ბათუმის აეროპორტში დიდი ოდენობით კოკაინი ამოიღეს

როგორც ჩინეთის საგარეო საქმეთა სამინისტროს სპიკერმა ლინ ჯიანმა პეკინში გამართულ პრესკონფერენციაზე განაცხადა, ჩინეთი ყოველთვის მკაცრად იცავს სხვა ქვეყნების საშინაო საქმეებში ჩაურევლობის პრინციპს და ვაშინგტონს მოუწოდა, შეწყვიტოს ჩინეთის თემის წინასაარჩევნო მიზნებისთვის გამოყენება.„ჩვენ მოვუწოდებთ ამერიკულ მხარეს თვითრეფლექსიისკენ. შეწყვიტონ ჩინეთის წინააღმდეგ უსაფუძვლო ბრალდებების გავრცელება და გააკეთონ ისეთი რამ, რაც ორმხრივ ურთიერთობებს წაადგება“, - განაცხადა ლინ ჯიანმა და იქვე მიანიშნა, რომ სხვების საშინაო საქმეებში ჩარევა რეალურად თავად აშშ-ის ხელწერაა.Reuters-ის ინფორმაციით, ტრამპმა ხუთშაბათს თეთრი სახლიდან "პრაიმტაიმში" გამოსვლისას საარჩევნო უსაფრთხოების თემა კვლავ ცენტრალურ საკითხად აქცია ნოემბრის შუალედური არჩევნების წინ. პრეზიდენტმა განაცხადა, რომ გასაიდუმლოებული მასალები ააშკარავებს ჩინეთის მიერ ამერიკელი ამომრჩევლების 220 მილიონი პირადი ფაილის უკანონო მოპოვებას.თუმცა, აღნიშნული ბრალდებები წინააღმდეგობაში მოდის აშშ-ის სადაზვერვო უწყებების დასკვნებთან. ამერიკის დაზვერვის 2021 წლის განაიდუმლოებული ანგარიშის მიხედვით, არ არსებობს მტკიცებულება, რომ უცხოურ აქტორებს 2020 წლის საპრეზიდენტო არჩევნების რომელიმე ტექნიკური ასპექტი (რეგისტრაცია, ხმების დათვლა ან შედეგები) შეეცვალოთ.საქმეში ჩახედული პირები სააგენტოსთან ადასტურებენ, რომ ჩინეთის მიერ მოპოვებული საარჩევნო მონაცემები არ ყოფილა კონფიდენციალური და მათი მანიპულირება შეუძლებელი იყო.გავლენიანი დემოკრატი სენატორი და სენატის დაზვერვის კომიტეტის თავმჯდომარის მოადგილე მარკ უორნერი ტრამპის „სენსაციურ“ განცხადებებს ყალბს უწოდებს და აღნიშნავს, რომ სადაზვერვო საზოგადოება ჩინეთის მხრიდან ერთი ხმის შეცვლის მცდელობის არარსებობაზეც კი ერთსულოვანია.დამკვირვებლების შეფასებით, ტრამპის მკაცრმა რიტორიკამ შესაძლოა კვლავ დაძაბოს ურთიერთობა ჩინეთთან, რომელიც შარშანდელი მძიმე სავაჭრო ომის შემდეგ ახლახან დასტაბილურდა. ეს ხდება იმ ფონზე, როდესაც ტრამპი სექტემბერში ჩინეთის პრეზიდენტ სი ძინპინთან შეხვედრასა და სავაჭრო კავშირების გაუმჯობესებაზე მოლაპარაკებებს გეგმავს.

