Microsoft-მა ახალი თაობის კვანტური ჩიპი წარადგინა

ანგარიშის თანახმად, ბანკის საქმიანობის რეგიონებში ეკონომიკური ზრდის საშუალო მაჩვენებელი 2025 წლის 3.4%-დან 2026 წელს 3.1%-მდე შენელდება, ხოლო 2027 წელს კვლავ 3.6%-მდე აღდგება.ამ ფონზე, საქართველო ზრდის მაღალ დინამიკას ინარჩუნებს. EBRD აღნიშნავს, რომ 2025 წელს ქვეყანაში რეალური მშპ 7.5%-ით გაიზარდა, რასაც ძირითადად მომსახურების სექტორი და ტურიზმი განაპირობებდა. კერძო მოხმარებას მხარს უჭერდა რეალური ხელფასების მყარი ზრდა და საკრედიტო აქტივობის გაფართოება, მაშინ როდესაც კაპიტალური ინვესტიციები 2021 წლის შემდეგ პირველად შემცირდა. ბანკის შეფასებით, ეკონომიკური ზრდა კიდევ უფრო დაჩქარდა და 2026 წლის პირველ კვარტალში წლიურად 9.1%-ს მიაღწია.EBRD-ის ანალიტიკოსები მიუთითებენ, რომ უძრავი ქონების, ტრანსპორტისა და განახლებადი ენერგიის სექტორებში მსხვილი საინვესტიციო პროექტების განხორციელებამ შესაძლოა ეკონომიკური ზრდა კიდევ უფრო დააჩქაროს. თუმცა, იკვეთება საგარეო რისკებიც, კერძოდ, ახლო აღმოსავლეთში მიმდინარე კონფლიქტმა შეიძლება შეასუსტოს ეკონომიკური აქტივობა, რადგან ის ტურიზმიდან მიღებული შემოსავლების შემცირებასა და იმპორტირებული ენერგორესურსების გაძვირებს იწვევს.ანგარიშში ყურადღება გამახვილებულია სხვა მაკროეკონომიკურ პარამეტრებზეც. ფასების მატება 2025 წლის მარტიდან აღემატება ეროვნული ბანკის 3.0%-იან სამიზნე მაჩვენებელს და 2026 წლის აპრილში წლიურმა ინფლაციამ 5.9% შეადგინა. ფისკალური დეფიციტი 2024 წლის მშპ-ის 2.3%-დან 2025 წელს 1.4%-მდე შემცირდა, რასაც ხელი შეუწყო საბიუჯეტო შემოსავლების ზრდამ, ხოლო საგარეო ვალისა და მშპ-ის თანაფარდობა სტაბილური კურსისა და ნომინალური ზრდის ფონზე 34.4%-მდე შემცირდა. ამასთან, მიმდინარე ანგარიშის დეფიციტი 2025 წელს ისტორიულ მინიმუმამდე - 2.6%-მდე შემცირდა, ხოლო მთლიანი საერთაშორისო რეზერვები 2026 წლის აპრილში 6.5 მილიარდ აშშ დოლარამდე გაიზარდა, რაც დაახლოებით 4 თვის იმპორტს ფარავს.EBRD-ის გარდა, საქართველოს ეკონომიკური ზრდის მოლოდინები სხვა უწყებებმაც გააუმჯობესეს. მაისის დასაწყისში საქართველოს ეროვნულმა ბანკმა პროგნოზი 5%-დან 6.5%-მდე გაზარდა, ხოლო გუშინ ცნობილი გახდა, რომ საქართველოს მთავრობამ მიმდინარე წლის ზრდის მოლოდინი 6.3%-მდე აწია. საქსტატის წინასწარი შეფასებით კი, 2026 წლის აპრილში მშპ 6.2%-ით გაიზარდა, ხოლო პირველი ოთხი თვის საშუალო მაჩვენებელმა 8.3% შეადგინა.

