ქართული ღვინის ექსპორტის ღირებულება 2.9%-ით შემცირდა

ორდღიანი სამუშაო შეხვედრების ფარგლებში საქართველოს ეროვნული ბანკის წარმომადგენლებმა კოლეგებს გააცნეს დროის რეალურ რეჟიმში ანგარიშსწორების (RTGS) და კლირინგის (ACH) სისტემების განახლების პროექტის განხორციელების გამოცდილება, რომელიც მიმდინარე წლის მაისში წარმატებით დასრულდა. განსაკუთრებული ყურადღება დაეთმო პროექტის დაგეგმვისა და მართვის პროცესს, სისტემის არქიტექტურას, ოპერაციულ და ფუნქციურ მოდელს, სისტემის მონაწილე ბანკებთან და ფინანსთა სამინისტროს სახაზინო სამსახურთან კოორდინაციას, ტესტირების ეტაპებსა და სისტემის რეალურ გარემოში გაშვების პროცესს.შეხვედრების ფარგლებში მხარეებმა განიხილეს საგადახდო სისტემების განვითარების სამომავლო მიმართულებები. მათ შორის, მყისიერი გადახდების სისტემის (IPS) დანერგვა, 24/7 რეჟიმში ოპერირების უზრუნველყოფა, ISO 20022 სტანდარტის გამოყენება და განვითარების სხვა შესაძლებლობები.საქართველოს ეროვნული ბანკის წარმომადგენლებმა სტუმრებს გაუზიარეს პროექტის განხორციელების პროცესში მიღებული გამოცდილება, ძირითადი გამოწვევები და მათ გადასაჭრელად გამოყენებული მიდგომები. ასევე წარადგინეს მნიშვნელოვანი მაგალითები და რეკომენდაციები, რომლებიც შეიძლება სასარგებლო იყოს მსგავსი მასშტაბის ინფრასტრუქტურული პროექტების დაგეგმვისა და განხორციელებისას.ვიზიტი საქართველოსა და სომხეთის ცენტრალურ ბანკებს შორის არსებული თანამშრომლობის ფარგლებში განხორციელდა და მიზნად ისახავდა ცოდნისა და საუკეთესო პრაქტიკის გაზიარებას, რაც ხელს შეუწყობს რეგიონში თანამედროვე, უსაფრთხო და ეფექტიანი საგადახდო სისტემების განვითარებას.

1780561362

საქსტატის მიხედვით, საორგანიზაციო-სამართლებრივი ფორმების ჭრილში, დასაქმების თვალსაზრისით მეორე ადგილზეა სააქციო საზოგადოებები (სს), სადაც 82 095 პირი მუშაობს (მათგან 71 753 მსხვილ საწარმოებზე მოდის). ინდივიდუალურ მეწარმეებთან დაქირავებით დასაქმებულია 34 710 ადამიანი, სადაც ქალთა დასაქმების წილი მკვეთრად მაღალია და 62.5%-ს (21 700 ქალი) შეადგენს.უცხოური საწარმოების ფილიალებში კი I კვარტალში 4 444 დაქირავებული პირი ფიქსირდება.საკუთრების ფორმები და უცხოური კაპიტალისაქსტატის მონაცემების თანახმად, ქართულ ბიზნესში დასაქმებულთა აბსოლუტური უმრავლესობა კერძო სექტორზე მოდის: ადგილობრივი კერძო სექტორი (ადგილობრივი ფიზიკური და იურიდიული პირები) - 558,763 დასაქმებული (მთლიანი ბაზრის 75.1%) უცხოური კერძო სექტორი (უცხოელი ფიზიკური და იურიდიული პირები) - 126,271 დასაქმებული (17%) სახელმწიფო საკუთრებაში არსებული საწარმოები - 58,705 დასაქმებული (7.9%) საინტერესოა, რომ უცხოური კაპიტალის მქონე კერძო საწარმოებში დასაქმებულთა ნახევარზე მეტი - 71,911 ადამიანი - მსხვილ ბიზნესშია კონცენტრირებული. სახელმწიფო საწარმოების შემთხვევაში კი ეს ტენდენცია კიდევ უფრო გამოკვეთილია: სახელმწიფო ბიზნესსექტორში დასაქმებულთა 83% (48 778 პირი) სწორედ მსხვილ კომპანიებში მუშაობს, მაშინ როცა მცირე სახელმწიფო საწარმოებში დაქირავებულთა რაოდენობა მხოლოდ 3 876-ს შეადგენს.გენდერული ბალანსი საწარმოთა ზომის მიხედვითჯამურ მაჩვენებლებში, ბიზნესში დასაქმებული 743 740 პირიდან 340 157 ქალია, რაც საერთო რაოდენობის 45.7%-ს შეადგენს. გენდერული გადანაწილება საწარმოთა ზომის მიხედვით თითქმის იდენტურ პროპორციას ინარჩუნებს: მსხვილ საწარმოებში დასაქმებულთაგან ქალია 47.9% (167 217), საშუალოში - 45.1% (69 963), ხოლო მცირე საწარმოებში  42.8% (102 977).

