ევროკავშირის ახალი კანონმდებლობით რუსული აქტივების ჩამორთმევა მარტივდება

ბოლო 2 საანგარიშო თვეში, წინა 9 თვისგან განსხვავებით გაყიდვები ჭარბობდა. იანვარ-სექტემბრის წმინდა შესყიდვები კი $1.472 მილიარდს შეადგენდა.ამასთან, სებ-ის სტატისტიკით, ოქტომბერში ნაღდ ფულზე მოთხოვნა ₾18 მლნ -ით შემცირდა, ნოემბერში კი განაღდებებმა დაიკლო 100 მლნ-ზე მეტით. შესაბამისად მიმოქცევაში ლარი, 5.5 მილიარდამდე შემცირდა.ოქტომბერ-ნოემბერში განაღდებებებით და სხვა ოპერაციებით სისტემას ₾1 მილიარდზე მეტი მოაკლდა, მათ შორის  სავალუტო აუქციონებზე სებ-ის ტრანზაქციებით,230 მლნ ლარამდე.თუმცა ამასთან სხვა ინსტრუმენტებით და კომპონენტებით, მათ შორის რეფინანსირების და ერთთვიანი სესხებით (400 მლნ-მდე) 650 მლნ ლარზე მეტი ლიკვიდობა მიეწოდა.სებ-ის  "თვის მიმოხილვით" ოქტომბერში მცირე და საშუალო ბიზნესის ლიკვიდობის მხარდამჭერი სესხის ნაშთი 125.6 მლნ ლარით, 147.3 მლნ ლარამდე გაიზარდა. ეროვნულმა ბანკმა სავალუტო აუქციონით 84.9 მლნ აშშდოლარი გაყიდა. ~მთლიანობაში, ოქტომბერში ბანკების წმინდა დავალიანების მოცულობა 35.6 მლნ ლარით, 1.07 მილიარდამდე გაზარდა.

1701962940

საქართველოს 4-ვე სამთო-სათხილამურო კურორტზე: გუდაურში, ბაკურიანში, გოდერძისა და მესტიაში, დამსვენებლები 9 დეკემბრიდან ეტაპობრივად შეძლებენ საბაგიროებითა და სასრიალო ტრასებით სარგებლობას.მათ შორის, კურორტ გოდერძიზე, 9 დეკემბრიდან ჩაირთვება საბაგიროები: ჭანჭახი და ზანკა, გაიხსნება ტრასები: იაილა და იაილა 1, რომლებიც ორშაბათი-პარასკევი 10:00-16:00, ხოლო შაბათი და კვირა - 10:00-17:00 იმუშავებენ.ხოლო გუდაურში დამსვენებლებს 2 ახალი საბაგირო კომპლექსი და ახალი სასრიალო ტრასა დახვდებათ.აბონემენტი ხელმისაწვდომია კურორტის სალაროში. გასული სეზონების მულტიქარდის მფლობელები ახალი აბონემენტის გააქტიურებას იმავე ბარათზე შეძლებენ6 წლამდე ასაკის ბავშვებისთვის საბაგიროებით სარგებლობა უფასოა.ერთჯერადი ასვლა 5 ლარი ღირს, ერთდღიანი 30 ლარი, ერთკვირიანი 160 ლარი, ხოლო სეზონური 210 ლარი. ოთხი კურორტის სეზონური მულტიპასი 650 ლარია.

