უკრაინაში ელექტროენერგიის გათიშვის გრაფიკი შესაძლოა გაუარესდეს - შმიგალი

მანანა ანჯაფარიძის განცხადებით, მიუხედავად იმისა, რომ ქვეყანას დიდი კლიმატური პოტენციალი აქვს, ადგილობრივი მოსავალი მხოლოდ წლის მცირე მონაკვეთშია ხელმისაწვდომი, დანარჩენ დროს კი მოთხოვნა მთლიანად იმპორტით კმაყოფილდება.„წლიდან წლამდე ადგილობრივი წარმოება უკუსვლას განიცდის, რაზეც მეტყველებს ადგილობრივად მოწეული მარწყვის რაოდენობის შეფარდება იმპორტირებულ მარწყვთან. იმპორტი ხდება ძირითადად თურქეთიდან, რამდენჯერმე იყო ეგვიპტიდან, მაგრამ თურქეთი სრულად ფარავს ქართულ ბაზარს, არასეზონზეც და სეზონზეც კონკურენციაში შემოდის. არასეზონი იწყება გვიან შემოდგომიდან გაზაფხულამდე. ადრე გაზაფხულზე ძალიან მცირე რაოდენობით იწყება მოსავლის აღება და შემდეგ ზაფხულის პირველ ნახევარში და შემოდგომის პირველ პერიოდში, დანარჩენი სრულად მარწყვის მოთხოვნა იფარება თურქული მარწყვით. ადგილობრივი წარმოება არასეზონზე არ გვაქვს, თუმცა შესაძლებლობა გვაქვს ძალიან დიდი, რეგიონების მიხედვით, კლიმატური ზონების მიხედვით და ა.შ.“, - განაცხადა ასოციაციის თავმჯდომარემ.კითხვაზე, რატომ ვერ უწევს ქართული მარწყვი კონკურენციას თურქულ მარწყვს სეზონზე მაინც, მანანა ანჯაფარიძე პასუხობს, რომ ქართველი ფერმერი ვერ აკმაყოფილებს იმ მოთხოვნას, რაც ბაზარს გააჩნია.„ქართველი ფერმერი ვერ აკმაყოფილებს იმ მოთხოვნას, რაც ბაზარს გააჩნია, ვერც რაოდენობრივად, ვერც ხარისხობრივად. არ აქვს ცოდნა, გამოცდილება, ინფრასტრუქტურა. არ გვყავს კვალიფიცირებული კადრები, აგრონომები. ძალიან ბევრი ფაქტორისგან შედგება მარწყვის წარმატებული მეურნეობა. აქ შემოდის ნერგის კვალიფიკაცია, სახეობა, წამლობა და უამრავი საკითხი, რომელიც ცოდნას მოითხოვს და ორიენტირებული რომ ვიყოთ, ეს ყველაფერი უნდა ვიცოდეთ.წლების განმავლობაში ყველა ინსტანციაში სხვადასხვა მინისტრის, მოადგილის დონეზე ვაჟღერებდი ასოციაციის სახელით ინიციატივას, რომ ყველა პროექტი უნდა დაიხუროს და დადგეს კადრების მომზადების და კვალიფიკაციის საკითხი. თავს გვიქნევდნენ, მაგრამ რეაგირება არ ყოფილა. ერთი თვის წინ ჩაუშვეს ისევ ახალი პროექტი, რომელიც არ არის გამართული, არასრულია - უცხოელი კონსულტანტის დაფინანსება ხდება სააგენტოს მიერ. სავარაუდოდ, ეს სადემონსტრაციო პროექტია, ვნახოთ, რა შედეგს დადებს, მაგრამ ეს დღეს არ უნდა დაწყებულიყო.ამდენი ხნის განმავლობაში სრულად რომ მოეხდინათ პროექტების მონიტორინგი, ერთხელ მაინც რომ მოესმინათ ჩემთვის ან მსგავსი პრობლემით დაინტერესებული ფერმერისთვის, არ გვექნებოდა ეს შედეგი, მილიარდობით ლარია არამიზნობრივად დახარჯული და შედეგია ნული. სეზონზეც კი ვერ ვუწევთ კონკურენციას თურქულ მარწყვს. არასეზონზე არ ვსაუბრობ, რადგან ერთი მარცვალიც კი არ მოდის, ამ დროს ყველა მარწყვი არის თურქული, მაგრამ აწერია „ქართული“. ეს კიდევ ცალკე თემაა და დასჯადი უნდა იყოს. კანონი არსებობს მაგრამ აღსრულება - არა.ერთი წლის წინ ასოციაციამ მივაღებინეთ ჩასწორება მოქმედ კანონში, რომ მარკეტები და საცალო ქსელები ვალდებულები იყვნენ დაეწერათ პროდუქტზე წარმომავლობის ქვეყანა, მაგრამ აქაც აწერენ „უცხოური“ ან „ქართული“ და კონტროლის მექანიზმი არ მუშაობს, არადა კანონი გვაქვს. საკმაოდ ბევრი ფერმერის ხელმოწერით მოვითხოვეთ სამინისტროს დონეზე, პრემიერის სახელზეც შევიტანეთ განაცხადი... საქმე იმაშია, რომ ჩვენ არ ვიცით, რას ვჭამთ. მარტო მარწყვს არა, ნებისმიერ პროდუქციაზე ვამბობ“, - განაცხადა მანანა ანჯაფარიძემ.მისი თქმით, სოფლის მეურნეობის სამინისტროს ბანკებზე ორიენტირებული პროექტები აქვს, რის გამოც ფერმერი ზარალდება და დახმარების მაგივრად კარგავს ქონებას.