უოლტერსი: ხელისუფლება ირანის მზარდი გავლენის შესახებ კვლევის დასკვნებით უნდა იყოს შეშფოთებული

აღნიშნული მუქარა მას შემდეგ გაჟღერდა, რაც ორშაბათს ნავთობის ფასმა ბოლო ოთხი წლის განმავლობაში პირველად გადააჭარბა 100 დოლარს ბარელზე. The Wall Street Journal-ის ინფორმაციით, მრჩევლები ტრამპს პირად საუბრებში ომის დასრულების გზების ძიებისკენ მოუწოდებენ, რადგან არსებობს შიდა პოლიტიკური უკუკავშირის შიში საწვავზე ფასების მკვეთრი მატების გამო.ტრამპის ადმინისტრაციის წარმომადგენლები აფრთხილებენ პრეზიდენტს, რომ რაც უფრო დიდხანს გააგრძელებს აშშ სამხედრო ოპერაციას ახლო აღმოსავლეთში, მით უფრო ნაკლებად სავარაუდოა კონფლიქტიდან იოლი გამოსვლა.ორშაბათს ღამით, ვლადიმერ პუტინთან სატელეფონო საუბრის დასრულებისთანავე, ტრამპმა განაცხადა: „ვფიქრობ, ომი მეტწილად დასრულებულია“, რამაც საფონდო ბირჟების ზრდა და ნავთობის ფასის ვარდნა გამოიწვია. თუმცა, რამდენიმე საათში მან საკუთარ სოციალურ პლატფორმა Truth Social-ზე დაწერა:„თუ ირანი გადადგამს რაიმე ნაბიჯს, რომელიც შეაჩერებს ნავთობის ნაკადს ჰორმუზის სრუტეში, ამერიკის შეერთებული შტატები მათ ოცჯერ უფრო ძლიერად დაარტყამს, ვიდრე აქამდე. გარდა ამისა, ჩვენ გავანადგურებთ ადვილად დასაზიანებელ სამიზნეებს, რაც ირანის, როგორც ერის, აღდგენას პრაქტიკულად შეუძლებელს გახდის. მათზე სიკვდილი, ცეცხლი და რისხვი იმეფებს - თუმცა, იმედი მაქვს და ვლოცულობ, რომ ეს არ მოხდება!“საპასუხოდ ირანის „ისლამური რევოლუციის გუშაგთა კორპუსმა“ განაცხადა: „ომის დასასრულს ჩვენ განვსაზღვრავთ“.

1773132040

უწყების განმარტებით, საჰაერო თავდაცვის სისტემები მალათიის პროვინციაში განლაგდება. სწორედ ამ რეგიონში მდებარეობს NATO-ს ქურეჯიქის სარადარო ბაზა.„ეროვნულ დონეზე მიღებული ზომების გარდა, NATO-ს მიერ საჰაერო და სარაკეტო თავდაცვის მექანიზმები კიდევ უფრო ძლიერდება“, - აღნიშნულია ოფიციალურ განცხადებაში.უსაფრთხოების ზომების გამკაცრება მოჰყვა ინციდენტს, როდესაც ირანიდან გაშვებული ბალისტიკური რაკეტა თურქეთის საჰაერო სივრცეში ალიანსის თავდაცვის სისტემებმა გაანეიტრალეს. თურქეთის პრეზიდენტი რეჯეფ თაიფ ერდოღანი მომხდარს გამოეხმაურა და ირანულ მხარეს „პროვოკაციული ნაბიჯებისგან“ თავშეკავებისკენ მოუწოდა.