1780479689

აშშ-ის სავაჭრო წარმომადგენლობის (USTR) ოფისის მიერ მომზადებული 92-გვერდიანი ანგარიშის მიხედვით, ინდოეთი და ევროკავშირი მსოფლიოს იმ 60 ეკონომიკას შორის არიან, რომლებმაც იძულებითი შრომით წარმოებული პროდუქციის იმპორტის აკრძალვა ან მისი ეფექტური აღსრულება ვერ შეძლეს, რაც ვაშინგტონის შეფასებით, არაგონივრული პოლიტიკა და აშშ-ის კომერციისთვის ტვირთია.გამოცემის ინფორმაციით, USTR-მა არაკეთილსინდისიერი სავაჭრო პრაქტიკის გამოძიება (301-ე მუხლის ფარგლებში) მას შემდეგ დაიწყო, რაც თებერვალში აშშ-ის უზენაესმა სასამართლომ ტრამპის ადმინისტრაციის მიერ დაწესებული საგანგებო გლობალური ტარიფები გააუქმა.ახალი გეგმის მიხედვით, ამერიკული მხარე განიხილავს: ინდოეთიდან იმპორტზე: დამატებითი 12.5%-იანი ტარიფის დაწესებას (ქვეყანა მოხვდა იმ 54 ეკონომიკას შორის, რომლებსაც იძულებითი შრომით მიღებული პროდუქციის იმპორტის აკრძალვა საერთოდ არ გააჩნიათ); ევროკავშირიდან, კანადიდან, ეკვადორიდან, ინდონეზიიდან, მექსიკიდან და პაკისტანიდან იმპორტზე: 10%-იანი ტარიფის დაწესებას (აღნიშნულ ქვეყნებს აკრძალვა აქვთ, თუმცა მისი არაეფექტური აღსრულების გამო ისჯებიან). „ჩვენი ყველაზე მნიშვნელოვანი სავაჭრო პარტნიორების მხრიდან იძულებითი შრომით დამზადებული საქონლის იმპორტის პრობლემის მოუგვარებლობა მიუღებელია. ეს ქმნის დინამიკას, სადაც ამერიკელი მუშები იძულებულნი არიან გლობალურად არათანაბარ პირობებში იასპარეზონ“, - განაცხადა აშშ-ის სავაჭრო წარმომადგენელმა ჯეიმსონ გრირმა.ინდოეთის კომერციის სამინისტროში აცხადებენ, რომ შემოთავაზებული ტარიფები საბოლოო არ არის და ვაშინგტონი გადაწყვეტილების მიღებამდე საზოგადოებრივ აზრს გაითვალისწინებს, რისთვისაც კომენტარების მიღება 6 ივლისამდე გაგრძელდება. ნიუ-დელიში მიიჩნევენ, რომ ტარიფები აშშ-ის მხრიდან ზეწოლის ტაქტიკაა, რადგან USTR-ის გამოძიება ეხება არა თავად ინდოეთიდან იძულებითი შრომით ექსპორტირებულ საქონელს, არამედ იმას, ბლოკავს თუ არა ინდოეთი სხვა ქვეყნებიდან (მაგალითად, ჩინეთიდან) მსგავსი პროდუქციის იმპორტს.

