგება და დამოუკიდებელი აუდიტი ქმნის იმ სანდო საინფორმაციო საფუძველს, რომელიც აუცილებელია როგორც ბიზნესის, ისე ინვესტორების, კრედიტორებისა და მარეგულირებელი ორგანოების საქმიანობისთვის. გამჭვირვალე და სანდო ფინანსური ინფორმაცია ხელს უწყობს ინფორმირებული გადაწყვეტილებების მიღებას, რისკების სათანადო შეფასებას, კორპორაციული მართვის გაუმჯობესებასა და ეკონომიკური გარემოს მიმართ ნდობის განმტკიცებას“, - აღნიშნა ეკატერინე მიქაბაძემ.ეკატერინე მიქაბაძემ ყურადღება გაამახვილა საქართველოს ეროვნულ ბანკსა და SARAS-ს შორის თანამშრომლობაზე, რომელიც 2020 წელს გაფორმებული შეთანხმების საფუძველზე კიდევ უფრო გაღრმავდა. თანამშრომლობის მნიშვნელოვან შედეგად დასახელდა ანგარიშგების ერთიანი პორტალი - Reportal.ge, რომლის საშუალებითაც საჯარო ფასიანი ქაღალდების ემიტენტებს „ერთი ფანჯრის პრინციპით“ ანგარიშებისა და სხვა რეგულირებადი ინფორმაციის გამოქვეყნება შეუძლიათ.სებ-ის პირველმა ვიცე-პრეზიდენტმა გამოსვლისას ასევე ისაუბრა „საუკეთესო წლიური ანგარიშისა და გამჭვირვალობის ჯილდოს“ BARTA მნიშვნელობაზე, რომელიც კომპანიებში ხარისხიანი ანგარიშგებისა და გამჭვირვალობის კულტურის დამკვიდრებას უწყობს ხელს.“ჩვენი თანამშრომლობის კიდევ ერთი მნიშვნელოვანი მაგალითია BARTA. ამ ინიციატივამ წლების განმავლობაში ნათლად აჩვენა, რომ რეგულირების მიზანი მხოლოდ მინიმალური მოთხოვნების შესრულება არ უნდა იყოს. ჩვენი საერთო ამოცანაა კომპანიებში ისეთი კულტურის ჩამოყალიბება, სადაც ხარისხიანი ანგარიშგება და გამჭვირვალობა თავად კომპანიის ღირებულებად იქცევა”, - განაცხადა ეკატერინე მიქაბაძემ.ბუღალტერთა და აუდიტორთა პროფესიული დღისადმი მიძღვნილ ღონისძიებაზე შეჯამდა საქართველოში ბუღალტრული აღრიცხვის, ანგარიშგებისა და აუდიტის სფეროში ბოლო ათწლეულის განმავლობაში განხორციელებული რეფორმის შედეგები. ღონისძიების ფარგლებში, პროფესიის განვითარებაში შეტანილი წვლილისა და მრავალწლიანი თანამშრომლობისთვის ოთხი პროფესიული ორგანიზაცია დაჯილდოვდა. ღონისძიებას ესწრებოდნენ საქართველოს ფინანსთა მინისტრის მოადგილე ცოტნე ყავლაშვილი, SARAS-ის უფროსი დავით მჭედლიძე, პროფესიული ორგანიზაციების წარმომადგენლები და დარგის სხვა სპეციალისტები.

1794397830

„გეთანხმებით, რომ 100 ლარის ოდენობით თანხა არის ნამდვილად მცირე ოდენობა, თუმცა ობიექტურობისთვის უნდა აღვნიშნოთ, რომ დამატებით აქ გათვალისწინებულია საგადასახადო შეღავათი, რომლის მოცულობა დაახლოებით 600 ლარამდეა საშემოსავლო გადასახადში. თუმცა, როგორც მოგახსენეთ, ამ მიმართულებით გავაგრძელებთ მუშაობას“, – განაცხადა ლაშა ხუციშვილმა 2027 წლის სახელმწიფო ბიუჯეტის განხილვაზე საპარლამენტო კომიტეტში.მინისტრის განმარტებით, დამატებითი მხარდაჭერის საკითხზე საბოლოო გადაწყვეტილების მიღებამდე შეფასდება, რა შესაძლებლობას იძლევა ბიუჯეტი.„ვადასტურებ ჩემს დიდ პატივისცემას ომის ვეტერანების მიმართ. ნამდვილად ფასდაუდებელია ის წვლილი, რაც მათ საქართველოს ერთიანობისთვის, ერთიანობის შენარჩუნებაში გაიღეს. (...) არსებობს გარკვეული გამოწვევები, თუმცა ვფიქრობ, რომ ერთობლივად შესაძლებელია, გარკვეულწილად მივიდეთ იმ შესაძლებლობამდე, რომ უფრო მეტი სარგებელი მიიღონ ჩვენმა ვეტერანებმა მომდევნო პერიოდში. ეს შეეხება როგორც ფულადი, ასევე არაფულადი სახით დახმარებას“, – აღნიშნა ფინანსთა მინისტრმა.