„პირდაპირ ვაცხადებ, რომ ამ ყველაფერში დამნაშავეა სოფლის მეურნეობის სამინისტრო. არასწორი კადრები, არასწორი პროექტები, არანაირი მონიტორინგი არ არსებობს პროექტების ჩაშვების შემდეგ, სრულად ბანკებზეა ორიენტირებული პროექტი - მარტო გასულ წელს, მილიარდობით აგროკრედიტი გაიცა ბანკების მიერ, სადაც მარტო 2025 წელს 200 მლნ სახელმწიფო თანადაფინანსება იყო, დანარჩენი „შეღავათიანი აგროკრედიტი“ და ეს ნიშნავს, რომ ბანკებმა უფრო იხეირეს, ვიდრე სოფლის მეურნეობამ.2013 წლიდან 2025 წლის ჩათვლით 8 მლრდ ლარი გასცა ბანკებმა „შეღავათიანი აგროკრედიტის“ სახით, საიდანაც 1.3 მლრდ სახელმწიფოს ბიუჯეტიდან თანადაფინანსების სახით არის გაცემული და ამ 8 მლრდ-დან ძირითადად შედეგი არ დაიდო.. სავალალო სიტუაცია გვაქვს იმ მიმართულებით, რომ ამ ბენეფიციარების უძრავი ქონების დიდი ნაწილი გადავიდა ბანკის საკუთრებაში, რომელიც მათ გარანტად ჰქონდათ ჩადებული სესხის აღების დროს. იმის მაგივრად, რომ ფერმერს მიეღო სარგებელი, ისინი ზარალდებიან. ადრეც ვამბობდი და ახლაც ვამბობ - შეღავათიანი აგროკრედიტი უნდა მიეცეს მხოლოდ წარმატებულ ფერმერს, რომ მოხდეს ხელშეწყობა და არა სხვა მიზნების რეალიზაცია. ძალიან საინტერესოა, თუ მოგვცემენ ბანკები მონაცემებს, რა რაოდენობის მიწის ფართები მოექცა ვალაუვალობის გამო მათ საკუთრებაში მას შემდეგ, რაც ეს პროექტი ჩაეშვა,“ - განაცხადა ასოციაციის თავმჯდომარემ.კითხვაზე, რა პოტენციალი აქვს ქართულ მარწყვს, მანანა ანჯაფარიძე პასუხობს, რომ თუ ამჟამად ფერმერს ჰექტარზე 5-6 ტონა მარწყვი მოჰყავს, აბსოლუტურად შესაძლებელია, რომ ეს რიცხვი 40-50 ტონამდე გაიზარდოს.„მარწყვის მოყვანა ძვირი ჯდება იქ, სადაც არ ვიცით მისი მოყვანა. ჩვენ რომ ვიცოდეთ მისი მოყვანა და საჰექტრო მაჩვენებელი როდესაც ფერმერს აქვს 5-6 ტონა, ევროპელი ფერმერისთვის ეს მაჩვენებელი მინიმუმ 45-50 ტონამდეა, მაგრამ იქ, სადაც ჩვენ ვართ, აბსოლუტურად შესაძლებელია ჰექტარზე მივიღოთ 40-50 ტონა მარწყვი, მაშინ, როდესაც ქართველი ფერმერი 5 ტონა მოსავალზეც ძალიან ბედნიერია, რომ რაღაც ხარჯი დაფარა.პროდუქტების მართვის სააგენტოს შევეხები ისევ, ახლა რომ სოფლის განვითარების სააგენტო დაარქვეს, არანაირი სოფლის განვითარება ეს არ არის. მთლიანად ამ სააგენტოს ფუნქცია უნდა გადაიხედოს, რადგან მონიტორინგი პროექტებზე და მიზანშედეგობრიობაზე უნდა იყოს მათ მოვალეობაში, მაგრამ ისინი აბსოლუტურად მიმართულნი არიან იმ პროექტებზე, რომლებიც სამინისტრომ მოიტანა, რომელიც კაცმა არ იცის რაზე დაყრდნობით აკეთებს ამას. ვიღაცამ უთხრა, რომ ტრაქტორები უნდა გავყიდოთო და გაყიდეს. არანაირი ინფორმაცია რეგიონალურ საჭიროებებზე არ არის, ყველა მუნიციპალურ ორგანოში უნდა შეიქმნას ჯგუფები, რომლებიც მოახდენენ მუნიციპალიტეტების დონეზე მონიტორინგს, რომელ რეგიონს რა საჭიროება აქვს. ეს ჯაჭვი უნდა იყოს. სხვანაირად იქიდან წამოსული საჭიროებები არ არის მართებული და სწორი.მაშინ, როდესაც მსოფლიოში, სოფლის მეურნეობის დარგში ახალ-ახალ ცოდნას იძენენ და საოცარი ტემპით ვითარდება ეს სფერო, საქართველოში ისევ საუკუნოვანი, თაობიდან თაობაზე გადაცემული ინფორმაციის პრინციპით ვრცელდება და დღემდე გვარწმუნებენ, რომ ფერმერი არის გლეხი და სექტორი გლეხის დონეზე დაჰყავთ“, - აღნიშნა მან.მისი თქმით, გამოსავალი მთავრობის ეფექტიანობის სამსახურის შექმნაშია, რომელიც აღნიშნულ პროექტებს მონიტორინგს გაუწევს.„აუცილებლად უნდა შეიქმნას მთავრობის ეფექტიანობის სამსახური, რაზე დაყრდნობით დგინდება ეს პროექტები და რა შედეგი დადო. არანაირი მონიტორინგი არ არსებობს. ზედაპირულად რაღაცას ქმნიან, მაგრამ საბოლოოდ არ მუშაობს და ეს გრძელდება წლები. ისეთ ქვეყანაში, როგორიც ჩვენ ვართ, მსგავსი რამ აუცილებელია. სოფლის მეურნეობის სააგენტოს მიერ მილიარდებია გახარჯული და ერთი რიგითი თანამშრომელია პასუხისგებაში მიცემული, როდესაც კაცმა არ მოიკითხა, სად წავიდა ამდენი თანხა და რატომ არ გვაქვს დღეს სოფლის მეურნეობა.მინდა მივმართო პრემიერს, ფასებთან დაკავშირებით, რომ ჩვენ ფასების დაწევის პრობლემას არასწორ ადგილას ვეძებთ, უნდა ვეძებოთ ადგილობრივ წარმოებაში, რადგან მთელი რიგი საკითხებია, რომელიც შეგვიძლია სწორედ დავალაგოთ, კონკურენცია გავზარდოთ და შესაბამისად ფასები დარეგულირდება“, - განაცხადა მანანა ანჯაფარიძემ.წყარო: BPN

