ადგილობრივი ექსპორტი მთლიანი ექსპორტის ნახევარზე ნაკლებია

თუ გინდა, რომ Black Friday უბრალოდ ხარჯების დღე კი არა, დაზოგვისა და დაგროვების შესაძლებლობაც გახდეს, ახალი თიბისი ბარათი შენთვის შესაფერისი ბარათია.რატომ უნდა აიღო უფასო თიბისი ბარათი 28 ნოემბრამდე? Black Friday-ს დიდ ფასდაკლებებს დაემატება უფასო თიბისი ბარათის განსაკუთრებული შეთავაზებები ერთდროულად შეძლებ რამდენიმე შეთავაზებით ისარგებლო და რაც მთავარია, გადახდილი თანხის ნაწილი უკან დაგიბრუნდება შოპინგი უფრო მომგებიანი გახდება - რაც უფრო ხშირად გამოიყენებ ბარათს, მით მეტს დააგროვებ. რას მიიღებ უფასო თიბისი ბარათით? ყოველ ჯერზე, როცა ბარათით გადაიხდი საქართველოში არსებული ნებისმიერი ბანკის ტერმინალზე, თანხის 0.5%-ს მომენტალურად დაიბრუნებ თუ მობაილბანკში აირჩევ სამი კატეგორიიდან ერთ-ერთს - სურსათს, ფარმაციას ან საწვავს, ორმაგს, ანუ 1% -ს დაიბრუნებ. არჩეული კატეგორიის შეცვლა კი, თვეში ერთხელ, მობაილბანკიდან შეგეძლება ერთგულ ყულაბაში ქულების ნაცვლად პირდაპირ თანხას დააგროვებ, რომელსაც ნებისმიერ დროს გადაიტან შენს ანგარიშზე და გამოიყენებ სასურველი მიზნებისთვის არც ის დაგავიწყდეს, რომ თიბისი ბარათი მართლა სრულიად უფასოა და არ აქვს მომსახურების საკომისიო. გარდა დაგროვების უპირატესობებისა, უფასო თიბისი ბარათით: უფასოდ გაანაღდებ თვეში 2000₾-ს საქართველოში არსებული ნებისმიერი ბანკის ბანკომატიდან საკომისიოს გარეშე გადაიხდი თვეში 5 კომუნალურს მობაილბანკიდან თვეში 2000₾-ს უფასოდ გადარიცხავ სხვა ბანკში ან პირიქით, უფასოდ გადმორიცხავ სხვა ბანკიდან, თანაც მომენტალურად ბარათის ყველა უპირატესობას გაეცანი ბმულზე.უფასო თიბისი ბარათის აღება მობაილბანკიდან 30 წამში შეგიძლია. მისი გამოყენება კი, მომენტალურად - ციფრულ საფულეში დამატებისთანავე.აიღე უფასო თიბისი ბარათი მობაილბანკიდან და მოემზადე Black Friday-ს განსაკუთრებული შეთავაზებებისთვის. 

