მერცი უსაფრთხოების საბჭოს იწვევს – საავიაციო ნავთის საკითხზე

სერვისის ფარგლებში მომხმარებელს შეუძლია, გამოიძახოს პერსონალური მენეჯერი, რომელიც ადგილზე მივა, შეაფასებს ავტომობილის მდგომარეობას, გადაიყვანს სერვისცენტრში და შეათანხმებს ყველა საჭირო მომსახურებას, უზრუნველყოფს საჭირო სამუშაოების შესრულებას და დასრულების შემდეგ ავტომობილს მომხმარებლისთვის სასურველ მისამართზე დააბრუნებს. Tegeta Comfort ასევე მოიცავს ადგილზე აკუმულატორის მიტანა-მონტაჟის სერვისს.ვაჟა ილურიძე „თეგეტა მოტორსის” საცალო გაყიდვების განყოფილების ხელმძღვანელი: „თეგეტა მოტორსში“ გამუდმებით ვქმნით და ვნერგავთ ახალ სტანდარტებს, რომლებიც ავტომობილის მფლობელებს მომსახურებას კიდევ უფრო გაუმარტივებს. ბაზრისთვის გვსურდა, შეგვეთავაზებინა მომსახურების ისეთი მოდელი, რომელიც იქნებოდა მოქნილი, სწრაფი და რაც მთავარია, მომხმარებელს საშუალებას მისცემდა, დაეზოგა დრო. Tegeta Comfort - სახელწოდებაც მიანიშნებს, რომ სერვისი მომხმარებლისთვის სწორედ კომფორტის შექმნას ისახავს მიზნად.ავტომობილის მფლობელებს, რომლებიც Tegeta Comfort-ს გამოიყენებენ, ჩვენს ფილიალში მოსვლა აღარ დასჭირდებათ. პერსონალური მენეჯერი ავტომობილს ადგილზე მიაკითხავს და შესაკეთებლად სერვისცენტრში წაიყვანს. ჩვენი მთავარი მიზანია, მომხმარებელს კიდევ უფრო გავუმარტივოთ ავტომობილის მოვლა და ეს პროცესი მეტად სასიამოვნო გავხადოთ“.სერვისით სარგებლობა შესაძლებელია ორი გზით: ქოლ-ცენტრში დარეკვით ნომერზე - 0322264444 ან Tegeta App-ის საშუალებით. მოთხოვნის გენერირების შემთხვევაში განაცხადი პერსონალურ მენეჯერთან გადამისამართდება, ხოლო მომხმარებელი უკუკავშირს მაქსიმუმ 10 წუთში მიიღებს.პერსონალური მენეჯერის გამოძახება შესაძლებელია თბილისსა და ბათუმში. Tegeta Comfort-ის გუნდის წევრი ადგილზე მისვლისას ათვალიერებს ავტომობილს, რათა სერვისცენტრში წაყვანამდე მისი მდგომარეობა დეტალურად შეფასდეს. მომხმარებელთან შეთანხმებისა და ტექნიკური დეტალების გავლის შემდეგ კი ავტომობილი „თეგეტა მოტორსის“ შესაბამის ცენტრში გადაჰყავს. მომხმარებელი მომსახურებას მაქსიმალურად სწრაფად და კომფორტულად იღებს.მომსახურების საფასურის გადახდა შესაძლებელია უნაღდო ანგარიშსწორებით: როგორც ხელშეკრულების გაფორმებისას საბანკო გადარიცხვით, ისე ადგილზე POS-ტერმინალის საშუალებით.Tegeta Comfort-ის მიზანი მომხმარებლის დროის მაქსიმალურად დაზოგვა და ავტომობილის მომსახურების პროცესის გამარტივებაა - სერვისცენტრში ვიზიტის გარეშე, კომფორტულად და მოქნილი კომუნიკაციით.„თეგეტა მოტორსის“ შესახებ: „თეგეტა ჰოლდინგში“ შემავალი კომპანია „თეგეტა მოტორსი“ 1995 წლიდან ოპერირებს ბაზარზე მსუბუქი, სატვირთო და სპეციალური დანიშნულების სერვისის მიმართულებით. ავტოინდუსტრიის ლიდერი კომპანია მომხმარებელს ავტომომსახურების სრულ სპექტრს სთავაზობს, როგორც მსუბუქი და სატვირთო ავტომობილების, ისე ავტობუსებისა და მიკროავტობუსების, ასევე სპეციალური დანიშნულების ტექნიკის მიმართულებით. კომპანიას მთელი ქვეყნის მასშტაბით 28 ფილიალი აქვს, რომლებიც 500 000-მდე საცალო და 35 000-მდე კორპორაციულ მომხმარებელს ემსახურება. „თეგეტა მოტორსი“ არაერთი პრემიუმ ბრენდის ოფიციალური წარმომადგენელია საქართველოში, მათ შორის არის Bridgestone, Michelin, Varta, Shell, Motul, Hengst და სხვა.(R)

