ისრაელში საქართველოს ელჩის პოსტზე ბექა დვალის კანდიდატურა წარადგინეს

ეროვნული უსაფრთხოების სამსახურის მესაზღვრე ჯარების დღისადმი მიძღვნილ ღონისძიებაზე სიტყვით გამოსვლისას, ფაშინიანმა ხაზგასმით აღნიშნა, რომ საქართველოსთან საზღვრის დადგენა სომხეთის სუვერენიტეტისა და ტერიტორიული მთლიანობის განმტკიცების სტრატეგიული გეგმის ნაწილია.„ჩვენს დღის წესრიგში დგას საქართველოსთან საზღვრის დელიმიტაციის დასრულების საკითხი და ჩვენ უკვე მივაღწიეთ შეთანხმებას ჩვენს ქართველ პარტნიორებთან ამ თემაზე. ამით სომხეთის რესპუბლიკის საზღვრების დელიმიტაციისა და დემარკაციის პროცესი დასრულდება“, - განაცხადა ფაშინიანმა.პრემიერ-მინისტრის განმარტებით, საზღვრების საბოლოო საერთაშორისო აღიარება სახელმწიფოს საშუალებას მისცემს, უფრო ეფექტურად მოახდინოს რესურსების ფოკუსირება ქვეყნის განვითარებაზე.საქართველოსთან ერთად, ფაშინიანმა მიმოიხილა აზერბაიჯანთან მიმდინარე დელიმიტაციის პროცესიც. მან მაგალითად მოიყვანა უკვე დემარკირებული 12-კილომეტრიანი მონაკვეთი, სადაც სამხედრო შენაერთები მესაზღვრეებმა ჩაანაცვლეს. ფაშინიანის თქმით, ერევნის მიზანია, ყველა სახელმწიფო საზღვარი მესაზღვრეების პასუხისმგებლობის ქვეშ გადავიდეს, რაც რეგიონში მშვიდობის დამყარების სიმბოლო იქნება.საქართველოსა და სომხეთს შორის სახელმწიფო საზღვრის სიგრძე დაახლოებით 224 კილომეტრია, რომლის მნიშვნელოვანი ნაწილი ათწლეულების განმავლობაში დელიმიტირებული არ ყოფილა. ბოლო პერიოდში მხარეებმა გაააქტიურეს მუშაობა საზღვრის სრულ დადგენაზე, რაც ორ ქვეყანას შორის სტრატეგიული პარტნიორობის გაღრმავების დეკლარაციას ეფუძნება.ფაშინიანის განცხადებით, რეგიონი „ისტორიულ ცვლილებებს“ განიცდის, რაც სამხედრო ესკალაციის რისკების შემცირებასა და სასაზღვრო ზონების სამოქალაქო კონტროლზე გადასვლას გულისხმობს.

1777289507

კანონპროექტების თანახმად, საომარი მდგომარეობისა და მობილიზაციის ვადის გაგრძელება იგეგმება 2026 წლის 4 მაისიდან კიდევ 90 დღით - 2026 წლის 2 აგვისტომდე. შესაბამისად, პარლამენტი საომარი მდგომარეობისა და მობილიზაციის გაგრძელების საკითხს მეცხრამეტედ განიხილავს.მანამდე ზელენსკიმ ხაზგასმით აღნიშნა, რომ რუსეთის ფედერაციასთან ომი არ დასრულდება მანამ, სანამ უკრაინა უსაფრთხოების ქმედით გარანტიებს არ მიიღებს; იქამდე კი საომარი მდგომარეობის დასრულებაც შეუძლებელია.კითხვაზე, შესაძლებელია თუ არა საომარი მდგომარეობის გაუქმება ზავის დროს, პრეზიდენტმა უპასუხა:„უპირველეს ყოვლისა, ჩვენ ყველას გვსურს, რომ ომი დასრულდეს და მაშინ დასრულდება საომარი მდგომარეობის მოქმედებაც. სწორედ ასე და მხოლოდ ასე. თუმცა, საომარი მდგომარეობის დასრულება მოხდება იმ მომენტში, როდესაც უკრაინას უსაფრთხოების გარანტიები გაუჩნდება. უსაფრთხოების გარანტიების გარეშე ეს ომი რეალურად არ დასრულდება, ჩვენ ვერ ვაღიარებთ მის დასრულებას, რადგან ასეთი მეზობლის პირობებში არსებობს განმეორებითი აგრესიის რისკი“, - განაცხადა ზელენსკიმ. 

