პირდაპირი უცხოური ინვესტიციები 7.6%-ით გაიზარდა და $1.68 მლრდ შეადგინა

კერძოდ, ქურდიანმა 8,811 აქცია - საშუალო ფასით £48.25 გაყიდა, რითაც £425,129.15-ის შემოსავალი მიიღო.ტრანზაქცია თებერვლის ბოლოს, ლონდონის საფონდო ბირჟაზე დაიხურა.2025 წელს შესრულებული სამუშაოსთვის, მიმდინარე წლის 9 იანვარს ქურდიანმა TBC PLC-ის 1,109 ჩვეულებრივი აქცია, აქციებით ფიქსირებული ანაზღაურების ფარგლებში მიიღო.მანამდე, გასული წლის 10 ნოემბერს, უზბეკეთის CEO-მ საშუალოდ £39.11-ად ჯგუფის 4,825 აქცია შეიძინა, რაშიც £188,698.80 გადაიხადა. 

1773219996

16 მარტიდან გაუქმდება მეტროსადგურის შეზღუდული გრაფიკის გამო დროებით დანიშნული ავტობუსი N174, რომელსაც მგზავრები „ვარკეთილიდან“ მეტროსადგურ „სამგორამდე“ გადაჰყავდა და პირიქით.მეტროსადგურ „ვარკეთილის“ ქვედა ბაქანზე განხორციელდა რკინაბეტონის თაღის სარეაბილიტაციო სამუშაოები. კერძოდ, გაიწმინდა და დამუშავდა ჭერის კოროზირებული და დაზიანებული ზედაპირები; განხორციელდა თაღის მიღმა არსებული სიცარიელეების სპეციალური ტექნიკური ხსნარებით შევსება/დაჭირხვნა; დამატებით, მიწისქვეშა წყლების ჟონვის პრევენციის მიზნით, შესრულდა რკინაბეტონის თაღის ტემპერატურული ღარებისა და ნაკერების, ასევე, დახრილი საესკალატორო გვირაბის თუჯის სამაგრების გაწმენდა და ჰერმეტიზაცია.ამასთანავე, დასრულდა ქვედა ბაქნისა და დახრილი საესკალატორო გვირაბის მოსაპირკეთებელი სამუშაოები. ამჟამად მზადდება ზედა ვესტიბიულის დაზიანებული კონსტრუქციების (მზიდი რკინაბეტონის რიგელების) რეაბილიტაციის პროექტი, რის შემდეგაც უშუალოდ სარეაბილიტაციო/გამაგრებითი სამუშაოები დაიწყება.სარეაბილიტაციო სამუშაოების დასრულება მიმდინარე წლის ზაფხულშია დაგეგმილი.მეტროსადგურ „ვარკეთილის“ სარეაბილიტაციო სამუშაოები თითქმის ათწლეულია, სხვადასხვა გართულებისა და შეჩერებული ხელშეკრულებების ფონზე მიმდინარეობს. პროცესი რამდენიმე ეტაპს მოიცავს:2016-2017 წლები: პირველი რეაბილიტაცია და ინციდენტი სადგურის განახლება 2016 წელს დაიწყო და 2017 წლის სექტემბერში დასრულდა. პროექტს კომპანია „ყვარელმშენი“ ახორციელებდა. თუმცა, სამუშაოების დასრულებიდან რამდენიმე თვეში, 2018 წლის იანვარში, სადგურში შეკიდული ჭერი ჩამოინგრა, რის შედეგადაც რამდენიმე ადამიანი დაშავდა.2022 წელი: ჩაშლილი ხელშეკრულება „მამისონთან“ ინციდენტის შემდეგ, რეაბილიტაციის ახალი ეტაპი შპს „მამისონს“ დაევალა. თბილისის მერიამ კომპანიასთან ხელშეკრულება 2022 წელს გაწყვიტა, მიზეზად კი ნაკისრი ვალდებულებების შეუსრულებლობა და სამუშაოების ვადების დარღვევა დასახელდა.2023-2024 წლები: „ბადა ქონსთრაქშენი“ და ახალი ვადები 2022 წლის 21 დეკემბერს თბილისის სატრანსპორტო კომპანიამ გამარტივებული შესყიდვით ხელშეკრულება გააფორმა შპს „ბადა ქონსთრაქშენთან“. სამუშაოების დასრულების თავდაპირველ ვადად 18 თვე, ანუ 2025 წლის დეკემბერი განისაზღვრა. თუმცა, 2024 წლის მარტში პროცესი კვლავ შეფერხდა დამატებითი კვლევების ჩატარების საჭიროების გამო.მიმდინარე სტატუსი ბოლო ოფიციალური ინფორმაციით, თბილისის სატრანსპორტო კომპანია სამუშაოების დასრულებას 2026 წლის ზაფხულში გეგმავს. პროექტი მოიცავს როგორც სადგურის ინტერიერის განახლებას, ისე საინჟინრო და უსაფრთხოების სისტემების მოწესრიგებას.

