სებ-ის ახლადშემოღებულ წესს ვიცე-პრეზიდენტი აფასებს

ცენტრალურმა ბანკმა კრიპტომოვაჭრეებისთვის რეგულაცია დაამატა, მომხმარებლის დაცვის და რისკების მართვის მოტივით.წესს შემოაქვს "სტაბილური ვირტუალური აქტივი (მათ შორის ლარის (ბ), უცხოური ვალუტის) მიმოქცევაში არსებული სვა სრულად (100%) უზრუნველყოფილი უნდა იყოს სარეზერვო აქტივებით.რეგულაცია ასევე ადგენს სარეზერვო აქტივების კომპოზიციას და სავალდებულო წილობრივ მაჩვენებლებს, განსაზღვრავს კაპიტალის და სარეზერვო აქტივების სეგრეგირებულ შენახვას, მფლობელთა მოთხოვნით გამოსყიდვის ვალდებულებას, ტექნოლოგიურ. საოპერაციო რისკების მართვის და კაპიტალის მოთხოვნებს.სებ-ის  ინფორმაციით, წესი ეფუძნება ორგანულ კანონში 2025 წლის 17 დეკემბერს ცვლილებებს, რომლითაც სებ-ს სრული საზედამხედველო (პრუდენციული, მომხმარებლების უფლებების დაცვა, კიბერუსაფრთხოება, საოპერაციო რისკების მართვა) უფლებამოსილება მიენიჭა. შესაბამისობა საერთაშორისო პრაქტიკებთან. სხვა ქვეყნების სამართლებრივი და მარეგულირებელი მიდგომების შეფასება, მ.შ:  ამერიკის შეერთებული შტატების საკანონმდებლო ინიციატივები სტაბილურ ვირტუალურ აქტივებთან დაკავშირებით (Genius Act);ევროკავშირი - Markets in Crypto-Assets (MiCA) რეგულაცია;დუბაი - Virtual Assets Regulatory Authority (VARA)-ს მარეგულირებელი ჩარჩო;დიდი ბრიტანეთი - სტაბილურ აქტივებთან დაკავშირებული საკანონმდებლო ინიციატივები;სინგაპური -  სტაბილურ ვირტუალურ აქტივებზე მარეგულირებელი მიდგომები. ასევე გათვალისწინებულია საერთაშორისო სავალუტო ფონდისა და ფასიანი ქაღალდების კომისიების საერთაშორისო ორგანიზაციის მიერ გამოქვეყნებული ანალიტიკური მასალები და რეკომენდაციები. საქართველოს ეროვნული ბანკი,  ვირტუალური აქტივების, მათ შორის სტაბილური ვირტუალური აქტივის მარეგულირებელი და საზედამხედველო ინსტიტუციური შესაძლებლობების გაძლიერების მიმართულებით, ტექნიკური დახმარების ფარგლებში, ასევე თანამშრომლობს მსოფლიო ბანკთან და ევროპის უშიშროებისა და თანამშრომლობის ორგანიზაციასთან. ვირტუალური აქტივის მომსახურების პროვაიდერების (VASPs) რეესტრი