1777282879

საერთაშორისო ჯილდო თიბისის გადაეცა ინოვაციური სიახლეების დანერგვისთვის, რომლებიც მომხმარებლების გამოცდილებას აუმჯობესებს. თიბისის მიერ ხელოვნური ინტელექტის, ციფრული გადახდებისა და სხვა ინოვაციური სიახლეების დანერგვით, მომხმარებელი მასზე მორგებულ, პერსონალიზებულ გამოცდილებას იღებს, უფრო სწრაფად შეუძლია ტრანზაქციების განხორციელება, რაც მას უზოგავს დროს და ცხოვრებას უმარტივებს. Global Finance-მა თიბისის დამატებით ჯილდო გადასცა ბანკის მიერ დანერგილი ინოვაციისთვის - ხელოვნური ინტელექტის გამოყენება მინი და მიკრო სესხების გაცემის პროცესში.„ავტორიტეტულმა ფინანსურმა გამოცემამ Global Finance თიბისი დაგვასახელა ყველაზე ინოვაციურ ბანკად ცენტრალურ და აღმოსავლეთ ევროპაში. ჩვენი ყველა ინოვაციის მიზანია - გააუმჯობესოს მომხმარებლის გამოცდილება. ამ ჯილდომ კიდევ ერთხელ დაადასტურა, რომ თიბისი არის საერთაშორისო კომპანია, რომელმაც საქართველოს ფინანსურ სექტორს საერთაშორისო აღიარება მოუტანა", - გიორგი თხელიძე, თიბისის გენერალური დირექტორი.Global Finance Innovators Awards უკვე 13 წელია გამოარჩევს და აღიარებს იმ ბანკებსა და ფინტექ კომპანიებს, რომლებიც ინოვაციების და ტექნოლოგიების გამოყენებით ფინანსურ სექტორში ახალ სტანდარტებს ამკვიდრებენ და განსაზღვრავენ ინდუსტრიის განვითარებას. ეს ჯილდოები მსოფლიო მასშტაბით აღიარებს ფინანსური ინსტიტუტების სანდოობასა და მაღალ რეპუტაციას. წლების განმავლობაში, თიბისის, Global Finance-ის სხვადასხვა ნომინაციაში, არაერთი ჯილდო აქვს მიღებული. (R)