1701953954

აშშ-ის განათლების მდივანმა მიგელ კარდონამ თავის განცხადებაში ახსენა, რომ ხელისუფლებაში ბაიდენის მოსვლამდე არსებობდა მნიშვნელოვანი დაბრკოლებები, რომლებიც ხელს უშლიდა უფლებამოსილ პირებს მიეღოთ სტუდენტური ვალის შეღავათი. იგი ხაზს უსვამს, რომ ბაიდენის ადმინისტრაციის მიერ ვალების განულების მოცულობა უპრეცედენტოა.გარდა ამისა, 34 400 მსესხებელს, რომლებიც საჯარო სამსახურში ათი წლის ან მეტი ხნის განმავლობაში მუშაობდნენ, $2,6 მლრდ–ის სესხი გაუუქმდებათ, განაცხადა აშშ-ის განათლების დეპარტამენტში.ბაიდენის ადმინისტრაციამ ამ დროისთვის, 3,6 მილიონზე მეტ ამერიკელს,  თითქმის 132 მილიარდი დოლარის სტუდენტური დავალიანება გააუქმა.შეგახსენებთ, რომ ამერიკაში 2024 წლის საპრეზიდენტო არჩევნები 5 ნოემბერს იგეგმება.  ,,ეს ქმედებები, სავარაუდოდ,  პრეზიდენტ ჯო ბაიდენს ხელახალ არჩევაში დაეხმარება“, – ამბობს უმაღლესი განათლების ექსპერტი მარკ კანტროვიცი.რესპუბლიკური პარტიის პრეზიდენტობის კანდიდატები სტუდენტური სესხების პატიებას ეწინააღმდეგებიან.ნიუ ჯერსის ყოფილმა გუბერნატორმა კრის კრისტიმ განაცხადა, რომ ბაიდენს არ ჰქონდა უფლება გაეუქმებინა სტუდენტური დავალიანება კონგრესისგან წინასწარი ნებართვის გარეშე.შეგახსენებთ რომ ბაიდენმა 2022 წელს სტუდენტური სესხის პატიების გეგმა წარადგინა, რომელიც უზენაესმა სასამართლომ საბოლოოდ  უარყო. ეს გეგმა დაახლოებით 400 მილიარდი დოლარის ღირებულებით, ისტორიაში  ერთ-ერთი ყველაზე ძვირად ღირებული პროექტი უნდა ყოფილიყო.ექს–პრეზიდენტმა დონალდ ტრამპმა უზენაეს სასამართლოს მხარი დაუჭირა.„უზენაესმა სასამართლომ ასევე დაადგინა, რომ პრეზიდენტ ბაიდენს არ შეუძლია წაშალოს ასობით მილიარდი, შესაძლოა ტრილიონი დოლარი სტუდენტური სესხის ვალი, რაც ძალიან უსამართლო იქნებოდა მილიონობით ადამიანის მიმართ, რომლებმაც შრომისმოყვარეობითა და მონდომებით გადაიხადეს ვალი“, - თქვა ტრამპმა ივნისში საარჩევნო კამპანიის ღონისძიებაზე.ცნობისთვის, მსგავსი პროექტი 15 სექტემბერს საქართველოში პრემიერ–მინისტრმა ირაკლი ღარიბაშვილმა დააანონსა. მისი თქმით, სტუდენტებს, რომლებსაც ფინანსური დავალიანების გამო, შეჩერებული აქვთ სტატუსი, დავალიანება გაუნულდებათ. ეს განცხადება მან მთავრობის მთავრობის სხდომაზე გააკეთა."ჩვენთვის, ყველასთვის მნიშვნელოვანია სტუდენტების სწავლა-განათლება. მინდა, შევეხო ერთ პრობლემას, რომელიც ყველას აწუხებს. ეს არის ე.წ. სტატუსშეჩერებული სტუდენტების საკითხი. მოვიკითხე ამის შესახებ და განათლების მინისტრისგან მოვისმინე დეტალური ინფორმაცია. დაახლოებით 30 ათასამდე სტუდენტს ფინანსური დავალიანების გამო, შეჩერებული აქვს სტატუსი. ამიტომ, ჩემი გადაწყვეტილებით, ყველა ამ სტუდენტს, ვისაც შეჩერებული აქვს სტატუსი ფინანსური დავალიანების გამო, გაუნულდება დავალიანება და შეეძლებათ, სურვილის შემთხვევაში, აღიდგინონ სტატუსი და გააგრძელონ სწავლა თავიანთ უნივერსიტეტებში. ეს არის დაახლოებით 40 მილიონი ლარის დავალიანება", - აცხადებდა 15 სექტემბერს ირაკლი ღარიბაშვილი.