1773148800

მიუხედავად მცირედი ზრდისა, საქართველოს მაჩვენებელი კვლავ ჩამორჩება 2021 წლის ნიშნულს, როდესაც ქვეყანას 76 ქულა ჰქონდა და მსოფლიოს საუკეთესო თორმეტეულში შედიოდა. 2023 წლიდან საქართველო 70-ქულიან ზღვარს ქვემოთ ნარჩუნდება, რაც 2012-2022 წლების პერიოდში დაფიქსირებულ მაღალ მაჩვენებლებთან შედარებით უკუსვლაა.კომპონენტების მიხედვით, 2026 წლის ანგარიშში ყველაზე მკვეთრი ვარდნა საკუთრების უფლებების დაცვის კუთხით დაფიქსირდა - მაჩვენებელი 9.3 ქულით შემცირდა და 53 ქულა შეადგინა. გაუარესებულია სასამართლო ეფექტიანობისა (-1.5) და საგადასახადო ტვირთის (-1.3) ინდიკატორებიც. პოზიციების გაუარესებას ექსპერტები მმართველობის ხარისხის კლებასა და ბიზნესის თავისუფლების შეზღუდვას უკავშირებენ.ამის საპირისპიროდ, მნიშვნელოვანი ზრდა ფისკალური ჯანმრთელობის მიმართულებით დაფიქსირდა (+13.2), სადაც ქვეყანამ 89.1 ქულა მიიღო. აღნიშნული გაუმჯობესება მშპ-სთან მიმართებით სახელმწიფო ვალის ფარდობის შემცირებას უკავშირდება.ინდექსის ძირითადი კრიტერიუმები (2026 წელი): ფისკალური ჯანმრთელობა: 89.1 (+13.2) საგადასახადო ტვირთი: 87.8 (-1.3) ვაჭრობის თავისუფლება: 86.8 (+0.6) ბიზნესის თავისუფლება: 76.6 (-1.5) ფულადი თავისუფლება: 70.2 (+4.9) საკუთრების უფლება: 53.0 (-9.3) რეგიონულ ჭრილში საქართველო ლიდერობას ინარჩუნებს: სომხეთი 67.1 ქულით 52-ე ადგილზეა აზერბაიჯანი - 67-ეზე (64.3) თურქეთი - 117-ეზე (55.0) ხოლო რუსეთი 145-ე პოზიციას იკავებს (50.3) 2026 წლის ინდექსის სათავეში სინგაპური (84.4), შვეიცარია (83.7) და ირლანდია (83.3) იმყოფებიან. რეიტინგის ბოლო ადგილებს ვენესუელა, კუბა და ჩრდილოეთ კორეა (3.1 ქულა) ინაწილებენ.

1773141973

ფინანსთა სამინისტროს შემოსავლების სამსახურის მებაჟე ოფიცრებმა, ეჭვის საფუძველზე, უცხო ქვეყნის მოქალაქეების, როგორც ფიზიკური, ასევე კუთვნილი ბარგის დეტალური დათვალიერების შედეგად, არადეკლარირებული ოქროს (საერთო წონით 219.81 გრამი) ნაკეთობები აღმოაჩინეს.არადეკლარირებული საქონლის საერთო საბაჟო ღირებულებამ 77 202 ლარი შეადგინა. სამართალდამრღვევი მოქალაქეების საქმის მასალები შემდგომი რეაგირების მიზნით, ფინანსთა სამინისტროს საგამოძიებო სამსახურს გადაეცა.

1773140921

ღონისძიებამ 100-მდე მონაწილე გააერთიანა, მათ შორის, წამყვანი ქართული და იაპონური კომპანიები, ინვესტორები და საჯარო მოხელეები.ბიზნესფორუმის ფარგლებში რამდენიმე საკითხზე იმსჯელეს; განიხილეს საქართველოს საინვესტიციო გარემო და ორმხრივი თანამშრომლობის პერსპექტივები განახლებადი ენერგიებისა და ლოგისტიკური მიმართულებით.კონფერენციაზე ხაზი გაესვა საქართველოს მზარდ როლს საერთაშორისო გადაზიდვებსა და მიწოდების ჯაჭვებში.ოფიციალური პროგრამის მიღმა, გაიმართა არაფორმალური სესიებიც, რაც იაპონურ და ქართულ კომპანიებს შესაძლებლობას აძლევს, დაამყარონ ახალი კონტაქტები, განიხილონ სამომავლო პარტნიორობა და განსაზღვრონ თანამშრომლობის მიმართულებები სხვადასხვა სფეროში.ღონისძიების მხარდამჭერები: საქართველოს ბიზნეს ასოციაცია, ტოიოტა კავკასია, თიბისი კაპიტალი, იაპონიის საერთაშორისო თანამშრომლობის სააგენტოს (JICA) საქართველოს ოფისი, საქართველოს ინდუსტრიული ჯგუფი, სილქ ჰოსფითალითი. (R)