1780477436

ახალი შენობა ბაქოში, ჰეიდარ ალიევის გამზირზე მდებარეობს. თანამედროვე ურბანული დაგეგმარების პრინციპების შესაბამისად აგებული ნაგებობა მაღალი ფუნქციონალურობითა და მოწინავე ტექნოლოგიური მახასიათებლებით გამოირჩევა.ილჰამ ალიევმა ასევე დაათვალიერა გამოფენა, სადაც თანამედროვე პრეზენტაციის მეთოდების გამოყენებით წარმოდგენილი იყო ეროვნული ვალუტის კონცეფცია, ბანკნოტების დიზაინის თავისებურებები და ტექნოლოგიური განვითარების ეტაპები.35-სართულიანი შენობა 1 300 თანამშრომელზეა გათვლილი. მასში განთავსებულია საკონფერენციო და პრესდარბაზები, სასწავლო სივრცეები, ასევე შეხვედრებისა და თათბირების ოთახები.პროექტირებისას განსაკუთრებული ყურადღება დაეთმო ხელმისაწვდომობისა და ინკლუზიურობის პრინციპებს. შენობაში შექმნილია შესაბამისი ინფრასტრუქტურა, რომელიც შეზღუდული შესაძლებლობების მქონე პირებს შენობაში უსაფრთხო გადაადგილებისა და სრულფასოვანი სარგებლობის შესაძლებლობას აძლევს.შენობაში მოწყობილია 25 ოფიციალური შეხვედრებისა და თათბირების დარბაზი, რომლებიც საჭირო ტექნიკური აღჭურვილობით არის უზრუნველყოფილი.ცენტრალური ბანკის ახალ სათავო ოფისში დამონტაჟებულია თანამედროვე ტექნოლოგიური და საინფორმაციო სისტემები, რომლებიც უსაფრთხოების, ხარისხისა და მდგრადი განვითარების მაღალ სტანდარტებს შეესაბამება.თანამშრომლებისთვის შექმნილია დასასვენებელი სივრცეც, ხოლო სასადილო ერთდროულად 340 ადამიანის მომსახურებაზეა გათვლილი.240-ადგილიანი საკონფერენციო დარბაზი სხვადასხვა ღონისძიებისა და პრეზენტაციის ჩატარებისთვის არის განკუთვნილი.შენობის მულტიმედიური ფასადი ღამის საათებში მის ვიზუალურ იდენტიფიკაციას უზრუნველყოფს და განათებისა და პროექციების სხვადასხვა სცენარის გამოყენების შესაძლებლობას იძლევა. ტერიტორიისა და შენობის განათების სისტემა, მათ შორის ფასადის, მოძრაობის სენსორებით აღჭურვილ LED ტექნოლოგიაზეა დაფუძნებული, რაც ელექტროენერგიის მოხმარების შემცირებას უწყობს ხელს.

1780475114

საქართველოს ეროვნული ბანკის პირველი ვიცე-პრეზიდენტის, ეკატერინე მიქაბაძის განმარტებით, გლობალურ ბაზარზე ენერგორესურსების, განსაკუთრებით კი ნავთობის ფასების მკვეთრმა ზრდამ საქართველოში საწვავის გაძვირება განაპირობა. აღნიშნული ფაქტორი პირდაპირი და არაპირდაპირი ეფექტების შედეგად აისახა ინფლაციის მაჩვენებელზე, რის გამოც აპრილში ფასების ზრდამ 5.9%-ს მიაღწია.„მაისში ინფლაცია შემცირდა და წლიურმა მაჩვენებელმა 5.7%-მდე დაიკლო, რაც სრულ თანხვედრაშია საქართველოს ეროვნული ბანკის ცენტრალურ სცენართან და მოლოდინებთან", - განაცხადა ეკატერინე მიქაბაძემ.სების პირველი ვიცე-პრეზიდენტის თქმით, ეროვნულმა ბანკმა ინფლაციური მოლოდინების სტაბილურ დონეზე შენარჩუნების მიზნით მონეტარული პოლიტიკა ზომიერად გაამკაცრა. მისივე პროგნოზით, ინფლაციის სამომავლო დინამიკა მნიშვნელოვნად არის დამოკიდებული ახლო აღმოსავლეთის კონფლიქტის ხანგრძლივობასა და სიმწვავეზე.ეროვნული ბანკის არსებული ცენტრალური სცენარის მიხედვით, კონფლიქტის ეტაპობრივად დარეგულირების შემთხვევაში, ინფლაცია თანდათან შემცირდება და 2027 წელს მიზნობრივი მაჩვენებლის (3%) გარშემო დასტაბილურდება.

