ყაზბეგის საბაჟოზე 132 000 ლარზე მეტი ღირებულების არადეკლარირებული ოქრო ამოიღეს

საერთაშორისო სააგენტოების მიერ GGU ჯგუფის რეიტინგის საქართველოს სუვერენულ ნიშნულთან გათანაბრება ქვეყნისთვისაც მნიშვნელოვანი მოვლენაა. აღნიშნული აღიარება გლობალურ ბაზრებზე პირდაპირ ასახავს ქართული საინვესტიციო გარემოს სიმყარეს, აძლიერებს საქართველოს მაკროეკონომიკურ იმიჯს და მკაფიო სიგნალია უცხოელი ინვესტორებისთვის, რომ ქვეყნის სტრატეგიული ინფრასტრუქტურა უმაღლესი საერთაშორისო სტანდარტებით ვითარდება.GGU ჯგუფი წარმოადგენს ევროპული წყალმომარაგების გიგანტის, ესპანური FCC Aqualia-ს შვილობილ კომპანიას საქართველოში, რომელიც თავის მხრივ ფლობს და ოპერირებას უწევს თბილისის, რუსთავისა და მცხეთის წყალმომარაგების კომპანიას შპს „ჯორჯიან უოთერ ენდ ფაუერს" (GWP) და მსხვილ ენერგეტიკულ ობიექტებს.GGU ჯგუფის მიმართ საერთაშორისო სარეიტინგო სააგენტოების უმაღლესი სანდოობისა და ფინანსური მედეგობის დადასტურება მნიშვნელოვანი ნაბიჯია, რომელიც პირდაპირ ასახავს კომპანიის მყარ ფინანსურ დისციპლინას, ეფექტურ საოპერაციო მაჩვენებლებსა და კომუნალური სექტორის მდგრად განვითარებას. საერთაშორისო სააგენტოების მიერ რეიტინგის ერთდროული გაუმჯობესება ადასტურებს, რომ ჯგუფის სტრატეგიული მიმართულებები მაღალი საერთაშორისო სტანდარტების შესაბამისად ვითარდება.საერთაშორისო სააგენტოების დასკვნით, GGU ჯგუფის საინვესტიციო პოლიტიკის ძირითად მიმართულებად კვლავ GWP-ის წყალმომარაგების და წყალარინების ინფრასტრუქტურის ხელშესახები განახლება და განვითარება რჩება. კომპანიამ უკვე აჩვენა წყლის დანაკარგების კლებისა და ენერგოეფექტურობის ზრდის მყარი დინამიკა. GGU ჯგუფის მიერ მომდევნო სატარიფო პერიოდის ფარგლებში დაგეგმილი საინვესტიციო სტრატეგია მიმართულია თბილისის, მცხეთისა და რუსთავის წყალმომარაგების სისტემების მოდერნიზაციაზე, წყლის დანაკარგების კიდევ უფრო შემცირებაზე, სატუმბი სადგურების ენერგოეფექტურობის ამაღლებასა და გამრიცხველიანების პროცესის გაგრძელებაზე.Fitch Ratings-ისა და S&P Global Ratings-ის მიერ მინიჭებული გაუმჯობესებული რეიტინგი FCC Aqualia-ს შვილობილ კომპანიას - GGU ჯგუფს, კიდევ უფრო მეტ შესაძლებლობას აძლევს, წარმატებით განაგრძოს თანამშრომლობა საერთაშორისო ფინანსურ ინსტიტუტებთან და მოიზიდოს გრძელვადიანი საინვესტიციო რესურსი GWP-ის მასშტაბური პროექტების განსახორციელებლად.GWP-ის მფლობელი კომპანია GGU ჯგუფი აგრძელებს აქტიურ ინვესტირებას დარგის ინსტიტუციონალურ და ტექნოლოგიურ განვითარებაში, რაც მიზნად ისახავს მომსახურების ხარისხის უწყვეტ გაუმჯობესებას, საოპერაციო გამჭვირვალობის ზრდასა და თითოეული აბონენტისთვის საიმედო მომსახურების მიწოდებას.(R)

