ღაზაში ისრაელის დარტყმას 5 ჟურნალისტი ემსხვერპლა

აგვისტოს (01.08.2025) მდგომარეობით, ბანკების საკრედიტო დაბანდება 66.12 მილიარდი ლარია ( +14.9%Y.Y). ივლისში ბანკების ლარის პორტფელი 1%-ით (+389 მლნ. m.m), სავალუტო, 1.8%-ით (+511 მლნ. m.m) გაიზარდა.სებ-ის სტატისტიკით, რეზიდენტი იურიდიული პირების დაკრედიტება 29.6 მლრდ ლარია. მ.შ. 18.8 მლრდ ლარის ეკვივალენტი უცხოურ ვალუტაშია გაცემული. აქედან 13 მლრდ -მდე ლარის, აშშ დოლარში და 6.1 მლრდ ლარის ეკვივალენტი ევროში.01.08.2025 -ის მდგომარეობით, ბანკების საცალო პორტფელი 34.2 მლრდ ლარია (01.08.2024 - 29.7 მლრდ) მთლიანი სესხების ლარიზაციის კოეფიციენტი 57.6%-ია (01.08.2024 - 55.76% ) 

1756212775

საქართველოს აეროპორტების გაერთიანების გენერალური დირექტორის ლევან მოსეშვილის განცხადებით, ფესტივალი ამჯერად რაჭაშია და შესაბამისად, ამბროლაურის აეროპორტი ამ პროცესის აქტიური მონაწილეა.,,საქართველოს აეროპორტების გაერთიანება მუდმივად ცდილობს რეგიონული აეროპორტების განვითარებასა და მათი ჩართულობის გაზრდას ქვეყნის ტურისტულ და ეკონომიკურ ცხოვრებაში. სპეციალურად ფესტივალისთვის, 28 აგვისტოს დავნიშნეთ დამატებითი ავიარეისი, რათა სტუმრებს სულ რაღაც 35 წუთში შეეძლოთ ამბროლაურში ჩაფრენა. ყველას ვეპატიჟებით, 29 და 30 აგვისტოს რაჭის განუმეორებელი გემოსა და ხალისის გასაზიარებლად ამბროლაურში, ახალ სანაპიროზე‘’, – განაცხადა ლევან მოსეშვილმა.ზუსტად, ორი დღით ამბროლაური ნამდვილ კულინარიულ ცენტრად გადაიქცევა. სპეციალური კვების სივრცის გარდა, სადაც ადგილობრივი შეფმზარეულები მიიღებენ მონაწილეობას, გაიმართება სხვადასხვა შემეცნებითი და გასართობი აქტივობები.

1756211214

აქედან სავალუტო ბრუნვაზე მოდის 1.8 მლრდ ლარის ეკვივალენტი უცხოურ ვალუტაში (>46%), ძირითადად, აშშ დოლარში. მცირედია -12%  (218 მლნ-ის ეკვივალენტი) ევროში. გატანები ფიქსირდება რუბლშიც, თუმცა 1% (18 მლნ ლარის).რუბლში ყველაზე მოცულობითი ბრუნვა, 29 მლნ ლარის ეკვივალენტი, აღინიშნა შარშან ოქტომბერში.სებ-ის ინტერაქტიული სტატისტიკით, აგვისტოს მდგომაროებით (01.08.2025) საბანკო სექტორში ადგილობრივ ფიზიკურ და იურიდიულ პირების მიმდინარე ანგარიშებზე ნაშთი 12 მლრდ ლარია, მ.შ. 5  მლრდ  ლარის, უცხოურ ვალუტაში (01.08.2024 – 12.5 მლრდ; მ.შ. სავალუტო 7.2 მლრდ ლარის)