1701947958

შეხვედრის მიზანი მედიისთვის წყლის რესურსების მდგრადი მართვის  პოლიტიკისა და  წყლის რესურსების ეფექტური გამოყენების მნიშვნელობის შესახებ ღირებული ინფორმაციის გაზიარება და საზოგადოების ცნობიერების ამაღლებაა.მედიის წარმომადგენლებს მიმდინარე სიახლეები  ჯივიპის გენერალურმა დირექტორმა ხოსე მიგელ სანტოსმა,  USAID/საქართველოს კერძო სექტორის განვითარების ოფიცერმა ჯორდი არიმანიმ, USAID ეკონომიკური მმართველობის პროგრამის ხელმძღვანელის მოადგილემ ნინო ჩოხელმა და  ჯივიპისა და USAID-ის წარმომადგენლებმა გააცნეს.,,USAID-თან ერთად მედიის წარმომადგენლებს გავუზიარეთ ინფორმაცია წყლის რესურსების მართვის ახალი კანონის შესახებ. აღნიშნული კანონი მნიშვნელოვან გავლენას ახდენს ჯორჯიან უოთერ ენდ ფაუერის საქმიანობასა და ზოგადად, წყლის სექტორზე საქართველოში.კანონი ევროპულ სტანდარტებს ამკვიდრებს წყლის რესურსების მართვისა და მოხმარების მიმართულებით. მიმდინარე ცვლილებები მომდევნო წლებში სრულად დაარეგულირებს წყალმომარაგების სექტორს.” - ხოსე მიგელ სანტოსი, ჯივიპის გენერალური დირექტორი.,,USAID ეკონომიკური მმართველობის პროგრამა მხარს უჭერს წყლის რესურსების ახალი კანონის შემუშავებას, კანონი ნერგავს ეფექტურ მექანიზმებს, იმისთვის, რომ მოხდეს წყლის რესურსების სწორი მართვა და გამოყენება, ამ სამუშაოების ფარგლებში ჩვენ  ვთანამშრომლობთ ჯივიპისთან, რომლის ახალი მფლობელის, აქუალიას გლობალური გამოცდილება ძალიან მნიშვნელოვანია ახალი კანონმდებლობის დანერგვის პროცესში.დღევანდელი ღონისძიება დიდი საინფორმაციო კამპანიის ნაწილია, რომლის ამოცანაა მოსახლეობის ცნობიერების ამაღლება წყლის რესურსების მდგრად მოხმარებასთან დაკავშირებით.“ - USAID ეკონომიკური მმართველობის პროგრამის ხელმძღვანელის მოადგილე,ნინო ჩოხელი.„ჯორჯიან უოთერ ენდ ფაუერი ყოველდღიურად 600 000-ზე მეტ მომხმარებელს ემსახურება, შესაბამისად, ნებისმიერი სახის რეფორმა, რომელიც ეხება წყლის რესურსების მართვას, გავლენას ახდენს კომპანიის ყოველდღიურ საქმიანობაზე, რასთან დაკავშირებითაც საზოგადოების ინფორმირება ჩვენთვის ძალიან მნიშვნელოვანია.“ - ზურა ალფაიძე, ჯივიპის ტექნიკური განვითარების და სისტემების დირექტორი.2023 წლის მარტში USAID-ის ეკონომიკური მმართველობის პროგრამასა და ჯორჯიან უოთერ ენდ ფაუერს შორის ხელი მოეწერა მემორანდუმს წყლის რესურსების მართვის რეფორმის ერთობლივი მხარდაჭერის შესახებ. მედიასთან გამართული ღონისძიება USAID-ის ეკონომიკური მმართველობის პროგრამასა და gwp-ს შორის მიმდინარე თანამშრომლობის ნაწილია.

