აზერბაიჯანმა ავსტრიისა და გერმანიისთვის გაზის მიწოდება დაიწყო

Artifact Apart Hotel თბილისის ისტორიულ უბანში მდებარეობს და 15 ინდივიდუალურ საცხოვრებელ აპარტამენტს აერთიანებს. აპარტამენტები სრულად არის აღჭურვილი საჭირო თანამედროვე ტექნიკითა და ინვენტარით. სასტუმროს ინფრასტრუქტურა მოიცავს შიდა ეზოს და კაფეს Maluli by Chocoart, სადაც სტუმრებს ხელნაკეთი შოკოლადისა და სხვადასხვა კერძების დაგემოვნების შესაძლებლობა აქვთ.“Artifact Apart Hotel-ის პროექტზე მუშაობის პროცესში ჩვენი ძირითადი მიზანი იყო სივრცის გარდაქმნა ისე, რომ შეგვენარჩუნებინა მისი ისტორიული იდენტობა და კავშირი წარსულთან. ჩვენი გუნდი აქტიურად იკვლევდა უბანს, რათა პროექტის არქიტექტურულ და სივრცით გადაწყვეტაში ისტორიული მემკვიდრეობა სწორად ასახულიყო. პროექტის განხორციელებისას განსაკუთრებული ყურადღება დავუთმეთ მის ფუნქციურ დაგეგმარებასა და ინტერიერის დიზაინში გამოყენებულ მასალებს, რაც ყოველდღიური გამოყენებისთვის ადაპტირებულ, კომფორტულ გარემოს ქმნის. Artifact Apart Hotel უკვე წარმატებით ოპერირებს ბაზარზე და აქტიურად ვმასპინძლობთ როგორც მოკლევადიან, ისე გრძელვადიან ვიზიტორებს. ჩვენი მიზანია მათ მაღალი ხარისხის მომსახურება მივაწოდოთ  და სასიამოვნო გამოცდილება შევუქმნათ”, - განაცხადა ლიკა ჭუმბურიძემ, Artifact Apart Hotel - ის დირექტორმა.„საქართველოს ბანკი აქტიურ რეჟიმში აგრძელებს პარტნიორი ბიზნესების და მათი ინიციატივების მხარდაჭერას, რომლებიც ქვეყანაში სტუმარმასპინძლობის სექტორის განვითარებას უწყობს ხელს. მოხარულები ვართ, რომ ჩვენი მხარდაჭერით, თბილისში კიდევ ერთი აპარტ-სასტუმრო გაიხსნა. გვჯერა, სასტუმრო მიმზიდველი იქნება როგორც ადგილობრივი, ისე საერთაშორისო ტურისტებისთვის. მინდა წარმატებები ვუსურვო გუნდს, ჩვენ კი არ ვჩერდებით და ვაგრძელებთ ბიზნესების გაძლიერებას“, - განაცხადა საქართველოს ბანკის კორპორაციული გაყიდვების სექტორის უფროსმა ირაკლი კიკალიშვილმა. (R) 

1768557929

აღნიშნული სატრანსპორტო საშუალებები მნიშვნელოვნად შეამცირებს თბილისის, მცხეთისა და რუსთავის მასშტაბით წყალმომარაგებისა და წყალარინების ქსელების დაზიანებებზე რეაგირების დროს და  უზრუნვეყოფს სამუშაო ლოკაციებზე ყველა საჭირო ტექნიკური ინვენტარისა და მასალის ოპერატიულ მიწოდებას.2025 წელს Aqualia-მ ჯივიპის ავტოპარკის განახლების პროექტის ფარგლებში ჯამში 9 მილიონ ლარამდე ინვესტიცია განახორციელა, რის ფარგლებშიც 32 ერთეული მსუბუქი და მაღალი გამავლობის ავტომობილი, 9 ერთეული სამგზავრო და სატვირთო მიკროავტობუსი და 20 ერთეული მძიმე სამშენებლო და სპეციალური ტექნიკა შეისყიდა.კომპანია ავტოპარკის განახლების პროცესს მომდევნო წლებშიც აქტიურად გააგრძელებს.(R) 