1780561128

დოკუმენტს ხელი საქართველოს ბანკის კორპორაციული კლიენტების მომსახურების დეპარტამენტის დირექტორმა, გიორგი კუკულაძემ და „თეგეტა ჰოლდინგის“ მთავარმა აღმასრულებელმა ოფიცერმა, ეკატერინე ქავთარაძემ მოაწერეს.თანამშრომლობის მიზანი საქართველოში მდგრადი და ინოვაციური ბიზნესინიციატივების მხარდაჭერა, ცირკულარული ეკონომიკის პრინციპების დანერგვის ხელშეწყობა და გარემოსდაცვითი მიმართულებით მნიშვნელოვანი პროექტების განვითარებაა.RECSOL-ის საბურავების გადამუშავების ქარხანა საქართველოს ბანკისა და საქართველოს ეკონომიკის განვითარების კორპორაციის მხარდაჭერით შენდება. პროექტი მიზნად ისახავს საქართველოში ერთ-ერთი ყველაზე რთულად სამართავი ნარჩენის - გამოყენებული საბურავების ეფექტიან მართვასა და მათ გარდაქმნას ეკონომიკური ღირებულების მქონე რესურსად. გადამუშავების შედეგად მიღებული მასალები სხვადასხვა ინდუსტრიაში იქნება გამოყენებული.საწარმოს ამოქმედება მიმდინარე წლის შემოდგომაზეა დაგეგმილი და ის ყოველწლიურად 25-30 ათასი ტონა საბურავის გადამუშავებას შეძლებს.„საქართველოს ბანკისთვის მნიშვნელოვანია ისეთი ბიზნესინიციატივების მხარდაჭერა, რომლებიც ეკონომიკურ ღირებულებასთან ერთად გარემოსდაცვით და სოციალურ სარგებელსაც ქმნის. მოხარულები ვართ, რომ ვთანამშრომლობთ კომპანიასთან, რომელიც საქართველოში ნარჩენების მართვისა და გადამუშავების მიმართულებით თანამედროვე სტანდარტების დამკვიდრებას უწყობს ხელს და ინდუსტრიის განვითარებისთვის ახალ შესაძლებლობებს ქმნის. გვჯერა, რომ აღნიშნული პროექტი ხელს შეუწყობს ახალი ინდუსტრიული მიმართულების განვითარებას, სამუშაო ადგილების შექმნასა და საქართველოს, როგორც ნარჩენების მართვისა და გადამუშავების რეგიონული ჰაბის, პოტენციალის გაძლიერებას.  საქართველოს ბანკი კი აქტიურად აგრძელებს ისეთი პროექტების მხარდაჭერას, რომლებიც მდგრად განვითარებასა და ქვეყნის ეკონომიკის გრძელვადიან გაძლიერებას ემსახურება“, - საქართველოს ბანკის კორპორაციული კლიენტების მომსახურების დეპარტამენტის დირექტორმა, გიორგი კუკულაძემRECSOL „ეკო სერვის ჯორჯიასთან“ პარტნიორობით შენდება და საქართველოში ნარჩენების მართვის სრულიად ახალი მოდელის დანერგვას ისახავს მიზნად. საწარმო ევროპული სტანდარტებს სრულად შეესაბამება და CE და ISO მოთხოვნებს დააკმაყოფილებს.„RECSOL ერთ-ერთი ყველაზე მასშტაბური და სტრატეგიული პროექტია „თეგეტა ჰოლდინგისთვის“. გამოყენებული საბურავები ათწლეულების განმავლობაში საქართველოში ერთ-ერთ ყველაზე რთულად სამართავ ნარჩენად მიიჩნევა და სერიოზული გარემოსდაცვითი საფრთხეა. ჩვენი მიზანია, ეს ნარჩენი ეკონომიკურ ღირებულებად გარდავქმნათ და ცირკულარული ეკონომიკის პრინციპები თეორიული კონცეფციიდან რეალურ, მოქმედ სისტემად ვაქციოთ.ამ მასშტაბის ინიციატივის განხორციელება შეუძლებელი იქნებოდა საქართველოს ბანკის მხარდაჭერის გარეშე. ბანკი ჩვენთვის არა მხოლოდ ფინანსური პარტნიორია, არამედ იზიარებს ჩვენს ხედვას მდგრადი განვითარების, გარემოსდაცვითი პასუხისმგებლობისა და გრძელვადიანი ეკონომიკური სარგებლის შესახებ. სწორედ ასეთი თანამშრომლობა გვაძლევს შესაძლებლობას, შევქმნათ სრულიად ახალი ინდუსტრიული მიმართულება, რომელიც ახალ სამუშაო ადგილებს შექმნის, ტექნიკურ ექსპერტიზას გააძლიერებს და საქართველოს ნარჩენების მართვისა და გადამუშავების რეგიონულ ჰაბად ჩამოყალიბებას შეუწყობს ხელს“, - აღნიშნა „თეგეტა ჰოლდინგის“ მთავარმა აღმასრულებელმა ოფიცერმა, ეკატერინე ქავთარაძემ.(R)

