თბილისი (GBC) - საქსტატის მონაცემებით, აგვისტოში, წინა წლის შესაბამის თვესთან შედარებით, საქართველოში სატელეკომუნიკაციო მომსახურების მწარმოებელთა ფასების ინდექსი 4.2%-ით გაიზარდა.
ინდექსის ცვლილება ძირითადად სადენიანი სატელეკომუნიკაციო მომსახურების ფასმა გამოიწვია, რომელიც 7.3%-ით გაიზარდა.
ამ პერიოდში, უსადენო სატელეკომუნიკაციო მომსახურების ფასი არ შეცვლილა.
რაც შეეხება სხვა სახის სატელეკომუნიკაციო მომსახურებას, ფასი 0.3%-ით შემცირდა.