1768557105

ბრიტანეთის მთავრობის განცხადებაში აღნიშნულია, რომ ძლიერი ყინვის დროს „ასობით ათასი უკრაინელი, მათ შორის ბავშვები და სკოლები, გათბობისა და ელექტროენერგიის გარეშე დარჩა“.ბრიტანეთის მთავრობა აცხადებს, რომ დახმარება ხელს შეუწყობს „მილიონობით ოჯახის, ბავშვისა და მოხუცის გათბობითა და ელექტროენერგიით უზრუნველყოფის გადაუდებელი საჭიროებების დაკმაყოფილებას მას შემდეგ, რაც პრეზიდენტმა ზელენსკიმ უკრაინაში საგანგებო მდგომარეობა გამოაცხადა უკრაინის ენერგეტიკულ სექტორზე განხორციელებული თავდასხმების შემდეგ“.„ეს თანხები უზრუნველყოფს სასიცოცხლოდ მნიშვნელოვან საგანგებო დახმარებას ქვეყნის მასშტაბით ენერგეტიკის სექტორში რემონტის, აღდგენის, დაცვისა და გენერირებისთვის, რათა მკაცრი ზამთრის პირობებში სახლები, საავადმყოფოები და სკოლები უზრუნველყოფილი იყოს ელექტრიენერგიითა და გათბობით“, - აღნიშნულია ბრიტანეთის მთავრობის განცხადებაში.გარდა ამისა, გავრცელებულ განცხადებაში აღნიშნულია, რომ გაერთიანებულ სამეფოსა და უკრაინას შორის 100-წლიანი პარტნიორობის პირველი წლისთავის აღსანიშნავად, ქვეყანა აფართოებს „სკოლების დაძმობილების“ პროგრამას. აღნიშნული ინიციატივით ისარგებლებს 54 000 ბრიტანელი და უკრაინელი მოსწავლე, რაც ხელს შეუწყობს ორივე სახელმწიფოს გრძელვადიან უსაფრთხოებასა და განვითარებას.შესაბამისად, მომავალი 3 წლის განმავლობაში, ორივე ქვეყნის კიდევ 300 სკოლა ჩაერთვება სიმბოლურ პროგრამაში — „პარტნიორობის 100 წელი“.უკრაინამ და გაერთიანებულმა სამეფომ 2025 წლის იანვარში ხელი მოაწერეს ასწლიანი პარტნიორობის შესახებ შეთანხმებას.2024 წლის იანვარში უკრაინამ და გაერთიანებულმა სამეფომ ხელი მოაწერეს ორმხრივ უსაფრთხოების შეთანხმებას, რომელიც გახდა პირველი მსგავსი შეთანხმებების სერიებიდან, გაფორმებული მრავალ პარტნიორთან.

1768555082

„შეხვედრისას ამერიკულმა მხარემ მინისტრის მოადგილეს მიაწოდა დეტალური ინფორმაცია სახელმწიფო დეპარტამენტის გადაწყვეტილების თაობაზე, რომელიც ეხება კონკრეტული კატეგორიის ვიზების წარმოების დროებით შეჩერების საკითხს.კერძოდ, ელჩის მოვალეობის შემსრულებელმა განმარტა, რომ მსოფლიოს 70-ზე მეტი ქვეყნის, მათ შორის საქართველოს მოქალაქეებისთვის სავიზო საქმის წარმოების შეჩერება ეხება მხოლოდ საიმიგრაციო ტიპის ვიზებს. აღსანიშნავია, რომ აღნიშნული არ ვრცელდება ვიზებზე, რომელიც სხვა მიზნებისთვის გაიცემა.შეხვედრის ფარგლებში, ასევე, განხილულ იქნა როგორც ორმხრივი და მრავალმხრივი საკითხები, ისე რეგიონში მიმდინარე მოვლენები”, - ნათქვამია ინფორმაციაში.

