საიამ მზია ამაღლობელის საქმეზე სტრასბურგის სასამართლოს მიმართა

თიბისი კაპიტალი ტრანზაქციის ექსკლუზიური ფინანსური მრჩეველი იყო. წარმატებული IPO კიდევ ერთხელ უსვამს ხაზს თიბისი კაპიტალის მზარდ როლს რეგიონულ საინვესტიციო საბანკო საქმიანობაში და ადასტურებს მის შესაძლებლობას, მხარი დაუჭიროს კაპიტალის ბაზრების კომპლექსურ ტრანზაქციებს საქართველოს ფარგლებს გარეთ.ტრანზაქციის ფარგლებში PASHA Bank-მა კაპიტალის 5%-ის შესაბამისი ჩვეულებრივი აქციები განათავსა, რომელიც ბაქოს საფონდო ბირჟაზე დაილისტა. შეთავაზების მოცულობამ დაახლოებით 51.3 მილიონი აზერბაიჯანული მანათი (~30.2 მილიონი აშშ დოლარი) შეადგინა; ტრანზაქციაში 18,000-ზე მეტმა ინვესტორმა მიიღო მონაწილეობა. მოთხოვნამ შეთავაზებულ მოცულობას დაახლოებით  1.3-ჯერ გადააჭარბა. შედეგად, PASHA Bank-ის IPO აზერბაიჯანის კაპიტალის ბაზარზე ერთ-ერთი ყველაზე წარმატებული საჯარო შეთავაზებაა.„პაშა ბანკის IPO მნიშვნელოვანი ეტაპია როგორც აზერბაიჯანის, ისე რეგიონის კაპიტალის ბაზრის განვითარებისთვის. ვფიქრობ, ეს ტრანზაქცია დასტურია, რომ კომპანიებს შეუძლიათ მსგავსი ტრანზაქციების განხორციელება რეგიონულ კაპიტალის  ბაზრებზე. პაშა ბანკთან და ტრანზაქციაში ჩართულ სხვა მხარეებთან თითქმის ერთწლიანმა აქტიურმა მუშაობამ, შესაძლებელი გახადა ბაზრის ინტერესისა და საჭიროებების უკეთ შეფასება, რამაც ტრანზაქციის წარმატება განაპირობა.ეს ტრანზაქცია ხაზს უსვამს თიბისი კაპიტალის ლიდერულ პოზიციას რეგიონის საინვესტიციო ბანკებს შორის და ადასტურებს მის შესაძლებლობას, წარმატებით განახორციელოს კაპიტალის ბაზრის კომპლექსური ტრანზაქციები არამარტო საქართველოში, არამედ მის ფარგლებს გარეთაც. უზბეკეთის შემდეგ, აზერბაიჯანი უკვე მეორე ბაზარია, სადაც საქმიანობა გავაფართოვეთ. ეს ჩვენთვის მნიშვნელოვანი ნაბიჯია რეგიონული პოზიციის გაძლიერებისა და ინვესტორებისთვის ახალი შესაძლებლობების შექმნის მიმართულებით. ვამაყობთ, რომ PASHA Bank-ს მხარი დავუჭირეთ ამ რთულ პროცესში და ვულოცავთ მის გუნდს ისტორიული ტრანზაქციის წარმატებით დახურვას”, - ოთარ შარიქაძე, თიბისი კაპიტალის დირექტორი.“ეს დღე ისტორიულია PASHA Bank-ისთვის - აზერბაიჯანის ისტორიაში კერძო ბანკის პირველი IPO წარმატებით განხორციელდა და აქციები ბაქოს საფონდო ბირჟაზე დაილისტა. 18,000-ზე მეტი ინვესტორის ნდობის მოპოვება და შეთავაზებულ მოცულობაზე მაღალი მოთხოვნა ადასტურებს ნდობას არამხოლოდ ჩვენი ბანკის მიმართ, არამედ აზერბაიჯანის კაპიტალის ბაზრისადმი ძლიერ ინტერესსაც. მჯერა, რომ ეს ნაბიჯი წარმატებული მაგალითი გახდება ბაზრის მომავალი მონაწილეებისთვის და ქვეყანაში საინვესტიციო კულტურის განვითარებას მნიშვნელოვან ბიძგს მისცემს”, - ჯავიდ გულიევი, PASHA Bank-ის აღმასრულებელი დირექტორი და აღმასრულებელი საბჭოს თავმჯდომარე.(R)