1783685481

სებ-ში ბანკების 6.7 მლრდ ლარის დეპოზიტებია, საიდანაც 4.8 მილიარდი სავალდებულო რეზერვებია. რეზერვები 800 მლნ-ითაა შემცირებული, რაც პრუდენციული ნორმის შემსუბუქებით იხსნება. როგორც იცით,  მარეგულირებელმა უცხოურ  ვალუტაში მოზიდულ სახსრებზე ბანკებს ივნისიდან სარეზერვო მოთხოვნის განაკგვეთი 25%-დან 20%-მდე შეუმცირა. ივნისში რეფინანსირების სესხები 105 მილიონით შემცირდა და ნაშთი, 1 ივლისისთვის 395.5 მლნ-ს არ აღემატება  ერთთვიანი სესხებზეც 503 მილიონია.

1783684414

19 წელი ის ასაკია, როცა გეჩვენება, რომ მთელი სამყაროს ტვირთი შენს მხრებზეა ჩამოკიდებული. გინდა ყველაფერი იდეალურად გამოგივიდეს, წარმატების გზაზე სულ მწვანეზე იარო და ფეხი არასდროს გადაგიცდეს. თუმცა რეალობა ბევრად უფრო კომპლექსურია: ეჭვები, შეცდომები და იმედგაცრუებები კი იმ ძიების ნაწილია, რომელიც ოცნებების ასრულებამდე მიგიყვანს.დაიწყე დღეს, დახვეწე ხვალცხოვრებაში არის ერთი კონკრეტული ჩვევა, რომელმაც ჩემთვის ყველაფერი შეცვალა. და ესაა: დაწყება მაშინაც, როცა ჩანაფიქრი ჯერ კიდევ არ არის იდეალური. წლების განმავლობაში, მუდმივად რაღაცის – სწორი მომენტის, უკეთესი უნარების ან შესაბამისი გარემოს მოლოდინმა ძალიან დიდი დრო დამაკარგინა. სულ მეგონა, რომ ჯერ საკმარისად კარგი არ ვიყავი. სასურველი საქმის დასაწყებად ნიშანს ველოდი, რომელიც მუდამ განუსაზღვრელ მომავალში რჩებოდა.ერთ დღესაც გავიაზრე: თუ ამ მიდგომას არ შევცვლიდი, მთელი ცხოვრება ერთი დიდი მოლოდინი და იმედგაცრუება იქნებოდა. დავიწყე იმ არასრულყოფილი მოცემულობებით, შეზღუდული რესურსებით, თუმცა დიდი სურვილით, წარმატებისთვის მიმეღწია. ჩემს 19 წლის თავსაც ამას ვურჩევდი:მთავარია, უბრალოდ დაიწყო. პროცესი გიჩვენებს გზასისიც ზუსტად მახსოვს, რასაც განვიცდიდი 19 წლის ასაკში: უამრავი ეჭვი და პასუხისმგებლობა მქონდა. ჩემს თავთან საუბარი რომ შემეძლოს, ალბათ, გავამხნევებდი, ვეტყოდი: ვიცი, ახლა ძალიან დაკარგული ხარ, ბევრი პასუხისმგებლობა გაქვს და ისიც არ იცი, საერთოდ გაუმკლავდები თუ არა ამ რთულ პერიოდს. მაგრამ მერწმუნე, შენი საქმის სიყვარული და ძალიან ბევრი შრომა მოგიყვანს ჩემამდე. ოღონდ არ გაჩერდე.პროფესია, რომელიც ყველა კარს ხსნისკარიერულ არჩევანზე თუ დავფიქრდები, 19 წლის საკუთარ თავს მხოლოდ შევაქებდი. თავიდანვე ვიცოდი, რომ გრაფიკული დიზაინის არჩევა ძალიან ბევრი შესაძლებლობის კარს გამიხსნიდა. როცა პროფესიას ირჩევ, მნიშვნელოვანია, მომავალზე ორიენტირდე. ისეთი საქმე გამონახო, რომელიც მოქნილია და სხვა, მრავალ საქმიანობაშიც გამოგადგება. გრაფიკული დიზაინი სწორედ ასეთი აღმოჩნდა ჩემთვის. ამ პროფესიამ მომცა თავისუფლება, ვყოფილიყავი შემოქმედებითი და, ამავდროულად, პრაქტიკული.მოსწავლის მერხი არასდროს ძველდებაპროფესიულ განვითარებაში ძალიან დიდი წვლილი ითამაშა ცნობისმოყვარეობამ და სწავლის დაუოკებელმა სურვილმა. ბევრს ჰგონია, რომ როცა კარიერაში რაღაცას მიაღწევ, სწავლის ეტაპი სრულდება. მე კი მტკიცედ მჯერა, რომ განათლება უწყვეტი გზაა. მე დღემდე ვსწავლობ. ამ ეტაპზე იუთუბერობის კურსებს ვესწრები. თავიდან კურსზე ყველას მენტორი ვეგონე, მაგრამ მოსწავლის მერხთან ძალიან კომფორტულად მოვკალათდი. ყურადღებით ვუსმენ მენტორს და ამაში  უცნაური არაფერია.შეცდომა, როგორც გაგრძელების მიზეზიცხადია, შეცდომებისგან ვერც ბევრი შრომა, ვერც მიზანდასახულობა და ვერც სწავლის უწყვეტი პროცესი დაგაზღვევს. მაგრამ სინამდვილეში, შეცდომა კარგი მასწავლებელია, თუ ხელს არ ჩაიქნევ და შენს ჩანაფიქრს ბოლომდე მიჰყვები.კარგი იდეა მხოლოდ დასაწყისიათუ არ გაჩერდები, იდეა რეალობად იქცევა, 19 წლის დაკარგული გოგო კი , საკუთარ თავში დარწმუნებულ პროფესიონალად.(R)