1768552585

„ძალიან მნიშვნელოვანი დღეა საქართველოს ავიაციის სექტორისთვის - ხელშეკრულების თანახმად, მომდევნო წლებში 150 მლნ აშშ დოლარის ინვესტიცია ჩაიდება თბილისის საერთაშორისო აეროპორტის გაფართოებისთვის. ძალიან მნიშვნელოვანია ის რიცხვები, რაც ზოგადად ავიაციის სექტორში გვაქვს - 2025 წელი ყველა მიმართულებით რეკორდული იყო, საქართველოს სამივე საერთაშორისო აეროპორტი  8,5 მლნ მგზავრს მოემსახურა. ეს მონაცემები გვაძლევს იმის თქმის საშუალებას, რომ თბილისის საერთაშორისო აეროპორტის გაფართოება აუცილებელია", - აღნიშნა მინისტრის მოადგილემ.ფრანგული სახელმწიფო კომპანია - Groupe ADP, რომლის მფლობელობაშიცაა თბილისის საერთაშორისო აეროპორტის მმართველი კომპანია „ტავ ჯორჯია", საქართველოს სახელმწიფოსთან შეთანხმებით, აეროპორტის მომავალი ხუთი წლით - 2031 წლის ბოლომდე  ოპერირებას განახლებული პირობებით გააგრძელებს. ხელშეკრულება ითვალისწინებს  აეროპორტის ინფრასტრუქტურის განვითარებას, მათ შორის არსებული ტერმინალის გამტარუნარიანობა გაორმაგდება და არსებული 5 მილიონი მგზავრიდან 10 მილიონს გადააჭარბებს. ასევე თვითმფრინავის 58 სადგომის რაოდენობა 65-მდე გაიზრდება.„აღნიშნული ინვესტიციით გაორმაგდება მგზავრთნაკადი, შესაბამისად, 2031 წლამდე, ვიდრე ვაზიანის საერთაშორისო აეროპორტი შევა ოპერირებაში, ADP Group და „ტავ ჯორჯია" განახორციელებს თბილისის საერთაშორისო აეროპორტის ოპერირებას. აღსანიშნავია, რომ გასამმაგდება საქართველოს აეროპორტების გაერთიანების შემოსავალი, ის ასევე პროექტის ღირებულების საავანსო თანხას, დამატებით 25 მილიონ აშშ დოლარს მიიღებს. ამასთან, აღნიშნული ხელშეკრულებით, „ტავ ჯორჯია"  მონაწილეობას მიიღებს ავიაკომპანიების მარკეტინგული წახალისების სქემებში იმისთვის, რომ მოვიზიდოთ დამატებითი ავიაკომპანიები და შევასრულოთ დამატებითი პირდაპირი ფრენები", - განაცხადა თამარ იოსელიანმა.ამასთან, მინისტრის მოადგილე ყურადღებას ამახვილებს იმ ფაქტზე, რომ საქართველოს მთავრობის გადაწყვეტილებით, შენდება ვაზიანის ახალი საერთაშორისო აეროპორტი, რომელიც 2031 წლიდან ამოქმედდება და წლიურად დაახლოებით 20 მილიონ მგზავრს მოემსახურება, თბილისის საერთაშორისო აეროპორტი კი ამ მიმართულებით ოპერირებას შეწყვეტს.

1768540320

მხოლოდ 2025 წელს, საქართველოს ბანკმა 30 საგანმანათლებლო პროექტი განახორციელა, რომელთა მეშვეობით 300 000-ზე მეტი მოსწავლისთვის, სტუდენტისთვის, ახალგაზრდა პროფესიონალისა და მასწავლებლისთვის შექმნა განათლების შესაძლებლობა.მათ შორის ერთ-ერთი გამორჩეული ინიციატივა საქართველოს ბანკის ინოვაციური ბიბლიოთეკები - იდეათეკებია.მეექვსე წელია, საქართველოს ბანკი პარტნიორებთან ერთად, მულტიფუნქციურ ბიბლიოთეკებს - იდეათეკებს მთელი საქართველოს მასშტაბით სხვადასხვა რეგიონის სკოლაში ხსნის, რითაც ახალგაზრდებს აძლევს წვდომას განათლების მისაღებად საჭირო ყველა რესურსზე.ყოველი იდეათეკა აღჭურვილია 2000-ზე მეტი წიგნისგან დაკომპლექტებული მრავალფეროვანი ბიბლიოთეკით, პროექტორებითა და კომპიუტერებით. ამასთან, სივრცე მოსწავლეებს აძლევს წვდომას STEM კუთხეზე, რაც ეხმარება მათ, გაეცნონ STEM მიმართულების საფუძვლებს და გადადგან პირველი ნაბიჯები დიდი აღმოჩენებისკენ.დღეისათვის საქართველოს ბანკის ინოვაციური ბიბლიოთეკა ქვეყნის მასშტაბით 11 რეგიონის 25 სკოლაში ფუნქციონირებს და 18 000-ზე მეტი მოსწავლისთვის ქმნის ახალი აღმოჩენებისა და შემეცნების სივრცეს.იდეათეკების პროექტი გრძელდება და ინიციატივის ფარგლებში, საქართველოს მასშტაბით კიდევ არაერთი ინოვაციური ბიბლიოთეკის გახსნა იგეგმება.საქართველოს ბანკის მიერ განხორციელებული საგანმანათლებლო პროექტების შესახებ დეტალური ინფორმაციის მისაღებად ეწვიეთ ვებგვერდს: ganatleba.bog.ge