1770277727

„დავიწყეთ სამგზავრო მატარებლების შეკეთების პროცესი, ზაფხულის სეზონისთვის უკვე განახლებული მატარებლები გვეყოლება", - აცხადებს „საქართველოს რკინიგზის“ გენერალური დირექტორი. ლაშა აბაშიძემ სავაგონო დეპოში სამგზავრო მატარებლების განახლების მიმდინარე სამუშაოები დაათვალიერა, თანამშრომლებს გაესაუბრა და მათგან არსებული საჭიროებების შესახებ ინფორმაცია მოისმინა. როგორც რკინიგზის გენერალურმა დირექტორმა აღნიშნა, ორი მატარებლის შეკეთება ზაფხულში დასრულდება, რის შემდეგაც კიდევ სამი მატარებლის განახლებაა დაგეგმილი. „იდენტიფიცირებულია ყველა ტექნიკური პრობლემა, რაც სამგზავრო მატარებლების მიმართულებით იყო და დაწყებულია აქტიური მუშაობა სამგზავრო მატარებლების განახლებისა და მოდერნიზებისთვის“, - განაცხადა ლაშა აბაშიძემ.

1770274536

შვედი დეპუტატის თქმით, მმართველი გუნდის რიტორიკა არის მცდელობა, ყურადღება რეალური პრობლემებიდან სხვა საკითხებზე გადაიტანონ.„შეხედეთ პარლამენტის წევრების კომენტარებს, სრულ სისულელეებს ლაპარაკობენ, ტყუილებს და სიცრუეს ამტკიცებენ. რა თქმა უნდა, შვედეთს კრიმინალის მხრივ პრობლემები ჰქონდა, თუმცა ვნახეთ, რომ შვედეთში გასული თვე იყო პირველი ამ რამდენიმე წლის განმავლობაში მკვლელობისა და საბედისწერო შემთხვევების გარეშე, რადგან მთავრობა რეფორმებს ახორციელებს.ჩვენ დემოკრატიულ ქვეყნებში ასე ვმუშაობთ. ჩვენ პროტესტის დროს არ ვუსწორდებით ოპონენტებს ქუჩებში ქიმიური იარაღით, რასაც ახლა საქართველოში ვხედავთ. ესაა სწორედ მთავარი განსხვავება. კრემლის სახელმძღვანელოდანაა ის, რომ მთავარი პრობლემებიდან ყურადღება სხვა ნაკლებად აქტუალურ საკითხებზე გადაიტანო“, - განაცხადა გოტბერგმა „ტვ პირველთან“ ინტერვიუში.4 თებერვალს ირაკლი კირცხალიამ პლენარულ სხდომაზე სიტყვით გამოსვლისას შვედეთში არსებულ ვითარებაზე ისაუბრა და „შეშფოთება“ გამოთქვა ქვეყანაში გაზრდილი კრიმინალის, ორგანიზებული დანაშაულის, ეკონომიკური სტაგნაციისა და ჯანდაცვის სისტემაში არსებული პრობლემების გამო.კირცხალიამ აღნიშნა, რომ მისი განცხადებები ფაქტებსა და სტატისტიკას ეფუძნებოდა.

1770270300

„საქართველოს სახალხო დამცველმა ლევან იოსელიანმა 4 თებერვალს რუსთავის მე-12 ნახევრად ღია და დახურული ტიპის პენიტენციური დაწესებულება მოინახულა.სახალხო დამცველი შეხვდა დაწესებულების ადმინისტრაციას, გაეცნო პატიმართა საცხოვრებელ პირობებს, გაესაუბრა დაწესებულებაში მყოფ პატიმრებს: ბაჩო ახალაიას, პაატა ბურჭულაძეს, მურთაზ ზოდელავას, გრიგოლ ლილუაშვილს, მიხეილ სააკაშვილს, ირაკლი ღარიბაშვილს და ლევან ხაბეიშვილს.სახალხო დამცველი რეგულარულად ახორციელებს პენიტენციური დაწესებულებების მონიტორინგს და პატიმართა უფლებებზე ზედამხედველობას“, – ნათქვამია სახალხო დამცველის აპარატის გავრცელებულ ინფორმაციაში.