1773219961

განცხადების თანახმად, ეუთოს საპარლამენტო ასამბლეის პრეზიდენტმა პერე ჟოან პონს სამპიეტრომ (ესპანეთი) და მაღალი დონის დელეგაციამ გუშინ, 10 მარტს დაასრულეს რამდენიმედღიანი ვიზიტი საქართველოში, რომლის მიზანიც დიალოგის წახალისება, დემოკრატიული ინსტიტუტების გაძლიერება და პოლიტიკური სპექტრის ჩართულობის ხელშეწყობა იყო.ინფორმაციაში აღინიშნება, რომ ვიზიტის დროს დელეგაცია შეხვდა საქართველოს პრეზიდენტს, პარლამენტის თავმჯდომარეს, პრემიერ-მინისტრს, საგარეო საქმეთა მინისტრს, შინაგან საქმეთა მინისტრს, სახალხო დამცველს, პარლამენტში და მის გარეთ არსებული ოპოზიციური პარტიების წარმომადგენლებს, სამოქალაქო საზოგადოების წევრებს და დიპლომატიური საზოგადოების წარმომადგენლებს. დელეგაცია ასევე ეწვია ადმინისტრაციულ გამყოფ ხაზს და შეხვდა საქართველოს რეგიონების ოკუპაციის შედეგად დაზარალებულ იძულებით გადაადგილებულ პირებს.„ამ დღეებმა კიდევ ერთხელ დაადასტურა ჩემი შთაბეჭდილება, რომ საქართველოს ბევრი ძალიან შთამბეჭდავი პოლიტიკოსი ჰყავს. როგორც პარლამენტის შიგნით, ასევე, მის გარეთ მყოფ პირებს, როგორც ჩანს, მუდმივი აქტიური ურთიერთობა აქვთ საერთაშორისო პარტნიორებთან. სამწუხაროდ, შოკირებული ვიყავი, როდესაც აღმოვაჩინე, რომ ისინი ერთმანეთთან არ ურთიერთობენ“, - განაცხადა ეუთოს საპარლამენტო ასამბლეის პრეზიდენტმა.მან ასევე, აღნიშნა, რომ მოუწოდებს ყველა მხარეს, კონსტრუქციული ჩართულობისკენ და დიალოგის აღდგენისკენ მიმართული პირდაპირი კომუნიკაციის დაწყებისკენ."ამაში განსაკუთრებული პასუხისმგებლობა მთავრობას ეკისრება", - აღნიშნავს ასამბლეის პრეზიდენტი.პრესრელიზის თანახმად, დელეგაცია მიესალმა ფართო კონსენსუსს საქართველოს ევროინტეგრაციის მისწრაფებებთან დაკავშირებით და იმას, რომ როცა ჩატარდება, შემდეგი არჩევნები უნდა შეესაბამებოდეს ეუთოს ვალდებულებებს.თუმცა, დელეგაციამ აღნიშნა, რომ პოლიტიკურ სცენაზე არსებული მწვავე პოლარიზაცია კვლავაც დაბრკოლებას წარმოადგენს ამ მიზნების მისაღწევად და დასძინა, რომ მომავალში ამომრჩევლები დააჯილდოებენ მათ, ვინც მათ კონსტრუქციულად მიჰყვება.„ნათელია, რომ საქართველოში პოლიტიკასა და საზოგადოებაში არსებული პოლარიზაცია ხელს უშლის ქვეყანას თავისი პოტენციალის მიღწევაში. ჩვენი დელეგაცია პოლიტიკურად მრავალფეროვანია და ბევრ საკითხზე არ ვეთანხმებით ერთმანეთს, მაგრამ ერთად ვმუშაობთ. იგივეს ველით პოლიტიკური ლიდერებისგანაც საქართველოში“, - განაცხადა სამხრეთ კავკასიის საკითხებში სპეციალურმა წარმომადგენელმა ლუის გრაკამ და დასძინა:„კიდევ ერთხელ განვმარტოთ, როგორც ოქტომბერში: სახელმწიფო ინსტიტუტების წინააღმდეგ ძალადობის გამოყენება მიუღებელია. ცვლილებები უნდა მოხდეს საარჩევნო ყუთების და პოლიტიკის შემმუშავებელი ორგანოების მეშვეობით და არა მათი დამხობისკენ მიმართული ძალადობით“.