1756209115

ესაა მის მიერ პირველი აქციების გაყიდვაა მას შემდეგ, რაც კომპანია 2018 წლის მაისში დაარსდა.ტრანზაქციის შედეგად, გილაურს პირდაპირ მფლობელობაში 1,808,414 ჩვეულებრივი აქცია დარჩა, რომელიც ტრანზაქციამდე 2,131,709 აქციას შეადგენდა.GCAP-ის ანაზღაურების კომიტეტის თავმჯდომარის, ნილ ჯანინის განცხადებით,  დროთა განმავლობაში, ირაკლი გილაურმა Georgia Capital-ში მნიშვნელოვანი მფლობელობა დააგროვა, მიუხედავად იმისა, რომ მას ბოლო შვიდი წლის განმავლობაში ფულადი ანაზღაურება არ მიუღია. შესაბამისად, ანაზღაურების კომიტეტმა გილაურს მოუწოდა, გაეყიდა თავისი აქციების ნაწილი Georgia Capital-ში.გილაურმა დაადასტურა, რომ გეგმავს დროთა განმავლობაში გაყიდოს მაქსიმუმ 625,000 Georgia Capital-ის აქცია.აგვისტოს დასაწყისში გილაური ფლობდა საერთო ჯამში 3,126,503 აქციას, რომელთაგან 2,131,709 აქცია მის საკუთრებაში იყო პირდაპირ და 994,794 აქცია კი ჯერ არ არის გადაცემული (ფლობს როგორც ნულოვანი ღირებულების ოფციონებს), რომლებიც გადაეცემა მომდევნო რამდენიმე წლის განმავლობაში ანაზღაურების პოლიტიკის განრიგის შესაბამისად.გილაურმა ეს აქციები Georgia Capital-სა და მის წინამორბედში – საქართველოს ბანკში,  თავისი 20 წლიანი მოღვაწეობის განმავლობაში დააგროვა სხვადასხვა გზით: ნაღდი ფულით შეძენით (213,523 აქცია), გადავადებული ხელფასის აქციებით (ნულოვანი ღირებულების ოფციონებით) და აქციონერული ბონუსებით – თავდაპირველად საქართველოს ბანკში, შემდგომში კი Georgia Capital-ში.აქციების დაგეგმილი გაყიდვის შემდგომ და 2025 წლის სახელფასე აქციების მინიჭების შემდეგ, გილაური დაახლოებით 2.7 მილიონ აქციას დაიკავებს.

1756207639

საანგარიშო პერიოდში ყველაზე მეტი სასტუმრო და სასტუმროს ტიპის დაწესებულება ფუნქციონირებდა თბილისსა (22.5%) და აჭარის ა/რ-ში (20.5%).დიაგრამა ასახავს სასტუმროების რაოდენობის განაწილებას რეგიონების მიხედვით.სასტუმროს მომსახურებით დაკავებული ეკონომიკური სუბიექტებისათვის ყველაზე გავრცელებულ ორგანიზაციულ-სამართლებრივ ფორმას წარმოადგენდა „ინდივიდუალური მეწარმე“, რომელიც შეადგენდა 2024 წელს მოქმედი სასტუმროებისა და სასტუმროს ტიპის დაწესებულებების საერთო რაოდენობის  62.9%-ს.სასტუმროებისა და სასტუმროს ტიპის დაწესებულებების 99.8% კერძო საკუთრებაში იყო, ხოლო 0.2% - სახელმწიფო საკუთრებაში.2024 წელს საქართველოში მოქმედი სასტუმროებისა და სასტუმროს ტიპის დაწესებულებების საერთო ფართობი 3 610.5 ათას კვადრატულ მეტრს (2023 წლის შესაბამის მაჩვენებელზე 2.4%-ით მეტს) შეადგენდა, საიდანაც უშუალოდ ნომრების საცხოვრებელი ფართი 1 616.5 ათასი კვადრატული მეტრი იყო (2023 წლის შესაბამის მაჩვენებელზე 4.1%-ით მეტი).საქსტატის მონაცემებით, 2024 წელს მოქმედ სასტუმროებსა და სასტუმროს ტიპის დაწესებულებებში ადგილების საერთო რაოდენობამ 113.5 ათასი შეადგინა, რაც 5.3%-ით მეტია 2023 წლის შესაბამის მაჩვენებელზე. ნომრების საერთო რაოდენობა 2024 წელს წინა წელთან შედარებით 2.1%-ით გაიზარდა და 51.2 ათასი შეადგინა.2024 წელს საქართველოს სასტუმროები და სასტუმროს ტიპის დაწესებულებები 5.8 მილიონ სტუმარს მოემსახურა, რაც 16.5%-ით მეტია წინა წლის შესაბამის მაჩვენებელზე. სტუმართა 63.5%-ს უცხოელები შეადგენდნენ და მათი უმეტესობა, 549.9 ათასი (სტუმრების ჯამური რაოდენობის 14.9%), ისრაელის მოქალაქე იყო, რაც 2023 წლის შესაბამის მაჩვენებელზე 57.4%-ით მეტია. ევროკავშირის მოქალაქეები, რომელთა უმეტესობა გერმანიისა (ევროკავშირის მოქალაქე სტუმრების 30.6%) და პოლონეთის (ევროკავშირის მოქალაქე სტუმრების 20.8%) მოქალაქეები იყვნენ, უცხოელი სტუმრების მთლიანი რაოდენობის 8.2%-ს შეადგენდნენ.2024 წელს საზღვარგარეთის ქვეყნებიდან საქართველოს სასტუმროებსა და სასტუმროს ტიპის დაწესებულებებს უმეტესად სტუმრობდნენ დასვენებისა და რეკრეაციის მიზნით (89.8%).სასტუმროებსა და სასტუმროს ტიპის დაწესებულებებში დასვენებისა და რეკრეაციის მიზნით განთავსებული უცხოელი სტუმრების უმეტესობას ისრაელისა და რუსეთის ფედერაციის მოქალაქეები წარმოადგენდნენ (შესაბამისად, 15.4 და 14.7 %).2024 წელს საქართველოს სასტუმროებსა და სასტუმროს ტიპის დაწესებულებებში დასაქმებული იყო 29 082 ადამიანი, რომელთა უმეტესობას (53.3%-ს) ქალები წარმოადგენდნენ.