1780473349

TC-GATE პროექტი, სატრანსპორტო კავშირების გაძლიერებით, კომპანიების, ფერმერებისა და საზოგადოებისთვის ბაზრებთან წვდომის გამარტივებით და ლოგისტიკური ხარჯების შემცირებით, დაახლოებით 900,000 მომხმარებელს პირდაპირ სარგებელს მოუტანს და ხელს შეუწყობს დერეფნის გასწვრივ სამუშაო ადგილების შექმნას ლოგისტიკის, ტრანსპორტის, აგრობიზნესისა და დაკავშირებული სერვისების სფეროებში.„აღნიშნული ინვესტიციები საქართველოს დაეხმარება თავისი, როგორც ევროპისა და აზიის დამაკავშირებელი კრიტიკული სატრანზიტო ჰაბის სრული პოტენციალის რეალიზებაში, და ამავდროულად უპასუხებს მზარდ მოთხოვნას ტრანსკასპიურ სატრანსპორტო დერეფანზე, რაც განპირობებულია გლობალური სავაჭრო ნაკადების განვითარებითა და მიწოდების ჯაჭვების დივერსიფიცირების საჭიროებით“, - აღნიშნა მსოფლიო ბანკის რეგიონულმა დირექტორმა სამხრეთ კავკასიაში როლანდ პრაისმა.მისივე თქმით, მნიშვნელოვანი სარკინიგზო და საგზაო კავშირების მოდერნიზების და მათი მმართველი უწყებების გაძლიერებისკენ მიმართული რეფორმების მხარდაჭერით, მსოფლიო ბანკის ჯგუფი, განვითარების პარტნიორებთან ერთად, ეხმარება საქართველოს და დერეფნის გასწვრივ მდებარე სხვა ქვეყნებს, შექმნან ხელშესახები სარგებელი მოქალაქეებისთვის, უკეთესი სატრანსპორტო კავშირების, უფრო უსაფრთხო და მდგრადი ტრანსპორტის, მეტი სამუშაო ადგილებისა და უფრო ძლიერი ეკონომიკური შესაძლებლობების გზით.მასშტაბური TC-GATE პროექტის საერთო ღირებულება $750 მლნ-ს აჭარბებს, რომელიც  მსოფლიო ბანკის ჯგუფის მიერ $372 მლნ-ის ოდენობით ფინანსდება, ხოლო დანარჩენი ნაწილის თანადაფინანსებას აზიის ინფრასტრუქტურის საინვესტიციო ბანკი (AIIB) და აზიის განვითარების ბანკი (ADB) განახორციელებენ. აღნიშნული მიუთითებს ძლიერ მრავალმხრივ მხარდაჭერაზე როგორც საქართველოს დაკავშირებადობის გაძლიერების ამბიციის, ისე ზოგადად ტრანსკასპიური სატრანსპორტო დერეფნის განვითარების მიმართ.„ახალი პროექტის საშუალებით საქართველო აძლიერებს თავის, როგორც საიმედო და კონკურენტული დამაკავშირებლის როლს ევროპასა და აზიას შორის. საერთაშორისო პარტნიორებთან ერთად ჩვენ ვისწრაფვით ავაშენოთ თანამედროვე სატრანსპორტო ქსელი, რომელიც რეგიონს მომდევნო ათწლეულების განმავლობაში მოემსახურება. ეს ინვესტიციები მნიშვნელოვანია არა მარტო ქვეყნის ეკონომიკური განვითარებისთვის და ჩვენი მოქალაქეებისთვის ახალი შესაძლებლობების შესაქმნელად, არამედ მზარდი საერთაშორისო სავაჭრო ნაკადების და უფრო დივერსიფიცირებული, დაცული მიწოდების ჯაჭვების მხარდასაჭერადაც, რამდენადაც საქართველოს რკინიგზის და საგზაო კავშირების განახლება გააუმჯობესებს შუა დერეფნის ეფექტიანობას და გააძლიერებს რეგიონული კავშირების მდგრადობას“, - განაცხადა საქართველოს ფინანსთა მინისტრმა ლაშა ხუციშვილმა.TC-GATE პროექტი ხელს შეუწყობს საქართველოს სარკინიგზო სერვისების მოდერნიზაციას ახალი, ენერგოეფექტური ელექტროლოკომოტივების დაფინანსებით, რომლებიც ჩაანაცვლებს მოძველებულ პარკს და გააძლიერებს სს „საქართველოს რკინიგზის“ ოპერაციულ ეფექტიანობას, ფინანსურ მდგრადობას და მართვას. ეს განახლებები გააუმჯობესებს ლოკომოტივების ხელმისაწვდომობას 95%-მდე, გადამზიდავებისთვის აამაღლებს მომსახურების საიმედოობას, და გაზრდის შემოსავლებს 20%-ით; ასევე ხელს შეუწყობს სარკინიგზო აქტივების საექსპლუატაციო ვადის განმავლობაში გამონაბოლქვის წმინდა შემცირებას 2.3 მილიონი ტონით.საგზაო დაკავშირებადობის გაუმჯობესების თვალსაზრისით, პროექტი დააფინანსებს ავტომაგისტრალის ორი ოთხზოლიანი მონაკვეთის მშენებლობას საქართველოს სტრატეგიულ დერეფანსა და სასოფლო-სამეურნეო რეგიონში - კახეთში, კერძოდ, ბადიაური-ჩალაუბანი-ბაკურციხის მონაკვეთებს, ისევე როგორც გურჯაანისა და თელავის დამაკავშირებელ გზას. აღნიშნული დაახლოებით 43 წუთით შეამცირებს მგზავრობის დროს თელავსა და ფოთის საზღვაო პორტს შორის და აამაღლებს საგზაო უსაფრთხოების სტანდარტებს. კლიმატის ცვლილების მიმართ მედეგობის ამაღლების სტანდარტების გათვალისწინებით, საგზაო სამუშაოებში გამოყენებული იქნება ღონისძიებები, რაც შეამცირებს წყალდიდობითა და მეწყრული პროცესებით გამოწვეულ შეფერხებებს, რითაც გაზრდის წლის განმავლობაში ადამიანებისა და ტვირთებისთვის ბაზრებზე წვდომის საიმედოობას. პროექტი, საქართველოს საგზაო სექტორის ინსტიტუციური გაძლიერებისთვის, ხელს შეუწყობს საგზაო აქტივების მართვის გაციფროვნებას და ჭკვიანი სატრანსპორტო სისტემების გამოყენებას, ავტომაგისტრალების კონტროლის ეროვნული ცენტრის (NHCC) შექმნით, კლიმატისადმი მედეგი სისტემების დანერგვით და გრძელვადიანი ფისკალური მდგრადობის მხარდაჭერით.TC-GATE პროექტი ასევე ხელს შეუწყობს ქალი მეწარმეების ეკონომიკურ გაძლიერებას კახეთის რეგიონში და ასევე, დააფინანსებს ანალიტიკურ კვლევებს გზების მართვაში კერძო სექტორის ჩართულობის მეტი შესაძლებლობების შესახებ.