დელეგაციის წევრმა, კრისტინ ბლოუერმა კი აღნიშნა, რომ პრობლემების მოგვარება ქართველი ხალხისა და ლიდერების გადასაწყვეტია.„ჩვენი, ეუთოში ან სხვა რომელიმე საერთაშორისო ორგანოში, პრობლემების მოგვარება არ არის საჭირო. ეს ქართველი ხალხისა და ლიდერების გადასაწყვეტია და იმედი მაქვს, რომ პოლიტიკური სცენის დეესკალაციისა და რეალური პოლიტიკური დიალოგის დასაბრუნებლად პასუხისმგებლიან ნაბიჯებს ვიხილავ“, - განაცხადა კრისტინ ბლოუერმა.გავრცელებულ ინფორმაციაში ასევე ნათქვამია, რომ დელეგაციამ სინანულით აღნიშნა მმართველი პარტიის წევრების მიერ გარკვეული ოპოზიციური პარტიების აკრძალვის მცდელობები, რაც, მათი თქმით, სავარაუდოდ გაამწვავებს განხეთქილებას და კიდევ უფრო მეტ იზოლაციას გამოიწვევს.„ამჟამინდელ რთულ გეოპოლიტიკურ გარემოში ქვეყანას სტაბილურობა და ერთიანობა სჭირდება. პარტიების ან რეგულარული პოლიტიკური ან სამოქალაქო საქმიანობის აკრძალვა წინსვლის გზა არ არის“, - განაცხადა ევროსიმა პეიოვიჩმა, რომელმაც ასევე აღნიშნა ეუთოს დემოკრატიული ინსტიტუტებისა და ადამიანის უფლებათა ოფისის მიერ ცოტა ხნის წინ მიღებულ კანონმდებლობასთან დაკავშირებული შეშფოთება და მოუწოდა ხელისუფლებას, გამოესწორებინა ხარვეზები."ანალოგიურად, პოლიტიკა შესაბამის ინსტიტუტებში უნდა მიმდინარეობდეს და ბოიკოტი არ შეიძლება იყოს დიალოგისა და პოლიტიკური აქტივიზმის ალტერნატივა“, - დასძინა მან.პრესრელიზის თანახმად, დელეგაციამ ხელისუფლებას სთხოვა შეხვედრა იმ პირებთან, რომლებსაც ოპოზიციური ძალები პოლიტპატიმრებად მოიხსენიებენ და სინანული გამოთქვეს, რომ ამ შემთხვევაში ეს შეუძლებელი იყო."ვიზიტის პირველ დღეს წევრები ადმინისტრაციულ სასაზღვრო ხაზზე გაემგზავრნენ და კიდევ ერთხელ დაადასტურეს ეუთოს საპარლამენტო ასამბლეის მტკიცე და თანმიმდევრული მხარდაჭერა საქართველოს სუვერენიტეტისა და ტერიტორიული მთლიანობის მიმართ მის საერთაშორისოდ აღიარებულ საზღვრებში. მათ აღნიშნეს, რომ ოკუპაციის გაგრძელების ჰუმანიტარული შედეგები საერთაშორისო შეშფოთების საგნად რჩება, - აღინიშნება განცხადებაში.პრესრელიზში ნათქვამია, რომ ვიზიტი ასამბლეის საქართველოსთან მუდმივი ჩართულობის ნაწილია, მათ შორის არჩევნებზე დაკვირვებისა და საპარლამენტო თანამშრომლობის კუთხით და მოსალოდნელია, რომ მისი დასკვნები განიხილება ეუთო-ს საპარლამენტო ასამბლეის ბიუროს სხდომასა და ყოველწლიურ სესიაზე ჰააგაში.