1756201860

„გასული წლების გამოცდილების გათვალისწინებით, ჩვენი მოლოდინია, რომ ყურძნის მიღება-გადამუშავების პროცესში, საბოლოო ჯამში, ჩართული იქნება 400-მდე ღვინის საწარმო. საკოორდინაციო შტაბი სრულ მზადყოფნაშია, რომ რთველი ჩატარდეს წარმატებით და ყველა მევენახემ შეძლოს მოსავლის სრულად და შეუფერხებლად დაბინავება. რთველის მხარდასაჭერად, სახელმწიფოს მხრიდან მიღებული წლევანდელი გადაწყვეტილება მიმართულია, რომ დაფასდეს მევენახის შრომა და უფრო მეტად დაფასდეს ის ფერმერი, რომელიც აწარმოებს ჯანსაღ და კონდიციურ ყურძენს“, – აღნიშნა ღვინის ეროვნული სააგენტოს თავმჯდომარემ ლევან მეხუზლამ.სააგენტოს ინფორმაციით, რთველის საკოორდინაციო შტაბი განთავსებულია გურჯაანის მუნიციპალიტეტის სოფელ გურჯაანში. რთველთან დაკავშირებული ინფორმაციის მიღება შესაძლებელია გარემოს დაცვისა და სოფლის მეურნეობის სამინისტროს ცხელ ხაზზე – 1501 და ასევე რთველის საკოორდინაციო შტაბის ცხელი ხაზზე – 0322 193 283.2025 წლის რთველის პროცესში, საქართველოს მთავრობის გადაწყვეტილებით, ღვინის კერძო კომპანიებზე სუბსიდია აღარ გაიცემა. იმ შემთხვევაში, თუ კერძო სექტორი ვერ შეისყიდის მთელ მოსავალს, ჭარბი ყურძნის მიღებას სახელმწიფო საწარმო შპს „მოსავლის მართვის კომპანია“ უზრუნველყოფს. კახეთის რეგიონში მოწეული საფერავის ჯიშის ყურძენს სახელმწიფო საწარმო 1.50 ლარად ჩაიბარებს, „ვაზისა და ღვინის შესახებ“ საქართველოს კანონით ნებადართულ - სხვა საღვინე ჯიშებს 1.20 ლარად, არაკონდიციურ და დაზიანებულ/ან დაავადებულ ყურძენს - 1.00 ლარად.