1783682340

Farizon ქართულ ბაზარზე რამდენიმე თვის წინ გამოჩნდა. „ჯილი ცენტრი თეგეტაში“ განმარტავენ, რომ გადაწყვეტილება სწორედ ბაზრის საჭიროებებიდან გამომდინარე მიიღეს - იმ პირობებში, როდესაც კომერციულ სეგმენტში უმეტესად ბენზინისა და დიზელის ძრავიანი ავტომობილებია წარმოდგენილი, ელექტრომობილები კომპანიებს ფლობისა და ექსპლუატაციის ხარჯების მნიშვნელოვნად შემცირებას სთავაზობს.გიორგი შაქარაშვილი, „ჯილი ცენტრი თეგეტას“ კომერციული დირექტორი: „Farizon სრულად ელექტრულ კომერციულ ავტომობილებს აწარმოებს, რაც ავტომატურად ამცირებს ყველა იმ ხარჯს, რომლებიც შიგაწვის ძრავიან ავტომობილებს ახლავს თან - როგორც საწვავის, ისე ტექნიკური მომსახურებისა და ექსპლუატაციის მიმართულებით. ამასთანავე, Farizon-ის ავტომობილების შესასყიდი ფასი, დიზელისა და ბენზინის მოდელებთან შედარებით, უფრო ხელმისაწვდომია, 3-ჯერ ნაკლებია ფლობის ღირებულების ხარჯიც.  ამას ემატება 5-წლიანი ოფიციალური გარანტია და ავტორიზებული სერვისი. დღეს ბიზნესისთვის ყველაზე მნიშვნელოვანი ფლობის ჯამური ღირებულებაა და სწორედ ამ მიმართულებით ქმნის Farizon რეალურ ეკონომიას.ჩვენი პორტფელი 6 ძირითად მოდელსა და დაახლოებით 40-მდე მოდიფიკაციას აერთიანებს, რომლებიც ზომით, ტვირთამწეობით, ერთი დამუხტვით გასავლელი მანძილითა და დანიშნულებით განსხვავდება, რაც კომპანიებს შესაძლებლობას აძლევს, საკუთარი საქმიანობის სპეციფიკიდან გამომდინარე თავიანთთვის ოპტიმალური გადაწყვეტა შეარჩიონ. ბრენდის განსაკუთრებით მოთხოვნადი მოდელია Farizon SV (Super Van), რომელიც სატვირთო, სადისტრიბუციო, სამგზავრო და სამაცივრე ვერსიებითაა ხელმისაწვდომი - ჯამში, 10-მდე მოდიფიკაციით. გარდა ეკონომიურობისა, ეს არის თანამედროვე დიზაინის ავტომობილი, რომელიც კომპანიის იმიჯსაც აძლიერებს“.ახალ ბრენდს საქართველოში „თეგეტა ჰოლდინგის“ სერვისინფრასტრუქტურა და 30-წლიანი გამოცდილება უმაგრებს ზურგს. Farizon-ის ავტომობილების ტექნიკურ მომსახურებას კომპანია კომერციული ტრანსპორტის საკუთარ ულტრათანამედროვე სერვისცენტრში უზრუნველყოფს, სადაც მომხმარებლებს გამოცდილი ტექნიკოსები, სპეციალიზებული აღჭურვილობა და სრული ტექნიკური მხარდაჭერა დახვდებათ. ეს