1773217257

ექსპერტების შეფასებით, რეგიონში ყველაზე მოწყვლადი სომხეთის ეკონომიკაა, რომელიც ირანთან მჭიდრო სავაჭრო და სატრანზიტო კავშირებზეა დამოკიდებული. კვლევითი ცენტრის GlobalSource-ის მონაცემებით, სომხეთის საგარეო ვაჭრობის დაახლოებით 14.8% დაკავშირებულია ირანთან, სპარსეთის ყურის ქვეყნებთან და ისრაელთან, რაც რეგიონში ყველაზე მაღალი მაჩვენებელია.სომხეთი — სავაჭრო და სატრანზიტო რისკებიეკონომისტების თქმით, ირანის ინფრასტრუქტურის ან პორტების მუშაობის შეფერხება პირდაპირ გავლენას ახდენს სომხეთის ეკონომიკაზე.· სომხეთის საგარეო ვაჭრობის დაახლოებით 25–30% ირანის სატრანზიტო გზებით გადის;· ირანის პორტ ბანდარ აბასში უკვე დაფიქსირდა შეფერხებები, რის გამოც სომხური ტვირთების ნაწილი ვერ იტვირთება.ბოლო წლებში სომხეთსა და ირანს შორის სავაჭრო ბრუნვა მნიშვნელოვნად გაიზარდა:· 2020 წელს — დაახლოებით $401 მილიონი· 2022 წელს — დაახლოებით $710 მილიონი· 2025 წელს — თითქმის $1 მილიარდს მმიაღწიაანალიტიკოსები ამბობენ, რომ თუ ირანში ტრანსპორტი და ლოგისტიკა ხანგრძლივად შეფერხდება, ამან შეიძლება სომხეთის ექსპორტის ნაწილი რამდენიმე ათეული პროცენტით შეამციროს.საქართველო — ტრანზიტი და საწვავის ფასებისაქართველოს ეკონომიკა ირანზე პირდაპირი ვაჭრობის მხრივ ნაკლებად არის დამოკიდებული, თუმცა ქვეყანაზე მნიშვნელოვან გავლენას ახდენს ენერგიის ფასებისა და სატრანზიტო მარშრუტების ცვლილებები.გლობალური ბაზრების მონაცემებით, ირანის კონფლიქტის დაწყების შემდეგ ნავთობის ფასები დროებით $70-დან თითქმის $120-მდე გაიზარდა, რაც რეგიონში საწვავის ფასების ზრდას იწვევს.ეკონომისტების შეფასებით, ამან შეიძლება გაზარდოს ტრანსპორტის ხარჯები 10–15%-ით და გააძლიეროს ინფლაციური წნეხი.საქართველოსთვის ერთ-ერთი დადებითი ფაქტორი არის ის, რომ ახლო აღმოსავლეთის საჰაერო სივრცის ნაწილობრივი დახურვის დროს საერთაშორისო ავიამიმოსვლა უფრო ხშირად იყენებს სამხრეთ კავკასიის საჰაერო კორიდორს. ბოლო ერთ წელიწადში აზერბაიჯანის საჰაერო სივრცეში ტრანზიტული ფრენების რაოდენობა 78,100-დან 125,600-მდე გაიზარდა.აზერბაიჯანი — ენერგეტიკული შესაძლებლობები და რისკებიაზერბაიჯანის ეკონომიკა შედარებით ნაკლებად არის დამოკიდებული ირანთან ვაჭრობაზე, თუმცა რეგიონული დაძაბულობა პირდაპირ უკავშირდება ენერგეტიკულ ინფრასტრუქტურას. სპარსეთის ყურის ქვეყნებიდან მომავალი პირდაპირი უცხოური ინვესტიციები აზერბაიჯანში ქვეყნის მთლიანი შიდა პროდუქტის დაახლოებით 5.4%-ს უტოლდება. ამავდროულად, მაღალი ნავთობის ფასები აზერბაიჯანისთვის მოკლევადიანად დადებითი ფაქტორია, რადგან ქვეყანა ნავთობისა და გაზის ექსპორტზეა დამოკიდებული.თუმცა, უსაფრთხოების რისკებიც იზრდება. ცოტა ხნის წინ აზერბაიჯანმა ირანი დაადანაშაულა დრონებით შეტევაში ნახიჩევანის აეროპორტზე, რამაც რეგიონში ინფრასტრუქტურის უსაფრთხოების საკითხი გაამწვავა.რეგიონული ეკონომიკური პერსპექტივაევროპის რეკონსტრუქციისა და განვითარების ბანკის (EBRD) შეფასებით, ირანის კონფლიქტი შეიძლება უარყოფითად აისახოს ეკონომიკურ ზრდაზე, რადგან ენერგიის ფასების ზრდა და ინვესტორების რისკის აღქმა რეგიონში ეკონომიკურ აქტივობას ამცირებს.ანალიტიკოსების თქმით, თუ კონფლიქტი გაგრძელდება, სამხრეთ კავკასიის ქვეყნები შესაძლოა სამი ძირითადი ეკონომიკური გამოწვევის წინაშე აღმოჩნდნენ:1. სავაჭრო და სატრანზიტო გზების შეფერხება2. ენერგიის და ტრანსპორტის ფასების ზრდა3. ინვესტიციების შემცირება რეგიონული უსაფრთხოების რისკების გამოექსპერტების შეფასებით, ირანის გარშემო მიმდინარე ომი სამხრეთ კავკასიის ქვეყნებზე პირდაპირ სამხედრო ზეწოლას ჯერ არ ახდენს, თუმცა ეკონომიკური ეფექტები უკვე იგრძნობა — განსაკუთრებით ვაჭრობის, ტრანზიტის და ენერგორესურსების ფასების მიმართულებით.თუ კონფლიქტი ხანგრძლივ ფაზაში გადავა, ეკონომისტები არ გამორიცხავენ, რომ რეგიონში ეკონომიკური ზრდა 0.5–1 პროცენტული პუნქტით შემცირდეს უახლოეს წლებში.