1763543378

2025 წლის იანვარ-ოქტომბერში ათი უმსხვილესი საექსპორტო პარტნიორი ქვეყნის წილმა საქართველოს მთლიან ექსპორტში 79.4% შეადგინა.უმსხვილესი საექსპორტო სამეული შემდეგნაირად ჩამოყალიბდა: ყირგიზეთი ($1.23 მლრდ) ყაზახეთი ($743.8 მლნ) რუსეთი ($608.3 მლნ) საქსტატის მონაცემებით, 2025 წლის იანვარ-ოქტომბერში ათი უმსხვილესი საიმპორტო პარტნიორი ქვეყნის წილმა საქართველოს მთლიან იმპორტში 71% შეადგინა. პირველ სამეულში შედის: აშშ ($2.27 მლრდ) თურქეთი ($2.26 მლრდ) ჩინეთი ($1.62 მლრდ) 2025 წლის იანვარ-ოქტომბერში ათი უმსხვილესი სავაჭრო პარტნიორი ქვეყნის წილმა საქართველოს მთლიან საგარეო სავაჭრო ბრუნვაში 68.4% შეადგინა. ქვეყნის უმსხვილესი სავაჭრო პარტნიორები არიან: თურქეთი ($2.53 მლრდ) აშშ ($2.34 მლრდ) რუსეთი ($2.14 მლრდ) საქსტატის მონაცემებით, 2025 წლის იანვარ-ოქტომბერში სასაქონლო ჯგუფებიდან საექსპორტო ათეულში პირველი ადგილი მსუბუქმა ავტომობილებმა დაიკავა $2.28 მლრდ-ით, რაც მთელი ექსპორტის 39.2%-ს შეადგენს. მეორე ადგილს იკავებს ძვირფასი ლითონების მადნები და კონცენტრატები $291.6 მლნ-ით (მთლიანი ექსპორტის 5%), ხოლო მესამე ადგილზეა სპირტიანი სასმელები $230.1 მლნ-ით (3.9%).ამასთან, უმსხვილესი საიმპორტო სასაქონლო ჯგუფი 2025 წლის იანვარ-ოქტომბერში წარმოდგენილი იყო მსუბუქი ავტომობილების სახით, რომლის იმპორტმა $3.15 მლრდ და მთელი იმპორტის 21% შეადგინა. მეორე ადგილს იკავებს ნავთობი და ნავთობპროდუქტები $1 მლრდ-ით (იმპორტის 7.3%), ხოლო მესამე ადგილზეა დაფასოებული სამკურნალო საშუალებები $559.9 მლნ-ით (იმპორტის 3.7%).

1763542169

3Q25-ში წინა წლის შესაბამის პერიოდთან შედარებით, საქართველოს ნავსადგურებმა და ტერმინალებმა 54.6%-ით მეტი გენერალური (ზოგადი სახის) ტვირთმზიდი გემი მიიღო, 30%-ით მეტი — სპეციალიზებული, 39.4%-ით ნაკლები — კონტეინერმზიდი, 7%-ით ნაკლები — თხევადი ტვირთმზიდი.3Q25-ში საქართველოს ნავსადგურებში და ტერმინალებში შემოსული გემების 17.9% პანამის დროშის ქვეშ დაცურავდა, 14.6% — თურქეთის, 10.8% — მალტის, 7.2% — ლიბერიის, დანარჩენი 49.5% კი სხვა ქვეყნებზე განაწილდა.საქსტატის მონაცემებით, 3Q25-ში საქართველოს ნავსადგურები 4.2 ათას მგზავრს მოემსახურა, რაც 2.1-ჯერ მეტია წინა წლის შესაბამისი პერიოდის მაჩვენებელზე. ამასთან, მგზავრთა ნაკადში შემოსული მგზავრების წილი მცირედით აღემატებოდა გასული მგზავრების წილს და 50.4%-ს შეადგენდა.ამასთან, 3Q25-ში საქართველოს ნავსადგურებმა და ტერმინალებმა 4 293.2 ათასი ტონა ტვირთი გადაამუშავა, რაც 1.4%-ით მეტია წინა წლის შესაბამისი პერიოდის მაჩვენებელზე. გადამუშავებული ტვირთის 43.7% გენერალური (ზოგადი სახის) ტვირთი იყო, 34.5% — თხევადი ტვირთი, ხოლო 21.8% — ნაყარი ტვირთი.