1770204722

კობახიძეს თქმით, ტექნიკური მიმართულებები, არა თუ უნდა მიიჩქმალოს, პირიქით, ყველაფერი უნდა გაკეთდეს იმისთვის, რომ ტექნიკური მიმართულებები გაძლიერდეს.როგორც კობახიძე აღნიშნავს, თსუ-სა და სტუ-ს გაერთიანების პროცესში, გამორჩეული ყურადღება დაეთმობა ტექნიკურ მიმართულებას, ჩამოყალიბდება ცალკე სკოლად, რომელსაც ექნება თავისი ავტონომიის მაღალი ხარისხი.„ყველა ვხედავთ, რომ განათლების სისტემა არის არა თუ მძიმე მდგომარეობაში, არამედ უმძიმეს მდგომარეობაში. ჩვენ წამოვიწყეთ რეფორმა, განვსაზღვრეთ 7 პრობლემა და ამის საფუძველზე განვსაზღვრეთ 7 პასუხი. თქვენ თუ გამახსენებთ, რომელიმე ამ თემასთან დაკავშირებით თუ გამოვიდა ვინმე რაიმე კონკრეტული წინადადებით, რაიმე კონსტრუქციული გზავნილებით?! - ასეთი არაფერი. იყო ერთადერთი ზოგადი, უხეში განცხადებები ყოველგვარი კონკრეტიკის გარეშე. ჩვენ მზად ვართ აქაც დისკუსიისთვის, თუ ვინმეს ექნება რაიმე არგუმენტი იმასთან დაკავშირებით თუ რა უნდა გაკეთდეს, ან არ უნდა გაკეთდეს, მაგალითად, ინფრასტრუქტურა უნდა გაუმჯობესდეს თუ არა, რესურსების ოპტიმიზაცია არის საჭირო თუ არა, არის თუ არა საჭირო, რომ ისედაც მწირი ადამიანური რესურსები მაქსიმალურად ოპტიმალურად გამოვიყენოთ. შეგვიძლია ამაზეც ვიმსჯელოთ. გვაქვს თუ არა სახელმძღვანელოები ძირითად საგნებში, ვიმსჯელოთ ამაზე. საუბარი რომ არის ბრენდებზე და ა.შ. აქ მთავარი რა არის? დამოუკიდებლობის აღდგენის შემდეგ, ამდენი წელი გავიდა. მანამდეც მუშაობდა განათლების სისტემა და დღემდე მაგალითად, იურიდიული მიმართულება რომ ავიღოთ, ძირითად საგნებშიც კი ნახევარზე მეტში არ გვაქვს ჩვენ მაღალი სტანდარტების სახელმძღვანელოები. ეს ხომ უნდა გამოსწორდეს?! თუ ვინმეს მიაჩნია, რომ არ უნდა გამოსწორდეს, ამაზეც ვიდებატოთ, მზად ვარ ოპონენტებთან ვისაუბრო ამ თემებთან დაკავშირებით. იმდენად თვალსაჩინოა პრობლემები, რომელთა წინაშეც განათლების სისტემა და კონკრეტული უნივერსიტეტები დგას, რომ არ ვიცი. მე ვფიქრობ, რომ აქ ძალიან მყარია ჩვენი არგუმენტები. მეორე მხარეს არის ცარიელი უხეში განცხადებები ყოველგვარი დეტალიზაციის და კონკრეტიკის გარეშე.არავითარი ტექნიკურის და ჰუმანიტარულის გაერთიანება სინამდვილეში არ ხდება. თვითონ საქართველოს ტექნიკურ უნივერსიტეტში ტექნიკურ მიმართულებებს ეთმობა პროგრამების ნახევარზე ნაკლები. სტუდენტების ნახევარზე ნაკლები სწავლობს ტექნიკურ დისციპლინებს საქართველოს ტექნიკურ უნივერსიტეტში. შესაბამისად, მოხდა რა?! 90-იანი წლებიდან მოყოლებული, როცა გაჩნდა ეს პრობლემები, ტექნიკური მიმართულება საკუთარ უნივერსიტეტში იქცა ერთგვარ გერად. ეს არის დღევანდელი მდგომარეობა და ვიღაცას თუ არ უნდა ამის გამოსწორება, ეს არასწორია. ჩვენ ვფიქრობთ, რომ ტექნიკურ მიმართულებას განსაკუთრებული ყურადღება უნდა მიექცეს. დღეს არის უზარმაზარი პრობლემები. თქვენ რომ ნახოთ გამოშვება მაგალითად, მშენებლობის, ინჟინერიის მიმართულება და ა.