ნავთობის ვარდნა გრძელდება

როგორც ორგანიზაციის თავმჯდომარემ, თამარ ონიანმა ბრიფინგზე განაცხადა, ეს არის პირველი შემთხვევა, როდესაც 2024 წლის 28 ნოემბრის შემდეგ სტრასბურგის სასამართლოს მიმართავს პოლიტიკური პატიმარი, რომელმაც ეროვნულ დონეზე ყველა სასამართლო ინსტანცია ამოწურა. ეს რიგით მე-4 საჩივარია, რომელიც საიამ მზია ამაღლობელის უფლებების დაცვის მიზნით შეიტანა. საქმეში საიასთან ერთად ჩართულია ცნობილი ბრიტანელი ბარისტერი ედვარდ ფიცჯერალდი.საჩივარი ეხება პოლიტიკურად მოტივირებულ სისხლისსამართლებრივ დევნასა და მსჯავრდებას. ორგანიზაცია სტრასბურგის სასამართლოში ადამიანის უფლებათა ევროპული კონვენციის რამდენიმე მუხლის დარღვევას ასაბუთებს:პოლიტიკურად მოტივირებული მართლმსაჯულება (მე-18 მუხლი მე-6 მუხლთან ერთობლიობაში): საიას მტკიცებით, დევნა წარმოადგენდა პოლიტიკურ ანგარიშსწორებას დამოუკიდებელი ჟურნალისტის დასასჯელად და საზოგადოების დასაშინებლად. ამას ადასტურებს მაღალჩინოსნების საჯარო განცხადებები, სადაც მას განაჩენამდე „უცხოეთის აგენტად“ და დამნაშავედ მოიხსენიებდნენ. სამართლიანი სასამართლოს უფლების დარღვევა (მე-6 მუხლი): საჩივრის მიხედვით, ბათუმის საქალაქო, ქუთაისის სააპელაციო და უზენაესი სასამართლოების გადაწყვეტილებები ზედაპირულია. სასამართლომ სრულად უგულებელყო დაცვის მხარის არგუმენტები და 19 მნიშვნელოვანი ვიდეოჩანაწერი და მხოლოდ პოლიციელთა ურთიერთგამომრიცხავ ჩვენებებს დაეყრდნო. საქმის განმხილველმა მოსამართლემ, ნინო სახელაშვილმა კი მიუკერძოებლობა ვერ უზრუნველყო. დაცვის უფლების ხელყოფა: ბათუმის საქალაქო სასამართლომ, 2025 წლის 6 აგვისტოს ბოლო სხდომაზე, მხარეებთან წინასწარი განხილვის გარეშე, წარდგენილი ბრალი (სსკ-ის 353-ე პრიმა მუხლი - პოლიციელზე თავდასხმა, 4-დან 7 წლამდე პატიმრობა) მოულოდნელად გადააკვალიფიცირა სსკ-ის 353-ე მუხლის პირველ ნაწილზე (წინააღმდეგობა, მუქარა ან ძალადობა ხელისუფლების წარმომადგენლის მიმართ). ამით მზია ამაღლობელს წაერთვა ახალი ბრალდების წინააღმდეგ ეფექტიანი დაცვის შესაძლებლობა. უდანაშაულობის პრეზუმფციის დარღვევა: გარდა მაღალჩინოსნების განცხადებებისა, პროცესის განმავლობაში ჟურნალისტის მოთავსება შუშის გალიაში („აკვარიუმში“) შეიარაღებული დაცვის თანხლებით, შეფასებულია როგორც ფსიქოლოგიური ზეწოლისა და სტიგმატიზაციის ინსტრუმენტი. „საია ხაზგასმით აცხადებს, რომ მზია ამაღლობელის მიმართ წარმოებული საქმეები ერთმანეთთან მჭიდრო კავშირშია და წარმოადგენს სახელმწიფოს მხრიდან სისტემურ რეპრესიულ ანგარიშსწორებას. ეს საქმე არის ინდიკატორი იმისა, თუ როგორ შეიძლება იქნას გამოყენებული მართლმსაჯულების სისტემა ხელისუფლების პოლიტიკური ნების აღსასრულებლად“, - განაცხადა თამარ ონიანმა.