1794397587

მეწარმეობის ხელშეწყობის მიმართულებით გათვალისწინებულია 210 მილიონი ლარი; ტურიზმის განვითარებაზე გამოყოფილია 78 მილიონი ლარი; ინოვაციებისა და ტექნოლოგიების მიმართულებით, გარდა ოპტიკურ-ბოჭკოვანი ქსელის მშენებლობისა, გათვალისწინებულია 64 მილიონი ლარი; ინვესტიციების ხელშეწყობის მიზნით სხვადასხვა საერთაშორისო კამპანიებისთვის გათვალისწინებულია 23 მილიონი ლარი.

1794392809

ამის შესახებ ფინანსთა მინისტრმა ლაშა ხუციშვილმა პარლამენტში 2027 წლის სახელმწიფო ბიუჯეტის პროექტის წარდგენისას განაცხადა.ბიუჯეტის პროექტის მიხედვით, განათლებისა და მეცნიერების სამინისტროს დაფინანსება მიმდინარე წელთან შედარებით 298 მლნ ლარზე მეტით იზრდება და 3 მლრდ ლარს აჭარბებს. ამასთან, საგანმანათლებლო ინფრასტრუქტურისა და მოსწავლეთა ტრანსპორტირების დაფინანსების გათვალისწინებით, განათლების, მეცნიერებისა და ახალგაზრდობის პროგრამებზე ჯამურად 3,71 მლრდ ლარი მიიმართება.განათლების სამინისტროს ასიგნებებიდან 1,95 მლრდ ლარზე მეტი სკოლების დაფინანსებას მოხმარდება. სასკოლო განათლების მომსახურებას 560 ათასზე მეტი მოსწავლე იღებს. სკოლების დაფინანსება მიმდინარე წელთან შედარებით 190 მლნ ლარზე მეტით იზრდება, რაც 70 ათასზე მეტი მასწავლებლისა და ადმინისტრაციული პერსონალის ხელფასების ზრდის შესაძლებლობას იძლევა.გარდა ამისა, მომავალი წლის სექტემბრიდან საჯარო სკოლებში 30 ათასზე მეტი დამრიგებლის დანამატის გაორმაგებაა გათვალისწინებული. ზოგადი განათლების სხვა პროგრამების დაფინანსება 284 მლნ ლარს შეადგენს.პროფესიული განათლებისთვის, დაგეგმილი სამშენებლო-სარეაბილიტაციო სამუშაოების ჩათვლით, 263 მლნ ლარია გამოყოფილი, რაც 45 ათას მოქალაქეს პროფესიული განათლების მიღების შესაძლებლობას მისცემს.უმაღლესი განათლების დაფინანსება 267 მლნ ლარამდეა განსაზღვრული, საიდანაც 105 მლნ ლარი სახელმწიფო უნივერსიტეტებში უფასო სწავლების პროგრამას მოხმარდება. მიმდინარე წელს ამ პროგრამის ფარგლებში პირველ კურსზე 20 ათასზე მეტი სტუდენტი ჩაირიცხა. მეცნიერების დაფინანსება 97 მლნ ლარს, ახალგაზრდობის მხარდაჭერის პროგრამები კი 26 მლნ ლარზე მეტს შეადგენს. ამ უკანასკნელის ფარგლებში ცხვარიჭამიასა და ბახმაროში ახალი ახალგაზრდული ბანაკების მშენებლობა დაიწყება.რაც შეეხება ჯანდაცვისა და სოციალური მიმართულებების დაფინანსებას, 2027 წლის ბიუჯეტით სამინისტროსთვის 10 მლრდ 907 მლნ ლარზე მეტია გათვალისწინებული, რაც მიმდინარე წლის მაჩვენებელს 1 მლრდ 238 მლნ ლარზე მეტით აღემატება.აქედან 5 მლრდ 700 მლნ ლარი საპენსიო უზრუნველყოფას მოხმარდება, რაც მიმდინარე წლის დაფინანსებაზე 685 მლნ ლარით მეტია. სხვადასხვა სოციალური პროგრამისთვის 1 მლრდ 994 მლნ ლარია გათვალისწინებული, ჯანდაცვის პროგრამების დაფინანსება კი 2 მლრდ 462 მლნ ლარს აჭარბებს და 243 მლნ ლარით იზრდება.