1784277015

როგორც საქართველოში პირველი სახელმწიფო ვიზიტით მყოფმა თურქმენეთის პრეზიდენტმა სერდარ ბერდიმუჰამედოვმა პრემიერ-მინისტრ ირაკლი კობახიძესთან გამართულ ერთობლივ ბრიფინგზე განაცხადა, ორმხრივი ლოგისტიკური პორტფელი ძალიან იმედის მომცემ პროექტებს მოიცავს. მისივე თქმით, სატრანსპორტო სფეროს გარდა, მხარეებს სურთ პარტნიორობის გაღრმავება ენერგეტიკის, სატელეკომუნიკაციო, ტექსტილისა და მშენებლობის სექტორებში.ბერდიმუჰამედოვმა ხაზი გაუსვა ორ ქვეყანას შორის არსებულ ისტორიულ კავშირებს და აღნიშნა, რომ მიმდინარე სახელმწიფო ვიზიტის ფარგლებში გაფორმებული შეთანხმებები ასევე ითვალისწინებს უნივერსიტეტებს შორის სამეცნიერო-საგანმანათლებლო თანამშრომლობის გაფართოებას.აღსანიშნავია, რომ უმაღლესი დონის ვიზიტი თბილისში საქართველოსა და თურქმენეთს შორის დიპლომატიური ურთიერთობების დამყარების 35 წლის იუბილეს ემთხვევა.

1784276302

ვიზიტის ფარგლებში მხარეებმა ხელი მოაწერეს ერთობლივ განცხადებას, ასევე სხვადასხვა სფეროში თანამშრომლობის შესახებ შეთანხმებებსა და ურთიერთგაგების მემორანდუმებს.„შუა დერეფანი“ და სატრანსპორტო ლოგისტიკური პოტენციალილიდერებს შორის გამართულ შეხვედრაზე განსაკუთრებული ყურადღება დაეთმო ტრანსკასპიური საერთაშორისო სატრანსპორტო მარშრუტის - „შუა დერეფნის“ განვითარების მნიშვნელობას და ამ მიმართულებით დამატებითი ტვირთნაკადების მოზიდვის აუცილებლობას.საქართველოს მთავრობის მეთაურის, ირაკლი კობახიძის განცხადებით, საქართველო აქტიურად ადევნებს თვალს თურქმენეთში მიმდინარე ინფრასტრუქტურულ და ლოგისტიკურ პროექტებს, რამაც მყარი საფუძველი შექმნა რეგიონული კავშირების გაფართოებისთვის.„შუა აზია საქართველოსთვის განსაკუთრებით საინტერესო რეგიონია. ამ კონტექსტში ჩვენ თურქმენეთს განვიხილავთ, როგორც საიმედო პარტნიორსა და მეგობარ სახელმწიფოს. ჩვენს ქვეყნებს შორის ჩამოყალიბებული ურთიერთობები ეფუძნება მრავალწლიან მეგობრობასა და ურთიერთპატივისცემას“, - განაცხადა ირაკლი კობახიძემ.