1768480461

უწყების ინფორმაციით, გასულ წელს, ქართული ღვინო ევროპის ქვეყნებიდან ყველაზე დიდი რაოდენობით პოლონეთში გაიყიდა, სადაც 6,8 მლნ ლიტრი ღვინო იყო ექსპორტირებული. მეორე ადგილზეა გერმანია - 1,3 მლნ ლიტრი, შემდეგ ლატვია - 1,2 მლნ ლიტრი, ლიეტუვა - 703,5 ათასი ლიტრი, დიდი ბრიტანეთი - 327,7 ათასი ლიტრი, ესტონეთი 271 ათასი ლიტრი და ა.შ."ექსპორტის ზრდა აღსანიშნავია მეღვინეობით სახელგანთქმულ ისეთ ქვეყანაში, როგორიც საფრანგეთია, სადაც ქართულ ღვინოზე, განსაკუთრებით კი, ქვევრის ღვინოზე, მოთხოვნა  მუდმივად მზარდია: 2025 წელს ექსპორტირებული იყო 133 ათასამდე ლიტრი; ზრდამ, 2024 წელთან შედარებით, 63% შეადგინა.ღვინის ეროვნული სააგენტოს საქმიანობის ერთ-ერთ ძირითად მიმართულებას საერთაშორისო ბაზრებზე ქართული ღვინის პოპულარიზაცია და ცნობადობის ამაღლება წარმოადგენს. ევროპის ქვეყნებიდან ქართული ღვინის სტრატეგიული ბაზრებია დიდი ბრიტანეთი, გერმანია და პოლონეთი, ასევე პრიორიტეტულია სკანდინავიის ქვეყნები, სადაც სააგენტო ბაზრების დივერსიფიცირების მიზნით, სარეკლამო-მარკეტინგულ კამპანიებს ახორციელებს. ღვინის ეროვნული სააგენტოს ფინანსური მხარდაჭერით, ქართული ღვინის კომპანიები მონაწილეობენ ევროპის ყველა მნიშვნელოვან ღვინისა და ალკოჰოლიანი სასმელების საერთაშორისო გამოფენებში", - ნათქვამია სააგენტოს მიერ გავრცელებულ ინფორმაციაში. 