1782466269

როგორც სსფ-ს კვლევაშია ნათქვამი, სავალუტო რეზერვების ზრდამ 2026 წლის დასაწყისში ევრობონდების წარმატებულ რეფინანსირებას შეუწყო ხელი. ამასთან, მიუხედავად ახლო აღმოსავლეთში მიმდინარე ომით გამოწვეული ენერგორესურსების ფასების ზრდისა და მიმდინარე ანგარიშზე შესაძლო ზეწოლისა, ლარის გაცვლითი კურსი სტაბილური დარჩა, რაც საერთაშორისო რეზერვების გაზრდილი ბუფერების ფონზე ეროვნული ვალუტის მიმართ ნდობის გაუმჯობესებას ასახავს. კვლევაში აღნიშნულია, რომ საქართველოს საერთაშორისო რეზერვების მიმდინარე დონე ზომიერი სტრეს-სცენარების განვითარების შემთხვევაში ადეკვატურია.კვლევის შედეგები ასევე მიუთითებს, რომ საქართველოსთვის სასურველია საერთაშორისო რეზერვების დონე IMF-ის ARA მეტრიკის დაახლოებით 145-150 პროცენტზე იყოს. დამატებითი საერთაშორისო რეზერვების საჭიროება განპირობებულია იმ სარგებლით, რომელსაც მაღალი მოცულობის რეზერვები ქმნის: ამცირებს ქვეყნის სუვერენული დაფინანსების ხარჯებს, ხელს უწყობს კერძო სექტორის დოლარიზაციის შემცირებას და უზრუნველყოფს საჭირო ლიკვიდობას, რომელიც შესაძლოა საჭირო გახდეს ეროვნული ბანკის სავალუტო ინტერვენციებისთვის, გაცვლითი კურსის ჭარბი მერყეობის შესარბილებლად.კვლევის შედეგები მიუთითებს, რომ საერთაშორისო რეზერვების შემდგომი დაგროვებისთვის კვლავ არსებობს სივრცე, განსაკუთრებით გლობალური გაურკვევლობის მაღალი დონის პირობებში. საერთაშორისო სავალუტო ფონდის კვლევა ასევე აღნიშნავს, რომ ეროვნული ბანკის მიერ სავალუტო ინტერვენციების განხორციელების არსებული, ფასზე დაფუძნებული ჩარჩო შესაბამისია არსებული საერთაშორისო რეზერვების დაგროვების ტემპთან და მასშტაბის კალიბრაციისათვის, რომელიც ამავდროულად ინარჩუნებს გაცვლითი კურსის მოქნილობას საგარეო პირობების ცვლილებების საპასუხოდ.საქართველოს ეროვნული ბანკი განაგრძობს საერთაშორისო რეზერვების შევსებას. 2026 წლის მაისში სების წმინდა შესყიდვებმა $632.9 მლნ შეადგინა - მთლიანი საერთაშორისო რეზერვების მოცულობა კი მაისის მდგომარეობით $7 მლრდ-ს აჭარბებს.

1782461702

2025 წლის 31 დეკემბრის მდგომარეობით, წყალმომარაგების სისტემაზე მიერთებული იყო 2.87 მილიონი ადამიანი (მთლიანი მოსახლეობის 72.8%), რაც 2.9%-ით აღემატება წინა წლის ანალოგიურ მაჩვენებელს (2.79 მილიონი ადამიანი).2025 წელს წყალარინების (კანალიზაციის) ქსელზე მიერთებული მოსახლეობის რიცხოვნობამ 2.06 მილიონი შეადგინა (მთლიანი მოსახლეობის 52.3%), რაც წინა წლის ანალოგიურ მაჩვენებელს (2 მილიონი) აღემატება 3%-ით.2025 წელს ჩამდინარე წყლის გამწმენდ ნაგებობაზე მიერთებული მოსახლეობის რიცხოვნობამ შეადგინა 1.64 მილიონი (მთლიანი მოსახლეობის 41.6%), რაც წინა წლის ანალოგიურ მაჩვენებელს (1.59 მილიონი) აღემატება 3.1%-ით.