1763540854

3Q25-ში, წინა წლის შესაბამის პერიოდთან შედარებით დაქირავებულთა რიცხოვნობა გაიზარდა 0.9 ათასი კაცით (0.1%) და 975.3 ათასს მიაღწია, ხოლო თვითდასაქმებულთა რიცხოვნობა 14.3 ათასით შემცირდა (3.3%) და 418.4 ათასი შეადგინა. ამავე პერიოდში უმუშევართა რაოდენობა შემცირდა 12.1 ათასით (5.4%) და 213.7 ათასი შეადგინა.3Q25-ში სამუშაო ძალის მონაწილეობის დონე (სამუშაო ძალის წილი 15 წლის და უფროსი ასაკის მოსახლეობაში) წინა წლის შესაბამის პერიოდთან შედარებით 0.1 პ.პ.-ით შემცირდა და 54.5%-ით განისაზღვრა, ხოლო დასაქმების დონე გაიზარდა 0.2 პ.პ.-ით და 47.3% შეადგინა.საქსტატის მონაცემებით, სამუშაო ძალის მონაწილეობის დონე შემცირებულია ქალაქის ტიპის დასახლებებში 0.2 პ.პ.-ით, ხოლო სოფლის ტიპის დასახლებებში გაზრდილია 0.1 პ.პ.-ით.დასაქმების დონე ქალაქის ტიპის დასახლებებში შემცირებულია 0.8 პ.პ.-ით, ხოლო სოფლის ტიპის დასახლებებში გაზრდილია 1.6 პ.პ.-ით და შესაბამისად 47.9%-ს და 46.5%-ს შეადგენს.3Q25-ში წინა წლის შესაბამის პერიოდთან შედარებით დაქირავებულთა წილი დასაქმებულთა საერთო რაოდენობაში 0.7 პ.პ.-ით გაიზარდა და 70% შეადგინა.3Q25-ში, წინა წლის შესაბამის პერიოდთან შედარებით, უმუშევრობის დონე საქალაქო ტიპის დასახლებებში გაზრდილია 1.1 პ.პ.-ით, ხოლო სოფლის ტიპის დასახლებებში შემცირებულია 3.0 პ.პ.-ით. უმუშევრობის დონე ტრადიციულად მაღალია კაცებში, ქალებთან შედარებით.საქსტატის მონაცემებით, 3Q25-ში, წინა წლის შესაბამის პერიოდთან შედარებით, აღნიშნული მაჩვენებელი ქალებში შემცირებულია 0.1 პ.პ.-ით, ხოლო კაცებში - 0.9 პ.პ.-ით და შესაბამისად 11.4%-ს და 14.7%-ს შეადგენს. სამუშაო ძალის მონაწილეობის დონე ქალებთან შედარებით მაღალია კაცებში.3Q25-ში აღნიშნული მაჩვენებელი ქალებში 44%-ს, ხოლო კაცებში 66.9%-ს შეადგენდა. წინა წლის შესაბამის პერიოდთან შედარებით სამუშაო ძალის მონაწილეობის დონე ქალებში შემცირებულია 0.9 პ.პ.-ით, ხოლო კაცებში გაზრდილია 0.7 პ.პ.-ით.3Q25-ში, წინა წლის შესაბამის პერიოდთან შედარებით, დასაქმების დონე ქალებში შემცირებულია 0.7 პ.პ.-ით, ხოლო კაცებში გაზრდილია 1.2 პ.პ.-ით.