შ. წელიწადში ხდება, მაგალითად, 300-400-500 სტუდენტის გამოშვება. არის მიმართულებები, სადაც ერთი ინჟინერი არ არსებობს ქვეყანაში. საჯარო და კერძო სექტორს აქვს უზარმაზარი პრობლემები და გვეუბნებიან, რომ ეს არ უნდა გამოსწორდეს. რა თქმა უნდა, ეს ყველაფერი უნდა გამოსწორდეს. ტექნიკური მიმართულებები, არა თუ უნდა, მიიჩქმალოს, პირიქით, ყველაფერი უნდა გაკეთდეს იმისთვის, რომ ტექნიკური მიმართულებები გავაძლიეროთ. დღეს ტექნიკური მიმართულებების წილი სტუდენტების რაოდენობაში შეიძლება არის დაახლოებით, 10%. ამ დროს, რომ ნახოთ განვითარებული ქვეყნები, მესამედია დაახლოებით, მათი წილი. ეს ხომ უნდა შეიცვალოს, გამოსწორდეს. თუ ტექნიკური მიმართულება დარჩება გერად საქართველოს ტექნიკურ უნივერსიტეტში ამას, რა თქმა უნდა, არაფერი ეშველება. ამიტომ ჩვენ ვაპირებთ, რომ გაერთიანების პირობებში ცალკე გამორჩეული ყურადღება დაეთმობა ტექნიკურ მიმართებას, ჩამოყალიბდება ცალკე სკოლად, რომელსაც ექნება თავისი ავტონომიის მაღალი ხარისხი და შესაბამისად, შესაბამისადვე, ეს უზრუნველყოფს იმას, რომ ჩვენ გვეყოლება ბევრად მეტი კადრი და ბევრად მეტი მაღალკვალიფიციური კადრი ტექნიკური მიმართულებით, ვიდრე გვყავდა მთელი ამ წლების განმავლობაში. ამას სჭირდება კარგად გააზრებული რეფორმა. ჩვენ გვაქვს გააზრებული და ოპოზიცია გამოდის ყოველგვარი არგუმენტების გარეშე. საჭიროა ყველაფერთან დაკავშირებით არგუმენტებით ვისაუბროთ,“ - განაცხადა კობახიძემ.გარდა ამისა, ის ილიაუნის რექტორად ნინო დობორჯგინიძის არჩევას გამოეხმაურა და განაცხადა, რომ „უნივერსიტეტების პოლიტიზება წინა ხელისუფლების ხელწერა იყო“.მისივე თქმით, ხელისუფლების მიდგომაა, რომ არც ერთი უნივერსიტეტი არ უნდა იყოს პოლიტიზებული.„უნივერსიტეტების პოლიტიზება იყო ჩვენი წინამორბედების, წინა ხელისუფლების ხელწერა. პოლიტიზებული იყო უკლებლივ ყველა უნივერსიტეტი. ისინი შევიდნენ, მათ შორის, კერძო სექტორში. დააფუძნეს საკუთარი კერძო უნივერსიტეტი, მათ შორის, ერთ ლარად მიყიდეს უნივერსიტეტები, რომლებიც შემდეგ გარდაიქმნა კერძო უნივერსიტეტებად. უნივერსიტეტების პოლიტიზება არის ჩვენი ოპონენტების ხელწერა. არც ერთი უნივერსიტეტი არ უნდა იყოს პოლიტიზებული. ეს არის ჩვენი მიდგომა და რა თქმა უნდა, ეს მიდგომა უნდა იყოს ბოლომდე გატარებული,“ - აღნიშნა კობახიძემ.