სავაჭრო ბრუნვის გაზრდა და ბიზნესფორუმითურქმენეთის პრეზიდენტმა სერდარ ბერდიმუჰამედოვმა ხაზი გაუსვა, რომ საქართველო არის თურქმენეთის ერთ-ერთი მთავარი ეკონომიკური პარტნიორი რეგიონში და ქვეყანა მაღალ შეფასებას აძლევს თბილისის კონსტრუქციულ პოზიციას საერთაშორისო ასპარეზზე.მისი თქმით, ვიზიტის ფარგლებში გამართულმა თურქმენეთ-საქართველოს ბიზნესფორუმმა აჩვენა, რომ ორმხრივი სავაჭრო მოცულობის გაზრდისა და პროდუქციის მიმოცვლის გაფართოების დიდი პოტენციალი არსებობს: პოლიტიკური და დიპლომატიური კავშირები: მხარეები შეთანხმდნენ დიპლომატიური ძალისხმევის გაძლიერებაზე გრძელვადიანი პარტნიორობის უზრუნველსაყოფად. საერთაშორისო ფორმატები: ფართოვდება თანამშრომლობა გლობალურ ორგანიზაციებთან, განსაკუთრებით გაეროს (UN) ფარგლებში. დივერსიფიკაცია: თურქმენული მხარე გამოთქვამს მზადყოფნას, უფრო მრავალფეროვანი გახადოს ეკონომიკური კავშირები ქართულ ბიზნესთან. „ჩვენ შევთანხმდით, რომ გავაფართოოთ პოლიტიკური ურთიერთობები, დიპლომატიური ძალისხმევა, რათა ჩვენი კავშირი კიდევ უფრო გრძელვადიან პერსპექტივაში გაგრძელდეს. განსაკუთრებულ მნიშვნელობას ვანიჭებთ ბიზნესურთიერთობებს და გვსურს, კიდევ უფრო მრავალფეროვანი გავხადოთ ჩვენი ეკონომიკური კავშირები“, - აღნიშნა სერდარ ბერდიმუჰამედოვმა.სუვერენიტეტის მხარდაჭერა და ჰუმანიტარული პარტნიორობაბრიფინგზე საქართველოს პრემიერ-მინისტრმა მადლობა გადაუხადა თურქმენეთის ხელისუფლებას საქართველოს სუვერენიტეტისა და ტერიტორიული მთლიანობის მტკიცე მხარდაჭერისთვის მის საერთაშორისოდ აღიარებულ საზღვრებში.გარდა ეკონომიკური და სატრანზიტო მიმართულებებისა, ლიდერებმა განიხილეს ტურიზმის სფეროში არსებული პოტენციალის უკეთ ათვისება, ორმხრივი ტურისტული ნაკადების სტიმულირება, ხალხთაშორისი კავშირების გაღრმავება და თანამშრომლობა განათლებისა და კულტურის სფეროებში.ცნობისთვის, ეს თურქმენეთის პრეზიდენტის რიგით მეორე სახელმწიფო ვიზიტია საქართველოში. პირველი ასეთი ვიზიტი 2015 წელს შედგა, როდესაც ქვეყანას თურქმენეთის ყოფილი პრეზიდენტი გურბანგული ბერდიმუჰამედოვი სტუმრობდა.

1784275605

ამ სტატიაში მოგიყვებით, რატომ არის განვადება მოსახერხებელი და რა შემთხვევაში შეგიძლიათ პროდუქტით სარგებლობა მომგებიანად. ძვირად ღირებული, ხარისხიანი პროდუქტებისაყოფაცხოვრებო და სამუშაო ტექნიკის ან თუნდაც ავეჯის შესაძენად, ხშირად ადამიანებს თანხის ერთად თავმოყრა უჭირთ. შესაბამისად, ბევრი მათგანისთვის გაცილებით ხელსაყრელია, ფინანსების დაგროვებას არ დაელოდოს, სასურველ პროდუქტში მაღალი ფასის ერთბაშად გადახდის ნაცვლად, ღირებულება რამდენიმე თვეზე გადაანაწილოს და ეტაპობრივად დაფაროს. პარალელურად კი, შეძენილი ტექნიკით, მაგალითად, უფრო მძლავრი ლეპტოპით ან უკეთესი მახასიათებლების მქონე ფოტოაპარატით, პროფესიული შემოსავალი გაზარდოს. განვადებით სარგებლობა ეფექტიანია სოფლის მეურნეობაში დასაქმებული, რეგიონებში მცხოვრები ადამიანებისთვისაც: მოწყობილობები, რომლებიც სასოფლო-სამეურნეო სამუშაოებისთვისაა საჭირო, ხშირად საკმაოდ ძვირი ღირს. განვადება კი ამ ტექნიკას მათთვის ხელმისაწვდომს ხდის, საბოლოოდ კი, შრომასაც უმსუბუქებს, შემოსავალსაც უზრდის და საქმიანობის განვითარებაშიც ეხმარება.გამოსავალი გაუთვალისწინებელი შემთხვევების დროსხშირად განვადებას იყენებენ მაშინაც, როცა გაუთვალისწინებელი შემთხვევები დგება: ფუჭდება სარეცხის მანქანა, კონდიციონერი, გათბობის ქვაბი, ტელევიზორი, ან ლეპტოპი, ტყდება სმარტფონი ან მწყობრიდან გამოდის ისეთი ნივთი, რომელიც ადამიანებს ყოველდღიურად ძალიან სჭირდებათ. ამგვარ მოულოდნელობებს ფინანსურად შეიარაღებული, ბუნებრივია, ყოველთვის ვერავინ დახვდება, თუმცა გამოსავალიც არსებობს:  მწყობრიდან გამოსული ნივთის ახლით ჩანაცვლება და თუ იმ მომენტისთვის საჭირო თანხის მობილიზება ვერ ხერხდება, მისი განვადებით შეძენა.გაუთვალისწინებელი ხარჯები ყოველთვის თან ახლავს რემონტის პროცესსაც. თუ ბიუჯეტში დამატებითი ფინანსები გათვალისწინებული არ არის, მაგრამ სამშენებლო მასალების ან ავეჯისა და დეკორის შეძენა აუცილებლობას წარმოადგენს, განვადება ამ შემთხვევებშიც ოპტიმალური არჩევანია. სწავლა და პროფესიული განვითარებაგანვადებით სარგებლობა რეკომენდებულია სწავლისა და პროფესიული განვითარების მიზნითაც: სამაგიდო კომპიუტერის, ლეპტოპის, პლანშეტის ან სხვა მოწყობილობის შესაძენად, ეს პროდუქტი მართლაც მოსახერხებელია. თანაც, ამ შემთხვევაში ნივთის ყიდვა უკვე არა დანახარჯი, არამედ გონივრული ინვესტიცია გამოდის.