1773140597

იოსელიანის განმარტებით, საქართველო, როგორც პასუხისმგებლობიანი პარტნიორი, სანქციების დაწესების დღიდან უზრუნველყოფს, რომ ქვეყნის სატრანსპორტო ინფრასტრუქტურა და ფინანსური სისტემა აკრძალვების გვერდის ავლისთვის არ იყოს გამოყენებული.მისივე თქმით, ნავსადგურებში მოქმედებს მკაცრი კონტროლის მექანიზმები, რაც საერთაშორისო ვალდებულებების ეფექტიან აღსრულებას ემსახურება.პარალელურად, სანქციების საკითხებში ევროკავშირის სპეციალურმა წარმომადგენელმა, დევიდ ო’სალივანმა საგარეო საქმეთა მინისტრ მაკა ბოჭორიშვილისადმი გაგზავნილ წერილში დაადასტურა, რომ ყულევის ტერმინალის საკითხი ხელახლა მას შემდეგ გადაიხედა, რაც ხელისუფლებამ და პორტის ოპერატორმა (SOCAR) პოზიტიური ვალდებულებები აიღეს.კერძოდ, პორტმა პირობა დადო, რომ დაიცავს რუსული ნავთობის ფასების ლიმიტსა და იმპორტის აკრძალვებს.ო’სალივანმა ხაზი გაუსვა ტანკერ M/T TRUVOR-ისთვის პორტში შესვლაზე უარის თქმის ფაქტს და აღნიშნა, რომ ევროკავშირი ყურადღებით აკვირდება „ჩრდილოვანი ფლოტის“ გადაადგილებას. ამასთან, მან გააფრთხილა ქართული მხარე, რომ ევროკავშირს აქვს ინსტრუმენტები იმ ფინანსური ინსტიტუტების დასასანქცირებლად, რომლებიც რუსულ საგადახდო სისტემებს (SPFS, SBP, MiR) იყენებენ.ევროკავშირი და საქართველო ოპერატიულ დონეზე ინფორმაციის გაცვლას ტექნიკური ექსპერტების ვიდეოკონფერენციის ფორმატში გააგრძელებენ.

1773140591

პროგრამა განკუთვნილია იმ ახალგაზრდებისთვის, რომელთაც დიზაინი აინტერესებთ, თუმცა ჯერ არ აქვთ პროფესიული გამოცდილება და საკუთარი მიმართულების ძიებაში არიან.30-ზე მეტი ლექტორისა და დიზაინის, შემოქმედებითი და ბიზნეს სფეროს პროფესიონალის ჩართულობით, 200-საათიანი კურსის განმავლობაში, სტუდენტებს შესაძლებლობა ექნებათ: სრულყოფილად გაეცნონ ინდუსტრიაში არსებულ პროფესიებს შეისწავლონ დიზაინის აკადემიური საფუძველი განივითარონ ტექნიკური უნარები დარგის საუკეთესო სპეციალისტებთან ერთად იმუშაონ რეალურ პროექტებზე გაიზიარონ ცოდნა და მიიღონ რჩევები ბიზნესისა და სოციალური სექტორის წარმომადგენლებისგან განივითარონ იდეების ვიზუალიზაციისა და პრობლემის დიზაინის გზით გადაწყვეტის უნარები კურსზე მიღებული გამოცდილებების საფუძველზე, სტუდენტები უკეთ გააზრებული პროფესიული არჩევანის გაკეთებასა და პორტფოლიოს შექმნას შეძლებენ. არ გამოტოვო ეს შესაძლებლობა. პროგრამაზე რეგისტრაცია შესაძლებელი 24 მარტამდე, ბმულზე: https://shorturl.at/qtB9Zთიბისი ქმნის და მხარს უჭერს განათლების პროგრამებს, რომლებიც ახალი თაობისთვის ცოდნას შესაძლებლობად, ხოლო შესაძლებლობას კი რეალურ წინსვლად აქცევს. დიზაინის ინსტიტუტის და თიბისის ერთობლივი ინიციატივები ახალ თაობას აძლევს სივრცეს საკუთარი ინტერესების აღმოსაჩენად, უნარების გასავითარებლად და იმ გზის გამოსავლენად, რომელიც მათ მომავალ პროფესიულ არჩევანს განსაზღვრავს.(R)