1782462317

როგორც სსფ-ს კვლევაშია ნათქვამი, სავალუტო რეზერვების ზრდამ 2026 წლის დასაწყისში ევრობონდების წარმატებულ რეფინანსირებას შეუწყო ხელი. ამასთან, მიუხედავად ახლო აღმოსავლეთში მიმდინარე ომით გამოწვეული ენერგორესურსების ფასების ზრდისა და მიმდინარე ანგარიშზე შესაძლო ზეწოლისა, ლარის გაცვლითი კურსი სტაბილური დარჩა, რაც საერთაშორისო რეზერვების გაზრდილი ბუფერების ფონზე ეროვნული ვალუტის მიმართ ნდობის გაუმჯობესებას ასახავს. კვლევაში აღნიშნულია, რომ საქართველოს საერთაშორისო რეზერვების მიმდინარე დონე ზომიერი სტრეს-სცენარების განვითარების შემთხვევაში ადეკვატურია.კვლევის შედეგები ასევე მიუთითებს, რომ საქართველოსთვის სასურველია საერთაშორისო რეზერვების დონე IMF-ის ARA მეტრიკის დაახლოებით 145-150 პროცენტზე იყოს. დამატებითი საერთაშორისო რეზერვების საჭიროება განპირობებულია იმ სარგებლით, რომელსაც მაღალი მოცულობის რეზერვები ქმნის: ამცირებს ქვეყნის სუვერენული დაფინანსების ხარჯებს, ხელს უწყობს კერძო სექტორის დოლარიზაციის შემცირებას და უზრუნველყოფს საჭირო ლიკვიდობას, რომელიც შესაძლოა საჭირო გახდეს ეროვნული ბანკის სავალუტო ინტერვენციებისთვის, გაცვლითი კურსის ჭარბი მერყეობის შესარბილებლად.კვლევის შედეგები მიუთითებს, რომ საერთაშორისო რეზერვების შემდგომი დაგროვებისთვის კვლავ არსებობს სივრცე, განსაკუთრებით გლობალური გაურკვევლობის მაღალი დონის პირობებში. საერთაშორისო სავალუტო ფონდის კვლევა ასევე აღნიშნავს, რომ ეროვნული ბანკის მიერ სავალუტო ინტერვენციების განხორციელების არსებული, ფასზე დაფუძნებული ჩარჩო შესაბამისია არსებული საერთაშორისო რეზერვების დაგროვების ტემპთან და მასშტაბის კალიბრაციისათვის, რომელიც ამავდროულად ინარჩუნებს გაცვლითი კურსის მოქნილობას საგარეო პირობების ცვლილებების საპასუხოდ.საქართველოს ეროვნული ბანკი განაგრძობს საერთაშორისო რეზერვების შევსებას. 2026 წლის მაისში სების წმინდა შესყიდვებმა $632.9 მლნ შეადგინა - მთლიანი საერთაშორისო რეზერვების მოცულობა კი მაისის მდგომარეობით $7 მლრდ-ს აჭარბებს.

1782461702

2025 წლის 31 დეკემბრის მდგომარეობით, წყალმომარაგების სისტემაზე მიერთებული იყო 2.87 მილიონი ადამიანი (მთლიანი მოსახლეობის 72.8%), რაც 2.9%-ით აღემატება წინა წლის ანალოგიურ მაჩვენებელს (2.79 მილიონი ადამიანი).2025 წელს წყალარინების (კანალიზაციის) ქსელზე მიერთებული მოსახლეობის რიცხოვნობამ 2.06 მილიონი შეადგინა (მთლიანი მოსახლეობის 52.3%), რაც წინა წლის ანალოგიურ მაჩვენებელს (2 მილიონი) აღემატება 3%-ით.2025 წელს ჩამდინარე წყლის გამწმენდ ნაგებობაზე მიერთებული მოსახლეობის რიცხოვნობამ შეადგინა 1.64 მილიონი (მთლიანი მოსახლეობის 41.6%), რაც წინა წლის ანალოგიურ მაჩვენებელს (1.59 მილიონი) აღემატება 3.1%-ით.