1780471771

რაც შეეხება საბაზო ინფლაციას, აღნიშნულმა მაჩვენებელმა 2026 წლის მაისში, გასული წლის შესაბამის პერიოდთან შედარებით 3.8% შეადგინა, ხოლო თამბაქოს გარეშე წლიური საბაზო ინფლაციის მაჩვენებელი 3.5%-ით განისაზღვრა.ყოველთვიური ინფლაციის მაჩვენებლის ფორმირებაზე ძირითადი გავლენა იქონია ფასების ცვლილებამ შემდეგ ჯგუფებზე: ტრანსპორტი: ჯგუფში ფასები გაიზარდა 3.2%-ით, რაც თვის ინფლაციაზე 0.39 პ.პ.-ით აისახა. ფასები მომატებულია პირადი სატრანსპორტო საშუალებების ექსპლუატაციაზე (4.8%), სატრანსპორტო მომსახურებასა (0.4%) და სატრანსპორტო საშუალებების შეძენაზე (0.2%);სურსათი და უალკოჰოლო სასმელები: ჯგუფში ფასები შემცირდა 0.6%-ით, რაც თვის ინფლაციაზე -0.22 პ.პ.-ით აისახა. ფასები შემცირებულია ქვეჯგუფებზე: ბოსტნეული და ბაღჩეული (-7.5%), რძე, ყველი და კვერცხი (-1.9%), ზეთი და ცხიმი (-0.2%), პური და პურპროდუქტები (-0.1%), შაქარი, ჯემი და სხვა ტკბილეული (-0.1%). ამასთან, ფასები გაიზარდა ქვეჯგუფებზე: ხილი და ყურძენი (3.2%), მინერალური და წყაროს წყალი, უალკოჰოლო სასმელები და ნატურალური წვენები (2.4%), ყავა, ჩაი და კაკაო (1.5%), თევზეული (1.1%), ხორცი და ხორცის პროდუქტები (0.8%);კავშირგაბმულობა: ჯგუფში ფასები შემცირებულია 3.2%-ით, რაც თვის ინფლაციაზე -0.1 პ.პ.-ით აისახა.საქსტატის მონაცემებით, წლიური ინფლაციის ფორმირებაზე ძირითადი გავლენა იქონია ფასების ცვლილებამ შემდეგ ჯგუფებზე: სურსათი და უალკოჰოლო სასმელები: ჯგუფში ფასები გაიზარდა 5.2%-ით, რაც წლიურ ინფლაციაზე 1.84 პ.პ.-ით აისახა. ფასები მომატებულია ქვეჯგუფებზე: თევზეული (20.9%), ხორცი და ხორცის პროდუქტები (10.1%), პური და პურპროდუქტები (7%), ხილი და ყურძენი (6.5%), ზეთი და ცხიმი (6.1%), შაქარი, ჯემი და სხვა ტკბილეული (6%), ყავა, ჩაი და კაკაო (5.4%), რძე, ყველი და კვერცხი (4.1%), მინერალური და წყაროს წყალი, უალკოჰოლო სასმელები და ნატურალური წვენები (1.5%). ამასთან, ფასები შემცირებულია ბოსტნეულსა და ბაღჩეულზე (-7%);ტრანსპორტი: ჯგუფში ფასები გაიზარდა 15.1%-ით, რაც წლიურ ინფლაციაზე 1.72 პ.პ.-ით აისახა. ფასები მომატებულია პირადი სატრანსპორტო საშუალებების ექსპლუატაციაზე (22.7%) და სატრანსპორტო მომსახურებაზე (9.3%);საცხოვრებელი, წყალი, ელ.ენერგია, აირი: ჯგუფში ფასები მომატებულია 7%-ით, რაც 0.66 პ.პ.-ით აისახა მთლიან ინდექსზე. ფასები გაზრდილია ქვეჯგუფებზე: ელექტროენერგია, აირი და სათბობის სხვა სახეები (10.3%), საცხოვრებლის მიმდინარე მოვლა და შეკეთება (5.9%) და ფაქტიური გადასახადი საცხოვრებელზე (4.6%);ალკოჰოლური სასმელები, თამბაქო: ჯგუფში ფასები გაიზარდა 7.2%-ით, რაც წლიურ ინფლაციაზე 0.46 პ.პ.-ით აისახა. ფასები გაიზარდა როგორც თამბაქოს ნაწარმზე (8.1%), ისე ალკოჰოლურ სასმელებზე (6.4%);ჯანმრთელობის დაცვა: მოცემულ პერიოდში ჯგუფში ფასები გაიზარდა 5.1%-ით, რაც წლიურ ინფლაციაზე 0.43 პ.პ.-ით აისახა. ფასები გაიზარდა ქვეჯგუფებზე: სამედიცინო პროდუქცია, აპარატურა და მოწყობილობა (7.7%), ამბულატორიული სამედიცინო მომსახურება (3%) და საავადმყოფოების მომსახურება (1.4%).