კომპანიებს ავტომობილების უწყვეტი ექსპლუატაციისა და ოპერაციული პროცესების შეუფერხებლად წარმართვის შესაძლებლობას აძლევს.Farizon-ის მიმართ ბიზნესის ინტერესი საწყის თვეებშივე გამოიკვეთა. კომპანიაში აცხადებენ, რომ პირველი ავტომობილები ბაზარზე ოფიციალური საკომუნიკაციო კამპანიის დაწყებამდეც ერთიანად გაიყიდა, ხოლო მომხმარებლებმა, რომლებმაც ისინი შეიძინეს, მალევე დამატებითი შეკვეთებიც განათავსეს, მათ შორის განსხვავებული მოდიფიკაციების მოთხოვნით.ბიზნესის მზარდი ინტერესი იმით აიხსნება, რომ კომპანიები კომერციული ტრანსპორტის შერჩევისას, პირველ რიგში, აფასებენ ფლობის ჯამურ ღირებულებას, ექსპლუატაციისა და ტექნიკური მომსახურების ხარჯებს, ასევე ავტომობილის ღირებულების შენარჩუნების შესაძლებლობას. სწორედ ამ მიმართულებებზე აკეთებს აქცენტს „ჯილი ცენტრი თეგეტას“ პორტფელის ახალი ბრენდი.Farizon-ის მიმართ ინტერესსა და ნდობას ადასტურებს „ჯილი ცენტრი თეგეტას“ ერთ-ერთი პირველი მსხვილი კორპორაციული პროექტი. საოპერაციო ლიზინგის ფარგლებში „თეგეტა“ სადისტრიბუციო კომპანია „ფუდსერვისს“ 10 ერთეულ Farizon-ს ეტაპობრივად გადასცემს.საოპერაციო ლიზინგის მოდელი კომპანიებს, ავტომობილებით უზრუნველყოფასთან ერთად, დამატებით შესაძლებლობებსაც სთავაზობს. მომხმარებლები იღებენ სრულ ტექნიკურ, საგარანტიო და არასაგარანტიო მომსახურებას, GPS მონიტორინგს, დეტალურ რეპორტინგსა და 24/7 საგზაო დახმარებას, რაც ავტოპარკის ეფექტიან მართვასა და ოპერაციული პროცესების გამარტივებას უზრუნველყოფს.„ფარიზონ ცენტრი თეგეტა“ (Farizon Center Tegeta) არის Farizon Auto-ს ოფიციალური წარმომადგენელი საქართველოში, რომელიც სადისტრიბუციო და ლოგისტიკის სექტორისთვის სრულად ელექტრო, მსუბუქ კომერციულ ავტომობილებს სთავაზობს ბაზარს.Farizon Auto ქმნის ნულოვანი გამონაბოლქვის მქონე კომერციულ ტრანსპორტს, რომელიც ორიენტირებულია ეფექტურობაზე, პრაქტიკულობასა და რეალური ლოგისტიკის საჭიროებებზე, რაც თანამედროვე ტექნოლოგიებს მდგრად დიზაინთან აერთიანებს.ბრენდის მთავარი მიზანი წარმოებასა და მართვაში ინოვაციური, ეკოლოგიური მიდგომების დანერგვაა, რაც ხელს უწყობს გადასვლას უფრო სუფთა, კომერციულ ტრანსპორტზე.(R)