ხელსაყრელი დრო და ფასდაკლებები სადღესასწაულო და სეზონური ფასდაკლების აქციებით საკმაოდ ძვირად ღირებული პროდუქციის ხელსაყრელ ფასად შეძენაა შესაძლებელი, მაგრამ ზოგჯერ ადამიანს იმ მომენტისთვის სრული თანხა არ აქვს, ან დანაზოგი სხვა მიზნებისთვის სჭირდება. ასეთი შემთხვევებისას საუკეთესო გამოსავალი ნივთის ხელსაყრელ ფასად, განვადებით ყიდვა და თანხის გადანაწილებაა. ამგვარად მომხმარებელს შენაძენიც რჩება და დანაზოგსაც ინარჩუნებს. ხშირად ეს გონივრული ნაბიჯიცაა, რადგან აქციების დროს ზოგიერთი პროდუქტი 30%-ით ან მეტით იაფდება და, საბოლოოდ, მომხმარებელს ჯამურად ნაკლების გადახდა უწევს.მიკრობანკ „კრისტალის“ განვადებამიკრობანკ „კრისტალის“ განვადება დედაქალაქსა თუ რეგიონებში, პრაქტიკულად ყველა სავაჭრო ობიექტში მოქმედებს. მომხმარებლებს შეუძლიათ, ისარგებლონ მოქნილი პირობებით, მოსახერხებელი საშეღავათო პერიოდითა და შემოსავლებზე მორგებული გრაფიკით. რაც მთავარია, მათ შესაძლებლობა აქვთ, განაცხადი მარტივად შეავსონ და  დაფინანსების შესახებ პასუხიც სწრაფად მიიღონ. განვადებით სარგებლობის მინიმალური თანხა 100 ლარია, მაქსიმალური კი - 10 000 ლარი. პროდუქტი ხელმისაწვდომია მინიმუმ 1 თვის და მაქსიმუმ 48 თვის ვადით. შემოსავლის სახით შესაძლებელია ხელფასის, იჯარის, ფულადი გზავნილის, სოფლის მეურნეობისა და ბიზნესსაქმიანობის წარდგენა. მომხმარებლებს, რომლებსაც კარგი საკრედიტო ისტორია და მაღალი რეიტინგი აქვთ, შეუძლიათ, განვადებით უპროცენტოდ ან მინიმალური საპროცენტო განაკვეთით, მაღალი ლიმიტებითა და ხანგრძლივი დროით ისარგებლონ.დეტალები ხელმისაწვდომია ბმულზე: https://crystal.ge/product/ganvadeba-partnior-maghaziebshi/ და ბოლოს, გაითვალისწინეთ, რომ განვადებით სარგებლობა კარგი არჩევანია მაშინ, როცა შეძენილ ნივთს თქვენთვის გრძელვადიანი სარგებლის მოტანა შეუძლია, სტაბილური ყოველთვიური შემოსავალი გაქვთ და ზუსტად იცით, რომ გადახდა არ გაგიჭირდებათ. შესაბამისად, განვადების არჩევამდე სასურველია, წინასწარ თავად განსაზღვროთ, რა თანხის გადახდას შეძლებთ ყოველთვიურად ისე, რომ შენატანი თქვენს ბიუჯეტს ზედმეტად არ ტვირთავდეს. ეს დაგეხმარებათ პროდუქტი მაქსიმალური პასუხისმგებლობით გამოიყენოთ და კარგი საკრედიტო ისტორია შეინარჩუნოთ. (R)