1701945413

,,სამოქალაქო ავიაციის საერთაშორისო დღეს ვულოცავ ავიაციის სექტორში დასაქმებულ ყველა პროფესიონალს. ეს ის ადამიანები არიან, რომლებიც ყოველდღიურად ქმნიან ქართული სამოქალაქო ავიაციის ისტორიას. წლევანდელი წელი კი ჩვენი ქვეყნის სამოქალაქო და კომერციული ავიაციისთვის, რომელსაც 100 წელი შეუსრულდა, ნამდვილად ისტორიულია.ჩვენ ძალიან დიდი გზა გამოვიარეთ, ბევრი გამოწვევითა თუ გამარჯვებებით, რომ დღევანდელ დღემდე მოვსულიყავით. მათ შორის, მეორე მსოფლიო ომის შემდეგ სამოქალაქო ავიაციისთვის  ყველაზე მთავარი გამოწვევა - COVID პანდემია. თუმცა, ავიაციის სექტორში დასაქმებულმა თითოეულმა პროფესიონალმა ღირსეულად გადალახა პანდემიით გამოწვეული უარყოფითი გავლენები და დაუღალავი შრომის შედეგად, დღეს უკვე საქართველოს სამივე საერთაშორისო აეროპორტიდან ჯამში გვაქვს პირდაპირი საჰაერო წვდომა 35 ქვეყნის 67 ქალაქის მიმართულებით. საქართველოს ბაზარზე, ამ ეტაპზე, ოპერირებს 50 სამგზავრო ავიაკომპანია, რომელთა მიერ ქართულ ეკონომიკაში შეტანილი წვლილი დიდია.კიდევ ერთხელ ვულოცავ პროფესიულ დღეს ავიაციის სექტორში დასაქმებულ თითოეულ თანამშრომელს. მადლობა თქვენ, რომ ყოველდღიურად მაღალი პროფესიონალიზმითა და დიდი მონდომებით, ღირსეულად უწყობთ ხელს საჰაერო რეისების უსაფრთხო და თანმიმდევრულ განვითარებას. სწორედ თქვენს წარმატებულ საქმიანობაზეა დამოკიდებული სხვა სექტორების მუშაობა, რომლებიც ჩვენი ქვეყნის ეკონომიკის მთავარი მამოძრავებელი ძალაა.“ 