1773216962

ამერიკისა და ისრაელის ძალებმა ბოლო დღეებში განაახლეს საჰაერო დარტყმები ირანის სხვადასხვა სამიზნეზე, მათ შორის სამხედრო და ინფრასტრუქტურულ ობიექტებზე. პარალელურად, ირანი აგრძელებს სარაკეტო და დრონებით თავდასხმებს ისრაელზე და აშშ-ის სამხედრო ობიექტებზე რეგიონში, მათ შორის სპარსეთის ყურის ქვეყნებში.11 მარტს გავრცელებული ინფორმაციით:–  ირანმა კვლავ მიიტანა სარაკეტო დარტყმები ისრაელის მიმართულებით, რის გამოც ქალაქებში საჰაერო განგაში გამოცხადდა;–  აშშ-ის სამხედრო ძალებმა სპარსეთის ყურეში გაანადგურეს 16 ირანული ხომალდი, რომლებიც ჰორმუზის სრუტეში საზღვაო ნაღმების განთავსებას ცდილობდნენ.ჰორმუზის სრუტე განსაკუთრებით მნიშვნელოვანი სტრატეგიული წერტილია, რადგან იქ გადის მსოფლიოს ნავთობის დაახლოებით 20%.მსხვერპლი და ჰუმანიტარული ვითარებაირანი აცხადებს, რომ ომის დაწყებიდან — 28 თებერვლიდან — ქვეყანაში დაბომბილია ათასობით ობიექტი და 1300-ზე მეტი მშვიდობიანი მოქალაქე დაიღუპა. დასავლური წყაროები ამ მონაცემებს დამოუკიდებლად ვერ ადასტურებენ, თუმცა რამდენიმე ქალაქში ძლიერი დარტყმები და მსხვერპლი დაფიქსირდა.ამავე დროს, ირანული სარაკეტო შეტევების შედეგად ისრაელშიც არიან დაღუპულები და დაშავებულები, ხოლო კონფლიქტში უკვე ასობით სამხედროა დაჭრილი.ვითარება თავად ირანშიირანის ხელისუფლება შიშობს, რომ ომის ფონზე ქვეყანაში შიდა პროტესტები შეიძლება გაძლიერდეს. ხელისუფლებამ უსაფრთხოების ძალებს მოუწოდა მზად იყვნენ „მკაცრი რეაგირებისთვის“ ნებისმიერი ანტისამთავრობო გამოსვლის შემთხვევაში.ამავე დროს, ირანის სპეცსამსახურებმა განაცხადეს, რომ ბოლო დღეებში დაკავებულია ათობით ადამიანი, რომლებიც, მათი თქმით, აშშ-სა და ისრაელისთვის ჯაშუშობაში არიან ეჭვმიტანილები.პოლიტიკური ცვლილებებიომის აქტიური ფაზის დაწყებამდე რამდენიმე დღით ადრე აშშ-ისა და ისრაელის ერთობლივ დარტყმებში დაიღუპა ირანის უზენაესი ლიდერი ალი ხამენეი, რის შემდეგაც ქვეყნის ახალი ლიდერი გახდა მისი ვაჟი მოჯთაბა ხამენეი, რომელიც მარტის დასაწყისში აირჩია ექსპერტთა საბჭომ.რეგიონული გაფართოების რისკიკონფლიქტმა უკვე მოიცვა რამდენიმე ქვეყანა:· ლიბანში კვლავ მიმდინარეობს ბრძოლები ისრაელსა და „ჰეზბოლას“ შორის;· ირანმა სარაკეტო შეტევები განახორციელა სპარსეთის ყურის ქვეყნებზე;· ირანთან დაკავშირებულმა ჯგუფებმა იერიშები მიიტანეს აშშ-ის ობიექტებზე ერაყში.ამავდროულად, ისრაელური მედია ირანის წინააღმდეგ მიმდინარე ოპერაციაში აზერბაიჯანის ჩართვის ალბათობას განიხილავს. თავად ბაქოში თეირანთან ურთიერთხელსაყრელ თანამშრომლობაზე არიან ორიენტირებული, თუმცა ეს არ ნიშნავს, რომ აზერბაიჯანული ხელისუფლება თვალს დახუჭავს ამ ქვეყანაში დესტრუქციული ძალების არსებობაზე. ზოგიერთი ექსპერტის აზრით, აზერბაიჯანის ხელისუფლება არ არის წინააღმდეგი, ერთიან სახელმწიფოში ჰყავდეს ირანის აზერბაიჯანი და მზადაა ითანამშრომლოს როგორც ისრაელთან, ისე შეერთებულ შტატებთან. მათივე თქმით, თავად ირანში არ არსებობენ აქტივისტები, არ არსებობს რაიმე სახის მოძრაობა, რომელიც შეიძლება მიისწრაფოდეს „ორი აზერბაიჯანის“ გაერთიანებისკენ.ფართო გავლენაექსპერტები აღნიშნავენ, რომ ირანი ცდილობს კონფლიქტი გახანგრძლივებულ ომად გადააქციოს, მათ შორის ენერგეტიკული ბაზრების დესტაბილიზაციის გზით, რათა დასავლეთზე ეკონომიკური ზეწოლა გაზარდოს. 