1782460919

გარდაცვლილთა რაოდენობის პროცენტული განაწილება გარდაცვალების მიზეზების ძირითადი კლასების მიხედვით განსხვავებულია სხვადასხვა ასაკობრივი ჯგუფებისათვის.5 წლამდე ასაკის გარდაცვლილ ბავშვებში დომინირებს პერინატალურ პერიოდში აღმოცენებული დარღვევები.5-39 წლის ასაკში ჭარბობს ტრავმები, მოწამვლები და გარეგანი მიზეზების ზემოქმედების სხვადასხვა შედეგები, რადგან აღნიშნული ასაკობრივი ჯგუფისათვის შედარებით მაღალია უბედური შემთხვევების ალბათობა, ხოლო 40 წლისა და უფროსი ასაკის მოსახლეობაში გარდაცვალების მიზეზებს შორის 2025 წელს დომინირებს სისხლის მიმოქცევის სისტემის ავადმყოფობები და სიმსივნეები.

1782460224

ლონდონის ბირჟაზე აგვისტოს ფიუჩერსების ფასი Brent-ის მარკის ნავთობზე 2,01%-ით შემცირდა და ბარელზე $73,75 შეადგინა.ამავე პერიოდში, New York Mercantile Exchange-ის (NYMEX) ელექტრონულ ვაჭრობაზე WTI-ის მარკის ნავთობის აგვისტოს ფიუჩერსები 1,5 დოლარით, ანუ 2,09%-ით გაიაფდა და ბარელზე $70,42–მდე დაეცა.მანამდე აშშ-ის ენერგეტიკის მინისტრმა განაცხადა, რომ ჰორმუზის სრუტეში გემების მოძრაობის ინტენსივობა თითქმის დაუბრუნდა იმ მაჩვენებლებს, რომლებიც რეგიონში კონფლიქტის დაწყებამდე ფიქსირდებოდა.მისი თქმით, მხოლოდ ოთხშაბათს სრუტე 72-მა გემმა გაიარა, რომლებმაც საერთო ჯამში 20 მილიონი ბარელი ნავთობი გადაიტანეს.