1777282587

როგორც მთავრობა განმარტავს, აღნიშნული ცვლილებით მოხდება სამართალდამცავი სისტემის ეფექტიანობის ზრდა უწყებათაშორისი კოორდინაციის გაძლიერების გზით ისე, რომ სამართალდამცავი ორგანოების ინსტიტუციური დამოუკიდებლობა შენარჩუნებული იქნება.მისივე ინფორმაციით, ცვლილებით უზრუნველყოფილი იქნება სამართალდაცვითი ფუნქციების მქონე სამსახურების საქმიანობის სინქრონიზაცია, შესაბამისი გადაწყვეტილებების მიღების დაჩქარება, აუცილებელი საკანონმდებლო ცვლილებების დროული მომზადება და დინამიკურ გამოწვევებზე ეფექტური და დროული რეაგირება.“ქვეყნის განვითარების ნებისმიერ ეტაპზე სამართალდამცავი ორგანოების გამართულ, ურთიერთშეთანხმებულ ფუნქციონირებას განსაკუთრებული მნიშვნელობა ენიჭება.საზოგადოების განვითარებასთან ერთად, იცვლება დანაშაულის ხერხები და საშუალებები. შესაბამისად, მუდმივ დახვეწასა და ტრანსფორმაციას საჭიროებს სამართალდამცავი სფეროს მარეგულირებელი პოლიტიკა, დანაშაულთან ბრძოლის მიდგომები და მეთოდები.არსებული სამთავრობო სტრუქტურა სამართალდამცავი ორგანოების კოორდინაციის სისტემურ მექანიზმს არ ითვალისწინებს. ამავე დროს, სამართალდაცვითი ფუნქციები გადანაწილებულია რამდენიმე უწყებაში. აღნიშნული უწყებების ოპერატიული კოორდინაციის ამ მნიშვნელოვანი სფეროს ეფექტიანობის გაზრდის მიზნით, საჭიროა არსებობდეს ერთიანი სტრატეგიული მაკოორდინირებელი უწყება მთავრობის შემადგენლობაში, ვინაიდან საქართველოს კანონმდებლობით, საქართველოს მთავრობა იღებს ზომებს საზოგადოებრივი უსაფრთხოების უზრუნველსაყოფად. იგი ეროვნული უსაფრთხოების პოლიტიკის დაგეგმვის მაკოორდინირებელი უწყებაა.ცვლილება უზრუნველყოფს სამართალდამცავ ორგანოებს შორის თანამშრომლობის გაძლიერებას. ერთობლივი ოპერაციების დაგეგმვის ხელშეწყობას, ინფორმაციის გაცვლის სტანდარტების დანერგვას. მეორე მხრივ, მათი საქმიანობის ეფექტიანობის შეფასებას, პრობლემური მიმართულებების იდენტიფიცირებას. ასევე, მთავრობის კონსტიტუციური უფლებამოსილების ფარგლებში, სახელმწიფო მინისტრი განახორციელებს კოორდინაციას საქართველოს პროკურატურასთან, სახელმწიფო აუდიტის სამსახურსა და სასამართლო ხელისუფლებასთან.აღნიშნული ცვლილებით უზრუნველყოფილი იქნება სამართალდაცვითი ფუნქციების მქონე სამსახურების საქმიანობის სინქრონიზაცია, შესაბამისი გადაწყვეტილებების მიღების დაჩქარება, აუცილებელი საკანონმდებლო ცვლილებების დროული მომზადება და დინამიკურ გამოწვევებზე ეფექტური და დროული რეაგირება“, - ნათქვამია კანონის პროექტზე თანდართულ განმარტებით ბარათშისამართალდამცავი ორგანოების კოორდინაციის საკითხებში სახელმწიფო მინისტრის თანამდებობის შექმნის შემდეგ, პოსტს მამუკა მდინარაძე დაიკავებს. პარლამენტს სახელმწიფო უსაფრთხოების სამსახურის პოსტიდან ვადაზე ადრე გადადგომის შესახებ მდინარაძის წერილობითი განცხადება უკვე წარედგინა.