1780559062

კონფერენციის ფარგლებში ნათია თურნავა სიტყვით გამოვიდა პანელურ დისკუსიაზე - „ცენტრალური ბანკების წინაშე არსებული გამოწვევები მზარდად ფრაგმენტირებულ საერთაშორისო მონეტარულ სისტემაში". დისკუსიის მონაწილეებმა იმსჯელეს ცენტრალური ბანკების დამოუკიდებლობაზე, ინფლაციის მართვასთან დაკავშირებულ გამოწვევებზე, ასევე გეოპოლიტიკური რისკებისა და მზარდი გლობალური გაურკვევლობის გავლენაზე მონეტარულ პოლიტიკაზე.როგორც სიტყვით გამოსვლისას სებ-ის პრეზიდენტმა აღნიშნა, საქართველომ ბოლო წლებში შეძლო როგორც მაღალი ეკონომიკური ზრდის, ისე ფასების სტაბილურობის შენარჩუნება.„ბოლო წლების განმავლობაში საქართველომ შეძლო ფასების სტაბილურობისა და მაღალი ეკონომიკური ზრდის შენარჩუნება. ამ შედეგს საფუძვლად დაედო როგორც ეროვნული ბანკის ფრთხილი და წინმსწრები მონეტარული პოლიტიკა, ისე პასუხისმგებლიანი ფისკალური პოლიტიკა. სწორედ ასეთი კოორდინაცია ქმნის მაკროეკონომიკური სტაბილურობის, მდგრადი ეკონომიკური ზრდისა და ინვესტორთა ნდობის განმტკიცების საფუძველს", - აღნიშნა ეროვნული ბანკის პრეზიდენტმა.ამასთან ნათია თურნავამ ხაზი გაუსვა, საქართველოს ეროვნულმა ბანკის მიერ მონეტარული პოლიტიკის განხორციელების პროცესში სცენარებზე დაფუძნებული მიდგომის დანერგვას, რაც ზრდის გადაწყვეტილებების პროგნოზირებადობასა და გამჭვირვალობას და რისკების უკეთ შეფასების შესაძლებლობას იძლევა.დისკუსიის ფარგლებში ყურადღება გამახვილდა ინფლაციის თანამედროვე გამოწვევებზე. აღინიშნა, რომ ცენტრალურ ბანკებს სულ უფრო ხშირად უწევთ ისეთი შოკების პირობებში მუშაობა, რომლებიც ერთდროულად მოქმედებს როგორც მოთხოვნის, ისე მიწოდების მხარეზე.„ბრეტონ ვუდსის ახალი კომიტეტის"  საერთაშორისო კონფერენციაში მონაწილეობდნენ ცენტრალური ბანკების ხელმძღვანელები, საერთაშორისო სავალუტო ფონდის, მსოფლიო ბანკისა და სხვა საერთაშორისო ფინანსური ინსტიტუტების წარმომადგენლები, ასევე მსოფლიოს წამყვანი უნივერსიტეტებისა და კვლევითი ცენტრების ექსპერტები.