1782458063

Change Inspire 2026 რეგიონში ერთ-ერთ ყველაზე გავლენიან ტექნოლოგიურ პლატფორმად არის ჩამოყალიბებული. კონფერენცია ყოველწლიურად აერთიანებს საერთაშორისო ტექნოლოგიურ კომპანიებს, ბიზნესის ლიდერებს, ინოვატორებსა და ტექნოლოგიურ პროფესიონალებს, ქმნის ცოდნის გაზიარების, პროფესიული განვითარების და ახალი პარტნიორობების შესაძლებლობებს.თიბისი, როგორც ყველაზე ინოვაციური ბანკი ცენტრალურ და აღმოსავლეთ ევროპაში, კონფერენციაში Game Changer Partner-ის სტატუსით მონაწილეობს. სცენაზე წარდგებიან თიბისი ტექის პროფესიონალები, რომლებიც კონფერენციაზე შეკრებილ 1000-ზე მეტ მონაწილეს გაუზიარებენ საკუთარ გამოცდილებას და ასევე იმას, თუ როგორ ჯერათ და ქმნიან ინოვაციას თიბისიში.კონფერენციას მისასალმებელი სიტყვით გახსნის თიბისის ტექნოლოგიების მმართველობისა და პროცესების მართვის განყოფილების უფროსი გიორგი ვარამიშვილი.„თიბისიში გვჯერა, რომ ინოვაციას ძლიერი ტექნოლოგიური გუნდები ქმნიან. სწორედ ამ მიდგომამ მოგვიტანა აღიარება, როგორც ცენტრალური და აღმოსავლეთ ევროპის ყველაზე ინოვაციურ ბანკს. Change Inspire-ის მსგავსი კონფერენციები გვაძლევს შესაძლებლობას, გავცვალოთ გამოცდილება გლობალურ ტექნოლოგიურ ლიდერებთან, გავაძლიეროთ ადგილობრივი ტექნოლოგიური ეკოსისტემა და იდეები რეალურ ცვლილებებად ვაქციოთ“, - გიორგი ვარამიშვილი.კონფერენციის მთავარ სცენაზე თიბისი ტექის ლიდერებიც წარდგებიან. შოთა იორამაშვილი ისაუბრებს ორგანიზაციაში GitHub Copilot-ის წარმატებული დანერგვის გამოცდილებაზე, ჯუბო ფალელაშვილი - მსხვილ ორგანიზაციებში AI-ის ეფექტიანი მართვის პრაქტიკებზე, ხოლო ნიკა ჟორდანია მონაწილეებს გააცნობს ხელოვნურ ინტელექტზე დაფუძნებული ტესტირების ინოვაციურ მიდგომას - Memory-Driven AI Test Automation-ს.წლევანდელი კონფერენციის მთავარი თემაა „Big Tech. Global Legends. One Future.“ ღონისძიება თავს მოუყრის მსოფლიოს წამყვანი ტექნოლოგიური კომპანიების წარმომადგენლებს, მათ შორის NVIDIA-ს, Google-ის, Amazon-ის, Microsoft-ის, Google Cloud-ისა და AWS-ის ექსპერტებს, რომლებიც ტექნოლოგიური განვითარების უახლეს ტენდენციებსა და გამოცდილებას გაუზიარებენ დამსწრეებს.(R)