1777279931

სტატისტიკური დინამიკა აჩვენებს, რომ 2021 წლის შემდეგ (₾4.62 მლნ) სექტორის სახელმწიფო დაფინანსება 137,2%-ით არის გაზრდილი. მიუხედავად იმისა, რომ 1 კგ ალექსანდროულსა და მუჯურეთულზე სუბსიდიის განაკვეთი ბოლო ოთხი წლის განმავლობაში 4 ლარზე სტაბილურად ნარჩუნდება, ჯამური ბიუჯეტის ზრდა წარმოების მასშტაბების გაფართოებასა და გაძვირებულ ლოგისტიკურ ხარჯებს უკავშირდება.სუბსიდირებას აქვს მოკლევადიანი ეკონომიკური ეფექტი, ამას უყვება GBC-ის რაჭველი მეღვინე, რომელიც სააგენტომ ანონიმურობის დაცვით პირობით ჩაწერა. “2020 წლიდან ვსარგებლობთ სუბსიდირებით. საწარმოსთვის ეს კარგია, რადგან ყიდულობს ყურძენს იაფად, 8 ლარის მაგივრად საწარმო იხდის 4 ლარს. ფაქტობრივად ნახევარ ფასში ყიდულობს. ყურძნის ხარისხზე ეს დადებითად არ აისახება, იმ პირობით, რა პირობითაც სუბსიდია გაიცემა. ფერმერს გარანტირებული აქვს, რომ ყურძენს გაყიდის. პრაქტიკულად რთულია კარგი ხარისხის ყურძენი იყიდო და იყიდო ბევრი, რადგან მევენახეზე მთავრობის მიერ გაცემულ სუბსიდიას აქვს ეკონომიკური ეფექტი, ისინი ცდილობენ, რაოდენობაში ბევრი მოიყვანონ და არ აქცევენ ხარისხს ყურადღებას.ჩემი აზრით, ყველანაირ ყურძენზე ერთი სასუბსიდიო ფასი არ უნდა არსებობს. უნდა გაკონტროლდეს საჰექტრო მოსავლიანობა, რომ დაბალი ხარისხი არ მივიღოთ. კონტროლს უნდა დაექვემდებაროს ყურძნის კონდიციაც, რომ იყოს ჯანსაღი შესაბამისი შაქრიანობით.ყველაზე ცუდი არის ის, რომ ღვინოს ვერ ვყიდით და ნამატი პროდუქტი გვაქვს. გარდა სუბსიდიისა, სახელმწიფომ 2025 წელს ძალიან დიდი რაოდენობით ყურძენი თავად შეისყიდა. ანუ, მოთხოვნა არ იყო ამ ყურძენზე და მოთხოვნა, რომ არ იყო ეგაა ცუდი. სახელმწიფოს არ უნდა უწევდეს ამ ყურძნის შეძენა. მაგრამ რომ არა სუბსიდირება, მოთხოვნის არ ქონის შემთხვევაში ძალიან ბევრ ფერმერს დარჩებოდა გაუყიდავი მოსავალი”, - აღნიშნავს რაჭველი მეღვინე GBC-სთან საუბარში და იქვე დასძენს, რომ "რაჭა-ლეჩხუმის მეღვინეობის სექტორის მთავარი გამოწვევა არა ყურძნის შესყიდვა, არამედ ღვინის რეალიზაციაა. ერთ-ერთი მეღვინე აღნიშნავს, რომ მარნებს უფრო მეტად ესაჭიროებათ დახმარება გაყიდვების, ბაზრის მოძიებისა და პოზიციონირების მიმართულებით, ვიდრე ყურძნის შესყიდვაში".მიუხედავად იმისა, რომ 1 კგ ყურძენზე (ალექსანდროული და მუჯურეთული) სუბსიდია 3-დან 4 ლარამდე გაიზარდა და ბოლო ოთხი წლის განმავლობაში სტაბილურად ნარჩუნდება, დარგის ექსპერტები მიიჩნევენ, რომ ეს არ ნიშნავს ფერმერთა წმინდა მოგების ზრდას. გაზრდილი სუბსიდია ძირითადად გაძვირებული თვითღირებულების კომპენსირებას ხმარდება.ანალიტიკოსების შეფასებით, 2025 წლის „ბიუჯეტური ნახტომი“ აძლიერებს ფერმერთა მოწყვლადობას, რადგან რაჭა-ლეჩხუმის მევენახეობა სულ უფრო მეტად ხდება სახელმწიფო დონაციაზე დამოკიდებული, რაც გრძელვადიან პერსპექტივაში დარგის მდგრადობისთვის რისკის შემცველია.