1773137145

აღნიშნული მუქარა მას შემდეგ გაჟღერდა, რაც ორშაბათს ნავთობის ფასმა ბოლო ოთხი წლის განმავლობაში პირველად გადააჭარბა 100 დოლარს ბარელზე. The Wall Street Journal-ის ინფორმაციით, მრჩევლები ტრამპს პირად საუბრებში ომის დასრულების გზების ძიებისკენ მოუწოდებენ, რადგან არსებობს შიდა პოლიტიკური უკუკავშირის შიში საწვავზე ფასების მკვეთრი მატების გამო.ტრამპის ადმინისტრაციის წარმომადგენლები აფრთხილებენ პრეზიდენტს, რომ რაც უფრო დიდხანს გააგრძელებს აშშ სამხედრო ოპერაციას ახლო აღმოსავლეთში, მით უფრო ნაკლებად სავარაუდოა კონფლიქტიდან იოლი გამოსვლა.ორშაბათს ღამით, ვლადიმერ პუტინთან სატელეფონო საუბრის დასრულებისთანავე, ტრამპმა განაცხადა: „ვფიქრობ, ომი მეტწილად დასრულებულია“, რამაც საფონდო ბირჟების ზრდა და ნავთობის ფასის ვარდნა გამოიწვია. თუმცა, რამდენიმე საათში მან საკუთარ სოციალურ პლატფორმა Truth Social-ზე დაწერა:„თუ ირანი გადადგამს რაიმე ნაბიჯს, რომელიც შეაჩერებს ნავთობის ნაკადს ჰორმუზის სრუტეში, ამერიკის შეერთებული შტატები მათ ოცჯერ უფრო ძლიერად დაარტყამს, ვიდრე აქამდე. გარდა ამისა, ჩვენ გავანადგურებთ ადვილად დასაზიანებელ სამიზნეებს, რაც ირანის, როგორც ერის, აღდგენას პრაქტიკულად შეუძლებელს გახდის. მათზე სიკვდილი, ცეცხლი და რისხვი იმეფებს - თუმცა, იმედი მაქვს და ვლოცულობ, რომ ეს არ მოხდება!“საპასუხოდ ირანის „ისლამური რევოლუციის გუშაგთა კორპუსმა“ განაცხადა: „ომის დასასრულს ჩვენ განვსაზღვრავთ“.

1773132040

უწყების განმარტებით, საჰაერო თავდაცვის სისტემები მალათიის პროვინციაში განლაგდება. სწორედ ამ რეგიონში მდებარეობს NATO-ს ქურეჯიქის სარადარო ბაზა.„ეროვნულ დონეზე მიღებული ზომების გარდა, NATO-ს მიერ საჰაერო და სარაკეტო თავდაცვის მექანიზმები კიდევ უფრო ძლიერდება“, - აღნიშნულია ოფიციალურ განცხადებაში.უსაფრთხოების ზომების გამკაცრება მოჰყვა ინციდენტს, როდესაც ირანიდან გაშვებული ბალისტიკური რაკეტა თურქეთის საჰაერო სივრცეში ალიანსის თავდაცვის სისტემებმა გაანეიტრალეს. თურქეთის პრეზიდენტი რეჯეფ თაიფ ერდოღანი მომხდარს გამოეხმაურა და ირანულ მხარეს „პროვოკაციული ნაბიჯებისგან“ თავშეკავებისკენ მოუწოდა.

1773131230