1768478909

„როგორც მოგეხსენებათ, 2025 წლის 1 დეკემბერს დიდი ბრიტანეთის საჯარო წყაროებიდან დაფინანსებულმა ტელევიზიამ BBC გამოაქვეყნა ფილმი და დაკავშირებული სხვა პუბლიკაციები, რომლებიც შეიცავენ მძიმე, საზიანო და კატეგორიულ ბრალდებებს, მათ შორის, საქართველოს ხელისუფლების მხრიდან პირველი მსოფლიო ომის დროინდელი ქიმიური იარაღი „კამიტის“ თითქოსდა გამოყენების შესახებ. აღნიშნული ბრალდებები არის ცრუ, დაუსაბუთებელი და ცილისმწამებლური.ბრალდებების აბსურდულობა, დარღვევებისა და არაკეთილსინდისიერი ქმედებების ხასიათი და მასშტაბი, გვაფიქრებინებს, რომ საქმე გვაქვს პოლიტიკურ კამპანიასთან, რომლის მიზანია წინასწარ განსაზღვრული ყალბი ნარატივით საქართველოს ხელისუფლების რეპუტაციული დაზიანება. გამოყენებული მასალების სანდოობის ხარისხი და მათი საზოგადოებისთვის წარდგენის ფორმა კი ააშკარავებს, რომ პუბლიკაციები მიზნად ისახავს საზოგადოებრივი აღქმისა და პოლიტიკური ნარატივის ფორმირებას, და არა აუდიტორიის ინფორმირებას ზუსტი, დაბალანსებული და სათანადოდ წყაროებზე დაფუძნებული ჟურნალისტიკის გზით. აღნიშნული ყალბი ნარატივი შემდგომში გავრცელდა და გაძლიერდა მრავალი მაღალი რანგის უცხოელი ოფიციალური პირის თუ შიდა პოლიტიკური აქტორის მიერ და გამოიყენება როგორც პოლიტიკურად მოტივირებული თავდასხმის ინსტრუმენტი საქართველოს მმართველი პოლიტიკური პარტიის „ქართული ოცნების“ წინააღმდეგ.აქედან გამომდინარე, BBC-ის ცილისმწამებლური პუბლიკაციების გამოსვლის დღესვე ჩვენს მიერ გაცხადებული განზრახვის შესაბამისად, პარტია „ქართული ოცნება - დემოკრატიული საქართველოს“ სახელით გუშინ, ოფიციალური საჩივრით მივმართეთ BBC-ის.რაც შეეხება საჩივრის დასაბუთებას და ჩვენს მოთხოვნას.აღნიშნული ფილმი და თანმხლები პუბლიკაციები შეიცავს სერიოზულ და დაუდასტურებელ ბრალდებებს, რომლებიც არღვევს თავად BBC-ის სარედაქციო სტანდარტებს, დიდი ბრიტანეთის კომუნიკაციების მარეგულირებელი ბიუროს (ოფკომი) მაუწყებლობის კოდექსს და პასუხისმგებლობიანი ჟურნალისტიკის ფუნდამენტურ პრინციპებს.პირველ რიგში, საქმე გვაქვს სიზუსტის ვალდებულების უხეშ დარღვევასთან. BBC-იმ მის პუბლიკაციებში ფაქტად წარმოადგინა მტკიცება, თითქოს საქართველოს სამართალდამცავმა ორგანოებმა საპროტესტო აქციების დროს გამოიყენეს ქიმიური ნივთიერება „კამიტი“. ეს მტკიცება არ ეფუძნება არც ერთ გადამოწმებულ, დამოუკიდებელ ან სანდო წყაროს. პირიქით, ჩატარებული გამოძიების შედეგად დადასტურდა, რომ აღნიშნული ნივთიერება შინაგანს საქმეთა სამინისტროს არათუ არასდროს გამოუყენებია, ის მას მფლობელობაშიც არასდროს ჰქონია.BBC თავის პუბლიკაციებში ასევე მცდარად წარმოაჩენს ფაქტებს ისე, თითქოს შეკრებების მონაწილეები სამართალდამცავი ორგანოების მიმართ ძალადობრივ ქმედებებს არ ახორციელებდნენ, და მიუხედავად ამისა სამართალდამცავმა ორგანოებმა მაინც დაშალეს შეკრებები.გარდა ამისა, BBC ცრუდ და სანდო მტკიცებულებების გარეშე ამტკიცებს, თითქოს „ქართული ოცნების“ საპატიო თავმჯდომარე, ბიძინა ივანიშვილი, მონაწილეობდა 2024 წლის ნოემბერ-დეკემბერში გამართული ძალადობრივი შეკრებების დაშლასთან დაკავშირებულ გადაწყვეტილებების მიღების პროცესში.