1701942538

„კურორტების განვითარება ძალიან მნიშვნელოვანი მიმართულებაა ჩვენი ქვეყნის და ჩვენი ტურისტული პოტენციალის განხორციელების კუთხით. ვხედავთ, რომ ძალიან დიდია ინტერესი და საზოგადოების სხვადასხვა წრის ჩართულობა. საქართველოს დიდი ბუნებრივი და კულტურული მემკვიდრეობა გააჩნია, რომელიც საშუალებას გვაძლევს, აღვადგინოთ ძველი კურორტები და განვავითაროთ ახალი საკურორტო ადგილები, იმისთვის, რომ საბოლოოდ უფრო მეტი ღირებულება შევქმნათ ტურიზმის სექტორში“, - აღნიშნა ლევან დავითაშვილმა.კონფერენციაში მონაწილეობენ სახელმწიფო, კერძო, საერთაშორისო და ადგილობრივი ორგანიზაციების წარმომადგენლები და ექსპერტები. სსიპ „კურორტების განვითარების სააგენტოს“ დირექტორმა ალექსანდრე ონოფრიშვილმა მათ საქართველოს საქართველოში ამ ინდუსტრიაში არსებული სურათი და სააგენტოს საქმიანობის მთავარი ასპექტები და გეგმები გააცნო. კონფერენციის ფარგლებში ორი თემატური სესია იმართება: კურორტების მდგრადი განვითარება: ტენდენციები, გამოწვევები და პერსპექტივები; კურორტების განვითარების სოციალური და ეკონომიკური შედეგები.„იმისთვის, რომ ამ სექტორის განვითარება იყოს გეგმაზომიერი, თანმიმდევრული და მდგრადი და იმისთვის, რომ დავაფიქსიროთ ის შეცდომები, რომლებიც, სამწუხაროდ, ბოლო წლებში ზოგიერთ ტურისტულ ლოკაციაზე გვქონდა, მთავრობის გადაწყვეტილებით 2022 წელს შეიქმნა ახალი, „კურორტების განვითარების სააგენტო“ კონკრეტული ფუნქციით - მოხდეს არსებული და ახალი კურორტების განვითარება შესაბამისი სივრცითი გეგმების საფუძველზე და ასევე გათვალისწინებული იქნეს ძალიან ბევრი მნიშვნელოვანი ასპექტი, მათ შორის სოციალური, კულტურული და ა.შ.“, - განაცხადა ეკონომიკის მინისტრმა სიტყვით გამოსვლისას.ერთი წლის განმავლობაში სააგენტომ 200-ზე მეტი კურორტის და საკურორტე ადგილის არსებული მდგომარეობა შეისწავლა. შედეგად, შერჩეულ იქნა 60 შედარებით მეტი პოტენციალის მქონე ლოკაცია, სადაც საერთაშორისოდ აღიარებული საკონსულტაციო კომპანიების მიერ ტექნიკური და ეკონომიკური მიზანშეწონილობის კვლევები ჩატარდა. ეკონომიკის მინისტრის ინფორმაციით, უახლოეს ხანებში იგეგმება ცალკე სამუშაო შეხვედრა ბიზნესსექტორთან, სადაც მათ ამ კონკრეტული ლოკაციების საინვესტიციო პოტენციალის გაცნობის საშუალება ექნებათ.ამასთან, როგორც ლევან დავითაშვილმა ხაზი გაუსვა, ამ პროცესში მნიშვნელოვანია ადგილობრივი ინტერესების სწორად გათვალისწინება, შესაბამისად, ადგილობრივ ხელისუფლებასთან მჭიდრო კავშირი ერთ-ერთი მნიშვნელოვანი პრიორიტეტია. ასევე მნიშვნელოვანია საზოგადოებრივი ინტერესების გათვალისწინება და დაბალანსება კერძო სექტორთან სწორი თანამშრომლობის გზით.„კურორტების განვითარების პროცესში მნიშვნელოვანია სახელმწიფოს აქტიური პოლიტიკა, ასევე კოორდინირებული მუშაობა სხვადასხვა სტრუქტურებსა და ეკონომიკის სამინისტროს ქვეუწყებებს შორის. ხელისუფლებას უკვე დაწყებული აქვს კომპლექსური ნაბიჯების გადადგმა - მიმდინარეობს რეგიონების რეაბილიტაციის მასშტაბური პროექტები. ამასთან, საქართველოს პრემიერ–მინისტრის ინიციატივით, 5 წლის განმავლობაში მილიარდი ლარი დაიხარჯება ქვეყანაში კურორტების კეთილმოწყობის, მათი ინფრასტრუქტურული პროექტების განხორციელების კუთხით, მათ შორის ბორჯომში, წყალტუბოში და ა.შ. ძალიან მნიშვნელოვანია, რომ ჩვენ გვქონდეს კომპლექსური მიდგომა და სტრატეგია კურორტების განვითარების კუთხით, გავითვალისწინოთ საუკეთესო საერთაშორისო პრაქტიკა და გამოცდილება “, - აღნიშნა ლევან დავითაშვილმა.