1773214941

საქსტატის წინასწარი მონაცემებით 4Q25-ში პირველ ადგილზეა გაერთიანებული სამეფო $202.3 მლნ-ით, რაც მთლიანი პირდაპირი უცხოური ინვესტიციების 51.6%-ს შეადგენს, მეორე ადგილზე იმყოფება მალტა 76.8 მლნ-ით (19.6%), ხოლო მესამეზე აზერბაიჯანი - $38.7 მლნ-ით (9.9%).სამი უმსხვილესი ინვესტორი ქვეყნის წილი ინვესტიციების მთლიანი მოცულობის 81.1%-ს შეადგენს.საქსტატის წინასწარი მონაცემებით 4Q25-ში ყველაზე მეტი პირდაპირი უცხოური ინვესტიციები საფინანსო და სადაზღვევო საქმიანობების სექტორში განხორციელდა და $289.8 მლნ-ს მიაღწია (74%). მეორე ადგილზე მშენებლობის სექტორია $33.1 მლნ-ით (8.5%), ხოლო მესამეზე - ტრანსპორტის სექტორი $23 მლნ-ით (5.9%).სამი უმსხვილესი სექტორის წილმა (განხორციელებული პირდაპირი უცხოური ინვესტიციების მიხედვით) 88.3% შეადგინა.2025 წლის დაზუსტებული მონაცემები გამოქვეყნდება 2026 წლის 17 აგვისტოს, რამაც შესაძლოა გამოიწვიოს წინა პერიოდების მონაცემების ცვლილება.