1783681953

ანგარიშსწორება, სავარაუდოდ, 2026 წლის აგვისტოს მეორე ნახევარში განხორციელდება, რის შემდეგაც GCAP სრულად დაფარავს ჰოლდინგური კომპანიის დონეზე არსებულ მთელ დავალიანებას.კომპანია ასევე აცხადებს აქციების გამოსყიდვისა და გაუქმების მიმდინარე $50 მლნ-ის მოცულობის პროგრამის (რომლის ფარგლებშიც ივნისის ბოლოს მდგომარეობით $10 მილიონია დარჩენილი) დამატებით $10 მლნ-ით გაფართოების შესახებ. გაფართოებული პროგრამა დაუყოვნებლივ ამოქმედდა.ამ ორ ტრანზაქციასთან ერთად GCAP სრულად დაასრულებს ₾700 მლნ-ის მოცულობის კაპიტალის დაბრუნების პროგრამას, მნიშვნელოვნად ადრე, ვიდრე თავდაპირველად იყო დაგეგმილი. აღნიშნული პროგრამა კომპანიის მიერ განხორციელებულ ერთ-ერთ უმსხვილეს კაპიტალის დაბრუნების ინიციატივას წარმოადგენს. პროგრამა დასრულდება $150 მლნ-ის ობლიგაციების დაფარვისა და $110 მლნ-ის მოცულობის აქციების გამოსყიდვისა და გაუქმების პროგრამის კომბინაციით. პროგრამა თავდაპირველად 2025 წლის აგვისტოში გამოცხადდა და მისი დასრულება 2027 წლის ბოლომდე იყო დაგეგმილი.GCAP-ის თავმჯდომარემ და აღმასრულებელმა დირექტორმა, ირაკლი გილაურმა, განაცხადა:„მოხარული ვარ, რომ GCAP კიდევ ერთხელ ადასტურებს კაპიტალის განაწილებისადმი დისციპლინირებულ მიდგომას. კიდევ უფრო გაძლიერებული ბალანსის პირობებში, ჩვენ მტკიცედ ვრჩებით ჩვენი სტრატეგიული პრიორიტეტების განხორციელებისა და აქციონერებისთვის გრძელვადიანი მდგრადი ღირებულების შექმნის ერთგული. განსაკუთრებით მიხარია, რომ ბოლო პერიოდში მიღწეულმა პროგრესმა შესაძლებლობა მოგვცა, ₾700 მლნ-ის კაპიტალის დაბრუნების პროგრამა დაგეგმილზე წელიწადნახევრით ადრე დაგვესრულებინა”, - აცხადებს GCAP-ის CEO, ირაკლი გილაური და აღნიშნავს, რომ პროგრამის დასრულების შემდეგ და მომდევნო რამდენიმე წლის განმავლობაში მოსალოდნელი ძლიერი თავისუფალი ფულადი ნაკადების გათვალისწინებით, დირექტორთა საბჭო განიხილავს კაპიტალის მართვის განახლებულ პროგრამას, რომელიც მოიცავს როგორც ბიზნესში ინვესტიციებს, ისე კაპიტალის დაბრუნების მასშტაბურ მომავალ ინიციატივებს.დამატებითი განცხადება ამასთან დაკავშირებით, ჯგუფის 2026 წლის პირველი ნახევრის ფინანსურ შედეგებთან ერთად, აგვისტოში გამოქვეყნდება.აქციების გამოსყიდვისა და გაუქმების პროგრამის ფარგლებში კომპანიის აქციები ღია ბაზარზე შეისყიდება, ხოლო სახაზინო აქციების გაუქმება ყოველთვიურად განხორციელდება.2026 წლის აქციონერთა წლიურ საერთო კრებაზე (AGM) აქციონერების მიერ მინიჭებული უფლებამოსილების შესაბამისად, გამოსასყიდი აქციების მაქსიმალური რაოდენობა 5,049,543-ს შეადგენს.პროგრამის დასრულებამდე შეუქცევად და არადისკრეციულ აქციების გამოსყიდვის პროგრამას Numis Securities Limited უხელმძღვანელებს. დახურული პერიოდის განმავლობაში კომპანიასა და მის დირექტორებს პროგრამაში რაიმე ცვლილების შეტანის უფლებამოსილება არ ექნებათ და მისი განხორციელება სრულად Numis-ის დამოუკიდებელი გადაწყვეტილებით წარიმართება.