1763540818

3Q25-ში საერთაშორისო გადაზიდვის რეჟიმში რკინიგზით გადატანილი ტვირთის ჯამური მოცულობის 77.3% მოდიოდა ქვეყანაში შემოტანილ ტვირთზე, 22.7% კი — ქვეყნიდან გატანილზე.3Q25-ში რკინიგზით შემოტანილი ტვირთის მთლიანი მოცულობის 32%-ს გამომგზავნ ქვეყანას აზერბაიჯანი წარმოადგენდა, 29.1%-ს გამომგზავნს — რუსეთის ფედერაცია, თითოეული დანარჩენი გამომგზავნი ქვეყნების წილი კი 10-10%-ზე ნაკლები იყო (ჯამურად 38.9%).3Q25-ში რკინიგზით გატანილი ტვირთის მთლიანი მოცულობის 22.1%-ს დანიშნულების ქვეყანას სომხეთი წარმოადგენდა, 11.6 პროცენტისას — ყაზახეთი, 6.3 პროცენტისას — რუსეთის ფედერაცია, ტვირთის მიმღები თითოეული დანარჩენი ქვეყნების წილი კი შედარებით ნაკლები იყო (ჯამურად 60%).საქსტატის მონაცემებით, 3Q25-ში ტრანზიტით გადატანილი ტვირთის მთლიანი მოცულობის განაწილება დანიშნულების ქვეყნის მიხედვით შემდეგნაირი იყო: 16.2% — ნიდერლანდები, 10% — თურქეთი, 7.2% — ჩინეთი, 2.9% — იტალია, 2.4% — უკრაინა, 0.7% — რუმინეთი, დანარჩენი კი სხვა ქვეყნებზე მოდიოდა.ამავე პერიოდში, ტრანზიტით გადატანილი ტვირთის 9.2%-ს გამომგზავნ ქვეყანას ბრაზილია წარმოადგენდა, 2.6 პროცენტისას — თურქეთი, ხოლო დანარჩენი სხვა ქვეყნებზე მოდიოდა. საანგარიშო პერიოდში, რკინიგზით გადატანილი ტვირთის მთლიანი მოცულობის 37.7% მოდიოდა კოქსისა და რაფინირებული ნავთობპროდუქტების სასაქონლო ჯგუფზე; 20.6% — ქიმიკატების, ქიმიური პროდუქტების და ხელოვნური ბოჭკოების; რეზინის და პლასტმასის პროდუქტების სასაქონლო ჯგუფზე, ხოლო 12.6% — ლითონის მადანსა და სხვა სამთო და კარიერულ პროდუქტებზე.3Q25-ში სასაქონლო ჯგუფების მიხედვით განაწილება განსხვავებული იყო ადგილობრივი გადაზიდვების შემთხვევაში და 59.8% ლითონის მადანსა და სხვა სამთო და კარიერულ პროდუქტებზე მოდიოდა, 20.2% ეჭირა კოქსსა და რაფინირებულ ნავთობპროდუქტებს, ხოლო 9% — სატრანსპორტო აღჭურვილობის სასაქონლო ჯგუფს. რაც შეეხება საერთაშორისო გადაზიდვებს, საანგარიშო პერიოდში რკინიგზის საშუალებით ძირითადად შემოტანილია კოქსი და რაფინირებული ნავთობპროდუქტები (47.7%), სხვა არამეტალური მინერალური პროდუქტები (18.9%), ლითონის მადანი და სხვა სამთო და კარიერული პროდუქტები (14.5%), სოფლის მეურნეობის, ნადირობისა და მეტყევეობის პროდუქტები (3.8%), ქვანახშირი და ლიგნიტი; ნედლი ნავთობი და ბუნებრივი აირი (3.5%), ძირითადი ლითონები (3.2%) და ქიმიკატები, ქიმიური პროდუქტები და ხელოვნური ბოჭკოები (2.9%); ხოლო გატანილია ქიმიკატები, ქიმიური პროდუქტები და ხელოვნური ბოჭკოები (25.3%), საკვები პროდუქტები, სასმელები და თამბაქო (24.9%), ძირითადი ლითონები (16.1%) და ლითონის მადანი და სხვა სამთო და კარიერული პროდუქტები (13.6%).3Q25-ში ტრანზიტული ტვირთის მთლიანი მოცულობის 84.9% სამ სასაქონლო ჯგუფზე მოდიოდა, კერძოდ: კოქსი და რაფინირებული ნავთობპროდუქტები (40.9%), ქიმიკატები, ქიმიური პროდუქტები და ხელოვნური ბოჭკოები (31.1%), საკვები პროდუქტები, სასმელები და თამბაქო (12.9%).საქსტატის მონაცემებით, 3Q25-ში საქართველოს რკინიგზის მიერ გადაყვანილია 589.1 ათასი მგზავრი, რაც 12.9%-ით ნაკლებია გასული წლის შესაბამისი პერიოდის მაჩვენებელზე. ამავე პერიოდში მგზავრთბრუნვის მოცულობამ 144.9 მილიონი მგზავრ-კილომეტრი შეადგინა, რაც 10.9%-ით ნაკლებია გასული წლის შესაბამის პერიოდთან შედარებით.3Q25-ში ადგილობრივი მიმოსვლის რეჟიმში გადაყვანილია 573.4 ათასი მგზავრი, რაც რკინიგზით გადაყვანილი მგზავრების მთლიანი რაოდენობის 97.3%-ს შეადგენს და 13%-ით ჩამორჩება 2024 წლის შესაბამისი პერიოდის მაჩვენებელს.ამასთან, საერთაშორისო მიმოსვლის რეჟიმში გადაყვანილია 15.6 ათასი მგზავრი, რაც 9.3%-ით ნაკლებია გასული წლის შესაბამისი პერიოდის მაჩვენებელზე. საერთაშორისო მიმოსვლის რეჟიმში გადაყვანილი მგზავრების 78.3% შემოვიდა სომხეთიდან, ხოლო სომხეთის მიმართულებით გავიდა 21.7% (3Q25-ში სხვა მოსაზღვრე ქვეყნის მიმართულებით მგზავრთა გადაყვანა არ განხორციელებულა). 