1780471245

ამ რწმენით, თიბისი ტექ ოლიმპიადების ჰაბის მეშვეობით ახალგაზრდებს ეხმარება, ცოდნა და უნარები საერთაშორისო ასპარეზზე გამოსცადონ. ამ გამოცდილების ერთ-ერთი წარმატებული მაგალითია ქეთა ციმაკურიძე - ახალგაზრდა პროგრამისტი, რომელმაც საკუთარი გზა განათლებისა და მუდმივი განვითარების არჩევით შექმნა.ქეთას ისტორია კომაროვის სკოლიდან იწყება. ტექნოლოგიებითა და ალგორითმებით დაინტერესების შემდეგ მან სწავლა კომპიუტერულ მეცნიერებათა ცენტრ „მზიურში“ გააგრძელა, სადაც ოლიმპიადების შესახებ შეიტყო და საერთაშორისო კონკურსებისთვის მზადებაც დაიწყო.„ადრეულ ასაკში, პირველი გააზრებული ნაბიჯი, რომელიც დამოუკიდებლობისკენ შეგიძლია გადადგა, განათლების მიღებაა. სწორედ ამიტომ ჩავაბარე კომაროვში, პარალელურად კი სწავლა „მზიურში“ დავიწყე. იქ ალგორითმებით დავინტერესდი და სწორედ ამ გარემომ გამაცნო ოლიმპიადების ტექ ოლიმპიადებში მონაწილეობა, საუკეთესო გზაა საქართველოდან საერთაშორისო ასპარეზის ნაწილი გახდე და ამერიკის წამყვან უნივერსიტეტებში შენი შესაძლებლობების კარი გაიღოს“, - ამბობს ქეთა.ტექ ოლიმპიადების ჰაბის მხარდაჭერით, რომელიც ბიზნესისა და ტექნოლოგიების უნივერსიტეტმა თიბისის გენერალური სპონსორობით დააფუძნა, ქეთამ საერთაშორისო ასპარეზზე არაერთ წარმატებას მიაღწია და ბრინჯაოს და ვერცხლის მედლების შემდეგ ზედიზედ ორი ოქროს მედალი მოიპოვა. თუმცა ქეთასთვის ეს გზა მხოლოდ გამარჯვებებს არ უკავშირდება. მისი თქმით, ოლიმპიადებმა ასწავლა, რომ მარცხიც განვითარების მნიშვნელოვანი ნაწილია.დღეს ქეთა MIT-ის მეოთხე კურსის სტუდენტია და მალე პროგრამისტის პოზიციაზე სტაჟირებას ამერიკის ერთ-ერთ წამყვან ფინანსურ კომპანიაში, Citadel Securities-ში დაიწყებს.„განათლება ადამიანის არჩეულ გზაზე თავისუფლებისა და დამოუკიდებლობის მოპოვების ყველაზე ძლიერი იარაღია. და როცა საკუთარი შესაძლებლობების გჯერა, შეუძლებელიც არაფერია”, - აღნიშნავს ქეთა.თიბისი აგრძელებს ახალი თაობის მხარდაჭერას და ახალგაზრდებისთვის ისეთი შესაძლებლობების შექმნას, რომლებიც მათ საკუთარი პოტენციალის სრულად რეალიზებაში დაეხმარება. ქეთა ციმაკურიძის ისტორია კი კიდევ ერთხელ ადასტურებს, რომ განათლება დამოუკიდებლობისკენ გადადგმული პირველი და ყველაზე მნიშვნელოვანი ნაბიჯია.(R)

1780468468

მარაბდა-კარწახის მონაკვეთზე მასშტაბური სამუშაოები განხორციელდა, რის შედეგადაც სრულიად ახალი სარკინიგზო ინფრასტრუქტურა აშენდა. აღნიშნული მონაკვეთი მოიცავს: 4 ახალ და 15 რეაბილიტირებულ სარკინიგზო ხიდს 13 თანამედროვე სტანდარტების მქონე სადგურ 34 გზაგამტარსა და 8 უახლეს წევის ქვესადგურს ლიანდაგის თოვლით დანამქვრისგან დამცავ 4 გალერეას საქართველო-თურქეთის დამაკავშირებელ სასაზღვრო სარკინიგზო გვირაბს პროექტის ერთ-ერთ უმნიშვნელოვანეს ნაწილს ახალქალაქის თანამედროვე სტანდარტების საერთაშორისო სარკინიგზო სადგური წარმოადგენს. სადგური ზღვის დონიდან 1800 მეტრზე მდებარეობს და მისი საერთო ფართობი 102 ჰექტარია. აღსანიშნავია, რომ ობიექტი გერმანელი არქიტექტორის, იურგენ მეიერის მიერ არის დაპროექტებული და იგი ყველა სახეობის ტვირთის გატარებაზეა გათვლილი, რაც მნიშვნელოვნად გააძლიერებს რეგიონის ეკონომიკურ დაკავშირებადობას.

1780464212