1780558918

ზრდის ტენდენციით ხასიათდებოდა ბიზნეს სექტორის პროდუქციის გამოშვების მაჩვენებელიც. 1Q26-ში მისი მოცულობა ₾23.3 მლრდ-ით განისაზღვრა, რაც გასული წლის შესაბამისი პერიოდის მაჩვენებელზე 12.4%-ით მეტია.1Q26-ში ბიზნეს სექტორის ბრუნვის მოცულობის 70.8% მსხვილ ბიზნესზე მოდიოდა, 11.2% - საშუალოზე, ხოლო 18% – მცირე ბიზნესზე.განსხვავებული განაწილება იყო პროდუქციის მთლიანი გამოშვების შემთხვევაში: მსხვილ ბიზნესზე მოდიოდა პროდუქციის გამოშვების 48.9%, საშუალოზე - 23.6%, ხოლო მცირე ბიზნესზე - 27.5%.1Q26-ში, საწარმოთა მიერ განხორციელებულმა საქონლისა და მომსახურების მთლიანმა ყიდვებმა ₾29.5 მლრდ (გასული წლის შესაბამის პერიოდთან შედარებით 2.5%-ით მეტი), ხოლო გადასაყიდად განკუთვნილი საქონლისა და მომსახურების ყიდვებმა ₾17.9 მლრდ (გასული წლის შესაბამის პერიოდთან შედარებით 4%-ით მეტი) შეადგინა.1Q26-ში ბიზნეს სექტორში დასაქმებულთა საშუალო რაოდენობა 799.4 ათასი კაცით განისაზღვრა, რაც გასული წლის შესაბამისი პერიოდის მაჩვენებელზე 3.7%-ით მეტია. დასაქმებულთა მთლიანი რაოდენობიდან 44.2% ქალი იყო, ხოლო 55.8% - კაცი.  დასაქმებულთა მთლიანი რაოდენობის 43.6% მსხვილ ბიზნესზე მოდიოდა, 19.4% - საშუალოზე, ხოლო 37% - მცირე ბიზნესზე.საანგარიშო პერიოდში დაქირავებულთა მთლიანმა რაოდენობამ 743.7 ათასი კაცი შეადგინა (გასული წლის შესაბამის პერიოდთან შედარებით 3.5%-ით მეტი), ხოლო საწარმოთა მთლიანი დანახარჯები პერსონალზე ₾5.3 მლრდ-ით განისაზღვრა (გასული წლის შესაბამის პერიოდთან შედარებით 11.4%-ით მეტი).1Q26-ში, ბიზნეს სექტორში დაქირავებით დასაქმებულთა საშუალო თვიური ხელფასი ₾2.3 მლრდ-ს გაუტოლდა (გასული წლის შესაბამის პერიოდთან შედარებით გაზრდილია ₾166.3 მლნ-ით), ხოლო მათ შორის ქალების ხელფასმა ₾1.8 მლრდ შეადგინა (გასული წლის შესაბამისი პერიოდთან შედარებით გაზრდილია ₾126.1 მლნ-ით).