1770203564

14 წევრისგან შემდგარ კომისიაში შვიდი წევრი ფრაქცია „ქართული ოცნებიდან“ იქნება. ეს დეპუტატები არიან: შოთა ბერეკაშვილი (კომისიის თავმჯდომარე) ნინო წილოსანი მაია ბითაძე პაატა კვიჟინაძე ვახტანგ თურნავა ზაზა ლომინაძე გელა სამხარაული კომისიაში სამი წევრით იმუშავებს ფრაქციიდან „საქართველოსთვის“. აღნიშნული ფრაქციიდან დროებითი კომისიის წევრები არიან: გიორგი შარაშიძე შალვა კერესელიძე ქეთევან ბაკარაძე სამი წევრი ეყოლება პოლიტიკურ ჯგუფს „ხალხის ძალა“: გურამ მაჭარაშვილი დიმიტრი ხუნდაძე ეკა სეფაშვილი დროებით კომისიაში „ევროპელი სოციალისტებიდან“ ილია ინჯია შევიდა.დროებით საპარლამენტო კომისია სამი თვის განმავლობაში იფუნქციონირებს.სასურსათო პროდუქტის, მედიკამენტებისა და საწვავის ფასებთან დაკავშირებულ საკითხებზე კომისია შექმნილია მთავრობის ადმინისტრაციაში. კომისიას პრემიერ-მინისტრი ირაკლი კობახიძე ხელმძღვანელობს, რომელმაც განაცხადა, რომ საქართველოში, ევროპასთან შედარებით სურსათი ძვირია, რადგან არის მაღალი ფასნამატი და მოგება. სამომხმარებლო ფასების შესწავლა სახელმწიფო უსაფრთხოების სამსახურმაც დაიწყო.