1776691047

ბანკის ინფორმაციით, საერთაშორისო პლატფორმებზე სილქის მომხმარებლისთვის ნებისმიერ ვალუტაში  ტრანზაქცია მომგებიანი გახდა.Silk ბანკის ბარათით (სადებეტო) შესყიდვაზე ბრუნდება 1% (Apple Pay) და 0.5% (Google Pay ).თიბისის და საქართველოს ბანკის ინფორმაციით, საერთაშორისო არხებში სადებეტო ბარათით ლარში (GEL) გადახდაზე, საკომისიო, თიბისიმ, საქართველოს ბანკმა და ლიბერთიმ დააწესეს (15 აპრილიდან). ლიბერთის ახალი მფლობელი, ბაზისბანკი, ბაზისის კლიენტურას საკომისიოს არ უმატებს, თუმცა არც ლიბერთის მომხმარებელს უნულებს.როგორც იცით, ჩინურმა ჰუალინგ ჯგუფმა ლიბერთის აქტივები, უზრუნველყოფილი სესხით შეიძინა (გავრცელებული ინფორმაციით, თიბისიმ დააკრედიტა). თუმცა ჯერ შერწყმის პროცესი არ დაწყებულა.საერთაშორისო ელექტრონული კომერციით ან/ პოს-ტერმინალზე სადებეტო ბარათით გადახდისას, 1.5% საკომისიო მოქმედებს მხოლოდ ლარზე (max: ₾10). ანგარიშსწორების უცხოური ვალუტის (USD, EUR, GBP ...) არჩევისას საკომისიო 0%-ია. ცვლილება ეხება ყველაზე პოპულარულ საიტებს (Pinduoduo; Temu; Shein...) , მ.შ. WizzAir-ზერეფანდის შემთხვევაში, საკომისიო უკან არ ბრუნდება.

1776689158

თიბისის მხარდაჭერით, ღონისძიებაზე პანელური დისკუსია გაიმართა - „როგორ შენდება მსხვილი პროექტები საქართველოში - შესყიდვები და გადაწყვეტილებები“. კონფერენციაზე მსხვილმა სამშენებლო კომპანიებმა საკუთარი გამოცდილების შესახებ ისაუბრეს და მცირე და საშუალო მწარმოებლებს რეკომენდაციები გაუზიარეს, რაც მათ ბიზნესის გაფართოებაში დაეხმარებათ.„თიბისი, როგორც ბიზნესის N1 პარტნიორი, მხარს უჭერს სამშენებლო მასალების საერთაშორისო გამოფენას, რომელიც აერთიანებს კომპანიებს საქართველოდან და რეგიონის ქვეყნებიდან. მშენებლობასა და უძრავ ქონებასთან დაკავშირებული საქმიანობები საქართველოს ეკონომიკის მსხვილი და სწრაფად მზარდი მიმართულებაა. გასულ წელს ქვეყნის მშპ-ს 17% სწორედ ამ სექტორზე მოდიოდა, თიბისის წილი კი ამ ბაზარზე 45%-მდეა და ლიდერის პოზიცია გვიჭირავს. ბოლო წლებში სწრაფად გაფართოვდა სამშენებლო და სარემონტო მასალების ბაზარიც - გაორმაგდა თიბისის დაფინანსებაც და ბანკის პორტფელმა 730 მილიონ ლარს მიაღწია. თუმცა, ჩვენი მიზანი არ შემოიფარგლება მხოლოდ ფინანსური მხარდაჭერით: Caucasus Build-ის პლატფორმით ვაძლიერებთ ბიზნესკავშირებს, ვაზიარებთ გამოცდილებას და ვქმნით რეალურ შესაძლებლობებს კომპანიებისთვის. ამით ხელს ვუწყობთ სექტორის ზრდას და ეკონომიკის გრძელვადიან განვითარებას”, - გიორგი დარჩიაშვილი, თიბისის მსხვილი და საშუალო კორპორატიული კლიენტების მომსახურების დეპარტამენტის დირექტორი.„Caucasus Build არის პლატფორმა, რომელიც ყოველწლიურად აერთიანებს სამშენებლო სექტორის მთავარ მოთამაშეებს და ქმნის სივრცეს ახალი პარტნიორობებისა და რეალური ბიზნეს შესაძლებლობებისთვის. წელს განსაკუთრებით მნიშვნელოვანია ის მრავალფეროვნება და მასშტაბი, რასაც გამოფენა სთავაზობს როგორც პროფესიონალებს, ასევე იმ ადამიანებს, ვინც საკუთარ სამშენებლო თუ სარემონტო პროექტებს გეგმავს. ჩვენთვის მნიშვნელოვანია, რომ ექსპო ჯორჯია იყოს ადგილი, სადაც ყალიბდება თანამშრომლობა კომპანიებს შორის  და იწყება ახალი პროექტები”, - რესან ქიქავა, “ექსპო ჯორჯიას” აღმასრულებელი დირექტორი.