სამედიცინო დაწესებულებების რეაბილიტაციისა და აღჭურვისთვის 145 მლნ ლარი გამოიყოფა, რაც მიმდინარე წლის მაჩვენებელს 65 მლნ ლარით აღემატება. მომდევნო წელს პროგრამის ფარგლებში ფსიქიკური ჯანმრთელობისა და ნარკომანიის პრევენციის ცენტრის საავადმყოფოს მშენებლობა დაიწყება. იძულებით გადაადგილებულ პირთა და მიგრანტთა ხელშეწყობისთვის კი 418 მლნ ლარზე მეტია გათვალისწინებული.კაპიტალური ხარჯები - 8.4 მლრდ ლარზე მეტი2027 წლის ნაერთი ბიუჯეტიდან კაპიტალური ხარჯების დასაფინანსებლად 8,4 მლრდ ლარზე მეტი მიიმართება. დაფინანსების ძირითადი მიმართულებებია: მუნიციპალური ინფრასტრუქტურა - 2,8 მლრდ ლარზე მეტი; საგზაო ინფრასტრუქტურა - 1,38 მლრდ ლარზე მეტი, მათ შორის, 773 მლნ ლარი ჩქაროსნული მაგისტრალების მშენებლობაზე; საგანმანათლებლო ინფრასტრუქტურა - 830 მლნ ლარი; წყალმომარაგება და წყალარინება - 350 მლნ ლარი. ამასთან, მიმდინარე წელს გაერთიანებულ წყალმომარაგების კომპანიას დამატებით 280 მლნ ლარი გამოეყოფა, რომლის ფარგლებში სამუშაოები 2027 წელს განხორციელდება; ენერგეტიკული ინფრასტრუქტურა - 230 მლნ ლარი, მათ შორის, ენერგიის დამაგროვებელი მოწყობილობების მშენებლობისთვის. რეგიონების გაზიფიცირების სამუშაოების განახლებისთვის მიმდინარე წელს დამატებით 55 მლნ ლარი გამოიყოფა; სპორტული ინფრასტრუქტურა - 310 მლნ ლარი; ტურისტული ინფრასტრუქტურა - 100 მლნ ლარი. მთის კურორტების განვითარებისთვის 2027 წლის სამუშაოების დასაფინანსებლად მიმდინარე წელს 80 მლნ ლარზე მეტი გამოიყოფა; იძულებით გადაადგილებულ პირთა და მიგრანტთა განსახლება - 408 მლნ ლარი, რაც ბიუჯეტის წინა პროექტთან შედარებით 140 მლნ ლარით გაზრდილი მაჩვენებელია; ჯანდაცვის ინფრასტრუქტურა - 140 მლნ ლარი; სამელიორაციო სისტემები - 85 მლნ ლარი. ამასთან, 2026 წელს მომდევნო წლის პროექტებისთვის დამატებით 70 მლნ ლარი გამოიყოფა; მყარი ნარჩენების მართვის პროექტები - 110 მლნ ლარზე მეტი; პოლიცია, სახელმწიფო უსაფრთხოება და თავდაცვა - 882 მლნ ლარი; საქართველოს რკინიგზის გამტარუნარიანობის ზრდა - 250 მლნ ლარი; თბილისის მეტროს მოდერნიზაცია - 125 მლნ ლარი; სოფლების ინტერნეტიზაცია - 107 მლნ ლარი ოპტიკურ-ბოჭკოვანი ქსელის მშენებლობისთვის; სხვა კაპიტალური ხარჯები - 303 მლნ ლარი. მინისტრის ინფორმაციით, დამატებითი დაფინანსება გათვალისწინებულია იძულებით გადაადგილებულ პირთა საცხოვრებლით უზრუნველყოფის ახალი სამთავრობო ინიციატივისთვისაც. კერძოდ, მიმდინარე წელს ამ მიმართულებით 100 მლნ ლარზე მეტი მიიმართება, ხოლო 2026-2027 წლებში კომპენსაციას 16 ათასზე მეტი ოჯახი მიიღებს.ამასთან, ანაკლიის პორტის მშენებლობის ფარგლებში, 2027 წელს განსახორციელებელი სამუშაოების დასაფინანსებლად მიმდინარე წელს დამატებით 125 მლნ ლარი გამოიყოფა.