1756198335

სარა ჯესიკა პარკერის გმირსაც იგივე მოუვიდა “And Just Like That-ის ერთ-ერთ სერიაში: შუაგულ ნიუ-იორკში, აზიურ რესტორანში მისულ ქერი ბრედშოუს უზარმაზარი დათუნია „შეუწყვილეს“. ქართველებსაც ხომ „გვებრალება მარტოკაცი ჭამაში“?არა, საკუთარ თავთან ვახშამი ტრაგედია ნამდვილად არ არის. არც ყავის დასალევად კაფეში მარტოდ მისულს მოგანიჭებს ბედნიერებას მტვრიანი პლუშის დათვის კომპანიონობა. პრობლემა სხვაგანაა და ფაქტიც ჯიუტია:მარტოობა იმდენად გავრცელდა, რომ მსოფლიოს ჯანდაცვის ორგანიზაციამ 2023 წელს „გლობალურ საზოგადოებრივ ჯანმრთელობის საფრთხედ“ შეაფასა, ორი წლის თავზე კი მკვლევრები “გლობალური მარტოობის პანდემიაზე” უკვე ღიად საუბრობენ. ხელოვნური ინტელექტიც კი ვერ ეხმარება ადამიანს საუკეთესო „pick up line“-ის მოფიქრებაში. მაშ, რა შეიძლება იყოს ის ერთი რამ, რაც ორ სრულიად უცხო ადამიანს დააკავშირებს და საერთო სალაპარაკო თემას მისცემს?„საჭმელი“- უპასუხა 3 წლის წინ ამ რიტორიკულ კითხვას Miami Ad School-ის სტუდენტმა, გიორგი ურუშაძემ. იდეა ჯერ გონებაში ჩაიბეჭდა, მერე კი საქართველოში სატელევიზიო პროექტის ფარგლებში გააცოცხლა. ბერლინიდან თბილისში რამდენიმე საათიანი ფრენა და ნაჩქარევად აწყობილი 9-გვერდიანი პრეზენტაცია საკმარისი აღმოჩნდა. ინვესტორები  ამ ინოვაციური აპლიკაციის იდეით მოიხიბლნენ და პირველი 100 000 ლარიც გამოყვეს. ასე გაჩნდა Tasteit.აპლიკაცია ორ რეჟიმს მოიცავს: Food Mode, სადაც მომხმარებლები აღმოაჩენენ კერძებს, შეთავაზებებსა და თანამოაზრეებს და Dine Mode, რომელიც  შესაძლებლობას გაძლევს ღონისძიებები და სხვადასხვა კულინარიული თავგადასავალი დაგეგმო.ანუ, თუ ბურგერის ან ხინკლის ჭამა მოგინდა, ან თუნდაც ვეგანი ხარ და სოიოს კოტლეტით გადაწყვიტე დანაყრება, შეგიძლია სასურველ რადიუსში თანამოაზრე იპოვო, მასთან ერთად ისადილო.  თუ ამ ადამიანთან მხოლოდ საჭმელი დაგაკავშირებთ ხომ კარგი; თუ საერთო სხვა ამბავიც აღმოჩნდა, კიდევ უკეთესი. „რატომ უნდა მინდოდეს ვიღაც უცნობთან ბურგერის ჭამა. მეგობარი ან ოჯახის წევრები როცა არსებობენ“, - წერს  გიორგის პრეზენტაციის ვიდეოს ქვეშ ერთ-ერთი ფბ მომხმარებელი. არც ეგ არ არის პრობლემა. შეგიძლია ახალი კერძების აღმოსაჩენად, ოჯახის წევრები ან მეგობრები მოიწვიო.ამჟამად აპლიკაციას 42 000 მომხმარებელი ჰყავს თბილისში, ნიუ იორკსა და ბერლინში. 11 კაციანი გუნდი კი აპლიკაციის სრულყოფისთვის  გულიანად მუშაობს.„ვერასდროს ვერავინ გასწავლის და დაგაჯერებს, თუ თავად არ გწამს შენი იდეის. მართლა ამით ვცოცხლობ. როდესაც taste.it -ზე ვსაუბრობ, ტანში  ჟრუანტელი მივლის. ბერლინში ჩამოსვლისას,  თავიდანვე მინდოდა რომ ქართული სტარტაპი გამეკეთებინა“, - იხსენებს გიორგი. როცა პაემანზე მივდიოდი ყოველთვის ვცდილობდი კარგი ტიპი ვყოფილიყავი, რაღაც ჩარჩოებში ვექცეოდი. Tasteit-ში კი მთავარი საჭმელია, საუბრების უმეტესობაც საკვების ირგვლივ ტრიალებს“.ამ ეტაპზე რესტორნები აპლიკაციაში თავიანთი კერძის რეკლამაში ფულს არ იხდიან, სანაცვლოდ მომხმარებელს ანებივრებენ სპეციალური შეთავაზებებით. აპლიკაცია შემოსავლების გენერირებას ბრენდებთან პარტნიორობითა და ივენთების დაორგანიზებით ახერხებს. მალე ჩაეშვება  დამატებითი ფასიანი ფუნქციებიც.თიბისი ბიზნესდაჯილდოების აპლიკაცია  Tasteit-ის გუნდმა შარშანაც შეავსო, თუმცა გამარჯვება და „წლის საუკეთესო ინოვაციური პროდუქტის“ სტატუსი წელს ხვდათ წილად.„თიბისის ვენდობით. ზუსტად ვიცოდით, რომ კონკურსი სამართლიანად ტარდებოდა. გამარჯვების ცერემონიას პირადად ვერ დავესწარი, მეგობრებმა შემატყობინეს და კამერაში ჯილდო მოულოდნელად მაჩვენეს. სასწაული ემოციები იყო“,- იხსენებს გიორგი.მან ზუსტად იცის, რომ აპლიკაციას  დიდი პოტენციალი აქვს გლობალური ბაზრის  მსხვილი მოთამაშე გახდეს. ახლახან, META-ს აქსელერაციის პროგრამაშიც ჩაერთნენ. 800 აპლიკანტიდან Tasteit იმ 30 სტარტაპს შორის აღმოჩნდა, რომლებსაც მენტორობას წამყვანი სპეციალისტები გაუწევენ.შესაძლოა, გლობალური მარტოობის პანდემიის პრობლემა ერთმა აპლიკაციამ ვერ გადაჭრას, მაგრამ Tasteit ნამდვილად საუკეთესო და სახალისო საშუალებაა ახალი გემოებისა და ადამიანების გასაცნობად.