1782456619

ქვეყნის ჯანდაცვის მინისტრის, კარლოს ალვარადოს თქმით, ოთხშაბათს მომხდარი განმეორებითი ბიძგების შედეგად 4,300-ზე მეტი ადამიანი დაშავდა. სტიქიამ ქვეყნის მჭიდროდ დასახლებული ჩრდილოეთ შტატები დააზიანა და გარდაცვლილთა და დაშავებულთა რაოდენობის ზრდა პრაქტიკულად გარდაუვალია.ვენესუელას ეროვნული ასამბლეის პრეზიდენტმა, ხორხე როდრიგესმა ხუთშაბათს ნაშუადღევს განაცხადა, რომ დანგრეული შენობების ნანგრევებში 200-ზე მეტი ადამიანია მოყოლილი, ხოლო კიდევ 157 დაკარგულად ითვლება. სოციალურ მედიაში გავრცელებულ ვიდეოებში ჩანს ჩამონგრეული საცხოვრებელი კორპუსები დედაქალაქ კარაკასში და მის მახლობლად მდებარე საპორტო ქალაქებში - ლა-გუაირასა და კატია-ლა-მარში.შეძრწუნებული გადარჩენილები დაღუპულ ახლობლებს გლოვობენ ამ საპორტო ქალაქებში, რომლებიც ქვეყნის მთავარ საერთაშორისო აეროპორტთან ახლოს მდებარე პოპულარულ საზღვაო კურორტებს წარმოადგენენ. ზოგიერთ ადგილას ცხედრები პირდაპირ ქუჩებში ასვენია.ისააკ მირანდამ, 27 წლის ექიმმა ლა-გუაირადან, აღნიშნა, რომ მან და მისმა კოლეგებმა საავადმყოფოში ოთხშაბათს ღამით, სულ რაღაც ოთხ საათში, 50 გარდაცვალების ფაქტი დააფიქსირეს, რომელთა უმრავლესობაც ბავშვი იყო. „ყოველ წუთს უამრავი ადამიანი შემოდიოდა“, - თქვა მან, როდესაც დაზიანებული საცხოვრებელი კორპუსის წინ იდგა, სადაც თავისი 72 წლის ბაბუის საპოვნელად იყო მისული.ჰარვარდის სამედიცინო სკოლის ასოცირებულმა პროფესორმა, დოქტორმა ჯარონ ლიმ განაცხადა, რომ მიწისძვრიდან პირველი 24-დან 48 საათამდე პერიოდი გადამწყვეტია გადარჩენილთა მოსაძებნად, თუმცა ადამიანებს ნანგრევებში უფრო დიდხანს გაძლებაც შეუძლიათ. სხვა ექსპერტები კი მიიჩნევენ, რომ არსებობს 72-საათიანი „ოქროს სარკმელი“, რომლის დროსაც ყველაზე მეტი სიცოცხლის გადარჩენაა შესაძლებელი.The New York Times წერს, რომ ხუთშაბათს გადარჩენილთა ძებნის პროცესში ოჯახის წევრები, მეზობლები და სრულიად უცხო ადამიანები გაერთიანდნენ. ერთ-ერთი ჩამონგრეული შენობის გარეთ იორლიანა კოლმენარესი ნანგრევებიდან გამომავალ კაკუნის ხმას უსმენდა.„იქიდან ბევრი გარდაცვლილი ამოიყვანეს“, - თქვა მან და დასძინა, რომ სჯერა, მისი შეყვარებული ჯერ კიდევ შიგნით იმყოფება. „ამოჰყავთ დაშავებული ადამიანები, ბავშვები, ცხოველები“.ლა-გუაირას მცხოვრებლებმა აღნიშნეს, რომ ხუთშაბათს შემთხვევის ადგილებზე ძალიან ცოტა მაშველი და სამთავრობო ძალების მინიმალური ჩართულობა შეიმჩნეოდა. მიუხედავად იმისა, რომ ვენესუელა ნავთობით მდიდარი ქვეყანაა, იგი კვლავ ცდილობს თავი დააღწიოს ათწლიან დეპრესიას, რომელმაც გამოფიტა მისი სამაშველო სამსახურები, გამოიწვია ინფრასტრუქტურის გაუარესება და ინფლაცია რეკორდულ ნიშნულამდე ასწია - ეს ყველაფერი კი, სავარაუდოდ, კიდევ უფრო გაართულებს აღდგენით პროცესებს.იანკიელ როზენვალდმა, რელიგიური საქველმოქმედო ორგანიზაცია World Vision-ის მრჩეველმა ვენესუელაში, განაცხადა, რომ ქვეყნის ჯანდაცვის სისტემა და ელექტროგადამცემი ქსელი მიწისძვრამდეც სავალალო მდგომარეობაში იყო.„ეს კატასტროფა ყველაფერს საბოლოოდ ჩამოშლის“, - თქვა მან.ამასთან, აშშ–ის სახელმწიფო დეპარტამენტი აცხადებს, რომ ვაშინგტონის ადმინისტრაცია ვენესუელას მიწისძვრის შედეგების ლიკვიდაციისთვის $150 მლნ–ს გამოუყოფს. „გარდა იმისა, რომ დაუყოვნებლივ ვუწევთ დახმარებას სამძებრო-სამაშველო ოპერაციების ჩატარებაში, საჰაერო გადაზიდვებისა და საკოორდინაციო მხარდაჭერის უზრუნველყოფაში, აშშ ვენესუელას 150 მილიონ დოლარს გამოუყოფს“, — ნათქვამია უწყების განცხადებაში.

1782456240

სებ-ის ინფორმაციით, 01.06.2026-ის მდგომარეობით, 73.4 მლრდ ლარის სესხებია გაცემული. მ.შ. 31  მლნ ლარის ეკვივალენტია სავალუტო კრედიტები, დანარჩენი - 57.6% ეროვნულ ვალუტაშია დენომინირებული.რეზიდენტი იურიდიული პირების პორტფელში (₾32.22 მლნ) 11.02 მილიარდი ლარშია. 21.2 მლრდ ლარის, უცხოურ ვალუტაში. კორპორაციული პორტფელის დოლარიზაცია, წლის დასაწყისიდან 65.8%-მდეა გაზრდილი (01.01.2026- 64.6%). ფიზიკური პირების დაკრედიტება 38.7 მლრდ ლარია, წლიური ზრდაა 16.4% (L/m +16.5%Y.Y)

1782403260