1776688672

ნილსონის თქმით, რუსეთის ფედერაციის ბიუჯეტის დეფიციტის დასაფარად, კრემლისთვის აუცილებელია, რომ Urals-ის მარკის ნავთობის ფასი წლის განმავლობაში ბარელზე 100 დოლარზე მაღალი იყოს.მან ასევე დასძინა, რომ რუსეთის სხვა ეკონომიკური პრობლემების გადასაჭრელად, Urals-ის ფასი ამ დონეზე კიდევ უფრო დიდხანს უნდა შენარჩუნდეს.ნილსონმა Financial Times-თან აღნიშნა, რომ რუსეთს კიდევ უფრო დიდი სირთულეები ექნება უკრაინაში საკუთარი ინტერვენციის დასაფინანსებლად (რომელიც უკვე მეხუთე წელია გრძელდება), თუ აშშ-სა და ისრაელის ზავი ირანთან შენარჩუნდება, ხოლო ნავთობის ფასები დასტაბილურდება.„მათ კვლავ აქვთ სისტემური პრობლემა. საომარი მასალების წარმოება, რომლებიც შემდეგ ბრძოლის ველზე ნადგურდება, არ წარმოადგენს ზრდის მდგრად მოდელს“, – აღნიშნა მან. ნილსონმა დასძინა, რომ რუსეთის ეკონომიკური პრობლემები გავრცელდა თავად თავდაცვის სექტორზეც, რომელიც ქვეყნის ეკონომიკური ზრდის უდიდეს ნაწილს უზრუნველყოფს იმ პირობებში, როდესაც სამოქალაქო სექტორი სირთულეებს განიცდის.მისი თქმით, მოსკოვი დაფინანსებას იმ სფეროებისკენ მიმართავს, სადაც ომის ხასიათი იცვლება, კერძოდ, უპილოტო სისტემებსა და შორ მანძილზე მოქმედ იარაღზე. თუმცა, უპილოტო საფრენი აპარატების დარგის მიღმა, რუსეთის სამხედრო-სამრეწველო კომპლექსი წამგებიანი იყო, კორუფციითა და მითვისებით მოცული და სახელმწიფო ბანკების კრედიტებზე დამოკიდებული, დასძინა ნილსონმა.შვედეთი ფლობს სადაზვერვო მონაცემებს, რომლებიც მიუთითებენ, რომ რუსეთი სისტემატურად მანიპულირებს მონაცემებით, რათა უკრაინის დასავლელი მოკავშირეები შეცდომაში შეიყვანოს და დააჯეროს, თითქოს მისმა ეკონომიკამ გაუძლო უზარმაზარი სამხედრო ხარჯებისა და დასავლური სანქციების დაწოლას, განაცხადა ნილსონმა.ნილსონმა აღნიშნა, რომ რეალური სიტუაცია კიდევ უფრო უარესია და რუსეთის ცენტრალური ბანკი ამცირებს ინფლაციის მაჩვენებლებს, რომელიც, მისი აზრით, 15%-იან რეფინანსირების განაკვეთს უახლოვდება და არა ოფიციალურ 5.86%-ს.ამასთან, შვედეთის დაზვერვამ ყურადღება გაამახვილა ზოგიერთ ფინანსურ მაჩვენებელზე, რაც შესაძლოა მიუთითებდეს რუსეთის ფედერაციაში მომავალ საბანკო კრიზისზე.„თუ თქვენ შექმენით ისეთი სისტემა, როგორიც პუტინმა, შესაძლოა არც იცოდეთ, სინამდვილეში რამდენად ცუდია ეკონომიკური სიტუაცია. მაგრამ იმ მცდარი ინფორმაციითაც კი, რომელსაც ის იღებს, საბოლოოდ ის ამ ყველაფერს თავს ვერ დააღწევს“, – ხაზგასმით აღნიშნა ნილსონმა.თებერვლის დასაწყისში გერმანიის ფედერალურმა სადაზვერვო სამსახურმა განაცხადა, რომ გასულ წელს რუსეთის სამხედრო ხარჯებმა, სავარაუდოდ, სახელმწიფო ბიუჯეტის ნახევარი და მშპ-ის 10% შეადგინა.თავის მხრივ, ლატვიის კონსტიტუციის დაცვის ბიურო აღნიშნავდა, რომ რუსეთის შიგნით აღიარებენ, რომ სანქციები ქვეყანას უზარმაზარ ზიანს აყენებს და მომავალშიც მიაყენებს.