1770200208

მთელი სეზონის განმავლობაში, 9 მონაწილე ფინალში მოსახვედრად ერთმანეთს ეჯიბრებოდა, ბოლო ეპიზოდში კი მხოლოდ 2 მონაწილე - ვერიკო ბაზალი (Veriko Bazali) და ომარ კაკუშაძე (WildDoc) გადავიდა.ფინალისტების გამოვლენა ჟიურისა და მაყურებლების შეფასების საფუძველზე მოხდა. პროექტის გამარჯვებული ვერიკო ბაზალი გახდა. მას საქართველოს ბანკისგან გადაეცა ფულადი პრიზი 20 000 ლარის ოდენობით.“ჩემი პირველი ემოცია სიხარულთან ერთად უდიდესი პასუხისმგებლობის შეგრძნება იყო. გახდე Creator-ის გამარჯვებული ნიშნავს, რომ ადამიანები გენდობიან და შენი სჯერათ. ეს ის მომენტია, როცა არ გაქვს უფლება გაჩერდე. გარდა ამისა, ახლა უფრო მეტი ყურადღებაა შენზე, თუ რას და როგორ გააკეთებ - ხარისხი, სიხშირე, საინტერესო შინაარსი. ეს, ერთი მხრივ, გამოწვევაა და, მეორე მხრივ, პასუხისმგებლობა და ნდობა, რომელიც ჟიურიმ და მაყურებელმა გამომიცხადა - რაც ჩემთვის ძალიან დასაფასებელია და ძალიან მადლიერი ვარ ამის. ამ პროექტმა კიდევ ერთხელ დამარწმუნა შესაძლებლობებში და გამარჯვებამ მომცა ძალა და თავდაჯერება, ვაკეთო ის, რაც მინდა - ამისათვის კი საჭიროა, გადადგა პირველი ნაბიჯები და შემდეგ არ გაჩერდე”, - აღნიშნავს ვერიკო ბაზალი.ინფორმაციისთვის, Creator-ის პროექტში დამწყებ იუთუბერებს აფასებდნენ, გამოცდილებას უზიარებდნენ და ახალ დავალებებს აძლევდნენ უკვე კარგად გამოცდილი და ცნობილი კრეატორები: დათო ალავიძე (ჰიტა), გიორგი მახარაშვილი (საეჭვო კაცი) და ნიკა კაკოიშვილი (კაკო). ამასთან, მუდმივ ჟიურისთან ერთად ყოველ ეპიზოდს ჰყავდა მოწვეული სტუმარი, იუთუბერი მენტორი, რომელიც დამწყებ კრეატორებს საკუთარ გამოცდილებასა და რჩევებს უზიარებდა და დავალების შესრულებაში ეხმარებოდა.ფინალური ეპიზოდის სანახავად, ეწვიეთ ბმულს: https://www.youtube.com/@argacherde(R)