1773131230

ჰორმუზის სრუტის კრიზისი გაღრმავდა — IRGC-მ (ისლამური რევოლუციის გუშაგთა კორპუსი) განაცხადა, რომ „ერთი ლიტრი ნავთობიც არ გაივლის“, სანამ ირანზე თავდასხმები არ შეწყდება. ტრაფიკი სრუტეში თითქმის შეჩერებულია, რაც გლობალურ ენერგოკრიზისს იწვევს — ნავთობის ფასები ბაზარზე რეკორდულად გაიზარდა.დონალდ ტრამპი კი ერთი მხრივ ამბობს, რომ ომი „ძალიან მალე დასრულდება“ და „თითქმის დასრულებულია“, მეორე მხრივ იმუქრება: თუ ჰორმუზის სრუტე დაიბლოკება, ირანს „20-ჯერ უფრო ძლიერად“ დაარტყამს. ტრამპი ამტკიცებს, რომ ირანი „შუა აღმოსავლეთის დაპყრობას“ გეგმავდა.ამასობაში თეირანში მასობრივი მიტინგები გაიმართა, სადაც ათასობით ადამიანი გამოვიდა ქუჩებში ახალი უზენაესი ლიდერის მოჯთაბა ხამენეის (მოკლული ალი ხამენეის შვილი) მხარდასაჭერად. რეჟიმი ამას ერთიანობისა და ლეგიტიმაციის საჩვენებლად იყენებს.ირანის საგარეო საქმეთა მინისტრმა აბას არაღჩიმ განაცხადა, რომ აშშ-თან მოლაპარაკებები „არასდროს“ იქნება „მწარე გამოცდილების“ გამო. უმაღლესი ლიდერის მრჩეველმა კამალ ხარაზმა CNN-ს უთხრა: „მზად ვართ გრძელი ომისთვის, დიპლომატიის ადგილი აღარ არის“.ირანის მონაცემებით, აშშ-ისრაელის დარტყმების შედეგად 1300-ზე მეტი მშვიდობიანი მოქალაქე დაიღუპა. ირანის თავდასხმებმა კი რეგიონის ქვეყნებში 30-ზე მეტი ადამიანი იმსხვერპლა.ანალიტიკოსების თქმით, ომი გადავიდა გამძლეობისა და ეკონომიკური წნეხის ფაზაში. ირანი ფსონს დებს ენერგეტიკულ შოკზე (ჰორმუზის ბლოკადა) და რეგიონულ ქაოსზე, რათა აშშ-ისრაელის კოალიცია დაიღალოს. ტრამპის წინააღმდეგობრივი გზავნილები ასახავს შიდა პოლიტიკურ წნეხს (ნავთობის ფასები, ამომრჩეველი), მაგრამ ამავდროულად ცდილობს ძალის დემონსტრირებას. თეირანი ახალ ლიდერს იყენებს რეჟიმის გასამყარებლად, მიუხედავად მძიმე დანაკარგებისა. ორმუზის სრუტის ბლოკირების შედეგად ნავთობზე ფასები იზრდება, გლობალური ეკონომიკა შოკებს განიცდის.

1773130577

„საქართველოს მთავრობის სახელით, გილოცავთ ირანის ისლამური რესპუბლიკის უმაღლეს ლიდერად არჩევას. საქართველო დიდ მნიშვნელობას ანიჭებს ორ ქვეყანას და ხალხს შორის ურთიერთპატივისცემაზე დაფუძნებულ პარტნიორულ ურთიერთობებს. ირანელ ხალხს ვუსურვებ მშვიდობასა და კეთილდღეობას“, - ნათქვამია ირაკლი კობახიძის მილოცვაში.მოჯთაბა ხამენეის არჩევა რეგიონის სხვა ლიდერებმაც მიულოცეს. 9 მარტს მას ოფიციალური მისალოცი წერილები სომხეთის პრემიერ-მინისტრმა ნიკოლ ფაშინიანმა და აზერბაიჯანის პრეზიდენტმა ილჰამ ალიევმაც გაუგზავნეს. ამ უკანასკნელმა ირანისთვის ჰუმანიტარული დახმარების გაგზავნის განკარგულებაც გასცა. ირანის ახალ ლიდერს რუსეთის პრეზიდენტმა ვლადიმირ პუტინმაც მიულოცა.ირანის ექსპერტთა საბჭომ არჩევნები ჩაატარა ირანის წინააღმდეგ მიმდინარე ომის პირობებში ჩაატარა.რეგიონში ვითარება კვლავ უკიდურესად დაძაბულია, ხოლო წინა ლიდერის ვაჟის არჩევა ირანის მხრიდან აღიქმება როგორც უწყვეტობისა და მკაცრი პოლიტიკური ხაზის გაგრძელების სიგნალი.