1776686975

ისრაელის თავდაცვის ძალების (IDF), „მოსადისა“ და „შინ ბეტის“ ერთობლივი განცხადების თანახმად, ირანული ქსელის საქმიანობა აზერბაიჯანის ხელისუფლებასთან კოორდინაციით აღიკვეთა. ოპერაციის ფარგლებში დაკავებულ პირებს აღმოაჩნდათ კონტრაბანდული გზით შეტანილი ასაფეთქებელი დრონები, საბრძოლო მასალა და სადაზვერვო მონაცემები პოტენციური სამიზნეების შესახებ.„მთავარი გეგმა მოიცავდა იერიშს ბაქო-თბილისი-ჯეიჰანის ნავთობსადენზე, რომელიც საქართველოსა და თურქეთის ტერიტორიაზე გადის“, – ნათქვამია ისრაელის ძალოვანი უწყებების განცხადებაში. ნავთობსადენი რეგიონული ენერგოუსაფრთხოების კრიტიკული ნაწილია და დასავლეთის ბაზრებისთვის ნედლი ნავთობის მიწოდების ერთ-ერთ მთავარ არტერიას წარმოადგენს.ისრაელის მტკიცებით, სამიზნეებს შორის ასევე იყო ისრაელის საელჩო ბაქოში და ადგილობრივი სინაგოგა. განცხადების მიხედვით, დაკავებული ოპერატიული მუშაკები ირანის მაღალჩინოსნების პირდაპირი მითითებით მოქმედებდნენ და ჩართულნი იყვნენ ობიექტების ფარულ თვალთვალსა და ფოტოგადაღებაში.ბრალდებები იმ ფონზე ვრცელდება, როდესაც რეგიონში გეოპოლიტიკური დაძაბულობა პიკს აღწევს. ირანსა და ისრაელს შორის ფარული დაპირისპირება ბოლო პერიოდში ღია სამხედრო კონფლიქტში გადაიზარდა, რამაც გლობალურ ენერგობაზარზე ნავთობის ფასების რეკორდული ზრდა გამოიწვია.აზერბაიჯანის უსაფრთხოების სამსახურმა აღნიშნული ქსელის შესახებ ინფორმაცია პირველად მარტის დასაწყისში გაავრცელა, თუმცა ისრაელის სპეცსამსახურების დღევანდელმა განცხადებამ ნათელი მოჰფინა IRGC-ის საგარეო ოპერაციების აპარატის სავარაუდო მასშტაბებს.თეირანს ისრაელის დღევანდელ ბრალდებებზე ოფიციალური კომენტარი ჯერ არ გაუკეთებია. ირანი წარსულში მსგავს ბრალდებებს, რომლებიც სხვადასხვა ქვეყნებში დივერსიების მომზადებას ეხებოდა, არაერთხელ უარყოფდა.„მოსადი“ და IDF აცხადებენ, რომ აგრძელებენ მუშაობას საერთაშორისო პარტნიორებთან რეგიონული სტრატეგიული ინფრასტრუქტურის დასაცავად. BTC ნავთობსადენზე შესაძლო თავდასხმა სერიოზულ საფრთხეს შეუქმნიდა არა მხოლოდ აზერბაიჯანის, არამედ სატრანზიტო ქვეყნების - საქართველოსა და თურქეთის ეკონომიკურ სტაბილურობას.