1784272759

ჯგუფის ცნობით, აღნიშნული დაფინანსება საქართველოში მიკრო, მცირე და საშუალო ბიზნესის (MSME) სეგმენტის მხარდაჭერას მოხმარდება, განსაკუთრებული აქცენტით სოფლის მეურნეობის, სოფლის რეგიონებში მოქმედი და ახალგაზრდა მეწარმე მსესხებლების დაფინანსებაზე. ამასთან, მთლიანი თანხის არანაკლებ 30% მიმართული იქნება მწვანე პროექტების დასაფინანსებლად.ამ გარიგებაში FMO მოქმედებდა, როგორც Mandated Lead Arranger (მთავარი მანდატით დანიშნული ორგანიზატორი) და მომავალშიც შეასრულებს Facility Agent-ის (სასესხო შეთანხმების ადმინისტრატორის) ფუნქციას.სინდიკატი აერთიანებს როგორც ახალ, ისე მრავალწლიანი თანამშრომლობის მქონე ფინანსურ პარტნიორებს. მასში შედიან სპარსეთის ყურის რეგიონის წამყვანი ფინანსური ინსტიტუტები - Mashreq Bank, Abu Dhabi Commercial Bank (ADCB) და Commercial Bank of Dubai (CBD), ასევე TBC-ის დიდი ხნის პარტნიორები - Commerzbank და BlueOrchard Microfinance Fund (BOMF).ეს გარიგება წარმოადგენს FMO-ს მიერ ორგანიზებულ ყველაზე მსხვილ უფროსი (Senior) სინდიცირებულ დაფინანსებას არა მხოლოდ საქართველოში, არამედ მთლიან რეგიონშიც, რაც კიდევ ერთხელ ადასტურებს საერთაშორისო ინვესტორების მაღალ ნდობას საქართველოს ფინანსური სექტორის მიმართ.„მოხარული ვართ, რომ FMO-ს ლიდერობითა და ექვს წამყვან საერთაშორისო ფინანსურ პარტნიორთან ერთად ამ ისტორიული დაფინანსების მოზიდვა შევძელით. ეს გარიგება კიდევ უფრო აძლიერებს TBC-ის ისედაც მყარ ლიკვიდურ პოზიციას და მხარს უჭერს ჩვენი გრძელვადიანი, მდგრადი განვითარების სტრატეგიის განხორციელებას. ამავდროულად, ინკლუზიური დაფინანსების ხელშეწყობა რჩება როგორც ჩვენი, ისე სინდიკატის ყველა წევრის საერთო პრიორიტეტად. ჩვენი თანამშრომლობა FMO-სთან თითქმის ორ ათწლეულს ითვლის და ეს ახალი, ეტალონური გარიგება ამ ხანგრძლივი პარტნიორობის კიდევ ერთი დასტურია. ასევე მოხარული ვართ, რომ სინდიკატს ახალი ინსტიტუციური ინვესტორებიც შეუერთდნენ, რაც მომავალში თანამშრომლობის კიდევ უფრო გაფართოების მყარ საფუძველს ქმნის. გულწრფელ მადლობას ვუხდით FMO-ს ამ ტრანზაქციის ორგანიზებისთვის, ასევე სინდიკატის ყველა წევრს ნდობისა და მნიშვნელოვანი წვლილისთვის. მომავალშიც მოუთმენლად ველით ჩვენი თანამშრომლობის კიდევ უფრო გაღრმავებას, აცხადებს TBC Bank-ის CEO, გოგა თხელიძე.„ვამაყობთ, რომ სწორედ ჩვენ ვუხელმძღვანელეთ ამ ისტორიულ ტრანზაქციას TBC ბანკისთვის. ეს ასახავს ჩვენი მრავალწლიანი პარტნიორობის სიმტკიცეს და საქართველოს ფინანსური სექტორის მიმართ არსებულ ნდობას. აღნიშნული დაფინანსება ადასტურებს ჩვენს ერთგულებას განვითარების მიზნით კერძო კაპიტალის მობილიზების მიმართ და აერთიანებს საერთაშორისო ინვესტორთა მრავალფეროვან ჯგუფს. სინდიცირების წარმატებით დასრულება, მათ შორის სპარსეთის ყურის რეგიონის ფინანსური ინსტიტუტების აქტიური მონაწილეობით, მიუხედავად რთული გეოპოლიტიკური გარემოსა, ნათლად აჩვენებს, რომ რეგიონში მაღალი ხარისხის საინვესტიციო შესაძლებლობები კვლავაც მიმზიდველია. ეს დაფინანსება ხელს შეუწყობს საქართველოში ინკლუზიურ და მდგრად ეკონომიკურ ზრდას”, - განაცხადა FMO-ს თანახელმძღვანელმა საინვესტიციო დირექტორმა (Co-Chief Investment Officer) ჰუიბ-იან დე რუიტერმა.