1701942332

პლატფორმის დანერგვის შემდეგ თიბისის მომხმარებლებს შესაძლებლობა მიეცემათ გამარტივებულად და უფრო მოკლე დროში განახორციელონ საერთაშორისო გადახდები. თანხის გადარიცხვა, გადახდა და მიღება მსოფლიოს უმსხვილესი ელექტრონული საფულეებისა და მობილური სერვისებით იქნება შესაძლებელი.ბიზნესის განვითარებისა და საბანკო ოპერაციების გამარტივებისთვის, თიბისისა და Visa-ს მრავალწლიანი სტრატეგიული პარტნიორობის ფარგლებში, არაერთი მნიშვნელოვანი და ინოვაციური პროექტი  თუ ინიციატივა განხორციელდა."თიბისი, როგორც ლიდერი ფინანსური ინსტიტუტი, მუდმივად ეძებს ალტერნატიულ და ინოვაციურ მექანიზმებს, რათა გაამარტივოს და გააუმჯობესოს სამომხმარებლო გამოცდილება, რომელიც სრულ თანხვედრაშია თიბისის მისიასთან - გავუმარტივოთ ადამიანებს ცხოვრება. საქართველოს ბაზარზე თიბისი პირველია, რომელიც ვიზასთან თანამშრომლობით, ამ ინოვაციურ პროდუქტს დანერგავს. გადახდების ეს ახალი სისტემა ბანკს მისცემს შესაძლებლობას, მომხმარებელს შესთავაზოს დივერსიფიცირებული საერთაშორისო გადახდების გზა."- ვახტანგ ბუცხრიკიძე, თიბისის გენერალური დირექტორი.„ძალიან მიხარია, რომ ჩამოვედი თბილისში, სტრატეგიული მიზნით - ხელი მოვაწეროთ შეთანხმებას თიბისი ბანკთან. ჩვენი პარტნიორობის ფარგლებში დავნერგავთ Visa-ს გამორჩეულ, ინოვაციურ გადაწყვეტას - Visa Direct to Account და მომხმარებლებს შევთავაზებთ მოსახერხებელ და უსაფრთხო გადარიცხვების კიდევ ერთ გლობალურ ტექნოლოგიას. მჯერა, რომ Visa Direct to Account მრავალფეროვანს გახდის გადახდების ეკოსისტემას და თითოეულ ტრანზაქციას მიწოდების სიჩქარის მოქნილობით უზრუნველყოფს." - ივან პონომაროვი, ვიცე პრეზიდენტი, Visa Direct."Visa-მ, თიბისისთან პარტნიორობით, უკვე მრავალი ინოვაციური ტექნოლოგია დანერგა საქართველოში. მოხარული ვარ რომ ვაგრძელებთ ამ ტრადიციას და ახლა უკვე Visa Direct to Account პლატფორმას ვთავაზობთ ქართველ მომხმარებლებს. მჯერა, ეს სიახლე სამომავლოდ კიდევ უფრო გაამარტივებს როგორც შიდა, ისე საერთაშორისო ციფრულ გადახდებს  სისწრაფის, უსაფრთხოებისა და მოქნილობის უზრუნველყოფით. ამ პარტნიორობით ჩვენ ციფრული ანგარიშსწორების განსაკუთრებულ გამოცდილებას ვთავაზობთ კლიენტებს და მათ ფინანსური ოპერაციების მარტივად გადაწყვეტაში ვეხმარებით", - დიანა კიღურაძე, Visa-ს რეგიონული მენეჯერი კავკასიის რეგიონში.