1782460919

გარდაცვლილთა რაოდენობის პროცენტული განაწილება გარდაცვალების მიზეზების ძირითადი კლასების მიხედვით განსხვავებულია სხვადასხვა ასაკობრივი ჯგუფებისათვის.5 წლამდე ასაკის გარდაცვლილ ბავშვებში დომინირებს პერინატალურ პერიოდში აღმოცენებული დარღვევები.5-39 წლის ასაკში ჭარბობს ტრავმები, მოწამვლები და გარეგანი მიზეზების ზემოქმედების სხვადასხვა შედეგები, რადგან აღნიშნული ასაკობრივი ჯგუფისათვის შედარებით მაღალია უბედური შემთხვევების ალბათობა, ხოლო 40 წლისა და უფროსი ასაკის მოსახლეობაში გარდაცვალების მიზეზებს შორის 2025 წელს დომინირებს სისხლის მიმოქცევის სისტემის ავადმყოფობები და სიმსივნეები.

1782460224

Change Inspire 2026 რეგიონში ერთ-ერთ ყველაზე გავლენიან ტექნოლოგიურ პლატფორმად არის ჩამოყალიბებული. კონფერენცია ყოველწლიურად აერთიანებს საერთაშორისო ტექნოლოგიურ კომპანიებს, ბიზნესის ლიდერებს, ინოვატორებსა და ტექნოლოგიურ პროფესიონალებს, ქმნის ცოდნის გაზიარების, პროფესიული განვითარების და ახალი პარტნიორობების შესაძლებლობებს.თიბისი, როგორც ყველაზე ინოვაციური ბანკი ცენტრალურ და აღმოსავლეთ ევროპაში, კონფერენციაში Game Changer Partner-ის სტატუსით მონაწილეობს. სცენაზე წარდგებიან თიბისი ტექის პროფესიონალები, რომლებიც კონფერენციაზე შეკრებილ 1000-ზე მეტ მონაწილეს გაუზიარებენ საკუთარ გამოცდილებას და ასევე იმას, თუ როგორ ჯერათ და ქმნიან ინოვაციას თიბისიში.კონფერენციას მისასალმებელი სიტყვით გახსნის თიბისის ტექნოლოგიების მმართველობისა და პროცესების მართვის განყოფილების უფროსი გიორგი ვარამიშვილი.„თიბისიში გვჯერა, რომ ინოვაციას ძლიერი ტექნოლოგიური გუნდები ქმნიან. სწორედ ამ მიდგომამ მოგვიტანა აღიარება, როგორც ცენტრალური და აღმოსავლეთ ევროპის ყველაზე ინოვაციურ ბანკს. Change Inspire-ის მსგავსი კონფერენციები გვაძლევს შესაძლებლობას, გავცვალოთ გამოცდილება გლობალურ ტექნოლოგიურ ლიდერებთან, გავაძლიეროთ ადგილობრივი ტექნოლოგიური ეკოსისტემა და იდეები რეალურ ცვლილებებად ვაქციოთ“, - გიორგი ვარამიშვილი.კონფერენციის მთავარ სცენაზე თიბისი ტექის ლიდერებიც წარდგებიან. შოთა იორამაშვილი ისაუბრებს ორგანიზაციაში GitHub Copilot-ის წარმატებული დანერგვის გამოცდილებაზე, ჯუბო ფალელაშვილი - მსხვილ ორგანიზაციებში AI-ის ეფექტიანი მართვის პრაქტიკებზე, ხოლო ნიკა ჟორდანია მონაწილეებს გააცნობს ხელოვნურ ინტელექტზე დაფუძნებული ტესტირების ინოვაციურ მიდგომას - Memory-Driven AI Test Automation-ს.წლევანდელი კონფერენციის მთავარი თემაა „Big Tech. Global Legends. One Future.“ ღონისძიება თავს მოუყრის მსოფლიოს წამყვანი ტექნოლოგიური კომპანიების წარმომადგენლებს, მათ შორის NVIDIA-ს, Google-ის, Amazon-ის, Microsoft-ის, Google Cloud-ისა და AWS-ის ექსპერტებს, რომლებიც ტექნოლოგიური განვითარების უახლეს ტენდენციებსა და გამოცდილებას გაუზიარებენ დამსწრეებს.(R)