1783680866

აქედან ის 4.95%-ს პირდაპირი ფორმით ფლობს (შემცირებამდე 5.07%), ხოლო 1.16%-ს არაპირდაპირი ფორმით (შემცირებამდე 1.21%). არაპირდაპირი ფლობის სტრუქტურა შემდეგი ფინანსური ინსტრუმენტებითაა წარმოდგენილი - აქციების სესხების მექანიზმი - 0.4%, ხოლო, 1.12% კი განსხვავების კონტრაქტები (CFDs).შედეგად, BlackRock-ის მფლობელობაში არსებული ხმის უფლების მქონე აქციების ჯამური ოდენობა 3,413,047 ერთეულს შეადგენს.შეგახსენებთ, რომ ამერიკულმა გიგანტმა TBC PLC-ის აქციების 5.02% გასული წლის მაისში შეიძინა, ნაწილი პირდაპირი ფორმით, ხოლო ნაწილი ფინანსური ინსტრუმენტების სახით.კერძოდ, 4.02% პირდაპირი ფორმით, ხოლო დამატებით 1% ფლობა ფინანსური ინსტრუმენტებით მოიპოვა - მათ შორის განსხვავების კონტრაქტებით (CFDs) და აქციების სესხების მექანიზმით. მაშინ, BlackRock-ის მიერ საერთო ხმის უფლების მქონე აქციებში 2,827,737 უტოლდებოდა.განსხვავების კონტრაქტი (CFD) არის ფინანსური ინსტრუმენტი, რომელიც ინვესტორს  საშუალებას აძლევს მიიღოს სარგებელი აქტივის ფასის ცვალებადობიდან - ფაქტობრივი ფლობა აქციის გარეშე. ინვესტორი დებს კონტრაქტს, რომ დაფარავს ფასთა სხვაობას ღირებულების ცვლილების საფუძველზე.მაგალითად, თუ BlackRock-მა იყიდა TBC PLC-ის აქციებზე CFD (განსხვავების კონტრაქტი) იმ იმედით, რომ მათი ფასი გაიზრდება და თუ ფასი მართლაც გაიზარდა, BlackRock მიიღებს მოგებას ფასთა სხვაობიდან - თუმცა არ გახდება უშუალო აქციის მფლობელი და არ აქვს დივიდენდის მიღების უფლება. ამის მიუხედავად, CFD-ს მეშვეობით მას შესაძლოა ჰქონდეს ხმის უფლების დროებითი გამოყენების უფლება, რაც დაეხმარება მისი პოზიციის გაძლიერებაში TBC-ში. იგივე პრინციპი იმავე პირობითაც მოქმედებს, თუ ფასი დაიკლებს.რაც შეეხება აქციების სესხების მექანიზმს, ეს ნიშნავს, რომ ინვესტორი დროებით იღებს აქციებს სხვა მფლობელისგან (ხშირად გარკვეული ანაზღაურების სანაცვლოდ), რაც აძლევს მას დროებით ხმის უფლებას, მაგრამ ფლობის სამართლებრივი უფლება კვლავ გამსესხებელს ეკუთვნის.აქციების სესხების (Securities Lending) მექანიზმით BlackRock-მა დროებით "გირავნობით" აიღო აქციები სხვა მფლობელებისგან, რომლებიც ამ აქციებს არ იყენებენ აქტიურად. ეს მექანიზმი საშუალებას აძლევს BlackRock-ს ჰქონდეს ხმის უფლება და ისარგებლოს სხვა აქციების მფლობელის პოზიციებით, თუმცა აქციების სამართლებრივი მფლობელობა დარჩება გამსესხებელზე.როგორც წესი, ამ მექანიზმს რამდენიმე მიზნით იყენებენ ხოლმე. კერძოდ, როცა ინვესტორს ან აქციონერს სურს გავლენა მოახდინოს კომპანიის გადაწყვეტილებებზე, მაგალითად, გენერალურ კრებაზე. ასევე, ეს ინსტრუმენტი ხელს უწყობს სხვადასხვა სტრატეგიების განხორციელებას, მაგალითად, მოკლევადიან პოზიციებს ან ჰეჯირებას. ფიზიკური აქციების ყიდვა გაცილებით დიდი ხარჯია (მრავალჯერადი საფასური, ტრანზაქციის სირთულე), ამით კი მსესხებელი გრძელვადიან ან მოკლევადიან სტრატეგიებს უკეთ მართავს.საბოლოო ჯამში, ორივე მექანიზმი BlackRock-ს შესაძლებლობას აძლევს გააფართოოს თავისი გავლენა TBC PLC-ში მთლიანი საკუთრების გარეშე.ცნობისთვის, BlackRock არის მსოფლიოში უმსხვილესი აქტივების მმართველი კომპანია, რომლის მეშვეობითაც ტრილიონობით დოლარის ღირებულების კაპიტალი იბრუნება გლობალურ ბაზრებზე. კომპანია მნიშვნელოვან როლს ასრულებს როგორც ინსტიტუციური ინვესტორი, ასევე მსხვილი კორპორაციების პარტნიორი.ტრანზაქცია 2026 წლის ივნისის ბოლოს, ლონდონში დაიხურა. 