1784270213

საგარეო საქმეთა სამინისტროს განცხადებით, მინისტრმა საკუთარ გამოსვლაში ხაზი გაუსვა, რომ თანამედროვე უსაფრთხოების გამოწვევების ფონზე, პოლიტიკური ტერორიზმის საკითხის საერთაშორისო დღის წესრიგში დაყენება განსაკუთრებულ მნიშვნელობას იძენს.„ეს განხილვა განსაკუთრებით დროულია, რადგან დღეს ვდგავართ რთული და მუდმივად ცვალებადი გამოწვევების წინაშე, რომლებიც პირდაპირ გავლენას ახდენს ჩვენს ეროვნულ ინტერესებზე, სუვერენიტეტსა და უსაფრთხოებაზე", - განაცხადა მაკა ბოჭორიშვილმა.ვიცე-პრემიერმა ყურადღება გაამახვილა იმ რისკებზე, რომლებიც რადიკალური ჯგუფების მხრიდან მომდინარეობს. მისი თქმით, ეს ძალები ხშირად დემოკრატიის სახელით მოქმედებენ, თუმცა მათი რეალური მიზანი სახელმწიფო ინსტიტუტების დასუსტებაა.მინისტრის შეფასებით, საქართველო აღნიშნული გამოწვევების თვალსაჩინო მაგალითს წარმოადგენს, სადაც ბოლო წლებში საზოგადოების პოლარიზაციისა და სახელმწიფო სისტემების დისკრედიტაციის არაერთი მცდელობა დაფიქსირდა: კოორდინირებული კამპანიები: მიზანმიმართული ქმედებები კონსტიტუციური ორგანოების, მათ შორის სასამართლო და საარჩევნო სისტემების წინააღმდეგ. ძალადობა და საბოტაჟი: რადიკალური ჯგუფების მცდელობა, ძალადობრივი აქტები პოლიტიკურ ინსტრუმენტად გამოიყენონ. გამოსვლისას საგარეო უწყების ხელმძღვანელმა ასევე ისაუბრა საერთაშორისო ორგანიზაციების როლსა და მათი რეპუტაციის დაცვის აუცილებლობაზე. ბოჭორიშვილის თქმით, საგარეო წნეხის მიზნით საერთაშორისო მექანიზმებისა თუ რეზოლუციების გამოყენება აზიანებს როგორც ორმხრივ ურთიერთობებს, ისე თავად ამ ინსტიტუტების სანდოობას.„არანაკლებ შემაშფოთებელია მსგავსი ქმედებების ლეგიტიმაციისთვის საერთაშორისო ინსტიტუტების გამოყენება რეზოლუციებისა და სხვა მექანიზმების საშუალებით, რომლებიც მიზნად ისახავს სუვერენულ სახელმწიფოებზე პოლიტიკური ზეწოლის განხორციელებას“, - აღნიშნა მინისტრმა.გამოსვლის დასასრულს, მაკა ბოჭორიშვილმა აღნიშნა, რომ პოლიტიკური ტერორიზმი ხშირად ფარული და შეუმჩნეველი ფორმებით ვლინდება (მათ შორის დაშინებითა და პოლიტიკური ძალადობით), რის გამოც მის წინააღმდეგ ბრძოლა ყველა დემოკრატიული სახელმწიფოს საერთო ამოცანა უნდა იყოს.Reuters-ის ინფორმაციით, აღნიშნული მინისტერიალი აშშ-ის მხრიდან „ულტრამემარცხენე პოლიტიკური ტერორიზმის“ წინააღმდეგ გლობალური მხარდაჭერის მობილიზებას ისახავს მიზნად. თეთრი სახლი მიიჩნევს, რომ ეს მოძრაობები ამ დრომდე სამართალდამცავი ორგანოების ყურადღების მიღმა რჩებოდა.სააგენტოს მონაცემებით, აშშ-ის სახელმწიფო დეპარტამენტის მიერ ორგანიზებულ შეხვედრაზე 60-ზე მეტი ქვეყანა იყო წარმოდგენილი - მათგან ნაწილი საგარეო საქმეთა ან შინაგან საქმეთა მინისტრების, ზოგი კი შედარებით დაბალი რანგის ოფიციალური პირების დონეზე.დონალდ ტრამპის ადმინისტრაციამ მემარცხენე რადიკალურ დაჯგუფებებთან, განსაკუთრებით კი „ანტიფასთან“ (Antifa) - ბრძოლა ერთ-ერთ მთავარ პრიორიტეტად აქცია მას შემდეგ, რაც გასულ წელს კონსერვატორი აქტივისტი ჩარლი კირკი მოკლეს. აშშ-ის სახელმწიფო დეპარტამენტის ოფიციალურ განცხადებაში აღნიშნულია, რომ ულტრამემარცხენე აქტორების თავდასხმები პოლიციაზე, ბიზნესსა და ინფრასტრუქტურაზე წარმოადგენს იდეოლოგიურად მართულ სტრატეგიას, რომელიც მიზნად ისახავს თავისუფალი საზოგადოებების დესტაბილიზაციას. ამ მიზნით, გასული წლის ნოემბრიდან ვაშინგტონმა რამდენიმე ევროპული ულტრამემარცხენე და ანარქისტული დაჯგუფება ოფიციალურად შეიყვანა ტერორისტულ ორგანიზაციათა სიაში (FTO).