1773127200

„თავდაპირველად იგეგმებოდა საქართველოს ყულევის პორტის შეყვანა სანქციების მე-20 პაკეტში რუსული ნავთობის საზღვაო გადაზიდვებისა და პორტში „ჩრდილოვანი ფლოტის“ შესვლის გამო“, - აღნიშნულია წერილში.ო'სალივანის განცხადებით, „პოზიცია გადაიხედა“ მას შემდეგ, რაც საქართველოს ხელისუფლებამ და პორტის ოპერატორმა რამდენიმე ვალდებულება აიღეს.

1773126077

სტატიაში გაეცანით ინფორმაციას იმ მხარდაჭერის შესახებ, რომელსაც მიკრობანკი “კრისტალი” ფერმერებსა და აგრო საქმიანობით დაკავებულ ადამიანებს სთავაზობს.სოფლის მეურნეობა საქართველოს, მნიშვნელოვანი და სტრატეგიული დარგია. გარდა იმისა, რომ ის ხარისხიანი, ჯანსაღი და ეკოლოგიურად სუფთა საკვები პროდუქტის ადგილობრივ წარმოებას უკავშირდება, ამ სექტორის წინსვლას სოფლად ადამიანების დასაქმება, ყოველდღიურობის გაუმჯობესება და, ზოგადად, რეგიონების განვითარებაც მოაქვს.პარალელურად, სოფლის მეურნეობა, რომელიც სეზონური, გარე ფაქტორებზე მჭიდროდ დამოკიდებული და მაღალრისკიანი დარგია, განსაკუთრებულ რესურსსა და მიდგომებს მოითხოვს. შესაბამისად, ადამიანებს, რომლებიც ამ სფეროში საქმიანობენ, განსხვავებული ფინანსური საჭიროებები აქვთ. სწორედ ამ საჭიროებებს ითვალისწინებს მიკრობანკი კრისტალის აგრო სესხი — ფერმერებისა თუ სოფლის მეურნეობით დაკავებული მომხმარებლებისთვის შექმნილი პროდუქტი.რატომ არის აგრო სესხი მნიშვნელოვანიაგრო სესხი განკუთვნილია იმ ადამიანებისთვის, რომლებსაც სოფლის მეურნეობაში საქმიანობის დაწყება სურთ და პირველი ნაბიჯების გადასადგმელად, ფინანსური რესურსი ესაჭიროებათ. ამას გარდა, აგრო სესხით სარგებლობა ეფექტიანია, თუ ფერმერს არსებული მეურნეობის გაფართოება და განვითარება — ახალი სათბურის აშენება, განსხვავებული კულტურის მოყვანა, პირუტყვის რაოდენობის გაზრდა და ა.შ. სურს.როგორც წესი, აგრო სესხის პირობები სოფლის მეურნეობის რისკებსა და საჭიროებებზეა მორგებული, სხვა ფინანსური პროდუქტებისგან ის სწორედ ამ მოქნილობით განსხვავდება. მაგალითად, აგრო სესხის მომხმარებლებს ხშირად ფულადი თანხა მოსავლის რეალიზაციამდე სჭირდებათ, რადგან მათ სასუქის, ტექნიკის, საწვავის, თუ დამხმარეების დაქირავებისთვის სხვადასხვა ხარჯის გაწევა წინასწარ უწევთ. შემოსავალს კი ისინი მოგვიანებით იღებენ. აგრო სესხი სწორედ შემოსავალზე მორგებულ გრაფიკს, საშეღავათო პერიოდსა და სხვა ხელშემწყობ ფაქტორებს ითვალისწინებს, ამიტომ ის ფერმერებისთვის ზოგჯერ ერთადერთი ხელმისაწვდომი ფინანსური რესურსია.