საწარმოთა ზომის მიხედვით მთლიანი საშუალო თვიური ხელფასი კი შემდეგნაირი იყო: მსხვილი ბიზნესი – ₾2.5 მლრდ საშუალო ბიზნესი – ₾2.7 მლრდ მცირე ბიზნესი – ₾1.7 მლრდ საქსტატის მონაცემებით, 1Q26-ში ბიზნეს სექტორის ბრუნვის მოცულობის სტრუქტურაში ყველაზე მაღალი წილი, 36.8%, მოდიოდა ხელოვნება, გართობა და დასვენების დარგზე, მეორე ადგილს იკავებდა ვაჭრობა (ავტომობილების და მოტოციკლების რემონტის ჩათვლით) 31.4 პროცენტიანი წილით, შემდეგ მოდიოდა დამამუშავებელი მრეწველობა - 7.4 პროცენტიანი წილით, მშენებლობა - 4.5 პროცენტიანი წილით, ტრანსპორტი და დასაწყობება - 4.5 პროცენტიანი წილით, ინფორმაცია და კომუნიკაცია - 4.4 პროცენტიანი წილით, ხოლო 10.9% დანარჩენ დარგებზე განაწილდა.1Q26-ში ბიზნეს სექტორის პროდუქციის გამოშვებაში პირველ ხუთ ადგილს დამამუშავებელი მრეწველობა (19.5%), ვაჭრობა (16.7%), მშენებლობა (13.6%), ინფორმაცია და კომუნიკაცია (11.7%) და ტრანსპორტი და დასაწყობება (9.5%) იკავებდა, ხოლო დანარჩენ დარგებს სტრუქტურაში ჯამურად 28.9 პროცენტიანი წილი ეჭირა.1Q26-ში, დასაქმებულთა რაოდენობის მიხედვით ბიზნეს სექტორში ლიდერობდნენ ვაჭრობის (საბითუმო და საცალო ვაჭრობა; ავტომობილების და მოტოციკლების რემონტი), დამამუშავებელი მრეწველობისა და ჯანდაცვის და სოციალური მომსახურების საქმიანობების დარგები, შესაბამისად, 29.3, 11.4 და 9.4 პროცენტიანი წილებით.სტრუქტურაში მნიშვნელოვანი წილი მოდიოდა ტრანსპორტისა და დასაწყობების (8.1%), მშენებლობის (7.5%), აგრეთვე ინფორმაციისა და კომუნიკაციის (6.3%) და განთავსების საშუალებებით უზრუნველყოფის და საკვების მიწოდების საქმიანობების (5.5%) დარგის საწარმოებზეც. დასაქმებულთა რაოდენობა რეგიონების მიხედვით შემდეგნაირად განაწილდა: თბილისი – 65.4% აჭარის ა.რ. – 9.5% იმერეთი – 6.6% ქვემო ქართლი – 5.4% სამეგრელო-ზემო სვანეთი – 3.5% კახეთი – 2.8% შიდა ქართლი – 2.2% მცხეთა-მთიანეთი – 1.8% სამცხე-ჯავახეთი – 1.5% გურია – 0.9% რაჭა-ლეჩხუმი და ქვემო სვანეთი – 0.2%