1794391014

თავდაცვისა და უსაფრთხოების სფეროში დასაქმებული 75 ათასზე მეტი ადამიანის ხელფასების ზრდაზე მიიმართება 300 მილიონ ლარზე მეტი; საჯარო სკოლების 60 ათასამდე მასწავლებლის ხელფასების ზრდაზე - 150 მილიონ ლარზე მეტი; საბავშვო ბაღების 40 ათასზე მეტი პერსონალის ხელფასების ზრდაზე - 60 მილიონი ლარი; კულტურისა და სპორტის სფეროში დასაქმებული 35 ათასამდე ადამიანის ხელფასების ზრდაზე - 40 მილიონ ლარზე მეტი; სასწრაფო დახმარების პერსონალის, სოფლის ექიმებისა და ექთნების, ჯამში, 7 ათასზე მეტი ადამიანის ხელფასების ზრდაზე მიიმართება 15 მილიონ ლარზე მეტი; დანარჩენ სახელმწიფო უწყებებსა და მუნიციპალურ სერვისებში დასაქმებულ პირთა ხელფასების ზრდაზე, ჯამურად, მიიმართება 250 მილიონ ლარამდე.

1794390242

მოსახლეობის საპენსიო უზრუნველყოფის ხარჯი გაზრდილია 685 მილიონი ლარით და 5 მილიარდ 700 მილიონ ლარს შეადგენს. ზრდა გამოწვეულია კანონმდებლობის შესაბამისად პენსიების ინდექსაციით. კერძოდ, მოქმედი ინდექსაციის ფორმულის შესაბამისად, 70 წლის და მეტი ასაკის, ჯამში 500 ათასზე მეტი პენსიონერის პენსია იზრდება 60 ლარის ოდენობით და განისაზღვრება 555 ლარის ოდენობით; ასევე, ამავე კატეგორიის 50 ათასზე მეტი პირისთვის მაღალმთიან დასახლებებში  გათვალისწინებულია 20%-იანი დანამატი; 70 წლამდე მყოფი 440 ათასი ბენეფიციარისთვის, პენსია იზრდება 45 ლარით  და 415 ლარს შეადგენს. მაღალმთიან დასახლებებში 36 ათასი ბენეფიციარისთვის გათვალისწინებულია 20%-იანი დანამატი; ინდექსაციის და პენსიების ზრდის შესაბამისად, იზრდება 130 ათასზე მეტი შეზღუდული შესაძლებლობის მქონე პირთა სოციალური პაკეტი, რისთვისაც დამატებით გამოყოფილია 81 მილიონი ლარი და ჯამურად, 640 მილიონ ლარს შეადგენს; ჯანდაცვის პროგრამების დაფინანსება გაზრდილია 244 მილიონი ლარით და 2 მილიარდ 445 მილიონ ლარს აჭარბებს. მათ შორის, საყოველთაო ჯანდაცვის პროგრამის დაფინანსება, რომელიც ყოველწლიურად 790 ათასზე მეტ ბენეფიციარს ემსახურება, შეადგენს 1 მილიარდ 634 მილიონ ლარს. გამოყოფილი თანხის ფარგლებში, სხვა საჭიროებებთან ერთად,  გათვალისწინებულია სასწრაფო დახმარების პერსონალისა და სოფლის ექიმები/ექთნების ხელფასების ზრდა; სოციალური რეაბილიტაციისა და ბავშვზე ზრუნვის პროგრამა გაზრდილია 34 მილიონ ლარზე მეტით და 159 მილიონ ლარს შეადგენს; მაღალმთიან დასახლებებში განსაზღვრული დანამატებისთვის გამოყოფილია 147 მილიონ ლარზე მეტი. სხვადასხვა დანამატებით, ჯამში, სარგებლობს 175 ათასზე მეტი ბენეფიციარი; დაგროვებითი საპენსიო სქემის თანადაფინანსებაზე გამოყოფილი თანხები მომდევნო წელს იზრდება 60 მლნ ლარით. 2027 წელს 850 ათასი ბენეფიციარისთვის ბიუჯეტიდან განხორციელებული კონტრიბუცია იქნება 600 მლნ ლარი.

1794389996