“კრისტალის” აგრო სესხი“კრისტალისთვის” რეგიონებში მცხოვრები მეწარმეების ხელშეწყობა, სოფლად ახალი წამოწყებების მხარდაჭერა და პერსპექტიული შესაძლებლობების შექმნა  ადამიანებისთვის, რომლებისთვისაც ფინანსებზე ხელმისაწვდომობა ნაკლებია, მნიშვნელოვანი და სტრატეგიული მიმართულებაა. ამ სტრატეგიიდან გამომდინარეობს აგრო სესხი და მისი განსაკუთრებული პირობები, რომლებიც ფერმერებისა და სოფლის მეურნეობაში მომუშავე ადამიანების საჭიროებებს მაქსიმალურად ითვალისწინებს.“კრისტალის” აგრო სესხის გამოყენება მეწარმეებს სხვადასხვა მიზნით შეუძლიათ. მათ შორისაა, სასოფლო-სამეურნეო საშუალებებისა და ინვენტარის, აგრო-საწარმოო მასალების, სასუქებისა და შხამ-ქიმიკატების შეძენა, მიწების დამუშავება, დამატებითი ნაკვეთების ან ბაღების ყიდვა და მეურნეობის გაფართოება, მცირე თუ მსხვილი სასოფლო-სამეურნეო ტექნიკის, საქონლის ან მისი საკვების შეძენა, მუშა ხელის დაქირავება ან მომსახურების ხარჯების დაფინანსება ა.შ. საბოლოოდ, პროდუქტის მიზანი სასოფლო-სამეურნეო საქმიანობების, აგრარული მეწარმეობისა და რეგიონების განვითარების მხარდაჭერაა.“კრისტალის” აგრო სესხის განსაკუთრებული პირობები“კრისტალში” აგრო სესხი 100 ლარიდან 300 000 ლარამდე ოდენობით გაიცემა, ვადა კი 120 თვემდეა. სესხის წლიური საპროცენტო განაკვეთი 18%-იდან იწყება, ეფექტური კი – 22%-დან.აღსანიშნავია, რომ სესხის საშეღავათო პერიოდი 11 თვემდე გრძელდება და ეს დრო როგორც ძირს, ისე პროცენტის თანხას გულისხმობს. მაგალითად, 5-წლიანი სესხით სარგებლობისას, ფერმერი 11 თვის განმავლობაში, ბანკში არაფერს იხდის და თანხას წლის განმავლობაში მხოლოდ ერთხელ ფარავს.ამას გარდა, აგრო სესხი შემოსავლებზე მაქსიმალურად მორგებულ გრაფიკს ითვალისწინებს. ფერმერის საჭიროებების მიხედვით, შესაძლებელია წინასწარ შეთანხმება და თანხის მხოლოდ მოსავლის რეალიზაციის შემდეგ გადახდაც.საგულისხმოა, რომ თუ ფერმერს 50 000 ლარამდე სესხი სურს, მას არანაირი უზრუნველყოფა არ სჭირდება და თანხას დაჩქარებული წესით, იმავე დღეს იღებს. ზოგადად, მომხმარებლის კონკრეტული საკრედიტო ისტორიის, შემოსავლებისა და სხვა პარამეტრის გათვალისწინებით, „კრისტალის“ აგრო სესხი 50 000 ლარის ფარგლებში ყოველგვარი უზრუნველყოფის გარეშეც გაიცემა.აღსანიშნავია ისიც, რომ “კრისტალის” აგრო სესხით სარგებლობა თანამონაწილეობას არ მოითხოვს, შემოსავლის სახით კი აგრო აქტივობასთან ერთად, ხელფასის, იჯარის ან ფულადი გზავნილის შემოსავლის გათვალისწინებაცაა შესაძლებელი.თუ მომხმარებელი აგრო სესხით ან სესხებით უკვე სარგებლობს, შეუძლია, ყველა მათგანი გააერთიანოს, “კრისტალში” დაპორტირდეს და შეღავათიანი პირობები მიიღოს.თქვენს ფინანსურ შესაძლებლობებზე წინასწარ წარმოდგენას შეგიქმნით ჩვენი კალკულატორი, რომელსაც ამ ბმულზე იპოვით. აქვე გაეცნობით პროდუქტის დეტალურ პირობებსაც: https://crystal.ge/product/agro-seskhi-300-000-laramde/(R)