1783677763

პროექტში განხორციელებული ჯამური ინვესტიცია $14 მლნ-ს აღწევს, საიდანაც $2,5 მლნ-მდე თიბისის დაფინანსებაა. გურიაში მოპოვებული ბენტონიტი, მისი შემადგენლობიდან გამომდინარე, განსაკუთრებული ხარისხით გამოირჩევა. სწორედ ეს აძლევს კომპანიას შესაძლებლობას, კონკურენცია გაუწიოს საერთაშორისო მწარმოებლებს და პროდუქცია მსოფლიოს სხვადასხვა ქვეყანაში ექსპორტზე გაიტანოს. „ასკანგელ ალიანსის“ პროდუქცია იყიდება პოლონეთში, გერმანიაში, ფინეთში, საფრანგეთში, თურქეთში, ისრაელსა და სხვა ქვეყნებში. „ასკანგელ ალიანსის“ ისტორია გურიაში 2016 წელს დაიწყო, როდესაც კომპანიამ ბენტონიტის გადამამუშავებელი თანამედროვე საწარმო ააშენა. ქარხანა გერმანული ტექნოლოგიებით არის აღჭურვილი და სხვადასხვა დანიშნულების ბენტონიტურ პროდუქტს აწარმოებს.ბოლო პერიოდში კომპანიის ერთ-ერთი მნიშვნელოვანი მიმართულება კატის საპირფარეშოს შემავსებლების წარმოება გახდა. ბენტონიტის უნარი, შეიწოვოს დიდი რაოდენობით სითხე და წარმოქმნას მყარი გრანულები, მას ამ პროდუქტის წარმოებისთვის იდეალურ ნედლეულად აქცევს. სწორედ ამიტომ, 2025 წელს კომპანიამ ახალი საწარმო აამოქმედა და ბაზარზე საკუთარი ბრენდი - AskanaBent - წარადგინა.„ასკანგელ ალიანსი“ წარმოების განვითარებასთან ერთად ადგილობრივი მოსახლეობის დასაქმებასაც უწყობს ხელს - კომპანიაში 133 ადამიანი მუშაობს, რომელთა უმრავლესობა ადგილობრივია. თიბისი კომპანიის მთავარი ფინანსური პარტნიორია და „ასკანგელ ალიანსთან“ დაარსების დღიდან თანამშრომლობს. სწორედ თიბისიმ დააფინანსა 2025 წელს საწარმოს რეაბილიტაცია, რომელიც გურიაში მოსული ძლიერი თოვლის შედეგად დაზიანდა. ბანკმა თანხა ახალი შენობისა და საბრუნავი საშუალებების დასაფინანსებლად გამოყო.საქართველოში წარმოების მხარდაჭერა თიბისისთვის პრიორიტეტულია. მსგავსი ინიციატივების ხელშეწყობით ბანკი ხელს უწყობს რეგიონების ეკონომიკურ განვითარებასა და ექსპორტის გაძლიერებას, რაც ქვეყნის მდგრადი განვითარების ერთ-ერთი მთავარი საფუძველია.(R)