1756194993

როგორც შეფასებისა და გამოცდების ეროვნული ცენტრის ცნობით, სახელმწიფო გრანტი 6 500-ზე მეტმა აბიტურიენტმა მოიპოვა.„შეფასებისა და გამოცდების ეროვნულმა ცენტრმა 2025 წლის ერთიანი ეროვნული გამოცდების საბოლოო შედეგები გამოაქვეყნა. წელს უმაღლეს სასწავლებელში სწავლის გაგრძელების უფლება მოიპოვა 31 700-ზე მეტმა აბიტურიენტმა, რაც ჩარიცხვის უფლების მქონე გამოსაცდელების დაახლოებით 88 %-ს შეადგენს.2025 წელს დაფინანსდა 11 600-ზე მეტი გამოსაცდელი. სახელმწიფო გრანტი მოიპოვა 6 500-ზე მეტმა აბიტურიენტმა. აქედან - 100%-იანი სახელმწიფო გრანტი მიიღო 1000-ზე მეტმა აპლიკანტმა, 70%-იანი - 1 400-ზე მეტმა გამოსაცდელმა, 50%-იანი გრანტი კი - 4 000-ზე მეტმა აბიტურიენტმა. სახელმწიფოს მიერ დაფინანსებულ უმაღლეს საგანმანათლებლო პროგრამებზე ჩაირიცხა 5 000-მდე გამოსაცდელი. ქართულ ენაში მომზადების პროგრამებზე სწავლას 1 700-ზე მეტი აპლიკანტი გააგრძელებს - დაფინანსდა 700-ზე მეტი გამოსაცდელი.საერთო სამაგისტრო გამოცდისა და მასწავლებლისა და მასწავლებლობის მსურველთა გამოცდების აპელაციის შედეგები ცნობილი უახლოეს დღეებში გახდება.2025 წელს მთელი საქართველოს მასშტაბით სულ გახსნილი იყო 24 საგამოცდო ცენტრი. სულ გამოცდებისათვის 80 000-ზე მეტი აპლიკანტი დარეგისტრირდა, მათ შორის, ერთიანი ეროვნული გამოცდებისათვის 39 000-ზე მეტი აბიტურიენტი; სტუდენტთა საგრანტო კონკურსში მონაწილეობის სურვილი 2 400-ზე მეტმა სტუდენტმა გამოთქვა; საერთო სამაგისტრო გამოცდისათვის რეგისტრაცია 10 000-ზე მეტმა მაგისტრანტობის კანდიდატმა გაიარა; მასწავლებლისა და მასწავლებლობის მსურველთა გამოცდებისათვის კი დარეგისტრირდა 24 300-ზე მეტი აპლიკანტი.შეფასებისა და გამოცდების ეროვნული ცენტრი შეახსენებს აბიტურიენტებს, რომ ხელშეკრულების გასაფორმებლად აუცილებლად უნდა დაუკავშირდნენ იმ უმაღლეს საგანმანათლებლო დაწესებულებას, სადაც მოიპოვეს სწავლის გაგრძელების უფლება,“ - ნათქვამია ეროვნული ცენტრის მიერ გავრცელებულ ინფორმაციაში.

1756193572