1773125794

ანგარიშის მიხედვით, ბაზრის ჯამური ღირებულება წლიურად 23.8%-ით გაიზარდა და 1.3 მილიარდ აშშ დოლარს მიაღწია. Galt & Taggart-ის ექსპერტები აქტივობის ზრდას ახალი მსხვილმასშტაბიანი პროექტების გაშვებასა და მეორად ბაზარზე მიწოდების მატებას უკავშირებენ. კვლევის ფარგლებში ჩატარებულმა დეველოპერების გამოკითხვამ, რომელიც პირველადი ბაზრის დაახლოებით 40%-ს მოიცავს, მყიდველთა მაღალი დივერსიფიკაცია აჩვენა.გაყიდვების სტრუქტურაში უცხო ქვეყნის მოქალაქეების წილმა 52% შეადგინა. ყველაზე მსხვილ სეგმენტს კვლავ საქართველოს მოქალაქეები წარმოადგენენ 48%-იანი წილით. მათ მოჰყვებიან ისრაელისა და ევროპის სხვადასხვა ქვეყნების მოქალაქეები 13-13%-ით. უკრაინის, რუსეთისა და ბელარუსის მოქალაქეების წილი გაყიდვებში 11%-ია, ხოლო თურქეთისა და ცენტრალური აზიის ქვეყნების მაცხოვრებლებზე 3-3% მოდის.Galt & Taggart-ის შეფასებით, ბათუმის ბაზარი ინარჩუნებს მიმზიდველობას საერთაშორისო ინვესტორებისთვის, რაც ფასების ზრდასა და ტრანზაქციების რაოდენობის მატებაში აისახება.

1773064002

ფონდის თებერვლის მონაცემებით, ყველაზე მაღალი, 1.57%-იანი ზრდა დინამიკურმა პორტფელმა დააფიქსირა. დაბალანსებული და კონსერვატიული პორტფელების მომგებიანობამ კი, შესაბამისად, 1.32% და 1.15% შეადგინა.წლის დასაწყისიდან დღემდე შემოსავლიანობის კუთხით კვლავ დინამიკური პორტფელი ლიდერობს 4.38%-იანი მაჩვენებლით. მას მოჰყვება დაბალანსებული პორტფელი 3.41%-ით და კონსერვატიული - 2.66%-ით. აღსანიშნავია, რომ დინამიკური პორტფელი შექმნის დღიდან (2023 წლის 6 აგვისტო) გაწლიურებული შემოსავლის მიხედვითაც პირველ ადგილზეა და მისი მომგებიანობა 15.2%-ს უტოლდება.2026 წლის 28 თებერვლის მდგომარეობით, საპენსიო ფონდის ჯამურმა აქტივებმა 8.7 მილიარდ ლარს გადააჭარბა, ხოლო დაგენერირებულმა ამონაგებმა ₾2.4 მილიარდს მიაღწია. ამ დროისთვის საპენსიო სქემაში 1,72 მილიონი ადამიანია გაწევრიანებული.სტატისტიკური მონაცემებით, დაგროვებითი პენსიით უკვე ისარგებლა 28,882-მა პირმა, მათზე გაცემული თანხის ოდენობამ კი ₾137.2 მლნ შეადგინა.

1773061161