1783676246

„ვფიქრობ, გსმენიათ მსგავსი გზავნილები რუსულ მედიაში: "რა იქნება, თუ უკრაინის დარტყმებს ბირთვული იარაღით ვუპასუხებთ?" და მე მეჩვენება, რომ ეს იყო პირველი შემთხვევა, როდესაც ჩინეთმა... პირდაპირ, ულტიმატუმის მსგავსი ფორმით უპასუხა, რომ ბირთვული იარაღის გამოყენებაზე ფიქრიც კი შეუძლებელია“, - განაცხადა ზელენსკიმ.უკრაინის პრეზიდენტის თქმით, მან პეკინის ამ ჩარევის შესახებ ევროპელი ლიდერებისგან შეიტყო ანკარაში გამართულ NATO-ს სამიტზე, სადაც მხარეებმა „უკრაინაში ომის დასრულებაში ჩინეთის როლზე“ იმსჯელეს. ზელენსკიმ დასძინა, რომ ეს თემა აშშ-ის პრეზიდენტ დონალდ ტრამპთანაც განიხილა, თუმცა ამჯობინებს, ამ საუბრის შინაარსი კონფიდენციალურად დატოვოს.მიმდინარე წლის მაისში რუსეთმა ბელარუსში ბირთვული სამხედრო წვრთნები ჩაატარა, თუმცა პრეზიდენტ ვლადიმერ პუტინს კიევის მისამართით პირდაპირი ბირთვული მუქარა ჯერჯერობით არ გაუჟღერებია. რუსი პოლიტიკოსების მხრიდან ზეწოლის მიუხედავად, პუტინმა აღნიშნა, რომ უკრაინის დარტყმები არ იწვევს იმ მასშტაბის ზიანს, რაც მისი მთავრობის მხრიდან ბირთვულ რეაგირებას მოითხოვდა.გასულ თვეს სანქტ-პეტერბურგის საკანონმდებლო ასამბლეის დეპუტატმა, ვიქტორ პეროვმა კოლეგებს მოუწოდა, მიემართათ პუტინისთვის უკრაინაზე ბირთვული დარტყმის თხოვნით.„ჩვენი პრეზიდენტი იძულებული გახდა დაეწყო სპეციალური სამხედრო ოპერაცია, მაგრამ, სამწუხაროდ, ყველაფერი გეგმის მიხედვით არ წარიმართა. ამიტომ მიმაჩნია, რომ თქვენ, დეპუტატებმა, უნდა მიმართოთ პრეზიდენტს ბირთვული იარაღის გამოყენების თხოვნით... რაც უკრაინის ხელმძღვანელობას სამშვიდობო შეთანხმების ხელმოწერისკენ უბიძგებს“, - განაცხადა პეროვმა.

1783674833