1776686834

უზრუნველყოფის გარეშე სამომხმარებლო სესხების ზრდის დასაჩქარებლად, TBC-მ სრულად განაახლა ციფრული მომხმარებლის გზა ყველა ასეთ პროდუქტზე, რის შედეგადაც თანხის მიღების დრო (time-to-cash) შემცირდა 5 წუთიდან 2 წუთზე ნაკლებამდე, ხოლო პროცესის შეწყვეტის მაჩვენებელი (drop-off rate) 7%-დან 4%-მდე.გარდა ამისა, FCL-ებისთვის TBC-მ დინამიკური საკრედიტო ლიმიტები დანერგა, რომლებიც ავტომატურად განახლდება მომხმარებლის უახლესი პროფილის მიხედვით, რამაც საშუალოდ თვეში ₾13 მლნ-ის დამატებითი გაცემები უზრუნველყო. ასევე, ბანკმა NPV-ზე დაფუძნებული სესხის ფასდადების მოდელი, რაც უზრუნველყოფს უფრო დისციპლინირებულ ფასდადებას და რისკზე მორგებული შემოსავლიანობის ოპტიმიზაციას.შედეგად, TBC ბანკის FCL-ების - ამ კატეგორიის მათი მთავარი პროდუქტის - ციფრულად გაცემული წილი გაიზარდა 2პ.პ-ით და წლის ბოლოს 70%-ს მიაღწია.4Q25-ში ბანკმა სრულად გააციფრულა საკრედიტო ბარათების შეთავაზება, რომელიც მანამდე მხოლოდ ფიზიკური არხებით იყო ხელმისაწვდომი. შედეგად, საკრედიტო ბარათების დიგიტალიზაციის მაჩვენებელმა წლის ბოლოს 42%-ს მიაღწია.ამავდროულად, ბანკის ცნობით, BNPL (Buy Now, Pay Later/განაწილება) და განვადების პროდუქტების დიგიტალიზაციის დონემ 95% შეადგინა. BNPL/განვადების პროდუქტებზე მოთხოვნა წლიურად 96%-ით გაიზარდა და ბაზარზე ყველა ციფრული სესხის განაცხადის თითქმის 50%-ს შეადგენდა, რაც მას ბანკისთვის მომხმარებელთა მოზიდვის ძლიერ ინსტრუმენტად აქცევს.საერთო ჯამში, 2025 წელს უზრუნველყოფის გარეშე სესხების მომხმარებელთა ბაზა 9%-ით გაიზარდა და დაახლოებით 465,000 მომხმარებელს მიაღწია, საიდანაც სესხების 83% ციფრულად გაიცა.ამასთანავე, TBC Uzbekistan-მა დაასრულა TBC BNPL-ის სპეციალიზებული კომპანიის ჩამოყალიბება, რომელიც 2026 წლიდან BNPL ბიზნესის გაფართოებას დააჩქარებს.