1773213166

TCRC-ის ინფორმაციით, სომხეთი წელიწადში საშუალოდ რუსეთიდან 400-450 ათასი ტონა მარცვლეულს იმპორტს ახორციელებს, შედეგად ზუსტად ეს სამიზნე მოცულობაა, რომელიც სავარაუდოდ, საქართველოს საავტომობილო მარშრუტიდან, აზერბაიჯანის მიმართულებით გადაერთოს. როგორც კვლევაში ვკითხულობთ, ბოლო პერიოდში აზერბაიჯანის რკინიგზით, საქართველოს გავლით, სომხეთის მიმართულებით სხვადასხვა სახეობის ტვირთების გადაზიდვებმა რეგულარული ხასიათი მიიღო.„სატრანზიტო გადაზიდვების სქემაში საქართველოს რკინიგზაა ჩართული, კერძოდ, აზერბაიჯან-საქართველოს ბიუკ-კიასიკის სასაზღვრო სადგურიდან, ჩვენი ქვეყნის ტერიტორიაზე ტრანზიტად 111 კმ სარკინიგზო მანძილის გავლის შემდეგ, ტვირთი სომხეთის დანიშნულებით აგრძელებს მოძრაობას. ასეთ ვითარებაში საქართველოს ეკონომიკური სარგებელი მოკლე სატრანზიტო მანძილის გავლით რკინიგზის შემოსავლით შემოიფარგლება. რაც შეეხება ზემო ლარსის სასაზღვრო გამშვები პუნქტის გავლით, აპრობირებულ სახმელეთო საავტომობილო დერეფანს, რუსეთიდან სომხეთის დანიშნულებით გადაზიდვისას საქართველოს პირდაპირი ეკონომიკური სარგებელი თითოეულ დატვირთული სატრანსპორტო საშუალების გატარებისას ფინანსური შემოდინების სახით 350 ლარით ფორმირდება“, - წერს TCRC.კვლევის ცენტრი ზანგეზურის დერეფნის აღდგენის საკითხსაც ეხმაურება და აღნიშნავს, რომ მისი ამოქმედების შემდეგ, აზერბაიჯანს მიეცემა შესაძლებლობა, საქართველოს გვერდის ავლით, სომხეთს პირდაპირი სარკინიგზო ხაზით დაუკავშირდეს, ასეთ პირობებში კი ცხადია, რომ საქართველო როგორც არსებულ სარკინიგზო ტრანზიტს, ასევე სადღეისოდ ლარსის გამშვები პუნქტის გავლით სომხეთის საავტომობილო ტვირთნაკადსაც დაკარგავს.მაგალითად კი, მას სულ ახლახან რუსეთის ულიანოვსკის ოლქში განლაგებული საკვანძო სარკინიგზო დიმიტროვგრადის სადგურიდან, აზერბაიჯანის მარშრუტით 488 ტონა რუსეთის მარცვლეულის ტრანსპორტირება მოიყვანა, რომელიც საქართველოს გვერდის ავლით მოხდა. „სატრანსპორტო დერეფნის კვლევის ცენტრი“ გავრცელებულ ინფორმაციაში წერს, რომ მსგავსი გადაზიდვა მიმდინარე წლის თებერვალშიც განხორციელდა, კერძოდ, 560 ტონა რუსული მარცვლეულით დატვირთული 8 ერთეული ვაგონი საქართველოს გავლით სომხეთში გაიგზავნა.TCRC-ის ცნობით, რუსეთის ვიცე-პრემიერის მიერ გაკეთებული განცხადებით, რუსეთის რკინიგზასა და სოფლის მეურნეობის სამინისტროს ახალი ლოგისტიკური მარშრუტის შემუშავების შესაბამისი ინსტრუქციები მიეცა. ცენტს რუსეთის ვიცე-პრემიერის ციტატაც მოჰყავს, სადაც ის ლარსის გადატვირთულობასა და სხვა გზების მოძიებაზეა საუბარი.ცენტრი ვარაუდობს, რომ რუსეთი ამ ნაბიჯით მისთვის სტრატეგიულად მნიშვნელოვანი ზემო ლარსის სასაზღვრო გამშვებ პუნქტზე დაწოლის შემცირებას ცდილობს.„აზერბაიჯანის რკინიგზის გამოყენებით სომხეთში მარცვლეულის ტრანსპორტირების მარშრუტი მნიშვნელოვნად ამარტივებს ლოგისტიკის ორგანიზებას, თუმცა არსებობს საზღვაო გადაზიდვების მარშრუტიც, რომელიც წინა წლებში რუსეთსა და საქართველოს ნავსადგურების გამოყენებით აპრობირებულ ლოგისტიკურ მიმართულებას წარმოადგენდა.სადღეისოდ რუსეთიდან საქართველოს ნავსადგურების გავლით მარცვლეულის ტრანსპორტირება საზღვაო ნავსადგურებში ორჯერად გადატვირთვასა და დოკუმენტების გაფორმების სირთულეებს ითვალისწინებს, რაც საფასო მდგენელით კონკურენციას ვერ გაუწევს პირდაპირ სარკინიგზო მარშრუტს“, - ვკითხულობთ კვლევაში.კითხვაზე, რა მოცულობის ტვირთნაკადს დაკარგავს საქართველოს საავტომობილო დერეფანი, TCRC-ს მოჰყავს სტატისტიკა, რომლის თანახმადაც 2018 – 2025 წლებში რუსეთიდან სომხეთში მარცვლეულის იმპორტის მაქსიმალური მოცულობა 2022 წელს დაფიქსირდა – 514 ათასი ტონა, მინიმალური კი – 2019 წელს – 290 ათასი ტონა.„სომხეთი წელიწადში საშუალოდ რუსეთიდან 400-450 ათასი ტონა მარცვლეულს იმპორტს ახორციელებს, შედეგად ზუსტად ეს სამიზნე მოცულობაა, რომელიც სავარაუდოდ, საქართველოს საავტომობილო მარშრუტიდან, აზერბაიჯანის მიმართულებით გადაერთოს. გასათვალისწინებელია ის გარემოებაც, რომ სომხეთის მარცვლეულის გადართვა საავტომობილოდან სარკინიგზო მიმართულებით ეტაპობრივად განხორციელდება, რადგანაც საავტომობილო გადაზიდვების სფეროში რამდენიმე მსხვილი, ფინანსურად ძლიერი – გადამზიდავი კომპანია ფუნქციონირებს და მათი გადაზიდვების სქემიდან მყისიერი ამორთვა რთულად წარმოსადგენი იქნება“, - ვკითხულობთ კვლევაში.