1780558621

გამოცემის ინფორმაციით, უნგრეთის ახალმა მთავრობამ პრემიერ-მინისტრ პეტერ მადიარის ხელმძღვანელობით თანხმობა განაცხადა, რომ უკრაინასა და მოლდოვასთან ევროკავშირში გაწევრიანების ოფიციალური მოლაპარაკებები დაიწყოს.მადიარის განცხადებით, ბუდაპეშტი მხარს დაუჭერს კიევის ევროპულ მისწრაფებებს იმ შემთხვევაში, თუ უკრაინა გააფართოებს ქვეყანაში მცხოვრები ეთნიკური უნგრელების უფლებებს. საუბარია ენობრივ, საგანმანათლებლო და კულტურულ გარანტიებზე, რომელთა შესახებ მოლაპარაკებები ბოლო კვირებში ბრიუსელის მონაწილეობით მიმდინარეობდა.მხარეებმა უკვე მიაღწიეს შეთანხმებას, რომელიც ითვალისწინებს უნგრული სკოლების სისტემის აღდგენას, განათლებაში უნგრული ენის უფრო ფართოდ გამოყენებას და კულტურული უფლებების გაფართოებას ტრანსკარპატიაში მცხოვრები დაახლოებით 100 ათასი ეთნიკური უნგრელისთვის.მანამდე მადიარი აცხადებდა, რომ უნგრეთი არ დაუჭერდა მხარს უკრაინასთან მოლაპარაკებების დაწყებას, თუ არ აღდგებოდა ზაკარპატიაში მცხოვრები ეთნიკური უნგრელების უფლებები. მისი თქმით, ეს საკითხი ბუდაპეშტისთვის პრინციპული მნიშვნელობისაა.ევროკავშირის წევრმა 27-ვე ქვეყანამ უკვე დაუჭირა მხარი უკრაინასა და მოლდოვასთან გაწევრიანების მოლაპარაკებების პირველი ეტაპის დაწყებას, რომელიც სამართლის უზენაესობის, დემოკრატიული ინსტიტუტებისა და ფუნდამენტური უფლებების საკითხებს მოიცავს.უნგრეთი თითქმის ორი წლის განმავლობაში ბლოკავდა უკრაინის ევროკავშირში გაწევრიანების პროცესს. ბუდაპეშტი ამტკიცებდა, რომ უკრაინული კანონმდებლობა ზღუდავდა ქვეყნის დასავლეთში მცხოვრები უნგრული უმცირესობის ენობრივ და საგანმანათლებლო უფლებებს. ევროკავშირში ახალი პოლიტიკური ვითარებისა და ბუდაპეშტსა და კიევს შორის მიღწეული შეთანხმების შემდეგ, ეს დაბრკოლება მოიხსნა და ევროკავშირმა უკრაინისა და მოლდოვის წევრობის პროცესი ოფიციალურად გახსნა.