1776682699

„კონტრტერორისტული ცენტრისთვის აღნიშნული პირების შესახებ ცნობილი იყო, ასევე წინასწარ ვფლობდით ინფორმაციას მათი საქართველოში შემოსვლისა და შემოსვლის მიზნობრიობის შესახებ. ისინი საქართველოში ცალ-ცალკე ჩამოვიდნენ და დაბინავდნენ ნაქირავებ ბინაში. შემოსვლის დღიდანვე ორივე მათგანი იმყოფებოდა კონტრტერორისტული ცენტრის ოპერატიული კონტროლის ქვეშ, რაც მოსამართლის განჩინებების საფუძველზე ხორციელდებოდა.გამოძიებით დადგენილია, რომ აღნიშნული პირები გაწევრიანდნენ ტერორისტულ ორგანიზაცია „ისლამური სახელმწიფოს“ რიგებში, დადეს ერთგულების ფიცი (ე.წ. ბაიათი), რაც ასახეს ვიდეოფაილის სახით და გადაუგზავნეს ორგანიზაციის ლიდერებს, რითაც უპირობო მორჩილება გამოუცხადეს მათ. ისინი მზად იყვნენ „ისლამური სახელმწიფოს“ ლიდერების ნებისმიერი სახის დავალების შესასრულებლად. გამოძიებით ასევე დგინდება, რომ დაკავებულები საქართველოდან მიემგზავრებოდნენ სხვა ქვეყანაში, სადაც უნდა შეერთებოდნენ „ისლამური სახელმწიფოს“ მებრძოლებს.საგამოძიებო მოქმედებების შედეგად ამოღებულია ელექტრონული ინფორმაციის მატარებელი მოწყობილობები, დაურეგისტრირებელი სიმბარათები, მობილური ტელეფონები, ტერორისტული ორგანიზაცია „ისლამური სახელმწიფოს“ სიმბოლიკის ამსახველი ნივთები, ნიღბები, პირადი დოკუმენტები და საქმისათვის მნიშვნელობის მქონე სხვა მტკიცებულებები.აღნიშნულ ფაქტთან დაკავშირებით გამოძიება სისხლის სამართლის კოდექსის 328-ე მუხლით მიმდინარეობს, რაც უცხო ქვეყნის ტერორისტულ ორგანიზაციაში გაერთიანებას და ტერორისტულ საქმიანობაში დახმარებას გულისხმობს. დანაშაული სასჯელის სახით 10-დან 17 წლამდე პატიმრობას ითვალისწინებს.სახელმწიფო უსაფრთხოების სამსახური ტერორიზმის წინააღმდეგ ბრძოლის საერთაშორისო სისტემის საიმედო პარტნიორია. ჩვენ აქტიურად ვაგრძელებთ საერთაშორისო ტერორიზმთან დაკავშირებული პრევენციული ღონისძიებების გატარებას“, – ნათქვამია სუს–ის განცხადებაში.

1776681747

ჯგუფის განცხადებით, 2025 წელს TBC ბანკმა გადაინაცვლა მონაცემთა და AI ტრანსფორმაციის შემდეგ ეტაპზე - ექსპერიმენტებიდან მასშტაბურ გავლენაზე, რამდენიმე მნიშვნელოვანი ინიციატივის მეშვეობით. კერძოდ, გენერაციულ AI-ზე დაფუძნებული ჩატბოტები, რომლებიც 2025 წლის მესამე კვარტალში ამოქმედდა, უკვე ამუშავებს თვეში 100,000-ზე მეტ ინტერაქციას, 50%-იანი გადატვირთვის შემცირების მაჩვენებლით. შიდა პროცესებში 70-ზე მეტი სამუშაო ნაკადი - დოკუმენტების დამუშავებიდან ანგარიშგებამდე - უკვე ავტომატიზებულია ან AI-ის დახმარებით სრულდება.გარდა ამისა, დანერგილია რვა RAG-ზე (Retrieval-Augmented Generation) დაფუძნებული ცოდნის ბაზა, რომლებიც უზრუნველყოფს სწრაფ წვდომას გადამოწმებულ ინსტიტუციურ ცოდნაზე ძირითად ფუნქციებში, მათ შორის რისკების მართვა, იურიდიული მიმართულება, ოპერაციები და HR.“ეს მიღწევები ცხადყოფს, რომ მონაცემთა და AI შესაძლებლობები უკვე ღრმად არის ინტეგრირებული TBC ბანკის ოპერაციულ მოდელში და ქმნის რეალურ გავლენას მომხმარებლის გამოცდილებაზე, ეფექტიანობასა და გადაწყვეტილებების მიღებაზე”, - აცხადებს TBC PLC.გარდა ამისა, ჯგუფის თქმით,  TBC-მ კიდევ უფრო გააძლიერა კიბერუსაფრთხოების შესაძლებლობები, რათა უზრუნველყოს მდგრადი ციფრული ზრდა და გაფართოება. განვითარების გუნდები გაძლიერდა უსაფრთხო კოდირების ტრენინგებით, რაც ხელს უწყობს „უსაფრთხოება დიზაინიდანვე“ კულტურის დანერგვას. ჯგუფის დონეზე უსაფრთხოების ოპერაციების ცენტრის შესაძლებლობები გამდიდრდა მოწინავე საფრთხეების ინტელექტით, რაც უზრუნველყოფს ახალი საფრთხეების უფრო სწრაფ გამოვლენასა და რეაგირებას.

1776681118