1763539118

3Q25-ში საქართველოს აეროპორტებში მგზავრთა ნაკადის 95.4% რეგულარულ ფრენებზე მოდიოდა.საქსტატის მონაცემებით, 3Q25-ში საქართველოს აეროპორტებიდან განხორციელებული სამგზავრო რეისების რაოდენობამ 10.8 ათასი შეადგინა, რაც 15.4%-ით აღემატება წინა წლის შესაბამისი პერიოდის მაჩვენებელს.3Q25-ში საქართველოს აეროპორტებში ტვირთისა და ფოსტის ნაკადის მოცულობამ 9.5 ათასი ტონა შეადგინა, საიდანაც 93% მიღებული ტვირთი და ფოსტა იყო, ხოლო 7% — გაგზავნილი.3Q25-ში საქართველოს აეროპორტებში 0.9 ათასი სატვირთო რეისი განხორციელდა, რაც 82.7%-ით აღემატება წინა წლის შესაბამის მაჩვენებელს.ამასთან, 3Q25-ში საქართველოს საჰაერო ტრანსპორტით გადაყვანილია 247.2 ათასი მგზავრი და გადატანილია 35 ათასი ტონა ტვირთი. აღნიშნულ პერიოდში გადაყვანილი მგზავრების რაოდენობა 21%-ით აღემატება გასული წლის შესაბამისი პერიოდის მაჩვენებელს, ხოლო, გადატანილი ტვირთის მოცულობა 49.8%-ით ნაკლებია გასული წლის შესაბამისი პერიოდის მაჩვენებელზე.

1763537201

მებაჟე ოფიცრებმა ეჭვის საფუძველზე, უცხო ქვეყნის მოქალაქის მართვის ქვეშ არსებული სატრანსპორტო საშუალების დეტალური დათვალიერების შედეგად, 150 გრამამდე ,,კოკაინი" აღმოაჩინეს.სამართალდამრღვევ მოქალაქეს ერთ შეკვრად დაფასოებული ნარკოტიკული საშუალება ყავის შეფუთვაში ჰქონდა განთავსებული.საქმის მასალები შემდგომი რეაგირების მიზნით, საქართველოს შინაგან საქმეთა სამინისტროს შესაბამის სამსახურს გადაეცა.

1763536053

სებ-ის სტატისტიკით,  ოქტომბერში აშშ -დან 59.3 მლნ აშშ დოლარი გადმოირიცხა. სულ, ქვეყანაში $318.7 მილიონი შემოვიდა. მ.შ. ევროკავშირის სახელმწიფოებიდან  $143.3 მილიონი.ფულადი ნაკადების შემოდინების ტემპის შენარჩუნების მოლოდინს ამყარებს ევროკავშირის წევრობის კანდიდატის სტატუსი. ოცნების ხელისუფლებისგან ინტეგრაციის პროცესის შეჩერების მიუხედავად მოსახლეობაში პროდასავლური განწყობები არ იცვლება.ევროკავშირის ქვეყნებიდან გზავნილების წილი გადმორიცხვებში, წლიურად, 15%-ით გაზრდილია, 45%-მდე. თუმცა დონორების რეიტინგში ბოლო თვეებია რუსეთის პოზიციაც მყარდება. ოკუპანტი ქვეყანა, ტრანსფერების წლიური 20.2%-იანი ზრდით წამყვან პოზიციაზეა.გზავნილების რაოდენობით - 142 700 იტალია ლიდერობს (№2 რუსეთი -123 900, №3 აშშ - 118 500 საქართველოს ყველაზე მსხვილი დონორი ქვეყნები ევროკავშირიდან +აშშ

1763482020