1780554822

რუბიომ განაცხადა, რომ სიახლეები „საკმაოდ მალე“ გამოჩნდება უკრაინისთვის განკუთვნილ $400 მილიონიან სამხედრო დახმარებასთან დაკავშირებით, რომელიც კონგრესმა დაამტკიცა, თუმცა პენტაგონის დონეზე კვლავ შეფერხებულია.აშშ-ის რესპუბლიკელმა კონგრესმენმა დონ ბეკონმა განაცხადა, რომ წარმომადგენელთა პალატამ ხმა მისცა პეტიციის განხილვის გაგრძელებას, რომელიც უკრაინისთვის სამხედრო დახმარების გაწევასა და რუსეთის წინააღმდეგ სანქციების გამკაცრებას მოითხოვს.მანამდე, აშშ-ის სენატორთა ორპარტიულმა ჯგუფმა გააკრიტიკა თავდაცვის დეპარტამენტის მიერ უკრაინისა და აღმოსავლეთ ევროპის სხვა მოკავშირეებისთვის $600 მილიონიანი უსაფრთხოების დახმარების მიწოდების შეფერხება და 22 მაისს თავდაცვის მდივან პიტ ჰეგსეტს წერილი გაუგზავნა, რომელშიც თანხების გამოთავისუფლებას მოითხოვდა.უკრაინის თავდაცვის სამინისტრომ განაცხადა, რომ პარტნიორი ქვეყნების შენატანები PURL პროგრამაში საკმარისია იმისათვის, რომ გაგრძელდეს აშშ-დან უკრაინისთვის კრიტიკულად მნიშვნელოვანი იარაღის მიწოდება. [უკრაინის პრიორიტეტული მოთხოვნების სიის (PURL) პროგრამა NATO-ს მოკავშირეებს საშუალებას აძლევს, დააფინანსონ უკრაინისთვის ამერიკული წარმოების იარაღის შესყიდვა. რედ.].ევროპელი მოკავშირეები სულ უფრო მეტად შეშფოთებულნი არიან უკრაინისთვის აშშ-ის იარაღის მიწოდების პროგრამის (ცნობილი როგორც PURL პროგრამა) სიცოცხლისუნარიანობით, რადგან ირანში მიმდინარე ომი სწრაფად ფიტავს ამერიკულ მარაგებს. ზოგიერთმა დონორმა ქვეყანამ ასევე დაიწყო კითხვების დასმა გამოყოფილი სახსრების პენტაგონის მიერ განკარგვის გამჭვირვალობასთან დაკავშირებით.აშშ-ის პრეზიდენტმა დონალდ ტრამპმა მაისის დასაწყისში განაცხადა, რომ უკრაინაში ომი გრძელდება იმის გამო, რომ მისმა წინამორბედმა ჯო ბაიდენმა კიევს $350 მილიარდის ოდენობის ფინანსური დახმარება გაუწია.აშშ-ის კონგრესისადმი მიმართვაში მეფე ჩარლზმა ხაზი გაუსვა უკრაინის მტკიცე მხარდაჭერის აუცილებლობას მზარდი გლობალური არასტაბილურობის ფონზე.

1780552962

ბაზრების დივერსიფიკაცია და საერთაშორისო ბაზრებზე გასვლა დღეს მრავალი ბიზნესისთვის განვითარების ერთ-ერთი პრიორიტეტული მიმართულებაა. სწორედ ამ მიზნით, ბიზნეს 360˚-ის შეხვედრების სერიის ფარგლებში, საქართველოს ბანკის ორგანიზებით, 17 ივნისს, 17:00 საათზე, ლადო გუდიაშვილის ქ. 18-ში, „პუბლიკაში“ გაიმართება ლიკუნა კერესელიძის ვორკშოპი - „პირველი ნაბიჯები ექსპორტზე“, რომელიც კომპანიებს საექსპორტო საქმიანობის დაწყებისა და დაგეგმვის პროცესში დაეხმარება.ვორკშოპი დაეთმობა იმ ძირითად საკითხებს, რომლებიც ბიზნესებმა ექსპორტის დაწყებამდე უნდა გაითვალისწინონ. მონაწილეები გაეცნობიან კომპანიის საექსპორტო პოტენციალის შეფასების მიდგომებს, ექსპორტის მზაობის ძირითად კომპონენტებს, სამიზნე ბაზრების შერჩევის მეთოდებსა და ექსპორტის ფინანსურ ლოგიკას.ვორკშოპი პრაქტიკულ ცოდნასა და რეალურ გამოცდილებაზე იქნება დაფუძნებული და მონაწილეებს დაეხმარება, უკეთ შეაფასონ საკუთარი ბიზნესის შესაძლებლობები საერთაშორისო ბაზრებზე გასასვლელად.საქართველოს ბანკი ბიზნეს 360˚-ის ფარგლებში აგრძელებს საგანმანათლებლო ინიციატივების განხორციელებას, რაც მცირე და საშუალო ბიზნესის წარმომადგენლებს ახალი ცოდნის მიღებასა და საქმიანობის გაფართოებაში ეხმარება.

1780503238