1773210720

ევროკავშირის გაფართოების საკითხზე საუბრისას, კოსმა განაცხადა, რომ საქართველოში მოქმედი ავტოკრატიული სისტემა დემოკრატიულ ხმებს ახშობს და ქვეყანას ევროპულ მომავალს აშორებს.ევროკომისრის შეფასებით, საქართველო არის თვალსაჩინო მაგალითი იმისა, თუ რა შედეგები მოჰყვება რუსეთის პოლიტიკურ წარმატებას. მან ხაზგასმით აღნიშნა, რომ დემოკრატიული ღირებულებების დაცვა კონტინენტის უსაფრთხოებისთვის სასიცოცხლოდ მნიშვნელოვანია.„საქართველოში შეგიძლიათ ნახოთ, რა ხდება, როდესაც რუსეთი იმარჯვებს. ავტოკრატიული სისტემა ახშობს დემოკრატიულ ხმებს“, - განაცხადა მარტა კოსმა.კოსმა ყურადღება გაამახვილა ბოლო პერიოდში მიღებულ კანონებზე, რომლებიც, მისი თქმით, თავს ესხმის სამოქალაქო სივრცეს. მან პირდაპირ დაადანაშაულა მმართველი გუნდი იმაში, რომ ისინი ამომრჩეველს ევროინტეგრაციის პროცესთან დაკავშირებით მცდარ ინფორმაციას აწვდიან.ევროკომისრის თქმით, ხელისუფლება ქმნის ილუზიას, თითქოს ქვეყანა ევროკავშირისკენ მიჰყავს და ამტკიცებს, რომ გაერთიანება თავად უნდა მოერგოს მათ პირობებს, რაც სიმართლეს არ შეესაბამება.მიუხედავად მკაცრი შეფასებებისა, მარტა კოსმა დაადასტურა ევროკავშირის მხარდაჭერა საქართველოს მოსახლეობის მიმართ. მან მიმართა მათ, ვინც დემოკრატიასა და თავისუფლებას აფასებს და აღნიშნა, რომ ევროპა ქართველ ხალხზე „ხელს არ იქნევს“.11 მარტს ევროპარლამენტში საქართველოს შესახებ დებატები გაიმართება.ევროპარლამენტის ოფიციალურ ვებგვერდზე გამოქვეყნებული დღის წესრიგის თანახმად, დებატების სახელწოდებაა - „ელენე ხოშტარიას საქმე და პოლიტიკური პატიმრები „ქართული ოცნების“ რეჟიმის ქვეშ“.აღნიშნულ საკითხზე რეზოლუციას ევროპარლამენტარები ხუთშაბათს, 12 მარტს უყრიან კენჭს.

1773207000