1784266260

ლაშა ხუციშვილმა ისაუბრა თურქმენეთთან სავაჭრო და საინვესტიციო ურთიერთობების პოტენციალზე და იმედი გამოთქვა, რომ საქართველო-თურქმენეთის ბიზნესფორუმი ხელს შეუწყობს ორი ქვეყნის კერძო სექტორის განვითარებას. ფინანსთა მინისტრმა ყურადღება გაამახვილა ქვეყნის ეკონომიკურ პოლიტიკაზე, რომლის შედეგადაც ეკონომიკური ზრდა ბოლო 5 წელში, წლიურად, საშუალოდ 9.3%-ს აღემატება,  მიმდინარე წლის 5 თვის კი 7.8%-ს.მან საქართველოს ფისკალური პარამეტრების სიჯანსაღეზე აღნიშნა. 2025 -ის ბოლოს მიმდინარე ანგარიშის დეფიციტი ისტორიულად დაბალ, 2.6%-მდე, ხოლო ფისკალური დეფიციტი 1.4%-მდე შემცირდა. რაც თავის მხრივ, განაპირობებს ვალის დაბალ და უსაფრთხო დონეზე შენარჩუნებას.„წარმატებულმა ფისკალურმა და ეკონომიკურმა პოლიტიკამ საშუალება მოგვცა, რომ ბოლო ათწლეულის მანძილზე მშპ-ის 7%-8%-მდე მიგვემართა კაპიტალურ დანახარჯებზე და შეგვექმნა ისეთი ინფრასტრუქტურა, როგორიცაა: აღმოსავლეთ-დასავლეთის ჩქაროსნული მაგისტრალი, ახალი ენერგეტიკული გადამცემი ქსელები, რკინიგზის ინფრასტრუქტურის განახლება და სხვა. ასეთი ტიპის ინფრასტრუქტურა უმნიშვნელოვანეს როლს თამაშობს შუა დერეფნის დაკავშირებადობის უზრუნველყოფასა და გამტარუნარიანობის ზრდაში“, - განაცხადა ფინანსთა მინისტრმა.ხუციშვილმა რეგიონული მასშტაბის ინფრასტრუქტურული პროექტების მნიშვნელობაზე ისაუბრა, ასევე ენერგეტიკული შუა დერეფნის განვითარების პერსპექტივებზე.თქვა, რომ შავი ზღვის წყალქვეშა კაბელის მშენებლობის პროექტზე აქტიური მუშაობაა, რომლითაც საქართველოს მეშვეობით სამხრეთ კავკასიის ქსელი დაუკავშირდება ევროპულ ენერგეტკულ ქსელს და გააჩენს სრულიად ახალ შესაძლებლობებს რეგიონისთვის."თავის მხრივ, ეს  ახალი შესაძლებლობაა ცენტრალური აზიის ქვეყნებისთვის, რომ დაკავშირებადობის მსგავსი პროექტების განხორციელებით, სრულიად ახალი, ენერგეტიკული შუა დერეფნის ჩამოყალიბება რეალობად იქცეს“, - ლაშა ხუციშვილოს თქმითსაქართველო წარმოადგენს საიმედო და სტაბილურ ეკონომიკას უცხოური ინვესტიციების მოზიდვის მიმართულებით.

1784217028

საინვესტიციო ბანკის ინფორმაციით, საქართველოს განათლების სექტორი ეკონომიკის ერთ-ერთ ყველაზე სწრაფად მზარდ დარგად ჩამოყალიბდა,მოიცავს 4 ძირითად სეგმენტს: განათლება (₾2.1 მლრდ), უმაღლესი განათლება (₾1.3 მლრდ), სკოლამდელი განათლება (₾0.7 მლრდ) და სხვა საგანმანათლებლო მომს. (₾0.2 მლრდ).სექტორის შემოსავლების ზრდის მთავარი წყარო ზოგადი და უმაღლესი განათლება იყო, თუმცა, ზრდა სხვა ქვე-სექტორებშიც დაფიქსირდა. ზოგადი განათლების ზრდა ძირითადად სახელმწიფო დაფინანსებით იყო განპირობებული, ხოლო უმაღლესი განათლების ზრდას კერძო დანახარჯები განაპირობებდა, განსაკუთრებით უცხოელი სტუდენტების მხრიდან.

1784213527