1782456619

ქვეყნის ჯანდაცვის მინისტრის, კარლოს ალვარადოს თქმით, ოთხშაბათს მომხდარი განმეორებითი ბიძგების შედეგად 4,300-ზე მეტი ადამიანი დაშავდა. სტიქიამ ქვეყნის მჭიდროდ დასახლებული ჩრდილოეთ შტატები დააზიანა და გარდაცვლილთა და დაშავებულთა რაოდენობის ზრდა პრაქტიკულად გარდაუვალია.ვენესუელას ეროვნული ასამბლეის პრეზიდენტმა, ხორხე როდრიგესმა ხუთშაბათს ნაშუადღევს განაცხადა, რომ დანგრეული შენობების ნანგრევებში 200-ზე მეტი ადამიანია მოყოლილი, ხოლო კიდევ 157 დაკარგულად ითვლება. სოციალურ მედიაში გავრცელებულ ვიდეოებში ჩანს ჩამონგრეული საცხოვრებელი კორპუსები დედაქალაქ კარაკასში და მის მახლობლად მდებარე საპორტო ქალაქებში - ლა-გუაირასა და კატია-ლა-მარში.შეძრწუნებული გადარჩენილები დაღუპულ ახლობლებს გლოვობენ ამ საპორტო ქალაქებში, რომლებიც ქვეყნის მთავარ საერთაშორისო აეროპორტთან ახლოს მდებარე პოპულარულ საზღვაო კურორტებს წარმოადგენენ. ზოგიერთ ადგილას ცხედრები პირდაპირ ქუჩებში ასვენია.ისააკ მირანდამ, 27 წლის ექიმმა ლა-გუაირადან, აღნიშნა, რომ მან და მისმა კოლეგებმა საავადმყოფოში ოთხშაბათს ღამით, სულ რაღაც ოთხ საათში, 50 გარდაცვალების ფაქტი დააფიქსირეს, რომელთა უმრავლესობაც ბავშვი იყო. „ყოველ წუთს უამრავი ადამიანი შემოდიოდა“, - თქვა მან, როდესაც დაზიანებული საცხოვრებელი კორპუსის წინ იდგა, სადაც თავისი 72 წლის ბაბუის საპოვნელად იყო მისული.ჰარვარდის სამედიცინო სკოლის ასოცირებულმა პროფესორმა, დოქტორმა ჯარონ ლიმ განაცხადა, რომ მიწისძვრიდან პირველი 24-დან 48 საათამდე პერიოდი გადამწყვეტია გადარჩენილთა მოსაძებნად, თუმცა ადამიანებს ნანგრევებში უფრო დიდხანს გაძლებაც შეუძლიათ. სხვა ექსპერტები კი მიიჩნევენ, რომ არსებობს 72-საათიანი „ოქროს სარკმელი“, რომლის დროსაც ყველაზე მეტი სიცოცხლის გადარჩენაა შესაძლებელი.The New York Times წერს, რომ ხუთშაბათს გადარჩენილთა ძებნის პროცესში ოჯახის წევრები, მეზობლები და სრულიად უცხო ადამიანები გაერთიანდნენ. ერთ-ერთი ჩამონგრეული შენობის გარეთ იორლიანა კოლმენარესი ნანგრევებიდან გამომავალ კაკუნის ხმას უსმენდა.„იქიდან ბევრი გარდაცვლილი ამოიყვანეს“, - თქვა მან და დასძინა, რომ სჯერა, მისი შეყვარებული ჯერ კიდევ შიგნით იმყოფება. „ამოჰყავთ დაშავებული ადამიანები, ბავშვები, ცხოველები“.ლა-გუაირას მცხოვრებლებმა აღნიშნეს, რომ ხუთშაბათს შემთხვევის ადგილებზე ძალიან ცოტა მაშველი და სამთავრობო ძალების მინიმალური ჩართულობა შეიმჩნეოდა. მიუხედავად იმისა, რომ ვენესუელა ნავთობით მდიდარი ქვეყანაა, იგი კვლავ ცდილობს თავი დააღწიოს ათწლიან დეპრესიას, რომელმაც გამოფიტა მისი სამაშველო სამსახურები, გამოიწვია ინფრასტრუქტურის გაუარესება და ინფლაცია რეკორდულ ნიშნულამდე ასწია - ეს ყველაფერი კი, სავარაუდოდ, კიდევ უფრო გაართულებს აღდგენით პროცესებს.იანკიელ როზენვალდმა, რელიგიური საქველმოქმედო ორგანიზაცია World Vision-ის მრჩეველმა ვენესუელაში, განაცხადა, რომ ქვეყნის ჯანდაცვის სისტემა და ელექტროგადამცემი ქსელი მიწისძვრამდეც სავალალო მდგომარეობაში იყო.„ეს კატასტროფა ყველაფერს საბოლოოდ ჩამოშლის“, - თქვა მან.ამასთან, აშშ–ის სახელმწიფო დეპარტამენტი აცხადებს, რომ ვაშინგტონის ადმინისტრაცია ვენესუელას მიწისძვრის შედეგების ლიკვიდაციისთვის $150 მლნ–ს გამოუყოფს. „გარდა იმისა, რომ დაუყოვნებლივ ვუწევთ დახმარებას სამძებრო-სამაშველო ოპერაციების ჩატარებაში, საჰაერო გადაზიდვებისა და საკოორდინაციო მხარდაჭერის უზრუნველყოფაში, აშშ ვენესუელას 150 მილიონ დოლარს გამოუყოფს“, — ნათქვამია უწყების განცხადებაში.