1701941035

ცქრიალა ღვინის ქართველი მწარმოებლები ამბობენ, რომ აღნიშნული ღონისძიება ძალიან მნიშვნელოვანია მცირე მარნების ხელშეწყობისთვის, რადგან აქ ხდება ღვინის პოპულარიზაცია, ღვინის მწარმოებლები ეცნობიან თავიანთ მომხმარებლებს.ცქრიალა ღვინის ფესტივალზე წარმოდგენილია „ბაიას ღვინოც“, რომლის ხელმძღვანელს ბაია აბულაძეს რამდენიმე კითხვით მივმართეთ.– რა გამოარჩევს „ბაიას ღვინოს” მისი კონკურენტებისგან?– კომპანია „ბაიას  ღვინო“ 2015  წელს  დაარსდა. მარანი  ორიენტირებულია  განაგრძოს მეღვინეობისა  და  მევენახეობის  მეოთხე თაობის საოჯახო  ტრადიცია. ბაიას ღვინო  მდებარეობს დასავლეთ საქართველოში, სოფელ ობჩაში.  კომპანია  ფლობს  საკუთარ  ვენახებს, სადაც გაშენებულია ცოლიკაურის, ციცქას, კრახუნას, ოცხანური საფერესა და ალადასტურის ჯიშის ვაზები. ბაიას ღვინო აწარმოებს ცქრიალა ღვინოებს პეტნატის მეთოდით და ტრადიციული იმერული სტილის ღვინოებს ქვევრში, რომლებიც  ხასიათდება სასიამოვნო მჟავიანობითა და არომატულობით. სოფელი ობჩა გამოირჩევა განსაკუთრებული მიკრო კლიმატითა და საინტერესო ტერუარებით. ბაიას ღვინო აქტიურად იყიდება ადგილობრივ და 15 ქვეყნის ბაზრებზე.–რამდენად ეხმარება კერძო ბიზნესს, მსგავსი ტიპის ფესტივალები?– ეს არის საუკეთესო საშუალება გავიცნოთ ჩვენი მომხმარებლები, გავასინჯოთ ჩვენი წარმოებული პროდუქცია და მათი აზრი მოვისმინოთ– რამდენად მნიშვნელოვანია უცხო ბაზრების ათვისება ქართული მარნებისთვის?– ბაიას ღვინო უკვე 15 საერთაშორისო ბაზარზეა გასული და აქტიურად იყიდება ღვინის ბუტიკურ მაღაზიებსა თუ რესტორნებში. მიუხედავად ამისა, ჩვენთვის ადგილობრივი ბაზარი ყველაზე საყვარელი და საინტერესოა. უცხოეთში დეგუსტაციებსა თუ გამოფენებზე ყოფნისას ხშირად ვნახულობთ ადგილობრივ ღვინის გამყიდველებს. ვხედავთ, თუ რამდენად იზრდება ქართული ღვინის ცნობადობა, მოხმარება. ვფიქრობ, ახლა ძალიან მნიშვნელოვანი პერიოდია ქართულ  მეღვინეობაში, როცა შეგვიძლია ზრდა და განვითარება უკეთესი საერთაშორისო ცნობადობისთვის. ამათან, უცხო ბაზრების ათვისებისას მნიშვნელოვანია მდგრადი თანამშრომლობა, მუდმივი გაყიდვების სტაბილიზაციაGBC.GE ასევე ესაუბრა ცქრიალა ღვინის ფესტივალის მონაწილე კიდევ ერთი საოჯახო მარნის „აგიდელას“ დირექტორს ლაშა ჭკუასელს, რომელმაც ჩვენთან საუბრისას აღნიშნა: „აგიდელას“ მარნის მთავარი მიზანია, შევთავაზოთ ჩვენი ღვინის მომხმარებლებს სტაბილურად მაღალი ხარისხის პროდუქტი, ხელმისაწვდომ ფასად. მე და ჩემი მეუღლე ელი ცისკარიშვილი პროფესიით ვართ მეღვინეები. ღვინის შექმნის პროცესში ვიყენებთ ამ ცოდნას, წლების მანძილზე დაგროვილ გამოცდილებებს. ამ პროცესში ვდებთ დიდ ენერგიას და სიყვარულს, შედეგად ვქმნით არაჩვეულებრივ კლასიკურ ღვინოებს, შემდგომში კი უკვე თავად ღვინო საუბრობს ჩვენზე. უნდა ვთქვათ ისიც, რომ მსგავსი ღონისძიებები გვეხმარება ცნობადობის გაზრდაში. ასევე ძალიან მნიშვნელოვანია ჩვენ მომხმარებლებთან უშუალო კომუნიკაცია.  ის უკუკავშირი, რასაც მათგან ვიღებთ, ჩვენთვის არის მამოტივირებელი ძალა. მიუხედავად იმისა, რომ აგიდელას ღვინოები ჯერჯერობით, მხოლოდ საქართველოში იყიდება, ჩვენთვის საინტერესოა, რა თქმა უნდა, სხვა ქვეყნების ბაზრებიც, თუმცა პრიორიტეტი მაინც ადგილობრივი ბაზარია“.„აგიდელა“ აწარმოებს  წყნარ, კლასიკურ ღვინოებს: გორულ მწვანეს, სოვინიონ ბლანს, თავკვერს და თავკვერ როზეს. კომპანია, წელს წავიდა პირველად  ცქრიალა ღვინის მიმართულებით. პეტნატი მათი მთლიანი წარმოების დაახლოებით 10%-ია.ცქრიალა ღვინის მეორე ფესტივალი „ღვინის ეროვნული სააგენტოს“ მხარდაჭერით გაიმართება.  ავტორი: ანა გულბათაშვილი, სტაჟიორი. საქართველოს უნივერსიტეტის სოციალურ მეცნიერებათა სკოლის სტუდენტი.

1701940815