1777279476

ეს მოხდა მას შემდეგ, რაც აშშ-ის პრეზიდენტმა დონალდ ტრამპმა შაბათს განაცხადა, რომ ვაშინგტონმა გააუქმა პაკისტანში დელეგაციის გაგზავნის გეგმა, სადაც ირანელ კოლეგებთან მოლაპარაკებები უნდა გამართულიყო.ენერგორესურსების გლობალური მიწოდება ირანის ომის დაწყების დღიდან ძლიერი ზეწოლის ქვეშაა, რადგან კონფლიქტის გამო ჰორმუზის სრუტე - უმნიშვნელოვანესი წყლის გზა, ფაქტობრივად ჩაიკეტა.ირანის საგარეო საქმეთა მინისტრმა სეიდ აბას არაღჩიმ კვირას განაცხადა, რომ ომანთან, მათ მეზობელთან სრუტის გასწვრივ, მიმდინარეობს „მნიშვნელოვანი დისკუსიები ორმხრივ საკითხებსა და რეგიონულ მოვლენებზე“.მან სოციალურ ქსელში დაწერა: „ჩვენი ყურადღება გამახვილებული იყო უსაფრთხო ტრანზიტის უზრუნველყოფის გზებზე, რაც სასარგებლო იქნება ყველა ძვირფასი მეზობლისთვის და მსოფლიოსთვის. ჩვენი მეზობლები ჩვენი პრიორიტეტია“.ირანის სახელმწიფო საინფორმაციო სააგენტო „ირნას“ (Irna) ცნობით, არაღჩი ორშაბათს სანქტ-პეტერბურგში ჩავიდა „რუსეთის პრეზიდენტ ვლადიმერ პუტინთან შეხვედრისა და მოლაპარაკებების გამართვის მიზნით“.მსოფლიოს ნედლი ნავთობისა და თხევადი ბუნებრივი აირის (LNG) დაახლოებით მეხუთედი, როგორც წესი, სწორედ ჰორმუზის სრუტეზე გადის. Brent-ის მარკის ნავთობის ფასი 10%-ზე მეტით გაიზარდა მას შემდეგ, რაც გასულ კვირას ტრამპმა გამოაცხადა, რომ გაახანგრძლივებდა თეირანთან ცეცხლის შეწყვეტის შეთანხმებას, რათა მის ხელმძღვანელობას „ერთიანი წინადადების“ წარდგენის შანსი ჰქონოდა.სოფი ჰუინმა, BNP Paribas-ის პორტფელის მენეჯერმა და სტრატეგმა, განაცხადა, რომ სრუტის ხანგრძლივმა ჩაკეტვამ შესაძლოა გავლენა იქონიოს ყველაფრის ფასზე - „ნაგვის პარკებიდან დაწყებული, მედიკამენტებით დამთავრებული“.„ვფიქრობ, ჩვენ სათანადოდ ვერ ვაფასებთ იმ მასშტაბებს, თუ რა პროდუქტებზე შეიძლება იმოქმედოს ნავთობის დეფიციტმა. ჩვენ ხომ ნედლ ნავთობს კი არ მოვიხმართ, არამედ პროდუქტებს“, - განუცხადა მან BBC-ის გადაცემა Today-ს.მისი თქმით, თუ სრუტე კიდევ რამდენიმე კვირა დარჩება ჩაკეტილი, შედეგები „მიწოდების ჯაჭვის თვალსაზრისით მართლაც შორს მიმავალი იქნება“.სინგაპურის მენეჯმენტის უნივერსიტეტის ეკონომიკის ლექტორმა, გო ჯინგ რონგმა აღნიშნა, რომ ნავთობის ტრეიდერები ნაკლებად რეაგირებენ ბოლო სათაურებზე და ელოდებიან კონფლიქტის განმუხტვის „სარწმუნო“ მტკიცებულებებს.„ვფიქრობ, ტრეიდერებს სურთ კონკრეტული მტკიცებულებები და არა მხოლოდ მყიფე და შექცევადი შეთანხმება ცეცხლის შეწყვეტის შესახებ“, - თქვა გომ.ტრამპმა შაბათს Truth Social-ის პოსტში დაწერა, რომ ისლამაბადში აშშ-ის წარმომადგენლების გაგზავნაზე „ძალიან ბევრი დრო იხარჯებოდა მგზავრობაში“ და ეს იყო „ზედმეტი სამუშაო“.პრეზიდენტმა დასძინა, რომ თეირანის ხელმძღვანელობაში „არის უზარმაზარი შიდა დაპირისპირება და დაბნეულობა“. „არავინ იცის, ვინ არის პასუხისმგებელი, მათ შორის არც თავად მათ“, - თქვა მან. „გარდა ამისა, ყველა კარტი ჩვენს ხელშია, მათ კი არაფერი აქვთ! თუ საუბარი სურთ, საკმარისია უბრალოდ დარეკონ!“აზიის ბირჟებზე აქციების ფასები კვლავ იზრდებოდა და ზოგიერთმა მთავარმა საფონდო ბაზარმა რეკორდულ მაჩვენებლებს მიაღწია, მიუხედავად იმისა, რომ კონფლიქტის დასაწყისში ფასები მკვეთრად დაეცა.იაპონიის Nikkei 225 ინდექსი ორშაბათს 1,7%-ით გაიზარდა, რამაც კიდევ უფრო გაზარდა გასულ თვეში დაფიქსირებული თითქმის 14%-იანი მატება.სამხრეთ კორეის Kospi ბოლო ერთ თვეში 20%-ზე მეტით გაიზარდა, ორშაბათს კი მატებამ 2,5% შეადგინა.იაპონიის და სამხრეთ კორეის საფონდო ბირჟებმა თავიდან დიდი დარტყმა მიიღეს, რადგან მათი ეკონომიკა დიდწილად არის დამოკიდებული ყურის რეგიონიდან ენერგომატარებლების მიწოდებაზე.