1782456240

სებ-ის ინფორმაციით, 01.06.2026-ის მდგომარეობით, 73.4 მლრდ ლარის სესხებია გაცემული. მ.შ. 31  მლნ ლარის ეკვივალენტია სავალუტო კრედიტები, დანარჩენი - 57.6% ეროვნულ ვალუტაშია დენომინირებული.რეზიდენტი იურიდიული პირების პორტფელში (₾32.22 მლნ) 11.02 მილიარდი ლარშია. 21.2 მლრდ ლარის, უცხოურ ვალუტაში. კორპორაციული პორტფელის დოლარიზაცია, წლის დასაწყისიდან 65.8%-მდეა გაზრდილი (01.01.2026- 64.6%). ფიზიკური პირების დაკრედიტება 38.7 მლრდ ლარია, წლიური ზრდაა 16.4% (L/m +16.5%Y.Y)

1782403260

თურნავამ მონაწილეებს სებ-ის რეფორმები გააცნო. ისაუბრა ციფრული ბანკების სალიცენზიო რეჟიმზე, ვირტუალური აქტივების მომსახურების პროვაიდერების (VASP) მარეგულირებელ ჩარჩოსა და სტაბილქოინების რეგულირების ახალ მოდელზე, რომელიც რეგიონში პირველია.„ბოლო წლებში სებ-მა ინოვაციური ფინანსური სერვისების მომსახურებისთვის ხელსაყრელი გარემო შექმნა. ინოვაციების მხარდამჭერი ახალი სალიცენზიო რეჟიმების და მარეგულირებელი ჩარჩოს შედეგად უკვე 3 ციფრული ბანკი ოპერირეს. VASP-ის) მარეგულირებელი ჩარჩოს მოჰყვა 40 ახალი რეგისტრირებული, მ.შ. წამყვანი საერთაშორისო კომპანიები. სულ ცოტა ხნის წინ კი წარვადგინეთ სტაბილქოინების რეგულირების ახალი  მოდელი, რომელიც შინაარსით რეგიონში პირველია და შეესაბამება საუკეთესო საერთაშორისო პრაქტიკას“, - აღნიშნა სებ-ის პრეზიდენტმა.ინოვაციების მხარდაჭერასთან ერთად აღინიშნა, რომ სებ-ის მთავარი საზრუნავია ეროვნული ვალუტისა და ფინანსური სისტემის მიმართ ნდობის განმტკიცება.„ცენტრალური ბანკი, თავის როლს ფინანსური ინოვაციების ხელშემწყობისა და მონეტარული ნდობის გარანტის რანგში ვხედავთ. მიზანი ისეთი მარეგულირებელი ჩარჩოს შექმნაა, რომელიც ინოვაციური პროდუქტებისა და მომსახურებების უსაფრთხო განვითარებას უზრუნველყოფს", - აღნიშნა ნათია თურნავამ.Point Zero Forum საერთაშორისო პლატფორმაა, რომელიც ცენტრალური ბანკების, მარეგულირებლების, საერთაშორისო ორგანიზაციებისა და კერძო სექტორის წარმომადგენლებს აერთიანებს. ფორუმი ფინანსური სექტორის განვითარების, ციფრული ტრანსფორმაციისა და ინოვაციების მიმართულებით გამოცდილების გაზიარებასა და თანამედროვე გამოწვევების განხილვას ემსახურება.

1782395970