1770196298

„უცხოური აგენტების“ კანონი და სამოქალაქო სექტორიანგარიშის მიხედვით, 2025 წლის მარტში მიღებული „უცხოური აგენტების“ კანონი ეგზისტენციალურ საფრთხეს უქმნის ქვეყნის სამოქალაქო საზოგადოებას. კანონმდებლობა ითვალისწინებს: სავალდებულო რეგისტრაციას: ყველა ორგანიზაცია და ფიზიკური პირი, რომელიც უცხოურ დაფინანსებას იღებს, ვალდებულია დარეგისტრირდეს სახელმწიფო რეესტრში. მკაცრ სანქციებს: რეგისტრაციაზე უარის თქმა იწვევს სისხლისსამართლებრივ ჯარიმას 10,000 ლარამდე ან 5 წლამდე პატიმრობას. ფინანსურ კონტროლს: აპრილის ცვლილებებით, ნებისმიერი უცხოური გრანტის მისაღებად საჭიროა მთავრობის წინასწარი თანხმობა. აგვისტოში ხელისუფლებამ „საბოტაჟის“ ბრალდებით გაყინა შვიდი წამყვანი არასამთავრობო ორგანიზაციის (მათ შორის ISFED, IDFI, „საფარი“) საბანკო ანგარიშები, იმ მოტივით, რომ მათი ფონდები 2024 წლის აქციებზე პოლიციის წინააღმდეგ ძალადობრივ ქმედებებს ხმარდებოდა.შეკრების თავისუფლება და პოლიციის ძალის გადამეტებაHRW ხაზს უსვამს პოლიციის მხრიდან „ბრუტალური და გადამეტებული ძალის“ გამოყენებას მშვიდობიანი დემონსტრანტების წინააღმდეგ. დაკავებები: ოქტომბრის მუნიციპალური არჩევნების დღეს, პრეზიდენტის სასახლესთან მომხდარი არეულობისას, 60-ზე მეტი პირი დააკავეს კონსტიტუციური წესრიგის შეცვლის მცდელობის ბრალდებით. საკანონმდებლო გამკაცრება: ადმინისტრაციული პატიმრობის ვადა 15-დან 60 დღემდე გაიზარდა. ასევე, კრიმინალიზებულია საჯარო მოხელეების „სიტყვიერი შეურაცხყოფა“. ანგარიშვალდებულება: ივნისში ხელისუფლებამ გააუქმა სპეციალური საგამოძიებო სამსახური, რამაც, ანგარიშის თანახმად, სამართალდამცავთა მიერ ჩადენილ დანაშაულებზე რეაგირების მექანიზმი შეასუსტა. მედია და გამოხატვის თავისუფლებაანგარიშში აღწერილია თავდასხმა დამოუკიდებელ მედიაზე: მაუწყებლობის კანონი: აიკრძალა მაუწყებლების უცხოური დაფინანსება და გაფართოვდა კომუნიკაციების კომისიის ძალაუფლება. სასამართლო დავები: მმართველმა პარტიამ საჩივრები შეიტანა ტელეკომპანიების, „ფორმულასა“ და „TV პირველის“ წინააღმდეგ ტერმინების — „რეჟიმი“ და „უკანონო მთავრობა“ — გამოყენების გამო. ჟურნალისტების დევნა: აგვისტოში გამოცემა „ბათუმელებისა“ და „ნეტგაზეთის“ დამფუძნებელს, მზია ამაღლობელს, 2-წლიანი პატიმრობა მიესაჯა პოლიციელისთვის სილის გაწვნის ბრალდებით, რაც საერთაშორისო საზოგადოებამ პოლიტიზებულ განაჩენად შეაფასა. პოლიტიკური ოპოზიცია და გენდერული საკითხებიHRW ყურადღებას ამახვილებს რვა ოპოზიციონერი პოლიტიკოსის დაპატიმრებაზე, რომლებიც სააკაშვილის დროინდელი დანაშაულების შემსწავლელ კომისიას ბოიკოტს უცხადებდნენ. ასევე, სექტემბერში ქრთამისა და გადატრიალების მცდელობის ბრალდებით დააკავეს ლევან ხაბეიშვილი.გარდა ამისა, ხელისუფლებამ გააუქმა პარლამენტის გენდერული თანასწორობის საბჭო და ყველა კანონიდან ამოიღო ტერმინები „გენდერი“ და „გენდერული თანასწორობა“.ევროკავშირის რეაქციაბრიუსელმა საქართველოს ევროინტეგრაციის პროცესი „დე ფაქტო შეჩერებულად“ გამოაცხადა. იანვარში შეჩერდა უვიზო მიმოსვლა დიპლომატიური პასპორტების მფლობელთათვის. ნოემბრის ანგარიშში ევროკომისიამ საქართველოს უწოდა „კანდიდატი ქვეყანა მხოლოდ სახელით“ და აღნიშნა, რომ ქვეყანა ევროპულ გზას მნიშვნელოვნად აცდა.

1770195867