მეორე მნიშვნელოვანი პრობლემა არის მიუკერძოებლობის დარღვევა. პროგრამა ავითარებს აშკარად ერთმხრივ ნარატივს და საქართველოს ხელისუფლებას წარმოაჩენს როგორც ძალადობრივი ქმედებების ორგანიზატორს, „პრორუსულს“, „რუსული ინტერესების მხარეს მდგომს“ და ა.შ. ამავე დროს, იგნორირებულია ხელისუფლების პოზიცია, სამართალდამცავი ორგანოების ოფიციალური განმარტებები და ის კონტექსტი, რომელიც აუცილებელია მოვლენების ობიექტურად გასაანალიზებლად.მესამე საკითხი ეხება სამართლიანობისა და პასუხის უფლების უგულებელყოფას. BBC-მ საქართველოს ხელისუფლებას მძიმე ბრალდებებთან დაკავშირებით მიმართა ეთერამდე მხოლოდ რამდენიმე დღით ადრე. ეს პრაქტიკა ეწინააღმდეგება თავად BBC-ის სარედაქციო წესებს, რომლებიც მძიმე და რეპუტაციისთვის დამაზიანებელი ბრალდებების შემთხვევაში ითხოვს რეალურ კომუნიკაციას ადეკვატური ვადის დაცვით.ასევე მნიშვნელოვანია აღინიშნოს ცილისწამების ელემენტები. პროგრამაში გამოყენებულია კონკრეტული პირების განცხადებები, რომელთა სანდოობა, ინტერესთა კონფლიქტი და წარსული არ არის გამჟღავნებული აუდიტორიისთვის. შედეგად, მაყურებელი იღებს დამახინჯებულ სურათს, სადაც ვარაუდები და ჰიპოთეზები წარმოდგენილია როგორც დადასტურებული ფაქტები.საჩივარი სრულად ეყრდნობა BBC-ის სარედაქციო პრინციპებს, ბრიტანეთის კომუნიკაციის ბიუროს მაუწყებლობის კოდექსს, ასევე ადამიანის უფლებათა ევროპული სასამართლოს პრაქტიკას, რომელიც მკაფიოდ ადგენს, რომ მძიმე ბრალდებების გავრცელებისას ჟურნალისტს ეკისრება უმაღლესი სიზუსტის, გადამოწმებისა და სამართლიანობის ვალდებულება.ჩვენი საჩივრით მოთხოვნილი გვაქვს: ფილმისა და მასთან დაკავშირებული მასალების აღება შესაბამისი პლატფორმებიდან BBC-ის მხრიდან საჯარო და მკაფიო ბოდიშის მოხდა, ფაქტობრივი საფუძვლის გარეშე ვარაუდისა და მტკიცებისთვის, თითქოს საქართველოს სამართალდამცავმა ორგანოებმა გამოიყენეს „კამიტი“ ფაქტობრივი საფუძვლის გარეშე ინფორმაციის გავრცელებისთვის, თითქოს საქართველოს სამართალდამცავმა ორგანოებმა ფიზიკური ძალა გამოიყენეს იმ პირობებში, როდესაც შეკრებების მონაწილეები მათზე თავდასხმას არ ახორციელებდნენ ფაქტობრივი საფუძვლის გარეშე გაკეთებული მტკიცებისთვის, თითქოს „ქართული ოცნების“ ინტერესები რუსეთის ინტერესებთან თანხვედრაშია ფაქტობრივი საფუძვლის გარეშე ინფორმაციის გავრცელებისთვის, თითქოს „ქართული ოცნების“ საპატიო თავმჯდომარე მონაწილეობდა ძალადობრივი შეკრებების დაშლის შესახებ გადაწყვეტილებებში აქვე განვმარტავ, რომ დიდი ბრიტანეთის კანონმდებლობის შესაბამისად დაწესებულია გასაჩივრების თანმიმდევრობა, რომლის მიხედვითაც დაზარალებულმა ჯერ უნდა მიმართოს თავად მედიას, რაც ჩვენ ჩვენი გუშინდელი საჩივრით გავაკეთეთ.თუ BBC თავად არ გამოასწორებს დარღვევას, შემდეგი ეტაპი არის ბრიტანეთის კომუნიკაციების ბიუროსადმი (ოფკომს) მიმართვა. თუ იქაც არ აღმოიფხვრა დარღვევა, ამის შემდეგ გვექნება შესაძლებლობა მივმართოთ დიდი ბრიტანეთის სასამართლოს.საქართველოს წინააღმდეგ ამ საძაგელი კამპანიის მხილებისთვის ჩვენ ყველა სამართლებრივ საშუალებას გამოვიყენებთ, მათ შორის, ადამიანის უფლებათა ევროპულ სასამართლოსადმი მიმართვის უფლებას“, - განაცხადა პაპუაშვილმა.

1768476881