1777275565

„ამერიკულმა ძალებმა 38 გემს უკან გაბრუნება ან პორტში დაბრუნება აიძულეს“, - ნათქვამია პოსტში.ცენტრალურ სარდლობას არ დაუკონკრეტებია იმ ადგილმდებარეობების შესახებ, სადაც გემები შეაჩერეს და უკან გააბრუნეს.გასულ კვირას, აშშ-ის ძალები ინდოეთის ოკეანის სიღრმეში ირანის „ჩრდილოვან ფლოტთან“ დაკავშირებულ ტანკერებზე ავიდნენ, რითაც შეასრულეს პირობა, რომ ირანთან დაკავშირებულ გემებს მსოფლიოს ნებისმიერ წერტილში მიადევნებდნენ თვალს.

1777270080

AAWE-ს ანგარიში, რომელიც აშშ-ის აღწერის ბიუროსა და USA Trade Online-ის მონაცემებს ეყრდნობა, ასახავს იმ ეფექტურ სატარიფო განაკვეთებს, რომლებიც წლის განმავლობაში იმპორტირებული ღვინის ღირებულებაზე იქნა დაკისრებული.ქართული ღვინისთვის დაწესებული 7%-იანი ტარიფი უფრო დაბალია, ვიდრე ევროპული ღვინის მწარმოებელი წამყვანი ქვეყნების მაჩვენებლები. მაგალითად:ამასთან, რეგიონის სხვა ქვეყნებთან შედარებით, საქართველოდან იმპორტირებული ღვინო ოდნავ მაღალი ტარიფით იბეგრება, ვიდრე სომხური (6.7%) ან მოლდოვური (3.7%) პროდუქცია. ყველაზე შეღავათიანი პირობებით კი აშშ-ის ბაზარზე მექსიკა (0.0%) და კანადა (0.3%) სარგებლობენ.AAWE-ს განმარტებით, 2025 წლის განმავლობაში ტარიფების ცვლილებაზე გავლენა იქონია რამდენიმე ფაქტორმა, მათ შორის ევროკავშირის ქვეყნებისთვის დაწესებულმა დამატებითმა შეზღუდვებმა (IEEPA).

1777226897